Kushtet e përdorimit të Apple Maps

Rregullat dhe kushtet e mëposhtme të përdorimit (“kushtet e përdorimit”) krijojnë një marrëveshje ligjore mes jush dhe Apple. Kushtet e përdorimit kontrollojnë përdorimin e shërbimeve dhe veçorive të Apple Maps nga ana juaj ("Maps") dhe të të gjitha të dhënave, materialeve, përmbajtjeve ose informacioneve të tjera (të gjitha së bashku “të dhënat”) që ju vihen në dispozicion aty. Maps dhe të dhënat janë referuar bashkërisht si "shërbimi" më poshtë. Ju lutemi t'i lexoni me kujdes këto kushte përdorimi.  

DUKE PËRDORUR SHËRBIMIN, JU BINI DAKORD ME KËTO KUSHTE PËRDORIMI; NËSE NUK JENI DAKORD, MOS E PËRDORNI SHËRBIMIN.

Apple ushtron të drejtën që të bëjë ndryshime në këto kushte përdorimi në çdo kohë dhe sipas gjykimit tonë. Nëse nuk jeni dakord me këto ndryshime, duhet të mos e përdorni më shërbimin. Nëse vazhdoni ta përdorni shërbimin edhe pas ndryshimeve të tilla në kushtet e shërbimit, konsiderohet se ju jeni dakord me këto kushte të reja ose të ndryshuara. 

Përdorimi i lejuar i shërbimit dhe kufizimet 

Subjekt i këtyre kushteve të përdorimit, juve ju jepet e drejta e kufizuar, jo-ekskluzive për të përdorur shërbimin. Deri në masën që ju zgjidhni ta përdorni shërbimi, ju e bëni këtë me nismën tuaj dhe pranoni që ta përdorni shërbimin vetëm siç lejohet në këto kushte përdorimi dhe në ligjet e rregullat e zbatueshme ose në rregulloret ose direktivat shtesë që Apple mund të vërë në dispozicion. Shërbimi, ose cilado veçori apo pjesë e tij, mund të ndryshojë sipas rajonit dhe mund të mos jetë i disponueshëm në të gjitha gjuhët ose në të gjitha shtetet, dhe Apple nuk bën asnjë garanci se shërbimi, ose ndonjë veçori apo pjesë e tij, është i përshtatshëm, i saktë ose i disponueshëm në ndonjë vend të caktuar. Apple ushtron të drejtën që të bëjë ndryshime, të pezullojë, të heqë ose të çaktivizojë aksesin në shërbim në çfarëdo kohe pa dhënë njoftim. Në asnjë rast Apple nuk do të jetë përgjegjës për heqjen ose çaktivizimin e aksesit në shërbim. Apple mund të vendosë gjithashtu limite në përdorimin ose aksesin në shërbim, në çfarëdo rasti dhe pa dhënë njoftim ose pa pasur përgjegjësi.

Ju pranoni që Apple dhe licencuesit e tij nuk japin garanci dhe nuk do të kenë asnjë përgjegjësi ndaj jush për disponueshmërinë, saktësinë, plotësinë, besueshmërinë ose koherencën e të dhënave të vendndodhjes apo të dhënave të tjera që shfaqen nga shërbimi. Ju pranoni se të dhënat e vendndodhjes ofrohen vetëm për qëllime bazë navigimi dhe planifikimi, dhe nuk është qëllimi i tyre që të përdoren në situata ku nevojiten informacione të sakta ose ku të dhënat e gabuara, të pasakta, të vonuara ose të paplota të vendndodhjes mund të shkaktojnë vdekje, plagosje, dëmtime të pronës ose të mjedisit. Ju pranoni se rezultatet që merrni nga shërbimi mund të ndryshojnë nga rruga, terreni, rrugëkalimet e biçikletave ose këmbësorëve ose kushtet e tjera të vërteta për shkak të faktorëve që mund të ndikojnë te saktësia e shërbimit dhe të dhënat në të, duke përfshirë, por jo vetëm, moti, rruga, trafiku, kushtet e rrugëkalimit dhe ngjarjet gjeopolitike. 

PËR SIGURINË TUAJ, PËRDORNI GJYKIMIN TUAJ TË PAVARUR DHE KUSHTOJUNI GJITHNJË VËMENDJE TABELAVE TË RRUGËS, TABELAVE PËR BIÇIKLETAT DHE RRUGËKALIMET DHE KUSHTEVE AKTUALE TË RRUGËS. NDIQNI PRAKTIKA TË SIGURTA DHE RREGULLAT E TRAFIKUT, DHE MBANI PARASYSH SE DREJTIMET MUND TË MOS PËRFSHIJNË TROTUARET OSE RRUGËKALIMET E BIÇIKLETAVE/KËMBËSORËVE.

Deri në shkallën që ju paraqitni, ngarkoni ose postoni të dhëna nëpërmjet shërbimit, ju tregoni se zotëroni të gjitha të drejtat, ose keni autorizim apo keni ndryshe ligjërisht të drejtën që t'i ngarkoni, këto të dhëna dhe se këto të dhëna nuk shkelin këto kushte përdorimi dhe/ose asnjë rregull ose kusht tjetër që zbatohet për shërbimin apo për ndonjë veçori a pjesë të tij. 

Ju pranoni se, duke përdorur shërbimin, ju mund të përballeni me të dhëna që mund të konsiderohen fyese, të papërshtatshme ose të dënueshme. Megjithatë, ju pranoni që ta përdorni shërbimin duke marrë vetë përsipër rrezikun dhe se Apple, filialet, agjentët, drejtuesit ose licencuesit e tij nuk do të kenë përgjegjësi ndaj jush për të dhënat që mund të jenë fyese, të papërshtatshme ose të dënueshme.

Ju pranoni që t'u përmbaheni të gjitha ligjeve, statuteve, urdhrave dhe rregullave lokale, shtetërore, federale dhe kombëtare që zbatohen për përdorimin e shërbimit nga ana juaj. Ju mund ta përdorni shërbimin, duke përfshirë të dhënat që gjenden në të ose në ndonjë pjesë të tij, vetëm për qëllime personale dhe jotregtare. Ofrimi i shërbimit nga Apple, duke përfshirë të dhënat që gjenden në të ose në ndonjë pjesë të tij, nuk transferon asnjë të drejtë përdorimi tregtare ose promocionale te ju, dhe as nuk përbën një të drejtë apo heqje dorë nga të drejtat. 

Ju nuk duhet që:

(a)     të hiqni, pengoni ose modifikoni njoftimet, markat tregtare ose njoftimet e tjera të të drejtat e pronësisë ose njoftimet e tjera ligjore, dokumentet ose hyperlink-et e që mund të shfaqen ose ofrohen nëpërmjet shërbimit;

(b)     të kopjoni dhe/ose modifikoni të dhënat në shërbim, ta përdorni shërbimin për të krijuar ose përmirësuar ndonjë shërbim tjetër që lidhet me hartat apo ta hapni ose përdorni shërbimin në një mënyrë tjetër që tenton të kopjojë, ekstraktojë, nxjerrë ose ripërdorë ndonjë pjesë të të dhënave që ofrohet nga shërbimi, duke përfshirë shkarkimet në masë ose furnizimet me të dhënat e hartës ose imazheri apo krijim i ndonjë databaze në bazë të rezultateve të marra nga shërbimi;

(c) të kombinoni, shitni, rishpërndani, riprodhoni, modifikoni, përktheni ose krijoni produkte të reja ose punë derivate të shërbimit apo të ndonjë pjese të tij;

(d)     të dekompiloni, dekriptoni, bëni inxhinieri të kundërt, çmontoni ose tentoni të nxirrni kodin burim të shërbimit apo të ndonjë pjese të tij (përveçse dhe deri në masën që ky kufizim ndalohet nga ligji i zbatueshëm ose nga kushtet e licencimit lidhur me përdorimin e ndonjë prej komponentëve të FOSS që mund të përfshihen me shërbimin);

(e)     të merrni me qira, jepni me qira, jepni hua, nënlicenconi, publikoni, transferoni, shitni, tregtoni, reklamoni ose rishpërndani shërbimin, apo ndonjë pjesë të tij, në çfarëdo mënyre;

(f)      të shfrytëzoni shërbimin duke shkelur këto kushte përdorimi apo në ndonjë mënyrë tjetër të paautorizuar çfarëdoqoftë, duke përfshirë, por jo vetëm, përdorimin e shërbimit për të transmetuar viruse kompjuterike, worm-e, trojan horses, apo të kapërceni, ngarkoni kapacitetin e rrjetit, manipuloni në mënyrë të papërshtatshme dhe/ose të falsifikoni të dhëna brenda shërbimit, apo të pengoni në ndonjë mënyrë tjetër përdorimin e shërbimit nga të tjerët; 

(g)     ta përdorni shërbimin në ndonjë mënyrë për të ngacmuar, abuzuar, përndjekur, kërcënuar, poshtëruar ose penguar a shkelur ndryshe të drejtat e një pale tjetër, dhe pranoni se Apple nuk është në asnjë mënyrë përgjegjës për këtë lloj përdorimi nga ju; 

(h) të manipuloni vlerësimet, shqyrtimet ose të dhënat e tjera në ndonjë mënyrë, si për shembull (i) nëpërmjet përdorimit të një boti, skripti ose procesi automatik, ose (ii) duke ofruar ose pranuar ndonjë lloj kompensimi ose incentive; ose

(i)  të përdorni ose eksportoni apo rieksportoni të dhënat, apo t'i kopjoni ose përshtatni këto të dhëna, që ofrohen në shërbim, në shkelje të ligjeve ose rregullave të zbatueshme, duke përfshirë, por jo vetëm, ligjet dhe rregullat e Shteteve të Bashkuara për eksportin.

II. Përdorimi i shërbimit; privatësia 

Kur ju e aktivizoni ose e përdorni shërbimin, mund të vihen në dispozicion të dhëna të mëtejshme në lidhje me faktin se cilat informacione i dërgohen Apple dhe mënyra se si mund të përdoren informacionet.

Politika e Apple për privatësinë zbatohet për përdorimin e shërbimit, dhe kushtet e saj bëhen pjesë e këtyre kushteve të përdorimit. Informacionet tuaja do të trajtohen gjatë gjithë kohës në përputhje me politikën e Apple për privatësinë, e cila mund të gjendet në: https://www.apple.com/privacy/.

Materialet e palëve të treta dhe falënderimet 

Shërbimi mund të shfaqë, mund të përfshijë ose mund të vërë në dispozicion të dhëna nga palë të treta ("materialet e palëve të treta") ose mund të japë linqe për faqe interneti të caktuara të palëve të treta. Apple nuk bën asnjë garanci se shërbimi ose materialet e palës së tretë janë të përshtatshme, të sakta ose të disponueshme për përdorim në një vend të caktuar. Deri në shkallën që ju zgjidhni të përdorni ose hapni materialet e palëve të treta, ju e bëni këtë me nismën tuaj dhe jeni përgjegjës për pajtueshmërinë me ligjet, rregullat, kushtet ose kërkesat e tjera të zbatueshme. Juve nuk ju lejohet të ribotoni, ritransmetoni, riprodhoni ose përdorni ndryshe imazhet që shihen nëpërmjet Maps si skedar më vete. Duke përdorur shërbimin, ju pranoni se Apple nuk është përgjegjës për ekzaminimin ose vlerësimin e saktësisë, plotësisë, koherencës, vlefshmërisë, pajtueshmërisë me të drejtat e autorit, ligjshmërisë, përshtatshmërisë, cilësisë ose të ndonjë aspekti tjetër të këtyre materialeve ose faqeve të internetit të palëve të treta. Apple, funksionarët, degët dhe filialet e tij nuk garantojnë ose përkrahin dhe nuk supozojnë e nuk kanë asnjë detyrim a përgjegjësi ndaj jush apo ndaj ndonjë personi tjetër për asnjë shërbim të palëve të treta, për materialet ose faqet e internetit të palëve të treta apo për çdo material, produkt ose shërbim të palëve të treta. Shërbimi dhe materialet e palëve të treta mund të mos jenë të disponueshme në të gjitha gjuhët ose në të gjitha vendet a rajonet. 

Të drejtat e Apple për pronësinë

Ju pranoni se shërbimi dhe të gjitha të dhënat që përfshihen në të, zotërohen ose janë të licencuara nga Apple dhe/ose nga licencuesit dhe furnitorët e tij, dhe janë të mbrojtura nga ligjet e zbatueshme për pronën intelektuale dhe ligjet e tjera, duke përfshirë, por jo vetëm, ato për të drejtat e autorit, patentat, markat tregtare dhe sekretet tregtare, dhe se ju nuk do ta përdorni shërbimin ose të dhënat në asnjë mënyrë çfarëdoqoftë që bie në kundërshtim me këto kushte përdorimi ose që shkel ndonjë prej të drejtave të pronës intelektuale të Apple apo të ndonjë pale të tretë. Asnjë pjesë e këtij shërbimi, duke përfshirë të dhënat që gjenden në të, nuk mund të riprodhohen plotësisht apo pjesërisht dhe ju mund të mbani përgjegjësi për çdo kopjim ose zbulim të tillë të paautorizuar. 

Apple, logoja e Apple, markat e tjera tregtare të Apple, markat e shërbimeve, grafikët dhe logot e tjera të Apple të përdorura lidhur me veçorinë, janë marka tregtare ose marka tregtare të regjistruara të Apple Inc. në SHBA dhe/ose shtete të tjera. Markat e tjera tregtare ose logot që përdoren në lidhje me shërbimin, mund të jenë marka tregtare të pronarëve të tyre përkatës. Juve nuk ju jepet asnjë e drejtë apo licencë për ndonjë prej markave tregtare të mësipërme, dhe gjithashtu bini dakord se nuk do të mënjanoni, fshini apo ndryshoni asnjë njoftim pronësie (duke përfshirë njoftimet e markës tregtare dhe të së drejtës të autorit) që mund të përfshihen te shërbimi. 

Shkelja e kushteve të përdorimit

Nëse ju nuk zbatoni, ose Apple dyshon se nuk keni zbatuar, ndonjë prej pikave të kësaj kontrate, Apple, pa ju njoftuar, mund ta mbyllë licencën tuaj dhe/ose të ndërprerë përdorimin e shërbimit apo të ndonjë pjese të tij nga ana juaj.

Apple rezervon më tej të drejtën që të modifikojë, pezullojë ose ndërpresë shërbimin (apo ndonjë pjesë të tij) në çfarëdo kohe, duke ju njoftuar ose jo, dhe Apple nuk do të jetë përgjegjës ndaj jush apo ndaj ndonjë pale të tretë nëse ushtron këto të drejta.

Ju i jepni këtu Apple të drejtën të ndërmarrë hapat që Apple konsideron se janë të arsyeshme apo të përshtatshme për të zbatuar dhe/ose verifikuar pajtueshmërinë me të gjitha pjesët e kësaj kontrate. Ju pranoni se Apple ka të drejtën, pa asnjë përgjegjësi ndaj jush, që t'u zbulojë të dhëna dhe/ose informacione autoriteteve të zbatimit të ligjit, zyrtarëve qeveritarë dhe/ose një pale të tretë, siç Apple beson se është në mënyrë të arsyeshme e nevojshme ose e përshtatshme për të zbatuar dhe/ose verifikuar pajtueshmërinë me cilëndo pjesë të kësaj kontrate (duke përfshirë, por jo vetëm, të drejtën e Apple për të bashkëpunuar me cilindo proces ligjor lidhur me përdorimin e shërbimit dhe/ose të ndonjë pjese të tij nga ana juaj, dhe/ose me pretendimin e një pale të tretë se përdorimi i shërbimit dhe/ose ndonjë pjese të tij nga ana juaj është i jashtëligjshëm dhe/ose shkel të drejtat e kësaj pale të tretë). Mund të zbulojmë gjithashtu informacione personale rreth jush nëse përcaktojmë se zbulimi është i nevojshëm ose i përshtatshëm për arsye të sigurisë kombëtare, zbatimit të ligjit apo çështjeve të tjera me rëndësi publike.

Mohimi i garancive 

DISA JURIDIKSIONE NUK LEJOJNË PËRJASHTIMIN E DISA GARANCIVE TË CAKTUARA. DERI NË ATË MASË QË KËTO PËRJASHTIME NDALOHEN NË MËNYRË SPECIFIKE NGA LIGJET NË FUQI, DISA PËRJASHTIME QË PËRCAKTOHEN MË POSHTË MUND TË MOS ZBATOHEN PËR JU. MOHIMET E MËPOSHTME DO TË APLIKOHEN DERI NË SHKALLËN MAKSIMALE QË LEJOHET NGA LIGJI NË FUQI.

JU PRANONI SHPREHIMISHT SE, DERI NË MASËN QË LEJOHET NGA LIGJI NË FUQI, PËRDORIMI I SHËRBIMIT BËHET DUKE E MARRË VETË PËRSIPËR RREZIKUN DHE SE I GJITHË RREZIKU PËR SA I PËRKET CILËSISË, PERFORMANCËS, SAKTËSISË DHE PËRPJEKJEVE TË KËNAQSHME JU PËRKET JUVE. APPLE NUK PREMTON SE SHËRBIMI APO NDONJË VEÇORI E SHËRBIMIT DO TË JETË E SAKTË, PA GABIME, PA NDËRPRERJE, APO SE TË GJITHA DEFEKTET DO TË KORRIGJOHEN, APO SE PËRDORIMI I SHËRBIMIT NGA ANA JUAJ DO TË JAPË REZULTATE TË CAKTUARA. 

JU PRANONI DHE PRANONI SHPREHIMISHT SE SHËRBIMI OFROHET "SIÇ ËSHTË" DHE "SIÇ DISPONOHET", ME TË GJITHA DEFEKTET DHE PA GARANCI TË ASNJË LLOJI, DHE APPLE E LICENCUESIT E TIJ MOHOJNË KËTU TË GJITHA GARANCITË DHE KUSHTET NË LIDHJE ME PËRDORIMIN E SHËRBIMIT, QOFTË TË SHPREHURA, TË NËNKUPTUARA APO STATUTORE, DUKE PËRFSHIRË, POR JO VETËM, GARANCITË DHE/OSE KUSHTET E NËNKUPTUARA TË TREGTUESHMËRISË, CILËSISË SË KËNAQSHME, PËRSHTATJES PËR NJË QËLLIM TË CAKTUAR, SAKTËSISË, PËRDORIMIT TË QETË, DHE MOSSHKELJES SË TË DREJTAVE TË PALËVE TË TRETA. NË VEÇANTI, APPLE DHE FILIALET, DEGËT, ZYRTARËT, DREJTORËT, PUNONJËSIT, AGJENTËT, PARTNERËT DHE LICENCUESIT E TIJ NUK JAPIN ASNJË GARANCI SE (I) SHËRBIMI DO TË PLOTËSOJË KËRKESAT TUAJA; (II) PËRDORIMI I SHËRBIMIT NGA ANA JUAJ DO TË BËHET NË KOHË, DO TË JETË PA NDËRPRERJE, I SIGURT OSE PA GABIME; (III) ÇDO INFORMACION QË MERRET NGA JU SI REZULTAT I SHËRBIMIT DO TË JETË I SAKTË OSE I BESUESHËM; (IV) ÇDO DEFEKT OSE GABIM NË SHËRBIM DO TË KORRIGJOHET; DHE (V) SHËRBIMI DO TË JETË I PAJTUESHËM OSE DO TË PUNOJË ME ÇDO SOFTUER, APLIKACION OSE SHËRBIM TË PALËVE TË TRETA.

JU PRANONI MË TEJ SE SHËRBIMI NUK KA PËR QËLLIM OSE NUK ËSHTË I PËRSHTATSHËM PËR PËRDORIM NË SITUATA OSE MJEDISE KU DËSHTIMI, VONESAT, GABIMET OSE PASAKTËSITË NË TË DHËNAT E OFRUARA NGA SHËRBIMI MUND TË SHKAKTOJNË VDEKJE, PLAGOSJE DËMTIME TË RËNDA FIZIKE OSE DËMTIME NË MJEDIS. 

ASNJË INFORMACION OSE KËSHILLË. ME GOJË APO ME SHKRIM, E DHËNË NGA APPLE APO NGA NJË PËRFAQËSUES I AUTORIZUAR I APPLE NUK DO TË KRIJOJË NJË GARANCI. NË RAST SE SHËRBIMI DEL ME DEFEKT, JU MERRNI PËRSIPËR TË GJITHË KOSTON E TË GJITHA SHËRBIMEVE, RIPARIMEVE OSE KORRIGJIMEVE TË NEVOJSHME. DISA JURIDIKSIONE NUK LEJOJNË PËRJASHTIMIN E GARANCIVE TË NËNKUPTUARA OSE KUFIZIMEVE NË TË DREJTAT E ZBATUESHME LIGJORE TË NJË KONSUMATORI, PRANDAJ PËRJASHTIMI DHE KUFIZIMET E MËSIPËRME MUND TË MOS ZBATOHEN PËR JU.

Kufizimi i përgjegjësisë

AS APPLE DHE AS LICENCUESIT OSE FURNITORËT E TIJ NUK DO TË MBAJNË PËRGJEGJËSI PËR ASNJË DËMTIM OSE HUMBJE QË LIND NGA PËRDORIMI, KEQPËRDORIMI, MBËSHTETJA, PAMUNDËSIA PËR TË PËRDORUR, NDËRPRERJA, PEZULLIMI OSE MBYLLJA E SHËRBIMIT, DUKE PËRFSHIRË ÇDO NDËRPRERJE QË NDODH PËR SHKAK TË DEFEKTEVE NË SISTEM, SULMEVE NË RRJET OSE MIRËMBAJTJEVE TË PLANIFIKUARA APO TË PAPLANIFIKUARA.

DERI NË SHKALLËN QË NUK NDALOHET NGA LIGJI NË FUQI, NË ASNJË RAST APPLE, FILIALET, AGJENTËT OSE DREJTUESIT E TIJ NUK DO TË MBAJNË PËRGJEGJËSI PËR DËMTIMET FIZIKE, OSE DËMET AKSIDENTALE, SPECIALE, INDIREKTE OSE KONSEKUENCIALE ÇFARËDOQOFSHIN, DUKE PËRFSHIRË, POR JO VETËM, DËMET PËR HUMBJEN E FITIMEVE, KORRUPSIONIN OSE HUMBJEN E TË DHËNAVE, MOSTRANSMETIMIN OSE MOSMARRJEN E TË DHËNAVE (DUKE PËRFSHIRË, POR JO VETËM, UDHËZIMET, CAKTIMET DHE MATERIALET), NDËRPRERJET E BIZNESIT OSE ÇDO DËM OSE HUMBJE TJETËR TREGTARE QË LIND NGA OSE QË LIDHET ME PËRDORIMIN APO PAMUNDËSINË TUAJ PËR T'I PËRDORUR SHËRBIMET APO NDONJË SOFTUER, APLIKACION OSE SHËRBIM TË PALËVE TË TRETA NË LIDHJE ME SHËRBIMIN, SIDO QË TË JETË SHKAKTUAR, PAVARËSISHT TEORISË SË PËRGJEGJËSISË (KONTRATË, SHKELJE OSE NDRYSHE), EDHE NËSE APPLE ËSHTË VËNË NË DIJENI PËR MUNDËSINË E KËTYRE DËMTIMEVE. DISA JURIDIKSIONE NUK LEJOJNË PËRJASHTIMIN OSE KUFIZIMIN E PËRGJEGJËSISË PËR DËMET PERSONALE OSE PËR DËMET AKSIDENTALE APO KONSEKUENCIALE, PRANDAJ KY KUFIZIM MUND TË MOS ZBATOHET PËR JU. NË ASNJË RAST PËRGJEGJËSIA TOTALE E APPLE NDAJ JUSH PËR TË GJITHA DËMET (PËRVEÇ SIÇ MUND TË KËRKOHET NGA LIGJI NË FUQI NË RASTET KU PËRFSHIHEN DËMTIME FIZIKE) NUK DO TË TEJKALOJË SHUMËN PREJ PESËDHJETË DOLLARË (50,00 $). KUFIZIMET E MËSIPËRME DO TË ZBATOHEN EDHE NËSE ZGJIDHJA E PËRMENDUR MË SIPËR NUK E PËRMBUSH QËLLIMIN QË KA.

Shfajësimi

Pas kërkesës nga Apple, ju pranoni të shfajësoni dhe të mbani të padëmtuar Apple, zyrtarët, drejtorët, aksionarët, paraardhësit dhe pasardhësit në interes, punonjësit, agjentët, kontraktorët, filialet dhe degët nga çdo kërkesë, humbje, përgjegjësi, pretendim ose shpenzim (duke përfshirë tarifat e avokatisë) që lindin nga shkelja e këtyre kushteve të përdorimit dhe/ose nga përdorimi i shërbimit nga ana juaj. 

Ligji kontrollues, vendi, zgjidhja e mosmarrëveshjeve dhe pjesa e mbetur

Këto kushte përdorimi do të drejtohen dhe interpretohen në përputhje me ligjet e Shtetit të Delauerit, duke përjashtuar konfliktin me parimet ligjore. Ju pranoni juridiksionin personal dhe vendin në gjykatat shtetërore dhe federale në Rrethin e Santa Clara, Kaliforni, dhe hiqni dorë nga çdo kundërshtim ndaj këtij juridiksioni ose vendi. Këto kushte përdorimi nuk do të drejtohen nga Konventa e Kombeve të Bashkuara për Kontratat për Shitjen Ndërkombëtare të Mallrave, aplikimi i të cilave përjashtohet shprehimisht. Nëse jeni klient me bazë në Mbretërinë e Bashkuar, këto kushte përdorimi do të drejtohen nga ligjet e juridiksionit ku banoni. 

Dispozita e mësipërme në lidhje me vendin nuk zbatohet nëse jeni klient me bazë në Bashkimin Evropian. Nëse jeni klient me bazë në Bashkimin Evropian, mund të bëni një kërkesë në gjykatat e vendit ku banoni. Çdo kërkesë nën këto kushte përdorimi duhet të paraqitet brenda një (1) viti pasi ka lindur shkaku për veprim, përndryshe ky pretendim ose shkak për veprim bëhet i pavlefshëm. Pretendimet e ngritura sipas rregullave dhe kushteve të veçanta të blerjes së mallrave dhe shërbimeve nuk u nënshtrohen këtij kufizimi. Nuk mund të kërkohet apo të merret asnjë kompensim për dëmtimet, përveç shpenzimeve nga xhepi, përveçse pala fituese do të ketë të drejtën të marrë dëmshpërblim për kostot dhe tarifat e avokatisë. Në rast se lind ndonjë konflikti ose mosmarrëveshjeje mes Apple dhe jush, e cila lind nga ose në lidhje me përdorimin e shërbimit nga ana juaj, palët do të përpiqen ta zgjidhin çështjen menjëherë dhe në mirëbesim. Nëse nuk jemi në gjendje ta zgjidhim një çështje të tillë brenda një kohe të arsyeshme (jo më tepër se tridhjetë (30) ditë), atëherë secila prej palëve mund ta çojë këtë çështje ose mosmarrëveshje për ndërmjetësim. Nëse mosmarrëveshja nuk mund të zgjidhet nëpërmjet ndërmjetësimit, atëherë palët do të jenë të lira të ndjekin çdo të drejtë ose zgjidhje që kanë në dispozicion sipas ligjit në fuqi.

Nëse për ndonjë arsye, një gjykatë me juridiksion kompetent zbulon se ndonjë dispozitë, ose ndonjë pjesë e saj, është e pazbatueshme, pjesa e mbetur e këtyre kushteve të përdorimit do të vazhdojë të ketë fuqi dhe efekt të plotë.

Tërësia e kontratës

Këto kushte përdorimi përbëjnë të gjithë kontratën mes jush dhe Apple, dhe ato drejtojnë përdorimin e shërbimeve nga ju, duke qëndruar sipër çdo kontrate të mëparshme në lidhje me çështjen në fjalë mes jush dhe Apple. Ju mund t'u nënshtroheni gjithashtu rregullave dhe kushteve shtesë që mund të zbatohen kur përdorni shërbimin, shërbimet filiale, materialet e palëve të treta, softuerët e palëve të treta ose shërbimet shtesë. Nëse ndonjë pjesë e këtyre kushteve të përdorimit konsiderohet e pavlefshme ose e pazbatueshme, ajo pjesë do të interpretohet në mënyrë konsistente me ligjin në fuqi, me qëllim për të pasqyruar, sa më besnikërisht të jetë e mundur, synimet fillestare të palëve, ndërsa pjesët e mbetura do të mbeten në fuqi të plotë. Në rast se Apple vendos të mos ushtrojë të drejtat ose masat që tregohen në këtë kontratë, kjo nuk do të thotë se ka hequr dorë nga kjo e drejtë ose masë. Apple nuk do të mbajë përgjegjësi për mospërmbushjen e detyrimeve për shkaqe që janë përtej kontrollit të tij.

Komentet dhe informacionet

Çdo koment që jepni për shërbimin do të konsiderohet jokonfidencial. Apple do të jetë e lirë që t'i përdorë këto informacione pa kufizime.

Përditësuar për herë të fundit:  Shtator 2021