Legal

iCLOUD СЕРВИСІН ПАЙДАЛАНУ ШАРТТАРЫ

iCLOUD СЕРВИСІН ПАЙДАЛАНУ ШАРТТАРЫ

iCloud сервисіне қош келдіңіз

СІЗ БЕН APPLE КОМПАНИЯСЫНЫҢ АРАСЫНДАҒЫ ОСЫ ЗАҢ КЕЛІСІМІ (ӘРІ ҚАРАЙ КЕЛІСІМ) СІЗДІҢ iCLOUD ӨНІМДЕРІН, БАҒДАРЛАМАЛЫҚ ҚАМТАМАСЫЗ ЕТУІН, СЕРВИСТЕРІН ЖӘНЕ ВЕБ-САЙТТАРЫН (ӘРІ ҚАРАЙ БІРГЕ СЕРВИС ДЕП АТАЛАДЫ) ПАЙДАЛАНУЫҢЫЗДЫ РЕТТЕЙДІ. СІЗДІҢ ТӨМЕНДЕ БЕРІЛГЕН ШАРТТАРМЕН ТАНЫСУЫҢЫЗ ЖӘНЕ СОЛАРҒА КЕЛІСУІҢІЗ МАҢЫЗДЫ. «ҚАБЫЛДАЙМЫН» (AGREE) БАТЫРМАСЫН БАСЫП, СІЗ СЕРВИСКЕ ҚОЛ ЖЕТКІЗУДІ НЕ ОНЫ ПАЙДАЛАНУДЫ ІСКЕ АСЫРУҒА ШЕШІМ ҚАБЫЛДАҒАН ЖАҒДАЙДА, СІЗДІҢ ШАРТТАРДЫ ҚОЛДАНУҒА КЕЛІСІМІҢІЗДІ БІЛДІРЕСІЗ.

Apple компаниясы тек осы Келісімде берілген шарттарға сәйкес белгілі бір Интернет-қызметтерді пайдалануға, соның ішінде Сіз өзіңіздің үйлесетін құрылғыларыңыз бен компьютерлеріңізден қол жеткізе алатын жеке контентті (iCloud байланыстары, күнтізбектері, фотосуреттері, естеліктері, ескертулері, құжаттары, қосымшаларының деректері және электрондық поштасы секілді) сақтауға, сонымен қатар тұрған жерге байланысты берілетін бірқатар қызметтерге мүмкіндік беретін Сервисті ұсынады. iCloud пайдалану мүмкіндігін қосқаннан кейін Сіздің контентіңіз кейін Сіз соған қол жеткізу алуыңыз үшін не оны сымсыз байланыс арқылы iCloud сервисін пайдалануға мүмкіндік беретін басқа құрылғыларға не компьютерлерге бере алуыңыз үшін Apple компаниясының серверлеріне автоматты түрде жіберіледі. Осы Келісімде Apple компаниясын сөз еткенде, келесідей компаниялар сөз болады:

• Apple Inc., орналасқан мекен-жайы: 1 Infinite Loop, Cupertino, California, – Солтүстік, Орталық және Оңтүстік Америкадағы (Канададан басқа); сонымен қатар, Америка Құрама Штаттары аумағы мен иелігіндегі; және Солтүстік Америка, Оңтүстік Америка мен Кариб теңізіндегі француз және ағылшын иелігіндегі жерде тұратын пайдаланушылар үшін;

• Apple Canada, орналасқан мекен-жайы: 7495 Birchmount Road, Markham, ON L3R 5G2, – Канададағы немесе аумағындағы және иелігіндегі жерде тұратын пайдаланушылар үшін;

• iTunes K.K., орналасқан мекен-жайы: Roppongi Hills, 6-10-1 Roppongi, Minato-ku, Tokyo 106-6140, Tokyo, – Жапониядағы пайдаланушылар үшін;

• Apple Pty Limited, орналасқан мекен-жайы: Level 13, Capital Centre, 255 Pitt Street, Sydney NSW 2000, Australia, – Австралия, Жаңа Зеландияда, оның ішінде аралдың иелігіндегі жерде, аудандарында және мұра етілген жерде тұратын пайдаланушылар үшін;

• iTunes Sarl, орналасқан мекен-жайы: 31-33, rue Sainte Zithe, L-2763 Luxembourg – барлық қалған пайдаланушылар үшін.

СЕРВИСТІ ПАЙДАЛАНУҒА ҚОЙЫЛАТЫН ТАЛАПТАР

Сервисті 13 жастан асқан және Apple иденификаторы белгіленген оқу орнының сұрауы бойынша берілген тұлғалар ғана пайдалана алады. Егер Сіз 13 жастан үлкен болсаңыз, бірақ тұратын мемлекетіңіздің заңнамасына сәйкес кәмелетке толмаған болсаңыз, Сіздің және Сіздің ата-анаңыздың (қамқоршыңыздың) осы Келісімнің шарттарын түсінулеріңіз үшін Сіз осы Келісіммен өзіңіздің ата-анаңызбен (қамқоршыңызбен) бірге танысқаныңыз жөн. Сонымен қатар ата-аналар (қамқоршылар) кәмелетке толмағандарға Интернет желісінде бейтаныс адамдармен араласудың қауіпті болуы мүмкін екенін ескертуі керек және балаларды қорғау үшін тиісінше сақтық шараларын қабылдауы керек, соның ішінде олардың Сервисті пайдалануын бақылауы керек.

Сервисті пайдалануды Сіз бұған АҚШ заңдарыбойынша және басқа сәйкесінше мемлекеттердің, соның ішінде Сіз тұратын мемлекеттің не Сіз Сервисті пайдаланатын мемлекеттің заңнамасы бойынша Сізге сәйкесінше тыйым салынбаған болса ғана іске асыра аласыз. Осы Келісімді қабылдай отырып, Сіз жоғарыда берілгендерді түсінетініңізді және соларға келісетініңізді мәлімдейсіз.

Сервисті пайдалану үйлесетін құрылғылардың, Интернет желісіне қол жеткізудің және белгілі бір бағдарламалық қамтамасыз етудің (ол үшін ақы алынуы мүмкін) бар болуын талап етеді; сонымен бірге, бағдарламалық қамтамасыз етуді оқтын-оқтын жаңартып түру талап етілуі мүмкін; бұл факторлар Сервисті пайдалану мүмкіндігіне ықпал етуі мүмкін. Apple компаниясы өзіне бір құрылғыда, сондай-ақ бір Есептік жазбамен байланысты құрылғылардың санында құрылуы мүмкін Есептік жазбалардың санын шектеу құқығын қалдырады. Интернет желісіне жоғары жылдамдықты қол жеткізуді алуға табанды түрде ұсыныс жасалады. Сервиске қол жеткізу үшін бірқатар транзакцияларды жасау және белгілі бір қызметтерді жүзеге асыру үшін талап етілуі мүмкін талап етілетін бағдарламалық қамтамасыз етудің соңғы нұсқасына иеленуге ұсыныс жасалады. Сіз аталған талаптардың (солардың өзгертулерін ескере отырып) орындалуы үшін өзіңіздің жауапкершілігіңізді мойындайсыз.

Сервисті тұрған жерге қарай пайдалану

Apple компаниясы, оның серіктестері және лицензиарлары Сервистің аясында орналасқан жер туралы ақпаратқа қарай құрылғыларда қол жеткізіле алатын, Wi-Fi жаппай қол жеткізу нүктелерімен және ұялы байланыс мұналарының орналасқан жерлерімен қатар, GPS пайдалана отырып (бар болса), белгілі бір функциялар мен қызметтерді (мәселен, «Найти iPhone», «Менің достарымды табу») көрсете алады. Осындай функциялар мен қызметтерді мүмкіндігінше беру үшін Apple компаниясы және оның серіктестері мен лицензиарлары Сіздің құрылғыңыздың географиялық орналасуы туралы деректерді қоса (бірақ онымен шектелмей), Сіздің тұрған жеріңіз туралы деректерді және Сіздің iCloud есептік жазбаңызға (әрі қарай Есептік жазба) және сонда тіркелген кез-келген құрылғылармен байланысты мәліметтерді, соның ішінде (бірақ онымен шектелмей) Сіздің Apple, ID теңестіргішіңізді және құрылғының атауын, құрылғының типін жинауы, пайдалануы, беруі, өңдеуі және сақтауы керек. Сіз осы құжатпен Apple компаниясның, оның серіктестері мен лицензиарларының сәйкесінше функциялар мен қызметтерді беру, сондай-ақ оларды жетілдіру үшін осындай орналасқан жер және есептік жазбалар туралы деректерді жинауына, пайдалануына, беруіне, өңдеуіне және сақтауына келісім бересіз.

Сіз тұрған жерге қарай берілетін функцияларды пайдаланбау арқылы және өзіңіздің құрылғыңызда және компьютеріңізде « iPhone табу», «Менің достарымды табу» не, нақты жағдайға байланысты, «Тұрған жер бойынша қызметтер» функцияларын өшіріп, өзіңіздің келісіміңізді кез-келген уақытта кері қайтара аласыз. Сервистің аясында тұрған жер туралы деректерді пайдаланатын не беретін бөтен жеткізушілердің қызметтерін пайдаланған кезде, Сіз осындай жеткізушілердің бөтен жеткізушілердің қызметтерін беру барысында тұрған жер туралы деректерді пайдалануға қатысты белгілейтін шарттары мен құпиялылық саясатын оқуға және орындауға міндеттісіз. Тұрған жер туралы дәл мәліметтер қажет болған не қате, дәл емес, кешіктіріліп түскен не толық емес тұрған жер туралы деректер адамдардың қаза болуына, сәтсіз жағдайларға, сондай-ақ мүлікке не қоршаған ортаға зиян келтірілуі мүмкін жағдайларда, Сервис беретін тұрған жер туралы деректерге сенбеген жөн. Сервисті берген кезде Apple компаниясы орынды тәжірибені қолданатын болады және тиісінше мұқияттылықпен әрекет ететін болады, бірақ не Apple компаниясы, не оның контент-провайделері тұрған жер туралы деректердің және Сервис арқылы алынатын кез-келген өзге деректердің қол жетерлігіне, дәлдігіне, толықтығына, сенімділігіне және дер кезділігіне кепілдік бермейді.

«iPhone табу» функциясы (Find My iPhone)

« iPhone табу» және « Mac табу» функциялары тек жеке пайдалануға арналған. Бұл функцияны пайдаланудың мүмкіндіктерін iOS құрылғыңызда не Mac компьютерінде қосқаннан кейін осы мүмкіндіктер оларды анықтауға, оларда дыбыстарды қалпына келтіруге немесе және iOS не Mac құрылғысын қашықтан тазалауға немесе iOS құрылғысындағы «Жоғалту» (Lost Mode) режимін қашықтықтан іске қосуға қолданылады. iOS құрылғысы жоғалды деп ойласаңыз, біреу құрылғыңызды пайдаланудың не сатудың немесе деректеріңізге кірудің алдын алу үшін «Жоғалту» (Lost Mode) режимін дереу қосуыңыз керек. Жоғалған iOS құрылғысындағы «Жоғалту» (Lost Mode)режимін қосу арқылы құрылғыны құпия кодпен қорғай аласыз және iOS құрылғысы туралы барлық хабарландырулар мен хабарларға жауап бере аласыз. Осыны орындамау деректердің жоғалуына не деректеріңізге үшінші тараптың кіруіне, жоғалған не ұрланған iOS құрылғысын таба алмауға немесе құрылғыны сатудың не пайдаланудың алдын ала алмауға әкелуі мүмкін. Apple iOS құрылғысын құпия кодпен қорғау, «Жоғалту» (Lost Mode)режимін қосу және/немесе хабарландырулар мен хабарларды қабылдау не жауап беру қатесіне немесе құрылғыны не ондағы деректерді қайтаруға жауапты емес.

«iPhone табу» функциясы (Find My iPhone) iOS 7 немесе одан кейінгі жүйеде жұмыс істейтін құрылғыларда қосулы кезде автоматты түрде Apple идентификаторына қосылады, ал Apple идентификаторының құпия сөзі біреу (сіз де) «iPhone табу» функциясын (Find My iPhone)өшіру, iOS құрылғысындағы iCloud қызметінен шығу, зауыттық параметрлерге қою үшін құрылғыны тазалау не оны тазалағаннан, SIM картасын алғаннан кейін құрылғыны белсендіру немесе құрылғының бекітілген жаңартуы не бағдарламалық құралды қалпына келтіруді қолдану алдында сұралады. «iPhone табу» функциясын (Find My iPhone) қоспасаңыз, Apple және оның өкілетті өкілдері Apple компаниясының шектеулі кепілдігіне сай қызметтермен қоса, аппараттық не бағдарамалық құралға қолдау көрсету қызметтерін орындай алмайды.

Тек іске қосылған және Интернет желісіне қосылған (3G не тіркелген Wi-Fi желісі секілді деректерді беру желісі арқылы) iOS құрылғылары ғана анықтала алады. Анықтау үшін Мас компьютерлері іске қосылған болуы керек, «ұйықтау режиімінде» болмауы керек, Wi-Fi арқылы деректерді беру мүмкіндігін қоса отырып, Интернет желісіне қосылған болуы керек және тіркелген Wi-Fi желісінің диапазонының шеңберінде болуы керек. Егер жоғалған iOS құрылғысында «Жоғалту» режимі белсендендірілген болса, бұл оның құрылғы іске қосылған және Интернет желісіне қосылған жерін анықтауға, сондай-ақ «iPhone табу» функциясын пайдалана отырып, құрылғы анықталғаннан кейінгі соңғы 24 сағаттың ішіндегі орын ауыстыруларын анықтауға мүмкіндік береді. iOS құрылғысынан не Мас компьютерінен деректер қашықтан жойылған болса, оны табу, ондағы дыбыстарды қалпына келтіру, деректерді жоюдан бас тарту және «Жоғалту» режимін белсендендіру мүмкіндігі жойылады. Тұрған жер туралы сұрау функциясын пайдалану тұрған жерін анықтау орындалып отырған iOS құрылғысының не Mac компьютерінің аккумуляторын тогынан айырады. Егер iOS құрылғыңыз не Mac компьютеріңіз ұрланған деп санайтын болсаңыз, жергілікті құқық қорғау органдарынан көмек сұрау керек және деректерді қорғау үшін iOS құрылғысын не Мас компьютерін құлыптау не тазалауға арналған «Жоғалту» режимі секілді «iPhone табу» функциясынпайдалану қажет. iOS құрылғысының не Мас компьютерінің тұрған жері туралы сұрау салғаннан кейін және оны картада анықтағаннан кейін, ұзақтығы 24 сағатқа дейінгі кезеңнің ішінде бастапқы сұрау салынған мезеттен бастап iOS құрылғысының не Мас компьютерінің соңғы орналасқан жерін қарауға болады. Содан кейін Apple компаниясы мұндай ақпаратты бастапқы сұрау салынған мезеттен бастап 24 сағаттың ішінде жояды. ОСЫ ФУНКЦИЯНЫҢ АЯСЫНДА ТҰРҒАН ЖЕРІНЕ ҚАРАЙ БЕРІЛЕТІН ҚЫЗМЕТТЕР ТҰРҒАН ЖЕРДІ АПАТТЫҚ АНЫҚТАУ ЖҮЙЕСІ РЕТІНДЕ ПАЙДАЛАНУҒА АРНАЛМАҒАН ЖӘНЕ ЖАРАМАЙДЫ.

«Менің достарымды табу» функциясы (Find My Friends)

App Store дүкенінде жүктеуге болатын (бұл үшін үйлесетін жабдық және бағдарламалық қамтамасыз ету қажет) «Менің достарымды табу» қосымшасы Сізге өзіңіздің құрылғыларыңыздың көмегімен өзіңіздің тұрған жеріңіз туралы басқа пайдаланушылардың шектелген санына (солардың құрылғыларын пайдалана отырып) олардың сұрауын растап хабарлауға мүмкіндік береді. Сонымен қатар Сіз олардың құрылғыларын пайдаланып, Сіздің сұрауыңызды растаған басқа пайдаланушылардың шектелген санының тұрған жері туралы біле аласыз. Сіз құрылғыны қалған пайдаланушыларға өзіңіздің белгілі бір жерлерге баратын және сол жерлерден кететін уақытыңыз туралы автоматты түрде хабарлауға жөнге келтіре аласы, ал достардың тізіміне пайдаланушыларды қосқаннан кейін, Сіз құрылғыны Сіздің белгілі бір жерлеге баратын және сол жерлерден кететін уақытыңыз туралы хабарлауға жөнге келтіре аласыз. Сонымен қатар Сіз өзіңіздің тұрған жеріңіз туралы Сіз не басқа пайдаланушылар құрған пайдаланушылардың топтарының шектелген санына уақытша хабарлай аласыз және осындай топтардың барлық мүшелерінің тұрған жері туралы біле аласыз. Сіз өзіңіздің құрылғыңыздың тұрған жерін барлық басқа пайдаланушылардан уақытша жасыра аласыз. Сіз басқа пайдаланушыға Сіз берген Сіздің тұрған жеріңізді анықтауға рұқсатты жоя аласыз, Сіз тіркелген пайдаланушы ретінде «Менің достарымды табу» қосымшасымен жұмыс істеуді аяқтап не оны өзіңіздің құрылғыңыздан жойып, бұл функцияны өшіре аласыз. Сонымен қатар Сіз Сіз таңдаған жөнге келтірулердің рұқсатсыз өзгертілуінің алдын алу үшін iOS жөнге келтірулерінде шектеулерді, соның ішінде тұрған жерді анықтау құқығын беруге сұрауларды қабылдауды не өзіңіздің тұрған жеріңізді жасыруды пайдалана аласыз. Тұрған жер туралы сұрау салу функциясын пайдалану тұрған жерін анықтау орындалып жатқан құрылғының аккумуляторын тогынан айырады. ОСЫ ФУНКЦИЯНЫҢ АЯСЫНДА ТҰРҒАН ЖЕРІНЕ ҚАРАЙ БЕРІЛЕТІН ҚЫЗМЕТТЕР ТҰРҒАН ЖЕРДІ АПАТТЫҚ АНЫҚТАУ ЖҮЙЕСІ РЕТІНДЕ ПАЙДАЛАНУҒА АРНАЛМАҒАН ЖӘНЕ ЖАРАМАЙДЫ.

Резервтік көшіру

Құрылғыларда автоматты түрде резервтік көшіру мүмкіндігі бар және егер құрылғы кездейсоқ басулардан тежелген болса, қоректену көзіне және Wi-Fi желісі арқылы Интернет желісіне қосылған болса, резервтік көшірмелер оқтын-оқтын құрылады. iCloud Сервисі Сіздің үш соңғы резервтік көшірмеңізді сақтайтын болады, алайда егер құрылғыдан 180 (бір жүз сексен) күннің ішінде iCloud-та резервтік көшірмелер құрылмаған болса, Apple компаниясы өзіне осындай құрылғыға қатысты мұрағаттарды жою құқығын қалдырады. Тек құрылғының жөнге келтірулерінің, құрылғының сипаттамаларының, фотосуреттердің және видеороликтердің, хабарлардың (iMessage, SMS и MMS), дыбыс әуендерінің, қосымшалардың деректерінің, тұрған жерге байланысты жөнге келтірулердің (тұрған жерге қарай берілетін Сіз жөнге келтірген ескертулер), сондай-ақ Home экранының және қосымшаларды ұйымдастырудың ғана резервтік көшірмелері құрылады. . iTunes Store, App Store не iBookstore дүкендерінде сатылып алынған Контенттің резервтік көшірмелері құрылмайды, бірақ есептік жазбаға қойылатын талаптарды,олардың бар болуын, сондай-ақ пайдаланудың қолданылатын шарттарын ескере отырып, олар аталған дүкендерден жүктеле алады. Компьютерден синхрондалған медиафайлдардың резервтік көшірмесі жасалмайды. Сіздің электрондық пошта хабарларыңыз, байланыстарыңыз, күнтізбектеріңіз, қосымшаларыңыз бен iCloud құжаттарыңыз iCloud серверлерінде сақталады және Сіз соларға қол жеткізе аласыз. Сервисті берген кезде Apple компаниясы орынды тәжірибені қолданатын болады және тиісінше мұқияттылықпен әрекет ететін болады, бірақ ҚОЛДАНАТЫН ЗАҢНАМА БАРЫНША РҰҚСАТ ЕТЕТІН ДЕҢГЕЙДЕ APPLE КОМПАНИЯСЫ СІЗ САҚТАЙТЫН НЕ СЕРВИСТІҢ КӨМЕГІМЕН ҚОЛ ЖЕТКІЗЕТІН ҚАНДАЙ ДА БІР КОНТЕНТТІҢ КЕЗДЕЙСОҚ ЗИЯНҒА, ЗАҚЫМДАЛУҒА, ЖОҒАЛУҒА НЕ ОСЫ КЕЛІСІМНІҢ ШАРТТАРЫНА СӘЙКЕС ЖОЙЫЛУҒА БЕЙІМ БОЛМАЙТЫНЫНА КЕПІЛДІК ЕТПЕЙДІ ЖӘНЕ APPLE КОМПАНИЯСЫ ОСЫНДАЙ ЗИЯН, ЗАҚЫМДАЛУ, ЖОҒАЛУ НЕ ЖОЙЫЛУ ҮШІН ЖАУАПКЕРШІЛІК КӨТЕРМЕЙДІ. Сіз өзіңіздің аппаратыңыз бен өзіңіздің деректеріңіздің қажетті баламалы резервтік көшірмелерінің бар болуы үшін өз бетіңізше жауапкершілік көтересіз.

iCloud резервтік көшіру функциясын қосқан кезде Сіздің құрылғыңыз синхрондау кезінде iTunes серверлерінде резервтік көшірмелерді автоматты түрде құрмайды, бірақ Сіз iTunes серверлерінде резервтік көшірмелерді сақтауды қолмен іске қоса аласыз.

«Фотоағын» қосымшасы (My Photo Stream)

Құрылғыда не компьютерде «Фотоағын» (My Photo Stream)қосымшасын активтендірген кезде, Сіздің құрылғыңыздың көмегімен жасалған не Сіздің компьютеріңізге импортталған жаңа фотосуреттер iCloud жүктелетін болады, содан кейін «Фотоағын» қосымшасы активтендірілген басқа құрылғыларға не компьютерлерге автоматты түрде жүктелетін болады. Жүктелген фотосуреттер «Фотоағын» деректерді бейнелеу режимінде не Сіздің құрылғыңыздағы жекелеген папкада бейнеленетін болады. Фототүсіру кезінде алынған бейнелерді рұқсат ету олар жүктелетін құрылғыға қарай өзгеруі мүмкін. Құрылғыларда «Фрирағын» қосымшасын пайдалану үшін Wi-Fi-қосылысы талап етіледі. Apple компаниясы өзіне Сервистің мақсаты бойынша пайдаланылмауын және оны пайдаланып қиянат етуді шектеу үшін белгілі бір уақыт кезеңінде көшірілетін бейнелердің саны мен (не) көлеміне шектеулер қою құқығын қалдырады..

«Фотоағын» қосымшасында пайдалану үшін «Фотоағынға» жүктелген фотосуреттер тиісті уақыты мен сан шегіне байланысты автоматты түрде жойылады. Құрылғыларда альбомдағы және «Фотоағын» деректерін бейнелеу режиміндегі ең соңғы фотосуреттердің шектелген саны сақталады; қолданыстағы бейнелердің санына шектеуден асқан кезде ең ескі фотосуреттер фотоағынға жаңа фотосуреттерді жүктеген шамада автоматты түрде жойылатын болады.

iCloud фотосуретті ортақ пайдалану мүмкіндігі

iCloud фотосуретті ортақ пайдалану мүмкіндігі қосулы кезде таңдалған фотосуреттер мен үйлесімді бейнелерді ортақ фотоағынды жасау арқылы үйлесімді жүйелердегі немесе Интернеттегі қауымдастықтағы басқалармен ортақ пайдалануға болады. Ортақ пайдалана алатын пайдаланушылар фотосуреттерге пікір білдіре алады немесе өз фотосуреттері мен бейнелерін ортақ пайдалана алады, ал сол пікірлер, фотосуреттер және бейнелер фотоағынды ортақ пайдаланған басқа пайдаланушылармен ортақ пайдаланылады. Фотоағын иесі ағындағы кез келген пікірлерді, фотосуреттерді, бейнелерді өшіре алады; ал қатысушы өзі қатысқан фтосуреттерді не бейнелерді немесе иесі сол қатысушымен ортақ пайдаланған фотосуреттердегі не бейнелердегі пікірлерді өшіре алады.

Берілген ортақ фотоағынның көлемі фотосуретке, бейнеге не алушының санына және/немесе өлшем шектеріне байланысты болуы мүмкін. Жүктелген фотосуреттерді қолмен сақтауға болады. Ортақ фотоағын Wi-Fi болмаған жағдайда ұялы байланысты пайдаланады.

Сервисті өзгерту

Apple компаниясы өзне Сервисті өзгерту не оны беруді толығымен әлде ішінара, уақытша әлде біржолата тоқтату құқығын қалдырады. Сервисті айтарлықтай өзгерту туралы хабарландыруды Apple компаниясы біздің сайтымызда орналастыра алады және (не) Сізге электрондық пошта арқылы Есептік жазбаға байланысты негізгі мекен-жайға жібере алады. Сіз iCloud электрондық поштасының мекен-жайын және (не) Apple тіркелген электрондық поштаның негізгі мекен-жайын осындай хабарландыру бар не жоқ екеніне тексеруіңіз керек. Сіз Apple компаниясының не Сіздің алдыңызда, не үшінші тұлғалардың алдында Сервистің өзгерісі үшін не оны берудің тоқтатылғаны үшін жауапкершілік көтермейтініне келісесіз. Егер Сіз Сервисті пайдалануға төлем жасап, ал біз оны беруді тоқтатсақ не оның функционалдылығын айтарлықтай төмендеткен болсақ, біз Сізге алдын ала төленген соманы оны пара-пар түрде азайту арқылы өтейміз.

Сервисті пайдалануға шектеулер

Сіз Сервисті тек осы Келісім, қолданылатын заңнама не сәйкесінше мемлекеттегі көпшілік қабылдаған тәжірибе рұқсат еткен мақсаттар үшін ғана пайдалануға міндет аласыз. Деректерді сақтау үшін Сіздің Есептік жазбаңыз үшін 5 ГБ бөлініп беріледі (функциялардың суреттемесін iCloud веб-сайтында қараңыз). Сонымен қатар, төменде көрсетілгендей, сақтау үшін қосымша орын алу мүмкіндігі бар. Өткізу қабілетінің не сақтау орнының қолданылатын не орынды шектеулерінен асуға (мысалы, электрондық поштаның есептік жазбасының деректерін резервтік көшіру не сақтау үшін орын бөлу кезінде) тыйым салынады және Сізді iCloud резервтік көшіру, құжаттарды қосу және Сіздің iCloud электрондық поштасының мекен-жайыңызға жіберілген жаңа хабарларды алу мүмкіндігінен айыруы мүмкін. Егер Сіздің Сервисті пайдалану тәртібіңіз не сіздің басқа әрекеттеріңіз Apple компаниясының Сервисті не басқа жүйелердің қызметтерін беру бойынша мүмкіндіктерін қасақана не қасақана емес түрде қауіп төндіретін болса, Apple Сервисті және Apple жүйелерін қорғау үшін барлық орынды шараларды қабылдауға құқылы, олар сіздің Сервиске қол жеткізуіңізді қамтуы мүмкін. Шектеулерді қайта бұзу Сіздің Есептік жазбаңыздың әрекетін тоқтатуға әкелуі мүмкін.

Сервистің пайдалану үшін қол жетерлік болуы

Сервис, әлде оның қандай да бір қызметтеріне не бөліктеріне барлық тілдерде және барлық мемлекеттерде пайдалану үшін қол жеткізіле алмауы мүмкін және Apple кмпаниясы Сервистің, әлде оның қандай да бір функцияларының не бөліктерінің қандай да бір нақты жерде пайдалану үшін лайықты не қол жетерлік болатына кепілдік етпейді. Сервиске қол жеткізуді іске асыру және оны пайдалану туралы шешім қабылдап, Сіз оны өзіңіздің бастамаңыз бойынша жасайтын боласыз және барлық қолданылатын жергілікті заңнаманы қоса (бірақ онымен шектелмей), барлық қолданылатын заңнаманың орындалуы үшін жауапкершілік көтересіз.

Көпшілік қол жеткізетін бета-нұсқалар

Apple компаниясы пайдаланушыларға қандай да бір бета-функциялардың сапасы және пайдаланылу ыңғайлылығы туралы пікірлерді алу үшін қол жеткізетін бета-нұсқалар бағдарламасын (әрі қарай Бағдарлама) жүзеге асыру аясында Сервистің жаңа және (не) жаңартылған компоненттерін (әрі қарай бета-функциялар) ұсына алады. Сіз Сіздің Бағдарламаға қатысуыңыздың ерікті болып табылатынын және Сіз бен Apple компаниясының арасында заң серіктестігінің қарым-қатынастарын, агенттік не еңбек қарым-қатынастарын құрмайтынын және Apple компаниясының Сізге бета-функцияларын беруге міндетті емес екенін түсінесіз және келісесіз. Apple компаниясы бета-функцияларды Бағдарламаның қатысушыларына онлайн-тіркеу не Сервис арқылы тіркеу жолымен бере алады. Сіз Apple компаниясының Сізді Бағдарламаға енгізу және (не) Сіздің соған қатысу құқығыңызды анықтау үшін Сіздің Есептік жазбаңыздан, Сіздің құрылғыларыңыздан және перифериялық құрылғыларыңыздан белгілі бір ақпаратты жинай және пайдалана алатынын түсінесіз және келісесіз. Сіз Бағдарламаға қатысу үшін тіркеуден кейін Сіздің қандай да бір бета-функцияның одан да бұрынғы нұсқасына (бета-нұсқа болып табылмайтын) орала алмайтыныңызды түсінесіз. Егер мұндай оралу мүмкін болса, бета-функцияда құрылған деректерді одан да бұрынғы нұсқаға (бета-нұсқа болып табылмайтын) көшіру мүмкін болмауы мүмкін. Сіздің бета-функцияларды пайдалануыңызды және Сіздің бағдарламаға қатысуыңызды осы Келісім және жекелеген бета-функцияларға таралатын лицензиялардың қосымша шарттары реттейді. Бета-функциялар «ҚАЛАЙ БАР БОЛСА, СОЛАЙ» және «БАР БОЛСА» шарттарының негізінде пайдалануға беріледі және соларда Сіздің құрылғыңыздағы және соған қосылған перифериялық құрылғылардағы (серверлер мен компьютерлерді қоса,бірақ солармен шектелмей) деректердің және (не) ақпараттың істен шығуына, зақымдалуына не жоғалуына әкелуі мүмкін қателер мен дәлсіздіктер бар болуы мүмкін. Кез-келген Бағдарламаға қатысардың алдында Apple компаниясы өзіңіздің құрылғыңыздағы және барлық перифериялық құрылғылардағы барлық деректер мен барлық ақпараттың резервтік көшірмесін жасауға табанды түрде ұсыныс жасайды. Сіз кез-келген бета-функцияларды пайдалануға байланысты барлық тәуекелге бас тігетініңізді мойындайсыз және келісесіз. СІЗ ӨЗІҢІЗ СІЗДІҢ КЕЗ-КЕЛГЕН БАҒДАРЛАМАҒА ҚАТЫСУЫҢЫЗҒА БАЙЛАНЫСТЫ БАРЛЫҚ ТӘУЕКЕЛДЕРГЕ БАС ТІГЕСІЗ ЖӘНЕ БАРЛЫҚ ШЫҒЫНДАРДЫ, СОНЫҢ ІШІНДЕ (БІРАҚ СОНЫМЕН ШЕКТЕЛМЕЙ) ИНТЕРНЕТКЕ ҚОЛ ЖЕТКІЗУ ҮШІН БАРЛЫҚ ТӨЛЕМДЕРДІ, РЕЗЕРВТІК КӨШІРУГЕ, СІЗДІҢ ҚҰРЫЛҒЫҢЫЗДЫ ЖӘНЕ ПЕРИФЕРИЯЛЫҚ ҚҰРЫЛҒЫЛАРДЫ ПАЙДАЛАНУҒА БАЙЛАНЫСТЫ, СОНДАЙ-АҚ СІЗДІҢ ЖАБДЫҒЫҢЫЗДЫҢ, БАҒДАРЛАМАЛЫҚ ҚАМТАМАСЫЗ ЕТУІҢІЗДІҢ, АҚПАРАТ ПЕН ДЕРЕКТЕРДІҢ ЗАҚЫМЛАУЫНА БАЙЛАНЫСТЫ ШЫҒЫНДАРДЫ ҚАБЫЛДАЙСЫЗ. Apple КОМПАНИЯСЫ Сізге бета-функцияларына байланысты техникалық және (не) өзге қолдау көрсете алады (бірақ міндетті емес). Егер қолдау көрсетілетін болса, ол Сервиске байланысты ағымдағы қолдауды толықтыратын болады және тек Бағдарламаның аясында ғана қол жетерлік болады. Сіз осындай қолдауды алу үшін Apple компания белгілейтін барлық ережелер мен саясатты орындауға міндет аласыз. Apple компаниясы өзіне хабарландыру арқылы да, хабарландырусыз да, бағдарламаны жүзеге асырудың шарттары мен саясатын кез-келген уақытта өзгерту (сондай-ақ Бағдарламаны жүзеге асыруды тоқтату) құқығын қалдырады және Сіздің Бағдарламаға қатысуыңызды кез-келген уақытта тоқтата алады. Сіз Apple компаниясының бета-функциялардың коммерциялық нұсқасын беруге міндетт емес екенін, ал берілетін коммерциялық нұсқалардың мүмкіндіктері не функционалдылығы бета-функцияларда берілген мүмкіндіктер мен функционалдылықтардан өзгеше болуы мүмкін екенін мойындайсыз. Бағдарламаның аясында Apple компаниясы Сізге Сіздің бета-функцияларды пайдалануға байланысты өзіңіздің ескертулеріңізді, ұсыныстарыңыз бен өзге де пікірлеріңізді білдіруіңізге мүмкіндік береді. Сіз егер өзге нәрсе туралы бөлек жазбаша келісім жасалмаған болса, Apple компаниясының сіздің кез-келген пікірлеріңізді кез-келген мақсатта пайдалануға құқығы бар болатынын мойындайсыз.

Деректерді сақтау үшін қосымша орынды сатып алуға жазылу

Деректерді сақтау үшін қосымша орын жазылу арқылы сатылып алына алады.

Төлем

Сервистің аясындағы төлемдер үшін несие карталары және белгілі бір есеп айырысу шоттары (барлық мемлекеттер үшін емес) қабылданады; төлемдердің сомасы Сіздің Apple теңестіргішіңізге байланысты көрсетілуі мүмкін төлем тәсілін ескере отырып, автоматты түрде алынатын болады (мысалы, Сіздің iTunes, App.Store не iBookstore дүкендерінде (қол жеткізу шамасына қарай)сатып алу кезінде пайдаланатын төлем тәсіліңіз). Apple компаниясы транзакция сомасына дейінді көлемдегі қандай да бір сомаға алдын ала растау ала алады. Деректерді сақтау үшін қосымша орын үшін шоттар жыл сайын, қызметтер көрсетілгенге дейін беріледі. Шоттарды беру транзакция жасалған мезетте не содан кейін жуық арада іске асырылады. Сіз Сервистің аясында сатылып алынатын ақпаратты сақтау үшін қосымша орынға ақы төлеуге міндет аласыз және Apple компаниясының Сіздің несие картаңыздан не есеп айырысу шотыңыздан барлық сатылып алынған қосымша орын үшін ақыны, сондай-ақ Есептік жазбаға байланысты төленуі тиіс барлық сомаларды (болуы мүмкін салықтарды, төлемнің мерзімі өткізілгені үшін төлемақы өсімін қоса) ала алатынына, сондай-ақ Apple компаниясының жыл сайын Сіздің несие картаңыздан не есеп айырысу шотыңыздан жазылу өзгертілген не жойылған мезетке дейін жазылуға байланысты барлық төлемдер мен алымдарды алуды жалғастыра алатынына келісесіз. Бұл егер Сіз келесі жыл Сайынғы шот берілетін күнге дейін жазылуды өзгертпесеңіз не жоймасаңыз, біз Сіздің несие картаңыздан не есеп айырысу шотыңыздан сәйкесінше күнге қарай тиесілі төлемдерді төлеу үшін қаражаттар алатынымызды білдіреді.

Шамамен жыл сайынғы шоттар берілетін күнге дейін 30 (отыз) күн бұрын біз Сізге мекен-жайы Сіздің Apple теңестіргішіңізбен байланысты электрондық пошта арқылы Сіздің Есептік жазбаңызға байланысты шот берудің күтіліп отырғанын хабарлаймыз және жыл сайынғы шот беру күні Сіздің несие картаңыздан не есеп айырсу шотыңыздан аталған төлемдердің алынатынын ескертеміз. Сіз өзіңіздің құрылғыңыздың «Жөнге келтірулерінде» iCloud тарауында, Мас компьютерінің iCloud панелінде әлде басқа компьютердің iCloud басқару панелінде деректерді сақтау үшін орынды ұлғайту не азату арқылы өзіңіздің жазылуыңызды өзгерте аласыз. Осындай кейін бірден деректерді сақтау үшін қосымша орын үшін төлемдер жаңа тарифтік жоспарға сәйкес есептеліне басталады; деректерді сақтау үшін орын азайтылған жағдайда, жаңа тарифтік жоспар келесі жыл сайынғы шот беру күні күшіне енеді. СІЗ БАРЛЫҚ ТӨЛЕМДЕРДІҢ ДЕР КЕЗІНДЕ ТӨЛЕНУІ ҮШІН ЖӘНЕ APPLE КОМПАНИЯСЫНА БАРЛЫҚ ТӨЛЕМДЕРДІ ТӨЛЕУ ҮШІН ҚОЛДАНЫСТАҒЫ НЕСИЕ КАРТАСЫ ТУРАЛЫ НЕ ЕСЕПТІК ШОТ ТУРАЛЫ МӘЛМЕТТЕРДІ БЕРУ ҮШІН ЖАУАПКЕРШІЛІК КӨТЕРЕСІЗ. Барлық төлемдер Сіз тіркеу кезінде көрсеткен несие картасынан не есеп айырысу шотынан алынатын болады. Егер Apple компаниясын Сіздің несие картаңыздан не есеп айырысу шотыңызда қаражаттар ала алмайтын болса, ол өзіне Сіздің оның қолында сақталып жатқан Контентіңізге қол жеткізуді жою не шектеу, Сіздің оның қолында сақталып жатқан контентіңізді жою не Сіздің Есептік жазбаңыздың әрекетін тоқтату құқығын қалдырады. Егер Сіз басқа несие картасын (басқа есеп айырысу шотын) көрсеткіңіз келсе не егер Сіздің несие картаңыздың не есеп айырысу шотыңыздың мәртебесі өзгерген болса, iCloud «Есептік жазба туралы ақпарат» тарауында сәйкесінше өзгертулер енгізу керек; бұл орайда Сіздің Сервиске қол жеткізуіңіз Apple компаниясы жаңа төлем ақпаратының дұрыс екенін тексергенге дейін уақытқа тоқтатылуы мүмкін.

Жалпы баға деректерді сақтау үшін орынның көлемін өзгерту үшін төлемнің сомасын, несие картасы бойынша қолданылатын алымдарды, сондай-ақ тауарлар мен қызметтерді жеткізуге салынатын қолданылатын салықты (GST), қосылған құн салығын (ҚҚС) не деректерді сақтау үшін орынның көлемін өзгерткен мезетте қолданыста болған салық мөлшерлемесі бойынша қолданылатын заңнамаға сәйкес есептелінетін өзге сол секілді салықты қамтиды. Біз Сервиске қолданылатын салық заңнамасы бойынша сәйкесінше міндеттер пайда болған жағдайда салық салатын боламыз.

Есептік жазба туралы ақпарат және берілген шоттарға байланысты сұраулар

Сіздің Есептік жазбаңыз туралы (соның ішінде төлем тәсілі туралы және шоттарды берудің валютасы туралы) толық ақпарат Сіздің құрылғыңыздағы есептік жазбаны басқару бетінде берілген. Apple компаниясы Сіздің Есептік жазбаңызға қатысты Сервис үшін төлемдерді есептеудің әрбір жағдайында шоттарды электронды түрде Сіздің Apple теңестіргішіңізге байланысты электрондық поштаның мекен-жайына жіберетін болады. Егер Сіз Сервиске байланысты қандай да бір сомалар қате есептелген деп санайтын болсаңыз, www.apple.com/support/icloud веб-беті арқылы iCloud пайдаланушыларды қолдау қызметіне өтініш жасап, бұл туралы бізге шот берілген мезеттен бастап 45 күннің ішінде хабарлаңызды сұраймыз.

Төлемдерді жою және өтеу

Сіз Сервиске байланысты төлейтін барлық төлемдер мен өзге де сомалар, заңнама мен осы Келісім қарастырған жағдайларды қоспағанда, қайтарылмайды. Толық өтемақы үшін Сіз Apple компаниясына деректерді сақтау үшін қосымша орынды бастапқы сатып алған мезеттен бастап 15 күннің ішінде не кезекті жыл сайынғы төлемнен кейін 45 күннің ішінде өтініш жасай аласыз. Осы Келісімге сәйкес өтемақы үшін өтініш жасау үшін бұл туралы одан да толық мәліметтер берілген www.apple.com/support/icloud веб-бетімен танысуды ұсынамыз. Бұл саясат қолданылатын жергілікті заңнаманы ескере отырып өзгертілуі мүмкін. Одан да толық мәліметтерді iCloud пайдаланушыларды қолдау қызметінде алуға болады.

Жазылудан деректерді сақтау үшін орынды «Қойма жоспары» тарауында Өзіңіздің құрылғыңызда iCloud Есептік жазбасы туралы ақпаратты, өзіңіздің Мас компьютеріңіздің жүйелік жөнге келтірулеріндегі өзіңіздің iCloud Есептік жазбаңызды қарау режимінде не өзіңіздің компьютеріңіздегі Windows үшін iCloud басқару панелінде iCloud өзіңіздің Есептік жазбаңызды қарау режимінде көрсетіп, тегін берілетін 5 ГБ дейін азайту арқылы бас тартуға болады. Сіздің ақылы жазылуыңыз келесі жыл Сайынғы шот берілетін күні жойылатын болады. Сонымен қатар заңның талаптарына сәйкес қаражаттар ішінара қайтарылуы да мүмкін.

Бағаның өзгеруі

Apple компаниясы қолданылатын заңнама талап ететін хабарландыруды беріп, деректерді (не соның кез-келген бөлігін) сақтау үшін орынның көлемін ұлғайту үшін белгіленген бағаны кез-келген уақытта өзгерте алады не жаңа төлемдер мен өзге де алымдар енгізе алады. Сіз жазылған жылдың ішінде іске асырылған бағалардың өзгерісі және жаңа төлемдердің енгізілуі келесі жазылу жылдарына және өзгертулер күшіне енген күннен кейінгі барлық жаңа абоененттерге қолданылатын болады. Қандай да бір өзгертумен келіспеген жағдайда Сіз сатылып алынған деректерді сақтау үшін орынның көлемін ұлғайтуға жазылуды жойыңыз және қосымша орында пайдалануды тоқтатуыңыз керек.

Сервисті пайдалану

Есептік жазба

Сервистің тіркелген пайдаланушысы ретінде Сіз Есептік жазба құра аласыз. Сіздің Есептік жазба туралы ақпаратты ешкімге жария етпегеніңіз жөн. Сіз өзіңіздің Есептік жазбаңыздың құпиялылығы мен қауіпсіздігін қамтамасыз ету үшін және Есептік жазбада және сол арқылы жасалған барлық әрекеттер үшін толық жауапкершілік көтересіз және Сіз Есептік жазбаға байланысты қауіпсіздік нормаларының барлық бұзылушылықтары туралы Apple компаниясына дереу хабарлауға міндет аласыз. Сонымен қатар Сіз Сервистің жеке негізде жеке пайдалану үшін әзірленгенін және арналғанын және Сіздің өзіңіздің Есептік жазбаңыз туралы мәліметтерді және (не) өзіңіздің пароліңізді басқа тұлғаларға ашпағаныңыз жөн екенін мойындайсыз және келісесіз. Біз орынды тәжірибені және әрекеттерді тиісінше мұқияттылықпен қолданамыз деген шартпен, Apple компаниясы Сіздің бұл ережелерді бұзуыңыздың нәтижесінде Есептік жазбаның рұқсатсыз пайдаланылуының нәтижесіндегі шығындар үшін жауапкершілік көтермейді.

Сервисті пайдалану үшін өзіңіздің Apple теңестіргішіңізді және пароліңізді көрсетіп, өзіңіздің Есептік жазбаңызға кіру қажет. Сіз Сервисті пайдалану үшін тіркеу кезінде де, оны пайдаланудың кез-келген сатыларында да сұралатын дәл және толық ақпаратты беруге міндет аласыз (әрі қарай Тіркеу деректері); сонымен қатар Сіз өзіңіздің Тіркеу деректеріңіздің дәл және толық болуы үшін оларды жаңартуға міндет аласыз. Дәл, өзекті және толық Тіркеу деректерін бермеу Сіздің Есептік жазбаңыздың әрекетін кідіртуге және (не) тоқтатуға әкелуі мүмкін. Сіз Apple компаниясының Есептік жазбаны жүргізу үшін Сіздің Тіркеу деректеріңізді сақтай және пайдалана алатынына және сол бойынша төлемдер ала алатынына келісесіз.

Сервисті пайдаланудың қосымша міндеттемелер не шарттары

Сервистің Apple компаниясы және (не) оның лицензиарлары беретін жекелеген компоненттері не функциялары (соның ішінде (бірақ онымен шектелмей) бұрын сатылып алынған iTunes Match өнімдері мен сервисін жүктеу мүмкіндігі (қосымша төленеді) бөлек бағдарламалық қамтамасыз етуді не басқа лицензиялық келісімдерді әлде пайдалану шарттарын талап етеді. Сіздің барлық бөлек келісімдермен танысқаныңыз және өзіңізге солар бойынша міндеттемелерді қабылдағаныңыз жөн, бұл сервистің осындай бөлек компоненттерін не функцияларын пайдаланудың шарты болып табылады.

Құқықтарды басқаға беруге жол берілмеушілік

Осы Келісімннің бір де бір ережесі Сіздің Apple теңестіргішіне қандай да бір мүдделеріңізді, құқықтарыңызды не лицензияларыңызды, электрондық пошта мекен-жайыңызды, домендік атыңызды iChat теңестіргішіңізді не сіз Сервиске байланысты пайдаланатын сол секілді ресурсыңызды басқаға беру ретінде түсіндіріле алмайды.

Мұрагерлікке жол берілмеушілік

Сіз Сіздің Есептік жазбаңыздың басқаға берілмейтініне және Сіздің Apple теңестіргішіне деген не Сіздің Есептік жазбаңыздың Контентіне деген барлық құқықтарыңыздың Сіз қайтыс болғаннан кейін тоқтатылатынына келісесіз. Өлім туралы куәліктің көшірмесіне алғаннан кейін, Сіздің Есептік жазбаңыз тоқтатылуы, ал оның барлық Контенті жойылуы мүмкін. Қосымша көмекті www.apple.com/support/icloud мекен-жайы бойынша iCloud пайдаланушыларды қолдау қызметінен алуға болады.

Сервисті қайта сатуға жол берілмеушілік

Сіз Сервисті (не толығымен, не ішінара) қандай да бір мақсаттарда қалпына келтірмеуге, көшірмеуге, қайталамауға, сатпауға, қайта сатпауға, жалға бермеуге және аталғанмен сауда жасамауға міндет аласыз.

Apple компаниясының құпиялылық саясаты

Сіз Сервисті пайдалана отырып, Сіздің Apple компаниясының құпиялылық саясатына сәйкес Сіз және сіздің Сервисті пайдалануыңыз туралы белгілі бір ақпараттың жиналуына және пайдаланылуына келісетініңзді түсінесіз. Сонымен қатар Сіз Apple компаниясының Сізге Сервисті және оның функцияларын беру мақсатында Сіздің Есептік жазбаңызға және сонда тіркелген барлық құрылғыларға не компьютерлерге байланысты ақпаратты жинай, пайдалана, басқаға бере, өңдей және сақтай алатынына келісесіз. Сонымен қатар Сіз Сервисті пайдаланған кезде Apple компаниясы жинаған ақпарат пайдалануыға байланысты немесе соның нәтижесінен болатын техникалық, статистикалық не диагностикалық сипаттағы ақпаратты да қамтуы мүмкін, оны Apple компаниясы Apple компаниясының өнімдері мен қызметтерінің ассортиментін қолдау, жетілдіру және кеңейту үшін пайдалана алады. Қосымша ақпарат біздің құпиялылық саясатымыздың толық мәтінімен https://www.apple.com/privacy/ мекен-жайында берілген. Сонымен бірге, Сіз мұндай ақпараттың Apple компаниясының, оның аффилендірілген тұлғаларының және (не) солардың қызметтерді жеткізушілерінің сақтау, өңдеуі және пайдалануы үшін АҚШ және (не) басқа мемлекеттерге берілуі мүмкін екенін түсінесіз және келісесіз. Еуропалық экономикалық аймақ (ЕЭА) мүшелері-мемлекеттердің резидент-жеке тұлғалары туралы жеке ақпаратты Apple Distribution International компаниясы (Корк қ., Ирландия) бақылайтынын назарға алуыңызды сұраймыз.

Контент және Сіздің әрекеттеріңіздің түрі

Контент

«Контент» деректердің файлдары, құрылғылардың сипаттамалары, жазбаша мәтін, бағдарламалық қамтамасыз ету, музыка, графика, фотосуреттер, бейнелер, дыбыстар, видео, хабарлар және өзге де сол тектес материалдар секілді Сервисті пайдаланған кезде алынуы не анықталуы мүмкін кез-келген ақпаратты білдіреді. Сіз көпшілік қол жеткізу үшін жарияланған болсын, Сервис арқылы жеке пайдалану үшін берілген болсын, барлық Контенттің соны жариялаған не берген тұлғаның ерекше жауапкершілігіне жататынын түсінесіз. Бұл Сіз алатын, жүктейтін, көшіретін, жариялайтын, электрондық пошта арқылы жіберетін, беретін, сақтайтын не Сервисті пайдаланған кезде өзге түрде қарау үшін қол жетерлік ететін контент үшін Apple компаниясы емес, Сіз толық жауапкершілік көтеретініңізді білдіреді. Сіз Сервисті пайдаланған кезде Сіздің қорлайтын, ұятсыз не айыптауға тұрарлық болып көрінуі мүмкін материалдарға кезігуіңіз мүмкін екенін, сондай-ақ басқа тұлғалардың Сіздің Контентіңізді айыптауға тұрарлық сипаттағы контент деп санауы мүмкін екенін түсінесіз. Apple компаниясы Сервис арқылы орналастырылған Контенті бақыламайды, сондай-ақ оның дәлдігіне, тұтастығына және сапасына кепілдік етпейді. Сіз Сіздің Сервисті және кез-келген Контентті Сіз өзіңіз ғана тәуекелге бас тігіп пайдаланатыныңызды түсінесіз және келісесіз.

Сіздің әрекеттеріңіздің түрі

Сіз Сервисті келесі мақсаттарда ПАЙДАЛАНБАУҒА міндет аласыз:

a) заңсыз, жайсыздық әкелетін, қауіп төндіретін, зиянды, қорлайтын, жамандайтын, жала жабатын, шатастыратын, қатыгез, ұятсыз, тұрпайы, агрессивті, басқа тұлғалардың жеке өміріне араласпауды бұзатын, өшпенділік туғызатын, нәсілдік не ұлттық тұрғысын қорлайтын, әлде өзге себептермен лайықсыз болып табылатын Контентті көшіру, жүктеу, жариялау, электрондық пошта арқылы жіберу, басқаға беру, сақтау не өзге түрде ұсыну;

b) басқа тұлғалардың ізіне түсу, оларға жайсыздық әкелу не өзге зиян тигізу, соларға қауіп төндіру;

c) кәмелетке толғандар үшін - өздеріне белгісіз кәмелетке толмағандардан (18 жасқа толмаған тұлғалардан және заң бойынша кәмелетке толмаған деп саналатын өзге жастағы тұлғалардан) жеке және өзге ақпаратты сұрау, соның ішінде (бірақ онымен шектелмей) толық аты-жөнін не тегін, үйінің мекен-жайын, пошталық индексін, телефонының нөмірін, фотосуретін, электрондық поштасының мекен-жайын, кәмелетке толмаған тұлғаның баратын мектебінің, шіркеуінің, спорт үйірмесінің атын, сондай-ақ оның достарының атын сұрау;

d) Сізді басқа жеке тұлға не заңды тұлға деп санауға негіз болатын ақпаратты беру – Сіздің басқаларды өзіңізге қатысты шатастыруға және өзіңізді басқа тұлға (соның ішінде атақты адамдар ретінде), басқа компания, Сервистің басқа пайдаланушысы, Apple компаниясының қызметкері, жетекші азаматтық не мемлекеттік қайраткер ретінде таныстыруға, сондай-ақ өзіңіздің басқа жеке тұлғалармен және заңды тұлғалармен байланысыңыз туралы жалған ақпарат беруге құқығыңыз жоқ (бұл орайда Apple компаниясының пайдаланылуы өзін басқа тұлға ретінде таныстыруға талпыныс әлде бөтен атты не жеке тұлғаны иемдену болып санала алатын кез-келген лақап атты кері қайтаруға не тежеуге құқығы бар);

e) басқа тұлғалардың авторлық құқықтарын және зияткерлік меншіктің басқа құқықтарын бұзуға қатысу (Сіздің құқығыңыз жоқ контентті жүктеуді қоса), сондай-ақ құпиялылық туралы шартты, еңбек шартын не ақпаратты жария етпеу туралы шартты бұзып, коммерциялық құпияны, құпия ақпаратты ашу;

f) хаттарды, жарнама материалдарын, жарнамалық хаттарды, қалаусыз хабарларды («спамды»), әрі қарай жіберу туралы өтініші бар, бірнеше мекен-жайларға жіберілетін хаттарды, соның ішінде (бірақ онымен шектелмей) көпшілік коммерциялық жарнамалық және ақпараттық хабарландыруларды сұраусыз не рұқсатсыз жариялау, жіберу, беру және өзге түрде ұсыну;

g) TCP-IP пакеттерінің тақырыпшаларын не электрондық хаттардағы жаңалықтық топтардың хабарандыруларындағы тақырыпшалардың ақпаратының басқа да бөліктерін қолдан жасау, сондай-ақ алушыларды Сервис арқылы берілген контенттің көзіне қатысты шатастыру мақсатында тақырыпшаларға ақпаратты өзге түрде енгізу («спуфинг-алаяқтық»);

h) вирустары және Сервистің (не оның кез-келген бөлігінің) әлде өзге компьютерлік бағдарламалық не аппараттық қамтамасыз етудің қалыпты жұмысына зиян келтіруге, олардың жұмысына араласуға не оны шектеуге арналған өзге компьютерлік кодтары, файлдары не бағдарламалары бар материалдарды көшіру, жариялау, электрондық пошта арқылы жіберу, беру, сақтау және өзге түрде ұсыну;

i) Сервистің жұмысына араласу не оны бұзу (соның ішінде скриптер не іздестіру роботтары секілді автоматтық құралдардың көмегімен сервиске қол жеткізу арқылы), басқа серверлердің не Сервермен байланысқан басқа желістердің жұмысына, сондай-ақ Сервиспен байланысқан желістерде жұмыс істейтін басқа ережелерге, талаптарға не нормаларға араласу (жұмысын бұзу) (олардың деректеріне не трафикке рұқсатсыз қол жекізуді, соларды пайдалануды не бақылауды қоса);

j) заңсыз қызметті жоспарлау не ұйымдастыру және (не)

k) жоғарыда тізілген тыйым салынған қызмет түрлеріне байланысты пайдалану үшін Сервистің кез-келген басқа пайдаланушысы туралы жеке ақпаратты жинау және сақтау.

Контентті жою

Сіз Apple компаниясының басқа тұлғалар беретін Контент үшін ешқандай жауапкершілік көтермейтінін және оны алдын ала тексеруді іске асыруға міндетті емес екенін мойындайсыз. Соған қарамастан, Apple өзіне Контенттің орынды болып табылатынын не табылмайтынын және оның осы Келісімнің талаптарына сәйкес келетінін не келмейтінін кез-келген уақытта анықтау құқығын қалдырады және егер Контент осы Келісімнің шарттарын бұзады не басқа негіздер бойынша айыптауға тұрарлық сипаты бар деп санайтын болса, кез-келген уақытта, алдын ала жазбаша хабарландырусыз және өзінің қалауы бойынша оған алдын ала тексеруді іске асыра, оны басқа жерге ауыстыра, одан бас тарта, өзгерту және (не) оны жоя алады.

Контентті резервтік көшіру

Сіз Сервистің көмегімен сақтайтын не қол жеткізетін барлық маңызды құжаттарды, бейнелерді және өзге де Контентті резервтік көшіру (өзіңіздің компьютеріңізге не басқа құрылғыға) үшін жауапкершілік көтересіз. Apple компаниясы орынды тәжірибені қолданатын болады және тиісінше мұқияттылықпен әрекет ететін болады, бірақ ол Сіз Сервистің көмегімен сақтайтын не қол жеткізетін Контенттің кездейсоқ зақымдалмайтынына, бұзылмайтынына не жоғалмайтынына кепілдік бермейді.

Есептік жазбаға және Контентке қол жеткізу

Apple компаниясы өзіне осы Келісімнің кез-келген бөлігін орындау және (не) орындалуын тексеру үшін ол орынды түрде қажетті не мақсатқа сай деп санайтын шараларды қабылдау құқығын қалдырады. Сіз егер Apple компаниясы орынды түрде қажетті не мақсатқа сай деп санайтын болса, заң бойынша талап етілетін не Apple компаниясы қол жеткізу, пайдалану, ашу не сақтау (а) сот үрдісінің не сұраудың талаптарына сақтау, (b) осы Келісімді орындау, соның ішінде оның кез-келген мүмкін бұзушылықтарын тергеу; (c) қауіпсіздік, алаяқтық мәселелерін не техникалық мәселелерді анықтау, алдын алу не соларға қатысты шаралар қабылдау, (d) егер талап етілетін не заң рұқсат ететін болса, Apple компаниясының, оның пайдаланушыларының, үшінші тұлғалардың не жұртшылықтың құқықтарын, мүлкін не қауіпсіздігін қорғау үшін орынды түрде қажет деп шынымен санайтын жағдайларда, оның Сіздің алдыңызда жауапкершілік көтермей, Сіздің Есептік жазбаңыз туралы ақпаратқа және Сіздің Контентіңізге қол жеткізуді іске асыра алатынын, аталғанды пайдалана алатынын, оны сақтай және (не) аталғанды құқық қорғау органдарының қызметкерлеріне, мемлекеттік қызметкерлерге және (не) үшінші тұлғаларға аша алатынын мойындайсыз және келісесіз.

Авторлық құқықтар туралы хабарландыру – «Сандық мыңжылдықтағы авторлық құқық туралы» Заң (DMCA)

Егер Сіз қандай да бір Контентке деген Сіз мәлімдеген авторлық құқықтарды басқа Сервисті пайдаланушы бұзды деп санайтын болсаңыз, біздің https://www.apple.com/legal/trademark/claimsofcopyright.html веб-бетінде орналастырылған авторлық құқық саясатымызға сәйкес Apple компаниясының авторлық құқықтарды қорғау жөніндегі өкіліне өтініш жасауды сұраймыз. Apple компаниясы бөтен авторлық құқықтарды бірнеше мәрте бұзған деп танылған пайдаланушылардың Есептік жазбаларының әрекетін өзінің қалауы бойынша кідірте және (не) тоқтата алады.

Осы Келісімді бұзу

Егер Сервисті пайдаланған кезде Сіз тиісті емес не осы Келісімнің шарттарын өзге негіздер бойынша бұзатын деп санайтын Контентті байқайтын болсаңыз, бұл туралы abuse@iCloud.com электрондық поштасына хабарлай аласыз.

Сіз Сервиске беретін не ұсынатын Контент

Сіздің атыңыздан лицензия

Біз Сіге лицензия беруіміз мүмкін болатын материалдан бөлек, Apple компаниясы Сіз Сервиске беретін не ұсынатын материалдарға және (не) Контентке өзінің меншік құқығы туралы мәлімдемейді. Соған қарамастан, Сервистің тұлғалардың белгісіз тобы не Сіз осындай Контентке қол жеткізуді беруге келісетін басқа пайдаланушылар шолу үшін қол жеткізе алатын аясында осындай Контентті бере не жариялай отырып, Сіз Apple компаниясына Сізге өтемақы төлеусіз және Сізге қатысты міндеттемелерсіз осындай Контентті Сервистің шеңберінде тек Контент берілген не ұсынылған мақсаттармен ғана пайдалануға, таратуға, көшіруге, өзгертуге, бейімдеуге, жариялауға, аударуға, көпшілік орындауға және көпшілік көрсетуге роялти төлеусіз, халықаралық, ерекше емес лицензия бересіз. Сіз берген не жариялаған Контенттің басқа тұлғалардың зияткерлік меншік құқықтарын және өзге құқықтарын, сондай-ақ заңның талаптарын бұзбайтыны үшін, сондай-ақ оның құқықтарды бұзуға және өзге де заңға қайшы әрекеттерді іске асыруға себін тигізбейтіні не соған ынталандырмайтыны үшін, сондай-ақ ұятсыз не айыптауға тұрарлық сипатта болмайтыны не дөрекі болып табылмайтыны үшін барлық жауапкершілікті көтеруге Сіз келісесіз. Сервистің тұлғалардың белгісіз тобы не Сіз осындай Контентке қол жеткізуді беруге келісетін басқа пайдаланушылар шолу үшін қол жеткізе алатын аясында осындай Контентті бере не жариялай отырып, Сіз осындай материалдың меншік иесі болып табылатыныңызды және (не) оны таратуға барлық қажетті құқықтар, лицензиялар және рұқсаттар бар екенін мәлімдейсіз.

Контентті өзгерту

Сіз Сервситі беру және сонда Сіздің Контентке қол жеткізу үшін Apple компаниясының Контентті түрлі көпшілік пайдаланатын деректерді беру желістері арқылы, түрлі тасымалдаушыларда бере алатынын, сондай-ақ Контентті байланыстырушы желістердің не құрылғылардың не компьютерлердің техникалық талаптарына сәйкес ету мақсатында оны өзгерте алатынын мойындайсыз. Сіз осы Келісімде берілген лицензияның Apple компаниясыны осы секілді әрекеттерді іске асыруды рұқсат ететініне келісесіз.

Тауарлық белгі туралы мәліметтер

Apple тауарлық белгісі, Apple логотипі, iCloud тауарлық белгісі, iCloud логотипі және Сервиске байланысты пайдаланылатын Apple басқа тауарлық белгілері, қызмет көрсету белгілері, графикалық бейнелері және логотиптері Apple Inc. компаниясының АҚШ-ғы және (не) басқа мемлекеттердегі тауарлық белгілері не тіркелген тауарлық белгілері болып табылады. Apple компаниясының тауарлық белгілерінің тізімі мына жерде берілген: https://www.apple.com/legal/trademark/appletmlist.html. Сервиске байланысты пайдаланылатын басқа тауарлық белгілер, қызмет көрсету белгілері, графикалық бейнелер мен логотиптер басқа тұлғаларға тиесілі тауарлық белгілер болуы мүмкін. Сізге жоғарыда аталған тауарлық белгілерге қатысты ешқандай құқықтар не лицензиялар берілмейді және Сіз Сервистің материалдарында берілуі мүмкін меншік құқығы туралы хабарландыруларды (тауарлық белгілер туралы және авторлық құқық туралы хабарландыруларды қоса) жоймауға, бүркемелемеуге және өзгертпеуге келісесіз.

Бағдарламалық қамтамасыз ету

Apple компаниясының меншік құқығы

Сіз Apple компаниясына және (не) оның лицензиарларына Сервиске қатысты (соның ішінде, бірақ онымен шектелмей, Сервисті жүзеге асыру үшін пайдаланылатын графикалық материалдарға, пайдаланушының интерфейсіне, скриптерге және бағдарламалық қамтамасыз етуге қатысты) және Сізге Сервистің құрамында және (не) соған байланысты берілетін барлық бағдарламалық қамтамасыз етуге (әрі қарай Бағдарламалық қамтамасыз ету) қатысты барлық заңды және мүдделердің, соның ішінде мемлекетіне қарамастан, аталғанға қатысты тіркелген болсын, тіркелмеген болсын, барлық қолда бар зияткерлік меншік құқықтары тиесілі екенін мойындайсыз және келісесіз. Сонымен қатар Сіз Сервисте (Бағдарламалық қамтамасыз етуді не соның кез-келген бөлігін қоса) коммерциялық құпия болып табылатын ақпараттың және зияткерлік меншік туралы қолданылатын заңнама және өзге заңнама, соның ішінде (бірақ онымен шектелмей) авторлық құқық туралы заңнама қорғайтын құпия ақпараттың бар екеніне келісесіз. Сіз осындай қорғалатын ақпарат пен материалдарды тек осы Келісімнің шарттарына сәйкес Сервисті пайдалану мақсатында ғана пайдалануға міндет аласыз. Егер осы шарттар тікелей түрде өзге нәрсе қарастырмаған болса, Сервистің ешбір бөлігі қандай да бір түрде не қандай да бір құралдармен көшірілмеуі тиіс.

Apple компаниясының атынан лицензия

Apple компаниясы Сізге Бағдарламалық қамтамасыз етуді көшірмейсіз, өзгертпейсіз, жалға бермейсіз, таратпайсыз, соның негізінде туынды жұмыстар құрмайсыз, оны кері жобалауды іске асырмайсыз, декомпилдемейсіз не бастапқы кодты алуға өзге де талпыныстар жасамайсыз (заң тікелей рұқсат ететін не талап ететін жағдайларды қоспағанда), бағдарламалық қамтамасыз етуді сатпайсыз, жалға бермейсіз, қосалқы лицензияламайсыз, басқаға бермейсіз, міндеттемелерді қамтамасыз ету ретінде соған құқықтар бермейсіз және бағдарламалық қамтамасыз етуге құқықтарды өзге түрде басқаға бермейсіз деген шартпен, сондай-ақ Сіз Сервисті рұқсат етілмеген түрде, соның ішінде, бірақ онымен шектелмей, қиянат жасау не желісте шектен тыс жүктемелер құру арқылы пайдаланбайсыз деген шартпен осы Келісімге сәйкес Сервистің құрамында Сізге Apple компаниясы берген Бағдарламалық қамтамасыз етуге жеке, ерекше емес, басқаға беруге болмайтын, шектелген лицензия береді. СЕРВИСТІ ОСЫ КЕЛІСІМГЕ СӘЙКЕС ПАЙДАЛАНУДЫ ҚОСПАҒАНДА, БАҒДАРЛАМАЛЫҚ ҚАМТАМАСЫЗ ЕТУДІ ЖӘНЕ СЕРВИСТІҢ КЕЗ-КЕЛГЕН БӨЛІГІН ПАЙДАЛАНУҒА ҚАТАҢ ТЫЙЫМ САЛЫНАДЫ, БАСҚА ТҰЛҒАЛАРДЫҢ ЗИЯТКЕРЛІК МЕНШІК ҚҰҚЫҚТАРЫН БҰЗУ БОЛЫП ТАБЫЛАДЫ ЖӘНЕ АВТОРЛЫҚ ҚҰҚЫҚТАРДЫ БҰЗУ ҮШІН МҮМКІН МАТЕРИАЛДЫҚ ЖАУАПКЕРШІЛІКТІ ҚОСА, АЗАМАТТЫҚ НЕ ҚЫЛМЫСТЫҚ ЖАУАПКЕРШІЛІККЕ ӘКЕЛУІ МҮМКІН.

Экспорттық бақылау

Сервис арқылы деректерді, Бағдарламалық қамтамасыз етуді және өзге Контентті беруді, жариялауды не алуды қоса, Сервисті және Бағдарламалық қамтамасыз етуді пайдалану Құрама Штаттардың және басқа мемлекеттердің экспорттау және импорттау тәртібі туралы заңдары реттеуі мүмкін. Сіз экспорттау және импорттау туралы барлық қолданылатын заңнаманы орындауға міндет аласыз. Соның ішінде, бірақ онымен шектелмей, Бағдарламалық қамтамасыз ету (а) АҚШ эмбарго белгілеген мемлекеттерге, (b) АҚШ Қаржы департаментінің «Ерекше дәрежедегі тұлғалар тізіміне» не АҚШ Сауда департаментінің «Тыйым салынған жеке және заңды тұлғалар тізіміне» енгізілген тұлғаларға экспорттала және реэкспорттала алмайды. Бағдарламалық қамтамасыз етуді және Сервисті пайдалана отырып, Сіз аталған мемлекеттердің бір де біреуінде тұрмайтыныңызды және аталған тізімдердің бір де біреуіне енгізілмегеніңізді мәлімдейсіз және кепілдік етесіз. Сонымен қатар Сіз Бағдарламалық қамтамасыз етудің және Сервистің ядролық, ракеталық, химиялық не биологиялық қаруды әзірлеуді, жобалауды, дайындауды не өндіруді қоса,бірақ онымен шектелмей, Құрама Штаттардың заңдары тыйым салған қандай да бір мақсаттарда пайдаланылуына жол бермеуге міндет аласыз. Сонымен қатар Сіз өзіңіздің Есептік жазбаңызға деректерді шифрлеуге арналған бағдарламалық қамтамасыз етудің белгілі бір түрлерін қоса (бірақ онымен шектелмей), мемлекеттік органдардың алдын ала жазбаша рұқсатынсыз экспорталмайтын деректерді не бағдарламалық қамтамасыз етуді осындай рұқсатты алдын ала алмай тұрып көшірмеуге міндет аласыз. Бұл кепілдік пен міндеттеме осы Келісім қолданысын тоқтатқаннан кейін күшінде қалады.

Бағдарламалық қамтамасыз етуді жаңарту

Сервистің аясында Сіз Apple компаниясынан мезгіл-мезгіл Бағдарламалық қамтамасыз ету үшін жаңартулар ала аласыз, олар Сіздің құрылғыңызға не компьютеріңізге автоматты түрде жүктелетін және орнатылатын болады. Бұл жаңартулар қателердің түзетулерін, функционалдылығын жақсартуды және өзге жетілдірулерді, әлде Бағдарламалық қамтамасыз етудің толығымен жаңа нұсқаларын қамтуы мүмкін. Сіз Apple компаниясының мұндай жаңартуларды Сізге Сервистің аясында автоматты түрде беретініне, ал Сіз оны қажет болған шамада алатыныңызға және орнататыныңызға келісесіз.

Келісімді бұзу

Келісімді Сіздің бастамаңыз бойынша бұзу

Сіз кез-келген уақытта өзіңіздің Есептік жазбаңыздың әрекетін тоқтата аласыз және (не) Сервисті пайдалануды қоя аласыз. Өзіңіздің құрылғыңызда iCloud сервисін пайдаланудан бас тартуды қаласаңыз, Сіз құрылғыдан өзіңіздің iCloud есептік жазбаңызды жоя аласыз, бұл үшін құрылғыда «Жөнге келтірулер» тарауын ашып, iCloud таңдау керек және «Есептік жазбаны жою» батырмасын басу керек. iCloud Есептік жазбасының әрекетін тоқтату үшін www.apple.com/support/icloud веб-бетіндегі iCloud қолдау қызметіне өтініш жасаған жөн. Сіз осы Келісімді бұзған есептік жыл үшін алдын ала төленген төлемдерді қоса, Сіз осы Келісімді бұзғанға дейін төленген төлемдер қайтарылмайды (осы Келісім тікелей қарастырған жағдайлардан бөлек). Сіздің Есептік жазбаңыздың әрекетінің тоқтауы Сізді есептелген төлемдер мен алымдарды төлеу бойынша міндеттен босатпайды.

Келісімді Apple компаниясының бастамасы бойынша бұзу

Apple компаниясы кез-келген уақытта, белгілі бір жағдайлар орын алған кезде және алдын ала хабарландыру беру қажетінсіз, Сіздің барлық Есептік жазбаңыздың не оның бір бөлігінің рекетін және (не) Сервиске қол жеткізуді дерек кідірте не тоқтата алады. Мұндай тоқтату үшін негіздер келесілерді қамтиды: (а) осы Келісімді әлде осы Келісімде сөз болған және (не) Сервистің аясында орналастырылған саясатты не нормаларды бұзу, (b) Сіздің Есептік жазбаның әрекетін жою не тоқтату туралы өтініміңіз; (с) құқық қорғау органының, сот органының не өзге мемлекеттік органның сұрауы және (не) нұсқауы, (d) Сізге Сервис беру заңсыз болып табылатын не болуы мүмкін жағдай; (е) ойда болмаған техникалық сипаттағы не қауіпсіздік мәселелерін қозғайтын мәселелер; (f) Сіздің алаяқтық не заңсыз қызметке қатысуыңыз, (g) Сіздің Сервиске байланысты қандай да бір төлемдерді не алымдарды төлемеуіңіз. Аталған негіздердің кез-келгені бойынша әрекетін тоқтатуды не кідіртуді Apple компаниясы өзінің қалауы бойынша іске асырады және ол Сіздің Есептік жазбаңыздың әрекетін және (не) Сервиске қол жеткізуді осындай тоқтатудың не кідіртудің нәтижесінде шегілуі мүмкін шығындар үшін не Сіздің алдыңызда, не үшінші тұлғалардың алдында жауапкершілік көтермейтін болады. Сонымен бірге, егер (а) Есептік жазбаны 1 (бір) жылдың ішінде пайдаланбасаңыз, (b) Сервисті не оның кез-келген бөлігін беру толығымен тоқталса әлде Сервис не оның бір бөлігі айтарлықтай өзгеріске ұшыраған болса, Apple компаниясы Сіздің Есептік жазбаңызға байланысты мекен-жай бойынша электрондық пошта арқылы алдын ала хабарландыру беріп, Сіздің Есептік жазбаңыздың әрекетін тоқтата алады. Аталған негіздердің кез-келгені бойынша әрекетін тоқтатуды не кідіртуді Apple компаниясы өзінің қалауы бойынша іске асырады және Apple компаниясы Сізге алдын ала төленген сомаларды және өзге төлемдерді пара-пар азайту арқылы өтесе де, ол ол Сіздің Есептік жазбаңыздың әрекетін және (не) Сервиске қол жеткізуді осындай тоқтатудың не кідіртудің нәтижесінде шегілуі мүмкін шығындар үшін не Сіздің алдыңызда, не үшінші тұлғалардың алдында жауапкершілік көтермейтін болады.

Келісімді бұзудың салдарлары

Есептік жазбаның әрекеті тоқтатылғаннан кейін, Сіз Сервиске және оның барлық бөліктеріне, соның ішінде (бірақ онымен шектелмей) Есептік жазбаға, Apple теңестіргішіне, электрондық поштаның есептік жазбасына және Контентке қол жеткізуден айырыласыз. Бұл орайда Apple компаниясы біраз уақыттан кейін Сіздің Есептік жазбаңызда сақталып жатқан ақпарат пен деректерді жояды. Сервистің Сіз бағдарламалық қамтамасыз етуді пайдалану туралы жекелеген лицензиялық келісімдерге сәйкес пайдаланған барлық жекелеген компонентерінің әрекеті де осындай лицензиялық келісімдерге сәйкес тоқтатылатын болады.

Үшінші тұлғалардың сілтемелері және өзге материалдары

Сілтемелер

Бірқатар Контентте, Сервистік бірқатар компоненттері не функцияларында үшінші тұлғалардың материалдары және (не) басқа веб-сайттарға, ресурстарға не контентке гиперсілтемелер болуы мүмкін. Apple компаниясы үшінші тұлғалардың сайттары мен (не) материалдарын бақылай алмайтындықтан, Сіз Apple компаниясының осындай сайттардың қол жетімділігі үшін жауапкершілік көтермейтінін, ұсынбайтынын және олардың дәлдігіне кепілдік етпейтінін, сондай-ақ осындай сайттардағы не ресурстардағы Контент, жарнама, өнімдер не материалдар үшін жауапкершілік көтермейтінін мойындайсыз және келісесіз. Сонымен қатар Сіз Apple компаниясының Сіздің осындай сайттардан не ресурстардан Контентті, жарнаманы, өнімдерді не материалдарды пайдалануыңыздың нәтижесінде не солардың негізінде әрекеттер іске асыруыңыздың нәтижесінде сіздің тікелей не жанама түрде ықтималды не нақтылай шеккен шығындарыңыз үшін жауапкершілік көтермейтінін мойындасыз және келісесіз.

«Google карталары» сервисі (Google Maps)

«Google карталары» сервисін пайдалану келесідей қосымша шарттарды ескере отырып жүргізіледі: «Google карталары» сервисін пайдаланудың шарттары – http://maps.google.com/help/terms_maps.html және «Google карталары» сервисі туралы заң хабарландырулары – http://maps.google.com/help/legalnotices_maps.html.

КЕПІЛДІКТЕР БОЙЫНША ЖАУАПКЕРШІЛІКТЕН БАС ТАРТУ

БІРҚАТАР МЕМЛЕКЕТТЕРДЕ БЕЛГІЛІ БІР КЕПІЛДІКТЕРДІ АЛЫП ТАСТАУҒА РҰҚСАТ ЕТІЛМЕГЕН, ҚОЛДАНЫЛАТЫН ЗАҢДАР АЛЫП ТАСТАУҒА ТЫЙЫМ САЛҒАН ШЕҢБЕРДЕ, ТӨМЕНДЕ ТІЗІЛГЕН АЛЫП ТАСТАУЛАРДЫҢ БІРҚАТАРЛАРЫ СІЗГЕ ҚОЛДАНЫЛА АЛМАЙДЫ.

СЕРВИСИТІ БЕРЕРДІҢ АЛДЫНДА, APPLE КОМПАНИЯСЫ ОРЫНДЫ ТӘЖІРИБЕНІ ҚОЛДАНАТЫН БОЛАДЫ ЖӘНЕ ТИІСІНШЕ МҰҚИЯТТЫЛЫҚПЕН ӘРЕКЕТ ЕТЕТІН БОЛАДЫ. ТӨМЕНДЕ ТІЗІЛГЕН ЖАУАПКЕРШІЛІКТЕН БАС ТАРТУЛАР ОСЫ ТІКЕЛЕЙ КЕПІЛДІКТІ ЕСКЕРЕ ОТЫРЫП ҚОЛДАНЫЛАДЫ.

APPLE КОМПАНИЯСЫ СІЗДІҢ СЕРВИСТІ ПАЙДАЛАНУЫҢЫЗДЫҢ ҮЗДІКСІЗ БОЛАТЫНЫНА ЖӘНЕ ҚАТЕСІЗ ЖҮРЕТІНІНЕ КЕПІЛДІК БЕРМЕЙДІ, МӘЛІМДЕМЕЙДІ ЖӘНЕ КЕПІЛ ЕТПЕЙДІ ЖӘНЕ СІЗ APPLE КОМПАНИЯСЫНЫҢ ОСЫ КЕЛІСІМНІҢ ШАРТТАРЫНА СӘЙКЕС КЕЗ-КЕЛГЕН УАҚЫТТА, СІЗГЕ ХАБАРЛАМАЙ, СЕРВИСТІ БЕРУДІ БЕЛГІСІЗ МЕРЗІМГЕ КІДІРТЕ АЛАТЫНЫНА НЕ ОНЫ БЕРУДІ ТОҚТАТА АЛАТЫНЫНА КЕЛІСЕСІЗ.

СІЗ СЕРВИСТІҢ «ҚАЛАЙ БАР БОЛСА, СОЛАЙ» ЖӘНЕ «БАР БОЛСА» НЕГІЗІНДЕ БЕРІЛЕТІН ТІКЕЛЕЙ ТҮРДЕ ТҮСІНЕСІЗ ЖӘНЕ КЕЛІСЕСІЗ. APPLE КОМПАНИЯСЫ, ОНЫҢ АФФИЛЕНДІРІЛГЕН ТҰЛҒАЛАРЫ, ЕНШІЛЕС КОМПАНИЯЛАРЫ, ЛАУАЗЫМДЫ ТҰЛҒАЛАРЫ, ДИРЕКТОРЛАРЫ, ҚЫЗМЕТКЕРЛЕРІ, ӨКІЛДЕРІ, СЕРІКТЕСТЕРІ ЖӘНЕ ЛИЦЕНЗИАРЛАРЫ БАРЛЫҚ ТІКЕЛЕЙ ЖӘНЕ ЖОБАЛЫ КЕПІЛДІКТЕР БОЙЫНША, СОНЫҢ ІШІНДЕ (БІРАҚ ОНЫМЕН ШЕКТЕЛМЕЙ) БЕЛГІЛІ БІР МАҚСАТТАР ҮШІН ТАУАРЛЫҚ ЖАҒДАЙЫНЫҢ, ЖАРАМДЫЛЫҒЫНЫҢ, СОНДАЙ-АҚ ЗИЯТКЕРЛІК МЕНШІК ҚҰҚЫҒЫНЫҢ БҰЗЫЛМАЙТЫНЫНЫҢ ЖОБАЛЫ КЕПІЛДІКТЕРІ БОЙЫНША ЖАУАПКЕРШІЛІКТЕН ТІКЕЛЕЙ ТҮРДЕ БАС ТАРТАДЫ. АТАП АЙТҚАНДА APPLE КОМПАНИЯСЫ, ОНЫҢ АФФИЛЕНДІРІЛГЕН ТҰЛҒАЛАРЫ, ЕНШІЛЕС КОМПАНИЯЛАРЫ, ЛАУАЗЫМДЫ ТҰЛҒАЛАРЫ, ДИРЕКТОРЛАРЫ, ҚЫЗМЕТКЕРЛЕРІ, ӨКІЛДЕРІ, СЕРІКТЕСТЕРІ ЖӘНЕ ЛИЦЕНЗИАРЛАРЫ КЕЛЕСІЛЕРГЕ ЕШҚАНДАЙ КЕПІЛДІК БЕРМЕЙДІ: (I) СЕРВИС СІЗДІҢ ТАЛАПТАРЫҢЫЗҒА СӘЙКЕС КЕЛЕДІ; (II) СІЗДІҢ СЕРВИСТІ ПАЙДАЛАНУЫҢЫЗ ЖҮЙЕЛІ, ҮЗДІКСІЗ, ҚАУІПСІЗ ЖӘНЕ ҚАТЕСІЗ БОЛАДЫ; (III) СІЗ СЕРВИСТІ ПАЙДАЛАНУДЫҢ НӘТИЖЕСІНДЕ АЛҒАН БАРЛЫҚ АҚПАРАТ ДӘЛ ЖӘНЕ СЕНІМДІ БОЛАДЫ; (IV) СІЗГЕ СЕРВИСТІҢ ҚҰРАМЫНДА БЕРІЛГЕН БАҒДАРЛАМАЛЫҚ ҚАМТАМАСЫЗ ЕТУДЕГІ АҚАУЛАР МЕН ҚАТЕЛЕР ЖОЙЫЛАДЫ.

APPLE КОМПАНИЯСЫ СЕРВИСТІ ПАЙДАЛАНУДЫҢ БАРЫСЫНДА ДЕРЕКТЕРДІҢ ЖОҒАЛУЛАРЫНЫҢ, ЗАҚЫМДАЛУЛАРЫНЫҢ, ВИРУСТАРДЫҢ ШАБУЫЛДАРЫНЫҢ, ӘСЕРІНІҢ, ҚАУІПСІЗДІК ЖҮЙЕСІНЕ ҚОЛ СҰҒУШЫЛЫҚТЫҢ, БҰЗУДЫҢ НЕ ӨЗГЕ БҰЗУШЫЛЫҚТАРДЫҢ ОРЫН АЛМАЙТЫНЫН МӘЛІМДЕМЕЙДІ ЖӘНЕ КЕПІЛДІК БЕРМЕЙДІ ЖӘНЕ ӨЗІНЕН ЖОҒАРЫДА ТІЗІЛГЕНДЕР ҮШІН БАРЛЫҚ ЖАУАПКЕРШІЛІКТІ ТҮСІРЕДІ.

СЕРВИСТІ ПАЙДАЛАНУДЫҢ НӘТИЖЕСІНДЕ ЖҮКТЕЛГЕН НЕ ӨЗГЕ ТҮРДЕ АЛЫНҒАН БАРЛЫҚ МАТЕРИАЛДАР СІЗДІҢ ҚАЛАУЫҢЫЗ БОЙЫНША ЖӘНЕ СІЗДІҢ ТӘУЕКЕЛІҢІЗГЕ БАҒАЛАНАДЫ ЖӘНЕ СІЗ КЕЗ-КЕЛГЕН ОСЫНДАЙ МАТЕРИАЛДАРДЫ ЖҮКТЕУДІҢ НӘТИЖЕСІНДЕ СІЗДІҢ ҚҰРЫЛҒЫҢЫЗДЫҢ НЕ КОМПЬЮТЕРІҢІЗДІҢ КЕЗ-КЕЛГЕН ЗАҚЫМДАЛУЫ ҮШІН, ДЕРЕКТЕРДІҢ ЖОҒАЛУЫ ҮШІН ТОЛЫҚ ЖАУАПКЕРШІЛІК КӨТЕРЕТІН БОЛАСЫЗ. СОНЫМЕН ҚАТАР СІЗ СЕРВИСТІҢ СЕРВИС БЕРЕТІН КОНТЕНТТІ, ДЕРЕКТЕРДІ НЕ АҚПАРАТТЫ БЕРУДЕН БАС ТАРТУ НЕ КЕШІКТІРУ, ӘЛДЕ АТАЛҒАННЫҢ ҚҰРАМЫНДАҒЫ ҚАТЕЛЕР НЕ ДӘЛСІЗДІКТЕР АДАМДАРДЫҢ ҚАЗА БОЛУЫНА, ДЕНСАУЛЫҚҚА ЗИЯН КЕЛТІРІЛУІНЕ, ДЕНЕНІҢ ҚАТТЫ ЗАҚЫМДАЛУЫНА НЕ ҚОРШАҒАН ОРТАҒА ЗИЯН КЕЛТІРІЛУІНЕ ӘКЕЛЕТІН ЖАҒДАЙДА НЕ ОРТАДА ПАЙДАЛАНУҒА АРНАЛМАҒАНЫН ЖӘНЕ ЖАРАМАЙТЫНЫН МОЙЫНДАЙСЫЗ.

Жауапкершілікті шектеу

БІРҚАТАР МЕМЛЕКЕТТЕРДЕ ҚЫЗМЕТТЕРДІ ЖЕТКІЗУШІЛЕРДІҢ ЖАУАПКЕРШІЛІГІН АЛЫП ТАСТАУҒА НЕ ШЕКТЕУГЕ РҰҚСАТ ЕТІЛМЕГЕН, ҚОЛДАНЫЛАТЫН ЗАҢДАР АЛЫП ТАСТАУЛАРҒА ЖӘНЕ ШЕКТЕУЛЕРГЕ ТЫЙЫМ САЛҒАН ШЕҢБЕРДЕ, ТӨМЕНДЕ ТІЗІЛГЕН АЛЫП ТАСТАУЛАР МЕН ШЕКТЕУЛЕРДІҢ БІРҚАТАРЛАРЫ СІЗГЕ ҚОЛДАНЫЛА АЛМАЙДЫ.

APPLE КОМПАНИЯСЫ СЕРВИСТІ БЕРГЕН КЕЗДЕ ОРЫНДЫ ТӘЖІРИБЕНІ ҚОЛДАНАТЫН БОЛАДЫ ЖӘНЕ ТИІСІНШЕ МҰҚИЯТТЫЛЫҚПЕН ӘРЕКЕТ ЕТЕТІН БОЛАДЫ. ТӨМЕНДЕ ТІЗІЛГЕН ШЕКТЕУЛЕР (А) APPLE КОМПАНИЯСЫНЫҢ ОРЫНДЫ ТӘЖІРИБЕНІ ЖӘНЕ ТИІСІНШЕ МҰҚИЯТТЫЛЫҚТЫ ҚОЛДАНБАУЫНЫҢ; (B) APPLE КОМПАНИЯСЫНЫҢ ТАРАПЫНЫН БОЛҒАН ӨРЕСКЕЛ САЛАҚТЫҚТЫҢ, ҚАСАҚАНА ҚҰҚЫҚҚА ҚАРСЫ ӘРЕКЕТТЕРДІҢ ЖӘНЕ АЛАЯҚТЫҚТЫҢ, (С) ӨЛІМНІҢ НЕ ЖАРАҚАТТЫҢ НӘТИЖЕСІНДЕГІ ШЫҒЫНДАРҒА ҚОЛДАНЫЛМАЙДЫ.

СІЗ APPLE КОМПАНИЯСЫНЫҢ, ОНЫҢ АФФИЛЕНДІРІЛГЕН ТҰЛҒАЛАРЫНЫҢ, ЕНШІЛЕС КОМПАНИЯЛАРЫНЫҢ, ЛАУАЗЫМДЫ ТҰЛҒАЛАРЫНЫҢ, ДИРЕКТОРЛАРЫНЫҢ, ҚЫЗМЕТКЕРЛЕРІНІҢ, ӨКІЛДЕРІНІҢ, СЕРІКТЕСТЕРІНІҢ ЖӘНЕ ЛИЦЕНЗИАРЛАРЫНЫҢ СІЗДІҢ АЛДЫҢЫЗДА (I) СЕРВИСТІ ПАЙДАЛАНУДЫҢ НЕ ПАЙДАЛАНУҒА ҚАБІЛЕТСІЗДІКТІҢ, (II) СЕРВИСТІҢ ӨЗГЕРУІНІҢ ӘЛДЕ СЕРВИСТІҢ НЕ ОНЫҢ КЕЗ-КЕЛГЕН БӨЛІГІНІҢ БЕРІЛУІНІҢ УАҚЫТША НЕ ТҰРАҚТЫ ТОҚТАТЫЛУЫНЫҢ; (III) СІЗ БЕРЕТІН АҚПАРАТҚА НЕ ДЕРЕКТЕРДІ РҰҚСАТСЫЗ ҚОЛ ЖЕТКІЗУДІҢ НЕ АТАЛҒАННЫҢ ӨЗГЕРУІНІҢ; (IV) СІЗ СЕРВИС АРҚЫЛЫ БЕРЕТІН АҚПАРАТТЫ НЕ ДЕРЕКТЕРДІҢ ЖОЙЫЛУЫНЫҢ, ЗАҚЫМДАЛУЫНЫҢ ӘЛДЕ САҚТАЛМАУЫНЫҢ ЖӘНЕ (НЕ) ЖІБЕРІЛМЕУІНІҢ (АЛЫНБАУЫНЫҢ); (V) ҮШІНШІ ТҰЛҒАЛАРДЫҢ СЕРВИСТІҢ САЙТЫНДАҒЫ МӘЛІМДЕМЕЛЕРІНІҢ НЕ ӘРЕКЕТТЕРІНІҢ ТҮРІНІҢ ЖӘНЕ (VI) СЕРВИСКЕ БАЙЛАНЫСТЫ КЕЗ-КЕЛГЕН БАСҚА СҰРАҚТАРДЫҢ НӘТИЖЕСІНДЕГІ, ЖІБЕРІП АЛҒАН ПАЙДАНЫ, АБЫРОЙДЫ ЖОҒАЛТУДЫ, ПАЙДАЛАНУ МҮМКІНДІГІН ЖОҒАЛТУДЫ, ДЕРЕКТЕРДІ ЖОҒАЛТУДЫ, АЙЫРБАСТАУҒА АРНАЛҒАН ТАУАРЛАРДЫ НЕ ҚЫЗМЕТЕРДІ САТЫП АЛУҒА КЕТКЕН ШЫҒЫНДАРДЫ, БАСҚА ДА МАТЕРИАЛДЫҚ ЕМЕС ШЫҒЫНДАРДЫ (ТІПТІ ЕГЕР APPLE КОМПАНИЯСЫ ОСЫНДАЙ ШЫҒЫНДАРДЫҢ БОЛУЫ МҮМКІН ЕКЕНІ ТУРАЛЫ ХАБАРДАР ЕТІЛСЕ ДЕ) ҚОСА, БІРАҚ ОНЫМЕН ШЕКТЕЛМЕЙ, ТІКЕЛЕЙ, ТІКЕЛЕЙ ЕМЕС, ЖАНАМА, НАҚТЫ, БОЛЖАМАЛЫ, АЙЫПТЫҚ ШЫҒЫНДАР ҮШІН ЖАУАПКЕРШІЛІК КӨТЕРМЕЙТІНІН ТҮСІНЕСІЗ ЖӘНЕ КЕЛІСЕСІЗ.

Зиянды өтеуге кепілдік

Сіз Apple компаниясына, оның аффилендірілген тұлғаларына, еншілес компанияларына, директорларына, лауазымды тұлғаларына, қызметкерлеріне, өкілдеріне, серіктестеріне, мердігерлеріне және лицензиарларына сот қорғанысын қамтамасыз етуге және өзіңізге олардың үшінші тұлғалардың тарапынан (а) Сіз Сервис арқылы ұсынатын, жариялайтын, беретін өзге түрде қол жетерлік жасайтын Контентке, (b) Сіздің Сервисті пайдалануыңызға; (с) Сіздің осы Келісімді бұзушылықтарыңызға; (d) Apple компаниясының осы Келісімнің болжамалы бұзылуын тергеудің аясында не оның осы Келісімнің бұзылуы орын алғаны туралы қорытындысының (шешімінің) нәтижесінде қабылдаған әрекеттерінің, (e) Сіздің басқа тұлғаның құқықтарын бұзуыңызға байланысты қойылған барлық наразылықтары мен талаптары бойынша (заң қызметтерін төлеуге кеткен орынды шығындарды қоса) барлық жауапкершілігін қабылдауға міндет аласыз. Бұл Сіздің Apple компаниясына, оның аффилендірілген тұлғаларына, еншілес компанияларына, директорларына, лауазымды тұлғаларына, қызметкерлеріне, өкілдеріне, серіктестеріне, мердігерлеріне және лицензиарларына оның болжамалы бұзушылықты тергеу барысында қандай да бір ақпаратты не Контентті жою туралы не оларды өңдеуден бас тарту туралы, Сізге ескертулер жіберу туралы, Сіздің Сервиске қол жеткізуіңізді кідірту не тоқтату туралы және өзге де әрекеттер туралы шешіміне байланысты, әлде Apple компаниясының осы Келісімді бұзудың орын алғаны туралы қорытындысына байланысты талап-арыз қоюға құқығыңыз жоқ екенін білдіреді. Осы талап қою құқығынан бас тарту туралы және зиянды өтеу туралы ереже осы Келісімде қарастырылған барлық бұзушылықтарға қолданылады. Бұл міндеттеме осы Келісім және (не) Сіздің Сервисті пайдалануыңыз бұзылғаннан не әрекет ету мерзімі аяқталғаннан кейін де күшінде қалады. Сіз Сервисті өзіңіздің Есептік жазбаңыз арқылы барлық пайдалану үшін өзіңіздің жауапкершілігіңізді мойындайсыз, сондай-ақ осы Келісімнің Есептік жазбаны әрбір пайдалануға қолданылатынын мойындайсыз. Сіз осы Келісімді орындауға міндет аласыз және Apple компаниясына сот қорғанысын қамтамасыз етесіз, оған өтемге кепілдік бересіз және өзіңізге оның Сіздің Есептік жазбаңыздың пайдаланылуына Сіз ткелей рұқсат бергеніңізге не бермегеніңізге қарамастан, оның пайдаланылуына байланысты барлық наразылықтар мен талаптар бойынша барлық жауапкершілігін қабылдайсыз.

Хабарландырулар

Apple компаниясы Сізге Сервис туралы (соның ішінде осы Келісімнің өзгергені туралы) хабарландыруларды электрондық пошта арқылы Сіздің iCloud мекен-жайына (және (не) егер көрсетілген болса, Есептік жазбаға байланысты электрондық поштаның баламалы мекен-жайына), әдеттегі пошталық жіберумен не біздің веб-сайтымызда және (не) Сервистің сайтында хабарландыру жариялау арқылы жібере алады.

Қолданылатын құқық

Егер келесі азат жолда өзге нәрсе тікелей қарастырылмаған болса, осы Келісімді және Сіз бен Apple компаниясының арасындағы қарым-қатынастарды, коллизиялық нормаларын ескерусіз, Калифорния штатының заңдары реттейді. Сіз және Apple компаниясы осы Келісімге байланысты барлық даулар мен талаптардың Санта-Клар округінің (Калифорния штаты) жеке және ерекше юрисдикциясының сотына жататынын мойындайсыздар. Егер: (а) Сіз АҚШ азаматы болып табылмасаңыз (b) Сіз АҚШ-та тұрмасаңыз, (с) Сіз Сервиске АҚШ-тан қол жеткізбесеңіз (d) Сіз төменде тізілген мемлекеттердің бірінің азаматы болып табылсаңыз, Сіз осы құжатпен осы Келісімге байланысты барлық даулар мен талаптарға, коллизиялық нормаларын ескерусіз, төменде аталған қолданылатын құқықтың қолданылатынына келісесіз және осы құжатпен құқығы реттеуші болып табылатын төменде аталған штатта, провинцияда не округте орналасқан соттардың ерекше емес юрисдикциясын кері қайтарылмайтын тәртіпте мойындайсыз:

Егер Сіз– мыналардың азаматы: Реттеуші құқық және дау қарастырылатын жер:

Еуропалық Одақ мемлекетінің, Сіз әдетте тұратын жердің құқығы

Швейцарияның, Норвегияның не және соттары

Исландияның

осы Келісімге БҰҰ-ның Тауарларды халықаралық сатып алу-сату шарттары туралы конвенция ретінде белгілі құқықтық нормалардың

қолданылуы осымен тікелей шығарылады.

Жалпы ережелер

Осы Келісім Сіз бен Apple компаниясының арасындағы уағдаластықтардың толық көлемі болып табылады, Сіздің Сервисті пайдалануыңызды реттейді және Сіз бен Apple компаниясының арасындағы Сервиске қатысты барлық бұрынғы қол жеткізілген уағдаластықтарды толығымен алмастырады. Сонымен қатар Сізге серіктестік қызметтерді, үшінші тұлғалардың контентін не бөтен өндірушілердің бағдарламалық қамтамасыз етуін пайдаланған кезде қолданылуы мүмкін қосымша шарттар таралады. Егер осы Келісімнің қандай да бір бөлігі жарамсыз не орындала алмайтын деп танылатын болса, ол қолданылатын заңнамаға сәйкес тараптардың бастапқы ниеттерін барынша толық бейнелейтіндей түсінідірілетін болады; бұл орайда қалған ережелер толық күшінде қалады. Apple компаниясының қандай да бір құқықты іске асырмауы не оның осы Келісімнің қандай да бір ережесін орындамауы оның осындай құқықтан бас тартуын не ереженің орындалуын талап ету құқығынан бас тартуын білдірмейді. Сіз егер осы Келісім тікелей өзге нәрсе қарастырмаған болса, сол бойынша ешқандай бөтен бенефициарлардың жоқ екеніне келісесіз.

КЕЛІСІМДІ ӨЗГЕРТУ

Apple компаниясы өзіне осы Келісімді кез-келген уақытта өзгерту, Сіз үшін Сервисті пайдаланудың жаңа (қосымша) шарттарын енгізу құқығын қалдырады. Өзгертулерге келіспеген жағдайда, Сіз Сервисті пайдалануды тоқтатуыңыз керек және өзіңіздің Контентіңізді алу үшін iCloud пайдаланушыларды қолдау қзыметіне өтініш жасауыңыз керек. Содан кейін Сіздің Сервисті пайдалануды жалғастыруыңыз Сіздің өзгертілген және толықтырылған шарттармен келісетініңіз ретінде түсінілетін болады.

ШАРТТАРДЫ ЭЛЕКТРОНДЫҚ ТҮРДЕ ЖАСАУ

Сіздің Сервисті пайдалануыңыз электрондық түрде шарттарды жасау және (не) транзакцияларды жасау мүмкіндігін қамтиды. СІЗ СІЗДІҢ ДЕРЕКТЕРДІ ЭЛЕКТРОНДЫҚ ТҮРДЕ БЕРУІҢІЗДІҢ СІЗДІҢ ӨЗІҢІЗГЕ ОСЫНДАЙ ШАРТТАР МЕН ТРАНЗАКЦИЯЛАР БОЙЫНША МІНДЕТТЕМЕЛЕРДІ ҚАБЫЛДАУҒА ЖӘНЕ СОЛАРҒА БАЙЛАНЫСТЫ ТӨЛЕМДЕРДІ ІСКЕ АСЫРУҒА КЕЛІСІМІҢІЗ ЖӘНЕ НИЕТІҢІЗ БОЛЫП ТАБЫЛАДЫ. СІЗДІҢ ДЕРЕКТЕРДІ ЭЛЕКТРОНДЫҚ ТҮРДЕ БЕРУ АРҚЫЛЫ ӨЗІҢІЗГЕ МІНДЕТТЕМЕЛЕРДІ ҚАБЫЛДАУҒА КЕЛІСІМІҢІЗ БЕН НИЕТІҢІЗ ӘРЕКЕТТІ ТОҚТАТУ ТУРАЛЫ ХАБАРЛАНДЫРУЛАРЫ, САЯСАТТЫ, ШАРТТАР МЕН ӨТІНІМДЕРДІ ҚОСА, СІЗ СЕРВИС АРҚЫЛЫ ЖАСАҒАН БАРЛЫҚ ТРАНЗАКЦИЯЛАРҒА ҚАТЫСТЫ БАРЛЫҚ ЖАЗБАЛАРҒА ТАРАЛАДЫ. Сіздің электрондық түрдегі деректерге қол жеткізу және оларды жазу үшін Сізден белгілі бір аппараттық және бағдарламалық құралдарды пайдалану талап етілуі мүмкін, соларды қамтамасыз ету үшін жауапкершілік толығымен Сізге жүктеледі.

Соңғы өзгерту күні: 2013 жылдың 18 қыркүйегі