iOS ડિવાઇસ ઍનાલિટિક્સ

iPhone ઍનાલિટિક્સમાં હાર્ડવેર અને ઑપરેટિંગ સિસ્ટમના સ્પેસિફિકેશન, પર્ફૉર્મન્સના આંકડા અને તમે તમારા ડિવાઇસ અને ઍપ્લિકેશનનો ઉપયોગ કેવી રીતે કરો છો તે વિષેનો ડેટા સામેલ હોઈ શકે છે. આ માહિતીનો ઉપયોગ Appleને તેની પ્રોડક્ટ અને સર્વિસને બહેતર બનાવવામાં મદદ કરવા માટે કરવામાં આવે છે. કલેક્ટ કરવામાં આવેલી એકે માહિતીથી તમારી વ્યક્તિગત રીતે ઓળખ થતી નથી. પર્સનલ ડેટા બિલકુલ લૉગ નથી કરવામાં આવતો, ડિફરેંશલ પ્રાઇવસિ જેવી પ્રાઇવસિ જાળવી રાખતી ટૅક્નીકને આધીન હોય છે અથવા Appleને મોકલવામાં આવે તે પહેલા કોઈ પણ રિપોર્ટમાંથી કાઢી નાખવામાં આવે છે. તમે તમારા iOS ડિવાઇસ પર સેટિંગ્સ > પ્રાઇવસિ અને સુરક્ષા > ઍનાલિટિક્સ અને સુધારણામાં જઈને ઍનાલિટિક્સ ડેટા પર ટૅપ કરીને આ માહિતીનો રિવ્યૂ કરી શકો છો.

તમે Appleને આ માહિતી આપવા માટે સંમતિ આપી હોય અને તમારી લોકેશન સેવા ચાલુ હોય તો તમારા ડિવાઇસનું લોકેશન પણ Appleની પર્ફૉર્મન્સને લગતી સમસ્યાઓનું વિશ્લેષણ કરવામાં મદદ માટે મોકલવામાં આવી શકે છે (ઉદાહરણ તરીકે, કોઈ વિશેષ લોકેશન પર મોબાઇલ અથવા Wi-Fi સિગ્નલની સ્ટ્રેંથ અથવા વિકનેસ). આ ઍનાલિટિક્સ લોકેશન ડેટામાં કૉલ પૂર્ણ થવાનું લોકેશન અથવા કોઈ નિષ્ફળ ઇન-સ્ટોર ટ્રાંઝેક્શનના લોકેશન જેવી માહિતી સામેલ હોઈ શકે છે. તમે કોઈ પણ સમયે ઍનાલિટિક્સ માટે લોકેશન સેવાને બંધ કરવાનું પસંદ કરી શકો છો. આમ કરવા માટે સેટિંગ્સ > પ્રાઇવસિ અને સુરક્ષા > લોકેશન સેવા > સિસ્ટમ સર્વિસ પર જાઓ અને iPhone ઍનાલિટિક્સને બંધ કરવા માટે ટૅપ કરો.

જો તમે સમાન iCloud અકાઉંટનો ઉપયોગ કરતા મલ્ટિપલ ડિવાઇસથી ઍનાલિટિક્સ માહિતી Appleને મોકલવા માટે સંમત થાઓ છો તો અમે ઍન્ડ-ટૂ-ઍન્ડ એંક્રિપ્શનનો ઉપયોગ કરીને સિંકિંગ દ્વારા તે તમામ ડિવાઇસ પરની Apple ઍપ્સ વિષેનો અમુક ઉપયોગ ડેટા કૉરલેટ કરી શકીએ છીએ. અમે આ એવી રીતે કરીએ છીએ જેથી Appleને તમારી ઓળખ ન થાય.

તમે ડિવાઇસ ઍનાલિટિક્સના શેરિંગને સંપૂર્ણ રીતે અક્ષમ કરવાનું પણ પસંદ કરી શકો છો. આમ કરવા માટે સેટિંગ્સ > પ્રાઇવસિ અને સુરક્ષા > ઍનાલિટિક્સ અને સુધારા પર જાઓ અને iPhone ઍનાલિટિક્સને શેર કરોને બંધ કરો. જો તમારી Apple Watch તમારા iPhone સાથે પેર કરેલી હોય તો “iPhone અને Watch ઍનાલિટિક્સ શેર કરો”ને બંધ કરવા માટે ટૅપ કરો.

આ ફીચરનો ઉપયોગ કરીને Apple તેમજ તેમના સહયોગી અને એજંટ દ્વારા ઉપર કરેલ વર્ણન અનુસાર આ માહિતીને સંચારિત, સંગ્રહિત, મેનટેનંસ, પ્રોસેસ કરવા અને તેનો ઉપયોગ કરવા માટે સહમત થાઓ છો અને અનુમતિ આપો છો.

હંમેશા Apple દ્વારા કલેક્ટ કરવામાં આવેલી માહિતીને Apple પ્રાઇવસિ પૉલિસી અનુસાર વ્યવહારમાં લાવવામાં આવશે જેને www.apple.com/in/privacy પર જોઈ શકાય છે.

2025-12-12