• «Карталар» қолданбасындағы «Мәселе туралы хабарлау» функциясы хабарланған мәселелерді шешуге көмектесетін ақпаратты жинайды. Үйіңізге, жұмысыңызға және мектебіңізге, сонымен қатар «Айналаға қарау» кескінін бұлдыратуға қатысты белгілі бір есептер үшін жиналған ақпарат және «Карталар» қолданбасындағы фотолар Apple аккаунтымен бірге сақталады. Сол есептерді жібермес бұрын, Apple аккаунтыңыз жіберу процесінің барысында экранда көрсетіледі. Барлық басқа есептер жүйелі түрде ауысып тұратын және Apple аккаунтыңызбен байланыстырылмайтын идентификатормен байланысты болады.
• Есепті интернетте Apple Maps сервисі арқылы жіберсеңіз, Apple компаниясы сервистің тұтастығын сақтау үшін эл. пошта мекенжайыңызды есеппен бірге жинауы мүмкін.
• Мәселені тиімдірек шешуге көмектесу үшін есеппен бірге қосымша ақпаратты жіберуіңізге болады.
• Apple компаниясы хабарланатын мәселелердің трендтерін жақсырақ түсіну үшін Apple аккаунтыңызбен немесе эл. пошта мекенжайыңызбен байланысты ақпаратты екі жылға дейін, ал кейбір белгілі бір есептерді бес жылға дейін сақтауы мүмкін.

Сіз мәселе туралы хабарлаған кезде, «Карталар» қолданбасы есепті талдау және «Карталар» қолданбасын жақсарту үшін қажет болатын минималды жеке деректерді жинайды.

Apple компаниясы келесі ақпаратты жинауы мүмкін:

• Құрылғы моделі, операциялық жүйе нұсқасы, аймақ және тіл, уақыт және уақыт белдеуі, «Карталар» қолданбасының реттеулері, сондай-ақ Apple Watch сағатына немесе CarPlay функциясына қосылғаныңыз туралы ақпарат. Бұл «Карталар» қолданбасының мүмкіндіктерін және хабарлаған кездегі күйін жақсырақ түсінуге мүмкіндік береді
• Мәселе туралы хабар жібергенге дейін карта көрінісіңіздің кескіні, масштабтау деңгейі және соңғы пайдаланылған іздеу сұрауы. Бұлар мәселе туындаған кездегі жағдайды жақсырақ түсінуге мүмкіндік береді. Үйіңіздің геолокациясын көрсететін белгіше сияқты жеке басыңызды анықтауы мүмкін ақпарат бұл кескінде қамтылмаған
• Геолокацияңыз
• Есепте берілетін ақпарат, мысалы, ұсынылған жаңа мекенжайлар, URL мекенжайлары, жұмыс сағаттары мен комментарийлер және жүктеп салынған фотолар

Кейбір жағдайларда Apple компаниясы, сондай-ақ келесі деректерді жинауы мүмкін:

• Apple аккаунтыңыз, оның ішінде эл. пошта мекенжайыңыз, сіз үйіңіздің, жұмысыңыздың немесе мектебіңіздің геолокациясына қатысты мәселе туралы хабарлаған, «Айналаға қарау» кескінін бұлыңғырлауды сұраған немесе «Карталар» қолданбасындағы фотоға қатысты авторлық құқық мәселесі туралы хабарлаған сәттер. Интернеттегі Apple Maps сервисі арқылы «Айналаға қарау» кескінін бұлыңғырлау сұрауын жіберсеңіз, Apple сервисінің тұтастығын сақтау үшін эл. пошта мекенжайыңызды жинайды. Осы есептерді жібермес бұрын, Apple аккаунтыңыз немесе эл. пошта мекенжайыңыз жіберу процесінің барысында экранда көрсетіледі. Сонымен қатар Apple аккаунты немесе эл. пошта мекенжайы бар есептер үшін Apple мәселені түсіндіру немесе түзету туралы хабарлау мақсатында сізбен эл. пошта арқылы байланысуы мүмкін. Барлық басқа есеп жүйелі түрде ауысып тұратын және Apple аккаунтыңызбен байланыстырылмайтын идентификатормен байланысты болады
• Үйіңіздің, жұмысыңыздың немесе мектебіңіздің мекенжайы (үй, жұмыс және мектеп геолокацияларын түзету үшін)
• «Айналаға қарау» функциясын пайдалану кезіндегі қарау бағыты және бұрышы (кескіндерге қатысты мәселелерді түзету үшін)
• Бағдарыңыз, соның ішінде сапардың бастапқы және соңғы нүктесі (навигацияға қатысты мәселелер үшін)
• Соңғы іздеу нәтижелері, соның ішінде сол нәтижелерді алу үшін пайдаланылған іздеу сұраулары (іздеуге қатысты мәселелерді түзету үшін)
• Есебіңізге қосқан басқа да ақпарат, соның ішінде комментарийлер мен фотолар

Егер хабарланған мәселені тек үшінші тарап шеше алатын болса, Apple компаниясы оны шешуге көмектесу үшін мәселеге қатысты ақпаратты үшінші тарапқа жіберуі мүмкін. Apple компаниясы ақпаратты үшінші тараппен мәселені шешу үшін қажет болған жағдайда ғана бөліседі. Ақпарат жіберілмес бұрын, одан жеке басыңызды анықтауы мүмкін деректер жойылады.

Жеке деректерді өңдеу үшін қолданылатын құқықтық негіз

Біз «Карталар» қолданбасындағы «Мәселе туралы хабарлау» функциясы үшін жеке деректеріңізді әдетте қызмет көрсету үшін қажет болған жағдайда және заңды міндеттемелерімізді орындау үшін өңдейміз. Келісім тиісті заңды негізге сүйенсе, біз оны қолданыстағы жергілікті заңға сәйкес іздейміз. Қолданыстағы жергілікті заңда қарастырылған жағдайда, біз сот талаптарынан қорғану, талаптарды дәлелдеу және талап беру мақсатында заңды мүдделеріміз үшін қажетті жеке деректерді өңдейміз.

Деректерді сақтау

Apple компаниясы жинаған деректер сенімді сервис провайдерлері арқылы өңделуі және сақталуы мүмкін. Сіз берген және сізбен байланысты ақпарат сервис сапасын сақтау, хабарланатын мәселелердің трендтерін түсіну және қолданыстағы заңнама талаптарына сәйкестікті қамтамасыз ету мақсатында екі жылға дейін және заңмен талап етілетін авторлық құқыққа қатысты кейбір есептер бес жылға дейін сақталуы мүмкін.

Apple жинаған ақпарат әрқашан Apple құпиялылық саясатына (www.apple.com/privacy) сәйкес өңделеді.

Жарияланған күні: 2025 жылғы 31 наурызы