Samantekt helstu skilmála:

• Hrunskrár og tölfræðilegar upplýsingar um notkun þína á sérhverju beta-forriti verða sjálfkrafa veittar Apple og forritaveitunni sem hluti af TestFlight.

• Hægt er að senda tillögur og hugmyndir til forritaveitu beta-forritsins.

• Beta-forrit kunna að hrynja, sem getur valdið gagnatapi í viðkomandi beta-forritum.

• Ef þú ert nú þegar með fullbúna útgáfu af forriti geta gögn tapast ef þú setur beta-forrit upp.

• Þú getur hætt þátttöku í beta-prófun á beta-forriti með því að eyða beta-forritinu úr tækinu þínu.

-----

Notkun þín á TestFlight-þjónustunni, þar með taldar hvers kyns beta-prófanir á hvers kyns forútgáfu forrita fyrir iPhone-, iPad-, Apple Watch- og Apple TV eða annan vélbúnað undir vörumerki Apple, sem sótt eru gegnum TestFlight („Beta-forrit“), heyrir undir eftirfarandi skilmála („Skilmálar fyrir TestFlight-þjónustu“). Nema þeim sé sérstaklega breytt hér á eftir gilda heildarskilmálar fyrir Apple Media-þjónusta á þínu svæði og eru hér með felldir inn með tilvísun, og merking skilgreindra hugtaka skal vera sú sem sett er fram í skilmálum Apple Media-þjónustunnar, nema að því leyti sem tilgreint er hér. Að því er varðar þessa skilmála TestFlight-þjónustunnar skal hugtakið „forrit sem leyfi nær til“ ná yfir Beta-forrit. Sjá skilmála Apple Media-þjónustu: https://www.apple.com/legal/internet-services/itunes/.

Sérstakir skilmálar fyrir beta-prófara

Börnum undir 13 ára aldri eða sambærilegum lágmarksaldri í viðkomandi lögsagnarumdæmi er ekki heimilt að nota TestFlight. Ef þú hefur náð 13 ára aldri eða sambærilegum lágmarksaldri í viðkomandi lögsagnarumdæmi, en ert yngri en 18 ára, skaltu fara yfir þennan samning með foreldri þínu eða forráðamanni til að ganga úr skugga um að þú og foreldri þitt eða forráðamaður skiljið og samþykkið eftirfarandi skilmála.

TestFlight er hannað til að aðstoða hönnuði („forritaveitur“) þriðju aðila við að beta-prófa og bæta frammistöðu forútgáfu forrita fyrir iPhone-, iPad-, Apple Watch- og Apple TV eða annan vélbúnað undir vörumerki Apple og til að útvega beta-prófurum beta-forrit. Ef forritaveita samþykkir þig sem beta-prófara og þú velur að sækja viðkomandi beta-forrit til forritaveitunnar gegnum TestFlight veitir forritaveitan, með því skilyrði að þú farir að þessum skilmálum fyrir TestFlight-þjónustuna, þér takmarkað, almennt, óyfirfæranlegt leyfi sem ekki er hægt að veita undirleyfi fyrir, til að fá aðgang að, sækja og nota beta-forritið sem þú hefur verið valin(n) sem beta-prófari fyrir og öll tengd skjöl sem eru aðgengileg á netinu, einungis til beta-prófunar í takmarkaðan tíma og háð þessum skilmálum fyrir TestFlight-þjónustuna.

Að því er varðar þig og forritaveituna, og fyrir utan takmarkaða leyfið sem sett er fram hér á undan, á forritaveitan allan rétt, titla og eignarhluti í beta-forritinu, þ.m.t. en ekki einvörðungu hugverkarétt. Að því marki sem frekast er heimilt samkvæmt lögum mátt þú ekki: (a) breyta, vendismíða, bakþýða eða taka í sundur neitt beta-forrit; (b) leigja út, leigja með eignarleigu, lána, selja, veita undirleyfi fyrir, dreifa, senda eða á annan hátt flytja neitt beta-forrit; (c) gera afrit af eða á annan hátt endurgera neitt beta-forrit; eða (d) birta neitt beta-forrit þriðju aðilum án heimildar án þess að fá til þess heimild frá forritaveitunni.

Þú samþykkir að kappkosta að beta-prófa viðkomandi beta-forrit.

Þú viðurkennir að hafa gert þér ljóst að beta-forrit eru forútgáfur, alfa- eða beta-forrit og kunna að vera ófullkomin eða gætu innihaldið villur eða verið ónákvæm. Ekki ætti að nota beta-forrit í rekstrarumhverfi eða fyrir mikilvæg gögn. Þú ættir að taka öryggisafrit af öllum gögnum áður en beta-forrit er notað í Apple-tækinu þínu. Hvorki Apple né forritaveitan skulu bera kostnað, útgjöld eða bótaskyldu sem kunna að koma upp vegna notkunar þinnar á beta-forritum, þar með talið en ekki takmarkað við skemmdir, tap eða spillt forrit, upplýsingar eða gögn. Auk þess getur verið að beta-forrit séu ekki samhæf við framleidd forrit. Ef framleiðsluútgáfa af beta-forritinu er þegar uppsett í Apple-tækinu þínu skaltu taka öryggisafrit af öllum gögnum sem tengjast slíku forriti áður en beta-útgáfan er sett upp þar sem gögn geta spillst eða glatast á milli tveggja mismunandi útgáfa af sama forriti. Þú viðurkennir og samþykkir með ótvíræðum hætti að hvers kyns notkun beta-forrita er algjörlega á þína eigin ábyrgð.

Ef þú ert auk þess með fullbúna útgáfu af forriti uppsetta í tækinu þínu og setur upp sama beta-forrit kunna forritsgögnin þín að skemmast eða glatast og hugsanlega eru þau ekki endurheimtanleg. Þú ættir að taka öryggisafrit af upplýsingunum þínum áður en þú setur upp beta-forrit. Hvers kyns kaup í viðkomandi beta-forriti verða gerð aðgengileg fyrir þig þér að kostnaðarlausu, eingöngu í þeim tilgangi að prófa beta-forrit og aðeins í þann tíma sem slík prófun stendur yfir, og slík kaup verða ekki gjaldfærð á reikninginn þinn. Ef þú kaupir eða hleður niður forriti úr App Store er ekki víst að gögnin þín verði áfram aðgengileg í fullbúinni útgáfu. Við mælum með að þú takir öryggisafrit af gögnum þínum áður en beta-útgáfunni er eytt eða keypt er fullbúin útgáfa úr App Store.

Beta-forrit frá Apple og/eða hönnuðum þriðja aðila eru ekki endilega aðgengileg á öllum tungumálum eða í öllum löndum, en Apple svarar ekki fyrir að beta-forrit séu viðeigandi eða fáanleg til notkunar á einhverjum tilteknum stað. Að því leyti sem þú kýst að ná í og nota beta-forrit gegnum TestFlight gerir þú það að eigin frumkvæði og berð ábyrgð á að fylgja gildandi lögum. Beta-forrit eru með tímatakmörkunum og TestFlight geta breytt, takmarkað eða hætt að veita aðgang að beta-forritum hvenær sem er, fyrirvaralaust eða bótalaust. Þú gerir þér enn fremur grein fyrir og samþykkir að tilteknar upplýsingar um beta-forrit sem sóttar eru gegnum TestFlight standa þér hugsanlega ekki til boða áður en forritið er sótt, meðal annars aldursflokkun beta-forritsins, lágmarkskröfur um vélbúnað og aðgangur að atriðum sem hægt er að kaupa í beta-forritinu (þ.e. kaup í forritum). Með því að sækja beta-forrit samþykkir þú að nota beta-forritið án slíkra upplýsinga.

Þú viðurkennir og samþykkir að þú munir ekki fá laun fyrir að meta nein beta-forrit né fyrir neitt beta-innlegg og að þú munir bera sjálf(ur) kostnað af notkun TestFlight og hvers kyns beta-forrita (t.d. kostnað vegna farsímafyrirtækis og gagna). Enn fremur viðurkennir þú hér með og samþykkir að efnið í hvers kyns beta-forriti, sem ekki er nú þegar aðgengilegt öllum, og notkun þín á því skal teljast trúnaðarmál nema forritaveitan veiti sérstaklega heimild fyrir opinberri birtingu. Þú samþykkir að gæta trúnaðar um beta-forritið og fara með það sem trúnaðarmál, t.d. ekki deila því með neinum öðrum sem ekki er með beta-forritið uppsett.

Ef þú vilt leggja fram kvörtun vegna beta-forrits skaltu senda hana beint til forritaveitunnar. Þú viðurkennir og samþykkir að forritaveitan, en ekki Apple, ber fulla ábyrgð á hvers kyns beta-forritum, nema Apple sé leyfisveitandi slíks beta-forrits.

Beta-prófunargögn og beta-endurgjöf

Þegar þú notar beta-forrit gegnum TestFlight munu Apple og forritaveitan safna sjálfkrafa hrunskrám og notkunargögnum („beta-prófunargögn“) og óvíst er að þú getir hafnað að slíkum beta-prófunagögnum sé safnað.

TestFlight gefur þér einnig kost á því að geta sent inn skriflega eða myndræna endurgjöf (t.d. skjáskot eða athugasemdir) um beta-forrit til Apple og/eða forritaveitu („beta-endurgjöf“). Ef þú sendir beta-endurgjöf viðurkennir þú og samþykkir að þú gerir slíkt að eigin frumkvæði og að forritaveitan (þ.m.t. Apple, ef um er að ræða Apple Beta-forrit) eigi rétt á að nota beta-endurgjöf þína eins og segir hér að neðan. Þú lætur forritaveituna vita að þú hafir öll nauðsynleg réttindi til að veita beta-endurgjöf og veita forritaveitu þau réttindi.

Forritaveitan kann að nota beta-prófunagögnin og beta-endurgjöfina til að bæta forrit sitt og skyldar afurðir og kann að hafa samband við þig varðandi notkun þína á beta-forriti sínu. Notkun forritaveitunnar á beta-prófunargögnum og beta-endurgjöf er háð takmörkunum og kröfum sem koma fram hjá Apple í leyfishafasamkomulagi um þróunaráætlun Apple og persónuverndarstefnu forritaveitunnar. Apple kann að nota beta-prófunargögnin til að bæta eigin afurðir og þjónustu.

Í beta-prófunargögnum og beta-endurgjöf geta verið upplýsingar um persónuauðkenni, þ.m.t. í skjáskotum sem þú veitir, á borð við það hvenær skjáskot inniheldur myndirnar þínar eða mynd og eftirmynd, og upplýsingar um tæki þitt, þ.m.t. en ekki takmarkað við ýmis einkvæm tækjaauðkenni, vélbúnað og stýrikerfislýsingar, frammistöðutölfræði og gögn um hvernig þú notar tæki þitt, kerfi og hugbúnað, netupplýsingar og jaðarbúnað. Þegar þú notar TestFlight og Beta-forrit, koma fram upplýsingar um hvaða gögn eru send til Apple og forritaveitunnar og hvernig þær upplýsingar kunni að verða notaðar. Frekari upplýsingar er að finna á https://testflight.apple.com/#privacy-data. Apple mun ávallt fara með upplýsingar um þig í samræmi við persónuverndarstefnu okkar sem skoða má á https://www.apple.com/legal/privacy/.

Apple leggur sig fram um að auka fjölbreytni og tryggja öllum öryggi án áreitni. Beta-endurgjöf skal veita af fullri virðingu og ætti ekki að innihalda móðgandi, illgjörn eða niðrandi skrif, myndir eða skjáskot.

ENGIN ÁBYRGÐ

ÞÚ VIÐURKENNIR SÉRSTAKLEGA OG SAMÞYKKIR AÐ NOTKUN Á TESTFLIGHT OG HVERS KYNS BETA-FORRITUM SEM FENGIN ERU GEGNUM TESTFLIGHT ERU Á EIGIN ÁHÆTTU OG AÐ ÞÚ TEKUR ALLA ÁHÆTTU HVAÐ VARÐAR VIÐUNANDI GÆÐI, FRAMMISTÖÐU, NÁKVÆMNI OG AÐGERÐIR. BETA-FORRIT KUNNA AÐ INNIHALDA VILLUR Í HUGBÚNAÐI, ÞJÓNUSTU OG ÖÐRU OG NOTKUN ÞÍN Á TESTFLIGHT OG/EÐA BETA-FORRIT SEM SÓTT ERU GEGNUM TESTFLIGHT ERU HUGSANLEGA EKKI ALLTAF TILTÆK, LAUS VIÐ VILLUR EÐA LAUS VIÐ VÍRUSA EÐA ANNAN SPILLIKÓÐA OG VISTA HUGSANLEGA EKKI GÖGN Á NÁKVÆMAN HÁTT EÐA ALLS EKKI. EIGINLEIKAR OG AÐGERÐIR TESTFLIGHT OG BETA-FORRIT SEM SÓTT ERU GEGNUM TESTFLIGHT GETA BREYST OG HVENÆR SEM ER GETUR VERIÐ AÐ ÞÚ HAFIR EKKI LENGUR AÐGANG AÐ SLÍKU, MEÐ EÐA ÁN FYRIRVARA. AÐ ÞVÍ MARKI SEM FREKAST ER HEIMILT SAMKVÆMT GILDANDI LÖGUM ERU TESTFLIGHT, BETA-FORRIT SEM FENGIN ERU GEGNUM TESTFLIGHT OG HVERS KYNS ÞJÓNUSTA SEM VEITT ER AF TESTFLIGHT OG/EÐA SLÍKUM BETA-FORRITUM ER VEITT „EINS OG ÞAÐ KEMUR FYRIR“ OG „EINS OG ÞAÐ FÆST“, MEÐ ÖLLUM VILLUM OG ÁN NOKKURRAR ÁBYRGÐAR, OG APPLE OG FORRITAVEITA FIRRA SIG HÉR MEÐ ALLRI ÁBYRGÐ OG SKILYRÐUM AÐ ÞVÍ ER VARÐAR TESTFLIGHT, BETA-FORRITIN OG HVERS KYNS ÞJÓNUSTU, HVORT SEM HÚN ER BEIN, ÓBEIN EÐA LÖGBOÐIN, MEÐAL ANNARS ÓBEINNI ÁBYRGÐ OG/EÐA SKILYRÐUM ER VARÐA SÖLUHÆFI, VIÐUNANDI GÆÐI, NOTAGILDI Í ÁKVEÐNUM TILGANGI, NÁKVÆMNI, HLJÓÐLÁTA ÁNÆGJU OG BROT Á RÉTTINDUM ÞRIÐJU AÐILA. APPLE OG FORRITAVEITAN ÁBYRGJAST EKKI AÐ EKKI VERÐI TRUFLUN Á AÐ ÞÚ GETIR NOTIÐ TESTFLIGHT OG/EÐA BETA-FORRITSINS, AÐ EIGINLEIKARNIR Í TESTFLIGHT OG/EÐA BETA-FORRITINU EÐA ÞJÓNUSTAN SEM ÞAÐ VEITIR UPPFYLLI KRÖFUR ÞÍNAR, AÐ NOTKUN Á BETA-FORRITINU EÐA TESTFLIGHT VERÐI ÓSLITIN EÐA LAUS VIÐ VILLUR, EÐA AÐ GALLAR Í BETA-FORRITINU EÐA TESTFLIGHT VERÐI LAGFÆRÐIR. ENGAR MUNNLEGAR EÐA SKRIFLEGAR UPPLÝSINGAR EÐA RÁÐ SEM FORRITAVEITA EÐA VIÐURKENNDUR FULLTRÚI HENNAR VEITA SKULU SKAPA ÁBYRGÐARSKYLDU. REYNIST BETA-FORRITIÐ EÐA TESTFLIGHT GALLAÐ FELLUR ALLUR KOSTNAÐUR VEGNA NAUÐSYNLEGS VIÐHALDS, VIÐGERÐA EÐA LAGFÆRINGA Á ÞIG. SUM LÖGSAGNARUMDÆMI LEYFA EKKI UNDANÞÁGU FRÁ ÓBEINUM ÁBYRGÐUM EÐA TAKMARKANIR Á GILDANDI LÖGBOÐNUM RÉTTI NEYTANDA OG ÞVÍ GETUR VERIÐ AÐ FRAMANGREINDAR UNDANÞÁGUR OG TAKMARKANIR EIGI EKKI VIÐ UM ÞIG.

Riftun

Til að ljúka þátttöku þinni í beta-prófun á tilteknu beta-forriti skaltu eyða beta-forritinu úr tækinu þínu. Þegar þú eyðir beta-forritinu úr tækinu þínu verður öllum gögnum sem orðið hafa til í viðkomandi beta-forriti einnig eytt og hugsanlega verður gögnum sem urðu til í fullbúinni útgáfu forritsins, sem áður var uppsett, einnig eytt. Þótt Beta-forritinu sé eytt verður beta-prófunargögnum eða beta-innleggi, sem þú, TestFlight eða beta-forritið hafa veitt forritaveitunni og Apple, ekki eytt. Ef þú vilt fara fram á að persónuupplýsingum þínum sé eytt skaltu hafa beint samband við forritaveituna eða Apple. Apple og/eða forritaveitan áskilja sér rétt til að binda endi á þátttöku þína í beta-prófuninni hvenær sem er eins og þeim þóknast. Sem dæmi getur slíkur endi orðið ef þú skilar beta-endurgjöf sem inniheldur móðgandi og óviðeigandi myndir til forritaveitunnar.

21/06/2023