• Apple ನಿಮಗೆ Apple Games ಆ್ಯಪ್ ಅನ್ನು ಒದಗಿಸಲು App Store, Apple Arcade ಮತ್ತು Game Centerನಿಂದ ನಿಮ್ಮ ಕುರಿತ ಮಾಹಿತಿಯನ್ನು ಹಾಗೂ ನಿಮ್ಮ ಸಾಧನದಲ್ಲಿರುವ ಮಾಹಿತಿಯನ್ನು ಸಂಯೋಜಿಸುತ್ತದೆ.
• ಫೀಚರ್‌ಗಳನ್ನು ನಿಮಗಾಗಿ ರಚಿಸಲು ಮತ್ತು ವೈಯಕ್ತಿಕಗೊಳಿಸಿದ ಅನುಭವವನ್ನು ನೀಡಲು ಹಾಗೂ ನಿಮಗೆ ಸಂವಹನಗಳನ್ನು ಕಳುಹಿಸಲು ನಾವು ಈ ಸೇವೆಗಳಲ್ಲಿನ ನಿಮ್ಮ ಖರೀದಿಗಳು, ಡೌನ್‌ಲೋಡ್‌ಗಳು ಮತ್ತು ಇತರ ಚಟುವಟಿಕೆಗಳ ಕುರಿತ ಮಾಹಿತಿಯನ್ನು ಬಳಸುತ್ತೇವೆ. ಕೆಳಗೆ ವಿವರಿಸಿದಂತೆ, ವೈಯಕ್ತಿಕಗೊಳಿಸಿದ ಶಿಫಾರಸುಗಳಿಗಾಗಿ ನೀವು App Store ಡೇಟದ ಬಳಕೆಯಿಂದ ಹೊರಗುಳಿಯಲು ಆಯ್ಕೆಮಾಡಬಹುದು.
• ಈ ಸೇವೆಗಳಾದ್ಯಂತ ನಿಮ್ಮ ಚಟುವಟಿಕೆಗಳನ್ನು ನಿಮಗಾಗಿ ಮತ್ತು ಇತರರಿಗಾಗಿ ಗೇಮ್ಸ್ ಆ್ಯಪ್ ಹಾಗೂ ಈ ಸೇವೆಗಳನ್ನು ಸುಧಾರಿಸಲು ಮತ್ತು ಆಪ್ಟಿಮೈಸ್ ಮಾಡಲು ಬಳಸಲಾಗುತ್ತದೆ.
• ವಂಚನೆಯನ್ನು ಗುರುತಿಸಲು ಮತ್ತು ತಡೆಗಟ್ಟುವುದಕ್ಕೆ ಸಹಾಯ ಮಾಡಲು, ನೀವು ಮಾಡುವ ಸಂಭಾವ್ಯ ಫೋನ್ ಕರೆಗಳು ಅಥವಾ ನೀವು ಕಳುಹಿಸುವ ಅಥವಾ ಸ್ವೀಕರಿಸುವ ಈಮೇಲ್‌ಗಳು ಸೇರಿದಂತೆ ನಿಮ್ಮ ಸಾಧನವನ್ನು ನೀವು ಹೇಗೆ ಬಳಸುತ್ತೀರಿ ಎಂಬುದರ ಕುರಿತ ಮಾಹಿತಿಯನ್ನು ನೀವು ಡೌನ್‌ಲೋಡ್ ಮಾಡುವಾಗ ಅಥವಾ ಖರೀದಿ ಮಾಡುವಾಗ ಸಾಧನದ ವಿಶ್ವಾಸಾರ್ಹ ಸ್ಕೋರ್ ಅನ್ನು ಲೆಕ್ಕಾಚಾರ ಮಾಡಲು ಬಳಸಲಾಗುತ್ತದೆ. ನಿಮ್ಮ ಸಾಧನದಲ್ಲಿನ ನಿಜವಾದ ಮೌಲ್ಯಗಳನ್ನು ತಿಳಿದುಕೊಳ್ಳಲು Appleಗೆ ಸಾಧ್ಯವಾಗದ ರೀತಿಯಲ್ಲಿ ಸಲ್ಲಿಕೆಗಳನ್ನು ವಿನ್ಯಾಸಗೊಳಿಸಲಾಗಿದೆ. ಸ್ಕೋರ್‌ಗಳನ್ನು ನಮ್ಮ ಸರ್ವರ್‌ಗಳಲ್ಲಿ ನಿಗದಿತ ಸಮಯದವರೆಗೆ ಸಂಗ್ರಹಿಸಲಾಗುತ್ತದೆ.

Apple Games ಆ್ಯಪ್ ನಿಮಗೆ ಹೊಸ ಆಟಗಳನ್ನು ಅನ್ವೇಷಿಸಲು ಮತ್ತು ಲೀಡರ್‌ಬೋರ್ಡ್‌ಗಳು ಮತ್ತು ಮಲ್ಟಿಪ್ಲೇಯರ್ ಗೇಮ್‌ಗಳಲ್ಲಿ ಭಾಗವಹಿಸಲು, ಸ್ನೇಹಿತರನ್ನು ಹುಡುಕಲು, ವೀಕ್ಷಿಸಲು ಮತ್ತು ಚಾಲೆಂಜ್ ಮಾಡಲು ಮತ್ತು ಸಾಧನೆಗಳನ್ನು ಟ್ರ್ಯಾಕ್ ಮಾಡುವಂತಹ ಗೇಮಿಂಗ್ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಲು ಅನುಮತಿಸುತ್ತದೆ.

ನಿಮಗೆ ಉತ್ತಮ ಅನುಭವವನ್ನು ಒದಗಿಸಲು ಗೇಮ್ಸ್ ಆ್ಯಪ್ ನಿಮ್ಮ App Store, Apple Arcade ಮತ್ತು Game Center ಬಳಕೆಯ ಕುರಿತು ಮಾಹಿತಿಯನ್ನು ಹಾಗೂ ನೀವು ಪ್ರಾರಂಭಿಸುವ ಗೇಮ್ ಸಂಬಂಧಿತ ಆ್ಯಪ್‌ಗಳ ಕುರಿತು ನಿಮ್ಮ ಸಾಧನದಿಂದ ಮಾಹಿತಿಯನ್ನು ಸಂಯೋಜಿಸುತ್ತದೆ. ಗೇಮ್ಸ್ ಆ್ಯಪ್‌ನೊಂದಿಗೆ ಪ್ರಾರಂಭಿಸಲು, ನಿಮ್ಮ Game Center ಖಾತೆಗೆ ನೀವು ಸೈನ್ ಇನ್ ಮಾಡಬೇಕಾಗುತ್ತದೆ ಮತ್ತು ಈ ಸೇವೆಗಳಲ್ಲಿ ನಿಮ್ಮ ಚಟುವಟಿಕೆಯನ್ನು ಸಂಯೋಜಿಸಲು Appleಗೆ ಅನುಮತಿ ನೀಡಲು ಒಪ್ಪಿಕೊಳ್ಳಬೇಕಾಗುತ್ತದೆ. ಸೆಟ್ಟಿಂಗ್ಸ್ > Apple Games ಎಂಬಲ್ಲಿಗೆ ಹೋಗುವ ಮೂಲಕ ನಿಮ್ಮ ಆಯ್ಕೆಯನ್ನು ನೀವು ಯಾವಾಗ ಬೇಕಾದರೂ ಬದಲಾಯಿಸಬಹುದು. ಆದರೂ, ಈ ಇತರ ಸೇವೆಗಳಿಂದ ಮಾಹಿತಿಯನ್ನು ಬಳಸುವ Apple Gamesಗೆ ನೀವು ಒಪ್ಪದಿದ್ದರೆ, ನಿಮಗೆ ಗೇಮ್ಸ್ ಆ್ಯಪ್ ಅನ್ನು ಬಳಸಲು ಸಾಧ್ಯವಾಗುವುದಿಲ್ಲ.

ಗೇಮ್ಸ್ ಆ್ಯಪ್ ಅನ್ನು ಒದಗಿಸುವುದು

ಗೇಮ್ಸ್ ಆ್ಯಪ್, ನೀವು ಡೌನ್‌ಲೋಡ್ ಮಾಡಿದ ಗೇಮ್ ಸಂಬಂಧಿಸಿದ ಆ್ಯಪ್‌ಗಳ ಕುರಿತು ಮಾಹಿತಿಯನ್ನು (App Storeನಿಂದ, Apple Games ಆ್ಯಪ್‌ನಲ್ಲಿ ಮತ್ತು Macನಲ್ಲಿ) ಹಾಗೆಯೇ Game Center ಮತ್ತು ಹೋಮ್ ಟ್ಯಾಬ್ ಮತ್ತು ನಿಮ್ಮ ಗೇಮ್ ಲೈಬ್ರರಿಯಲ್ಲಿರುವಂತಹ ಅನುಭವಗಳನ್ನು ಶಕ್ತಗೊಳಿಸಲು ನೀವು ಇತ್ತೀಚೆಗೆ ಆಡಿದ ಅಥವಾ ಪ್ರಾರಂಭಿಸಿದ ಈ ಆ್ಯಪ್‌ಗಳ ಕುರಿತು ಆನ್-ಡಿವೈಸ್ ಮಾಹಿತಿಯನ್ನು ಬಳಸುತ್ತದೆ. ನಿಮ್ಮ ಎಲ್ಲಾ ಗೇಮ್ಸ್ ಆ್ಯಪ್‌ಗಳನ್ನು ನಿಮಗೆ ಒಂದೇ ಸ್ಥಳದಲ್ಲಿ ತೋರಿಸಲು ಮತ್ತು ನೀವು ಎಲ್ಲಿ ನಿಲ್ಲಿಸಿದ್ದೀರೋ ಅಲ್ಲಿಂದಲೇ ಸುಲಭವಾಗಿ ಮುಂದುವರಿಸಲು ನಾವು ಈ ಮಾಹಿತಿಯನ್ನು ಬಳಸುತ್ತೇವೆ.

ನೀವು ಗೇಮ್ಸ್ ಆ್ಯಪ್ ಅಥವಾ App Storeನಿಂದ ಗೇಮ್ ಸಂಬಂಧಿತ ಆ್ಯಪ್ ಅನ್ನು ಡೌನ್‌ಲೋಡ್ ಮಾಡಿದಾಗ, ನಿಮ್ಮ ಸಾಧನದ ಹಾರ್ಡ್‌ವೇರ್ ID ಮತ್ತು IP ವಿಳಾಸದಂತಹ ಐಡೆಂಟಿಫೈಯರ್‌ಗಳನ್ನು ನಿಮ್ಮ Apple ಖಾತೆಯೊಂದಿಗೆ Apple ಲಾಗ್ ಮಾಡುತ್ತದೆ. ಕೆಲವು ಪ್ರದೇಶಗಳಲ್ಲಿ ಕಾನೂನು ನಿರ್ಬಂಧಗಳಿಗೆ ಒಳಪಟ್ಟಿರುವ ಕೆಲವು ಆ್ಯಪ್‌ಗಳನ್ನು ನಿಮಗೆ ಲಭ್ಯವಾಗುವಂತೆ ಮಾಡಬಹುದೇ ಬೇಡವೇ ಎಂಬುದನ್ನು ನಿರ್ಣಯಿಸುವುದಕ್ಕಾಗಿ ನಿಮ್ಮ ಸ್ಥಳವನ್ನು ಅಂದಾಜಿಸಲು Apple ನಿಮ್ಮ ಇಂಟರ್ನೆಟ್ ಕನೆಕ್ಷನ್‌ನ IP ವಿಳಾಸವನ್ನು ಬಳಸಬಹುದು.

ಪ್ರೊಫೈಲ್‌ಗಳು
ನಿಮ್ಮ Game Center ಪ್ರೊಫೈಲ್, ನಿಮ್ಮ ಅಡ್ಡ ಹೆಸರು, ಅವತಾರ್, ನಿಮ್ಮ ಸ್ನೇಹಿತರ ಪಟ್ಟಿ ಮತ್ತು ನಿಮ್ಮ ಗೇಮಿಂಗ್ ಚಟುವಟಿಕೆ ಸೇರಿದಂತೆ ಎಲ್ಲವೂ ಗೇಮ್ಸ್ ಆ್ಯಪ್‌ನಲ್ಲಿ ಲಭ್ಯವಿರುತ್ತದೆ. ನಿಮ್ಮ Game Center ಪ್ರೊಫೈಲ್ ಮತ್ತು ಚಟುವಟಿಕೆಗಾಗಿ ಯಾವುದೇ ಗೌಪ್ಯತೆ ಸೆಟ್ಟಿಂಗ್ಸ್ ಅನ್ನು ಸಕ್ರಿಯಗೊಳಿಸಿದ್ದರೆ, ಅದು Apple Gamesನಲ್ಲಿಯೂ ಅನ್ವಯವಾಗುತ್ತವೆ. ಆಟಗಾರರ ಅವತಾರ್ ಮೇಲೆ ಟ್ಯಾಪ್ ಮಾಡುವುದರಿಂದ ನಿಮ್ಮನ್ನು ಆ ಆಟಗಾರರ ಪ್ರೊಫೈಲ್ ಪುಟಕ್ಕೆ ಕರೆದೊಯ್ಯುತ್ತದೆ. ನೀವು ಈಗಾಗಲೇ ಸ್ನೇಹಿತರಾಗಿಲ್ಲದಿದ್ದರೆ, ಪ್ರೊಫೈಲ್ ಪುಟದಲ್ಲಿ ನೀವು ಸ್ನೇಹಿತರಾಗಲು ವಿನಂತಿಸಬಹುದು ಅಥವಾ ನಿಮ್ಮ ಮತ್ತು ಅವರ ಸೆಟ್ಟಿಂಗ್ಸ್ ಅನುಮತಿಸಿದರೆ, ಆಟಗಾರರನ್ನು ಸಂಪರ್ಕಿಸಬಹುದು.

ಸ್ನೇಹಿತರು
ಗೇಮ್ಸ್ ಆ್ಯಪ್‌ನಲ್ಲಿರುವ ಸ್ನೇಹಿತರ ಸಲಹೆಗಳು, ಚಾಲೆಂಜ್‌ಗಳು ಮತ್ತು ಒಟ್ಟಿಗೆ ಆಡುವ ಮಲ್ಟಿಪ್ಲೇಯರ್ ಗೇಮ್‌ಗಳು ಹಾಗೂ ನೀವು ಸಾಮಾನ್ಯವಾಗಿ ಹೊಂದಿರುವ ಗೇಮ್‌ಗಳು ಮತ್ತು ಸ್ನೇಹಿತರ ಸಂಖ್ಯೆಯನ್ನು ಆಧರಿಸಿವೆ. ಇದರ ಜೊತೆಗೆ, ನಿಮ್ಮ Game Center ಅಡ್ಡ ಹೆಸರನ್ನು ನಿಮ್ಮ ಸಂಪರ್ಕ ಕಾರ್ಡ್‌ನೊಂದಿಗೆ ಲಿಂಕ್ ಮಾಡಿದ್ದರೆ, ನಿಮ್ಮ ಈಮೇಲ್ ವಿಳಾಸ ಮತ್ತು ನಿಮ್ಮ Apple ಖಾತೆಯೊಂದಿಗೆ ಸಂಯೋಜಿತವಾಗಿರುವ ಫೋನ್ ಸಂಖ್ಯೆಯನ್ನು ಸ್ನೇಹಿತರು ನಿಮ್ಮನ್ನು ಹುಡುಕುವುದಕ್ಕೆ ಸಹಾಯ ಮಾಡಲು ಬಳಸಲಾಗುತ್ತದೆ. ಮತ್ತು ನಿಮ್ಮ ಸಂಪರ್ಕಗಳು ತಮ್ಮ Game Center ಅಡ್ಡ ಹೆಸರನ್ನು ಅವರ ಸಂಪರ್ಕ ಕಾರ್ಡ್‌ನೊಂದಿಗೆ ಲಿಂಕ್ ಮಾಡಿದ್ದರೆ, ಆ ಮಾಹಿತಿಯನ್ನು ನಿಮಗಾಗಿ ಸ್ನೇಹಿತರ ಶಿಫಾರಸುಗಳನ್ನು ಹೆಚ್ಚಿಸಲು ಆನ್-ಡಿವೈಸ್ ಪ್ರಾಸೆಸಿಂಗ್ ಜೊತೆಗೆ ಬಳಸಲಾಗುತ್ತದೆ.

ಚಾಲೆಂಜ್‌ಗಳು
ಚಾಲೆಂಜ್‌ಗಳು ಎಂಬುದು Apple Games ಆ್ಯಪ್‌ನ ಒಂದು ಫೀಚರ್ ಆಗಿದ್ದು, ಅದು ನಿಮಗೆ ಮತ್ತು ನಿಮ್ಮ Game Center ಸ್ನೇಹಿತರಿಗೆ ನಿಮ್ಮ ಮೆಚ್ಚಿನ ಗೇಮ್‌ಗಳನ್ನು ಒಟ್ಟಿಗೆ ಆಡಲು ಅನುಮತಿಸುತ್ತದೆ. ನೀವು ಆಡುವ ಅಥವಾ ಆಸಕ್ತಿ ಹೊಂದಿರುವ ಗೇಮ್‌ಗಳನ್ನು ಯಾವ ಸ್ನೇಹಿತರು ಆಡುತ್ತಿದ್ದಾರೆ ಎಂಬುದನ್ನು ನಿಮಗೆ ತೋರಿಸಲು, ಸ್ನೇಹಿತರ ಸಲಹೆಗಳೊಂದಿಗೆ ಹೊಸ ಸ್ನೇಹಿತರನ್ನು ಹುಡುಕಲು ಮತ್ತು ಒಟ್ಟಿಗೆ ಆಡಲು ಚಾಲೆಂಜ್‌ಗಳನ್ನು ಶಿಫಾರಸು ಮಾಡಲು ನಾವು ನಿಮ್ಮ Game Center ಸ್ನೇಹಿತರ ಬಗ್ಗೆ ಮಾಹಿತಿಯನ್ನು ಬಳಸುತ್ತೇವೆ.

ಚಾರ್ಟ್‌ಗಳು
ಗೇಮ್ಸ್ ಆ್ಯಪ್ ಮತ್ತು App Storeನಲ್ಲಿ ಚಾರ್ಟ್‌ಗಳನ್ನು ರಚಿಸಲು, ನೀವು ಮತ್ತು ಇತರರು ಆಡುವ Game Center-ಸಕ್ರಿಯಗೊಳಿಸಿದ ಗೇಮ್‌ಗಳ ಕುರಿತು ಒಟ್ಟುಗೂಡಿಸಿದ ಮಾಹಿತಿಯನ್ನು ಬಳಸಲಾಗುತ್ತದೆ.

ಗೇಮ್ಸ್ ಆ್ಯಪ್ ವೈಯಕ್ತೀಕರಿಸುವುದು

ನಿಮಗೆ ಅತ್ಯುತ್ತಮ ಗೇಮಿಂಗ್ ಅನುಭವವನ್ನು ಒಂದೇ ಸ್ಥಳದಲ್ಲಿ ಒದಗಿಸಲು, ಗೇಮ್ಸ್ ಆ್ಯಪ್‌ನಲ್ಲಿ ನಿಮ್ಮ ಅನುಭವವನ್ನು ನಾವು ವೈಯಕ್ತೀಕರಿಸುತ್ತೇವೆ. ಇದನ್ನು ಮಾಡಲು, ನಾವು App Store, Apple Arcade ಮತ್ತು Game Centerನಿಂದ ನಿಮ್ಮ ಕುರಿತಾದ ಮಾಹಿತಿಯನ್ನು ಹಾಗೂ ನಿಮ್ಮ ಗೇಮ್ ಆ್ಯಪ್ ಬಳಕೆಯ ಕುರಿತು ಸಾಧನದಲ್ಲಿನ ಮಾಹಿತಿಯನ್ನು ಬಳಸುತ್ತೇವೆ.

App Store
ನಿಮಗೆ ಹೆಚ್ಚು ಸೂಕ್ತವಾದ ಗೇಮ್‌ಗಳನ್ನು ಅನ್ವೇಷಿಸಲು ನಿಮಗೆ ಸಹಾಯ ಮಾಡುವುದಕ್ಕಾಗಿ ನಿಮ್ಮ App Store ಜೊತೆಗಿನ ನಿಮ್ಮ ಸಂವಾದಗಳನ್ನು ನಾವು ಬಳಸುತ್ತೇವೆ. ಉದಾಹರಣೆಗೆ, ನೀವು ಈ ಹಿಂದೆ App Store ಮತ್ತು ಗೇಮ್ಸ್ ಆ್ಯಪ್‌ನಲ್ಲಿ ಹುಡುಕಿದ, ನೋಡಿದ, ಡೌನ್‌ಲೋಡ್ ಮಾಡಿದ, ಅಪ್‌ಡೇಟ್ ಮಾಡಿದ ಅಥವಾ ಪರಿಶೀಲಿಸಿರುವುದರ ಆಧಾರದ ಮೇಲೆ ನಿಮಗೆ ಆಸಕ್ತಿದಾಯಕವೆಂದು ನಮಗೆ ಅನಿಸುವ ಗೇಮ್‌ಗಳು ಮತ್ತು ಆ್ಯಪ್‌ನಲ್ಲಿನ ಇವೆಂಟ್‌ಗಳನ್ನು ನಾವು ಶಿಫಾರಸು ಮಾಡುತ್ತೇವೆ. ನೀವು ಬಳಸುವ ಸಾಧನಗಳು ಮತ್ತು ನೀವು ಸಕ್ರಿಯಗೊಳಿಸುವ ಹೊಸ ಸಾಧನಗಳು ಸೇರಿದಂತೆ ಆ್ಯಪ್‌ನಲ್ಲಿ ಮಾಡುವ ಖರೀದಿಗಳು, ಸಬ್‌ಸ್ಕ್ರಿಪ್ಶನ್‌ಗಳು ಮತ್ತು ಪಾವತಿ ವಿಧಾನಗಳು ಸೇರಿದಂತೆ ನಿಮ್ಮ ಖರೀದಿ ಇತಿಹಾಸದಂತಹ ನಿಮ್ಮ Apple ಖಾತೆಯಿಂದ ತೆಗೆದುಕೊಳ್ಳಲಾದ ಖಾತೆ ಮಾಹಿತಿಯನ್ನು ಸಹ ನಾವು ಬಳಸುತ್ತೇವೆ. ಉತ್ತಮ ಶಿಫಾರಸುಗಳನ್ನು ನೀಡಲು, Apple ಮೂಲಕ ಸಾಧನದ ಅನಾಲಿಟಿಕ್ಸ್ ಅನ್ನು ಹಂಚಿಕೊಳ್ಳಲು ಆಯ್ಕೆಮಾಡುವ ಬಳಕೆದಾರರಿಂದ ಆ್ಯಪ್ ಲಾಂಚ್‌ಗಳು, ಇನ್‌ಸ್ಟಾಲ್‌ಗಳು ಮತ್ತು ಡಿಲೀಷನ್‌ಗಳ ಕುರಿತು ಒಟ್ಟು ಮಾಹಿತಿಯನ್ನು ನಾವು ಬಳಸುತ್ತೇವೆ, ಹಾಗೆಯೇ ಆ್ಯಪ್ ರೇಟಿಂಗ್‌ಗಳ ಕುರಿತು ಮಾಹಿತಿಯನ್ನು ಒಟ್ಟುಗೂಡಿಸುತ್ತೇವೆ. ನಿಮ್ಮ App Store ಮತ್ತು ಗೇಮ್ಸ್ ಬಳಕೆಯ ಕುರಿತು Apple ಸ್ವೀಕರಿಸುವ ಮಾಹಿತಿಯು ನೀವು ಟ್ಯಾಪ್ ಮಾಡುವ ಮತ್ತು ವೀಕ್ಷಿಸುವ ವೈಯಕ್ತೀಕರಿಸಿದ ಕಂಟೆಂಟ್ ಕುರಿತ ಮಾಹಿತಿಯನ್ನು ಒಳಗೊಂಡಿರುತ್ತದೆ.

ನಿಮ್ಮ Apple ಖಾತೆಗಾಗಿ ವೈಯಕ್ತಿಕಗೊಳಿಸಿದ ಶಿಫಾರಸುಗಳನ್ನು ಆಫ್ ಮಾಡುವ ಮೂಲಕ ನೀವು App Storeನಲ್ಲಿ ಮತ್ತು ಇತರ ಕೆಲವು ಸೇವೆಗಳಲ್ಲಿ ವೈಯಕ್ತಿಕಗೊಳಿಸುವ ಫೀಚರ್‌ಗಳನ್ನು ಆಫ್ ಮಾಡಬಹುದು. ನಿಮ್ಮ iOS, iPadOS ಅಥವಾ visionOS ಸಾಧನಗಳಲ್ಲಿ, ಸೆಟ್ಟಿಂಗ್ಸ್ > [ನಿಮ್ಮ ಹೆಸರು] > ಮೀಡಿಯಾ ಮತ್ತು ಖರೀದಿಗಳು > ಖಾತೆಯನ್ನು ನೋಡಿ ಎನ್ನುವಲ್ಲಿ ಹೋಗಿ ಮತ್ತು ನಂತರ ವೈಯಕ್ತೀಕರಿಸಿದ ಶಿಫಾರಸುಗಳನ್ನು ಆಫ್ ಮಾಡಲು ಟ್ಯಾಪ್ ಮಾಡಿ. ವೈಯಕ್ತಿಕಗೊಳಿಸಿದ ಶಿಫಾರಸುಗಳನ್ನು ಆಫ್ ಮಾಡಿದಾಗ, ಗೇಮ್ಸ್ ಆ್ಯಪ್‌ನಲ್ಲಿ ನಿಮಗೆ ಶಿಫಾರಸುಗಳನ್ನು ನೀಡಲು App Storeನಿಂದ ಮೇಲೆ ವಿವರಿಸಿದ ಮಾಹಿತಿಯನ್ನು ಗೇಮ್ಸ್ ಆ್ಯಪ್ ಬಳಸುವುದಿಲ್ಲ, ಆದರೆ ನಿಮ್ಮ ಗೇಮ್ಸ್ ಆ್ಯಪ್ ಲೈಬ್ರರಿಯ ಭಾಗವಾಗಿ ನೀವು ಡೌನ್‌ಲೋಡ್ ಮಾಡಿದ ಗೇಮ್‌ಗಳ ಆ್ಯಪ್‌ಗಳನ್ನು ನಾವು ಈಗಲೂ ನಿಮಗೆ ತೋರಿಸುತ್ತೇವೆ.

Arcade
ನೀವು Apple Arcadeಗೆ ಸಬ್‌ಸ್ಕ್ರೈಬ್ ಮಾಡಿದಾಗ, ಗೇಮ್ಸ್ ಆ್ಯಪ್ ನೀವು ಡೌನ್‌ಲೋಡ್ ಮಾಡಿದ ಮತ್ತು ಆಡಿದ Arcade ಗೇಮ್‌ಗಳನ್ನು ಹಾಗೂ ನಿಮ್ಮ ಸಬ್‌ಸ್ಕ್ರಿಪ್ಶನ್‌ನ ಭಾಗವಾಗಿ ನಿಮಗೆ ಲಭ್ಯವಿರುವ Apple Arcade ಆ್ಯಪ್‌ಗಳನ್ನು ಒಳಗೊಂಡಿರುತ್ತದೆ. ನಿಮಗೆ ಆಸಕ್ತಿಯಿರಬಹದಾದ ಇತರ ಗೇಮ್‌ಗಳ ಶಿಫಾರಸುಗಳನ್ನು ಸೂಚಿಸುವುದಕ್ಕೆ ಸಹಾಯ ಮಾಡಲು ನಾವು ನಿಮ್ಮ Apple Arcade ಚಟುವಟಿಕೆಯ ಕುರಿತು ಮಾಹಿತಿಯನ್ನು ಸಹ ಬಳಸುತ್ತೇವೆ.

Game Center
ನೀವು ಆಡುವ Game Center-ಸಕ್ರಿಯಗೊಳಿಸಿದ ಗೇಮ್‌ಗಳು ಮತ್ತು Game Center ಚಾಲೆಂಜ್‌ಗಳು, ಸಾಧನೆಗಳು ಮತ್ತು ಲೀಡರ್‌ಬೋರ್ಡ್‌ಗಳನ್ನು ಒಳಗೊಂಡಂತೆ ನಿಮ್ಮ Game Center ಚಟುವಟಿಕೆಯನ್ನು ನಿಮ್ಮ App Store ಚಟುವಟಿಕೆಯೊಂದಿಗೆ ಸಂಯೋಜಿಸಿ ಗೇಮ್‌ಗಳು, ಚಾಲೆಂಜ್‌ಗಳು, ಆ್ಯಪ್‌ನಲ್ಲಿನ ಇವೆಂಟ್‌ಗಳು ಮತ್ತು ಸ್ನೇಹಿತರನ್ನು ನಿಮಗೆ ಶಿಫಾರಸು ಮಾಡಲು ಬಳಸಲಾಗುತ್ತದೆ.

ಆನ್-ಡಿವೈಸ್ ಆ್ಯಪ್ ಬಳಕೆ
ಬಳಕೆದಾರರಿಗೆ ಅತ್ಯುತ್ತಮ ಅನುಭವವನ್ನು ಒದಗಿಸಲು, ನೀವು ಯಾವ ಗೇಮ್ ಸಂಬಂಧಿಸಿದ ಆ್ಯಪ್‌ಗಳನ್ನು ಪ್ರಾರಂಭಿಸಿದ್ದೀರಿ ಮತ್ತು ನೀವು ಅವುಗಳನ್ನು ಎಷ್ಟು ಇತ್ತೀಚೆಗೆ ಪ್ರಾರಂಭಿಸಿದ್ದೀರಿ ಎಂಬುದರ ಕುರಿತು ನಿಮ್ಮ ಸಾಧನದಲ್ಲಿನ ಮಾಹಿತಿಯನ್ನು ನಾವು ಆ್ಯಕ್ಸೆಸ್ ಮಾಡುತ್ತೇವೆ, ಇದರಿಂದಾಗಿ ನಿಮ್ಮ ಗೇಮ್‌ಗಳನ್ನು ಇತ್ತೀಚಿನ ತೊಡಗಿಸಿಕೊಳ್ಳುವಿಕೆ ಆಧಾರದ ಮೇಲೆ ವಿಂಗಡಿಸಬಹುದು.

ಗೇಮ್ಸ್ ಆ್ಯಪ್ ಸುಧಾರಿಸುವುದು

ಗೇಮ್ಸ್ ಆ್ಯಪ್ ಮತ್ತು ಸಂಬಂಧಿತ ಸೇವೆಗಳಲ್ಲಿನ ಅನುಭವವನ್ನು ಸುಧಾರಿಸಲು ಮತ್ತು ಅತ್ಯುತ್ತಮವಾಗಿಸಲು, ನಾವು ನಿಮ್ಮ ಆ್ಯಪ್ ಬಳಕೆಯ ಬಗ್ಗೆ ಹಾಗೂ App Store, Apple Arcade ಮತ್ತು Game Center ಬಗ್ಗೆ ಮಾಹಿತಿಯನ್ನು ಸಂಗ್ರಹಿಸುತ್ತೇವೆ. ಈ ಮಾಹಿತಿಯು ನೀವು ಈ ಆ್ಯಪ್‌ಗಳು ಮತ್ತು ಸೇವೆಗಳನ್ನು ತೆರೆದಾಗ ಮತ್ತು ಮುಚ್ಚಿದಾಗ ನೀವು ಹುಡುಕುವ, ವೀಕ್ಷಿಸುವ ಮತ್ತು ಡೌನ್‌ಲೋಡ್ ಮಾಡುವ ಕಂಟೆಂಟ್ ಮತ್ತು ಗೇಮ್‌ಗಳು, ನೋಟಿಫಿಕೇಷನ್‌ಗಳು ಮತ್ತು ಬ್ಯಾಡ್ಜ್‌ಗಳೊಂದಿಗಿನ ನಿಮ್ಮ ಸಂವಹನಗಳು ಮತ್ತು ಗೇಮ್ ಸಂಬಂಧಿತ ಆ್ಯಪ್‌ಗಳಲ್ಲಿನ ನಿಮ್ಮ ಖರೀದಿಗಳನ್ನು ಒಳಗೊಂಡಿರುತ್ತದೆ. ಸಾಧನದ ಪ್ರಕಾರ, ನಿಮ್ಮ ಆಪರೇಟಿಂಗ್ ಸಿಸ್ಟಂನ ಆವೃತ್ತಿ ಮತ್ತು ನಿಮ್ಮ ಸಾಧನದಲ್ಲಿ ಲಭ್ಯವಿರುವ ಸ್ಥಳಾವಕಾಶದಂತಹ ನಿಮ್ಮ ಸಾಧನದ ಕುರಿತ ಮಾಹಿತಿಯನ್ನು ಸಹ ನಾವು ಸಂಗ್ರಹಿಸುತ್ತೇವೆ. ಈ ಆ್ಯಪ್‌ಗಳು ಮತ್ತು ಸೇವೆಗಳನ್ನು ಸುಧಾರಿಸಲು ಮತ್ತು ಹೊಸ ಗೇಮ್ಸ್ ಸಂಬಂಧಿತ ಫೀಚರ್‌ಗಳು ಮತ್ತು ಕಾರ್ಯನಿರ್ವಹಣೆಯ ಅಭಿವೃದ್ಧಿಗೆ ಮಾರ್ಗದರ್ಶನ ನೀಡಲು, ನೀವು ಮತ್ತು ಇತರರು ಗೇಮ್ಸ್ ಆ್ಯಪ್ ಮತ್ತು ಸಂಬಂಧಿತ ಸೇವೆಗಳ ಫೀಚರ್‌ಗಳೊಂದಿಗೆ ಹೇಗೆ ತೊಡಗಿಸಿಕೊಳ್ಳುತ್ತೀರಿ ಎಂಬುದನ್ನು ಅರ್ಥಮಾಡಿಕೊಳ್ಳಲು ನಾವು ಈ ಮಾಹಿತಿಯನ್ನು ಸಂಯೋಜಿಸುತ್ತೇವೆ ಮತ್ತು ಬಳಸುತ್ತೇವೆ.

ನಿಮ್ಮ ಗೇಮ್ಸ್ ಆ್ಯಪ್ ಬಳಕೆಯ ಮಾಹಿತಿಯು ನಿಮ್ಮ Apple Games ಬಳಕೆಗೆ ನಿರ್ದಿಷ್ಟವಾದ ರ್‍ಯಾಂಡಮ್ ಅನನ್ಯ ಐಡೆಂಟಿಫೈಯರ್‌ನೊಂದಿಗೆ ಸಂಯೋಜಿತವಾಗಿದೆ ಮತ್ತು ಅದನ್ನು ನಿಮ್ಮ Apple ಖಾತೆಯಲ್ಲಿ ಸಂಗ್ರಹಿಸಲಾಗುವುದಿಲ್ಲ. ನಿಮ್ಮ iOS, iPadOS ಅಥವಾ visionOS ಸಾಧನದಲ್ಲಿ ಐಡೆಂಟಿಫೈಯರ್ ಅನ್ನು ರೀಸೆಟ್ ಮಾಡಲು, ಸೆಟ್ಟಿಂಗ್ಸ್ > ಆ್ಯಪ್‌ಗಳು > ಗೇಮ್ಸ್ > ಐಡೆಂಟಿಫೈಯರ್ ರೀಸೆಟ್ ಮಾಡಿ ಎಂಬಲ್ಲಿಗೆ ಹೋಗಿ. Macನಲ್ಲಿ, ಗೇಮ್ಸ್ > ಸೆಟ್ಟಿಂಗ್ಸ್ > ಐಡೆಂಟಿಫೈಯರ್ ರೀಸೆಟ್ ಮಾಡಿ ಎಂಬಲ್ಲಿಗೆ ಹೋಗಿ.

ಗೇಮ್ಸ್ ಆ್ಯಪ್‌ನಲ್ಲಿ ಮಕ್ಕಳು

Apple Games ಆ್ಯಪ್ ಮಕ್ಕಳ ಸೆಟ್ಟಿಂಗ್ಸ್ ಮತ್ತು ಪೋಷಕರು ಹೇರುವ ನಿಯಂತ್ರಣಗಳನ್ನು ಪರಿಗಣಿಸುತ್ತದೆ. Game Center ಗೌಪ್ಯತೆ ಸೆಟ್ಟಿಂಗ್ಸ್ ಮತ್ತು ಮಕ್ಕಳಿಗಾಗಿ ಸ್ಕ್ರೀನ್ ಟೈಮ್ ಕಂಟೆಂಟ್ ಮತ್ತು ಗೌಪ್ಯತೆ ನಿರ್ಬಂಧಗಳು ಗೇಮ್ಸ್ ಆ್ಯಪ್‌ನಲ್ಲಿನ ಚಟುವಟಿಕೆಗಳಿಗೆ ಅನ್ವಯಿಸುತ್ತವೆ. ವೈಯಕ್ತಿಕಗೊಳಿಸಿದ ಶಿಫಾರಸುಗಳ ಸೆಟ್ಟಿಂಗ್ಸ್ ಅನ್ನು ಸಹ ಪರಿಗಣಿಸಲಾಗುತ್ತದೆ. ನಿರ್ದಿಷ್ಟ ಗೇಮ್ ಸಂಬಂಧಿತ ಆ್ಯಪ್‌ಗಳಲ್ಲಿ ಕಳೆಯುವ ಸಮಯವನ್ನು ಮಿತಿಗೊಳಿಸಲು ಮತ್ತು ನಿಮ್ಮ ಮಗುವಿನ ಸಾಧನದಲ್ಲಿ ಮಲ್ಟಿಪ್ಲೇಯರ್ ಕಾರ್ಯನಿರ್ವಹಣೆ, ಸ್ನೇಹಿತರನ್ನು ಸೇರಿಸುವ ಸಾಮರ್ಥ್ಯ ಮತ್ತು ನಿಮ್ಮ iOS, iPadOS, visionOS ಸಾಧನ ಅಥವಾ Macನಲ್ಲಿ ಅದೇ ಗೇಮ್ ಅನ್ನು ಆಡುತ್ತಿರುವ ಸ್ನೇಹಿತರೊಂದಿಗೆ ಸಂಪರ್ಕ ಸಾಧಿಸುವ ಸಾಮರ್ಥ್ಯ ಸೇರಿದಂತೆ Game Center ಫೀಚರ್‌ಗಳನ್ನು ಬ್ಲಾಕ್ ಮಾಡಲು, ಸೆಟ್ಟಿಂಗ್ಸ್ > ಸ್ಕ್ರೀನ್ ಟೈಮ್ > ಕಂಟೆಂಟ್ ಮತ್ತು ಗೌಪ್ಯತೆ ನಿರ್ಬಂಧಗಳು > App Store, ಮೀಡಿಯಾ, ವೆಬ್ ಮತ್ತು ಗೇಮ್ಸ್ ಎಂಬಲ್ಲಿಗೆ ಹೋಗಿ ಹಾಗೂ Game Center ವಿಭಾಗಕ್ಕೆ ಸ್ಕ್ರೋಲ್ ಮಾಡಿ. tvOSನಲ್ಲಿ, ಸೆಟ್ಟಿಂಗ್ಸ್ > ಸಾಮಾನ್ಯ > ನಿರ್ಬಂಧಗಳು ಎಂಬಲ್ಲಿಗೆ ಹೋಗಿ.

Game Centerನಲ್ಲಿ ಇತರ ಆಟಗಾರರೊಂದಿಗೆ ಸಂವಹನ ನಡೆಸುವಾಗ, ಮಕ್ಕಳಿಗೆ ಬಳಕೆದಾರರು ಇನ್‌ಪುಟ್ ಮಾಡಿದ ಪಠ್ಯವನ್ನು ಕಳುಹಿಸಲು ಅಥವಾ ಪಡೆಯಲು ಸಾಧ್ಯವಾಗುವುದಿಲ್ಲ. ಅವರನ್ನು ಪ್ರೀಸೆಟ್ ಸಂದೇಶಗಳನ್ನು ಕಳುಹಿಸುವುದಕ್ಕೆ ಮತ್ತು ಪಡೆಯುವುದಕ್ಕೆ ಸೀಮಿತಗೊಳಿಸಲಾಗಿರುತ್ತದೆ. Game Center-ಸಕ್ರಿಯಗೊಳಿಸಿದ ಆ್ಯಪ್‌ಗಳಲ್ಲಿ ಮಕ್ಕಳಿಗಾಗಿ ಗೇಮ್‌ನಲ್ಲಿನ ವಾಯ್ಸ್ ಚ್ಯಾಟ್ ಅನ್ನು ಸಹ ನಿಷ್ಕ್ರಿಯಗೊಳಿಸಲಾಗಿದೆ. ಆದರೆ, Game Center ಸಕ್ರಿಯಗೊಳಿಸದ ಅಥವಾ Game Centerನ ಹೊರಗಿನ ಕಾರ್ಯವನ್ನು ಬಳಸುತ್ತಿರುವ ಗೇಮ್‌ಗಳ ಆ್ಯಪ್‌ಗಳಿಗೆ, ಆ ಆ್ಯಪ್‌ನಲ್ಲಿನ ಕಂಟ್ರೋಲ್‌ಗಳು ಮತ್ತು ಆ ಆ್ಯಪ್‌ಗಳ ನೀತಿಗಳು ಅನ್ವಯಿಸುತ್ತವೆ.

ನಿಮ್ಮೊಂದಿಗೆ ಸಂವಹನ ನಡೆಸುವುದು

ಗೇಮ್ಸ್ ಆ್ಯಪ್ ಹಾಗೂ ನಿಮಗೆ ಆಸಕ್ತಿಯಿರಬಹುದಾದ ಇತರ Apple ಉತ್ಪನ್ನಗಳು, ಸೇವೆಗಳು ಮತ್ತು ಆಫರ್‌ಗಳ ಕುರಿತು ನಿಮಗೆ ಸಂವಹನಗಳನ್ನು ಕಳುಹಿಸಲು, ನಿಮ್ಮ ಮಾಲೀಕತ್ವದಲ್ಲಿರುವ Apple ಉತ್ಪನ್ನಗಳು ಮತ್ತು ನೀವು Apple ಸೇವೆಗಳಿಗೆ ಮಾಡಿರುವ ಸಬ್‌ಸ್ಕ್ರಿಪ್ಶನ್‌ಗಳಂತಹ ನಿಮ್ಮ ಖಾತೆಯ ಕುರಿತಾದ ಮಾಹಿತಿಯನ್ನು Apple ಬಳಸಬಹುದು. ಗೇಮ್ಸ್ ಆ್ಯಪ್‌ನಲ್ಲಿ ಲಭ್ಯವಿರುವ ಹೊಸ ಫೀಚರ್‌ಗಳು, ಕಂಟೆಂಟ್, ಆ್ಯಪ್‌ನಲ್ಲಿನ ಇವೆಂಟ್‌ಗಳು, ಚಾಲೆಂಜ್‌ಗಳು, ಲೀಡರ್‌ಬೋರ್ಡ್‌ಗಳು ಮತ್ತು ಆಫರ್‌ಗಳ ಕುರಿತು ನಿಮಗೆ ಸಂವಹನಗಳನ್ನು ಕಳುಹಿಸಲು ಗೇಮ್ಸ್ ಆ್ಯಪ್, App Store, Apple Arcade ಮತ್ತು Game Centerನಲ್ಲಿನ ನಿಮ್ಮ ಚಟುವಟಿಕೆಯ ಕುರಿತು ಮಾಹಿತಿಯನ್ನು ಸಹ Apple ಬಳಸಬಹುದು.

ಈಮೇಲ್ ಮಾರ್ಕೆಟಿಂಗ್
ಈಮೇಲ್ ಮಾರ್ಕೆಟಿಂಗ್ ಸ್ವೀಕರಿಸಲು ನೀವು ಸಮ್ಮತಿಸಿದರೆ, ನೀವು ಈಮೇಲ್ ಮೂಲಕ ಈ ಸಂವಹನಗಳನ್ನು ಸ್ವೀಕರಿಸಬಹುದು. ನಿಮ್ಮ ಈಮೇಲ್ ಆದ್ಯತೆಗಳನ್ನು ನೀವು ಬದಲಾಯಿಸಬಹುದು ಮತ್ತು account.apple.com/in ಎಂಬಲ್ಲಿಗೆ ಹೋಗುವ ಮೂಲಕ ಅಥವಾ ನಿಮ್ಮ iOS, iPadOS ಅಥವಾ visionOS ಸಾಧನದಲ್ಲಿ ಸೆಟ್ಟಿಂಗ್ಸ್ > [ನಿಮ್ಮ ಹೆಸರು] > ವೈಯಕ್ತಿಕ ಮಾಹಿತಿ > ಸಂವಹನ ಆದ್ಯತೆಗಳಿಗೆ ಹೋಗುವ ಮೂಲಕ ಈ ಈಮೇಲ್‌ಗಳನ್ನು ಸ್ವೀಕರಿಸುವುದರಿಂದ ಹೊರಗುಳಿಯಬಹುದು.

ನೋಟಿಫಿಕೇಷನ್‌ಗಳು
ನೀವು ಈ ಸಂವಹನಗಳನ್ನು Game Center ನೀಡುವ ಪುಶ್, ಬ್ಯಾನರ್ ಅಥವಾ ಬ್ಯಾಡ್ಜ್ ನೋಟಿಫಿಕೇಷನ್‌ಗಳ ಮೂಲಕವೂ ಸ್ವೀಕರಿಸಬಹುದು. ನಿಮ್ಮ ನೋಟಿಫಿಕೇಷನ್ ಆದ್ಯತೆಗಳನ್ನು ಅಪ್‌ಡೇಟ್ ಮಾಡಲು ಅಥವಾ ನಿಮ್ಮ iOS, iPadOS, ಅಥವಾ visionOS ಸಾಧನದಲ್ಲಿ ನೋಟಿಫಿಕೇಷನ್‌ಗಳಿಂದ ಹೊರಗುಳಿಯಲು, ಸೆಟ್ಟಿಂಗ್ಸ್ > ನೋಟಿಫಿಕೇಷನ್‌ಗಳು > Game Center ಎಂಬಲ್ಲಿಗೆ ಹೋಗಿ. ನಮ್ಮ ಸೇವೆಗಳನ್ನು ಸುಧಾರಿಸಲು, ನೋಟಿಫಿಕೇಷನ್‌ಗಳೂ ಸೇರಿದಂತೆ ನಮ್ಮ ಸಂವಹನಗಳ ಜೊತೆಗಿನ ನಿಮ್ಮ ಮಾತುಕತೆಗಳ ಕುರಿತಾದ ಮಾಹಿತಿಯನ್ನು Apple ಬಳಸುತ್ತದೆ.

ವೈಯುಕ್ತಿಕ ಡೇಟವನ್ನು ಪ್ರಕ್ರಿಯೆಗೊಳಿಸುವುದಕ್ಕಾಗಿ ಅನ್ವಯವಾಗುವ ಕಾನೂನುಬದ್ಧ ಆಧಾರ

ಸೇವೆಯನ್ನು ಒದಗಿಸಲು ಮತ್ತು ನಮ್ಮ ಕಾನೂನು ಬಾಧ್ಯತೆಗಳನ್ನು ಅನುಸರಿಸಲು ಅಗತ್ಯವಿರುವಂತೆ Apple ಜೊತೆಗಿನ ನಿಮ್ಮ ಒಪ್ಪಂದದ ನಿರ್ವಹಣೆಗಾಗಿ ಸಾಮಾನ್ಯವಾಗಿ Apple Games ಆ್ಯಪ್‌ನಲ್ಲಿ ನಿಮ್ಮ ವೈಯಕ್ತಿಕ ಡೇಟವನ್ನು ನಾವು ಪ್ರಕ್ರಿಯೆಗೊಳಿಸುತ್ತೇವೆ. ಸಮ್ಮತಿಯು ಸೂಕ್ತವಾದ ಕಾನೂನುಬದ್ಧ ಆಧಾರವಾಗಿದ್ದಲ್ಲಿ, ನಾವು ಅದನ್ನು ಅನ್ವಯವಾಗುವ ಸ್ಥಳೀಯ ಕಾನೂನುಗಳ ಪ್ರಕಾರ ಪಡೆಯುತ್ತೇವೆ.

ಅನ್ವಯವಾಗುವ ಸ್ಥಳೀಯ ಕಾನೂನಿಗೆ ಒಳಪಟ್ಟು, ನಮ್ಮ ಅಥವಾ ಥರ್ಡ್ ಪಾರ್ಟಿಯ ಕಾನೂನುಬದ್ಧ ಹಿತಾಸಕ್ತಿಗಳ ಉದ್ದೇಶಗಳಿಗಾಗಿ ಅಗತ್ಯವಿರುವಲ್ಲಿ ನಾವು ವೈಯಕ್ತಿಕ ಡೇಟವನ್ನು ಪ್ರಕ್ರಿಯೆಗೊಳಿಸುತ್ತೇವೆ:

• ಸಂಬಂಧಿತ ವಿಷಯವನ್ನು ಪ್ರದರ್ಶಿಸಿ, ವಿನಂತಿಸಿದ ವಿಷಯವನ್ನು ಡೌನ್‌ಲೋಡ್ ಮಾಡಲು ನಿಮ್ಮ ಸಾಧನವು ಸಾಕಷ್ಟು ಸ್ಥಳಾವಕಾಶವನ್ನು ಹೊಂದಿದೆಯೇ ಅಥವಾ ಹೊಂದಿಲ್ಲವೇ ಎಂದು ನಿರ್ಣಯಿಸಿ ಮತ್ತು ಅಪ್‌ಡೇಟ್ ಮಾಡಿದ ವಿಷಯದ ಸ್ವಯಂಚಾಲಿತ ಡೌನ್‌ಲೋಡ್‌ಗಳನ್ನು ಸುಲಭಗೊಳಿಸಿ
• ಗೇಮ್ಸ್ ಆ್ಯಪ್‌ನಲ್ಲಿ ನಿಮ್ಮ ಅನುಭವವನ್ನು ವೈಯಕ್ತೀಕರಿಸುವುದು
• ನಿಮಗಾಗಿ ಮತ್ತು ಇತರರಿಗಾಗಿ ಗೇಮ್ಸ್ ಆ್ಯಪ್ ಮತ್ತು ಇತರ ಸಂಬಂಧಿತ Apple ಉತ್ಪನ್ನಗಳು ಮತ್ತು ಸೇವೆಗಳನ್ನು ಸುಧಾರಿಸುವುದು ಮತ್ತು ಆಪ್ಟಿಮೈಸ್ ಮಾಡುವುದು
• ನಿಮಗೆ ಆಸಕ್ತಿಯಿರಬಹುದಾದ ಆಫರ್‌ಗಳನ್ನು ಈಮೇಲ್, ಪುಶ್, ಬ್ಯಾನರ್ ಮತ್ತು ಬ್ಯಾಡ್ಜ್ ನೋಟಿಫಿಕೇಷನ್‌ಗಳ ಮೂಲಕ ನಿಮಗೆ ಕಳುಹಿಸುವುದು
• ಡೆವಲಪರ್‌ಗಳಿಗೆ ಅವರ ಆ್ಯಪ್‌ಗಳ ಡೌನ್‌ಲೋಡ್‌ಗಳು ಮತ್ತು ಅವುಗಳಲ್ಲಿನ ಖರೀದಿಗಳ ಕುರಿತು ವರದಿ ನೀಡುವುದು
• ಮೋಸ ಹಾಗೂ ಇತರ ದುರುದ್ದೇಶಪೂರಿತ ಚಟುವಟಿಕೆಗಳನ್ನು ತಡೆಯುವುದು

ಬಳಸಲಾದ ಡೇಟ ಇದನ್ನು ಒಳಗೊಂಡಿರುತ್ತದೆ:

• ನಿಮ್ಮ ಡೌನ್‌ಲೋಡ್‌ಗಳು ಮತ್ತು ಖರೀದಿಗಳ ಜೊತೆಗೆ Game Center ನೋಟಿಫಿಕೇಷನ್‌ಗಳು ಹಾಗೂ ಸಂದೇಶಗಳು ಮತ್ತು ಆ್ಯಪ್‌ನಲ್ಲಿನ ನೋಟಿಫಿಕೇಷನ್‌ಗಳು ಹಾಗೂ ಸಂದೇಶಗಳಂತಹ ಗೇಮ್ಸ್ ಆ್ಯಪ್‌ನ ನಿಮ್ಮ ಬಳಕೆ
• ನಿಮ್ಮ ಸಾಧನ ಹಾಗೂ ಖಾತೆಯ ಬಗೆಗಿನ ವಿವರಗಳು
• ನಿಮ್ಮ IP ವಿಳಾಸ
• ಸಾಧನದ ವಿಶ್ವಾಸದ ಸ್ಕೋರ್

ರಿಟೆನ್ಶನ್

ಗೇಮ್ಸ್ ಆ್ಯಪ್ ಮತ್ತು App Storeನಲ್ಲಿ ನಿಮ್ಮ ಖರೀದಿಗಳು ಮತ್ತು ಡೌನ್‌ಲೋಡ್‌ಗಳಿಗೆ ಸಂಬಂಧಿಸಿದ ವೈಯುಕ್ತಿಕ ಡೇಟವನ್ನು ಹಣಕಾಸಿನ ವರದಿ ಮಾಡುವಿಕೆಯ ಅನ್ವಯವಾಗುವ ಕಾನೂನುಗಳು ನಿರ್ದಿಷ್ಟಪಡಿಸುವ ಅವಧಿಗಳಿಗೆ ನಾವು ಇಟ್ಟುಕೊಳ್ಳುತ್ತಿದ್ದು, ಇದು ಪ್ರದೇಶಕ್ಕೆ ಅನುಗುಣವಾಗಿ ಬದಲಾಗಬಹುದು. ಬಹುತೇಕ ಗ್ರಾಹಕರಿಗೆ ಕನಿಷ್ಠ 10-ವರ್ಷಗಳ ಇರಿಸಿಕೊಳ್ಳುವಿಕೆಯ ಅವಧಿಯ ಅಗತ್ಯವಿರುತ್ತದೆ, ಆದರೆ ಚೀನಾದಂಥ ಪ್ರದೇಶಗಳಲ್ಲಿ, ಆ ಅವಧಿ 30 ವರ್ಷಗಳು ಇರಬಹುದು. ನಾವು ಖರೀದಿಗಳು ಹಾಗೂ ಕಂಟೆಂಟ್‌ಗಳ ಡೌನ್‌ಲೋಡ್ ದಾಖಲೆಗಳನ್ನು ನಿಮಗೆ ಆ ಕಂಟೆಂಟ್ ಅನ್ನು ಡೌನ್‌ಲೋಡ್ ಮಾಡಲು ಅನುಮತಿಸಲು ನೀವು ಕನಿಷ್ಠ ನಮ್ಮ ಬಳಿ ಖಾತೆಯನ್ನು ಹೊಂದಿರುವಷ್ಟು ಕಾಲ ಇಟ್ಟುಕೊಳ್ಳುತ್ತಿದ್ದು ಇದು ಕೂಡ ನಮ್ಮ ಅನ್ವಯವಾಗುವ ನೀತಿಗಳ ಪ್ರಕಾರವಾಗಿರುತ್ತದೆ. ನಾವು ಬ್ರೌಸಿಂಗ್ ಚಟುವಟಿಕೆ ಹಾಗೂ ಹುಡುಕಾಟಗಳಂತ ಇತರ ಮಾಹಿತಿಯನ್ನು ಸ್ವಲ್ಪ ಕಾಲದವರೆಗೆ ಇಟ್ಟುಕೊಳ್ಳುತ್ತೇವೆ. ಆರಿಸಲಾದ ಅವಧಿಯು ಡೇಟ ಹಾಗೂ ನಿರ್ದಿಷ್ಟವಾದ ವ್ಯಾಪಾರ ಬಳಕೆಯ ಪ್ರಕರಣಗಳನ್ನು ಇಟ್ಟುಕೊಳ್ಳಲು ಅನ್ವಯವಾಗುವ ಕಾನೂನುಬದ್ಧ ಅಗತ್ಯಗಳನ್ನು ಗಣನೆಗೆ ತೆಗೆದುಕೊಳ್ಳುತ್ತದೆ. ಆದರೆ, ನಿಮ್ಮ ಖಾತೆಯನ್ನು ನೀವು ಮುಚ್ಚಿದ ನಂತರ ಅಥವಾ ಗೇಮ್ಸ್ ಆ್ಯಪ್ ಬಳಸುವುದನ್ನು ನಿಲ್ಲಿಸಿದ ನಂತರವೂ ನಿಮ್ಮ ಸಂಗ್ರಹಿಸಿದ ಕಾರ್ಡ್ ವಿವರಗಳನ್ನು ಹೊರತುಪಡಿಸಿದಂತಹ ಖರೀದಿಗಳ ಕೆಲವು ಮಾಹಿತಿಯನ್ನು ವ್ಯಾಪಾರ ದಾಖಲೆಗಳಾಗಿ ಉಳಿಸಿಕೊಳ್ಳಬಹುದು.

ನೀವು ಪಾವತಿ ಕಾರ್ಡ್ ಅನ್ನು ಬಳಸಿದಾಗ, ನಿಮ್ಮ ಕಾರ್ಡ್ ಸಂಖ್ಯೆ ಹಾಗೂ ಬಿಲ್ಲಿಂಗ್ ಮಾಹಿತಿಯನ್ನು Apple ಭವಿಷ್ಯದ ಖರೀದಿಗಳಿಗಾಗಿ, ಮರುಕಳಿಸುವ ವಹಿವಾಟುಗಳಿಗಾಗಿ ಅಥವಾ ನೀವು ಧೃಢೀಕರಿಸುವ ಇತರ ಬಳಕೆಗಳಿಗಾಗಿ ಇರಿಸಿಕೊಳ್ಳಬಹುದು ಹಾಗೂ ಸ್ವಯಂಚಾಲಿತವಾಗಿ ಅಪ್‌ಡೇಟ್ ಮಾಡಬಹುದು. Apple ಈ ಮಾಹಿತಿಯನ್ನು ನಿಮ್ಮ ಹಣಕಾಸು ಸಂಸ್ಥೆ ಅಥವಾ ಪಾವತಿಯ ನೆಟ್‌ವರ್ಕ್ ಮೂಲಕ ಪಡೆಯಬಹುದು, ಹಾಗೂ ಇದನ್ನು ವಂಚನೆ ತಡೆಗಟ್ಟುವಿಕೆ ಮತ್ತು ಧೃಢೀಕರಣಕ್ಕಾಗಿ ಸಹ ಬಳಸಬಹುದು.

ವಂಚನೆ ಹಾಗೂ ಇತರ ದುರುದ್ದೇಶಪೂರಿತ ಚಟುವಟಿಕೆಗಳನ್ನು ತಡೆಯುವುದು

Apple Games ಆ್ಯಪ್, App Store, Apple Arcade, Game Center ಮತ್ತು ಇತರ Apple ಆ್ಯಪ್‌ಗಳು ಮತ್ತು ಸೇವೆಗಳಲ್ಲಿ ವಂಚನೆ ಮತ್ತು ಇತರ ದುರುದ್ದೇಶಪೂರಿತ ಚಟುವಟಿಕೆಯನ್ನು ತಡೆಗಟ್ಟಲು ನಾವು ವೈಯಕ್ತಿಕ ಡೇಟವನ್ನು ಸಂಗ್ರಹಿಸುತ್ತೇವೆ. ಈ ಮಾಹಿತಿಯು ಸಾಧನದ ಪ್ರಕಾರ ಹಾಗೂ ಸಾಫ್ಟ್‌ವೇರ್ ಆವೃತ್ತಿಯಂತಹ ಸಾಧನದ ಮಾಹಿತಿ, ಸ್ಥಳದ ಮಾಹಿತಿ (ಲಭ್ಯವಿದ್ದಲ್ಲಿ, ನಿಮ್ಮ ಇಂಟರ್ನೆಟ್ ಕನೆಕ್ಷನ್‌ನ IP ವಿಳಾಸವನ್ನು ಭೌಗೋಳಿಕ ಪ್ರದೇಶಕ್ಕೆ ಹೋಲಿಸುವ ಮೂಲಕ ಅಂದಾಜಿಸಿರುವುದು), ಡೌನ್‌ಲೋಡ್ ಹಾಗೂ ಖರೀದಿಯ ಇತಿಹಾಸ, ಹುಡುಕಾಟಗಳು, ಹಾಗೂ ಸೇವೆಗಳ ಜೊತೆಗಿನ ಇತರ ಸಂವಹನಗಳನ್ನು ಒಳಗೊಂಡಿರುತ್ತವೆ.

ನೀವು ಒಂದು ಖರೀದಿಯನ್ನು ಪ್ರಾರಂಭಿಸಿದಾಗ ಅಥವಾ ಒಂದು ಸಬ್‌ಸ್ಕ್ರಿಪ್ಶನ್ ಆಟೋ-ರಿನ್ಯೂ ಆದಾಗ, Apple ತನ್ನ ಜೊತೆಗಿನ ನಿಮ್ಮ ಹಿಂದಿನ ವ್ಯಾಪಾರದ ಸಂಬಂಧವನ್ನು, ವಿನಂತಿಯನ್ನು ಪ್ರಕ್ರಿಯೆಗೊಳಿಸುವ ಸಲುವಾಗಿ ಹಾಗೂ ಪಾವತಿ ಪಾಲುದಾರರು ಪಾವತಿಯನ್ನು ದೃಢೀಕರಿಸುವ ಮೊದಲೇ ಉತ್ಪನ್ನ ಅಥವಾ ಸೇವೆಯನ್ನು ನೀಡಬೇಕೇ ಎಂದು ನಿರ್ಧರಿಸಲು ಬಳಸುತ್ತದೆ.

ನೀವು ಒಂದು ಖರೀದಿಯನ್ನು ಮಾಡಲು ಪ್ರಯತ್ನಿಸಿದಾಗ, ನೀವು ಕಳುಹಿಸುವ ಹಾಗೂ ಸ್ವೀಕರಿಸುವ ಫೋನ್ ಕರೆಗಳು ಅಥವಾ ಈಮೇಲ್‌ಗಳ ಅಂದಾಜು ಸಂಖ್ಯೆಯನ್ನೂ ಒಳಗೊಂಡಂತೆ ನೀವು ನಿಮ್ಮ ಸಾಧನವನ್ನು ಹೇಗೆ ಬಳಸುತ್ತೀರಿ ಎಂಬುದರ ಮಾಹಿತಿಯನ್ನು ಬಳಸಿಕೊಂಡು ನಿಮ್ಮ ಸಾಧನದಲ್ಲಿ ಒಂದು ಸಾಧನದ ವಿಶ್ವಸಾರ್ಹತೆಯ ಸ್ಕೋರ್ ಅನ್ನು ಸಹ ನಾವು ಲೆಕ್ಕ ಹಾಕುತ್ತೇವೆ. ನಿಮ್ಮ ಸಾಧನದಲ್ಲಿನ ಮೂಲ ಮೌಲ್ಯಗಳನ್ನು ತಿಳಿದುಕೊಳ್ಳಲು Appleಗೆ ಸಾಧ್ಯವಾಗದ ರೀತಿಯಲ್ಲಿ ಸಲ್ಲಿಕೆಯನ್ನು ವಿನ್ಯಾಸಗೊಳಿಸಲಾಗಿದೆ. ಸ್ಕೋರ್ ಅನ್ನು ನಿಗದಿತ ಸಮಯದವರೆಗೆ ನಮ್ಮ ಸರ್ವರ್‌ಗಳಲ್ಲಿ ಸಂಗ್ರಹಿಸಲಾಗುತ್ತದೆ.

App Store ಸೇರಿದಂತೆ ಗೇಮ್ಸ್ ಆ್ಯಪ್‌ಗೆ ಪವರ್ ನೀಡುವ ಆ್ಯಪ್‌ಗಳು ಮತ್ತು ಸೇವೆಗಳ ಕುರಿತು ಹೆಚ್ಚಿನ ಮಾಹಿತಿಗಾಗಿ, www.apple.com/legal/privacy/data/en/app-store ಎಂಬಲ್ಲಿಗೆ ಭೇಟಿ ನೀಡಿ. Apple Arcadeಗಾಗಿ, www.apple.com/legal/privacy/data/en/apple-arcade ಎಂಬಲ್ಲಿಗೆ ಭೇಟಿ ನೀಡಿ. Game Centerಗಾಗಿ, www.apple.com/legal/privacy/data/en/game-center ಎಂಬಲ್ಲಿಗೆ ಭೇಟಿ ನೀಡಿ.

ಎಲ್ಲಾ ಸಮಯದಲ್ಲೂ, Apple ಸಂಗ್ರಹಿಸಿದ ಮಾಹಿತಿಯನ್ನು Appleನ ಗೌಪ್ಯತಾ ನೀತಿಗೆ ಅನುಗುಣವಾಗಿ ಪರಿಗಣಿಸಲಾಗುತ್ತದೆ, ಅದನ್ನು ನೀವು www.apple.com/in/privacy ಎಂಬಲ್ಲಿ ನೋಡಬಹುದು.

2025-12-12