• તમારી Apple Card ઍપ્લિકેશનમાં તમારા દ્વારા પ્રદાન કરવામાં આવેલી માહિતીનો ઉપયોગ Appleની પૂર્ણ માલિકીની સહાયક કંપની અને Goldman Sachs દ્વારા કરવામાં આવશે અને તમારી ઓળખાણ વેરિફાઈ કરવા અને છેતરપિંડી રોકવા માટે તમારી ઍપ્લિકેશનની માહિતી તૃતીય-પક્ષ ઓળખ વેરિફિકેશન સર્વિસ પ્રોવાઇડર સાથે શેર કરવામાં આવશે.
• Goldman Sachs, Apple Cardને ઇશ્યૂ કરનારી બૅન્ક અને Mastercard, Apple Cardનું ગ્લોબલ ચુકવણી નેટવર્ક તમારી Apple Card ટ્રાંઝેક્શનની માહિતી પ્રાપ્ત કરી શકે છે પરંતુ તમારા ટ્રાંઝેક્શનની માહિતીને માર્કેટિંગ અથવા જાહેરાત માટે તૃતીય પક્ષો સાથે શેર કરતું નથી અથવા વેચતું નથી.
• ખર્ચનો સારાંશ જેવી તમારી ટ્રાંઝેક્શન હિસ્ટરીનો ઉપયોગ કરતા Apple Card ફીચર ઑન-ડિવાઇસ બનાવવામાં આવે છે. Apple તમારી ટ્રાંઝેક્શન હિસ્ટરીને જાણતું નથી.

Apple Card માટે અરજી કરવી

જ્યારે તમે Apple Card માટે અરજી કરો છો ત્યારે તમારું નામ, જન્મતારીખ, સંપર્ક માહિતી અને ડિવાઇસ ફોન નંબરનો ઉપયોગ Apple અને Goldman Sachs Bank USA, Salt Lake City Branch (“Goldman Sachs”) દ્વારા તમારી ઓળખ વેરિફાઈ કરવા અને છેતરપિંડી રોકવા માટે કરવામાં આવશે. Goldman Sachs તમારા અકાઉંટને સેટ અપ કરવા માટે અને જરૂરી ડ્યૂ ડિલિજંસ માટે પણ આ માહિતીનો ઉપયોગ કરે છે. Goldman Sachs અકાઉંટ ઓનરના આંશિક અથવા પૂર્ણ સોશિઅલ સિક્યુરિટી નંબર અને નાગરિકતાનો દેશ વેરિફાઈ કરવા માટે તૃતીય-પક્ષ ઓળખ વેરિફિકેશન સર્વિસ પ્રોવાઇડરનો ઉપયોગ કરે છે; Apple આ માહિતી વાંચતું નથી અથવા સ્ટોર કરતું નથી.

જો તમારી ઓળખ વેરિફાઈ કરવા માટે વધુ માહિતીની જરૂર હોય તો તમને તમારું ડ્રાઇવિંગ લાઇસંસ અથવા સરકાર દ્વારા ઇસ્યૂ કરવામાં આવેલું ફોટો ID સ્કૅન કરવાનું કહેવામાં આવશે. તમારી ઓળખ વેરિફાઈ કરવા અને છેતરપિંડી રોકવા માટે તમારા ફોટો IDની ઇમેજ તૃતીય-પક્ષ ઓળખ વેરિફિકેશન સર્વિસ પ્રોવાઇડર સાથે સુરક્ષિત રીતે ટ્રાંસફર કરવામાં આવી છે. Apple તમારા ફોટો IDની ઇમેજ રીડ કે સ્ટોર કરતું નથી પણ ઓળખના વેરિફિકેશન માટે તમારા ફોટો IDથી નામ અને અડ્રેસ પ્રાપ્ત કરી શકે છે જેથી Apple Card ઍપ્લિકેશનમાં છેતરપિંડીથી રોકી શકાય.

તમને તમારી અંદાજિત વાર્ષિક આવક Goldman Sachsને પ્રદાન કરવા માટે કહેવામાં આવી શકે છે જેથી તેના પરથી નિર્ણય લઈ શકાય છે કે તમને ક્રેડિટ આપવું કે નહિ તેમજ કેટલી રકમનું ક્રેડિટ આપવું. Apple તમારી વાર્ષિક આવકને રીડ કે સ્ટોર કરતું નથી.

તમારી ઍપ્લિકેશન ત્યાં સુધી Goldman Sachsને ક્રેડિટ નિર્ણય માટે સબમિટ કરવામાં આવતી નથી જ્યાં સુધી તમે Apple Cardના નિયમો અને શરતોને સ્વીકારતા નથી. જો Goldman Sachsને તમારી ઍપ્લિકેશનને પ્રોસેસ કરવા માટે વધારે માહિતીની જરૂર છે તો તમારી ઍપ્લિકેશન વિષેની માહિતી તમારા ડિવાઇસ પર મહત્તમ 30 દિવસ સુધી જાળવી રાખવામાં આવશે. ઍપ્લિકેશન પ્રોસેસ દરમિયાન જો તમે પૉઝ કર્યું હોય તો Apple તે માહિતી કલેક્ટ કરે છે તેમજ Apple અથવા Goldman Sachs તમારી ચાલુ ઍપ્લિકેશન વિષે રિમાઇંડ કરાવવા માટે અને સહાયતા પ્રદાન કરવા માટે તમારો સંપર્ક કરે છે.

જો તમે લોકેશન સેવાને સક્ષમ કરી છે તો તમારી ઍપ્લિકેશન સબમિટ કરવા દરમિયાન તમારા કોર્સ લોકેશન વિષેની માહિતીનો ઉપયોગ Apple અને Goldman Sachs દ્વારા છેતરપિંડી રોકવા માટે કરવામાં આવે છે. જેમ તમે તમારા Apple Pay પર કોઈ ચુકવણી પદ્ધતિ ઉમેરો છો, જ્યારે તમે Apple Card માટે અરજી કરો છો અથવા તેને પ્રાપ્ત કરો છો, તમારા ડિવાઇસ વિષેની માહિતી જેમ કે અમુક ડિવાઇસ સેટિંગ્સ સક્ષમ છે કે નહિ અને ડિવાઇસના ઉપયોગની પૅટર્ન સંબંધિત માહિતી (ઉદાહરણ તરીકે ડિવાઇસ કેટલા સમયથી ગતિમાં છે તેની ટકાવારી અથવા લગભગ દર અઠવાડિયે આવતા કૉલ)ને ઓળખ વેરિફિકેશન અને છેતરપિંડી રોકવા માટે Appleને મોકલવામાં આવે છે. Apple છેતરપિંડી રોકવા માટે તમારા ઍપ્લિકેશન ફોન નંબર અંગે નેટવર્ક પ્રોવાઇડર પાસેથી પણ માહિતી પ્રાપ્ત કરી શકો છો.

તમારી ઍપ્લિકેશનના ભાગ રૂપે પ્રદાન કરવામાં આવેલી માહિતીને આધારે તમે Goldman Sachs દ્વારા પ્રદાન કરવામાં આવેલા અમુક Apple Card પ્રોગ્રામ માટે યોગ્ય હોઈ શકો છો. Apple જાણી શકે છે કે તમને ભાગીદારી માટે આમંત્રણ મળ્યું છે કે નહિ અને તમે આમંત્રણ સ્વીકાર્યું અથવા નકાર્યું અને આ પ્રોગ્રામને અમલમાં લાવવા માટે આ માહિતીને Goldman Sachs સાથે શેર કરી શકે છે. Apple પ્રોગ્રામમાં તમારી ભાગીદારી અંગે વધારાની વિગતોની માહિતી મેળવશે નહિ.

Apple Cardની જોગવાઈ

Apple દ્વારા Apple Pay પર Apple Cardને સક્ષમ કરવા, કાર્ડનું સેટ અપ કરવા અને છેતરપિંડી રોકવા માટે Goldman Sachs અને Mastercardને પણ માહિતી પ્રદાન કરવામાં આવી શકે છે. શેર કરવામાં આવેલી માહિતી જેને તમે Apple Pay સાથે કોઈ કાર્ડ પ્રોવિઝન કરવા માટે આપી હતી તે માહિતીથી અલગ નહિ હોય અને તેમાં આનો સમાવેશ થઈ શકે છે :

• તમારા Apple અકાઉંટ સાથે જોડાયેલ નામ અને બિલિંગ અડ્રેસ
• તમારા Apple અકાઉંટ, iTunes અને App Store અકાઉંટ ઍક્ટિવિટી (ઉદાહરણ તરીકે, iTunesમાં તમારી ટ્રાંઝેક્શનની લાંબી હિસ્ટરી છે કે નહિ) સાથે જોડાયેલી સામાન્ય માહિતી
• તમારા ડિવાઇસ અને જો તમે Apple Watchનો ઉપયોગ કરતા હો તો પેર કરેલા iOS ડિવાઇસ અંગેની માહિતી (ઉદાહરણ તરીકે, ડિવાઇસ આઇડેંટિફાયર, ફોન નંબર, તમારા ડિવાઇસનું નામ અને મૉડલ)
• તમારું કાર્ડ ઉમેરવા સમયનું અંદાજિત લોકેશન (જો તમે લોકેશન સેવા સક્ષમ કરી હોય તો)
• અકાઉંટ અથવા જેમાં પેમેંટ કાર્ડ ઉમેરવામાં આવ્યું તે ડિવાઇસની હિસ્ટરી
• તમે Apple Payમાં ઉમેરેલા અથવા ઉમેરવાનો પ્રયાસ કરેલા પેમેંટ કાર્ડ્સમાંથી ઍગ્રીગેટ કરેલ આંકડા

તમારી પાસે હાલમાં જે કાર્ડ છે તેને અથવા હમણાં સુધી હતા તેવા કાર્ડને અન્ય ડિવાઇસ પર સેટ અપ કરવામાં સહાય કરવા માટે Apple તમારા Apple અકાઉંટ સાથે કાર્ડ સંદર્ભને સ્ટોર કરે છે, જેનો ઉપયોગ કાર્ડ જાહેરકર્તા અથવા ચુકવણી નેટવર્ક સાથે સિક્યુરિટી કોડ દાખલ કર્યા પછી કાર્ડને ફરીથી કનેક્ટ કરવા માટે થઈ શકે છે. Apple Payનું આ ફીચર Apple Card સાથે ઉપલબ્ધ છે.

Apple Card વડે ચુકવણી

જ્યારે તમે ઍપની અંદર અથવા વેબ પર અથવા Apple Messages for Business પર Apple Cardથી ચુકવણી શરૂ કરો છો, ત્યારે ટૅક્સ અને ડિલીવરી ખર્ચની ગણતરીને સક્ષમ કરવા માટે તમારો પિન કોડ, પોસ્ટલ કોડ અથવા અન્ય સમકક્ષ માહિતી ઍપ, વેબસાઇટ અથવા મર્ચંટને આપવામાં આવે છે. તમે ચુકવણીને અધિકૃત કર્યા પછી મર્ચંટ દ્વારા વિનંતી કરવામાં આવેલી અન્ય માહિતી, જેવી કે ડિવાઇસ માટેનો વિશિષ્ટ અકાઉંટ નંબર, તમારું ડિલિવરી અડ્રેસ અથવા ઇમેલ અડ્રેસ પણ પ્રદાન કરવામાં આવે છે. મર્ચંટ તેની પ્રાઇવસિ પૉલિસી અનુસાર તમારા ટ્રાંઝેક્શન વિષેની માહિતી અલગથી એકત્રિત કરી શકે છે અને તેનો ઉપયોગ કરી શકે છે, જેમાં ટ્રાંઝેક્શન સમયે તમારા લોકેશન વિશેની માહિતી સામેલ હોઈ શકે છે. તમારા ડિવાઇસનો ઍક્સેસ અને તેના લોકેશનના ઉપયોગને કેવી રીતે નિયંત્રિત કરવો તે જાણવા માટે www.apple.com/in/legal/privacy/data/en/location-services પર લોકેશન સેવા અને પ્રાઇવસિ જુઓ.

જ્યારે તમે Apple Payનો ઉપયોગ કરો છો, ત્યારે તમારો Apple Card નંબર પ્રદાન કરવામાં નથી આવતો. ઍપ, વેબસાઇટ અને Apple Messages for Business વચ્ચે તમારી ચુકવણીની માહિતીને સુરક્ષિત રીતે મોકલવા માટે માહિતીને એંક્રિપ્ટેડ રૂપમાં Appleને મોકલવામાં આવે છે, જ્યાં આ માહિતીને ટુંક સમય માટે ડીક્રિપ્ટ કરવામાં આવે છે અને મર્ચંટ માટેની વિશિષ્ટ કી સાથે ફરીથી એંક્રિપ્ટ કરવામાં આવે છે, જેથી માત્ર મર્ચંટ, ડેવલપર અથવા તેમના પેમેંટ પ્રોસેસર તમારી ચુકવણીની માહિતીને ડિક્રિપ્ટ કરી શકે. જ્યારે તમે એવા Mac પરથી ચુકવણી કરો છો કે જેના પર કાર્ડને ઉમેરી શકાતું નથી ત્યારે Mac અને અધિકૃત ડિવાઇસ Apple સર્વર દ્વારા એંક્રિપ્ટેડ માધ્યમ વડે કમ્યૂનિકેટ કરે છે. Apple તમારી વ્યક્તિગત રૂપે ઓળખ થાય તેવી આમાંથી કોઈપણ માહિતીને જાળવી રાખતું નથી.

જ્યારે તમે Apple Cardનો ઉપયોગ કરો છો, ત્યારે અમારી ઇસ્યૂ કરનાર બૅન્ક અને ચુકવણી નેટવર્ક ભાગીદાર — Goldman Sachs and Mastercard — અને તેમના સર્વિસ પ્રોવાઇડર Apple Pay Later ઑપરેટ કરવા માટે તમારા ટ્રાંઝેક્શન વિષે મર્ચંટ, સમય અને રકમ સહિતની માહિતી મેળવશે. Goldman Sachs કે Mastercard તમારા ટ્રાંઝેક્શનની માહિતીને માર્કેટિંગ અથવા જાહેરાત માટે તૃતીય પક્ષો સાથે શેર કરતા નથી કે વેચતા નથી.

Apple વ્યક્તિગત ટ્રાંઝેક્શનની માહિતી તમારા Apple અકાઉંટમાં મોકલે છે અને સ્ટોર કરે છે અને તમારા તમામ ડિવાઇસ પર તમારી ટ્રાંઝેક્શન હિસ્ટરીને અપ-ટૂ-ડેટ રાખે છે. તમારા ટ્રાંઝેક્શન ઍન્ડ-ટૂ-ઍન્ડ એંક્રિપ્શનનો ઉપયોગ કરીને iCloudમાં સ્ટોર કરવામાં આવે છે, જેથી કરીને ઉચ્ચ સ્તરની ડેટા સિક્યુરિટી પૂરી પાડી શકાય. તમારો ડેટા તમારા ડિવાઇસ માટે વિશિષ્ટ હોય તેવી માહિતીમાંથી મેળવેલી કી વડે સુરક્ષિત કરવામાં આવ્યો છે જે તમારા ડિવાઇસના પાસકોડ સાથે જોડાયેલો છે, જેને ફક્ત તમે જ જાણો છો. તમારું ડિવાઇસ તમારી ટ્રાંઝેક્શન હિસ્ટરીને ઍક્સેસ કરી શકે છે અથવા વાંચી શકે છે, પરંતુ Apple આ માહિતીને ઍક્સેસ કરી શકતું નથી. ખર્ચનો સારાંશ જેવી તમારી ટ્રાંઝેક્શન હિસ્ટરીનો ઉપયોગ કરતા Apple Card ફીચર ઑન-ડિવાઇસ બનાવવામાં આવે છે.

Apple Card ફેમિલી

Apple Cardના ગ્રાહકો તેમના iCloud ફેમિલી શેરિંગ ગ્રૂપના પાત્ર સભ્યને કો-ઓનર કે સહભાગી બનવા માટે આમંત્રણ પાઠવીને તેમના Apple Cardને તેમની સાથે શેર કરી શકે છે. Apple Card પરિવાર આમંત્રણનું સ્ટેટસ વૉલેટમાં કોઈ પણ સમયે Apple Card પાસની પાછળનો ભાગ જોઈને જોઈ શકાય છે. જ્યારે આમંત્રણ આપવામાં આવે, જ્યારે ઑફર રિવ્યૂ માટે તૈયાર હોય અને જ્યારે કો-ઓનર અથવા સહભાગી આમંત્રણ અથવા ઑફરનો જવાબ આપે, ત્યારે વૉલેટ કો-ઓનર અને સહભાગીઓને આમંત્રણ મૅનેજ કરવામાં મદદ કરવા માટે અલર્ટ કરશે.

કો-ઓનરશીપવાળા અકાઉંટ : કો-ઓનર ઉમેરવા માટે, Apple Cardના ગ્રાહકોએ ફેમિલી શેરિંગ ગ્રૂપના સભ્યને સિલેક્ટ કરવા પડશે કે જેને તેઓ કો-ઓનર તરીકે પોતાના અકાઉંટમાં ઉમેરવા માગે છે. Apple ફેમિલી શેરિંગ ગ્રૂપના સિલેક્ટ કરેલા સભ્યને આમંત્રણ મોકલનારના Apple Cardના કો-ઓનર બનવા અને શેર કરવા માટે આમંત્રણ મોકલશે. જે આમંત્રિતો પાસે હાલમાં Apple Card અકાઉંટ ન હોય તેમણે ઉપર વર્ણવ્યા મુજબ અરજીની માહિતી પૂરી પાડવાની રહેશે. Apple Cardના પ્રવર્તમાન ગ્રાહકોએ કો-ઓનરશીપવાળા Apple Cardની ક્રેડિટ લાઇનનું મૂલ્યાંકન કરવા માટે Goldman Sachsને વર્તમાન આવકની માહિતી પૂરી પાડવાની રહેશે. બંને કો-ઓનર કોઈ પણ પ્રવર્તમાન Apple Card બૅલેંસ માટે જવાબદાર બનશે એટલે પ્રવર્તમાન બૅલેંસની માહિતી કો-ઓનરશીપવાળા Apple Card ઑફરની શરતોના ભાગરૂપે જાહેર કરવામાં આવશે. જો કો-ઓનરશીપવાળું અકાઉંટ બનાવવામાં આવે, તો દરેક કો-ઓનર એકીકૃત ખાતામાંથી ભૂતકાળના ટ્રાંઝેક્શન વિષેની માહિતી મેળવવા માટે Goldman Sachsનો સંપર્ક કરી શકે છે; તાજેતરનાં ટ્રાંઝેક્શન પણ ડિવાઇસ પર પણ ઉપલબ્ધ રહેશે. તેમની કો-ઓનરશીપવાળી Apple Card ઑફર રિવ્યૂ માટે તૈયાર હોય ત્યારે અને જ્યારે સંભવિત કો-ઓનર ઑફરના નિયમોનો જવાબ આપે ત્યારે Apple કો-ઓનરશીપવાળા Apple Cardના અરજદારોને અલર્ટ કરશે. આગળ જતાં પ્રત્યેક કો-ઓનર પાસે અકાઉંટના તમામ ટ્રાંઝેક્શનની માહિતીની ઍક્સેસ હશે. ઉપલબ્ધ ક્રેડિટ, કુલ બૅલેંસ અને ક્રેડિટ લિમિટ સહિત બૅલેંસની વિગતો પણ બંને કો-ઓનર માટે ઉપલબ્ધ રહેશે.

સહભાગી અકાઉંટ : સહભાગીને ઉમેરવા માટે, Apple Cardના ઓનર જેને તેમના અકાઉંટમાં સહભાગી તરીકે ઉમેરવા માંગતા હોય તે ફેમિલી શેરિંગ ગ્રૂપના સભ્યને પસંદ કરવા આવશ્યક છે. Apple પૂરી પાડવામાં આવેલી માહિતીનો ઉપયોગ ફેમિલી શેરિંગ ગ્રૂપના સભ્યને ઓનરનું Apple Card શેર કરવા માટે આમંત્રણ મોકલવા માટે કરશે. જો સહભાગીની વય 18 વર્ષથી ઓછી હોય, તો પુખ્તવયના ઓનરને સહભાગીનું કાનૂની નામ, જન્મ તારીખ વેરિફાઈ કરવા માટે કહેવામાં આવશે અને જો સહભાગીની વય 18 વર્ષથી વધુ હોય, તો સહભાગીને તેમના કાનૂની નામ, જન્મ તારીખ અને ઘરના સરનામાની પુષ્ટિ કરવાનું કહેવામાં આવશે. જો 18 વર્ષ કે તેથી વધુ વયના સહભાગી કંસ્યૂમર રિપોર્ટિંગ એજંસી પાસે પોતાની ફાઇલમાં અકાઉંટ સંબંધી જાણકારી ઉમેરવા માંગતા હોય, તો તેઓ તેમના સહભાગી અકાઉંટને સેટ અપ કરતી વખતે Goldman Sachsને પોતાનો સોશિઅલ સિક્યુરિટી નંબર આપી શકે છે. સહભાગી ઓનબોર્ડિંગ પ્રોસેસના ભાગરૂપે પૂરી પાડવામાં આવેલી માહિતીને Goldman Sachs માટે એંક્રિપ્ટ કરવામાં આવશે અને Apple દ્વારા સહભાગી ઑનબોર્ડિંગ પૂર્ણ થાય ત્યાં સુધી અથવા 30 દિવસ વીતે ત્યાં સુધી સ્ટોર કરવામાં આવશે. પૂર્ણ થયેલી સહભાગી ઑનબોર્ડિંગ માહિતી ઓનર અને સહભાગીના Apple અકાઉંટ સાથે Apple Card અકાઉંટ સેટ અપ કરવા અને તેને મૅનેજ કરવા માટે તથા છેતરપિંડી અટકાવવા માટે Goldman Sachsને મોકલવામાં આવશે.

ઓનર વૉલેટમાં તેમના Apple Card પાસની પાછળ જઈને, સહભાગીનું નામ સિલેક્ટ કરીને અને “બૅલેંસની વિગતો બતાવો” સક્ષમ કરીને સહભાગી સાથે ઉપલબ્ધ ક્રેડિટ, કુલ બૅલેંસ અને ક્રેડિટ લિમિટ જેવા બૅલેંસની વિગતો શેર કરવાનું પસંદ કરી શકે છે. ઓનર બૅલેંસમાં ફાળો આપનારા તમામ ટ્રાંઝેક્શન માટે જવાબદાર હોવાથી તેઓ અન્ય તમામ ઓનર અને સહભાગીઓની ટ્રાંઝેક્શન ઍક્ટિવિટી જોઈ શકે છે, જ્યારે સહભાગીઓ માત્ર તેમની પોતાની ટ્રાંઝેક્શન માહિતી જોઈ શકે છે. ઓનર સહભાગી માટે ટ્રાંઝેક્શનની લિમિટ પણ પસંદ કરી શકે છે, જેને તેઓ વૉલેટમાં પોતાના Apple Card પાસની પાછળ જઈને, સહભાગીનું નામ પસંદ કરીને અને ટ્રાંઝેક્શન લિમિટ પસંદ કરીને કોઈ પણ સમયે બદલી શકે છે.

સૂચનાઓ : ઓનર વૉલેટમાં Apple Card પાસની પાછળ જઈને, કો-ઓનર અથવા સહભાગીનું નામ સિલેક્ટ કરીને અને સૂચના સક્ષમ કે અક્ષમ કરીને Apple Card ફેમિલી અકાઉંટ પરની ઍક્ટિવિટી માટે સૂચના મૅનેજ કરી શકે છે. ઓનર ચોક્કસ ડૉલરની રકમથી વધુના ટ્રાંઝેક્શન જેવા અમુક ચોક્કસ થ્રેશોલ્ડ પાર થાય ત્યારે જ સૂચના મેળવવાનું પણ પસંદ કરી શકે છે. Apple સૂચનાને મૅનેજ કરવા માટે, સૂચના સેટિંગ્સ સંબંધિત માહિતીનો ઉપયોગ કરશે; સૂચના સેટિંગ્સ અકાઉંટના અન્ય લોકો સાથે શેર કરવામાં આવશે નહિ. જ્યારે ટ્રાંઝેક્શન સૂચના સક્ષમ હશે ત્યારે ઓનર પુશ સૂચના મેળવશે, જેમાં ખરીદીની તારીખ અને સમય, ખરીદીની રકમ, મર્ચંટ અને ઉપલબ્ધ હોય ત્યારે લોકેશન દર્શાવવામાં આવશે. ટ્રાંઝેક્શન લિમિટ ધરાવતા સહભાગીઓથી સંબંધિત સૂચનામાં સહભાગી દ્વારા કરવામાં આવેલો કુલ માસિક ખર્ચ પણ સૂચનામાં દર્શાવવામાં આવશે.

Apple Card અને લોકેશન

જ્યારે તમે Apple Card સાથે Apple Payનો ઉપયોગ કરો છો, ત્યારે મર્ચંટ અને લોકેશન વિશેની માહિતી તમારા ડિવાઇસમાંથી Apple નકશા ઍપ પર એવી રીતે મોકલવામાં આવે છે કે જે તમારી સાથે કનેક્ટ કરી શકાતી નથી, જેથી સરનામું અને સંપર્ક ડેટા જેવી ઇનહાંસ્ડ મર્ચંટ માહિતી પ્રદાન કરી શકાય. જો તમે ફિઝિકલ Apple Cardનો ઉપયોગ કરો છો, તો તમારી પાસે ટ્રાંઝેક્શન માટે યોગ્ય મર્ચંટની ઓળખ કરવામાં Apple નકશા ઍપની મદદ કરવા માટે તમારા ડિવાઇસના લોકેશનનો ઉપયોગ કરવાનો વિકલ્પ હશે. જો તમારી પાસે વૉલેટમાં લોકેશન સેવા સક્ષમ હોય, તો છેતરપિંડી ઓળખવા અને અટકાવવા માટે Apple દ્વારા તમારા Apple Cardના ઉપયોગ સાથે સંકળાયેલી લોકેશનની માહિતી, જેમ કે જ્યારે તમે ફિઝિકલ Apple Cardનો ઑર્ડર આપો છો, અથવા જૂના કાર્ડની જગ્યાએ નવું કાર્ડ ઑર્ડર કરો છો અથવા બૅલેંસની ચુકવણી શેડ્યૂલ કરો છો તેનો ઉપયોગ કરવામાં આવે છે. અન્યથા Apple તમે જ્યારે Apple Cardનો ઉપયોગ કરો છો ત્યારે તમારા લોકેશનની માહિતી કલેક્ટ નથી કરતું. ઑનલાઇન ટ્રાંઝેક્શન માટે, જ્યારે તમે Apple Card દ્વારા ચુકવણી કરો છો, ત્યારે Goldman Sachs તૃતીય-પક્ષ છેતરપિંડી નિવારણ સર્વિસ પ્રોવાઇડર પાસેથી લોકેશનની માહિતી મેળવી શકે છે, જેનો ઉપયોગ Goldman Sachs દ્વારા માત્ર છેતરપિંડી અટકાવવા માટે કરાશે.

Apple Card અને ઍનાલિટિક્સ

Apple Cardને બહેતર બનાવવા માટે, Apple દ્વારા Apple Card ઍપ્લિકેશન પ્રોસેસ અને વૉલેટ ઍપમાં Apple Cardના ફીચર્સના ઉપયોગ વિશેની માહિતી કલેક્ટ કરવામાં આવે છે અને તે માહિતીને એવી રીતે સ્ટોર કરવામાં આવે છે કે જેનાથી તમે વ્યક્તિગત રીતે ઓળખાતા નથી. આ માહિતીમાં ઍપ્લિકેશન પૂર્ણ કરવામાં લાગતો સમય અને માસિક ઍક્ટિવિટી વ્યૂ જેવા Apple Cardના કયા ફીચર સૌથી વધુ ઉપયોગમાં લેવાય છે તેનો સમાવેશ થાય છે. Apple દ્વારા આ માહિતીનો ઉપયોગ અન્ય Apple પ્રૉડક્ટ અને સેવાઓને બહેતર બનાવવા માટે, માર્કેટિંગ માટે અને છેતરપિંડી અટકાવવા માટે અને સુરક્ષાના હેતુસર કરવામાં આવી શકે છે.

Apple નાણાકીય આગાહી જેવા ઇંટર્નલ વિશ્લેષણ અને ઍનાલિટિક્સ હેતુઓ માટે તમે Apple Card ધરાવો છો તેવી Apple સાથેના તમારા અકાઉંટની ઓળખી શકાય તેવી માહિતીનો પણ ઉપયોગ કરી શકે છે. Apple તમારા Apple Cardને બહેતર બનાવવામાં મદદ કરે તેવા Apple મેટ્રિક્સની ઓળખ કરવામાં મદદ કરવા માટે Apple સાથેના તમારા સંબંધો વિશેની માહિતીનો ઉપયોગ કરી શકે છે, જેમ કે તમે કયા Apple પ્રૉડક્ટ ખરીદ્યા છે, તમારું Apple અકાઉંટ કેટલા સમયથી છે અને તમે Apple સાથે કેટલી વાર ટ્રાંઝેક્ટ કરો છો, જેનો ઉપયોગ Goldman Sachsને ક્રેડિટ નિર્ણય લેવામાં સુધારો કરવામાં મદદ કરી શકે છે. Apple સાથેના તમારા સંબંધનો કોઈ પણ વ્યક્તિગત ડેટા સંબંધિત Apple મેટ્રિક્સને ઓળખવા માટે Goldman Sachs સાથે શેર કરવામાં આવશે નહિ. તમે ”Apple રિલેશનશીપ અને Apple Card” વિષય સાથે અમારી પ્રાઇવસિ ટીમને dpo@apple.com પર ઇમેલ કરીને Apple સાથેની તમારી રિલેશનશીપ વિષેની માહિતીનો આ ઉપયોગ બંધ કરાવી શકો છો. અરજદારો અને કાર્ડધારકો તેમની ઑફરનું ફરી મૂલ્યાંકન અથવા તેમની ક્રેડિટ લાઇન વધારવા માટે Goldman Sachs સાથે ઓળખાયેલા મેટ્રિક્સ શેર કરવાનું પસંદ કરી શકે છે.

Apple Card અને સંચાર

Apple દ્વારા તમે Apple Card માટે ઍપ્લિકેશન કરી છે કે કેમ અથવા તમારી પાસે અત્યારે તે અકાઉંટ છે કે કેમ જેવા તમારા Apple અકાઉંટ સ્ટેટસનો ઉપયોગ માર્કેટિંગ મેસેજ સહિત કોઈ મેસેજ તમારા માટે સુસંગત છે કે કેમ તે નિર્ધારિત કરવા માટે કરવામાં આવી શકે છે. મેસેજ તમારા માટે સુસંગત છે કે કેમ તે નિર્ધારિત કરવામાં મદદ કરવા માટે Apple તમારા ડિવાઇસ પર મેસેજ પણ મોકલી શકે છે જે તમારી અને તમારા ડિવાઈસની જાણમાં હોય પણ Apple ની જાણમાં ન હોય તેવી માહિતીનો ઉપયોગ કરી શકે છે, જેમ કે તમારી ટ્રાંઝેક્શન હિસ્ટરી અને લોકેશન. ઉદાહરણ તરીકે, Apple તમારા ડિવાઇસ પર એવા મેસેજ મોકલી શકે છે, જે એવા લોકો માટે સુસંગત હોઈ શકે છે જેઓ સામાન્યપણે મુસાફરીને સંબંધી ખરીદી કરતા હોય. Appleને એ જાણવાની જરૂર નથી હોતી કે તમે મુસાફરીને સંબંધી ખરીદી કરી છે કે કેમ — તમારું ડિવાઇસ તમારા માટે મેસેજની સુસંગતતા નિર્ધારિત કરવા માટે તમારી ટ્રાંઝેક્શન હિસ્ટરીનો ઉપયોગ કરી શકે છે. આનાથી તમારા સંચાર સુસંગત હોય અને તમારી પ્રાઇવસિની સુરક્ષા થતી હોય તેની ખાતરી કરવામાં મદદ મળે છે. તમે તમારા ડિવાઇસ પર કયા મેસેજ જુઓ છો તેની જાણ Appleને નથી હોતી.

તમારી સાથે જોડી ન શકાય તેવી અજ્ઞાત અને ઍગ્રીગેટ કરેલ માહિતીનો ઉપયોગ Apple Card માર્કેટિંગ અને અન્ય મેસેજ માટે કરી શકે છે. માર્કેટિંગ ઇમેલમાં “અનસબ્સ્ક્રાઇબ કરો” લિંક પર ક્લિક કરીને અથવા Apple Card માટે સૂચનાઓ બંધ કરીને તમે માર્કેટિંગ મેસેજ ન મેળવવાનો વિકલ્પ પસંદ કરી શકો છો.

Apple ઍપ અને વેબસાઇટ એ ચેક કરી શકે છે કે તમારી પાસે Apple Card છે કે નહિ

તમે Apple Pay સક્ષમ કર્યું છે કે કેમ તે ચેક કરી શકતી Apple ઍપ અને વેબસાઇટ એ પણ ચેક કરી શકે છે કે તમારી પાસે Apple Card છે કે કેમ. iOS અને Safariમાં, તમે તમારા સેટિંગ્સ બદલીને Apple ઍપ અને વેબસાઇટને તમારી પાસે Apple Card છે કે કેમ તે ચેક કરવાથી અક્ષમ કરી શકો છો. iOS પર, સેટિંગ્સ > ઍપ > Safari પર જાઓ અને “Apple Pay માટે ચેક કરો”ને ટૅપ કરીને બંધ કરો. Mac પર, Safari > સેટિંગ્સ > ઍડવાંસ પર જાઓ અને “Apple Pay અને Apple Cardને ચેક કરવા માટે વેબસાઇટને અનુમતિ આપો”નું સિલેક્શન હટાવો.

Daily Cash

જો તમારી પાસે Apple Cash હોય, તો તમારા Apple Card Daily Cashની ડિસ્બર્સ્મન્ટ એક લાઇસંસ-પ્રાપ્ત મની ટ્રાંસફર સેવા Apple Payments Inc. દ્વારા પ્રોસેસ કરવામાં આવે છે, જે Apple Payments Services LLCની એક સહાયક કંપની છે. Apple Payments Inc. તમારી પ્રાઇસવિને કેવી રીતે સુરક્ષિત રાખે છે એના વિષે વધુ જાણકારી મેળવવા માટે વૉલેટ ખોલો, તમારા Apple Cash કાર્ડ પર ટૅપ કરો, “વધુ” બટન દબાવીને પછી “તમારો ડેટા કેવી રીતે મૅનેજ થાય છે તે જુઓ” પર ટૅપ કરો.

Apple Card સપોર્ટ

જો તમને Apple Card વિષે કોઈ પ્રશ્ન હોય, તો તમે વૉલેટ ઍપના માધ્યમથી મેસેજ શરૂ કરીને સપોર્ટનો સંપર્ક કરી શકો છો. તમારી વિનંતીને પ્રોસેસ કરવા માટે Apple વ્યક્તિગત ડેટા સહિતની તમારા દ્વારા શેર કરવામાં આવતી માહિતીનો ઉપયોગ કરશે. જો સર્વિસ માટે તમારી ઇંક્વાયરીને Goldman Sachsને મોકલવી જરૂરી હોય, તો Apple તમારા અને તમારી ઇંક્વાયરી અંગેની માહિતી Goldman Sachs સાથે શેર કરશે જેથી તેઓ વધુ સારી રીતે તમારી મદદ કરી શકે. Apple વ્યક્તિગત રીતે ઓળખી શકાય તેવી નાણાકીય માહિતી જાળવી રાખશે નહિ, જેને તે સર્વિસ માટે Goldman Sachsને મોકલે છે. તમે તમારા પ્રશ્નો માટે 877-255-5923 પર સપોર્ટનો સીધો સંપર્ક કરી શકો છો.

તમારું Apple Card અકાઉંટ બંધ કરવું

જો તમે તમારું Apple Card અકાઉંટ બંધ કરો છો, તો જ્યાં સુધી તમે વૉલેટ ઍપમાંથી તમારું Apple Card કાઢો નહિ ત્યાં સુધી તમારા Apple Card અકાઉંટ વિષેની માહિતી વૉલેટમાં રહેશે.

તમારી માહિતી અપડેટ કરવી

તમે તમારા Apple Card સાથે સંકળાયેલી વિગતોને સંપાદિત કરીને વૉલેટમાંથી તમારું બિલિંગ અડ્રેસ અપડેટ કરી શકો છો. તમે Goldman Sachsનો સંપર્ક કરીને પણ તમારા Apple Card અકાઉંટની માહિતી અપડેટ કરી શકો છો. Goldman Sachs અપડેટ કરેલી Apple Card અકાઉંટની માહિતી Apple સાથે Apple Card સેવાઓ પૂરી પાડવાના હેતુસર Apple સાથે શેર કરી શકે છે.

Apple લાઇન ઑફ ક્રેડિટ

Apple લાઇન ઑફ ક્રેડિટ Apple Cardનું એક ફીચર છે. જો તમે Apple Card માટે apple.com પર અપ્લાઇ કરો છો, તો તમે Apple લાઇન ઑફ ક્રેડિટ ફીચર મેળવવા માટે પાત્ર થઈ શકો છો અને Apple દ્વારા તમારી કેટલીક માહિતી તમે Apple Card માટે પાત્ર Apple ડિવાઇસ પરથી અપ્લાઇ કરવા માટે જે રીતે પ્રોસેસ કરવામાં આવે છે તેનાથી અલગ રીતે પ્રોસેસ કરવામાં આવી શકે છે.

જો તમે Apple Card માટે apple.com પર અપ્લાઇ કરો છો અને Apple લાઇન ઑફ ક્રેડિટ માટે પાત્ર છો, તો તમારી ઍપ્લિકેશનની માહિતી વેબના માધ્યમથી એકત્રિત અને સબમિટ કરવામાં આવશે. ઓળખનું વેરિફિકેશન કરવા અને છેતરપિંડી અટકાવવા માટે તમારા ડિવાઇસના બદલે તમારી ઍપ્લિકેશનની માહિતી Appleને મોકલવામાં આવી શકે છે. વધુમાં, ઍપ્લિકેશન સમયે Apple દ્વારા બ્રાઉઝરનો પ્રકાર અને IP અડ્રેસની માહિતી એકત્રિત કરવામાં આવશે અને આ માહિતીનો ઉપયોગ Apple અને Goldman Sachs દ્વારા છેતરપિંડી અટકાવવા માટે કરવામાં આવશે. તમે પાત્ર ડિવાઇસ પરથી Apple Card માટે ઍપ્લિકેશન કરો છો એનાથી વિપરીત, જો Goldman Sachsને તમારી ઍપ્લિકેશન પ્રોસેસ કરવા માટે વધુ માહિતીની જરૂર હોય, તો વધુ માહિતી પૂરી પાડવામાં આવી રહી હોય ત્યારે તમારી ઍપ્લિકેશનની માહિતી ડિવાઇસ પર સ્ટોર કરવામાં નહિ આવે. Apple લાઇન ઑફ ક્રેડિટને બહેતર બનાવવામાં મદદ કરવા માટે, Apple Cardના Apple લાઇન ઑફ ક્રેડિટ ફીચરથી સંબંધિત ઍપ્લિકેશન પ્રોસેસથી જોડાયેલી માહિતી Apple દ્વારા એકત્ર કરવામાં આવે છે.

Apple લાઇન ઑફ ક્રેડિટનો ઉપયોગ ફક્ત Apple સાથે ટ્રાંઝેક્શન કરવા માટે જ કરી શકાય છે. Apple લાઇન ઑફ ક્રેડિટ વડે ચુકવણી કરતી વખતે, Apple તમારા પિન કોડ અને અન્ય સમકક્ષ માહિતીનો ઉપયોગ ટૅક્સ અને ડિલીવરી કૉસ્ટની ગણતરીને સક્ષમ કરવા માટે કરી શકે છે. તમારા ટ્રાંઝેક્શનને પ્રોસેસ કરવા માટે તમારો વર્ચુઅલ પેમેંટ અકાઉંટ નંબર, ડિલિવરી અડ્રેસ અને ઇમેલ અડ્રેસનો ઉપયોગ કરવામાં આવી શકે છે. Apple લાઇન ઑફ ક્રેડિટ ચોક્કસ લોકેશનની માહિતીનો ઉપયોગ કરતું નથી.

Apple દ્વારા તમારી સાથે ઇમેલ અને અન્ય માધ્યમો વડે સંચાર કરવામાં આવી શકે છે, જેનો ઉપયોગ તમે Appleનો સંપર્ક કરવા માટે કરી શકો છો. Apple Cardથી વિપરીત, ફક્ત તમને અને તમારા ડિવાઇસને જ જાણીતી હોય અને Appleને તેની જાણ ન હોય તેવી માહિતીનો ઉપયોગ કરીને Apple દ્વારા તમારા ડિવાઇસ પર Apple લાઇન ઑફ ક્રેડિટ વિષે મેસેજ મોકલવામાં આવશે નહિ. માર્કેટિંગ ઇમેલમાં “અનસબ્સ્ક્રાઇબ કરો” લિંક પર ક્લિક કરીને તમે Apple લાઇન ઑફ ક્રેડિટના માર્કેટિંગ મેસેજ ન મેળવવાનો વિકલ્પ નાપસંદ કરી શકો છો.

જો તમને Apple લાઇન ઑફ ક્રેડિટ વિષે કોઈ પ્રશ્ન હોય અથવા તમારો વ્યક્તિગત ડેટા અપડેટ કરવા માંગતા હોય કે પછી તમારું અકાઉંટ બંધ કરવા માંગતા હોય, તો તમે 877-255-5923 પર ફોન કરીને અમારી સપોર્ટ ટીમનો સંપર્ક કરી શકો છો. પાત્ર ડિવાઇસ પર Apple Card પ્રોવિઝન કર્યા પછી વૉલેટ ઍપ દ્વારા મેસેજ શરૂ કરીને સપોર્ટ ફંક્શનાલિટીને ઍક્સેસ કરી શકાય છે.

Apple Card વેબ પોર્ટલ

તમે તમારા Apple અકાઉંટમાં card.apple.com વડે સાઇન ઇન કરીને Apple Card વેબ સર્વિસિંગ પોર્ટલનો ઉપયોગ કરીને Apple Card અને Apple લાઇન ઑફ ક્રેડિટ ફીચરને મૅનેજ કરી શકો છો. ચુકવણી કરવા માટે, તમે જે બૅન્ક અકાઉંટમાંથી ચુકવણી કરવાની હોય તેની માહિતી આપી શકો છો. આ માહિતીનો ઉપયોગ ફક્ત તમારી ચુકવણીને પ્રોસેસ કરવા માટે જ કરવામાં આવે છે. Apple દ્વારા પ્લેટફોર્મ પર તમે કોઈ ચુકવણી શેડ્યૂલ કરી છે કે ચુકવણી કરી છે જેવી ઍક્શન લો છો તેના વિષે માહિતી કલેક્ટ કરવામાં આવશે અને આ માહિતીનો ઉપયોગ તમારી વિનંતી પૂરી કરવા અથવા સમસ્યાનું નિરાકરણ લાવવા જેવા સમાન કામોમાં કરવામાં આવશે. Apple જ્યાં જરૂરી હશે ત્યાં તમારી વિનંતી પૂરી કરવા માટે, કલેક્ટ કરેલી કેટલીક માહિતીને Goldman Sachs શેર કરશે. તમારી સાથે સાંકળી ન શકાય તેવી પોર્ટલના તમારા ઉપયોગ વિષેની માહિતીનો ઉપયોગ Apple દ્વારા Apple Cardને બહેતર બનાવવા માટે કરી શકાય છે.

વધુ માહિતી

Apple દ્વારા Apple Card સંબંધિત માહિતીનો ઉપયોગ તમે તમારું અકાઉંટ બંધ કર્યું હોય તે પછી પણ કાયદાના પાલન અથવા છેતરપિંડી અટકાવવા માટે કરવામાં આવી શકે છે. Apple દ્વારા Apple સાથેના તમારા સંબંધો વિશેની માહિતી અમારા સર્વિસ પ્રોવાઇડર સાથે શેર કરવામાં આવી શકે છે, જેઓ આ નોટિસ અને Appleના નિર્દેશો સાથે સુસંગત હોય તે રીતે જ માહિતીનો ઉપયોગ કરવા માટે જવાબદાર છે. આવી સંસ્થાઓએ તેમણે પ્રાપ્ત કરેલા કોઈ પણ વ્યક્તિગત ડેટાને સુરક્ષિત રાખવા માટે વાજબી સુરક્ષા પગલાં લેવાં જરૂરી છે અને તેને કાયદા દ્વારા જાળવી રાખવો જરૂરી હોય તે સિવાય સેવાઓ પૂર્ણ કર્યા પછી તરત જ વ્યક્તિગત ડેટાને ડિલીટ કરી દેવો આવશ્યક છે.

Apple કાનૂની જરૂરિયાત અનુસાર અને છેતરપિંડી રોકવા માટે તમારી માહિતીને Goldman Sachs સાથે શેર કરી શકે છે. છેતરપિંડી અટકવવાના હેતુસર Apple દ્વારા Goldman Sachs પાસેથી Apple Cardને લગતી માહિતી મેળવી શકાય છે. Goldman Sachs તમારી વ્યક્તિગત માહિતીને કેવી રીતે સુરક્ષિત રાખે છે તે વિષે વધુ જાણવા માટે, તમે https://www.goldmansachs.com/privacy-and-cookies પર તેમની પ્રાઇવસિ પૉલિસી જોઈ શકો છો. Apple કે તેની સહયોગી કંપની બૅન્ક નથી અને આ નોટિસ Goldman Sachs વતી તમને મોકલવામાં આવેલી કોઈ પણ નોટિસની સાથે વધારાની નોટિસ છે.

જ્યાં Apple આ નોટિસમાં વર્ણવ્યા મુજબના વ્યક્તિગત ડેટાના પ્રોસેસિંગ માટે ડેટા કંટ્રોલર તરીકે કામ કરે છે, ત્યાં આવી ઍક્ટિવિટી, જો આનાથી વિપરીત કહેવામાં ન આવ્યું હોય તો, Appleની સંપૂર્ણ માલિકીવાળી સહયોગી કંપની Apple Payments Services LLC દ્વારા પૂરી પાડવામાં આવે છે. Apple Cardનો ઉપયોગ કરીને તમે Apple તેમજ તેમના સહયોગી અને એજંટ દ્વારા ઉપર કરેલ વર્ણન અનુસાર તમારી માહિતીનું ટ્રાંસમિશન, કલેક્શન, મેનટેનંસ, પ્રોસેસિંગ અને ઉપયોગ કરવા માટે સહમત થાઓ છો અને અનુમતિ આપો છો.

હંમેશા Apple દ્વારા કલેક્ટ કરવામાં આવેલી માહિતીને Apple પ્રાઇવસિ પૉલિસી અનુસાર વ્યવહારમાં લાવવામાં આવશે જેને www.apple.com/in/privacy પર જોઈ શકાય છે.

2025-12-12