• Apple તમારી Apple Music અને Apple Music Classical ઍક્ટિવિટી વિષે માહિતી કલેક્ટ કરે છે જેમ કે તમારા દ્વારા પ્લે કરવામાં આવતા ગીત અને કેટલા સમય સુધી તમે તેને પ્લે કરો છો જેથી તમે સબ્સ્ક્રાઇબ કરો ત્યારે તમારી સેવાઓને વ્યક્તિગત બનાવી શકાય, તમને સૂચનાઓ મોકલી શકાય અને અમારા ભાગીદારોને કૉમ્પેન્સેટ કરી શકાય.
• તમારી Apple ક્લાઉડ લાઇબ્રેરી તમારા ડિવાઇસ પર Apple Music પણ ઉપલબ્ધ હોય એવા તમારા કોઈ પણ ગીતની કૉપિની ઓળખ કરીને અનલૉક કરી શકાય તે માટે ગીત અને કલાકારનું નામ જેવી તમારી સંગીત લાઇબ્રેરી પરથી Appleને માહિતી મોકલે છે.
• જ્યાં સુધી તમે સબ્સ્ક્રાઇબ કરેલું રાખો ત્યાં સુધી અને તે પછીના થોડા સમય સુધી અમે તમારી ક્લાઉડ લાઇબ્રેરીની માહિતી તમારી સાથે જોડીને રાખીએ છીએ. અમે નાણાંકીય રિપોર્ટિંગ સાથે લાગૂ પડતા અલગ-અલગ નાણાકીય બાબતોને લગતા કાયદા દ્વારા નિર્ધારિત અવધિ સુધી તમારા દ્વારા પ્લે કરવામાં આવેલા ગીતોનો રેકોર્ડ જાળવી રાખીએ છીએ.
• છેતરપિંડી ઓળખવામાં અને રોકવામાં મદદ કરવા માટે તમારા ફોન કૉલ અથવા તમારા દ્વારા મોકલવામાં આવેલી અને પ્રાપ્ત કરવામાં આવેલી ઇમેલની અંદાજિત સંખ્યા સહિત તમે તમારા ડિવાઇસનો ઉપયોગ કેવી રીતે કરો છો તે વિષેની માહિતીનો ઉપયોગ જ્યારે તમે ખરીદી કરો ત્યારે ડિવાઈસ ટ્રસ્ટ સ્કોરની ગણના કરવા માટે કરવામાં આવશે. સબમિશન એવી રીતે ડિઝાઇન કરવામાં આવ્યા છે કે જેથી Apple તમારા ડિવાઇસ પરની વાસ્તવિક વૅલ્યૂ જાણી નહિ શકે. સ્કોર અમારા સર્વર પર એક ફિક્સ સમય માટે સ્ટોર કરવામાં આવે છે.

તમારી માહિતીની પ્રાઇવસિ અને સુરક્ષાને સુરક્ષિત રાખવી એ Appleમાં દરેકની પ્રાથમિકતા છે. અમે માત્ર એ જ ડેટા કલેક્ટ કરવા માટે સખત મહેનત કરીએ છીએ જેની તમારા અનુભવને બહેતર બનાવવા માટે અમને જરૂર હોય છે અને જ્ચારે અમે ડેટા કલેક્ટ કરીએ છીએ ત્યારે અમે માનીએ છીએ કે તમારા માટે એ જાણવું મહત્ત્વનું છે કે અમે શું કલેક્ટ કરી રહ્યા છીએ અને અમને શા માટે તેની જરૂર છે, જેથી તમે સમજી વિચારીને પસંદગી કરી શકો. Appleના દરેક પ્રૉડક્ટ અને સેવાની જેમ Apple Music અને Apple Music Classical પણ આ સિદ્ધાંતોને ધ્યાનમાં રાખીને બનાવવામાં આવ્યું છે.

અમે તમારા વ્યક્તિગત ડેટાનો ઉપયોગ Apple Musicમાં સર્વિસ અને ફીચર પ્રદાન કરવા માટે કરીએ છીએ. આ માહિતીમાં તમારું નામ અને જો તમે સેટ કર્યો હોય તો Apple અકાઉંટનો ફોટો સામેલ હોય છે જેને તમે Apple Musicના શેરિંગ ફીચર સાથે ઉપયોગ માટે Apple Music ઍપના સેટિંગ્સમાં જઈને ઍક્સેસ કરી શકો છો અને બદલી શકો છો તેમજ તેમાં અકાઉંટ અને ચુકવણી માહિતી સામેલ હોય છે જેને તમે સેટિંગ્સ અથવા સિસ્ટમ સેટિંગ્સમાં જઈને બદલી શકો છો.

જ્યારે તમે Apple Musicને સબ્સ્ક્રાઇબ કરો છો ત્યારે તમારા સબ્સ્ક્રિપ્શનમાં Apple Music અને Apple Music Classicalનો સંપૂર્ણ ઍક્સેસ સામેલ હોય છે. Apple તમારા દ્વારા Apple Music અને Apple Music Classicalનો કેવી રીતે ઉપયોગ કરો છો એ વિષેની માહિતી કલેક્ટ કરે છે જેથી તમારા સંગીત માટેના રુચિ અનુસાર ફીચર બનાવી શકાય. આ ફીચરમાં વ્યક્તિગત ભલામણો જેમ કે તમારા માટે પસંદ કરવામાં આવેલ ઍલ્બમ અને પ્લેલિસ્ટ અને રેડિયો સામેલ હોય છે જે તમારા મનપસંદ કલાકાર અને શૈલીમાંથી સિલેક્ટ કરેલા ગીત વગાડે છે. અમે આ માહિતીનો પણ ઉપયોગ કરીએ છીએ જેથી અમે તમને આગામી રિલીઝ, નવા કલાકારો અને તમારી રુચિ અનુસાર Apple Music અને Apple Music Classicalમાં થતી અન્ય વસ્તુઓ વિષે માહિતી આપવા માટે ઇમેલ અને પુશ સૂચનાથી સંપર્ક કરી શકીએ.

અમુક Apple Music ફીચર જેમ કે અમુક ચોક્કસ બ્રોડકાસ્ટ રેડિયો સ્ટેશન કદાચ તમારા વિસ્તારમાં ઉપલબ્ધ નથી. Apple તમારા ઇંટરનેટ કનેક્શનના IP અડ્રેસનો ઉપયોગ તમારા લોકેશનની માહિતી મેળવવા અથવા ઉપલબ્ધતાને નક્કી કરવા માટે કરી શકે છે.

Apple Music Classical

Apple Musicના સબ્સ્ક્રાઇબર પાસે Apple Music Classicalનો ઍક્સેસ હોય છે આ ક્લાસિકલ સંગીતની એક ઍપ્લિકેશન છે જેને તમને ક્લાસિકલ ટ્રૅક અને ઍલ્બમ શોધવામાં મદદ કરવામાં તેમજ તમારા મનપસંદ ક્લાસિકલ ટ્રૅક એક કેન્દ્રિત જગ્યાએ સેવ કરવા માટે બનાવવામાં આવી છે. તમે સબ્સ્ક્રિપ્શન વિના પણ Apple Music Classicalના કૅટલૉગને બ્રાઉઝ કરી શકો છો પણ Apple Music Classicalના તમામ ફીચરને ઍક્સેસ કરવા માટે તમારી પાસે Apple Musicનું સબ્સ્ક્રિપ્શન હોવું જોઈએ. જો તમારી પાસે Apple Musicનું કોઈ સક્રિય સબ્સ્ક્રિપ્શન નથી તો તમને Apple Music Classical માટે સંપૂર્ણ ઍક્સેસ મેળવવા માટે Apple Musicને સબ્સ્ક્રાઇબ કરવાનો વિકલ્પ આપવામાં આવશે.

ક્લાઉડ લાઇબ્રેરી

તમારી Apple ક્લાઉડ લાઇબ્રેરી તમારા Apple Music સબ્સ્ક્રિપ્શન પર મળતો લાભ છે અને તેનાથી તમે તમારા કોઈ પણ ડિવાઇસથી તમારી લાઇબ્રેરીના ગીત અને પ્લેલિસ્ટને ઍક્સેસ કરી શકો છો. આ ફીચર તમારા ડિવાઇસ પર Apple Music અને Apple Music Classicalમાં પણ ઉપલબ્ધ હોય એવા તમારા કોઈ પણ ગીતની કૉપિની ઓળખ કરીને અનલૉક કરી શકાય તે માટે ગીત અને કલાકારના નામ જેવી માહિતી તમારી લાઇબ્રેરી પરથી Appleને મોકલે છે. Apple Musicમાં અનુપલબ્ધ ગીતોને તમારી વ્યક્તિગત ક્લાઉડ લાઇબ્રેરીમાં અપલોડ કરવામાં આવે છે જેથી તમે Apple Music દ્વારા તમારી કોઈ પણ ડિવાઇસથી તમારા આખા કલેક્શનને ઍક્સેસ કરી શકો. તમારા iOS, iPadOS અથવા visionOS પર તમારી ક્લાઉડ લાઇબ્રેરીનું સિંકિંગ બંધ કરવા માટે સેટિંગ્સ > ઍપ્સ > સંગીત પર જાઓ અને લાઇબ્રેરી સિંક બંધ કરવા માટે ટૅપ કરો. Mac પર Apple Music ખોલો અને સેટિંગ્સ > જનરલ પર જાઓ અને પછી લાઇબ્રેરી સિંક કરોને સિલેક્શનમાંથી હટાવો.

Apple Music પ્રોફાઇલ

જો તમે Apple Musicનો ઉપયોગ કરનારા અન્ય લોકો સાથે કનેક્ટ કરવા અથવા શેર કરવા માંગો છો તો તમે એક યૂઝર હૅન્ડલ (ઉદાહરણ તરીકે @johnappleseed), ડિસ્પ્લે નામ અને જો તમારી ઇચ્છા હોય તો એક પ્રોફાઇલ ફોટો અને અન્ય માહિતી પ્રદાન કરીને પર્સનલ પ્રોફાઇલ બનાવી શકો છો. Apple આ માહિતી તમારા અકાઉંટ સાથે સ્ટોર કરે છે જેથી તમે તમારા કોઈ પણ ડિવાઇસથી તેને ઍક્સેસ કરી શકો. તમારું યૂઝર હૅન્ડલ, ડિસ્પ્લે નામ અને પ્રોફાઇલ ફોટો તમારા દ્વારા પોસ્ટ કરવામાં આવતા કૉન્ટેંટ સાથે અને Apple Music પર તમારા દ્વારા શેર કરવામાં આવતી ઍક્ટિવિટી સાથે દેખાઈ શકે છે. બાળકોના Apple અકાઉંટ માટે કૉન્ટેંટ પોસ્ટ શેર કરવાનું અને પોસ્ટ કરવાનું વર્તમાનમાં હેતુપૂર્વક અથવા ઉપલબ્ધ નથી.

તમારા દ્વારા આપવામાં આવેલ માહિતીનો ઉપયોગ કરીને અન્ય લોકો પણ તમારી Apple Music પ્રોફાઇલ શોધી શકે છે.

તમે સાંભળવાની ઍક્ટિવિટી અને પ્લેલિસ્ટ જેવા તમારી પ્રોફાઇલ સાથેના કૉન્ટેંટ માત્ર એવા લોકોને ઉપલબ્ધ કરાવી શકો છો જેને તમે પસંદ કરો છો. જોકે તમારી પ્રોફાઇલની માહિતી જેમ કે હૅન્ડલ, ડિસ્પ્લે નામ, ફોટો, તમારા ફૉલોઅર અને તમે જે લોકોને ફૉલો કરો છો તે તમામ લોકોને ડિફૉલ્ટ રીતે દેખાશે. કોઈ યૂઝરને તમારી પ્રોફાઇલ જોવાથી બ્લૉક કરવા માટે યૂઝરની પ્રોફાઇલ પર જાઓ, વધુ પર ટૅપ કરો અને પછી બ્લૉક કરો પર ટૅપ કરો. તમે જે લોકોને બ્લૉક કરો છો તેઓ તમારું સંગીત જોઈ શકશે નહિ અથવા Apple Musicમાં તમારી પ્રોફાઇલ શોધી શકશે નહિ.

જ્યારે તમે Apple Music પર પ્રોફાઇલ બનાવો છો તો અમે અન્ય Apple Music સબ્સ્ક્રાઇબરને ભલામણ કરીએ છીએ જેને તમે મિત્ર તરીકે કનેક્ટ કરવા ઇચ્છશો. મિત્રોની ભલામણ કરવા માટે Apple તમારા સંપર્કની માહિતીની જાણ રાખતું નથી તેમજ તેને સ્ટોર કરતું નથી. Appleને તમારા સંપર્કના ફોન નંબર અને ઇમેલ અડ્રેસના માત્ર સંક્ષિપ્ત અને એંક્રિપ્ટ કરેલ હૅશ મોકલવામાં આવે છે અને પછી ભલામણ કરવા માટે મૅચ થતાં Apple Music સબ્સ્ક્રાઇબર સ્થાનિક સ્તરે તમારા ડિવાઇસ પર નક્કી કરવામાં આવે છે. ભવિષ્યમાં નવા મિત્ર માટે ભલામણ કરવા માટે Apple Music સમયાંતરે તમારા સંપર્કની તપાસ કરે છે; તમે Apple Musicમાં અકાઉંટ સેટિંગ્સ > પ્રાઇવસિ અને ઍક્સેસ > સંપર્ક પર જઈને આને કંટ્રોલ કરી શકો છો. જો તમે અન્ય લોકો પાસે તેના સંપર્કમાં ઉપલબ્ધ તમારા Apple અકાઉંટ સંપર્કની માહિતીને આધારે તેઓ શોધી શકે તે નથી ઇચ્છતા તો તમે અકાઉંટ સેટિંગ્સ > પ્રાઇવસિ અને ઍક્સેસ > Apple અકાઉંટ દ્વારા શોધવાની અનુમતિ આપોમાં જઈને તેને બદલી શકો છો.

તમારી પ્રોફાઇલમાં પ્રદાન કરવામાં આવેલ માહિતીને તમે કોઈ પણ સમયે અપડેટ કરી શકો છો તેમજ કાઢી શકો છો. તમે ઑનલાઇન શેર કરો તો તમે જે સાર્વજનિક કરો છો તેં વિષે ધ્યાનથી વિચારણા કરી લેવી જોઈએ. Apple Music પરથી અન્ય વેબસાઇટ અથવા સોશિઅલ નેટવર્ક પર જ્યારે તમે કંઈ શેર કરો તો તમે જે પણ શેર કરો તે અન્ય સેવાનીઓની પ્રાઇવસિ પૉલિસી દ્વારા સંચાલિત થાય છે.

SharePlay

જ્યારે તમે Apple Musicને સબ્સ્ક્રાઇબ કરો છો ત્યારે Apple TV, HomePod, CarPlay સાથે કનેક્ટેડ હો અથવા જ્યારે Bluetoothનો ઉપયોગ કરો ત્યારે SharePlay સેશનને હોસ્ટ કરી શકો છે. SharePlayની મદદથી Apple Musicના અન્ય સબ્સ્ક્રાઇબર તમારા SharePlay સેશન સાથે જોડાઈ શકે છે અને Apple Music દ્વારા પ્લે થઈ રહેલા સંગીતને નિયંત્રિત કરી શકે છે. SharePlay દ્વારા જેની પાસે Apple Music સબ્સ્ક્રિપ્શન નથી એવા યૂઝરને પણ તમારા SharePlay સેશનમાં જોડવાની અનુમતિ મળે છે. તમારા ડિવાઇસ પર Bluetooth સક્ષમ હોય તો Apple દ્વારા તેનો ઉપયોગ કરવામાં આવે છે જેથી તમારી આસપાસના સંપર્ક તમારા Apple Music સેશન શોધી શકે અને તેમાં જોવાની વિનંતી કરી શકે. જો તમે ઇચ્છતા ન હો કે સંપર્ક તમારા ડિવાઇસને શોધી શકે અને Apple Music સેશનમાં જોડાવાની વિનંતી કરી શકે, તો તમે Apple Music ઍપ સેટિંગ્સમાં જઈને આસપાસના સંપર્ક દ્વારા શોધવાનો વિકલ્પ બંધ કરી શકો છો. સંપર્કની સાથે અન્ય સહભાગી પણ જો કારમાં SharePlay સેશનમાં જોડાય તો Apple Music ઍપ સેટિંગ્સ અથવા વાહનના ઇંટરફેસ પર દેખાતા QR કોડને સ્કૅન કરીને સેશનમાં જોડાઈ શકે છે.

સેશનમાં રહેલા સહભાગીઓના નામ અને પ્રોફાઇલ ફોટો સેશનમાં રહેલા દરેક લોકોને દેખાશે. SharePlay સેશનના યોગદાન જેમણે તેને બનાવ્યા અને તે યૂઝરના નામ અને પ્રોફાઇલ ફોટોને જોડ્યા તેમને અટ્રિબ્યૂટ કરવામાં આવે છે. તેને કોઈ પણ સમયે Apple Music ઍપ સેટિંગ્સમાં સંપાદિત કરી શકાય છે. તમે SharePlayના જે સેશનને હોસ્ટ કરો છો તેમાંથી Apple Music ઍપમાં SharePlay આઇકન પર ટૅપ કરીને અને સહભાગીને સિલેક્ટ કરીને કાઢી શકો છો. SharePlay સેશન છોડવા માટે Apple Music ઍપમાં SharePlay આઇકન પર ટૅપ કરો, પછી નીકળી જાઓ પર ટૅપ કરો. તમે હોસ્ટ કરી રહેલા SharePlay સેશનની સમાપ્તિ માટે Apple Music ઍપમાં સમાપ્ત કરો પર ટૅપ કરો. સેશનની સમાપ્તિ બાદ SharePlay સેશનમાં જોડાયેલા તમારા સંપર્ક અથવા અન્ય સહભાગીની માહિતી Apple જાળવી રાખતું નથી.

અન્ય લોકો સાથે સિંકમાં સંગીત શેર કરવા માટે તમે મેસેજમાં અથવા FaceTime કૉલ દરમિયાન પણ SharePlay સેશનને સક્ષમ કરી શકો છો. સેશન શરૂ કરવા માટે તમે જે સંગીત સાંભળવા માંગતા હો તેને સિલેક્ટ કરો, પછી સંગીત વિકલ્પોમાં SharePlay પર ટૅપ કરો, શેર કરવા માટે સંપર્ક એંટર કરો, પછી “મેસેજ” અથવા “FaceTime” પર અને “શરૂ કરો” પર ટૅપ કરો.

પ્લેલિસ્ટ બનાવો અને તેમાં કોલૅબરેટ કરો

Apple Music સબ્સ્ક્રાઇબર પોતાનું પ્લેલિસ્ટ બનાવી શકે છે અથવા જ્યાં ઉપલબ્ધ હોય ત્યાં Playlist Playground અને આર્ટિફિશિયલ ઇંટેલિજંસનો ઉપયોગ કરીને પ્લેલિસ્ટ બનાવી શકે છે. જ્યારે તમે Playlist Playgroundનો ઉપયોગ કરો છો ત્યારે તમે જે સાંભળવા માંગો છો તેનું વર્ણન કરશો જેને મૂડ, શૈલી અથવા થીમ સમજવા માટે પ્રોસેસ કરવામાં આવશે. કસ્ટમાઇઝ કરેલું પ્લેલિસ્ટ બનાવવા માટે આ માહિતીને તમારી સાંભળવાની હિસ્ટરી અને અન્ય વપરાશ ડેટા સાથે એક કરવામાં આવશે. તમે પ્લેલિસ્ટ સેવ કરતા પહેલાં તેને સુધારી શકો છો અને તમે જનરેટ કરેલા પ્લેલિસ્ટને કોઈ પણ સમયે ડિલીટ કરી શકો છો અથવા ફેરફાર કરી શકો છો.

તમે અન્ય Apple Music સબ્સ્ક્રાઇબર સાથે પ્લેલિસ્ટમાં કોલૅબરેટ કરી શકો છો. જો તમે પ્લેલિસ્ટ નિર્માતા હો તો તમે પ્લેલિસ્ટમાં જોડાતા દરેક વ્યક્તિને અનુમતિ આપવાનું પસંદ કરી શકો છો અથવા પ્લેલિસ્ટની લિંક રાખતા દરેકને ઑટોમૅટિક જોડાવાની અનુમતિ આપી શકો છો. પ્લેલિસ્ટમાં ગીત ઉમેરી અથવા કાઢી શકે છે અને ઇમોજી પ્રતિક્રિયા ઉમેરી શકે તે તમામ સહભાગી. યોગદાન જેમણે તેને બનાવ્યા અને તે યૂઝરના નામ અને પ્રોફાઇલ ફોટોને જોડ્યા તેમને અટ્રિબ્યૂટ કરવામાં આવે છે. તેને કોઈ પણ સમયે Apple Music ઍપ સેટિંગ્સમાં સંપાદિત કરી શકાય છે. પ્લેલિસ્ટના તમામ સહભાગી અને પ્લેલિસ્ટનો ઍક્સેસ ધરાવતા કોઈ પણ વ્યક્તિ અન્ય સહભાગીના નામ અને ફોટો જોઈ શકે છે. પ્લેલિસ્ટના સહભાગી અન્ય સહભાગી દ્વારા ઉમેરવામાં આવેલા તમામ ગીત અને પ્રતિક્રિયાઓ જોઈ શકે છે. કોલૅબરેશન રોકવા માટે સ્વયંને પ્લેલિસ્ટ સેટિંગ્સમાં પ્લેલિસ્ટ પરથી કાઢી નાખો અથવા જો તમે નિર્માતા હો તો પ્લેલિસ્ટ મૅનેજ કોલૅબરેશન સેટિંગ્સમાં જઈને કોલૅબરેશન બંધ કરો. જો પ્લેલિસ્ટ નિર્માતા કોલૅબરેશન સમાપ્ત કરવા માંગતા હોય તો પ્લેલિસ્ટ જેનો ઍક્સેસ સહયોગીની Apple Music લાઇબ્રેરીમાં તેમની પાસે રહેશે એવું એક શેર કરેલું પ્લેલિસ્ટ બની જાય છે.

કૉન્સર્ટ

જો તમે Apple Musicને તમારા લોકેશનને ઍક્સેસ કરવાની અનુમતિ આપો છો તો તમારા અંદાજિત લોકેશનનો ઉપયોગ તમારા રુચિના શહેરને સેવ કરવા માટે થઈ શકે છે જેનાથી તમને નજીકના કૉન્સર્ટ જેવી સ્થાનિક રીતે સંબંધિત માહિતી પ્રધાન કરી શકાય. જો તમે Apple Musicને તમારા લોકેશનને ઍક્સેસ કરવાની અનુમતિ ન આપવાનું પસંદ કરો તો તમે તે શહેરમાં કૉન્સર્ટ શોધવા માટે રુચિનું શહેર મૅન્યુઅલ રીતે એંટર કરી શકો છો. જો સિંક કરવાનું સક્ષમ હોય તો તમારી રુચિના શહેર તમામ ડિવાઇસ પર સિંક થશે. તમે સેટિંગ્સ > પ્રાઇવસિ અને સુરક્ષા > લોકેશન સેવા > સંગીત પર જઈને તમારા iOS અથવા iPadOS ડિવાઇસ પર કોઈ પણ સમયે તમારા લોકેશન આધારિત સેટિંગ્સ બદલી શકો છો.

Apple Music અને Apple Music Classicalને વ્યક્તિગત અને બહેતર કરવું

તમે Apple Music સબ્સ્ક્રિપ્શનનો ઉપયોગ કરતા હો અથવા તમારી લાઇબ્રેરી સિવાયનું બહારનું ફ્રી કૉન્ટેંટ પ્લે કરતા હો ત્યારે અમે તમારા દ્વારા પ્લે કરવામાં આવતા અથવા તમારી સંગીત લાઇબ્રેરી અથવા પ્લેલિસ્ટમાં ઉમેરવાના ગીત અને વીડિયો (લાગું પડે ત્યાં) તમારા દ્વારા મનપસંદ તરીકે અંકિત અથવા શેર કરતા કલાકારો અને કૉન્ટેંટ અંગે માહિતી સ્ટોર કરી શકીએ છીએ. અકાઉંટ, IP અડ્રેસ અને ડિવાઇસ, ઍપ અથવા જેનો ઉપયોગ તમારા સંગીતને પ્લે કરવા માટે કરવામાં આવે છે તે કાર ઇંટરફેસ પ્લે કરતી વખતે Apple Music અને Apple Music Classicalમાં તમે ક્યાં હતા, પ્લે કરવાનો સમય અને કેટલો સમય પ્લે થયું જેવી માહિતીને નોટ કરવામાં આવે છે અને Appleને મોકલવામાં આવે છે. અમે આ માહિતીનો ઉપયોગ તમારા અનુભવને કસ્ટમાઇઝ કરવા, તમને ઇમેલ અને સૂચનાઓ મોકલવા અને Apple Music અને Apple Music Classicalના ઉપયોગ અંગે તમારી સમજ વધારવા માટે કરીએ છીએ જેથી અમે તમારી સેવાઓને બહેતર બનાવી શકીએ. ઉદાહરણ તરીકે આ માહિતી અમને સંગીત, વીડિયો અને કલાકાર કૉન્ટેંટની પસંદગીમાં મદદરૂપ થઈ શકે છે જેને અમે તમને Apple Music અને Apple Music Classicalમાં બતાવીએ છીએ. તેના દ્વારા અમને તમારી રુચિ અનુસાર અન્ય ભલામણો કરવા, શહેર અનુસાર ટ્રેંડ કરતા સંગીત તમને બતાવવા માટે સિટી ચાર્ટ બનાવવા અને તમારી સાંભળવાની હિસ્ટરી અને તમારી મનપંસદ શૈલીઓ જેવી માહિતીના મિશ્રણનો ઉપયોગ કરીને પર્સનલાઇઝ કરેલ Apple Music સર્ચ પરિણામ પ્રદાન કરવાની અનુમતિ મળે છે. અમે આ માહિતીનો ઉપયોગ રૉયલ્ટીની ચુકવણી કરવા અને Apple Media Servicesના નિયમો અને શરતો અથવા લાગુ કાયદાનું ઉલ્લંઘન કરતી હોય અથવા કરી શકતી હોય એવી ઍક્ટિવિટી અટકાવવા અથવા તેની સામે પગલાં લેવા માટે કરી શકે છે.

જો તમે Apple Music પર અન્ય યૂઝર સાથે કૉન્ટેંટ સાંભળવા માટે SharePlayનો ઉપયોગ કરો છો તો Apple Music ઍપ દ્વારા SharePlay સેશન દરમિયાન સાંભળવામાં આવતા કૉન્ટેંટ અને તે સેશનમાં સામેલ સહભાગીઓની અંદાજિત સંખ્યા સાથે જોડાયેલી માહિતી કલેક્ટ કરવામાં આવશે પણ SharePlay સેશનના સહભાગીઓને ઓળખી શકાય એવી કોઈ પણ માહિતી જાળવી રાખવામાં આવશે નહિ.

અમે Apple Musicને પાવર આપતા મૉડલને બહેતર બનાવવા માટે Apple Music સર્ચ ડેટાનો પણ ઉપયોગ કરીએ છીએ. ઉદાહરણ તરીકે Apple Music ઍગ્રીગેટ કરેલ સર્ચ ક્વેરીનો ઉપયોગ Apple Music સર્ચ મૉડલને સુધારવા માટે કરવામાં આવે છે.

તમારી સાથે સંચાર કરવો

Apple તમારી પાસેની Apple પ્રૉડક્ટ, તમારા દ્વારા ડાઉનલોડ કરવામાં આવતી Apple ઍપ અને Apple સેવાઓ સાથેના તમારા સબ્સ્ક્રિપ્શન જેવી તમારી અકાઉંટની માહિતીનો ઉપયોગ તમને Apple Music અને તમને ગમતી અન્ય Apple પ્રૉડક્ટ, સેવાઓ અને Apple Music Classical અને Apple One સહિત ઑફર અંગેના કમ્યૂનિકેશન મોકલવા માટે કરી શકે છે. તમારા ડિવાઇસનો સિરિઅલ નંબર અને અન્ય હાર્ડવેર આઇડેંટિફાયર અથવા તમારા સંબંધિત App Store સબ્સ્ક્રિપ્શન અંગેની વિગતોનો ઉપયોગ Apple સર્વિસ ઑફર માટે યોગ્યતાની તપાસ કરવા માટે કરી શકાય છે. જો તમે ફેમિલી શેરિંગ ગ્રૂપમાં હો તો Apple તમને ઉત્પાદન, સેવા અને ફેમિલી શેરિંગના માધ્યમથી ઉપલબ્ધ ઑફર અંગે અનુરૂપ કમ્યૂનિકેશન મોકલી શકે છે. જો તમે Apple One સબ્સ્ક્રિપ્શન ખરીદો તો અમે તમને તમારા દ્વારા સબ્સ્ક્રાઇબ કરવામાં આવેલી દરેક સેવાના ફીચર અંગે ઇમેલ અને પુશ સૂચનાઓ મોકલી શકીએ છીએ. Apple, Apple Music અને Apple Music Classicalમાં તમારી ઍક્ટિવિટી અને ઉપલબ્ધ છૂટ ધરાવતા Apple Music સબ્સ્ક્રિપ્શન (જેવા કે Apple Music Student) માટે યોગ્યતાને વેરિફાઈ કરવા માટે ઉપયોગમાં લેવાતી સેવાઓ સાથે તમારા ઇંટરૅક્શન અંગેની માહિતીનો ઉપયોગ તમારા Apple Music અને Apple Music Classicalમાં ઉપલબ્ધ નવા ફીચર, કૉન્ટેંટ, ઇવેંટ અને ઑફર વિષે તમને ઇમેલ અને પુશ સૂચનાઓ મોકલવા માટે કરી શકે છે. અમુક સંચાર માટે, તમને પ્રાપ્ત થશે તે સૂચનાઓને ફિલ્ટર કરવા માટે હાર્ડવેર આઇડેંટિફાયરનો ઉપયોગ થાય છે. તમે account.apple.com પર જઈને તમારી ઇમેલ પ્રાથમિકતાઓ બદલી શકો છો અને આ ઇમેલ પ્રાપ્ત ન કરવાનો વિકલ્પ પસંદ કરી શકો છો. તમારા iOS, iPadOS અથવા visionOS ડિવાઇસ પર સૂચનાઓની પ્રાથમિકતા અપડેટ કરવા માટે સેટિંગ્સ > સૂચનાઓ > સંગીત પર જાઓ. Mac પર Apple Music ખોલો અને સેટિંગ્સ > સામાન્ય > સૂચનાઓ પર જાઓ. Apple અમારી સેવાઓને બહેતર બનાવવા માટે સૂચનાઓ સહિત અમારા સંચાર સાથેના તમારા ઇંટરૅક્શન સંબંધિત માહિતીનો ઉપયોગ કરે છે.

છેતરપિંડી અને અન્ય સંદેહયુક્ત ઍક્ટિવિટીથી બચાવે છે

તમે કોઈ ખરીદીનો પ્રયત્ન કરો ત્યારે અમે તમારા ડિવાઇસ પર એક ડિવાઇસ ટ્રસ્ટ સ્કોરની ગણતરી કરીએ છીએ જેના માટે એ માહિતીનો ઉપયોગ કરવામાં આવે છે કે તમે તમારા ડિવાઇસનો કેવી રીતે ઉપયોગ કરો છો અને તેમાં એ માહિતીનો પણ સમાવેશ થાય છે કે તમે અંદાજિત કેટલા ફોન કૉલ અથવા ઇમેલ મોકલો છો અને પ્રાપ્ત કરો છો. સબમિશન એવી રીતે ડિઝાઇન કરવામાં આવે છે કે જેથી Apple તમારા ડિવાઇસ પરની અંતર્ગત વૅલ્યૂ જાણી નહિ શકે. સ્કોર અમારા સર્વર પર એક ફિક્સ સમય માટે સ્ટોર કરવામાં આવે છે. Apple તમારી સાથેના જુના વ્યવસાયિક સંબંધોની માહિતીનો પણ ઉપયોગ કરી શકે છે જેનાથી Apple Music સબ્સ્ક્રિપ્શનની રિન્યૂઅલ પ્રોસેસ કરી શકાય અને પેમેંટ પાર્ટનર દ્વારા અધિકૃત કરતા પહેલાં એ નિર્ધારિત કરી શકાય કે તમારા સબ્સ્ક્રિપ્શનને સતત ઍક્સેસ આપવો કે નહિ.

તૃતીય પક્ષ માટે ડિસ્ક્લોઝર

રેડિયો સ્ટેશન
જ્યારે તમે Apple Musicનો ઉપયોગ બ્રૉડકાસ્ટ રેડિયો સાંભળવા માટે કરો ત્યારે તમે વિનંતી કરેલ કૉન્ટેંટ પ્રદાન કરવા માટે તમારું ડિવાઇસ સીધું બ્રૉડકાસ્ટ રેડિયો સ્ટેશન સાથે કનેક્ટ કરે છે. જ્યારે તે કનેક્ટ થાય ત્યારે તમારા ડિવાઇસનું IP અડ્રેસ બ્રૉડકાસ્ટ રેડિયો સ્ટેશનને દેખાશે. બ્રૉડકાસ્ટ રેડિયો સ્ટેશન દ્વારા તમારા IP અડ્રેસનું સંચાલન આ બ્રૉડકાસ્ટ રેડિયો સ્ટેશન અથવા તેના પ્રોવાઇડરની પ્રાઇવસિ પૉલિસી દ્વારા સંચાલિત થાય છે.

રેકોર્ડ લૅબલ, કલાકાર અને ચાર્ટ કંપાઇલર
અમે ઉંમર ગ્રૂપ અને લિંગ (જેનાથી તમારા Apple અકાઉંટમાં તમારા નામ અને સંબોધન જેવી માહિતી જાણી શકાય છે) જેવી એગ્રીગેટ કરવામાં આવેલી યૂઝર વસ્તીવિષયક માહિતી સાથે Apple Music અને Apple Music Classicalના ઉપયોગ અંગે અમુક એગ્રીગેટ કરેલો બિન-વ્યક્તિગત ડેટા અને રેકોર્ડ લેબલ, પબ્લિશર અને કલાકારોને પ્રદાન કરવા માટે બંધાયેલું છે. જેથી તેઓ તેમના ક્રિએટિવ કામનું પર્ફોર્મન્સ માપી શકે, રૉયલ્ટી અને અકાઉંટિંગની આવશ્યકતાઓને પૂરી કરી શકે. ઉપરાંત, અમે દુનિયાભરના સંગીત ચાર્ટ કંપાઇલર સાથેનું એંગેજમેંટ માપવા માટે લેબલ અને કલાકાર સાથે જેમાં રિઅલ ટાઇમમાં માપન સામેલ છે અને લેબલ અને કલાકારને શ્રોતાઓ સુધી પહોંચવામાં મદદ કરતા સંગીત માર્કેટિંગ પ્લૅટફૉર્મ સાથે ઍગ્રીગેટ કરેલી સાંભળવાની ઍક્ટિવિટી શેર કરીએ છીએ. જો તમે કોઈ મોબાઇલ નેટવર્ક પ્રોવાઇડર જેવા તૃતીય પક્ષના પાર્ટનર દ્વારા Apple Musicને સબ્સ્ક્રાઇબ કરો તો તમારા સબ્સ્ક્રિપ્શનની યોગ્યતાને નિર્ધારિત કરવા માટે અથવા કોઈ ખરીદી પૂરી કરવા માટે અમે તે પાર્ટનર સાથે વ્યક્તિગત રૂપે ઓળખ કરતી માહિતી સીમિત રીતે શેર કરીએ છીએ.

અન્ય ઍપ દ્વારા Apple Music સાથે કનેક્ટ કરવું

iOS, iPadOS અને visionOS ઍપ અને Apple પ્લૅટફૉર્મ સિવાયના પ્લૅટફૉર્મ પર ઉપલબ્ધ ઍપ દ્વારા Apple Music અને તમારી ક્લાઉડ લાઇબ્રેરીના ઍક્સેસની વિનંતી કરી શકાય છે. જો તમે કોઈ ઍપ માટે આવી અનુમતિ આપો તો તે ડિવાઇસ પર તમારી ક્લાઉડ લાઇબ્રેરી, તમે Apple Music સબ્સ્ક્રાઇબર છો કે કેમ, તમારી સંગીત અને વીડિયો પ્લે કરવાને લગતી ઍક્ટિવિટી અને Apple Musicમાં તમારી ભલામણો જેવી માહિતી ઍક્સેસ કરી શકે છે. અનુમતિ પ્રાપ્ત ઍપ તમારા અકાઉંટ સબંધિત ડેટામાં ફેરફાર કરી શકે છે જેમ કે તમારી લાઇબ્રેરીમાં કયા ગીત અને પ્લેલિસ્ટ હાજર છે. જો તમે ફોટોસ ઍપને Apple Musicના ઍક્સેસની અનુમતિ આપો તો ફોટોસ ઍપ મેમરી મૂવિ પ્લે કરવા માટે Apple Musicના ગીતોનો ઉપયોગ કરશે. તમે ફોટોસ ઍપમાં કસ્ટમ મેમરી મૂવિ બનાવો તો મેમરી બનાવવા માટે તમારા દ્વારા એંટર કરવામાં આવેલા પ્રૉમ્પ્ટની માહિતી Apple Musicને મોકલી શકાય છે જેથી મૂવિ સાથે પ્લે કરવા માટે સંગીતને સિલેક્ટ કરી શકાય. તમારા દ્વારા Apple Music ઍપ અને સપોર્ટેડ કૉન્ટેંટનો ઉપયોગ શરૂ કરવાથી રિમોટ જેવા સપોર્ટેડ કૉન્ટેંટ ધરાવતી Apple ઍપ પણ ઑટોમૅટિક રીતે કનેક્ટ થઈ જશે. તમે તમારા iOS, iPadOS અથવા visionOS ડિવાઇસ પર સેટિંગ્સ > પ્રાઇવસિ અને સુરક્ષા > મીડિયા અને Apple Musicમાં જઈને ઍપના ઍક્સેસને અક્ષમ કરી શકો છો. Mac પર સિસ્ટમ સેટિંગ્સ> પ્રાઇવસિ અને સુરક્ષા > પ્રાઇવસિ > મીડિયા અને Apple Music પર જાઓ. જો તમે iOS 11 અથવા iPadOSની પહેલાંના iOS વર્ઝનનો ઉપયોગ કરીને ઍપને કાઢી અથવા કોઈ ઍપના ઍક્સેસની અનુમતિ આપી હશે તો તમે તમારા Apple Music અકાઉંટ સેટિંગ્સમાં તેનો ઍક્સેસ અક્ષમ કરી શકો છો.

Apple પાર્ટનર દ્વારા Apple Music સબ્સ્ક્રિપ્શન

જો તમારા મોબાઈલ નેટવર્ક પ્રોવાઇડર દ્વારા Apple Music સબ્સ્ક્રિપ્શન અને ફ્રી ટ્રાયલ ઑફર કરવામાં આવે તો તમે મોબાઇલ નેટવર્ક પ્રોવાઇડરના માધ્યમથી યોગ્ય છો કે કેમ તે નિર્ધારિત કરવા માટે Apple તમારા ફોન નંબરની તપાસ કરી શકે છે. જો તમે મોબાઈલ નેટવર્ક પ્રોવાઇડર અથવા અન્ય Apple Music સબ્સ્ક્રિપ્શન અથવા ફ્રી ટ્રાયલ માટે સાઇન અપ કરો તો Apple દ્વારા તમારા ફોન નંબર અથવા પાર્ટનર દ્વારા શેર કરવામાં આવેલા યૂનીક અકાઉંટ આઇડેંટિફાયર અને મોબાઇલ નેટવર્ક પ્રોવાઇડર અથવા અન્ય પાર્ટનરને તે માહિતી આપવા માટે કરવામાં આવે છે કે તમે સબ્સ્ક્રિપ્શન સક્રિય કરી લીધું છે. અમે તમારા સબ્સ્ક્રિપ્શન સાથે જોડાયેલા ફોન નંબર અથવા યૂનીક અકાઉંટ આઇડેંટિફાયરનો ઉપયોગ માત્ર સાઇન ઇન દરમિયાન તમારા અકાઉંટને વેરિફાઈ કરવા અને તમારા Apple Music ઍક્ટિવિટીને તમારા અકાઉંટ સાથે કનેક્ટ કરવા માટે કરશું. અમે તમારા ફોન નંબરનો ઉપયોગ તમારા મોબાઇલ નેટવર્ક પ્રોવાઇડર સાથે તમારા સબ્સ્ક્રિપ્શનને રદ કરવાની વિનંતી કરવા માટે પણ કરીએ છીએ.

રિટેંશન

અમે Apple Music અને Apple Music Classicalના ઉપયોગ અને તેમની સાથે ઇંટરૅક્શન સાથે સંકળાયેલ વ્યક્તિગત ડેટાને વ્યવસાયની જરૂરિયાત, કરારની જવાબદારીઓ અને કૉન્ટ્રૅક્ટની બાધ્યતા તેમજ કાનૂની આવશ્યકતાના આધારે વિવિધ સમય માટે જાળવીએ છીએ.

તમારી સાંભળવાની ઍક્ટિવિટી, લાઇબ્રેરી કૉન્ટેંટ, પ્લેલિસ્ટ અને તમારી સર્ચ વિષેની માહિતીને તમારું સબ્સ્ક્રિપ્શન સક્રિય હોય ત્યાં સુધી અને અકાઉંટ કૅન્સલેશન પછી ફરી સક્રિય કરવાને સપોર્ટ કરવા અને તમારા મનપસંદ સંગીત અંગે અને તમે જે ઑફર માટે યોગ્ય હોવ તે અંગે તમારી સાથે કમ્યૂનિકેટ કરવા માટે બે વર્ષ સુધી જાળવી રાખવામાં આવે છે. નાણાકીય રિપોર્ટિંગનું પાલન કરવું જરૂરી હોય ત્યાં અમે એવા રિપોર્ટિંગ ફરજોને લાગુ પડતા કાયદા દ્વારા નિર્ધારિત અવધિ સુધી જાળવી રાખીએ છે, જેમાં રિટેંશન અવધિ ઓછામાં ઓછી 10 વર્ષની જરૂરી હોય છે, પરંતુ ચીન જેવા અધિકાર ક્ષેત્રમાં આ અવધિ 30 વર્ષની હોઈ શકે છે.

જો તમારું સબ્સ્ક્રિપ્શન સમાપ્ત થઈ જાય તો Apple Music તમે Apple Music કૅટલૉગમાંથી ઉમેરેલું અથવા બનાવેલું સંગીત અને પ્લેલિસ્ટને ગ્રેસ અવધિ માટે જાળવી રાખી શકે છે જેથી કૉન્ટેંટ ગુમાવ્યા વિના ફરી સક્રિય કરવાની અનુમતિ આપી શકે. આ અવધિ પછી Apple Music કૅટલૉગના કૉન્ટેંટને ઍક્સેસ કરી શકાતું નથી.

જો તમે તમારું Apple અકાઉંટ ડિલીટ કરો છો તો જ્યાં કાયદા દ્વારા જરૂરી હોય અથવા છેતરપિંડી સામે સુરક્ષા માટે, Apple મીડિયા સર્વિસના નિયમો અને શરતો લાગુ કરવા માટે અથવા Apple સર્વિસની સુરક્ષા જાળવી રાખવા માટે તમારા અમુક ડેટાને જાળવી રાખવામાં આવે છે.

વ્યક્તિગત ડેટા પ્રોસેસ કરવા માટે લાગૂ પડતો કાનૂની આધાર

અમે Apple Musicમાં તમારા વ્યક્તિગત ડેટાને સામાન્ય રીતે Apple સાથે તમારા કરારના અમલ માટે પ્રોસેસ કરીએ છીએ, તે સેવા પ્રદાન કરવા અને અમારી કાનૂની બાધ્યતાનું અનુપાલન કરવા માટે જરૂરી હોય છે. જ્યા સંમતિ અનુરૂપ કાનૂની આધાર હોય છે ત્યાં અમે તેને લાગૂ પડતા સ્થાનિક કાયદા પ્રમાણે પ્રાપ્ત કરવાની કોશિશ કરીએ છીએ.

જ્યાં લાગૂ પડતા સ્થાનિક કાયદા નિર્દેશિત કરે છે ત્યાં અમે અમારા અથવા તૃતીય પક્ષના તર્કસંગત હિતોના ઉદ્દેશ્ય માટે આવશ્યકતા અનુસાર વ્યક્તિગત ડેટાને પ્રોસેસ કરીએ છીએ જેથી :

• Apple Music Classicalનું કૉન્ટેંટ તમે સાંભળો છો, તમારી લાઇબ્રેરીમાં ઉમેરો છો અથવા ડાઉનલોડ કરો છો તેનો તમને ઍક્સેસ આપવા
• Apple Music અને Apple Music Classicalમાં તમારો અનુભવ વ્યક્તિગત કરવા
• તમારા Apple Music દ્વારા ઉપલબ્ધ ગીતોની કૉપિની ઓળખ અને તેને અનલૉક કરવા
• તમારા ક્ષેત્રમાં કૉન્ટેંટની ઉપલબ્ધતા અને ઑફર અને સબ્સ્ક્રિપ્શન માટે તમારી યોગ્યતા નિર્ધારિત કરવા
• તમારા અને અન્ય લોકો માટે Apple Music અને Apple Music Classicalમાં સુધારો કરવા અને ઑપ્ટિમાઇઝ કરવામાં મદદ કરવા. તમને Apple Music, Apple Music Classical ઍપ અને અન્ય Apple પ્રૉડક્ટ, સેવાઓ અને જેમાં તમને રસ હોય તેવી ઑફર અંગેના કમ્યૂનિકેશન મોકલવા
• તમારા Apple Music પ્રોફાઇલ અને પ્લેલિસ્ટ બનાવવા અને જાળવણી કરવા
• પ્રકાશક, લેબલ, કલાકાર અને ચાર્ટ કંપાઇલરને રૉયલ્ટીની ચુકવણી કરવા અને તેને રિપોર્ટ પ્રદાન કરવા
• છેતરપિંડી અને અન્ય સંદેહયુક્ત ઍક્ટિવિટીથી બચાવવા માટે

ડેટા ઉપયોગમાં આ બાબતોનો સમાવેશ થાય છે :

• ફીચર સાથે તમારું ઇંટરૅક્શન, ઇન-ઍપ સૂચનાઓ અને મેસેજ અને Apple Music અને Apple Music Classical પર તમારા દ્વારા સાંભળવામાં આવતા, સર્ચ કરવામાં આવતા, લાઇબ્રેરીમાં ઉમેરવામાં આવતા અને ડાઉનલોડ કરવામાં આવતા કૉન્ટેંટ સહિત Apple Music અને Apple Music Classical ઍપનો તમારા દ્વારા કરવામાં આવતો ઉપયોગ
• તમારા ડિવાઇસ અને અકાઉંટ વિષેની વિગતો
• તમારું IP અડ્રેસ
• તમારા Apple Music પ્રોફાઇલ અને પ્લેલિસ્ટ
• ડિવાઇસ ટ્રસ્ટ સ્કોર

બિન-વ્યક્તિગત ડેટા

અમે કોઈ હેતુસર બિન-વ્યક્તિગત ડેટા કલેક્ટ, ઉપયોગ, ટ્રાંસફર અને ડિસક્લોઝ કરી શકીએ છીએ. ઉદાહરણ તરીકે, અમે સેવાને બહેતર બનાવવા માટે Apple Musicના અન્ય યૂઝરની માહિતી સાથે તમારા બિન-વ્યક્તિગત ડેટાને ઍગ્રીગેટ કરી શકીએ છીએ. અમે તમારા ડિવાઇસથી રેડિયો ફ્રીકવંસિ સ્ટ્રેંથ, દેશનો કોડ, નેટવર્ક કોડ અને મોબાઇલ રેડિયો ઍક્સેસ ટૅક્નોલોજી સહિત અમુક પર્ફોર્મન્સને લગતા મેટ્રિક્સ પણ કલેક્ટ કરી શકીએ છીએ.

Apple Music વિષે વધુ જાણો

ફીચર અને કિંમત સહિતની વિગતવાર માહિતી માટે www.apple.com/in/apple-music પર જાઓ.

Apple Music વેબ પ્લેયર અને પ્રાઇવસિ વિષે વધુ માહિતી માટે www.apple.com/in/legal/privacy/data/en/apple-music-web પર જાઓ.

હંમેશા Apple દ્વારા કલેક્ટ કરવામાં આવેલી માહિતીને Apple પ્રાઇવસિ પૉલિસી અનુસાર વ્યવહારમાં લાવવામાં આવશે જેને www.apple.com/in/privacy પર જોઈ શકાય છે.

2026-03-30