Политика за приватност

Политиката за приватност на Apple е ажурирана на 4 април 2019 година.

Вашата приватност ѝ е важна на Apple, па затоа развиваме Политика за приватност што го опфаќа начинот на кој ги собираме, користиме, откриваме, пренесуваме и чуваме вашите лични податоци.

Покрај оваа Политика за приватност, обезбедуваме информации за податоците и приватноста што се вградени во нашите производи поврзани со нашата Икона за податоците и приватноста за одредени функции што баррат користење на вашите лични податоци.

Овие информации може да ги прегледате пред да ги овозможите овие функции, во Поставките поврзани со тие функции и/или онлајн на apple.com/legal/privacy. Одделете малку време за да се запознаете со нашите практики за приватност и контактирајте со нас доколку имате какви било прашања.

Собирање и употреба на личните податоци

Личните податоци се податоци што може да се користат за идентификување или стапување во контакт со одредено лице.

Може да се побара од вас да дадете лични податоци секогаш кога сте во контакт со Apple или со подружница на Apple. Компанијата Apple и нејзините подружници може да ги споделат тие лични информации помеѓу себе и да ги користат согласно оваа Политика за приватност. Покрај тоа, може да ги комбинираат и со други информации за да ги обезбедат и подобрат нашите производи, услуги, содржини и рекламирање. Давањето на бараните лични информации не е задолжително, но доколку одлучите да не го направите тоа, во многу случаи не ќе може да ви ги обезбедиме нашите производи или услуги или да одговориме на вашите прашања.

Еве неколку примери за типовите лични податоци што Apple може да ги собира и начинот на кој може да ги користиме:

Кои лични податоци ги собираме

  • Кога создавате идентификација на Apple, аплицирате за комерцијален кредит, купувате производ, преземате софтверско ажурирање, се регистрирате за час во Продавницата на мало на Apple, се поврзувате со нашите услуги, контактирате со нас вклучтелно преку социјални медиуму или учествувате во онлајн анкета, ние може да собираме разновидни информации, вклучувајќи ги вашето име, поштенксата адреса, телефонскиот број, адресата на е-пошта, претпочитањата за конткат, иднетификаторите на уредот, ИП-адресата, информациите за локацијата, информациите за кредитната картичка и информациите за профилот, каде што контактот е преку социјалните медиуми.
  • Кога ја споделувате вашата содржина со семејството и пријателите кои користат производи на Apple, испраќате ваучери за подароци и производи или ги каните да учествуваат во форумите или услугите на Apple, Apple може да ги собира податоците што ги давате за тие луѓе, како што се име, адреса, адреса за е-пошта и телефонски број. Apple ќе ги користи таквите информации за да ги оствари вашите барања, да ги обезбеди релевантниот производ или услугата или за цели против измама.
  • Во одредени јурисдикции, може да побараме идентификација што ја издава владата во ограничени околности вклучувајќи при поставување безжична сметка и активирање на вашиот уред, со цел да се продолжи комерцијалниот кредит, управувањето со резервации или како што е пропишано со законот.

Како ги користиме вашите лични податоци

Вашите лични податоци може да ги обработуваме, со ваша согласност, за целите опишани во оваа Политика за приватност, за усогласување со законска обврска на која подлежи Apple или кога проценуваме дека тоа е неопходно за целите на легитимните интереси кон кои се стреми Apple или трета страна на која може да биде потребно да ѝ се откријат информации.

  • Личните податоци што ги собираме ни помагаат да ве известуваме за најновите најави за производите на Apple, нови верзии на софтверот и претстојни настани. Доколку не сакате да бидете на нашиот список за испраќање пораки, во секое време може да се откажете со ажурирање на вашите претпочитања.
  • Личните податоци ни помагаат во креирањето, развојот, функционирањето, испораката и подобрувањето на нашите производи, услуги, содржина и рекламирање, како и за спречување загуба и за активности против измама. Ние исто така можеме да ги користиме вашите лични информации за целите на безбедност на сметките и мрежата, вклучувајќи и за да ги заштитиме нашите услуги во корист на сите наши корисници. Онаму каде што ги користиме вашите информации за цели против измама, тоа произлегува од спроведувањето на онлајн трансакција со нас. Ние ги ограничуваме нашите употреби на податоци за цели против измама на оние кои се строго неопходни и во рамките на нашите проценети легитимни интереси за да ги заштитиме нашите клиенти и нашите услуги. За одредени онлајн трансакции, ние исто така можеме да ги потврдиме информациите обезбедени од вас со јавно достапни извори.
  • Може ќе ги користиме вашите лични податоци, вклучувајќи датум на раѓање, за да се потврди идентитетот, да се помогне при идентификација на корисниците и да се определат соодветните услуги. На пример, може да го користиме датумот на раѓање за да ја определиме возраста на сопственикот на сметката за идентификација на Apple.
  • Одвреме-навреме, може да ги употребиме вашите лични податоци за да испратиме важни известувања, како што се информации за набавки и промени на нашите услови и политики. Бидејќи овие информации се важни за вашата интеракција со Apple, вие не може да се откажете од добивањето на овие информации.
  • Личните податоци може да ги употребиме и за интерни цели, како што е ревизија, анализа на податоци и истражување за подобрување на производите и услугите на Apple, како и за комуникацијата со корисниците.
  • Ако играте лотарии или влезете во натпревар или слични промоции, може да ги искористиме податоците што сте ги обезбедиле за администрација на тие програми.
  • Ако аплицирате за позиција во Apple или ако ние ги добиеме вашите информации во врска со потенцијалната улога во Apple, може да ги користиме вашите информации за да го оцениме вашето кандидирање и да контактираме со вас. Доколку сте кандидат, ќе добиете повеќе информации за начинот на кој Apple раководи со личните податоци на кандидатите во времето на апликацијата.

Извор на вашите лични податоци кога не се собираат од вас

Може да сме ги добиле вашите лични податоци од други лица што ја споделиле нивната содржина со вас користејќи го производите на Apple, испратиле сертификати и производи за подароци или ве поканиле да учествувате во услугите или форумите на Apple. Ние исто така можеме да ги потврдиме информациите обезбедени од вас кога создавате сметка за идентификација на Apple со трета страна за цели на безбедност и спречување на измами.

Доколку сте потенцијален кандидат за вработување кај Apple, може да сме ги добиле вашите лични податоци од трети страни како регрутери или надворешни веб-локации. Ние че ги користиме личните податоци што ги добиваме за да контактираме со вас за потенцијална можност или за оценка на вашето кандидирање. Доколку не ни ги обезбедите своите лични податоци директно, ќе ве информираме за изворот кога за прв пат ќе контактираме со вас во врска со вашето кандидирање. За целите на истражување и развој, може да користиме комплети од податоци, како на пример оние што содржат слики, гласови и други податоци што може да се поврзат со лицето што може да се идентификува. Кога се стекнуваме со такви групи на податоци, тоа го правиме во согласност со применливиот закон во јурисдикцијата во која групата на податоци е хостирана. Кога ги користиме таквите групи на податоци за истражување и развој, ние не се обидуваме повторно да ги идентификуваме лицата кои можат да се појават во нив.

Собирање и употреба на неличните податоци

Собираме и податоци во облик, кој сам по себе, не дозволува директно поврзување со конкретно лице. Може да собираме, употребуваме и откриваме нелични податоци за која и да е цел. Следуваат неколку примери за нелични податоци што може да ги собираме и начинот на кој може да ги користиме:

  • Може да собираме податоци за професија, јазик, поштенски број, број на област, уникатен идентификатор на уред, референтна URL, локација и временска зона каде што се користи производот на Apple за подобро да го разбереме однесувањето на корисниците и за да ги подобриме нашите производи, услуги и рекламирање.
  • Може да собираме информации за активностите на корисниците на нашата веб-страница, на услугите на iCloud, во нашите iTunes Store, App Store, MAC App Store, App Store за Apple TV и iBooks Store и на другите наши производи и услуги. Овие податоци се собираат и се користат за да ни помогнат да обезбедиме покорисни информации за нашите корисници и за да дознаеме кои делови од нашите веб-локација, производи и услуги побудуваат најголем интерес. Собраните податоци се сметаат за нелични податоци за целите на оваа Политика за приватност.
  • Може да собираме и складираме детали за тоа како ги користите нашите услуги, вклучувајќи го пребарувањето. Овие информации може да се користат за да се подобри релевантноста на резултатите што нашите услуги ги даваат. Освен во ограничени случаи за да се обезбеди квалитетот на нашите услуги преку интернет, таквите информации нема да се поврзуваат со вашата ИП-адреса.
  • Со ваша изречна согласност, може да собираме податоци за начинот на кој ги користите вашиот уред и апликациите со цел да им се помогне на програмерите да ги подобрат своите апликации.

Доколку ги комбинираме неличните со личните податоци, комбинираните податоци ќе се третираат како лични податоци доколку останат комбинирани.

Колачиња и други технологии

Веб-страниците на Apple, услугите на интернет, интерактивните апликации, пораките од е-поштата и рекламите може да користат „колачиња“ и други технологии, како што се ознаки за следење. Овие технологии ни помагаат подобро да го разбереме однесувањето на корисниците, ни кажуваат кои делови од нашите веб-страници се посетени и ја олеснуваат и мерат ефективноста на рекламите и пребарувањата на интернет. Податоците собрани со колачињата и другите технологии ги третираме како нелични податоци. Меѓутоа, доколку адресите на интернет-протоколот (ИП) или слични показатели се сметаат за лични информации од страна на локалните закони, ние, исто така, ќе ги третираме овие показатели како лични информации. Слично, доколку неличните информации се комбинирани со лични информации, ние ги третираме комбинираните информации како лични информации за целите на оваа Политика за приватност.

Рекламите што се доставуваат преку платформата за рекламирање на Apple може да се појавуваат во Apple News и App Store. Доколку не сакате да добивате реклами според вашите интереси од платформата за рекламирање на Apple, може да ја овозможите функцијата Ограничи го следењето реклами што ќе ја отстрани вашата идентификација на Apple од добивање такви реклами без разлика кој уред го користите. Доколку ја овозможите функцијата Ограничи го следењето реклами на мобилниот уред, третите лица нема да можат да го користат идентификаторот за рекламирање, неличен идентификатор на личниот уред, за да ви прикажуваат реклами. Сепак, можно е да се прикажуваат реклами во App Store или News според контекстот, како што се вашите пребарувања или каналот што го читате. Кај апликациите на трети лица, може ќе гледате реклами според други информации.

Apple и неговите партнери, исто така, користат колачиња и други технологии за да запомнат лични податоци кога ја користите нашата интернет-страница, онлајн услуги и апликации. Нашата цел во овие случаи е да овозможиме вашето искуство со Apple да биде попријатно и лично. На пример, тоа што го знаеме вашето име ни овозможува да ве поздравиме следниот пат кога ќе ја посетите Apple Online Store. Со тоа што ги знаеме вашата држава и јазик - а ако сте едукатор, и вашето училиште - ни помага да ви овозможиме лично и покорисно искуство за купување. Со тоа што знаеме дека некој кој го користи вашиот компјутер или уред купил одреден производ или искористил одредена услуга ни помага да го направиме нашето рекламирање и комуникација по е-пошта порелевантни за вашите интереси. И со тоа што ги знаеме вашите информации за контакт, идентификаторите на хардверот и информациите за вашиот компјутер или уред, ни помага да го персонализираме вашиот оперативен систем, да ја поставиме вашата услуга iCloud и да ви овозможиме подобри кориснички услуги.

Ако сакате да ги оневозможите колачињата, а го користите веб-пребарувачот Safari, одете во параметрите на Safari, а потоа во панелот за приватност за да управувате со параметрите. На вашиот мобилен уред на Apple, одете во Поставки, потоа Safari, листајте надолу до делот Приватност и безбедност, а потоа допрете „Блокирај колачиња“ за да управувате со параметрите. За останатите пребарувачи, проверете со вашиот давател на услугата за да дознаете како да ги оневозможите колачињата. Имајте предвид дека со оневозможувањето на колачињата, одредени опции на интернет-страницата на Apple нема да бидат достапни.

Како што е случајот со поголемиот дел од интернет-услугите, ние автоматски собираме некои податоци и ги чуваме во датотеките за евиденција. Овие податоци ги вклучуваат адресите на интернет протоколот (ИП), видот пребарувач и јазикот, давателот на интернет-услугата, упатувачките и излезните веб-страници и апликации, оперативниот систем, трагата за датум/време и податоците за посетените интернет-страници. Ние ги користиме тие податоци за да ги разбереме и анализираме тенденциите, за да ја администрираме страницата, да го проучиме однесувањето на корисниците, да ги подобриме производите и услугите и во целина да собереме демографски податоци за нашата база на корисници. Apple може да ги користи тие информации во своите маркетиншки и рекламни услуги.

Во некои од нашите пораки по е-пошта користиме „посета на надворешни веб-страници“ поврзани со содржината на веб-страницата на Apple. Кога корисниците притискаат на една од овие врски за веб-страници, тие поминуваат преку посебен веб-сервер пред да стигнат до целната страница на нашата веб-страница. Ние ги следиме податоците од притискањето за да го утврдиме интересот во одредени теми и за да ја измериме ефективноста на нашата комуникација со корисниците. Доколку не сакате да ве следиме на овој начин, не треба да притискате на текстовите или графичките линкови во пораките по е-пошта. Пиксел ознаките ни овозможуваат да праќаме пораки по е-пошта во формат што корисниците можат да го читаат и, исто така, ни кажуваат дали пораката е отворена. Тие податоци може да ги користиме за да го намалиме бројот или да ги откажеме пораките што се испраќаат до корисниците.

Откривање на трети страни

Понекогаш Apple може на третите страни да им обезбеди одредени лични податоци со цел обезбедување или подобрување на нашите производи или услуги, вклучително и за испорака на производи на ваше барање, или да му помогне на Apple да им продава на клиентите. Кога е така, бараме од третите страни да се справуваат со тоа согласно важечките закони. Личните податоци никогаш нема да се споделуваат со трети страни за нивни маркетиншки цели. На пример, кога го купувате и активирате својот iPhone, вие ги овластувате Apple и вашиот operator да ги разменуваат информациите што ги обезбедувате за време на процесот на активацијата за вршење услуги, вклучувајќи ги и информациите за вашиот уред. Доколку имате одобрение за услугата, вашата сметка ќе подлежи на односните политики за приватност на Apple и вашиот оператор.

Даватели на услуги

Apple ги споделува личните податоци со компании што даваат услуги како, што е обработка на податоци, продолжување кредит, исполнување кориснички нарачки, доставување производи до вас, управување со и подобрување на корисничките податоци, обезбедување кориснички услуги, проценување на вашиот интерес за нашите производи и спроведување истражување на корисниците или анкети за степен на задоволство. Овие компании се обврзани да ги заштитат вашите информации и може да се наоѓаат секаде каде што работи Apple.

Други

Може да е неопходно - со закон, законска процедура, парница и/или барање од јавните или владини власти во или надвор од вашата држава - Apple да ги открие вашите лични податоци. Податоците за вас може да ги откриеме и доколку утврдиме дека за целите на националната безбедност, спроведувањето на законите или други прашања од јавен интерес, откривањето е неопходно или соодветно. Може да откриваме информации за вас, но само онаму каде што има правна основа за тоа, ако одлучиме дека откривањето е разумно неопходно за спроведување на нашите одредби и услови или заштита на нашите операции или корисници.  Ова би можело да вклучува обезбедување информации на јавните или владините органи на власт. Покрај тоа, во случај на реорганизација, спојување или продажба, може да пренесеме некои или сите лични податоци што ги собираме на соодветната трета страна.

Заштита на личните податоци

Apple има сериозен пристап кон безбедноста на вашите лични податоци. Услугите на Apple преку интернет, како што се Apple Online Store и iTunes Store, ги заштитуваат вашите лични информации во текот на преносот со кодирање, на пример, Transport Layer Security (TLS). Кога Apple ги складира вашите лични податоци, користиме компјутерски системи со ограничен пристап, сместени во објекти што применуваат мерки на физичка безбедност. Со исклучок на iCloud Mail, податоците од iCloud се складираат во кодиран облик, дури и кога се користи простор за складирање на трети страни.

Кога користите некои од производите, услугите или апликациите на Apple или поставувате коментар на форум, соба за разговор или услуга за социјално вмрежување на Apple, личните податоци и содржина кои ги споделувате се видливи за други корисници и тие може да ги прочитаат, собираат или користат. Вие сте одговорни за личните информации кои сте избрале да ги споделите или доставите во овие случаи. На пример, ако ги наведете своето име и адреса за е-пошта со поставување коментар на форум, тие информации стануваат јавни. Внимавајте при користењето на овие опции.

Ако вие или некој друг што користи Семејно споделување се најавите на уред што е во сопственост на трета страна, сите споделени информации во вашето Семејство – вклучувајќи календар, локација, фотографии и купени iTunes – може да се преземат на уредот на таа трета страна и на тој начин да се откријат таквите споделени информации. Посетете го Семејното споделување за повеќе информации.

Постоењето на автоматизирано донесување одлуки, вклучително и профилирањето

Apple не презема никакви одлуки кои вклучуваат употреба на алгоритми или профилирање кои значително влијаат на вас.

Интегритет и задржување на личните податоци

Apple ви олеснува да ги одржувате вашите лични податоци точни, целосни и ажурирани. Ние ќе ги задржиме вашите лични податоци за периодот што е потребен за исполнување на целите наведени во оваа Политика за приватност и нашите прегледи за приватност што се специфични за услугите. Кога ги оценуваме тие периоди, внимателно ја испитуваме нашата потреба од собирање на личните податоци воопшто, а доколку утврдиме вистинска потреба, ги задржуваме само за најкусиот можен период за целите на разбирање на потребата од собирањето, освен ако со закон не се бара подолг период на задржување.

Пристап до личните податоци

Може да ни помогнете да бидеме сигурни дека вашите информации за контакт и претпочитања се точни, прецизни и ажурирани доколку се пријавите на страницата за сметката на Apple ID. Во врска со другите лични информации што ги поседуваме, ќе добиете пристап и копија за која било цел, вклучувајќи барање за исправка на погрешни податоци или бришење на податоците доколку Apple не треба да ги задржи според законот или заради легитимна деловна цел. Може да одбиеме обработка на барања кои се несериозни/здодевни, ја загрозуваат приватноста на другите и се премногу непрактични или за кои не се бара пристап согласно локалниот закон. Ние исто така можеме да одбиеме аспекти на бришење или барања за пристап, ако веруваме дека тоа ќе ја поткопа нашата легитимна употреба на податоци за цели против измама и за безбедност, како што е опишано претходно. Онлајн алатките за извршување на барањата за пристап, корекција или бришење се достапни на регионална основа со пријавување на privacy.apple.com. Онаму каде што онлајн алатката во моментот не е достапна за пристап во вашиот регион, барањето може да се испрати директно на apple.com/legal/privacy/contact.

Деца и образование

Разбираме колку е важно да се преземе дополнителна претпазливост за да се заштити приватноста и безбедноста на децата кои користат производи и услуги на Apple. На деца под 13 години или еквивалентна минимална возраст во соодветната јурисдикција, не им е дозволено да создаваат сопствени профили за идентификација на Apple (Apple ID), освен доколку нивниот родител не обезбедил потврдена согласност или како дел од процесот на креирање сметка на дете во опцијата Семејно споделување или ако добиле сметка на Управувана идентификација на Apple (каде што е достапна) преку нивното училиште. На пример, родителот мора да ги прегледа следните информации Откривање на идентификацијата на Apple (Apple ID) и на семејното споделување и да се согласи со Одобрување за Apple да ги собира, користи и открива информациите на вашето дете и со Услови и правила на iTunes Store, пред да може да започне со процесот на создавање сметка за идентификација на Apple за сопственото дете. Дополнително, училиштата кои учествуваат во Менаџерот на училиштето на Apple и кои го прегледале и се согласиле со Откривањето на управувана идентификација на Apple за ученици може да создаваат Управувани идентификации на Apple за ученици. Откривањето на управувана идентификација на Apple за ученици опишува како Apple ракува со информациите на учениците и ја заменува Политиката за приватност на Apple. Дознајте повеќе за Семејното споделување, Управуваните идентификации на Apple и Ограничувањата за детските сметки. Доколку дознаеме дека сме собрале лични податоци за дете под 13 години или соодветната најмала возраст зависно од јурисдикцијата, надвор од гореопишаните околности, ќе се обидеме да ги избришеме податоците што е можно поскоро. Ако, во кое било време, родителот сака да пристапи, поправи или избрише податоци поврзани со својата сметка на Семејното споделување или сметката за идентификација на Apple на детето, може да контактира со нас преку една од опциите на дното на оваа страница.

Услуги базирани на локација

За обезбедување услуги базирани на локација или производи на Apple, Apple и вашите партнери и носители на лиценци, како даватели на податоци од карти, може да собираат, користат и споделуваат прецизни податоци за локацијата, вклучувајќи ја и географската локација во реално време на вашиот Apple компјутер или уред. Каде што е достапно, услугите базирани на локација може да користат GPS, Bluetooth и вашата ИП-адреса, заедно со јавни пристапни точки за Wi-Fi и локации на репетитори и други технологии за да ја определат приближната локација на вашиот уред. Освен ако не дадете согласност, овие податоци за локација се собираат анонимно во форма што вас лично не ве идентификува и се користи од Apple и нашите партнери и овластени страни за да се обезбедат и подобрат производите и услугите базирани на локација. На пример, вашиот уред да ја сподели сопствената географска локација со давателите на апликации кога вие ќе ги овозможите нивните услуги за локација.

Некои услуги што се базираат на локација и се нудат од страна на Apple, како што е опцијата „Најди го мојот iPhone“, бараат ваши лични податоци за да може да функционира опцијата.

Страници и услуги на трети страни

Веб-страниците, производите, апликациите и услугите на Apple може да содржат линкови до страници, производи и услуги на трети страни. Нашите производи и услуги може да користат или нудат и производи или услуги од трети страни, на пример, апликација за iPhone од трета страна.

Податоците што се собираат од трети лица, а коишто може да вклучуваат податоци за локација или детали за контакт, се регулираат со нивните практики за приватност. Ние ве охрабруваме да се запознаете со практиките за приватност на тие трети страни.

Доколку купите претплата за апликација на трета страна или во рамките на News, ќе создадеме Идентификација на претплатникот којашто е уникатна за вас и за програмерот или издавачот и којашто ќе ја користиме за да испраќаме извештаи на програмерот или издавачот што вклучуваат информации за претплатата што сте ја купиле и вашата земја на живеење. Ако ги откажете сите претплати кај одреден програмер или издавач, Идентификацијата на претплатникот ќе се ресетира по 180 дена ако не се претплатите одново. Овие информации се доставуваат до програмерите за да можат да ги разберат можностите на нивите претплати.

Меѓународни корисници

Сите податоци што ќе ги дадете може да бидат префрлани или до нив да пристапуваат субјекти ширум светот, како што е опишано во Политиката за приватност. Личните податоци што се поврзувани со услугите на Apple, во врска со поединци што престојуваат во земја-членка на Европската економска област и Швајцарија, ги контролира Apple Distribution International во Ирска и во свое име ги обработува Apple Inc. Apple користи одобрен модел договорни клаузули за меѓународен пренос на лични информации собрани во Европската економска област и Швајцарија. Apple, како глобална компанија, има голем број правни субјекти во различни јурисдикции кои се одговорни за личните податоци што ги собираат и се обработуваат за нив од страна на Apple Inc. На пример, нашите индивидуални малопродажни субјекти во секоја земја ги контролираат информациите за продажба во нашите малопродажни субјекти надвор од САД. Правните субјекти надвор од САД може да ги контролираат личните податоци поврзани со Apple, продавницата на интернет и iTunes како што е опишано во условите на користење за секоја услуга.

Apple се придржува до Системот правила за приватност на Азиско-пацифичката економска соработка (APEC) во безграничниот појас. Системот APEC CBPR обезбедува работна рамка за организациите да обезбедат заштита на личните податоци што се пренесуваат меѓу учесниците на економиите од APEC. За да дознаете повеќе за сертификатите и решавањето спорови на APEC, кликнете на логото TRUSTe.

Посветеност на целата наша компанија на вашата приватност

За да ја обезбедиме безбедноста на вашите лични податоци, ги запознаваме вработените на Apple со насоките за приватност и безбедност и строго ги спроведуваме заштитните мерки во рамките на компанијата.

Прашања за приватноста

Доколку имате прашања или грижи во врска со Политиката за приватност или обработката на податоците на Apple, треба да контактирате со нашиот Европски службеник за заштита на податоците или доколку сакате да поднесете жалба за можно кршење на локалните закони за приватноста, контактирајте со нас. Секогаш може да контактирате со нас на соодветниот број за Поддршка на Apple за вашата земја или регион.

Кога ќе се добие прашање за приватност или прашање за личните податоци што се примени како одговор на барањето за пристап/преземање, имаме посветен тим којшто го обработува вашиот контакт за решавање на вашето прашање. Онаму каде што вашиот проблем може да е од посуштествена природа, може да побараме повеќе информации од вас. Сите такви суштински контакти добиваат одговор во рок од седум (7), дена каде што е можно - обезбедувајќи одговор на поставеното прашање, барајќи дополнителни информации каде што е потребно или укажувајќи дека за одговор ќе биде потребно дополнително време. Доколку не сте задоволни со добиениот одговор, жалбата може да ја проследите до соодветното регулаторно тело во вашата земја. Што се однесува до нас, ќе се обидеме да ве информираме за начините на решавање на жалбата што може да се применат во вашиот случај.

Онаму каде што вашата жалба укажува дека може да се направи подобрување во нашето справување со прашања поврзани со приватноста, ќе преземеме чекори за да направиме такво ажурирање во следната разумна можност.  Во случај кога прашањето на приватноста резултирало со негативно влијание на вас или на друго лице, ќе преземеме чекори да го решаваме тоа со вас или со тоа друго лице.

Apple може одвреме-навреме да ја надгради својата Политика за приватност. Кога на материјален начин ја менуваме нашата политика, на нашата страница ќе поставиме известување заедно со надградената Политика за приватност. Исто така, ќе контактираме со вас преку информациите за контакт во датотеката, на пример со известување по е-пошта или некој друг еквивалентен начин. 

Apple Inc. One Apple Park Way, Cupertino, California, USA,95014

Потврдување сертификат за приватност на TRUSTe