• તમારા દ્વારા Apple Podcastsમાં ખરીદવામાં આવેલા પૉડકાસ્ટ સબ્સ્ક્રિપ્શન તમારા Apple અકાઉંટ સાથે જોડવામાં આવે છે.
• તમારા દ્વારા સાંભળવામાં આવતા પૉડકાસ્ટનો ડેટા રૅન્ડમ ડિવાઇસ આઇડેંટિફાયર સાથે લિંક કરવામાં આવે છે જેથી તમારા Apple અકાઉંટ સાથે સ્ટોર ન થાય.
• અમે તમારા દ્વારા સાંભળવામાં આવેલા પૉડકાસ્ટનો ડેટા કલેક્ટ કરીએ છીએ જેથી પૉડકાસ્ટમાં સાંભળવાની ઍક્ટિવિટી ઍગ્રીગેટ રીતે પૉડકાસ્ટ પ્રોવાઇડરને રિપોર્ટ કરી શકાય.
• અમે Apple Podcastના તમારા ઉપયોગનો ડેટા પણ કલેક્ટ કરીએ છીએ. ઉદાહરણ તરીકે, ટૅપ.
• છેતરપિંડી ઓળખવામાં અને રોકવામાં મદદ કરવા માટે તમારા ફોન કૉલ અથવા તમારા દ્વારા મોકલવામાં આવેલી અને પ્રાપ્ત કરવામાં આવેલી ઇમેલની અંદાજિત સંખ્યા સહિત તમે તમારા ડિવાઇસનો ઉપયોગ કેવી રીતે કરો છો તે વિષેની માહિતીનો ઉપયોગ જ્યારે તમે ખરીદી કરો ત્યારે ડિવાઈસ ટ્રસ્ટ સ્કોરની ગણના કરવા માટે કરવામાં આવશે. સબમિશન એવી રીતે ડિઝાઇન કરવામાં આવ્યા છે કે જેથી Apple તમારા ડિવાઇસ પરની વાસ્તવિક વૅલ્યૂ જાણી નહિ શકે. સ્કોર અમારા સર્વર પર એક ફિક્સ સમય માટે સ્ટોર કરવામાં આવે છે.

તમારી માહિતીની પ્રાઇવસિ અને સુરક્ષાને સુરક્ષિત રાખવી એ Appleમાં દરેકની પ્રાથમિકતા છે. અમે માત્ર એ જ ડેટા કલેક્ટ કરવા માટે સખત મહેનત કરીએ છીએ જેની તમારા અનુભવને બહેતર બનાવવા માટે અમને જરૂર હોય છે અને જ્ચારે અમે ડેટા કલેક્ટ કરીએ છીએ ત્યારે અમે માનીએ છીએ કે તમારા માટે એ જાણવું મહત્ત્વનું છે કે અમે શું કલેક્ટ કરી રહ્યા છીએ અને અમને શા માટે તેની જરૂર છે, જેથી તમે સમજી વિચારીને પસંદગી કરી શકો. Appleના દરેક પ્રૉડક્ટ અને સેવાની જેમ Apple Podcastsને પણ આ સિદ્ધાંતોને ધ્યાનમાં રાખીને બનાવવામાં આવ્યું છે.

Apple Podcasts પ્રદાન કરવું અને બહેતર કરવું

સેવા પ્રદાન કરવા અને બહેતર કરવા માટે તેમજ પૉડકાસ્ટ લિસનરશિપને સમજવા અને તેનો ઍગ્રિગેટ રિપોર્ટ પ્રદાન કરવા માટે અમે પૉડકાસ્ટ સાંભળવાનો અને ઇંટરૅક્શન વિષેનો ડેટા કલેક્ટ કરીએ છીએ. આ ડેટામાં તમારા દ્વારા સાંભળવામાં આવતા પૉડકાસ્ટની માહિતી સામેલ છે જેમ કે તમે કોઈ પૉડકાસ્ટને કેટલું સાંભળો છો, ક્યારે સાંભળો છો અને તમે ક્યારે સ્ટ્રીમ, ડાઉનલોડ અથવા ફોલો કરો છો. સેવા સુધારવા અને તેને વ્યક્તિગત કરવા માટે અમે Apple Podcasts સાથે તમારા દ્વારા ટૅપ ક૨વામાં આવેલ લિંક જેવી તમારા ઇંટરૅક્શનને લગતી માહિતી કલેક્ટ કરીએ છીએ. અમે Apple Podcastsને એવી રીતે ડિઝાઇન કર્યું છે કે જેનાથી આ ડેટા અન્ય Apple સેવાઓ સાથે લિંક કરવામાં આવતો નથી. આ માહિતી રૅન્ડમ યૂનીક આઇડેંટિફાયર સાથે જોડવામાં આવે છે જે Apple Podcasts માટે ચોક્કસ હોય છે અને જે તમારા Apple અકાઉંટ સાથે સ્ટોર કરેલી હોતી નથી. અમે iCloud કીચેન સક્ષમ કરેલા હોય તેવા તમારા તમામ ડિવાઈસ પર આઇડેંટિફાયરને સિંક કરવા માટે iCloud કીચેનનો ઉપયોગ કરીએ છીએ. તમારા iOS, iPadOS અથવા visionOS ડિવાઇસ પર Appleને મોકલવામાં આવેલા પ્લેબૅક ડેટા સાથે સામેલ આઇડેંટિફાયરને રીસેટ કરવા માટે સેટિંગ્સ > ઍપ > પૉડકાસ્ટ > આઇડેંટિફાયર રીસેટ કરો પર જાઓ. iOS અને iPadOS ડિવાઇસ માટે આનાથી કોઈ પણ પેર કરેલા watchOS ડિવાઇસ માટે પણ આઇડેંટિફાયર રીસેટ થઈ જશે.

તમે તમારી અનુકૂળતા માટે Apple Podcasts તમારી મનપસંદ શ્રેણી, તમારા દ્વારા સાંભળવામાં આવતા પૉડકાસ્ટ ઍપિસોડની પ્લે પોઝિશન, તમારા દ્વારા ફૉલો કરવામાં આવેલા શો, તમારા દ્વારા સેવ કરવામાં આવેલા ઍપિસોડ અને તમારા સ્ટેશન સહિત તમારી લાઇબ્રેરીના કૉન્ટેંટને સિંક કરે છે જેથી તમે તમારા દરેક ડિવાઈસ પર એકસમાન Apple Podcastsના અનુભવનો આનંદ માણી શકો. આ માહિતી તમારા Apple અકાઉંટ સાથે સ્ટોર કરવામાં આવે છે. તમે સેટિંગ્સમાં જઈને કોઈ પણ સમયે તમારી લાઇબ્રેરીને સિંક કરવાનું અક્ષમ કરી શકો છો.

અમે તમારી મનપસંદ શ્રેણી, ચૅનલ સબ્સ્ક્રિપ્શન, ફોલો કરવામાં આવેલા પૉડકાસ્ટ, તાજેતરમાં પ્લે કરવામાં આવેલા પૉડકાસ્ટ અને તાજેતરની ભલામણો વિષેની જાણકારીનો ઉપયોગ, સેવાને વ્યક્તિગત બનાવવા અને તમારા માટે સૌથી સુસંગત હોય તેવા કૉન્ટેંટ શોધવામાં તમારી મદદ કરવા માટે કરીએ છીએ. તમારા Apple અકાઉંટ માટે વ્યક્તિગત ભલામણો બંધ કરીને તમે Apple Podcastsની સાથે સાથે App Store, Apple Books, iTunes Store, Apple TVમાં અને Appleના સબ્સ્ક્રિપ્શન માટે વ્યક્તિગતતાને અક્ષમ કરી શકો છો. તમારા iOS, iPadOS અથવા visionOS ડિવાઇસ પર સેટિંગ્સ > [તમારું નામ] > મીડિયા અને ખરીદી > અકાઉંટ જુઓ પર જાઓ અને પછી વ્યક્તિગત ભલામણોને બંધ કરવા માટે ટૅપ કરો.

અમે પૉડકાસ્ટ પ્રોવાઇડર સાથે માત્ર ઍગ્રીગેટ કરેલા ડેટાને શેર કરીએ છીએ. અમે કોઈ પણ તૃતીય પક્ષ સાથે વ્યક્તિગત ડેટા શેર કરતા નથી. જો કે, ધ્યાનમાં રાખો કે જ્યારે તમે અમુક પૉડકાસ્ટ પ્રોવાઇડરના પૉડકાસ્ટ ઍપિસોડ પ્લે કરો છો અથવા ડાઉનલોડ કરો છો અથવા ઑડિઓ બ્રીફ સાંભળવા માટે Siriનો ઉપયોગ કરો છો, ત્યારે તે પ્રોવાઇડર પૉડકાસ્ટના તમારા ઉપયોગ વિષેની માહિતી કલેક્ટ કરી શકે છે અને તે કલેક્શન તેમની પ્રાઇવસિ પૉલિસી અને વ્યવહારો દ્વારા સંચાલિત થાય છે. ઉદાહરણ તરીકે, જ્યારે તમે URL દ્વારા શો ઉમેરો છો અથવા તૃતીય-પક્ષ હોસ્ટિંગ પ્લૅટફૉર્મ દ્વારા હોસ્ટ કરવામાં આવેલ પૉડકાસ્ટને સાંભળો ત્યારે તમારું ડિવાઇસ વિનંતી કરવામાં આવેલ કૉન્ટેંટ પ્રદાન કરવા માટે તૃતીય-પક્ષ હોસ્ટિંગ પૉડકાસ્ટ સાથે સીધું જ કનેક્ટ થાય છે. જ્યારે તે કનેક્ટ થાય ત્યારે તમારા ડિવાઇસનું IP અડ્રેસ તૃતીય પક્ષના હોસ્ટિંગ પ્લૅટફૉર્મને દેખાશે. તૃતીય પક્ષ હોસ્ટિંગ પ્લૅટફૉર્મ દ્વારા તમારા IP અડ્રેસનું સંચાલન આ તૃતીય પક્ષની પ્રાઇવસિ પૉલિસી દ્વારા સંચાલિત થાય છે.

એવા અન્ય ઍપ અને ડિવાઇસ જે Apple Podcasts ઇંટિગ્રેશન ઑફર કરે છે તેમના દ્વારા Apple Podcasts અને તમારી પૉડકાસ્ટ લાઇબ્રેરીને ઍક્સેસ કરવા માટે વિનંતી કરી શકે છે. જો તમે ઍપ અથવા ડિવાઇસ ઇંટિગ્રેશન માટે આવી અનુમતિ આપો તો તે તમારી લાઇબ્રેરી, તમારી પૉડકાસ્ટ પ્લે ઍક્ટિવિટી અને તમારી ભલામણો જેવી માહિતી મેળવી શકે છે. અનુમતિ પ્રાપ્ત ઍપ અથવા ડિવાઇસ તમારા અકાઉંટ સબંધિત ડેટામાં ફેરફાર કરી શકે છે જેમ કે તમારી લાઇબ્રેરીમાં કયા કયા પૉડકાસ્ટ હાજર છે. તમે તમારા iOS, iPadOS અથવા visionOS ડિવાઇસ પર સેટિંગ્સ > પ્રાઇવસિ અને સુરક્ષા > મીડિયા અને Apple Musicમાં જઈને iOS, iPadOS અથવા visionOS ઍપના ઍક્સેસને અક્ષમ કરી શકો છો. તમે અન્ય ઍપ અથવા ડિવાઇસના ઍક્સેસને તમારા Apple Music અકાઉંટના સેટિંગ્સમાં જઈને અક્ષમ કરી શકો છો.

તમારી સાથે સંચાર કરવો

Apple તમારી પાસેના Apple પ્રૉડક્ટ અને Apple સેવાઓની સાથેના તમારા સબ્સ્ક્રિપ્શન વગેરે તમારી અકાઉંટની માહિતીનો ઉપયોગ તમને Apple Podcasts અને તમને ગમતા અન્ય Apple પ્રૉડક્ટ, સેવાઓ અને ઑફર અંગેના સંચારને મોકલવા માટે કરી શકે છે. Apple તમને ઇમેલ મોકલવા અને Apple Podcasts પર ઉપલબ્ધ નવા ફીચર, કૉન્ટેંટ અને ઑફર વિષે તમને પુશ સૂચનાઓ મોકલવા માટે Apple Podcastsની અંદર તમારી ખરીદી સંબંધી ઍક્ટિવિટી વિષેની માહિતીનો ઉપયોગ પણ કરી શકે છે. તમે account.apple.com પર જઈને તમારી ઇમેલ પ્રાથમિકતાઓ બદલી શકો છો અને આ ઇમેલ પ્રાપ્ત ન કરવાનો વિકલ્પ પસંદ કરી શકો છો. તમારા iOS, iPadOS અથવા visionOS ડિવાઇસ પર સૂચનાઓની પ્રાથમિકતા અપડેટ કરવા માટે સેટિંગ્સ > સૂચનાઓ > પૉડકાસ્ટ પર જાઓ. Apple અમારી સેવાઓને બહેતર બનાવવા માટે સૂચનાઓ સહિત અમારા સંચાર સાથેના તમારા ઇંટરૅક્શન સંબંધિત માહિતીનો ઉપયોગ કરે છે.

Apple Podcasts સબ્સ્ક્રિપ્શન

જો તમે Apple Podcastsમાંથી પૉડકાસ્ટ સબ્સ્ક્રિપ્શન ખરીદો છો તો અમે તમારા ખરીદીના ટ્રાંઝેક્શનની પ્રોસેસ કરવા માટે વ્યક્તિગત ડેટાનો ઉપયોગ કરીશું, જેમ કે અકાઉંટ અને ચુકવણીની માહિતી. જે તમે સેટિંગ્સ અને ખરીદી હિસ્ટરીમાં ઍક્સેસ કરી શકો અને બદલી શકો છો. અમે તમારા વ્યક્તિગત ડેટાનો ઉપયોગ તમે Apple Podcastsના ફ્રી ટ્રાયલ અથવા સ્પેશલ ઑફર માટે પાત્રતા ધરાવો છો કે નહિ તે તપાસવા માટે કરી શકીએ છીએ.

અમે App Storeથી ખરીદેલ Appleની સર્વિસ અને તૃતીય પક્ષના તમારા સક્રિય સબ્સ્ક્રિપ્શનની જાણકારીનો ઉપયોગ એ જાણવા માટે કરીએ છે કે તમે Apple Podcastsમાં વધારાનો સબ્સ્ક્રિપ્શન કૉન્ટેંટ ઍક્સેસ કરવા માટે યોગ્ય છો કે નહિ. જો તમે અગાઉ તૃતીય પક્ષ પાસેથી ઉપલબ્ધ કૉન્ટેંટ સાથેનું સબ્સ્ક્રિપ્શન સીધું ખરીદી લીધું હોય તો તમે તૃતીય પક્ષ સાથે તમારા આવા સબ્સ્ક્રિપ્શનની ચકાસણી કરાવીને તમારા કૉન્ટેંટનો ઍક્સેસ મેળવી શકશો.

છેતરપિંડી અને અન્ય સંદેહયુક્ત ઍક્ટિવિટીથી બચાવે છે

તમે ચુકવણી કાર્ડનો ઉપયોગ કરો ત્યારે Apple ભવિષ્યમાં ખરીદી, રિકરિંગ ટ્રાંઝેક્શન અથવા તમારા દ્વારા અધિકૃત અન્ય ઉપયોગ માટે તમારા કાર્ડ નંબર અને બિલિંગની માહિતીને જાળવી રાખવામાં આવી શકે છે અને ઑટોમૅટિક રીતે અપડેટ કરવામાં આવી શકે છે. Apple આ માહિતી તમારી નાણાકીય સંસ્થા અથવા ચુકવણી નેટવર્ક પાસેથી પ્રાપ્ત કરી શકે છે અને છેતરપિંડી રોકવા અને વેરિફિકેશન માટે તેનો ઉપયોગ પણ કરી શકે છે. Apple તમારી સાથેના જુના વ્યવસાયિક સંબંધોની માહિતીનો પણ ઉપયોગ કરી શકે છે જેનાથી Apple Podcasts સબ્સ્ક્રિપ્શનની રિન્યૂઅલ પ્રોસેસ કરી શકાય અને ચુકવણી પાર્ટનર દ્વારા અધિકૃત કરતા પહેલાં એ નિર્ધારિત કરી શકાય કે તમારા સબ્સ્ક્રિપ્શનને સતત ઍક્સેસ આપવો કે નહિ.

તમે કોઈ ખરીદીનો પ્રયત્ન કરો ત્યારે અમે તમારા ડિવાઇસ પર એક ડિવાઇસ ટ્રસ્ટ સ્કોરની પણ ગણતરી કરીશું જેના માટે એ માહિતીનો ઉપયોગ કરવામાં આવે છે કે તમે તમારા ડિવાઇસનો કેવી રીતે ઉપયોગ કરો છો અને તેમાં એ માહિતીનો પણ સમાવેશ થાય છે કે તમે અંદાજિત કેટલા ફોન કૉલ અથવા ઇમેલ મોકલો છો અને પ્રાપ્ત કરો છો. સબમિશન એવી રીતે ડિઝાઇન કરવામાં આવે છે કે જેથી Apple તમારા ડિવાઇસ પરની અંતર્ગત વૅલ્યૂ જાણી નહિ શકે. સ્કોર અમારા સર્વર પર એક ફિક્સ સમય માટે સ્ટોર કરવામાં આવે છે.

Apple તમારા Apple Podcastsના ઉપયોગ વિષેની માહિતીનો ઉપયોગ iOS, iPadOS અથવા visionOS સોફ્ટવેર લાઇસંસ અગ્રીમંટ અથવા લાગુ કાયદાનું ઉલ્લંઘન કરતી અથવા ઉલ્લંઘન કરશે તેવી ઍક્ટિવિટીને અટકાવવા અથવા તેની સામે પગલાં લેવા માટે કરી શકે છે.

વ્યક્તિગત ડેટા પ્રોસેસ કરવા માટે લાગૂ પડતો કાનૂની આધાર

અમે Apple Podcastsમાં તમારા વ્યક્તિગત ડેટાને સામાન્ય રીતે Apple સાથે તમારા કરારના અમલ માટે પ્રોસેસ કરીએ છીએ, તે સેવા પ્રદાન કરવા અને અમારી કાનૂની બાધ્યતાનું અનુપાલન કરવા માટે જરૂરી હોય છે. જ્યા સંમતિ અનુરૂપ કાનૂની આધાર હોય છે ત્યાં અમે તેને લાગૂ પડતા સ્થાનિક કાયદા પ્રમાણે પ્રાપ્ત કરવાની કોશિશ કરીએ છીએ.

જ્યાં લાગુ પડતા સ્થાનિક કાયદા નિર્દેશિત કરે છે ત્યાં અમે અમારા અથવા તૃતીય પક્ષના તર્કસંગત હિતોના ઉદ્દેશ્ય માટે આવશ્યકતા અનુસાર વ્યક્તિગત ડેટાને પ્રોસેસ કરીએ છીએ જેથી :

• તમારા માટે ઉપલબ્ધ કૉન્ટેંટ ડિસ્પ્લે કરો
• તમારાં તમામ ડિવાઇસ પર તમારી મનપસંદ શ્રેણીઓ, પ્લેબૅક સ્થિતિ અને લાઇબ્રેરી સિંક કરો
• તમારા અને અન્ય લોકો માટે સેવાને ઑપ્ટિમાઇઝ અને બહેતર બનાવી શકાય તથા Apple Podcasts અને અન્ય સંબંધિત તમને ગમતા અન્ય Apple પ્રૉડક્ટ, સેવાઓ અને ઑફર અંગેના કમ્યૂનિકેશન મોકલી શકાય
• છેતરપિંડી અને અન્ય સંદેહયુક્ત ઍક્ટિવિટીથી બચાવવા માટે

ડેટા ઉપયોગમાં આ બાબતોનો સમાવેશ થાય છે :

• તમારા Apple Podcastsનો ઉપયોગ જેમાં તમારી મનપસંદ શ્રેણીઓ, તમારી લાઇબ્રેરીમાંથી પ્લેની સ્થિતિ અને કૉન્ટેંટ સામેલ હોય છે
• તમારા દ્વારા Apple Podcastsમાં ખરીદવામાં આવેલા પૉડકાસ્ટ સબ્સ્ક્રિપ્શન
• તમારા અકાઉંટ જેમ કે તમારી પાસેના Apple પ્રૉડક્ટ અને Apple સર્વિસ માટેના તમારા સબ્સ્ક્રિપ્શન
• તમારું IP અડ્રેસ

રિટેંશન

Apple Podcastsમાં તમારી ખરીદી સંબંધિત તમારા વ્યક્તિગત ડેટાને અમે વિવિધ ક્ષેત્રોમાં લાગૂ પડતા અલગ-અલગ નાણાકીય બાબતોને લગતા કાયદા દ્વારા નિર્ધારિત અવધિ સુધી જાળવી રાખીએ છીએ. મોટા ભાગના ગ્રાહકો માટે ઓછામાં ઓછી 10 વર્ષની રિટેંશન અવધિ જરૂરી હોય છે, પરંતુ ચીન જેવા દેશમાં આ અવધિ 30 વર્ષની હોઈ શકે છે. જ્યાં સુધી અમારી સાથે તમારું અકાઉંટ છે ત્યાં સુધી અમે તમારી ખરીદીનો રેકોર્ડ જાળવી રાખીએ છીએ જેથી તમે ઍક્સેસ કરવાની અમારી શરતો અનુસાર તે કૉન્ટેંટને ફરીથી ઍક્સેસ કરી શકો. તમારા અકાઉંટને બંધ કર્યા પછી અથવા Apple Podcastsનો ઉપયોગ બંધ કર્યા પછી પણ કેટલીક માહિતી જેમકે તમારા સ્ટોર કરેલા કાર્ડની વિગતો સિવાયના ટ્રાંઝેક્શનને વ્યવસાયિક રેકોર્ડ તરીકે જાળવી રાખવામાં આવી શકે છે.

હંમેશા Apple દ્વારા કલેક્ટ કરવામાં આવેલી માહિતીને Apple પ્રાઇવસિ પૉલિસી અનુસાર વ્યવહારમાં લાવવામાં આવશે જેને www.apple.com/in/privacy પર જોઈ શકાય છે.

2025-12-12