• ನಿಮಗೆ ವಯೋಸೂಕ್ತ ಅನುಭವಗಳನ್ನು ಒದಗಿಸುವುದಕ್ಕೆ ಆ್ಯಪ್‌‌ಗಳಿಗೆ ಸಹಾಯ ಮಾಡಲು, ಆ್ಯಪ್‌‌ಗಳಿಗಾಗಿ ವಯೋವರ್ಗ ಎಂಬ ಫೀಚರ್ ನಿಮ್ಮ ವಯೋವರ್ಗವನ್ನು ಆ್ಯಪ್‌‌ಗಳೊಂದಿಗೆ ಹಂಚಿಕೊಳ್ಳಲು ನಿಮಗೆ ಅನುವುಮಾಡಿಕೊಡುತ್ತದೆ ಆದರೆ ನಿಮ್ಮ ನೈಜ ಜನ್ಮದಿನಾಂಕವನ್ನಲ್ಲ.
• ನೀವು ಡೆವಲಪರ್‌ಗಳೊಂದಿಗೆ ಹಂಚಿಕೊಳ್ಳಲು ಆಯ್ಕೆಮಾಡಬಹುದಾದ ವಯೋವರ್ಗವನ್ನು ನಿರ್ಧರಿಸಲು ನಿಮ್ಮ Apple ಖಾತೆಯೊಂದಿಗೆ ಸಂಯೋಜಿಸಿರುವ ನಿಮ್ಮ ಜನ್ಮದಿನಾಂಕ ಮತ್ತು ದೇಶ ಅಥವಾ ಪ್ರದೇಶದ ಮಾಹಿತಿಯನ್ನು ಬಳಸಲಾಗುತ್ತದೆ.
• ಆ್ಯಪ್‌‌ಗಳೊಂದಿಗೆ ಹಂಚಿಕೊಂಡ ವಯೋವರ್ಗಗಳು ನಿಮ್ಮ ಎಲ್ಲಾ ಸಾಧನಗಳಲ್ಲಿ ಎಂಡ್-ಟು-ಎಂಡ್ ಎನ್‌ಕ್ರಿಪ್ಶನ್ ಬಳಸಿ ಸಿಂಕ್ ಆಗಿರುತ್ತವೆ.
• ನೀವು ಕುಟುಂಬ ಗುಂಪಿನಲ್ಲಿರುವ ಮಗು ಅಥವಾ ಹದಿಹರೆಯದವರಾಗಿದ್ದರೆ, ನಿಮ್ಮ ಪೋಷಕರು ಅಥವಾ ಪಾಲಕರು ಆ್ಯಪ್‌ಗಳಿಗಾಗಿ ವಯೋವರ್ಗ ಎಂಬುದನ್ನು ನಿಮ್ಮ ಪರವಾಗಿ ಸಕ್ರಿಯಗೊಳಿಸಬೇಕು ಮತ್ತು ಅವರು ಕಾನ್ಫಿಗರೇಶನ್ ಅನ್ನು ನಿರ್ವಹಿಸಬಹುದು.
• ನೀವು ಒಂದು ಆ್ಯಪ್‌ನೊಂದಿಗೆ ಹಂಚಿಕೊಳ್ಳುವ ವಯೋವರ್ಗವು ನಿಮ್ಮ Apple ಖಾತೆಯಲ್ಲಿ ಸಂಯೋಜಿತವಾಗಿರುವ ದೇಶ ಅಥವಾ ಪ್ರದೇಶದಲ್ಲಿನ ಪ್ರಾಪ್ತವಯಸ್ಸಿಗಿಂತ ನೀವು ಚಿಕ್ಕವರೆಂದು ಸೂಚಿಸಿದಲ್ಲಿ, ಪೋಷಕರು ಹೇರುವ ಯಾವುದೇ ನಿಯಂತ್ರಣಗಳನ್ನು ಸಕ್ರಿಯಗೊಳಿಸಲಾಗಿದೆಯೇ ಎಂಬ ಮಾಹಿತಿಯನ್ನು ಸಹ ಹಂಚಿಕೊಳ್ಳಲಾಗುತ್ತದೆ.

ಆ್ಯಪ್‌ಗಳಿಗಾಗಿ ವಯಸ್ಸನ್ನು ಸೆಟಪ್ ಮಾಡುವುದು

ಆ್ಯಪ್‌ಗಳಿಗಾಗಿ ವಯೋವರ್ಗ ಎಂಬುದನ್ನು ಸಕ್ರಿಯಗೊಳಿಸಲು, ನಿಮ್ಮ ಸಾಧನ Apple ಖಾತೆಯ ಈ ಕೆಳಗಿನ ಮಾಹಿತಿಯನ್ನು ಬಳಸುತ್ತದೆ: ಜನ್ಮದಿನಾಂಕ, ದೇಶ ಅಥವಾ ಪ್ರದೇಶ ಹಾಗೂ ಕುಟುಂಬ ಗುಂಪಿನಲ್ಲಿನ ಸದಸ್ಯತ್ವ ಮತ್ತು ಪಾತ್ರ. ನಿಮ್ಮ ಸಾಧನವು ಸಾಧನದ ಆಪರೇಟಿಂಗ್ ಸಿಸ್ಟಂ ಅನ್ನು ಸಹ ಪರಿಶೀಲಿಸುತ್ತದೆ ಮತ್ತು ನಿಮಗಾಗಿ ಅಥವಾ ನಿಮ್ಮ ಸಾಧನಕ್ಕಾಗಿ ಸ್ಕ್ರೀನ್ ಟೈಮ್ ಪಾಸ್‌ಕೋಡ್ ಅನ್ನು ಸಕ್ರಿಯಗೊಳಿಸಲಾಗಿದೆಯೇ ಎಂದು ಪರಿಶೀಲಿಸುತ್ತದೆ.

ಆ್ಯಪ್‌‌ಗಳು ವಯೋವರ್ಗವನ್ನು ವಿನಂತಿಸಿದಾಗ ಅವುಗಳೊಂದಿಗೆ ಹಂಚಿಕೊಳ್ಳಲು ಆ್ಯಪ್‌ಗಳೊಂದಿಗೆ ವಯೋವರ್ಗ ಎಂಬ ಫೀಚರ್ ನಿಮಗೆ ಮೂರು ಕಾನ್ಫಿಗರೇಶನ್‌ಗಳನ್ನು ಒದಗಿಸುತ್ತದೆ: ಮೊದಲು ಕೇಳಿ, ಯಾವಾಗಲೂ ಮತ್ತು ಎಂದಿಗೂ ಬೇಡ. ನಿಮ್ಮ ವಯೋವರ್ಗವನ್ನು ಹಂಚಿಕೊಳ್ಳಬೇಕೋ ಬೇಡವೋ ಎಂಬುದನ್ನು ಪ್ರತಿ ಆ್ಯಪ್‌ಗೆ ಪ್ರತ್ಯೇಕವಾಗಿ ಆಯ್ಕೆಮಾಡಲು ಮೊದಲು ಕೇಳಿ ಎಂಬುದು ಅನುವುಮಾಡಿಕೊಡುತ್ತದೆ. ನೀವು “ಯಾವಾಗಲೂ” ಎಂಬುದನ್ನು ಆಯ್ಕೆಮಾಡಿದರೆ, ನಿಮ್ಮ ವಯಸ್ಸನ್ನು ಯಾವುದೇ ಆ್ಯಪ್ ವಿನಂತಿಸಿದಲ್ಲಿ ಅದರ ಜೊತೆ ಹಂಚಿಕೊಳ್ಳಲಾಗುವುದು ಮತ್ತು ನೀವು “ಎಂದಿಗೂ ಬೇಡ” ಎಂಬುದನ್ನು ಆಯ್ಕೆಮಾಡಿದರೆ, ನಿಮ್ಮ ವಯಸ್ಸನ್ನು ಆ್ಯಪ್‌ಗಳೊಂದಿಗೆ ಹಂಚಿಕೊಳ್ಳಲಾಗುವುದಿಲ್ಲ. ಆ್ಯಪ್‌ಗಳಿಗಾಗಿ ವಯಸ್ಸು ಎಂಬುದನ್ನು ಸಕ್ರಿಯಗೊಳಿಸಲಾಗಿದೆಯೇ ಹಾಗೂ ಹಂಚಿಕೊಳ್ಳುವಿಕೆಯ ಕಾನ್ಫಿಗರೇಶನ್ (ಮೊದಲು ಕೇಳಿ, ಯಾವಾಗಲೂ ಅಥವಾ ಎಂದಿಗೂ ಬೇಡ) ನಿಮ್ಮ Apple ಖಾತೆಯೊಂದಿಗೆ ಸಂಯೋಜಿತವಾಗಿದೆಯೇ ಮತ್ತು ಈ ಫೀಚರ್ ಬಳಸುವ ಸಾಧನಗಳಾದ್ಯಂತ ಎಂಡ್-ಟು-ಎಂಡ್ ಎನ್‌ಕ್ರಿಪ್ಶನ್ ಬಳಸಿ ಸಿಂಕ್ ಆಗಿದೆಯೇ ಎಂಬುದರ ಕುರಿತ ಮಾಹಿತಿ.

ನೀವು ವಯಸ್ಕರಾಗಿದ್ದರೆ ಅಥವಾ 13 ವರ್ಷ ವಯಸ್ಸಿನ ಅಥವಾ ಮೇಲ್ಪಟ್ಟ ಹದಿಹರೆಯದವರಾಗಿದ್ದರೆ (ಅಥವಾ ನಿಮ್ಮ ದೇಶ ಅಥವಾ ಪ್ರದೇಶದಲ್ಲಿನ ತತ್ಸಮಾನ ವಯಸ್ಸಿನವರಾಗಿದ್ದರೆ) ಹಾಗೂ ನೀವು iOS or iPadOS 26 ಅಥವಾ ನಂತರದ ಆವೃತ್ತಿಯನ್ನು ಬಳಸುತ್ತಿರುವ ಕುಟುಂಬ ಗುಂಪಿನಲ್ಲಿ ಇಲ್ಲವೆಂದರೆ, ಆ್ಯಪ್‌‌ಗಳಿಗಾಗಿ ವಯೋವರ್ಗ ಎಂಬುದನ್ನು ನಿಮಗಾಗಿ ಸ್ವತಃ ಸಕ್ರಿಯಗೊಳಿಸಿಕೊಳ್ಳಬಹುದು ಮತ್ತು ಕಾನ್ಫಿಗರ್ ಮಾಡಿಕೊಳ್ಳಬಹುದು. “ಮೊದಲು ಕೇಳಿ” ಎಂಬುದು ಡಿಫಾಲ್ಟ್ ಆಗಿ ಆಯ್ಕೆಯಾಗಿರುತ್ತದೆ. ನೀವು ಸೆಟ್ಟಿಂಗ್ಸ್ > [ನಿಮ್ಮ ಹೆಸರು] > ವೈಯಕ್ತಿಕ ಮಾಹಿತಿ > ಆ್ಯಪ್‌ಗಳಿಗಾಗಿ ವಯೋವರ್ಗ ಎಂಬುದಕ್ಕೆ ಹೋಗುವ ಮೂಲಕ ನೀವು ಆ್ಯಪ್‌ಗಳಿಗಾಗಿ ವಯೋವರ್ಗ ಎಂಬುದನ್ನು ಸಕ್ರಿಯಗೊಳಿಸಬಹುದು ಮತ್ತು ನಿಮ್ಮ ಹಂಚಿಕೊಳ್ಳುವಿಕೆಯ ಆದ್ಯತೆಗಳನ್ನು ಸರಿಹೊಂದಿಸಬಹುದು.

ಆ್ಯಪ್‌ಗಳಿಗಾಗಿ ಕುಟುಂಬ ಗುಂಪಿನಲ್ಲಿರುವ ಮಕ್ಕಳು ಮತ್ತು ಹದಿಹರೆಯದವರ ಹಾಗೂ ವಯಸ್ಸು

ನೀವೊಂದು ಕುಟುಂಬ ಗುಂಪಿನಲ್ಲಿನ ಮಗು ಅಥವಾ ಹದಿಹರೆಯದವರಾಗಿದ್ದರೆ, ಕೇವಲ ವ್ಯವಸ್ಥಾಪಕರು ಅಥವಾ ನಿಮ್ಮ ಕುಟುಂಬ ಗುಂಪಿನಲ್ಲಿನ ಪೋಷಕರು/ಪಾಲಕರು ಮಾತ್ರ (ಒಟ್ಟಾರೆಯಾಗಿ “ಪೋಷಕರು/ಪಾಲಕರು”) ಆ್ಯಪ್‌‌ಗಳಿಗಾಗಿ ವಯೋವರ್ಗ ಎಂಬುದನ್ನು ಸೆಟಪ್ ಮಾಡಬಹುದು. ಹಾಗೆ ಮಾಡಲು, ನಿಮ್ಮ ಪೋಷಕರು/ಪಾಲಕರಿಗೆ ನಿಮ್ಮ ವಯಸ್ಸನ್ನು ಖಚಿತಪಡಿಸುವಂತೆ ಕೇಳಲಾಗುತ್ತದೆ ಮತ್ತು ಆ ಮಾಹಿತಿಯು ನಿಮ್ಮ Apple ಖಾತೆಯೊಂದಿಗೆ ಸಂಯೋಜಿಸಿರುವ ಜನ್ಮದಿನಾಂಕವನ್ನು ಆಧರಿಸಿರುತ್ತದೆ. ನಂತರ ಹಂಚಿಕೊಳ್ಳುವಿಕೆಯ ಕಾನ್ಫಿಗರೇಶನ್‌ಗಳಲ್ಲಿ ಒಂದನ್ನು ಆಯ್ಕೆಮಾಡುವಂತೆ ಕೇಳಲಾಗುತ್ತದೆ.

ಪೋಷಕರು/ಪಾಲಕರು iOS ಅಥವಾ iPadOS 26 ಅಥವಾ ನಂತರದ ಆವೃತ್ತಿಯನ್ನು ಬಳಸುತ್ತಿದ್ದರೆ, ತಮ್ಮ ಸಾಧನದಲ್ಲಿ ಸೆಟ್ಟಿಂಗ್ಸ್ > ಕುಟುಂಬ > [ಮಗು ಅಥವಾ ಹದಿಹರೆಯದವರ ಹೆಸರು] > ವೈಯಕ್ತಿಕ ಮಾಹಿತಿ > ಆ್ಯಪ್‌ಗಳಿಗಾಗಿ ವಯೋವರ್ಗ ಎಂಬುದಕ್ಕೆ ಹೋಗುವ ಮೂಲಕ ಆ್ಯಪ್‌ಗಳಿಗಾಗಿ ವಯೋವರ್ಗ ಫೀಚರ್ ಅನ್ನು ನಿಮಗಾಗಿ ಅವರು ದೂರದಿಂದಲೇ ಸೆಟಪ್ ಮಾಡಬಹುದು. ನಿಮಗಾಗಿ ಸ್ಕ್ರೀನ್ ಟೈಮ್ ಪಾಸ್‌ಕೋಡ್ ಅನ್ನು ಸಕ್ರಿಯಗೊಳಿಸಿದ್ದರೆ, ಪೋಷಕರು/ಪಾಲಕರು ಸೆಟ್ಟಿಂಗ್ಸ್ ಆ್ಯಪ್ > [ನಿಮ್ಮ ಹೆಸರು] > ವೈಯಕ್ತಿಕ ಮಾಹಿತಿ > ಆ್ಯಪ್‌ಗಳಿಗಾಗಿ ವಯಸ್ಸು ಎಂಬಲ್ಲಿಗೆ ಹೋಗಿ, ಸ್ಕ್ರೀನ್ ಟೈಮ್ ಪಾಸ್‌ಕೋಡ್ ಅನ್ನು ನಮೂದಿಸುವ ಮೂಲಕ ನಿಮ್ಮ ಸಾಧನದಲ್ಲಿ ಸ್ಥಳೀಯವಾಗಿ ಆ್ಯಪ್‌ಗಳಿಗಾಗಿ ವಯಸ್ಸನ್ನು ಸೆಟಪ್ ಮಾಡಬಹುದು.

ವ್ಯವಸ್ಥಾಪಕರು, ಪೋಷಕರು/ಪಾಲಕರು, ವಯಸ್ಕರು ಮತ್ತು ಮಗು ಎಂಬಂತಹ ಕುಟುಂಬ ಗುಂಪಿಗೆ ಲಭ್ಯವಿರುವ ಪಾತ್ರಗಳು ಸೇರಿದಂತೆ, ಕುಟುಂಬ ಹಂಚಿಕೆಗೆ ಸಂಬಂಧಿಸಿದ ಹೆಚ್ಚಿನ ಮಾಹಿತಿಗಾಗಿ www.apple.com/legal/privacy/data/en/family-sharing ಎಂಬುದಕ್ಕೆ ಭೇಟಿ ನೀಡಿ. ಕುಟುಂಬ ಹಂಚಿಕೆಗೆ ಸಂಬಂಧಿಸಿದಂತೆ ವಯಸ್ಸಿನ ಮಿತಿಗಳನ್ನು Apple ಹೇಗೆ ಬಳಸುತ್ತದೆ ಎಂಬುದರ ಹೆಚ್ಚಿನ ಮಾಹಿತಿಗಾಗಿ support.apple.com/102617 ವಿಳಾಸಕ್ಕೆ ಭೇಟಿ ನೀಡಿ. ಕೆಳಗೆ ವಿವರಿಸಿದ ನಿರ್ದಿಷ್ಟ ವಯಸ್ಸಿನ ಮಿತಿಗಳು ಬಳಕೆದಾರರಿಗೆ ಅವರ Apple ಖಾತೆಗೆ ಸಂಬಂಧಿಸಿದ ದೇಶ ಅಥವಾ ಪ್ರದೇಶವನ್ನು ಆಧರಿಸಿ ಭಿನ್ನವಾಗಿರಬಹುದು.

ಆ್ಯಪ್‌ಗಳ ಜೊತೆಗೆ ಹಂಚಿಕೊಳ್ಳಲಾಗುತ್ತಿದೆ

ವಯೋವರ್ಗದ ವಿನಂತಿಗಳು
ಆ್ಯಪ್‌ಗಳಿಗಾಗಿ ವಯಸ್ಸು ಎಂಬ ಫೀಚರ್ ಅನ್ನು ಸಕ್ರಿಯಗೊಳಿಸಿದ್ದರೆ ಮತ್ತು “ಮೊದಲು ಕೇಳಿ” ಅಥವಾ “ಯಾವಾಗಲೂ” ಎಂಬುದಕ್ಕೆ ಕಾನ್ಫಿಗರ್ ಮಾಡಿದ್ದರೆ, ನಿಮ್ಮ ಸಾಧನವು ಆ್ಯಪ್‌ ತನ್ನ ವಿನಂತಿಯಲ್ಲಿ ನಿರ್ದಿಷ್ಟಪಡಿಸಿರುವ ವಯಸ್ಸನ್ನು ಬಳಸುತ್ತದೆ ಮತ್ತು ನಿಮ್ಮ ವಯಸ್ಸನ್ನು ನಿರ್ಧರಿಸಲು ನಿಮ್ಮ Apple ಖಾತೆಯೊಂದಿಗೆ ಸಂಯೋಜಿಸಿರುವ ಜನ್ಮದಿನಾಂಕವನ್ನು ಬಳಸುತ್ತದೆ. ಡೆವೆಲಪರ್ ಜೊತೆ ಹಂಚಿಕೊಳ್ಳಬಹುದಾದ ವಯೋವರ್ಗದ ಗರಿಷ್ಠ ವಯೋಮಿತಿಯು ನಿಮ್ಮ ದೇಶ ಅಥವಾ ಪ್ರದೇಶದಲ್ಲಿ ನಿಮ್ಮನ್ನು “ವಯಸ್ಕರು” ಎಂದು ಪರಿಗಣಿಸುವ ವಯಸ್ಸು ಆಗಿರುತ್ತದೆ. ನಿಮ್ಮ ಸಾಧನವು ಇದನ್ನು ನಿರ್ಧರಿಸಲು ನಿಮ್ಮ Apple ಖಾತೆಗೆ ಸಂಯೋಜಿಸಿರುವ ದೇಶ ಅಥವಾ ಪ್ರದೇಶದ ಮಾಹಿತಿಯನ್ನು ಸಹ ಪರಿಶೀಲಿಸಬಹುದು.

ನೀವು ಒಂದು ಆ್ಯಪ್‌ನೊಂದಿಗೆ ನಿಮ್ಮ ವಯೋವರ್ಗವನ್ನು ಹಂಚಿಕೊಳ್ಳಲು ಆಯ್ಕೆಮಾಡಿದರೆ, ವಯೋವರ್ಗವನ್ನು ನಿರ್ಧರಿಸಲು ಬಳಸಿದ ವಯಸ್ಸನ್ನು ನೀವು (ನೀವು ಒಂದು ಕುಟುಂಬ ಗುಂಪಿನಲ್ಲಿಲ್ಲದ ವಯಸ್ಕ ಅಥವಾ ಹದಿಹರೆಯದವರಾಗಿದ್ದರೆ) ಅಥವಾ ನಿಮ್ಮ ಪೋಷಕರು/ಪಾಲಕರು (ನೀವು ಒಂದು ಕುಟುಂಬ ಗುಂಪಿನಲ್ಲಿರುವ ಮಗು ಅಥವಾ ಹದಿಹರೆಯದವಾಗಿದ್ದರೆ) ಖಚಿತಪಡಿಸಿದ್ದೀರೋ ಇಲ್ಲವೋ ಎಂಬುದನ್ನು ಸಾಧನ ಸೂಚಿಸುತ್ತದೆ. ನೀವು ಕುಟುಂಬ ಗುಂಪಿನಲ್ಲಿರುವ ಮಗು ಅಥವಾ ಹದಿಹರೆಯದವರಾಗಿದ್ದರೆ, Apple ಒದಗಿಸಿದ, ಪೋಷಕರು ಹೇರುವ ಕೆಲವು ನಿಯಂತ್ರಣಗಳನ್ನು ನಿಮಗಾಗಿ ಸಕ್ರಿಯಗೊಳಿಸಲಾಗಿದೆಯೇ ಎಂಬುದನ್ನು ಸಹ ಸಾಧನ ಸೂಚಿಸಬಹುದು.ಇದರಿಂದ ಆ್ಯಪ್‌ ನಿಮ್ಮ ಗೌಪ್ಯತೆ ಮತ್ತು ಸುರಕ್ಷತೆಯನ್ನು ಕಾಪಾಡುವುದಕ್ಕಾಗಿ ಹೆಚ್ಚುವರಿ ಟೂಲ್‌ಗಳನ್ನು ಬಳಸಿಕೊಳ್ಳಬಲ್ಲದು.

ಆ್ಯಪ್‌ಗಳಿಗಾಗಿ ವಯೋವರ್ಗ ಫೀಚರ್ ಅನ್ನು ಸಕ್ರಿಯಗೊಳಿಸಿಲ್ಲ ಅಥವಾ ಕಾನ್ಫಿಗರ್ ಮಾಡಿಲ್ಲ ಎಂದಾದರೆ ಅಥವಾ ನೀವು ಹಂಚಿಕೊಳ್ಳಲು ನಿರಾಕರಿಸಿದರೆ, ‘ಫೀಚರ್ ನಿಮಗೆ ಲಭ್ಯವಿಲ್ಲ’ ಅಥವಾ ‘ನಿಮ್ಮ ವಯೋವರ್ಗವನ್ನು ಹಂಚಿಕೊಳ್ಳಲು ನೀವು ನಿರಾಕರಿಸಿದ್ದೀರಿ’ ಎಂದು ನಿಮ್ಮ ಸಾಧನ ಸೂಚಿಸುತ್ತದೆ.

ಆ್ಯಪ್‌ಗೆ ನಿಮ್ಮ ಸಾಧನ ನೀಡುವ ಪ್ರತಿಕ್ರಿಯೆಯು ನಿಮ್ಮ ವೈಯಕ್ತಿಕ ಡೇಟವನ್ನು ಒಳಗೊಂಡಿರುವುದಿಲ್ಲ; ಆದರೂ, ಆ್ಯಪ್ ಒಮ್ಮೆ ಪ್ರತಿಕ್ರಿಯೆಯನ್ನು ಸ್ವೀಕರಿಸಿದರೆ, ಆ್ಯಪ್‌ನ ಡೆವಲಪರ್ ಅದನ್ನು ತಾವು ಪ್ರತ್ಯೇಕವಾಗಿ ಸಂಗ್ರಹಿಸುವ ನಿಮ್ಮ ವೈಯಕ್ತಿಕ ಡೇಟದೊಂದಿಗೆ ಸಂಯೋಜಿಸಬಹುದು. ನೀವು ಅವರ ಆ್ಯಪ್ ಡೌನ್‌ಲೋಡ್ ಮಾಡಿದ ಮತ್ತು ಬಳಸುವ ಮಾಹಿತಿಯೂ ಇದರಲ್ಲಿ ಸೇರಿರಬಹುದು. ವಿನಂತಿ ಮತ್ತು ಇತರೆ ಮಾಹಿತಿಯನ್ನು ಆ್ಯಪ್ ಹೇಗೆ ಪ್ರಕ್ರಿಯೆಗೊಳಿಸುತ್ತದೆ ಎಂಬುದನ್ನು ಆ್ಯಪ್ ಡೆವಲಪರ್‌ ನಿಯಮಗಳು ಮತ್ತು ಗೌಪ್ಯತಾ ನೀತಿಗಳು ನಿಯಂತ್ರಿಸುತ್ತವೆ.

ವಯೋವರ್ಗವನ್ನು ವಿನಂತಿಸುವುದರ ಮೇಲಿನ ನಿರ್ಬಂಧನೆಗಳು
ಆ್ಯಪ್ ಹೆಸರು, ವಯೋವರ್ಗವನ್ನು ಹಂಚಿಕೊಳ್ಳಲಾಗಿತ್ತೇ ಇಲ್ಲವೇ ಎಂಬ ಮಾಹಿತಿ ಮತ್ತು ಸಂಬಂಧಿತ ದಿನಾಂಕ ಹಾಗೂ ನಿಜವಾಗಿ ಹಂಚಿಕೊಂಡ ವಯೋವರ್ಗ (ನೀವು ಹಂಚಿಕೊಳ್ಳಲು ಆಯ್ಕೆಮಾಡಿದರೆ), ಇವುಗಳನ್ನು ಒಳಗೊಂಡಂತೆ ಪ್ರತಿಯೊಂದು ಆ್ಯಪ್‌ನ ವಿನಂತಿಗೆ ನೀವು ನೀಡುವ ಪ್ರತಿಕ್ರಿಯೆಗಳ ರೆಕಾರ್ಡ್ ಅನ್ನು ನಿಮ್ಮ ಸಾಧನ ಉಳಿಸಿಕೊಳ್ಳುತ್ತದೆ. ಈ ಮಾಹಿತಿಯನ್ನು Appleಗೆ ಓದಲು ಸಾಧ್ಯವಾಗದಂತೆ ಎಂಡ್-ಟು-ಎಂಡ್ ಎನ್‌ಕ್ರಿಪ್ಶನ್ ಬಳಸಿ, ಈ ಫೀಚರ್ ಬೆಂಬಲಿಸುವ ಸಾಧನಗಳಾದ್ಯಂತ ಸಿಂಕ್ರೊನೈಸ್ ಮಾಡಲಾಗಿದೆ. ಡೆವಲಪರ್‌ಗಳೊಂದಿಗೆ ಹೊಸ ವಯೋವರ್ಗವನ್ನು ಯಾವಾಗ ಹಂಚಿಕೊಳ್ಳಬಹುದು ಎಂಬುದರ ಮೇಲೆ ನಿರ್ಬಂಧನೆಗಳನ್ನು ಹೇರಲು, ಕೆಳಗೆ ವಿವರಿಸಿರುವ “ವಯೋವರ್ಗವನ್ನು ಮತ್ತೊಮ್ಮೆ ಹಂಚಿಕೊಳ್ಳಿ” ಫೀಚರ್ ಅನ್ನು ಒದಗಿಸಲು ಮತ್ತು ಡೆವಲಪರ್‌ಗಳು ವಿನಂತಿಸಿದ ವಯೋವರ್ಗದ ಕುರಿತು ನಿಮಗೆ ಮಾಹಿತಿ ನೀಡಲು ತೀರಾ ಇತ್ತೀಚಿನ ರೆಕಾರ್ಡ್ ಅನ್ನು ಬಳಸಲಾಗುತ್ತದೆ. ನಿಮ್ಮ ಸಾಧನದಲ್ಲಿ ನೀವು ಸೆಟ್ಟಿಂಗ್ಸ್ > [ನಿಮ್ಮ ಹೆಸರು] > ವೈಯಕ್ತಿಕ ಮಾಹಿತಿ > ಆ್ಯಪ್‌ಗಳಿಗಾಗಿ ವಯೋವರ್ಗ ಎಂಬುದಕ್ಕೆ ಹೋಗುವ ಮೂಲಕ, ಅಥವಾ ಸೆಟ್ಟಿಂಗ್ಸ್ > [ಆ್ಯಪ್‌ ಹೆಸರು] > ಆ್ಯಪ್‌ಗಳಿಗಾಗಿ ವಯೋವರ್ಗ ಎಂಬುದಕ್ಕೆ ಹೋಗುವ ಮೂಲಕ, ಅಥವಾ ಸೆಟ್ಟಿಂಗ್ಸ್ > ಆ್ಯಪ್‌ಗಳು > [ಆ್ಯಪ್‌ ಹೆಸರು] > ಆ್ಯಪ್‌ಗಳಿಗಾಗಿ ವಯೋವರ್ಗ ಎಂಬುದಕ್ಕೆ ಹೋಗುವ ಮೂಲಕ ನೀವು ಪ್ರತಿಯೊಂದು ಆ್ಯಪ್‌‌ನ ತೀರಾ ಇತ್ತೀಚಿನ ದಾಖಲೆಯನ್ನು ನೋಡಬಹುದು.

ವಯಸ್ಸನ್ನು ಮತ್ತೊಮ್ಮೆ ಹಂಚಿಕೊಳ್ಳಿ
“ವಯೋವರ್ಗವನ್ನು ಮತ್ತೊಮ್ಮೆ ಹಂಚಿಕೊಳ್ಳಿ” ಎಂಬುದು “ಆ್ಯಪ್‌ಗಳಿಗಾಗಿ ವಯೋವರ್ಗ” ಎಂಬುದರ ಫೀಚರ್ ಆಗಿದ್ದು ನಿಮಗೆ ತೀರಾ ಇತ್ತೀಚಿನ ದಾಖಲೆಯನ್ನು ರೀಸೆಟ್ ಮಾಡಲು ಅನುವುಮಾಡಿಕೊಡುತ್ತದೆ. ಡೆವಲಪರ್‌ಗಳು ವಯೋವರ್ಗವನ್ನು ವಿನಂತಿಸಿದಾಗ ಅವರೊಂದಿಗೆ ಹಂಚಿಕೊಳ್ಳುವುದಕ್ಕಾಗಿ ವಯೋವರ್ಗವನ್ನು ಹೊಸದಾಗಿ ನಿರ್ಧರಿಸಲು ಇದು Appleಗೆ ನೆರವಾಗುತ್ತದೆ. ವಯೋವರ್ಗವನ್ನು ಮತ್ತೊಮ್ಮೆ ಹಂಚಿಕೊಳ್ಳಿ ಎಂಬುದನ್ನು ಬಳಸಲು, ಸೆಟ್ಟಿಂಗ್ಸ್ > [ನಿಮ್ಮ ಹೆಸರು] > ವೈಯಕ್ತಿಕ ಮಾಹಿತಿ > ಆ್ಯಪ್‌ಗಳಿಗಾಗಿ ವಯೋವರ್ಗ > [ಆ್ಯಪ್ ಹೆಸರು] > ವಯೋವರ್ಗವನ್ನು ಮತ್ತೊಮ್ಮೆ ಹಂಚಿಕೊಳ್ಳಿ ಎಂಬುದಕ್ಕೆ ಹೋಗಿ. ಸ್ಕ್ರೀನ್ ಟೈಮ್ ಪಾಸ್‌ಕೋಡ್ ಸಕ್ರಿಯಗೊಳಿಸಿದ್ದರೆ, ಅಪ್‌ಡೇಟ್ ಮಾಡಿದ ವಯೋವರ್ಗವನ್ನು ಹಂಚಿಕೊಳ್ಳುವ ಮೊದಲು ಅದನ್ನು ನಮೂದಿಸಬೇಕಾಗುತ್ತದೆ.

ಅಪ್‌ಡೇಟ್ ಮಾಡಲಾದ ವಯೋವರ್ಗದ ವಿನಂತಿಗಳು
ಒಂದು ಆ್ಯಪ್ ತನ್ನ ವಯೋವರ್ಗಗಳ ನಿಯೋಜನೆಯನ್ನು ಬದಲಿಸಿ ತನ್ನ ವಿನಂತಿಯನ್ನು ಅಪ್‌ಡೇಟ್ ಮಾಡಿದರೆ, ಆ್ಯಪ್‌ನೊಂದಿಗೆ ಭಿನ್ನವಾದ ವಯೋವರ್ಗವನ್ನು ಹಂಚಿಕೊಳ್ಳಲು ಅಪ್‌ಡೇಟ್ ಮಾಡಿದ ವಿನಂತಿ ಕಾರಣವಾಗುತ್ತದೆಯೇ ಎಂಬುದನ್ನು ನಿರ್ಧರಿಸಲು ಸಾಧನವು ತೀರಾ ಇತ್ತೀಚಿನ ರೆಕಾರ್ಡ್ ಅನ್ನು ಪರಿಶೀಲಿಸುತ್ತದೆ. ಸಾಧನಕ್ಕೆ ಸಾಧ್ಯವಾದರೆ, ಅದು ತೀರಾ ಇತ್ತೀಚಿನ ರೆಕಾರ್ಡ್ ಅನ್ನು ರೀಸೆಟ್ ಮಾಡುತ್ತದೆ ಹಾಗೂ ಆ್ಯಪ್‌ನ ಮುಂದಿನ ವಿನಂತಿಗೆ ಪ್ರತಿಕ್ರಿಯೆಯಾಗಿ, “ಯಾವಾಗಲೂ” ಎಂಬುದಕ್ಕೆ ಕಾನ್ಫಿಗರ್ ಮಾಡಿದ್ದರೆ ಹೊಸದಾಗಿ ನೀಡಿದ ವಯಸ್ಸನ್ನು ಸ್ವಯಂಚಾಲಿತವಾಗಿ ಹಂಚಿಕೊಳ್ಳುತ್ತದೆ ಅಥವಾ “ಮೊದಲು ಕೇಳಿ” ಎಂಬುದಕ್ಕೆ ಕಾನ್ಫಿಗರ್ ಮಾಡಿದ್ದರೆ ಹೊಸದಾಗಿ ನೀಡಿದ ವಯಸ್ಸಿಗಾಗಿ ಅಪ್‌ಡೇಟ್ ಆದ ಪ್ರಾಂಪ್ಟ್ ಅನ್ನು ತೋರಿಸುತ್ತದೆ. “ಯಾವಾಗಲೂ” ಎಂಬುದಕ್ಕೆ ಕಾನ್ಫಿಗರ್ ಮಾಡಿದ್ದರೆ, ಹೊಸದಾಗಿ ನೀಡಿದ ವಯಸ್ಸು ತೀರಾ ಇತ್ತೀಚೆಗೆ ದಾಖಲಿಸಿದ ವಯಸ್ಸಿಗಿಂತ ನಿಖರವಾಗಿದ್ದರೆ ನಿಮಗೆ ಅದರ ಕುರಿತು ತಿಳಿಸಲಾಗುತ್ತದೆ.

ಆ್ಯಪ್‌ಗಳಿಗಾಗಿ ವಯೋವರ್ಗ ಫೀಚರ್ ಅನ್ನು ನಿರ್ವಹಿಸುವುದು
ನೀವು ಯಾವುದೇ ಸಮಯದಲ್ಲಿ ನಿಮ್ಮ ಸಾಧನದಲ್ಲಿ ಸೆಟ್ಟಿಂಗ್ಸ್ > [ನಿಮ್ಮ ಹೆಸರು] > ವೈಯಕ್ತಿಕ ಮಾಹಿತಿ > ಆ್ಯಪ್‌ಗಳಿಗಾಗಿ ವಯೋವರ್ಗ ಎಂಬುದಕ್ಕೆ ಹೋಗುವ ಮೂಲಕ, ಅಥವಾ ಸೆಟ್ಟಿಂಗ್ಸ್ > ಆ್ಯಪ್‌ಗಳು > [ಆ್ಯಪ್‌ ಹೆಸರು] > ಆ್ಯಪ್‌ಗಳಿಗಾಗಿ ವಯೋವರ್ಗ ಎಂಬುದಕ್ಕೆ ಹೋಗುವ ಮೂಲಕ ಆ್ಯಪ್‌ಗಳಿಗಾಗಿ ವಯೋವರ್ಗ ಎಂಬ ಫೀಚರ್‌ನ ಹಂಚಿಕೊಳ್ಳುವಿಕೆಯ ಕಾನ್ಫಿಗರೇಶನ್ ಅನ್ನು ನಿರ್ವಹಿಸಬಹುದು. ಸ್ಕ್ರೀನ್ ಟೈಮ್ ಪಾಸ್‌ಕೋಡ್ ಸಕ್ರಿಯಗೊಳಿಸಿದ್ದರೆ, ಕಾನ್ಫಿಗರೇಶನ್ ಬದಲಾವಣೆಗಳನ್ನು ಮಾಡುವ ಮೊದಲು ಅದನ್ನು ನಮೂದಿಸಬೇಕಾಗುತ್ತದೆ. ನೀವು ಒಂದು ಕುಟುಂಬ ಗುಂಪಿನಲ್ಲಿರುವ ಮಗು ಅಥವಾ ಹದಿಹರೆಯದವರಾಗಿದ್ದರೆ, ನಿಮ್ಮ ಕುಟುಂಬ ಗುಂಪಿನಲ್ಲಿರುವ ಪೋಷಕರು/ಪಾಲಕರು ತಮ್ಮ ಸಾಧನದಲ್ಲಿ ಸೆಟ್ಟಿಂಗ್ಸ್ > ಕುಟುಂಬ > [ಮಗು ಅಥವಾ ಹದಿಹರೆಯದವರ ಹೆಸರು] > ವೈಯಕ್ತಿಕ ಮಾಹಿತಿ > ಆ್ಯಪ್‌ಗಳಿಗಾಗಿ ವಯೋವರ್ಗ > ಆ್ಯಪ್‌ಗಳೊಂದಿಗೆ ಹಂಚಿಕೊಳ್ಳಿ ಎಂಬಲ್ಲಿ ಕಾನ್ಫಿಗರೇಶನ್ ಅನ್ನು ನಿರ್ವಹಿಸಬಹುದು.

ಹಂಚಿಕೊಳ್ಳುವಿಕೆಯ ಕಾನ್ಫಿಗರೇಶನ್ ಅನ್ನು ಅಪ್‌ಡೇಟ್ ಮಾಡಿದಲ್ಲಿ, ನಂತರದಲ್ಲಿ ಡೆವಲಪರ್‌ಗಳಿಂದ ಬರುವ ವಿನಂತಿಗಳಿಗೆ ಪ್ರತಿಕ್ರಿಯೆಯಾಗಿ ಹೊಸ ಹಂಚಿಕೊಳ್ಳುವಿಕೆಯ ಕಾನ್ಫಿಗರೇಶನ್ ಅನ್ವಯಿಸುತ್ತದೆ. ಹಂಚಿಕೊಳ್ಳುವಿಕೆಯ ಕಾನ್ಫಿಗರೇಶನ್ ಅನ್ನು “ಯಾವಾಗಲೂ” ಎಂಬುದಕ್ಕೆ ಬದಲಾಯಿಸಿದರೆ, ನೀವು ಈ ಹಿಂದೆ ಯಾವುದೇ ಆ್ಯಪ್‌ಗಳೊಂದಿಗೆ ವಯಸ್ಸನ್ನು ಹಂಚಿಕೊಳ್ಳಲು ನಿರಾಕರಿಸಿದ್ದಲ್ಲಿ ಅವುಗಳಿಗೆ ರೀಸೆಟ್ ಆಗಿ ಕಾರ್ಯನಿರ್ವಹಿಸುತ್ತದೆ.

ನಿಮ್ಮ Apple ಖಾತೆಯೊಂದಿಗೆ ಸಂಯೋಜಿಸಿರುವ ಜನ್ಮದಿನಾಂಕವನ್ನು ನೀವು ಅಪ್‌ಡೇಟ್ ಮಾಡಬೇಕಿದ್ದಲ್ಲಿ, ನಿಮ್ಮ ಸಾಧನದಲ್ಲಿನ ಸೆಟ್ಟಿಂಗ್ಸ್ > [ನಿಮ್ಮ ಹೆಸರು] > ವೈಯಕ್ತಿಕ ಮಾಹಿತಿ ಎಂಬಲ್ಲಿಗೆ ಹೋಗುವ ಮೂಲಕ ಅದನ್ನು ಮಾಡಬಹುದು. ನಿಮ್ಮ ಕುಟುಂಬ ಗುಂಪಿನಲ್ಲಿರುವ ಮಗು ಅಥವಾ ಹದಿಹರೆಯದವರ ಜನ್ಮದಿನಾಂಕವನ್ನು ನೀವು ಅಪ್‌ಡೇಟ್ ಮಾಡಬೇಕಿದ್ದಲ್ಲಿ, ನಿಮ್ಮ ಸಾಧನದಲ್ಲಿನ ಸೆಟ್ಟಿಂಗ್ಸ್ > ಕುಟುಂಬ > [ಮಗು ಅಥವಾ ಹದಿಹರೆಯದವರ ಹೆಸರು] > ವೈಯಕ್ತಿಕ ಮಾಹಿತಿ ಎಂಬಲ್ಲಿಗೆ ಹೋಗುವ ಮೂಲಕ ಮಾಡಬಹುದು. ಜನ್ಮದಿನಾಂಕವನ್ನು ಅಪ್‌ಡೇಟ್ ಮಾಡಿದ ನಂತರ ಆ್ಯಪ್‌ಗಳಿಗಾಗಿ ವರ್ಯೋವರ್ಗ ಎಂಬ ಫೀಚರ್ ಅನ್ನು ಮತ್ತೆ ಸಕ್ರಿಯಗೊಳಿಸಬೇಕು.

ವಯಸ್ಸನ್ನು ಹಂಚಿಕೊಳ್ಳುವುದರ ಮೇಲಿನ ಪ್ರಾದೇಶಿಕ ನಿರ್ಬಂಧಗಳು

ಕೆಲವು ದೇಶಗಳು ಅಥವಾ ಪ್ರದೇಶಗಳಲ್ಲಿ, Apple ಕಾನೂನಿಗೆ ಅನುಸಾರವಾಗಿ ವಿನಂತಿಸಿದಾಗ ನಿಮ್ಮ ವಯಸ್ಸಿನ ಮಾಹಿತಿಯನ್ನು ಆ್ಯಪ್‌ಗಳೊಂದಿಗೆ ಹಂಚಿಕೊಳ್ಳುತ್ತದೆ. ನಿಮ್ಮ Apple ಖಾತೆ ಅಥವಾ ಮಗು ಅಥವಾ ಹದಿಹರೆಯದವರ Apple ಖಾತೆಯು ಆ ದೇಶಗಳು ಅಥವಾ ಪ್ರದೇಶಗಳ ಪಟ್ಟಿಯಲ್ಲಿ ಇದೆ ಎಂದಾದರೆ, ಆ್ಯಪ್‌ಗಳಿಗಾಗಿ ವಯಸ್ಸನ್ನು ಹಂಚಿಕೊಳ್ಳುವ ಆಯ್ಕೆಯನ್ನು “ಯಾವಾಗಲೂ” ಎಂಬ ಹಂಚಿಕೆ ಸೆಟ್ಟಿಂಗ್‌ಗೆ ಸೆಟ್ ಮಾಡಲಾಗುತ್ತದೆ ಮತ್ತು ಈ ಕಾನ್ಫಿಗರೇಶನ್ ಅನ್ನು ಬದಲಾಯಿಸುವುದರ ಮೇಲೆ ನಿರ್ಬಂಧಗಳು ಇರುತ್ತವೆ. ನಿಮ್ಮ ವಯಸ್ಸನ್ನು ಹೇಗೆ ಖಚಿತಪಡಿಸಲಾಗಿದೆ ಮತ್ತು ಕೆಲವು ಪ್ರಾದೇಶಿಕವಾಗಿ ನಿರ್ದಿಷ್ಟಪಡಿಸಿರುವ ಅವಶ್ಯಕತೆಗಳು ನಿಮಗೆ ಅನ್ವಯಿಸುತ್ತವೆಯೇ ಎಂಬುದನ್ನು ಸಹ ನಿಮ್ಮ ಸಾಧನವು ಹಂಚಿಕೊಳ್ಳುತ್ತದೆ.

ವೈಯುಕ್ತಿಕ ಡೇಟವನ್ನು ಪ್ರಕ್ರಿಯೆಗೊಳಿಸುವುದಕ್ಕಾಗಿ ಅನ್ವಯವಾಗುವ ಕಾನೂನುಬದ್ಧ ಆಧಾರ

ನಾವು ಸಾಮಾನ್ಯವಾಗಿ Apple ಜೊತೆಗಿನ ನಿಮ್ಮ ವೈಯುಕ್ತಿಕ ಒಪ್ಪಂದದ ನಿರ್ವಹಣೆಗಾಗಿ, ಸೇವೆಯನ್ನು ಒದಗಿಸಲು ಅಗತ್ಯವಾದ ಹಾಗೆ ಹಾಗೂ ನಮ್ಮ ಕಾನೂನುಬದ್ಧ ಬಾಧ್ಯತೆಗಳ ಅನುಸರಣೆಗಾಗಿ ಆ್ಯಪ್‌ಗಳಿಗಾಗಿ ವಯೋವರ್ಗ ಫೀಚರ್‌ಗಾಗಿ ವೈಯುಕ್ತಿಕ ಡೇಟವನ್ನು ಪ್ರಕ್ರಿಯೆಗೊಳಿಸುತ್ತೇವೆ. ಸಮ್ಮತಿಯು ಸೂಕ್ತವಾದ ಕಾನೂನುಬದ್ಧ ಆಧಾರವಾಗಿದ್ದಲ್ಲಿ, ನಾವು ಅದನ್ನು ಅನ್ವಯವಾಗುವ ಸ್ಥಳೀಯ ಕಾನೂನುಗಳ ಪ್ರಕಾರ ಪಡೆಯುತ್ತೇವೆ.

ನಿಮಗಾಗಿ ಅಥವಾ ನೀವು ಪೋಷಕರು/ಪಾಲಕರಾಗಿದ್ದಲ್ಲಿ ನಿಮ್ಮ ಕುಟುಂಬದಲ್ಲಿನ ಮಕ್ಕಳಿಗಾಗಿ ಫೀಚರ್ ಅನ್ನು ಸೆಟಪ್ ಮಾಡುವುದಕ್ಕೆ ಸಾಧ್ಯವಾಗಿಸುವ ಮತ್ತು ಅದನ್ನು ಒದಗಿಸುವ ಉದ್ದೇಶದಿಂದ, ಅನ್ವಯವಾಗುವ ಸ್ಥಳೀಯ ಕಾನೂನುಗಳು ಅನುಮತಿಸಿದಲ್ಲಿ, ನಮ್ಮ ಅಥವಾ ಯಾವುದಾದರೂ ಥರ್ಡ್ ಪಾರ್ಟಿಯ ಕಾನೂನುಬದ್ಧ ಹಿತಾಸಕ್ತಿಗಳ ಉದ್ದೇಶಗಳಿಗೆ ಅಗತ್ಯವಾದ ಹಾಗೆ ವೈಯುಕ್ತಿಕ ಡೇಟವನ್ನು ಪ್ರಕ್ರಿಯೆಗೊಳಿಸುತ್ತೇವೆ.

ಬಳಸಲಾದ ಡೇಟ ಇದನ್ನು ಒಳಗೊಂಡಿರುತ್ತದೆ:

• Apple ಖಾತೆ ಮಾಹಿತಿ, ನಿಮ್ಮ ಜನ್ಮದಿನಾಂಕ ಮತ್ತು ದೇಶ ಅಥವಾ ಪ್ರದೇಶ ಹಾಗೂ ಕುಟುಂಬ ಸದಸ್ಯತ್ವ ಮತ್ತು ಪಾತ್ರವನ್ನು ಒಳಗೊಂಡಂತೆ
• ಸಾಧನದ ಮಾಹಿತಿ, ಸಾಧನದ ಆಪರೇಟಿಂಗ್ ಸಿಸ್ಟಂನ ಒಳಗೊಂಡಂತೆ

ರಿಟೆನ್ಶನ್

ವೈಯಕ್ತಿಕ ಡೇಟವನ್ನು ಸಂಗ್ರಹಿಸಿದ ಉದ್ದೇಶ ಈಡೇರುವವರೆಗೆ ಮಾತ್ರವೇ Apple ಅದನ್ನು ಇರಿಸಿಕೊಳ್ಳುತ್ತದೆ, ಈ ಉದ್ದೇಶಗಳಲ್ಲಿ Appleನ ಗೌಪ್ಯತೆ ನೀತಿಯಲ್ಲಿ ಅಥವಾ ನಮ್ಮ ಸೇವಾ-ನಿರ್ದಿಷ್ಟ ಗೌಪ್ಯತೆ ನೋಟಿಸ್‌ಗಳಲ್ಲಿ ವಿವರಿಸಿರುವ, ಅಥವಾ ಕಾನೂನಿನ ಪ್ರಕಾರ ಅಗತ್ಯವಿರುವ ಉದ್ದೇಶಗಳೂ ಸೇರಿವೆ. ರಿಟೆನ್ಶನ್ ಅವಧಿಯನ್ನು ಮೌಲ್ಯಮಾಪನ ಮಾಡುವಾಗ, ಸಂಗ್ರಹಿಸಿದ ವೈಯಕ್ತಿಕ ಡೇಟವನ್ನು ಉಳಿಸಿಕೊಳ್ಳುವುದು ಅಗತ್ಯವೇ ಎಂಬುದನ್ನು ಜಾಗರೂಕವಾಗಿ ನಾವು ಮೊದಲಿಗೆ ಪರೀಕ್ಷಿಸುತ್ತೇವೆ, ನಂತರ ರಿಟೆನ್ಶನ್ ಅಗತ್ಯವಿದ್ದಲ್ಲಿ, ಕಾನೂನಿನ ಅಡಿಯಲ್ಲಿ ಅವಕಾಶ ನೀಡಲಾಗಿರುವ ಅತಿ ಕಡಿಮೆ ಅವಧಿಯವರೆಗೆ ವೈಯಕ್ತಿಕ ಡೇಟವನ್ನು ಉಳಿಸಿಕೊಳ್ಳಲು ಕೆಲಸ ಮಾಡುತ್ತೇವೆ.

ಆ್ಯಪ್‌ಗಳಿಗಾಗಿ ವಯೋವರ್ಗ ಫೀಚರ್‌ಗೆ ಸಂಬಂಧಿಸಿದಂತೆ ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ಹೇಗೆ ಬಳಸಲಾಗುತ್ತದೆ ಎಂಬುದರ ಕುರಿತು ನೀವು ಪ್ರಶ್ನೆಗಳನ್ನು ಹೊಂದಿದ್ದರೆ ಅಥವಾ ನಮ್ಮ ಡೇಟ ರಕ್ಷಣಾ ಅಧಿಕಾರಿಯನ್ನು ಸಂಪರ್ಕಿಸಲು ಬಯಸಿದರೆ, ನೀವು www.apple.com/legal/privacy/contact ಎಂಬಲ್ಲಿ ನಮ್ಮನ್ನು ಸಂಪರ್ಕಿಸಬಹುದು.

ಎಲ್ಲಾ ಸಮಯದಲ್ಲೂ, Apple ಸಂಗ್ರಹಿಸಿದ ಮಾಹಿತಿಯನ್ನು Appleನ ಗೌಪ್ಯತಾ ನೀತಿಗೆ ಅನುಸಾರವಾಗಿ ಪರಿಗಣಿಸಲಾಗುತ್ತದೆ, ಅದನ್ನು ನೀವು www.apple.com/in/privacy ಎಂಬಲ್ಲಿ ನೋಡಬಹುದು.

2025-12-12