Þessir skilmálar mynda samning milli þín og Apple („samningurinn“). Lestu samninginn vandlega.

EFNISYFIRLIT

A. INNGANGUR

B. GREIÐSLUR, SKATTAR OG ENDURGREIÐSLUR

C. REIKNINGUR

D. PERSÓNUVERND

E. AÐGENGI

F. REGLUR UM NOTKUN Á ÞJÓNUSTU OG EFNI

G. RIFTUN OG STÖÐVUN Á ÞJÓNUSTU

H. NIÐURHAL

I. ÁSKRIFTIR

J. AÐGENGI AÐ EFNI OG ÞJÓNUSTU

K. TÆKI OG BÚNAÐUR ÞRIÐJA AÐILA

L. ÞJÓNUSTA VIÐ VIÐSKIPTAVINI

M. INNSENT EFNI ÞITT Í ÞJÓNUSTU OKKAR

N. FAMILY SHARING

O. ÞÁTTARAÐARPASSI EÐA FJÖLNOTA PASSI

P. VIÐBÓTARSKILMÁLAR APP STORE

Q. VIÐBÓTARSKILMÁLAR FYRIR APP STORE, APPLE BOOKS, APPLE PODCASTS OG VALIÐ EFNI

R. VIÐBÓTARSKILMÁLAR APPLE MUSIC

S. VIÐBÓTARSKILMÁLAR APPLE FITNESS+

T. AÐILD HJÁ ENDURSÖLUAÐILA

U. ÝMISLEGT K. ÝMSIR SKILMÁLAR SEM EIGA VIÐ UM ALLA ÞJÓNUSTU

A. INNGANGUR

Þessi samningur gildir um notkun þína á þjónustu Apple („þjónusta“) þar sem þú getur keypt, fengið, veitt leyfi fyrir, leigt eða gerst áskrifandi að efni, forritum (eins og skilgreint er hér að neðan) og annarri þjónustu í forritum (saman nefnt „efni“). Efni kann að vera boðið í gegnum þjónustu Apple eða þriðja aðila. Dæmi um þjónustu eru, þar sem það er í boði, App Store, áskriftir (eins og þær eru skilgreindar hér að neðan), Apple Arcade, Apple Books, Apple Fitness+, Apple Games, Game Center, Apple Music, Apple News, Apple One, Apple Podcasts, Apple Sports, Apple TV, iTunes og Shazam. Þú getur notað þjónustu okkar í þínu búsetulandi eða búsetusvæði („heimaland“), en einnig innan annarra aðildarríkja ESB þar sem þú dvelur tímabundið. Með því að stofna reikning til að nota þjónustuna í tilteknu landi eða svæði ertu að tilgreina það land sem heimalandið þitt. Þú þarft samhæfan vélbúnað, hugbúnað (mælt er með nýjustu útgáfu og sumum tilfellum er hún áskilin) og nettengingu (gjöld kunna að vera innheimt) til að nota þjónustu okkar. Þessir þættir geta haft áhrif á gæði þjónustunnar.

B. GREIÐSLUR, SKATTAR OG ENDURGREIÐSLUR

Þú getur bæði nálgast efni í gegnum þjónustu okkar ókeypis eða gegn gjaldi, en í báðum tilvikum kallast það „kaup“. Með hverjum kaupum færðu eingöngu leyfi til að nota efnið. Hver kaup eru rafrænn samningur milli þín og Apple og/eða aðilans sem býður upp á efnið í gegnum þjónustu okkar. Ef þú ert hins vegar viðskiptavinur Apple Distribution International Ltd. eða Apple Services Pte. Ltd., er viðkomandi aðili skráður söluaðili fyrir allt efni sem þú færð frá Apple Books, Apple Podcasts eða App Store, eins og fram kemur á vörusíðunni og/eða við kaup á viðkomandi þjónustu. Í slíku tilfelli færðu efnið frá Apple Distribution International Ltd. eða Apple Services Pte. Ltd., eftir því sem við á, sem hefur fengið leyfi frá efnisveitunni (t.d. forritsútgefanda (eins og hann er skilgreindur hér á eftir), bókaútgefanda o.s.frv.). Þegar þú gengur frá fyrstu kaupum þínum biðjum við þig um að velja hversu oft við eigum að biðja um aðgangsorðið þitt vegna síðari kaupa. Í þeim Apple-hugbúnaði sem þetta á við um biðjum við þig um að sannvotta öll kaup með fingrafarinu þínu ef þú virkjar Touch ID og ef þú virkjar Face ID fyrir kaup biðjum við þig um að sannvotta öll kaup með andlitsgreiningu. Þú getur stjórnað stillingum aðgangsorðsins hvenær sem er með því að fylgja þessum leiðbeiningum: https://support.apple.com/HT204030.

Apple skuldfærir öll kaup af völdum greiðslumáta ásamt viðeigandi sköttum. Ef þú hefur bætt greiðslumátanum við Apple Wallet kann Apple að skuldfæra af völdum greiðslumáta í Apple Wallet með Apple Pay. Þú getur tengt marga greiðslumáta við Apple-reikninginn þinn og þú samþykkir að Apple megi geyma og skuldfæra kaupin af þessum greiðslumátum. Aðalgreiðslumátinn þinn birtist efst á greiðslusíðu reikningsstillinga.

Ef ekki tekst af einhverjum ástæðum að skuldfæra af aðalgreiðslumátanum (til dæmis ef kortið er útrunnið eða ekki er næg innistæða á því) veitir þú Apple leyfi til að reyna að skuldfæra af öðrum gjaldgengum greiðslumátum, frá þeim efsta til þess neðsta eins og þeir birtast á greiðslusíðu reikningsstillinganna. Ef við getum ekki rukkað þig berð þú ábyrgð á óinnheimtum upphæðum og við gætum reynt að rukka þig aftur eða beðið þig um að gefa upp annan greiðslumáta. Ef þú forpantar efni verður það skuldfært þegar þú færð efnið afhent (nema þú afpantir áður en efnið verður aðgengilegt). Í samræmi við gildandi lög kann Apple að uppfæra greiðslumáta þína sjálfkrafa í greiðsluupplýsingunum ef greiðslukerfi eða fjárhagsstofnanir þínar veita slíkar upplýsingar. Skilmála sem tengjast inneign í verslun og gjafakortum/gjafakóðum má nálgast hér: https://www.apple.com/legal/internet-services/itunes/giftcards. Frekari upplýsingar um hvernig kaup eru skuldfærð er að finna á http://support.apple.com/HT201359. Þú samþykkir að fá alla reikninga á rafrænu formi, sem gæti falið í sér að fá senda tölvupósta. Verð á efni getur breyst hvenær sem er. Ef tæknileg vandamál hindra eða tefja afhendingu á efni úr hófi fram, eða ef eitthvað vantar í eða gallar eru á efninu, er eina úrlausnin fyrir þig að annað hvort fá efnið afhent aftur (sé það mögulegt) eða fá endurgreitt. Einstaka sinnum kann Apple að fresta eða hætta við greiðslu eða hafna beiðni um endurgreiðslu ef við finnum vísbendingar um svik, misnotkun, eða ólögmæta eða annars konar óheiðarlega hegðun sem veitir Apple rétt á gagnkröfu.

C. REIKNINGUR

Þú þarft hugsanlega Apple-reikning til að nota þjónustuna okkar og fá aðgang að efninu þínu. Apple-reikningurinn (áður nefnt „Apple ID“) er reikningurinn sem þú notar í vörum Apple. Notkun Game Center fellur undir þennan samning og krefst einnig Game Center-reiknings. Reikningurinn þinn er verðmætur og þú berð ábyrgð á að halda honum leyndum og öruggum. Apple ber ekki ábyrgð á neinu tjóni sem verður vegna óheimillar notkunar á reikningnum þínum. Hafðu samband við Apple ef grunur leikur á að brotist hafi verið inn á reikninginn þinn.

Þú verður að hafa náð 13 ára aldri (eða sambærilegum lágmarksaldri í heimalandi þínu, eins og kemur fram við stofnun Apple-reiknings) til að stofna reikning og nota þjónustu okkar. Foreldri eða forráðamaður sem notar Family Sharing eða viðurkennd menntastofnun getur stofnað Apple-reikning fyrir einstaklinga undir þessum aldri. Foreldri eða forráðamaður sem stofnar reikning fyrir ólögráða einstakling skal fara yfir þennan samning með ólögráða einstaklingnum til að ganga úr skugga um að báðir aðilar skilji hann.

Þú mátt bæta við, tilkynna eða fjarlægja eldri tengilið fyrir Apple-reikninginn, eins og lýst er á http://support.apple.com/HT212360. Aðgangur eldri tengiliðar að Apple-reikningnum þínum er takmarkaður eins og lýst er á http://support.apple.com/HT212361.

D. PERSÓNUVERND

Notkun þín á þjónustu okkar fellur undir persónuverndarstefnu Apple, sem er að finna á http://www.apple.com/legal/privacy/.

E. AÐGENGI

Frekari upplýsingar um aðgengiseiginleika og aðrar upplýsingar sem tengjast aðgengi að þjónustunni er að finna á https://www.apple.com/accessibility/labels.

F. REGLUR UM NOTKUN Á ÞJÓNUSTU OG EFNI

Notkun þín á þjónustu og efni verður að vera í samræmi við reglurnar sem koma fram í þessum hluta („notkunarreglur“). Önnur notkun á þjónustu og efni er brot á þessum samningi. Apple kann að fylgjast með notkun þinni á þjónustu og efni til að ganga úr skugga um að farið sé að þessum notkunarreglum.

Öll þjónusta:

- Þú mátt aðeins nota þjónustuna og efnið í persónulegum en ekki í viðskiptaskyni (nema eins og kemur fram í hlutanum um efni í App Store hér fyrir neðan eða eins og Apple hefur tilgreint á annan hátt).

- Afhending Apple á þjónustu eða efni veitir þér ekki rétt til að nota það í viðskipta- eða markaðsskyni og felur ekki sér veitingu eða afsal nokkurra réttinda af hálfu eigenda höfundarréttar.

- Þú getur notað efni af allt að fimm (5) mismunandi Apple-reikningum í hverju tæki.

- Fyrir hverja þjónustu geturðu verið með allt að 10 tæki (en aðeins að hámarki 5 tölvur) innskráð á Apple-reikninginn þinn hverju sinni, en streymi og niðurhal efnis á sama tíma getur takmarkast við færri tæki eins og kemur fram hér á eftir undir efni í Apple Music og Apple TV. Hver tölva verður einnig að vera með heimild til að nota sama Apple-reikninginn (frekari upplýsingar um tölvuheimildir er að finna á https://support.apple.com/HT201251). Tengja má tæki við annan Apple-reikning einu sinni á 90 daga fresti.


- Óheimilt er að eiga við fjölda spilana, niðurhal, einkunnir eða umsagnir, til dæmis með því að (i) nota þjarka, forskrift eða sjálfvirkt ferli eða (ii) bjóða upp á eða taka við þóknun eða umbun.

- Óheimilt er að nota hugbúnað, tæki, sjálfvirkt ferli eða annað sambærilegt eða jafngilt handvirkt ferli til að taka saman, afrita eða framkvæma mælingu, greiningu eða eftirlit með neinum hluta efnisins eða þjónustunnar.

- Það er á þína ábyrgð að glata ekki, eyðileggja eða skemma efni sem hefur verið sótt. Mælt er með að taka öryggisafrit af efninu með reglulegu millibili.

- Þú mátt ekki eiga við eða sneiða hjá öryggistækni sem fylgir þjónustunni eða efninu.

- Þú mátt aðeins opna þjónustu okkar með Apple-hugbúnaði og mátt ekki breyta eða nota breyttar útgáfur af slíkum hugbúnaði.

- Þú getur athugað vörusíðuna fyrir hverja þjónustu eða forrit þriðja aðila í App Store til að skera úr um samhæfi.

- Myndefni krefst HDCP-tengingar.

Sala og leiga á hljóð- og myndefni:

- Þú getur notað efni sem er ekki varið er með stafrænum réttindum (DRM) í hæfilegum fjölda samhæfra tækja sem þú átt eða stjórnar. Nota má DRM-varið efni í allt fimm (5) tölvum og ótakmörkuðum fjölda tækja sem þú samstillir tölvurnar við.

- Leiga á efni verður sýnileg í einu tæki í einu og leigt efni verður að spila innan 30 daga og ljúka spilun innan tveggja sólarhringa (48 klukkustunda) eftir að spilun hefst (stöðvun, hlé eða endurræsing lengir ekki þennan tíma).

- Þú mátt brenna lagalista af keyptri tónlist á disk til að hlusta á allt að sjö (7) sinnum; þessi takmörkun gildir ekki um efni sem ekki er höfundarréttarvarið. Ekki má brenna annað efni á disk. Þú mátt nota hljóðdiskinn sem þú brenndir efnið þitt á með sama hætti og má nota hljóðdisk sem keyptur er í verslun, í samræmi við takmarkanir höfundarréttarlaga í viðkomandi landi.

-°Keypt efni verður almennt áfram í boði til að sækja, endursækja eða nálgast á annan hátt hjá Apple. Þótt það sé ólíklegt er hugsanlegt að efni verði fjarlægt úr þjónustunni eftir að kaup hafa farið fram (til dæmis vegna þess að útgefandinn fjarlægði það) og verður þá ekki lengur hægt að sækja eða nálgast það hjá Apple. Til að tryggja að þú getir áfram notið efnisins er mælt með að sækja allt keypt efni í tæki í þinni eigu og að taka afrit af því.

Efni í App Store:

- Hugtakið „forrit“ felur í sér forrit og forritsbúta fyrir kerfi og/eða stýrikerfi Apple, þar með talið öll kaup í forriti, viðbætur (eins og lyklaborð), límmiða og áskriftir sem boðið er upp á í slíkum forritum eða forritsbútum.

- Einstaklingar sem starfa fyrir verslunarfyrirtæki, opinberar stofnanir eða menntastofnanir („fyrirtæki“) geta sótt og samstillt forrit, að undanskildum Arcade-forritum, sem notuð eru af annaðhvort (i) einum einstaklingi í einu (1) eða í fleiri tækjum sem er í eigu eða stjórnað er af fyrirtæki; eða (ii) mörgum einstaklingum í einu samnýttu tæki sem er í eigu eða stjórnað er af fyrirtæki. Tekið skal fram að tæki sem notað er af mörgum, hvort sem er á sama tíma eða ekki, þarf á sérstöku leyfi að halda.

Apple Music:

- Einstaklingsaðild að Apple Music gerir þér kleift að streyma í einu tæki í einu; fjölskylduaðild gerir þér eða fjölskyldumeðlimum þínum kleift að streyma í allt að sex (6) tækjum í einu.

Apple Arcade:

- Aðeins má sækja, eða sækja aftur, Apple Arcade-forrit með virkri prufuáskrift eða áskrift að Apple Arcade.

- Þegar áskriftinni lýkur verða forrit sem sótt voru í gegnum Apple Arcade ekki lengur aðgengileg.

Efni í Apple TV

- Á flestum rásum getur þú streymt myndefni í allt að þremur (3) tækjum samtímis.

- Frekari upplýsingar um notkunarreglur efnis í Apple TV er að finna á https://support.apple.com/HT210074

G. RIFTUN OG STÖÐVUN Á ÞJÓNUSTU

Ef þú uppfyllir ekki grundvallarskyldur þínar í þessum samningi, svo sem greiðsluskyldu þína eða skyldur sem tilgreindar eru í hlutunum „INNSENT EFNI ÞITT Í ÞJÓNUSTU OKKAR“ eða „REIKNINGUR“, eða ef um svik er að ræða, kann Apple að: (i) rifta þessum samningi og/eða loka Apple-reikningnum þínum og þú berð ábyrgð á upphæðum á gjalddaga vegna Apple-reikningsins til og með riftunardagsetningunni; og/eða (ii) rifta leyfinu þínu til að nota hugbúnaðinn; og/eða (iii) loka fyrir aðgang þinn að þjónustunni.

Apple áskilur sér enn fremur rétt til að breyta, stöðva eða loka þjónustunni (eða einhverjum hluta eða efni hennar) hvenær sem er af tæknilegum eða rekstrarlegum ástæðum, og Apple ber ekki ábyrgð gagnvart þér eða neinum þriðja aðila kjósi fyrirtækið að nýta þann rétt. Að því marki sem mögulegt er mun Apple tilkynna þér fyrirfram um breytingar, stöðvanir eða lokanir á þjónustunni. Breyting, stöðvun eða lokun á þjónustunni mun ekki hafa áhrif á efnið sem þú hefur þegar eignast og hlaðið niður. Hins vegar gætir þú lent í því að geta ekki heimilað fleiri tölvum að nota slíkt efni. Ef Apple lokar þjónustu sem þú hefur þegar greitt fyrir áskrift að, mun Apple endurgreiða þér.

H. NIÐURHAL

Magn efnis sem þú getur sótt kann að vera takmarkað og sumt sótt efni gæti runnið út eftir tiltekinn tíma frá niðurhali eða fyrstu spilun. Hugsanlega er ekki hægt að sækja sumt efni.

Þú getur hugsanlega endursótt efni sem búið var að sækja („endursækja“) í tækin sem eru innskráð á sama Apple-reikninginn („tengd tæki“). Upplýsingar um tiltækar efnisgerðir sem hægt er að endursækja í heimalandinu þínu er að finna á https://support.apple.com/en-us/HT204632. Ekki er víst að hægt sé að endursækja efni ef ekki er lengur boðið upp á viðkomandi efni í þjónustu okkar.

Einnig er hugsanlegt að efni verið fjarlægt úr þjónustunni eftir að kaup hafa farið fram (til dæmis vegna þess að útgefandinn fjarlægði það) og verður þá ekki lengur hægt að sækja eða nálgast það hjá Apple. Mælt er með að taka öryggisafrit af efninu með reglulegu millibili.

I. ÁSKRIFTIR

Þjónustan og ákveðin forrit gætu leyft þér að kaupa aðgang að efni eða þjónustu í áskrift („áskriftir“). Áskriftir endurnýjast sjálfkrafa þar til þeim er sagt upp í hlutanum „Stjórna áskriftum“ í reikningsstillingunum. Nánari upplýsingar um hvernig þú getur nýtt rétt þinn til að segja upp áskriftunum þínum er að finna á {23}https://support.apple.com/en-us/HT202039{24}.

Þú færð tilkynningu með hæfilegum fyrirvara ef áskriftarverð hækkar og óskað verður eftir samþykki þínu til að halda áfram þar sem það á við. Að öðrum kosti tekur verðhækkunin gildi nema þú segir áskriftinni upp. Áskriftarverð áskrifta sem Apple býður upp á sem efnisveitu („Apple-áskriftir“) gæti hækkað vegna leyfisveitinga fyrir efni, tæknilegra innviða, vinnuafls, skatta, gjaldeyrisskipta eða annarra hækkana á rekstrarkostnaði eða breytinga á efnahagslegu samhengi.

Skuldfært verður í fyrsta lagi sólarhring (24 klukkustundum) áður en næsta áskriftartímabil hefst, nema þú segir áskriftinni upp. Ef okkur tekst af einhverjum ástæðum ekki að skuldfæra af greiðslumátanum þínum (til dæmis ef hann er útrunninn eða ekki er næg innistæða á honum) og þú hefur ekki sagt upp áskriftinni, berð þú ábyrgð á öllum ógreiddum upphæðum og við munum reyna að skuldfæra af greiðslumátanum þegar þú uppfærir greiðsluupplýsingarnar. Þetta gæti breytt upphafi næsta áskriftartímabils og breytt greiðsludegi hvers tímabils, eins og kemur fram á kvittuninni. Tilteknar áskriftir kunna að bjóða upp á ókeypis prufuáskrift áður en skuldfært er af greiðslumátanum þínum. Ef þú ákveður að segja upp áskrift áður en við skuldfærum af greiðslumátanum þínum, þarftu að segja henni upp minnst sólarhring (24 klukkustundum) áður en prufuáskriftinni lýkur. Ef þú ert með ókeypis prufuáskrift að Apple-áskrift og segir henni upp áður en henni lýkur geturðu ekki virkjað ókeypis prufuáskriftina aftur. Við áskiljum okkur rétt til að segja upp áskriftinni þinni ef þú samþykkir ekki efnislegar breytingar á áskriftinni sem við þurfum samþykki þitt fyrir, eða ef við getum ekki skuldfært af greiðslumátanum þínum til að endurnýja áskriftina.

Ekki er hægt að sameina ókeypis prufuáskriftir eða tilboð um ókeypis Apple-áskriftir, fyrir utan iCloud, við ókeypis prufuáskriftir eða tilboð á Apple One. Ef þú notar ókeypis prufuáskrift eða tilboð um einhverja ókeypis Apple-áskrift og gerist áskrifandi að Apple One verður ekki gert hlé á ókeypis prufuáskrift(um) eða tilboði/tilboðum jafnvel þótt þú sért með aðgang að slíkri/slíkum Apple-áskrift(um) í gegnum áskrift þína að Apple One. Þú samþykkir að ókeypis prufuáskrift þín eða tilboð kann að renna út á meðan þú ert með áskrift að Apple One og Apple ber engin skylda til að endurheimta, endurgreiða eða bæta þér upp á annan hátt einhvern hluta af slíkri útrunninni ókeypis prufuáskrift eða tilboði.

Þegar áskrift þinni að einhverri þjónustu eða efni lýkur missir þú aðgang að öllum eiginleikum eða efni viðkomandi þjónustu sem krefst áskriftar.

J. AÐGENGI AÐ EFNI OG ÞJÓNUSTU

Skilmálar í þessum samningi sem tengjast þjónustu, efnisgerðum, eiginleikum eða virkni sem ekki er í boði í heimalandinu þínu eiga ekki við um þig nema, og ekki fyrr en, slíkt standi þér til boða. Sjá má tiltækar efnisgerðir sem þú getur nálgast í heimalandinu þínu í þjónustunni eða með því að fara á https://support.apple.com/HT204411. Tiltekin þjónusta og efni sem stendur þér til boða í heimalandinu þínu kann að vera óaðgengilegt á ferðalögum utan heimalandsins nema þess sé krafist samkvæmt lögum.

K. TÆKI OG BÚNAÐUR ÞRIÐJA AÐILA

Ekki er víst að þú getir notað þjónustu eða tiltekna eiginleika þjónustu þegar hún er opnuð í öðru tæki en frá Apple. Ráðfærðu þig við App Store í tæki þriðja aðila til að fá úr því skorið hvort þjónustan sé studd. Auk þess gæti sum þjónusta krafist þess, vísað þér á eða mælt með að þú notir búnað þriðja aðila í sumum tilvikum og/eða fyrir ákveðnar aðgerðir; slík notkun fellur undir skilmála búnaðarins og ætti að inna af hendi í samræmi við viðkomandi leiðbeiningar framleiðanda. Með því að nota þjónustuna samþykkir þú að Apple megi sjálfkrafa sækja og setja upp minniháttar uppfærslur á hugbúnaði sínum í búnaði þriðja aðila einstaka sinnum.

L. ÞJÓNUSTA VIÐ VIÐSKIPTAVINI

Ef spurningar vakna um þjónustu okkar, til dæmis um greiðslur og áskriftir eða Apple-reikninginn, skaltu fara á {27}https://getsupport.apple.com{28} þar sem þú getur haft samband við okkur símleiðis, í tölvupósti eða spjalli eftir að hafa valið vandamálið sem á best við þig. Ef þú kýst að spjalla við okkur geturðu sótt textaafrit af samtalinu, sem inniheldur dagsetningu og tíma þegar samtalið átti sér stað.

Við bjóðum upp á almenna notendaþjónustu fyrir alla þjónustu nema App Store, þar sem eftirfarandi á við: Apple býður upp á notendaþjónustu fyrir öll mál sem tengjast kaupunum, meðal annars greiðslur, afhendingar og endurgreiðslur; hafðu samband við útgefanda forritsins°(eins og kemur fram á vörusíðu forritsins í App Store) varðandi mál sem tengjast efni og virkni forrits.

M. INNSENT EFNI ÞITT Í ÞJÓNUSTU OKKAR

Þjónusta okkar kann að leyfa þér að senda inn eða birta efni á borð við athugasemdir, einkunnir og umsagnir, myndir, myndbönd og hlaðvörp (þar með talið tengd lýsigögn og listaverk). Notkun þín á slíkum eiginleikum verður að samræmast viðmiðunarreglum okkar um innsent efni, sem kunna að vera uppfærðar einstaka sinnum, og ef við verðum vör við efni sem brýtur í bága við viðmiðunarreglur okkar um innsent efni munum við fjarlægja það. Ef þú sérð efni sem samræmist ekki viðmiðunarreglum okkar um innsent efni, þar á meðal móðgandi, óviðeigandi eða ólöglegt efni, skaltu láta okkur vita á reportaproblem.apple.com eða með því að hafa samband við þjónustuver Apple. Nema það sé bannað með lögum, veitir þú Apple hér með alþjóðlegt, gjaldfrjálst, almennt leyfi til að nota efni sem þú sendir inn innan þjónustunnar, tengdra markaðsleiða og til innanhússnotkunar hjá Apple. Apple kann að vakta innsent efni og getur ákveðið að fjarlægja eða breyta því. Apple vaktar ekki eða gengur úr skugga um að þú hafir notað þjónustu eða efni áður en þú sendir athugasemd, einkunn eða umsögn um viðkomandi þjónustu eða efni.

Viðmiðunarreglur um innsent efni: Ekki má nota þjónustuna til að:

- birta efni sem (i) þú hefur ekki heimild, réttindi eða leyfi til að nota eða (ii) brýtur gegn réttindum þriðja aðila;

- birta ámælisvert, móðgandi, ólögmætt, villandi, ónákvæmt eða skaðlegt efni;

- birta persónu-, einka- eða trúnaðarupplýsingar um aðra;

- biðja ólögráða einstaklinga um persónulegar upplýsingar;

- villa á sér heimildir eða staðhæfa ranglega um tengsl við annan einstakling eða fyrirtæki;

- birta eða senda ruslpóst, meðal annars óumbeðnar eða óheimilar auglýsingar, kynningarefni eða upplýsingatilkynningar;

-°birta, breyta eða fjarlægja einkunn eða umsögn gegn þóknun eða umbun; 

- birta óheiðarlega, móðgandi, skaðlega, villandi einkunn eða umsögn eða gegn betri vitund, eða einkunn eða umsögn sem á ekki við efnið sem fjallað er um;

- skipuleggja eða taka þátt í ólöglegum, sviksamlegum eða óheiðarlegum verknaði.

N. FAMILY SHARING

Skipuleggjandi fjölskyldu („skipuleggjandi“) verður að hafa náð 18 ára aldri (eða sambærilegum lögræðisaldri í heimalandi sínu) og vera foreldri eða forráðamaður fjölskyldumeðlims sem er yngri en 13 ára (eða á sambærilegum lágmarksaldri í heimalandinu eins og kemur fram í skráningarferlinu). Apple-tæki er nauðsynlegt til að fá aðgang að öllum eiginleikum Family Sharing. Family Sharing býður upp á að deila gjaldgengum áskriftum með allt að sex (6) fjölskyldumeðlimum. Frekari upplýsingar um Family Sharing er að finna á: https://support.apple.com/HT201060.

Vörudeiling: Vörudeilingareiginleiki Family Sharing býður upp á að deila gjaldgengu efni með allt að sex (6) fjölskyldumeðlimum. Skipuleggjandinn býður öðrum fjölskyldumeðlimum að taka þátt og samþykkir að greiða fyrir öll kaup annarra fjölskyldumeðlima. Gjaldgengir greiðslumátar skipuleggjandans eru notaðir til að greiða fyrir öll kaup sem fjölskyldumeðlimur stofnar til (nema þegar reikningur fjölskyldumeðlimsins er með inneign í verslun, sem er alltaf notuð fyrst). Fjölskyldumeðlimir eru eins og fulltrúar skipuleggjandans þegar gjaldgengir greiðslumátar skipuleggjandans eru notaðir. Skipuleggjandinn samþykkir hér með: Skipuleggjandinn samþykkir hér með (1) að greiða fyrir slík kaup; (2) að kaup sem fjölskyldumeðlimir stofna til séu heimiluð; og (3) að kaup verði skuldfærð samkvæmt gjaldgengum greiðslumátum eins og tilgreint er í hluta B hér fyrir ofan. Skipuleggjendur eru ábyrgir fyrir því að fara eftir samningum um greiðslumáta og taka á sig alla ábyrgð sem tengist því að deila aðgangi að gjaldgengum greiðslumátum með fjölskyldumeðlimum. Fjölskyldumeðlimur sem stofnar til kaupa fær senda kvittun eða reikning vegna kaupa sinna og ef skuldfært er af greiðslumáta skipuleggjandans fær hann einnig kvittun eða reikning.

Ask to Buy: Ask to Buy er eiginleiki sem gerir skipuleggjenda kleift að samþykkja kaup sem fjölskyldumeðlimur undir 18 ára aldri (eða sambærilegum lögræðisaldri í heimalandi þínu) stofnar til. Efni sem fjölskyldumeðlimir deila eða fá í gegnum inneignarkóða falla almennt séð ekki undir Ask to Buy; inneignarkóðar sem greiða fyrir aðgang að áskriftum falla undir Ask to Buy. Skipuleggjandinn verður að vera foreldri eða forráðamaður þess fjölskyldumeðlims sem Ask to Buy er virkjað fyrir. Ask to Buy er sjálfgefið virkt fyrir alla fjölskyldumeðlimi undir 13 ára aldri (eða sambærilegum lágmarksaldri í heimalandinu) og verður áfram virkt þangað til foreldri eða forráðamaður gerir það óvirkt. Ef slökkt er á Ask to Buy eftir að fjölskyldumeðlimur nær 18 ára aldri (eða lögræðisaldri í sínu heimalandi) er ekki hægt að kveikja á því aftur. Ekki þarf að virkja vörudeilingu til að nota Ask to Buy.

Breytingar á fjölskyldumeðlimi: Þegar fjölskyldumeðlimur hættir í eða er fjarlægður úr fjölskyldunni er ekki víst að hinir fjölskyldumeðlimirnir hafi áfram aðgang að efni fyrrverandi fjölskyldumeðlims, þ.m.t. efni sem var fengið með greiðslumáta skipuleggjandans.

Reglur Family Sharing: Þú getur aðeins tilheyrt einni (1) fjölskyldu í einu og mátt ekki ganga í fjölskyldu oftar en tvisvar á ári. Þú getur ekki breytt Apple-reikningnum sem þú tengir við fjölskyldu oftar en einu sinni á 90 daga fresti. Allir fjölskyldumeðlimir verða að vera með sama heimalandið. Sumt efni, þ.m.t. kaup í forriti, áskriftir og sum forrit sem búið var að ná í, fellur ekki undir vörudeilingu. Áskriftir sem fjölskylda deilir gætu fallið undir takmarkanir á efnisnotkun samkvæmt hverri áskrift fyrir sig.

O. ÞÁTTARAÐARPASSI EÐA FJÖLNOTA PASSI

Passi gerir þér kleift að kaupa og fá sjónvarpsefni um leið og það verður aðgengilegt. Þáttaraðarpassi gildir um sjónvarpsefni sem er með takmarkaðan fjölda þátta í hverri þáttaröð; fjölnota passi gildir um sjónvarpsefni sem er alltaf aðgengilegt. Fullt verð þáttaraðarpassa eða fjölnota passa er skuldfært við kaup. Efni þáttaraðarpassa eða fjölnota passa er hægt að sækja í allt að 90 daga frá útgáfu lokaþáttarins. Ef efnisveita afhendir Apple færri sjónvarpsþætti en áætlað var þegar þú keyptir þáttaraðarpassa millifærum við inneign inn á Apple-reikninginn þitt sem samsvarar þeim fjölda þátta sem Apple fékk ekki afhenta.

F. VIÐBÓTARSKILMÁLAR APP STORE (FYRIR UTAN FORRIT APPLE ARCADE)

LEYFI FYRIR EFNI APP STORE

Apple eða utanaðkomandi þróunaraðili („forritsútgefandi“) veitir þér leyfi fyrir forrit. Apple virkar sem umboðsaðili fyrir forritsútgefendur við að starfrækja App Store og er ekki aðili að sölusamningi eða notandasamningi milli þín og forritsútgefanda. Ef þú ert hins vegar viðskiptavinur Apple Distribution International Ltd. eða Apple Services Pte. Ltd., er viðkomandi aðili skráður söluaðili, sem þýðir að þú færð leyfið fyrir forritinu frá Apple Distribution International Ltd. eða Apple Services Pte. Ltd., eftir því sem við á, en forritsútgefandinn veitir leyfi fyrir forritinu. Forrit sem Apple veitir leyfi fyrir er „Apple-forrit“, forrit sem forritsútgefandi veitir leyfi fyrir er „forrit þriðja aðila“. Öll forrit sem þú færð heyra undir leyfissamning notanda vegna forrits sem leyfið nær til („hefðbundinn leyfissamningur“) sem kemur fram hér fyrir neðan, nema Apple eða forritsútgefandinn komi með sérsniðinn leyfissamning („sérsniðinn leyfissamningur“). Forritaveita allra forrita þriðju aðila ber fulla ábyrgð á efni þeirra, ábyrgðum og verðlagningu, sem og öllum kröfum sem þú kannt að vera með sem tengjast slíkum forritum þriðju aðila, samkvæmt landslögum, nema einhver slík krafa tengist með beinum hætti hlutverki Apple Distribution International Ltd. sem söluaðila leyfisins fyrir forritið. Þetta hefur engin áhrif á neinar lögboðnar kröfur samkvæmt staðbundnum lögum sem beinast gegn Apple Distribution International Ltd. í hlutverki þess sem söluaðili, þ.m.t. ábyrgðir samkvæmt lögum um sölustarfsemi. Þú viðurkennir og samþykkir að Apple sé rétthafi þriðja aðila í hefðbundnum leyfissamningi eða sérsniðnum leyfissamningi sem gildir um sérhvert forrit þriðja aðila og geti því framfylgt slíkum samningi. Ekki er víst að ákveðin forrit eins og límmiðar og iMessage-forrit birtist á yfirlitssvæði tækisins, en hægt er að nálgast þau og nota í forritaskúffu skilaboða.

KAUP Í FORRITI

Forrit gætu boðið upp á efni, þjónustu eða virkni sem hægt er að nota innan slíkra forrita („kaup í forriti“). Kaup í forriti sem eru nýtt meðan á notkun forritsins stendur (til dæmis sýndargimsteinar) er ekki hægt að færa á milli tækja og aðeins má hlaða þeim niður einu sinni. Þú verður að sannvotta reikninginn áður en kaup eru gerð í forriti – óháð öðrum sannvottunum til að ná í annað efni – með því að slá inn aðgangsorðið þitt eða auðkenna þig með Touch ID eða Face ID. Þú getur gert frekari kaup í forriti í fimmtán (15) mínútur í viðbót, án þess að sannvotta þig aftur, nema þú hafir beðið okkur um að krefjast aðgangsorðs fyrir hver kaup eða hafir virkjað Touch ID eða Face ID. Slökkva má á möguleikanum á að kaupa í forriti með því að fylgja eftirfarandi leiðbeiningum: https://support.apple.com/HT201304.

FORRITAPAKKI

Sum forrit gætu verið seld saman í einum pakka („forritapakki“). Uppgefið verð á forritapakka er verðið sem verður skuldfært þegar forritapakkinn er keyptur. Verð forritapakkans kann að lækka vegna forrita sem þú hefur þegar keypt eða fengið, en gæti falið í sér lágmarksverð til að ganga frá forritapakkanum.

LEITARNIÐURSTÖÐUR OG RÖÐUN

Þegar ákveðið er hvernig á að raða forritum í leitarniðurstöðum er helst tekið tillit til þátta eins og lýsigagna frá forritsútgefendum, hvernig viðskiptavinir hafa notað forritin og App°Store og vinsælda forritanna í App°Store. Þessir helstu þættir skila niðurstöðum sem eiga best við leitarfyrirspurnir viðskiptavina.

LEYFISSAMNINGUR NOTANDA VEGNA FORRITS SEM LEYFI NÆR TIL

Forrit sem aðgengileg eru í gegnum App Store eru veitt þér samkvæmt leyfi frá forritaveitunni, en ekki seld þér. Leyfið þitt fyrir sérhvert forrit fellur undir fyrra samþykki þitt á annaðhvort þessum leyfissamningi notanda vegna forrits sem leyfi nær til („hefðbundinn leyfissamningur“) eða sérsniðnum leyfissamningi notanda vegna forrits sem leyfi nær til milli þín og forritsútgefanda („sérsniðinn leyfissamningur“), ef hann er til staðar. Apple veitir þér leyfið fyrir sérhverju Apple-forriti samkvæmt þessum hefðbundna leyfissamningi eða sérsniðna leyfissamningi og forritsútgefandi forrits frá þriðja aðila veitir þér leyfi fyrir sérhverju forriti frá þriðja aðila samkvæmt þessum hefðbundna leyfissamningi eða sérsniðna leyfissamningi. Sérhvert forrit sem fellur undir þennan hefðbundna leyfissamning verður hér með nefnt „leyfisskylt forrit“. Forritsútgefandinn eða Apple, eins og við á, („leyfisveitandi“) áskilur sér allan rétt á leyfisskyldu forriti sem ekki er veittur þér sérstaklega samkvæmt þessum hefðbundna leyfissamningi.

a. Umfang leyfis: Leyfisveitandi veitir þér óframseljanlegt leyfi til að nota leyfisskylt forrit í hvaða vöru sem er frá Apple sem þú átt eða er undir þinni umsjá og er leyft samkvæmt notkunarreglunum. Skilmálar þessa hefðbundna leyfissamnings ná yfir allt efni eða þjónustu sem er aðgengilegt eða keypt í leyfisskylda forritinu ásamt uppfærslum frá leyfisveitanda sem koma í staðinn fyrir eða bæta við upprunalegt leyfisskylt forrit, nema ef sérsniðinn leyfissamningur fylgir slíkri uppfærslu. Nema annað komi fram í notkunarreglunum máttu ekki dreifa eða bjóða upp á leyfisskylda forritið á neti þar sem mörg tæki geta notað það samtímis. Þú mátt ekki flytja, dreifa eða framselja leyfisskylt forrit nema það sé sérstaklega leyft í þessum samningi og ef þú selur Apple-tækið þitt til þriðja aðila verður þú að fjarlægja leyfisskylda forritið úr Apple-tækinu áður en þú selur það. Þú mátt ekki afrita (nema þetta leyfi eða notkunarreglurnar leyfi slíkt), vendismíða, taka í sundur, reyna að afleiða upprunakóðann, breyta eða búa til afleidd verk af leyfisskylda forritinu, uppfærslum eða einhverjum hluta þar af (nema og aðeins að því marki sem ofangreindar takmarkanir eru bannaðar samkvæmt gildandi lögum eða að því marki sem kann að vera leyft samkvæmt skilmálum leyfisveitanda sem nær til notkunar á öllum opnum íhlutum sem fylgja leyfisskylda forritinu).

b. Samþykki fyrir notkun gagna: Þú samþykkir að leyfisveitandi megi safna og nota tæknileg gögn og tengdar upplýsingar – meðal annars tæknilegar upplýsingar um tækið þitt, kerfið og hugbúnaðinn, og jaðarbúnað – sem tekin eru saman með reglulegu millibili til að auðvelda úthlutun á hugbúnaðaruppfærslum, vöruuppfærslum og annarri þjónustu sem ætluð er þér (ef einhver) sem tengist leyfisskyldu forriti. Leyfisveitandi kann að nota þessar upplýsingar, svo framarlega sem þær eru á sniði sem ekki er hægt að nota til að persónugreina þig, til að bæta vörur sínar eða bjóða þér upp á þjónustu eða tækni.

c. Riftun. Þessi hefðbundni leyfissamningur gildir þar til þú eða leyfisveitandi riftir honum. Réttindum þínum samkvæmt þessum hefðbundna leyfissamningi verður rift sjálfkrafa ef þú ferð ekki eftir einhverjum skilmálum hans.

d. Utanaðkomandi þjónusta. Leyfisskylt forrit kann að veita þér aðgang að þjónustu leyfisveitanda og/eða þriðja aðila og vefsvæðum (sameiginlega og hver um sig kallast þær „utanaðkomandi þjónusta“). Þú samþykkir að nota utanaðkomandi þjónustu á eigin ábyrgð. Leyfisveitandi ber ekki ábyrgð á að rannsaka eða leggja mat á efni eða nákvæmni utanaðkomandi þjónustu þriðja aðila og ber enga bótaskyldu vegna slíkrar utanaðkomandi þjónustu þriðja aðila. Gögn sem leyfisskylt forrit eða utanaðkomandi þjónusta birtir, meðal annars fjármálaupplýsingar, læknisfræðilegar upplýsingar og staðsetningarupplýsingar, eru eingöngu ætluð í upplýsingaskyni og leyfisveitandi eða umboðsaðili hans bera enga ábyrgð á þeim. Þú munt ekki nota utanaðkomandi þjónustur á nokkurn hátt sem brýtur í bága við skilmála þessa hefðbundna leyfissamnings eða sem brýtur gegn hugverkaréttindum leyfisveitanda eða þriðja aðila. Þú samþykkir að nota ekki utanaðkomandi þjónustu til að áreita, svívirða, sitja um, hóta eða smána annan einstakling eða fyrirtæki, og að leyfisveitandi ber enga ábyrgð á slíkri notkun. Ekki er víst að utanaðkomandi þjónusta sé aðgengileg á öllum tungumálum í heimalandinu þínu og hún kann að vera óviðeigandi eða ekki hægt að nota á ákveðnum stöðum. Að því marki sem þú kýst að nota slíka utanaðkomandi þjónustu berð þú fulla ábyrgð á að fylgja öllum gildandi lögum. Leyfisveitandi áskilur sér rétt til að breyta, hætta, fjarlægja, slökkva á eða setja aðgangstakmarkanir eða mörk á utanaðkomandi þjónustur hvenær sem er án fyrirvara eða bótaábyrgðar gagnvart þér.

e. ENGIN ÁBYRGÐ: Leyfisveitandi mun sýna viðunandi aðgát og fagmennsku hvað varðar úthlutun á leyfisskyldu forriti og utanaðkomandi þjónustu sem leyfisskylda forritið veitir þér. Samkvæmt landslögum átt þú hugsanlega lagalegan rétt á samræmi fyrir keypt leyfisskyld forrit að lágmarki í tvö (2) ár, og fyrir áskriftir keyptar í forriti á samningstímanum. Leyfisveitandi gefur engin önnur loforð eða ábyrgðir vegna utanaðkomandi þjónustu og ábyrgist sérstaklega ekki að:

(i) notkun þín á utanaðkomandi þjónustu verði án truflana eða laus við villur;

(ii) utanaðkomandi þjónusta verði laus við tjón, spillingu, árásir, vírusa, truflanir, tölvuárásir eða aðrar öryggisinnrásir og leyfisveitandi afsalar sér allri ábyrgð hvað slíkt varðar. Þú berð ábyrgð á því að taka afrit af eigin kerfi, þ.m.t. öllu leyfisskyldu efni sem geymt er í kerfinu þínu.

f. Takmörkun bótaábyrgðar.

(i) Nema annað sé tekið fram í hluta (ii) í þessum samningi skulu leyfisveitandi, stjórnendur hans, fulltrúar, starfsmenn, samstarfsaðilar, umboðsaðilar, verktakar, umbjóðendur eða leyfisveitendur ekki bera nokkra bótaábyrgð vegna taps eða tjóns af völdum leyfisveitanda, starfsmanna hans eða umboðsaðila þar sem:

(1) ekki á sér stað brot á lagalegum skyldum um aðgát sem leyfisveitandi ber að uppfylla, eða starfsmenn hans eða umboðsaðilar;

(2) slíkt er ekki fyrirsjáanleg afleiðing af slíkum brotum;

(3) aukið tap eða tjón verða vegna brots af þinni hálfu á skilmála í þessum leyfissamningi notanda („samningur“);

(4) tapið eða tjónið verður vegna ákvörðunar leyfisveitanda um að vara þig við, loka tímabundið á eða rifta aðgangi þínum að utanaðkomandi þjónustu, eða vegna annarrar aðgerðar meðan rannsókn stendur yfir á meintu broti eða vegna þess að leyfisveitandi hefur komist að þeirri niðurstöðu að brot á þessum samningi hafi átt sér stað;

(5) slíkt tengist tekjutapi, minni viðskiptum eða hagnaði, eða vegna taps á eða spillingu gagna í tengslum við notkun þína á leyfisskyldu forriti.

(ii) Ekkert í þessum samningi undanskilur eða takmarkar bótaábyrgð leyfisveitanda vegna svika, stórfelldrar vanrækslu, misferlis eða vegna dauða eða líkamstjóns vegna vanrækslu hans.

g. Þú mátt ekki nota eða flytja út eða endurútflytja leyfisskylda forritið nema það sé heimilt samkvæmt bandarískum lögum og lögum í lögsagnarumdæminu þar sem viðkomandi leyfisskylt forrit var fengið. Einkum, en án takmarkana, má ekki flytja leyfisskylda forritið út eða endurútflytja: (a) til landa sem Bandaríkin hafa lagt viðskiptabann á eða (b) til nokkurs lands sem er á þjóðernisbannlista bandaríska fjármálaráðuneytisins (U.S. Treasury Department’s list of Specially Designated Nationals) eða á lista bandaríska viðskiptaráðuneytisins yfir einstaklinga í banni (U.S. Department of Commerce’s Denied Person’s List) eða á aðilalista (Entity List). Með því að nota leyfisskylda forritið ábyrgist þú að þú sért ekki staðsett(ur) í slíku landi eða sért á slíkum lista. Þú samþykkir einnig að þú munt ekki nota þessar vörur í neinum tilgangi sem bandarísk lög banna, meðal annars í þróun, hönnun, smíði og framleiðslu á flugskeytum eða kjarnorku-, efna- eða sýklavopnum.

h. Notendur undir Bandaríkjastjórn. Leyfisskylt forrit og tilheyrandi fylgiskjöl eru „viðskiptalegar vörur“ samkvæmt skilgreiningu á slíku hugtaki í 48. C.F.R. ß2.101, sem samanstendur af „viðskiptalegum tölvuhugbúnaði“ og „fylgiskjölum viðskiptalegs tölvuhugbúnaðar“ samkvæmt skilgreiningu á slíkum hugtökum í 48 C.F.R. ß12.212 eða 48 C.F.R. ß227.7202, eftir því sem við á. Í samræmi við 48 C.F.R. ß12.212 eða 48 C.F.R. ß227.7202-1 til 227.7202-4, eftir því sem við á, fá notendur undir Bandaríkjastjórn leyfi fyrir viðskiptalegum tölvuhugbúnaði og fylgiskjölum viðskiptalegs tölvuhugbúnaðar (a) eingöngu sem viðskiptalegar vörur og (b) eingöngu með þeim réttindum sem allir aðrir notendur öðlast samkvæmt skilmálum sem hér koma fram. Óbirt réttindi samkvæmt bandarískum höfundarréttarlögum.

i. Nema annað sé skýrt tekið fram í eftirfarandi efnisgrein skal þessi samningur og samband þitt og Apple falla undir lög Kaliforníuríkis, án tillits til lagaskilareglna þess. Bæði þú og Apple samþykkið að gangast undir lögsögu dómstóla Santa Clara-héraðs í Kaliforníu til að leysa úr öllum ágreiningi eða kröfum vegna þessa samnings. Í tilvikum þar sem (a) þú ert ekki bandarískur ríkisborgari, (b) býrð ekki í Bandaríkjunum, (c) þú opnar ekki þjónustuna í Bandaríkjunum og (d) ert ríkisborgari í einum af löndunum sem koma fram hér að neðan, samþykkir þú hér með að hvers konar ágreiningur eða krafa vegna þessa samnings fellur undir gildandi lög sem tilgreind eru hér fyrir neðan, án tillits til lagaskilareglna þeirra, og þú gengst hér með skilyrðislaust undir almenna lögsögu dómstóla þess lands, héraðs eða sýslu sem kemur fram hér á eftir og lúta eftirfarandi lögum:

Ef þú ert með skráða búsetu í Evrópusambandinu eða ert breskur, svissneskur, norskur eða íslenskur ríkisborgari skulu gildandi lög og varnarþing vera lögin og dómstólarnir þar sem þú hefur skráða búsetu.

Sérstaklega undanskilinn frá þessum samningi er sáttmáli Sameinuðu þjóðanna um sölu á vörum á milli ríkja.

Q. VIÐBÓTARSKILMÁLAR FYRIR APP STORE, APPLE BOOKS, APPLE PODCASTS OG VALIÐ EFNI

Sumt efni sem aðgengilegt er í Apple Books, App Store og Apple Podcasts (þ.á.m. áskriftir að Apple Podcasts) færðu frá þjónustuveitu þriðja aðila (eins og kemur fram á vörusíðunni og/eða við kaup á viðkomandi efni), ekki Apple. Í slíku tilfelli þjónar Apple hlutverki umboðsaðili fyrir efnisveituna til að bjóða þér upp á efnið og þar af leiðandi er Apple ekki aðili að kaupunum milli þín og efnisveitunnar. Ef þú ert hins vegar viðskiptavinur Apple Distribution International Ltd. eða Apple Services Pte. Ltd., er viðkomandi aðili skráður söluaðili fyrir efninu sem þú færð, en efnisveitan veitir leyfi fyrir slíku efni. Efnisveitan áskilur sér rétt til að framfylgja notkunarskilmálunum sem tengjast slíku efni. Eftir því sem staðbundin lög kveða á um ber efnisveitan fulla ábyrgð á slíku efni, nema slíkar ábyrgðir hafi verið undanskildar, og öllum kröfum sem þú eða annar aðili kann að hafa varðandi slíkt efni, nema slík krafa tengist með beinum hætti hlutverki Apple Distribution International Ltd. sem söluaðila efnisins. Þetta hefur engin áhrif á neinar lögboðnar kröfur samkvæmt staðbundnum lögum sem beinast gegn Apple Distribution International Ltd. í hlutverki þess sem söluaðili, þ.m.t. ábyrgðir samkvæmt lögum um sölustarfsemi.

Þegar ákveðið er hvernig á að panta leitarniðurstöður í App Store, Apple Books og Apple Podcasts eru helstu breyturnar sem skoðaðar eru lýsigögn sem efnisveitur gefa upp og með hvaða hætti viðskiptavinir hafa notað efnið.

R. VIÐBÓTARSKILMÁLAR APPLE MUSIC

iCloud Music Library er eiginleiki Apple Music sem veitir þér aðgang að samsvöruðum eða sóttum lögum, lagalistum og tónlistarmyndböndum sem fengin eru frá Apple Music, iTunes Store eða annarri veitu („efni iCloud Music Library“) í tækjum með Apple Music. Kveikt er sjálfkrafa á iCloud Music Library þegar þú setur upp aðild þína að Apple Music. iCloud Music Library safnar upplýsingum um efnið þitt í iCloud Music Library. Þessar upplýsingar tengjast Apple-reikningnum þínum og eru bornar saman við efni iCloud Music Library sem aðgengilegt er í Apple Music. Efni í iCloud Music Library sem samsvarast ekki er hlaðið upp á netþjóna iCloud Music Library í eigu Apple (á sniði sem Apple ákveður). Þú getur hlaðið upp allt að 100.000 lögum. Lög sem sótt eru í iTunes Store teljast ekki með. Lög sem uppfylla ekki ákveðin skilyrði (til dæmis of stórar skrár) eða sem tækið þitt hefur ekki heimild fyrir eru ekki gjaldgeng í iCloud Music Library. Þegar þú notar iCloud Music Library skráir Apple upplýsingar á borð við lögin sem þú spilar, stöðvar eða sleppir, tækin sem þú notar og tímasetningu og tímalengd afspilunar. Þú samþykkir að nota iCloud Music Library eingöngu fyrir efni sem fengið er á löglegan hátt. Boðið er upp á iCloud Music Library sem „EINS OG ÞAÐ KEMUR FYRIR“ og það getur innihaldið villur eða ónákvæmni. Þú ættir að taka afrit af gögnum þínum og upplýsingum áður en þú notar iCloud Music Library. Ef þú ert ekki meðlimur að Apple Music geturðu keypt áskrift að iTunes Match, sem notar iCloud Music Library. Þegar aðild þinni að Apple Music lýkur missir þú aðgang að iCloud Music Library, þ.m.t. efni í iCloud Music Library sem hlaðið er upp á netþjóna iCloud Music Library.

S. VIÐBÓTARSKILMÁLAR APPLE FITNESS+

Apple Fitness+ er eingöngu ætlað til afþreyingar og/eða í upplýsingaskyni og er ekki gert til að veita læknisfræðilega ráðgjöf.

T. AÐILD HJÁ ENDURSÖLUAÐILA

Þar sem við á gæti þér verið boðið að kaupa þjónustuaðild hjá endursöluaðila, t.d. netþjónustu („aðild hjá endursöluaðila“). Ef þú kaupir aðild hjá endursöluaðila er endursöluaðilinn skráður söluaðili, sem þýðir að þú færð þjónustuleyfið frá endursöluaðilanum sem mun rukka þig um kostnað þjónustuaðildarinnar, en Apple veitir leyfi fyrir og sér um að útvega þjónustuna. Viðskipti þín við endursöluaðilann falla undir skilmála endursöluaðilans, ekki þennan samning, og vísa þarf öllum ágreiningi vegna innheimtu sem tengist aðild hjá endursöluaðila til endursöluaðilans, ekki Apple. Með því að nota þjónustu í gegnum aðild hjá endursöluaðila samþykkir þú að endursöluaðilinn megi láta Apple í hendur reikningsupplýsingar, símanúmer og áskriftarupplýsingar og að Apple megi nota þessar upplýsingar til að finna út hver staða aðildar þinnar hjá endursöluaðilanum er.

U. ÝMSIR SKILMÁLAR SEM EIGA VIÐ UM ALLA ÞJÓNUSTU

SKILGREINING Á APPLE

„Apple“ þýðir, eftir því hvert heimaland þitt er:

Apple Inc., með aðsetur að One Apple Park Way, Cupertino, Kaliforníu, fyrir notendur í Bandaríkjunum, þ.m.t. Púertó Ríkó;

Apple Canada Inc., með aðsetur að 120 Bremner Blvd., Suite 1600, Toronto ON M5J 0A8, Kanada, fyrir notendur í Kanada;

Apple Services LATAM LLC, með aðsetur að 2811 Ponce de Leon Boulevard, Floor 12, Coral Gables, Flórída, fyrir notendur í Mexíkó, Mið- eða Suður-Ameríku eða í einhverju landi eða yfirráðasvæði í Karíbahafinu (að Púertó Ríkó undanskildu);

Apple Services Pte. Ltd., með aðsetur að 7 Ang Mo Kio Street 64, Singapúr 569086, fyrir notendur í Bútan, Brúnei, Kambódíu, Fídjieyjum, Laos, Makaó, Maldíveyjum, Míkrónesíu, Mongólíu, Mjanmar, Nauru, Nepal, Palau, Papúa Nýju-Gíneu, Suður-Kóreu, Salómonseyjum, Sri Lanka, Tonga og Vanúatú;

iTunes K.K., með aðsetur að Roppongi Hills, 6-10-1 Roppongi, Minato-ku, Tokyo 106-6140, Tókýó, fyrir notendur í Japan;

Apple Pty Limited, með aðsetur að Level 3, 20 Martin Place, Sydney NSW 2000, Ástralíu, fyrir notendur í Ástralíu og á Nýja-Sjálandi, þ.m.t. á öllum tilheyrandi yfirráðasvæðum eða lögsagnarumdæmum; og

Apple Distribution International Ltd., með aðsetur að Hollyhill Industrial Estate, Hollyhill, Cork, Írlandi, fyrir alla aðra notendur.

BREYTINGAR Á SAMNINGI

Apple áskilur sér rétt til að breyta þessum samningi og bæta við nýjum eða frekari skilmálum, sem kann að reynast nauðsynlegt ef til dæmis Apple bætir við nýrri þjónustu eða breytingar eru gerðar á gildandi lögum og/eða verklagi. Apple kann einnig að breyta þessum samningi til að bæta læsileika eða uppfæra samskiptaupplýsingar. Þú verður látin(n) vita af slíkum breytingum og viðbótarskilmálum og að fengnu samþykki tekur slíkt gildi samstundis og er fellt inn í þennan samning. Ef þú neitar að samþykkja slíkar breytingar verður þér ef til vill ekki unnt að gera frekari kaup sem tengjast þjónustu eða efni sem fellur undir þennan samning. Efni sem þú hefur þegar fengið og sótt og allar Apple-áskriftir verða í öllum tilvikum ekki fyrir áhrifum ef þú neitar að samþykkja slíkar breytingar.

EFNI ÞRIÐJU AÐILA

Apple ber ekki ábyrgð á eða er bótaskylt vegna efni þriðja aðila sem er að finna í eða er tengt við efnið eða þjónustuna.

NOTENDAÖRYGGI

Þú ættir ávallt að leita ráða hjá þar til bærum viðurkenndum heilbrigðisstarfsmanni varðandi (a) öryggi og ráðgjöf um tiltekna athöfn eða (b) tiltekið heilsufarsástand eða einkenni.

HUGVERKARÉTTUR

Þú samþykkir að þjónustan, meðal annars efni, myndefni, notendaviðmót, hljóðbútar, myndbandsbútar, ritstýrt efni, forskriftir og hugbúnaður sem notaður er til að innleiða þjónustuna, inniheldur réttindavarið efni og efni í eigu Apple, leyfisveitenda þess og/eða efnisveita, og nýtur verndar viðeigandi laga um hugverkarétt og annarra laga, meðal annars höfundarréttarlaga. Þú samþykkir að þú munir ekki nota slíkt réttindavarið efni eða upplýsingar í nokkrum öðrum tilgangi en til að nota þjónustuna í persónulegum tilgangi, en ekki viðskiptaskyni, sem samræmist þessum samningi. Bannað er að flytja á milli og endurgera nokkurn hluta þjónustunnar á hvers kyns sniði eða í hvers kyns tilgangi, nema að því leyti sem er sérstaklega heimilt samkvæmt þessum samningi. Þú samþykkir að hvorki breyta, leigja, lána, selja, deila né dreifa þjónustunni eða efninu á nokkurn hátt og þú mátt ekki nýta þér þjónustuna á nokkurn hátt sem ekki er sérstaklega heimill.

Apple-nafnið, Apple-merkið, iTunes, iTunes Store, App Store, Apple Books, Apple Music, Apple TV, Apple TV+, Apple Arcade, Apple News, Apple News+, Apple One, Apple Podcasts, Apple Fitness+ og önnur vörumerki Apple, þjónustumerki, myndefni og merki sem notað er í tengslum við þjónustuna eru vörumerki eða skráð vörumerki Apple Inc. í Bandaríkjunum og/eða í öðrum löndum um allan heim. Þér er hvorki veittur réttur né leyfi hvað varðar áðurnefnd vörumerki.

HÖFUNDARRÉTTUR

Nema annað sé tekið fram er höfundarréttur að þjónustu og efni sem Apple útvegar í eigu Apple Inc. og dótturfyrirtækja.

Ef þú telur að eitthvað efni sem boðið er upp á í gegnum þjónustuna brjóti á höfundarrétti þínum skaltu hafa samband á https://www.apple.com/legal/internet-services/itunes/itunesstorenotices.

Þetta er fljótlegasta leiðin fyrir okkur til að vinna úr tilkynningu þinni um kröfu vegna brots. Seinlegri aðferð til að ná sambandi við tilnefndan fulltrúa okkar til að vinna úr tilkynningu þinni um kröfu vegna brots er að senda viðeigandi og ítarlega tilkynningu um meint brot á póstfangið sem skráð er hér fyrir neðan.

Apple Inc.

Attn: Copyright Agent

One Apple Park Way

MS: 1IPL

Cupertino, CA 95014

Sími: 408.996.1010

Netfang: copyrightnotices@apple.com 

Apple hefur tekið upp reglu til að gera reikninga notenda sem taldir eru brjóta ítrekað gegn eða eru ítrekað sakaðir um að brjóta gegn höfundarrétti annarra óvirka og/eða loka þeim við viðeigandi kringumstæður. Innleiðing slíkrar reglu felur m.a. í sér að Apple getur með einhliða ákvörðun fryst, gert óvirka og/eða lokað reikningum notenda, sem búið er að finna út að hafi verið ítrekað notaðir í brotlegum verknaði eða af öðrum tengdum ástæðum.

AFSAL ÁBYRGÐA; TAKMARKANIR Á ÁBYRGÐ

Apple ábyrgist ekki að þjónustan verði laus við tap, skemmdir, spillingu, árásir, vírusa, truflanir, tölvuárásir eða annars konar ágang. Að því gefnu að Apple hafi gert viðeigandi ráðstafanir til að forðast eða koma í veg fyrir slíkt tap, skemmdir, árásir, vírusa, tölvuárásir og annars konar öryggisinnrásir afsalar Apple sér allri ábyrgð sem tengist þessu. Sumt efni er eingöngu hægt að sækja einu sinni og þegar það hefur verið sótt verður ekki hægt að fá annað efni í staðinn ef það glatast af einhverjum ástæðum. Þú berð ábyrgð á að taka afrit af kerfinu þínu, þ.m.t. efni sem keypt er eða fengið frá þjónustunni. Samkvæmt landslögum gætir þú átt lagalegan rétt á samræmi á keyptu efni að lágmarki í tvö ár, og á efni sem þú gerðist áskrifandi að á samningstímanum.

NEMA ÞESS SÉ KRAFIST SAMKVÆMT GILDANDI LÖGUM SAMÞYKKIR ÞÚ AÐ APPLE BERI ENGA ÁBYRGÐ Á ÁFRAMHALDANDI FRAMLEIÐSLU EFNIS HANDA ÞÉR Í GEGNUM ÞJÓNUSTU OKKAR OG APPLE BERI ENGA BÓTAÁBYRGаGAGNVART ÞÉR EF EKKI VERÐUR LENGUR HÆGT AÐ SÆKJA, ENDURSÆKJA EÐA STREYMA EFNI, Þ.M.T. KEYPTU EFNI.

Apple ber ekki ábyrgð á óbeinu tjóni, svo sem:

1. tjóni vegna minnkunar eða truflunar á framleiðslu eða sölu,

2. tjóni vegna skertrar getu til að nota efnið eins og til er ætlast,

3. tapi á sölutekjum og hagnaði vegna þess að ekki tókst að uppfylla samning við þriðja aðila,

4. tapi eða tjóni á vörum öðrum en sjálfu efninu og vörum sem tengjast beint fyrirhugaðri notkun á efninu.

Í öllum tilvikum getur þú krafist skaðabóta ef rekja má tjónið til alvarlegrar eða vísvitandi vanrækslu af hálfu Apple eða aðila undir stjórn Apple.

Krafa um skaðabætur skal vera í samræmi við fjárhagstjónið sem orsakaðist af töfum á afgreiðslu eða vanefndum, en takmarkast við fyrirsjáanlegt tjón sem yrði líkleg niðurstaða vegna brots á þessum samningi.

Bótaábyrgð Apple gæti verið takmörkuð ef þú hefur ekki gripið til viðeigandi ráðstafana til að takmarka tjónið. Viðeigandi ráðstafanir fela í sér að tryggja öryggi allra tölva og afspilunartækja sem þú notar, halda reikningsupplýsingum þínum (notandanafni, aðgangsorði og kreditkortaupplýsingum) leyndum, setja upp og endurnýja vírusvörn, setja upp hugbúnaðaruppfærslur og taka öryggisafrit af efninu og gögnunum sem tengjast beint fyrirhugaðri notkun á efninu. Bótaábyrgð kann einnig að vera takmörkuð ef tjónið, vegna umfangs þess eða annarra kringumstæðna, er talið óeðlilegt samanborið við venjulegt tjón við svipaðar kringumstæður.

Bótaábyrgð Apple vegna tjóns af völdum vanefnda eða tafa á afhendingu ókeypis efnis eða þjónustu takmarkast við kringumstæður þar sem brot á samningi er vegna stórfelldrar vanrækslu eða misferlis.

Ekkert í þessum samningi breytir eða takmarkar bótaábyrgð Apple vegna svika, dauða eða líkamstjóns.

Apple mun nota sanngjarnar aðferðir til vernda upplýsingar frá þér í tengslum við þjónustuna, þ.m.t. gegn sviksamlegri notkun, en þú viðurkennir og samþykkir að innsending þín á slíkum upplýsingum er á þína ábyrgð, og Apple afsalar sér allri bótaábyrgð vegna taps sem tengist slíkum upplýsingum. Upplýsingar sem Apple fær í hendur sem heyra ekki undir íslensku persónuverndarlöggjöfina eru meðhöndlaðar samkvæmt reglum um meðhöndlun persónuupplýsinga.

APPLE BER EKKI ÁBYRGÐ Á GAGNAFLUTNINGSGJÖLDUM SEM ÞÚ GÆTIR ÞURFT AÐ GREIÐA Í TENGSLUM VIÐ NOTKUN ÞÍNA Á ÞJÓNUSTUNNI.

LÖGBUNDNAR UNDANTEKNINGAR FYRIR OPINBERAR STOFNANIR

Ef þú ert viðurkennd opinber menntastofnun eða ríkisstofnun og einhver hluti þessa samnings, svo sem hlutinn um skaðabætur, er ógildur eða óframkvæmanlegur gagnvart þér vegna gildandi staðbundinna laga, lands-, sambands- eða alríkislaga, þá skal sá hluti teljast, eftir atvikum, ógildur eða óframkvæmanlegur, og í staðinn skal túlka hlutann á þann máta sem best samræmist gildandi lögum.

GILDANDI LÖG

Nema annað sé skýrt tekið fram í eftirfarandi efnisgrein eða að því marki sem krafist er samkvæmt gildandi lögum skal þessi samningur og samband þitt og Apple, og öll kaup sem tengjast þjónustunni, falla undir lög Kaliforníuríkis, án tillits til lagaskilareglna þess. Bæði þú og Apple samþykkið að gangast undir lögsögu dómstóla Santa Clara-héraðs í Kaliforníu til að leysa úr öllum ágreiningi eða kröfum vegna þessa samnings. Í tilvikum þar sem (a) þú ert ekki bandarískur ríkisborgari, (b) býrð ekki í Bandaríkjunum, (c) þú opnar ekki þjónustuna í Bandaríkjunum og (d) ert ríkisborgari í einum af löndunum sem koma fram hér að neðan, samþykkir þú hér með að hvers konar ágreiningur eða krafa vegna þessa samnings fellur undir gildandi lög sem tilgreind eru hér fyrir neðan, án tillits til lagaskilareglna þeirra, og þú gengst hér með skilyrðislaust undir almenna lögsögu dómstóla þess lands, héraðs eða sýslu sem kemur fram hér á eftir og lúta eftirfarandi lögum:

Ef þú ert með skráða búsetu í Evrópusambandinu eða ert breskur, svissneskur, norskur eða íslenskur ríkisborgari skulu gildandi lög og varnarþing vera lögin og dómstólarnir þar sem þú hefur skráða búsetu.

Sérstaklega undanskilinn frá þessum samningi er sáttmáli Sameinuðu þjóðanna um sölu á vörum á milli ríkja.

ÖNNUR ÁKVÆÐI

Þessi samningur felur í sér heildstætt samkomulag milli þín og Apple og gildir um notkun þína á þjónustunni og kemur í stað allra fyrri samninga um sama efni milli þín og Apple. Þú kannt að þurfa að hlíta frekari skilmálum sem gætu átt við þegar þú gerir þýðingar eða notar þjónustu samstarfsaðila, efni frá þriðja aðila, hugbúnað frá þriðja aðila eða viðbótarþjónustu á borð við heildsöluáætlunina. Ef einhver hluti þessa samnings telst vera ógildur eða óframkvæmanlegur skal endurskoða þann hluta samkvæmt gildandi lögum svo hlutinn sem um ræðir endurspegli eins og frekast er unnt upprunalegar sameiginlegar fyrirætlanir viðkomandi aðila og önnur ákvæði samningsins skulu halda gildi sínu. Misbrestir af hálfu Apple við að nýta sér réttindi eða að framfylgja ákvæðum þessa samnings teljast ekki afsölun á slíkum eða nokkrum öðrum ákvæðum. Apple ber ekki ábyrgð á vanefndum á skyldum sínum sem rekja mætti til þín, þriðja aðila, eða ef um óviðráðanlegar aðstæður er að ræða.

Þú samþykkir að fara að öllum lögum, samþykktum, reglugerðum og reglum sveitarfélags, ríkis, fylkis og landstjórnar sem eiga við um notkun þína á þjónustunni. Notkun þín á þjónustunni getur einnig fallið undir önnur lög. Hætta á tapi í tengslum við kaup sem afhent eru rafrænt flyst yfir á færsluhirðinn við rafrænan flutning til viðtakandans. Enginn starfsmaður eða fulltrúi Apple hefur heimild til að breyta þessum samningi.

Apple kann að senda þér tilkynningar í tengslum við þjónustuna í tölvupósti á netfangið þitt eða í bréfpósti á heimilisfangið þitt, eða birta tilkynningu í þjónustunni. Tilkynningar skulu öðlast gildi þegar í stað. Apple kann einnig að hafa samband við þig í tölvupósti eða sjálfvirkum tilkynningum til að senda þér frekari upplýsingar um þjónustuna.

Önnur úrlausn deilumála. Apple er ekki skylt að taka þátt í, og ætlar ekki að taka þátt í, neinu öðru úrlausnarferli. Ef þú lendir í vandræðum skaltu hafa samband við notendaþjónustu Apple https://support.apple.com/contact.

Þú veitir Apple hér með rétt til þess að beita þeim aðferðum sem Apple metur nauðsynlegar eða viðeigandi til að framfylgja og/eða staðfesta að samningnum sé fylgt í hvívetna. Þú samþykkir að Apple hafi rétt, án þess að það skapi bótaábyrgð gagnvart þér, til þess að afhenda hvers kyns gögn og/eða upplýsingar til yfirvalda, stjórnsýslustofnanna, dómstóla, opinberra stofnanna og/eða þriðju aðila samkvæmt því sem Apple telur nauðsynlegt eða viðeigandi til að framfylgja og/eða staðfesta að samningnum sé fylgt í hvívetna. Þessi réttur felur í sér, án þess að takmarkast við, rétt Apple til að aðstoða við allan málarekstur í tengslum við notkun þína á þjónustunni og/eða efninu og/eða kvörtun þriðja aðila um að notkun þín á þjónustunni og/eða efninu sé ólögmæt og/eða brjóti gegn rétti slíks þriðja aðila).

Síðast uppfært: 15 september 2025