• AppleCare ಪ್ಲ್ಯಾನ್‌ಗಳ ಪೂರೈಕೆ ಮತ್ತು ಖರೀದಿಯನ್ನು ಸುಗಮಗೊಳಿಸಲು, ಯಾವ ಪ್ಲ್ಯಾನ್ ಅನ್ನು ಖರೀದಿಸಬೇಕು ಎಂಬ ಶಿಫಾರಸುಗಳನ್ನು ನಿಮಗೆ ಒದಗಿಸಲು ನೀವು ಹೊಂದಿರುವ ಸಾಧನಗಳು ಮತ್ತು ಅವುಗಳನ್ನು ಖರೀದಿಸಿದ ಮತ್ತು ಸಕ್ರಿಯಗೊಳಿಸಿದ ದಿನಾಂಕಗಳು ಸೇರಿದಂತೆ, ನಿಮ್ಮ Apple ಖಾತೆಯ ಕುರಿತ ಮಾಹಿತಿಯನ್ನು Apple ಬಳಸಬಹುದು. ಬಳಕೆದಾರರ ಪ್ರಯಾಣವನ್ನು ಅರ್ಥಮಾಡಿಕೊಳ್ಳಲು ಮತ್ತು AppleCareಗಾಗಿ ನಮ್ಮ ಶಿಫಾರಸುಗಳನ್ನು ಸುಧಾರಿಸಲು Apple ಈ ಶಿಫಾರಸುಗಳ ಕುರಿತ ಮಾಹಿತಿಯನ್ನು ಗುರುತಿಸುವಂತೆ ರೆಕಾರ್ಡ್ ಮಾಡುತ್ತದೆ.
• AppleCare One ಕವರೇಜ್ ನೀಡುವ ಮೊದಲು ನಿಮ್ಮ ಸಾಧನಗಳ ಮೌಲ್ಯಮಾಪನ ಮಾಡಲು, AppleCare Oneಗೆ ನಿಮ್ಮ ಸಾಧನಗಳ ಅರ್ಹತೆಯನ್ನು ನಿರ್ಣಯಿಸಲು, Apple ನಿಮ್ಮ Apple ಖಾತೆಯ ಮಾಹಿತಿ, ನೀವು ಹೊಂದಿರುವ ಸಾಧನಗಳು ಮತ್ತು ಆ್ಯಕ್ಸೆಸರಿಗಳು, Apple ಜೊತೆಗಿನ ನಿಮ್ಮ ಸಂವಹನಗಳು ಹಾಗೂ ನಿಮ್ಮ ಪ್ರಸ್ತುತ AppleCare ಪ್ಲ್ಯಾನ್‌ಗಳ ಮಾಹಿತಿಯನ್ನು ಬಳಸುತ್ತದೆ. ಕೆಲವು ಸಂದರ್ಭಗಳಲ್ಲಿ, ನಿಮಗೆ ಸಾಧನ ಅಥವಾ ಆ್ಯಕ್ಸೆಸರಿಯನ್ನು ಎನ್‌ರೋಲ್ ಮಾಡುವುದಕ್ಕೆ ಅನುಮತಿಸುವ ಮೊದಲು, Appleಗೆ ಹೆಚ್ಚುವರಿ ಡಯಾಗ್ನಾಸ್ಟಿಕ್‌ಗಳು ಅಥವಾ ಸ್ಟೋರ್‌ನಲ್ಲಿ ಮಾಡಿದ ಮೌಲ್ಯಮಾಪನ ಬೇಕಾಗಬಹುದು.
• ನೀವು ಬೆಂಬಲ ಮತ್ತು ಸೇವೆಯನ್ನು ವಿನಂತಿಸಿದಾಗ Apple ನಿಮ್ಮ Apple ಖಾತೆ, ಸಾಧನಗಳು ಮತ್ತು AppleCare ಪ್ಲ್ಯಾನ್‌ನ ಕುರಿತ ಮಾಹಿತಿಯನ್ನು ಬಳಸಬಹುದು. ಈ ಮಾಹಿತಿಯನ್ನು ನಿಮ್ಮ ಸಮಸ್ಯೆಯನ್ನು ಪರಿಹರಿಸಲು ಮತ್ತು ಟ್ರಬಲ್‌ಶೂಟ್ ಮಾಡಲು, ನಿಮ್ಮೊಂದಿಗೆ ಸಂವಹನ ನಡೆಸಲು, ಅಗತ್ಯವಿದ್ದಲ್ಲಿ ಮರುಪಾವತಿಗಳನ್ನು ನೀಡಲು, ವಂಚನೆಯಿಂದ ರಕ್ಷಿಸಲು ಮತ್ತು Appleನ ಉತ್ಪನ್ನಗಳು ಅಥವಾ ಸೇವೆಗಳನ್ನು ಸುಧಾರಿಸಲು ಬಳಸಬಹುದು.
• ನಿಮ್ಮ AppleCare ಪ್ಲ್ಯಾನ್‌ನ ಕೆಲವು ಅಂಶಗಳನ್ನು ಬೆಂಬಲಿಸಲು Apple ಸಂಗ್ರಹಿಸುವ ಮಾಹಿತಿಯನ್ನು ಥರ್ಡ್ ಪಾರ್ಟಿ ಸೇವಾ ಪೂರೈಕೆದಾರರು ಮತ್ತು ನಮ್ಮ ವಿಮಾ ಪಾಲುದಾರರೊಂದಿಗೆ ಹಂಚಿಕೊಳ್ಳಬಹುದು. ಉದಾಹರಣೆಗೆ, ನೀವು ಕವರೇಜ್‌ಗೆ ದಾಖಲಾಗುವಾಗ ಅಥವಾ ರದ್ದುಗೊಳಿಸುವಾಗ, Apple ಈ ಮಾಹಿತಿಯನ್ನು ನಮ್ಮ ವಿಮಾ ಪಾಲುದಾರರೊಂದಿಗೆ ಹಂಚಿಕೊಳ್ಳಬಹುದು.

AppleCare ಪ್ಲ್ಯಾನ್‌ಗಳು ನಿಮ್ಮ ಅಗತ್ಯಗಳಿಗೆ ಸೂಕ್ತವಾದ ಕವರೇಜ್ ಅನ್ನು ಆರಿಸುವ ಆಯ್ಕೆಗಳೊಂದಿಗೆ, Apple ತಜ್ಞರಿಂದ ಸೇವೆ ಮತ್ತು ಬೆಂಬಲವನ್ನು ಒದಗಿಸುತ್ತವೆ.

AppleCare ಶಿಫಾರಸುಗಳು

ನೀವು ಹೊಸ ಸಾಧನವನ್ನು ಖರೀದಿಸಿದಾಗ ಅಥವಾ ನಿಮ್ಮ ಬಳಿ ಈಗಾಗಲೇ ಇರುವ ಸಾಧನದಲ್ಲಿನ AppleCareನಲ್ಲಿ ಎನ್‌ರೋಲ್ ಮಾಡಿದಾಗ, ಯಾವ AppleCare ಪ್ಲ್ಯಾನ್ ಅನ್ನು ಖರೀದಿಸಬೇಕೆಂಬ ಶಿಫಾರಸುಗಳನ್ನು ನಿಮಗೆ ಒದಗಿಸಲು ನಿಮ್ಮ Apple ಖಾತೆಯ ಕುರಿತಾದ ಮಾಹಿತಿಯನ್ನು ಬಳಸಲಾಗುತ್ತದೆ. ನೀವು ಹೊಂದಿರುವ ಸಾಧನಗಳು, ಅವುಗಳನ್ನು ಖರೀದಿಸಿದ ಮತ್ತು ಸಕ್ರಿಯಗೊಳಿಸಿದ ದಿನಾಂಕಗಳು ಹಾಗೂ ನೀವು AppleCareಗೆ ಈಗಾಗಲೇ ಸಬ್‌ಸ್ಕ್ರೈಬ್ ಆಗಿರುವಿರೋ ಇಲ್ಲವೋ ಎಂಬಂತಹ ಮಾಹಿತಿಯನ್ನು ಇದು ಒಳಗೊಂಡಿರುತ್ತದೆ. ಸಾಮಾನ್ಯವಾಗಿ ನಿಮ್ಮ iOS, iPadOS ಅಥವಾ visionOS ಸಾಧನದಲ್ಲಿ ವೈಯಕ್ತೀಕರಿಸಿದ ಶಿಫಾರಸುಗಳನ್ನು ಸಕ್ರಿಯಗೊಳಿಸಲು ಅಥವಾ ನಿಷ್ಕ್ರಿಯಗೊಳಿಸಲು, ಸೆಟ್ಟಿಂಗ್ಸ್ > [ನಿಮ್ಮ ಹೆಸರು] > ಮೀಡಿಯಾ ಮತ್ತು ಖರೀದಿಗಳು > ಖಾತೆಯನ್ನು ನೋಡಿ ಎಂಬುದಕ್ಕೆ ಹೋಗಿ, ನಂತರ ವೈಯಕ್ತೀಕರಿಸಿದ ಶಿಫಾರಸುಗಳು ಎಂಬುದನ್ನು ಟ್ಯಾಪ್ ಮಾಡಿ. Apple Store ಆ್ಯಪ್‌‌ನಲ್ಲಿ, ಶಿಫಾರಸುಗಳಲ್ಲಿ ಬಳಸುವುದಕ್ಕಾಗಿ ನೀವು ಹಂಚಿಕೊಳ್ಳುವ ಡೇಟವನ್ನು ನೀವು ನಿಯಂತ್ರಿಸಬಹುದು. ನೀವು ಏನು ಹಂಚಿಕೊಳ್ಳುತ್ತೀರಿ ಎಂಬುದನ್ನು ಬದಲಾಯಿಸಲು, Apple Store ಆ್ಯಪ್‌ನಲ್ಲಿನ ಖಾತೆ > ಸೆಟ್ಟಿಂಗ್ಸ್ ಎಂಬುದಕ್ಕೆ ಹೋಗಿ, ನಂತರ “ನಿಮ್ಮ ಸಾಧನಗಳು” ಅಥವಾ “ನಿಮ್ಮ ಸೇವೆಗಳು” ಎಂಬುದನ್ನು ಟ್ಯಾಪ್ ಮಾಡಿ. ಬಳಕೆದಾರರ ಪ್ರಯಾಣವನ್ನು ಅರ್ಥಮಾಡಿಕೊಳ್ಳಲು ಮತ್ತು ನಮ್ಮ AppleCare ಶಿಫಾರಸುಗಳನ್ನು ಸುಧಾರಿಸಲು, Apple ಈ ಶಿಫಾರಸುಗಳ ಕುರಿತ ಮಾಹಿತಿಯನ್ನು ಗುರುತಿಸಲು ಸಾಧ್ಯವಾಗುವಂತೆ ರೆಕಾರ್ಡ್ ಮಾಡುತ್ತದೆ.

AppleCare ಪಾವತಿಗಳು

ನೀವು AppleCareಗೆ ಸ್ಥಿರ ಅವಧಿಯ ಕವರೇಜ್, ಮಾಸಿಕ ಮರುಕಳಿಸುವ ಕವರೇಜ್ ಅವಧಿ ("ಮಾಸಿಕ ಪ್ಲ್ಯಾನ್”) ಅಥವಾ ವಾರ್ಷಿಕ ಮರುಕಳಿಸುವ ಕವರೇಜ್ ಅವಧಿ ("ವಾರ್ಷಿಕ ಪ್ಲ್ಯಾನ್‌”) ಎಂಬುದಕ್ಕಾಗಿ ಪಾವತಿಸಬಹುದು. ಮಾಸಿಕ ಮತ್ತು ವಾರ್ಷಿಕ ಪ್ಲ್ಯಾನ್‌ಗಳಿಗಾಗಿ, ನಿಮ್ಮ Apple ಖಾತೆಯೊಂದಿಗೆ ಸಂಯೋಜಿಸಿರುವ ಪಾವತಿ ವಿಧಾನಕ್ಕೆ ಶುಲ್ಕವನ್ನು ವಿಧಿಸಲಾಗುತ್ತದೆ. ನೀವು Apple.com ಎಂಬಲ್ಲಿ ಮಾಸಿಕ ಅಥವಾ ವಾರ್ಷಿಕ ಪ್ಲ್ಯಾನ್ ಅನ್ನು ಆನ್‌ಲೈನ್‌ನಲ್ಲಿ ಖರೀದಿಸಿದರೆ, ಬಳಸಿದ ಪಾವತಿ ವಿಧಾನವನ್ನು ನಿಮ್ಮ Apple ಖಾತೆಗೆ ಡಿಫಾಲ್ಟ್ ಅಲ್ಲದ ಪಾವತಿ ವಿಧಾನವಾಗಿ ಸೇರಿಸಲಾಗುತ್ತದೆ. ನಿಮ್ಮ Apple ಖಾತೆಗೆ ಸಂಬಂಧಿಸಿದ ಪಾವತಿ ವಿಧಾನವನ್ನು ನೀವು ಹೊಂದಿಲ್ಲದಿದ್ದರೆ, ನಿಮ್ಮ ಪ್ಲ್ಯಾನ್‌ಗೆ ಪಾವತಿಗಳನ್ನು ನಿಮ್ಮ ಡಿಫಾಲ್ಟ್ ಪಾವತಿ ವಿಧಾನವಾಗಿ ಒಳಗೊಳ್ಳಲು ಈ ಖರೀದಿಗೆ ನೀವು ಬಳಸುವ ಪಾವತಿ ವಿಧಾನವನ್ನು ನಾವು ನಿಮ್ಮ Apple ಖಾತೆಗೆ ಸೇರಿಸುತ್ತೇವೆ. ನಿಮ್ಮ iOS, iPadOS ಅಥವಾ visionOS ಸಾಧನದಲ್ಲಿ ಸೆಟ್ಟಿಂಗ್ಸ್ > [ನಿಮ್ಮ ಹೆಸರು] > ಪಾವತಿ ಮತ್ತು ಷಿಪ್ಪಿಂಗ್‌ ಎಂಬಲ್ಲಿಗೆ ಹೋಗುವ ಮೂಲಕ ನೀವು ಯಾವಾಗ ಬೇಕಾದರೂ ನಿಮ್ಮ Apple ಖಾತೆಯೊಂದಿಗೆ ಸಂಯೋಜಿತವಾಗಿರುವ ಪಾವತಿ ವಿಧಾನವನ್ನು ಅಪ್‌ಡೇಟ್ ಮಾಡಬಹುದು. ನಿಮ್ಮ Macನಲ್ಲಿ, ಸಿಸ್ಟಂ ಸೆಟ್ಟಿಂಗ್ಸ್ > [ನಿಮ್ಮ ಹೆಸರು] > ಪಾವತಿ ಮತ್ತು ಷಿಪ್ಪಿಂಗ್ ಎಂಬುದಕ್ಕೆ ಹೋಗಿ.

AppleCare One: ಸಾಧನ ಅರ್ಹತೆ

AppleCare One ನಿಮಗೆ ಒಂದಕ್ಕಿಂತ ಹೆಚ್ಚು ಸಾಧನಗಳು ಮತ್ತು/ ಅಥವಾ ಹೊಂದಾಣಿಕೆಯಾಗುವ ಆ್ಯಕ್ಸೆಸರಿಗಳೊಂದಿಗೆ AppleCareನಲ್ಲಿ ಎನ್‌ರೋಲ್ ಆಗಲು ಅವಕಾಶ ನೀಡುತ್ತದೆ. ನೀವು AppleCare One ಪ್ಲ್ಯಾನ್‌ನಲ್ಲಿ ಕವರ್ ಮಾಡಲು ಬಯಸುವ ಎಲ್ಲಾ ಸಾಧನಗಳಲ್ಲಿ ನಿಮ್ಮ Apple ಖಾತೆಗೆ ಸೈನ್ ಇನ್ ಮಾಡಬೇಕು. ನೀವು ಎನ್‌ರೋಲ್ ಆದ ನಂತರ, ಯಾವ ಸಾಧನಗಳು ಮತ್ತು ಹೊಂದಾಣಿಕೆಯಾಗುವ ಆ್ಯಕ್ಸೆಸರಿಗಳಿಗೆ ಆ ಕೂಡಲೇ ಕವರೇಜ್ ನೀಡಬಹುದೆಂದು ಹಾಗೂ ಕವರೇಜ್‌ಗೆ ಅರ್ಹವೆಂದು ಪರಿಗಣಿಸುವ ಮುನ್ನ ಯಾವ ಸಾಧನಗಳಿಗೆ ಹೆಚ್ಚುವರಿ ಡಯಾಗ್ನಾಸ್ಟಿಕ್‌ಗಳ ಅಗತ್ಯವಿದೆಯೆಂದು ಮೌಲ್ಯಮಾಪನ ಮಾಡಲು, Apple ನಿಮ್ಮ ಮತ್ತು ನಿಮ್ಮ ಸಾಧನಗಳ ಕುರಿತಾದ ಮಾಹಿತಿಯನ್ನು ಬಳಸುತ್ತದೆ. ಈ ಅರ್ಹತಾ ಮೌಲ್ಯಮಾಪನವು ನಿಮ್ಮ ಸಾಧನದ ಅರ್ಹತೆಗೆ ದೊರೆಯಬಹುದಾದ ಅತ್ಯುತ್ತಮ ಕವರೇಜ್ ಅನ್ನು ನಿಮಗೆ ಒದಗಿಸುವ ಗುರಿ ಹೊಂದಿದೆ ಮತ್ತು ವಂಚನೆಯನ್ನು ತಡೆಗಟ್ಟಲು Appleಗೆ ನೆರವಾಗುತ್ತದೆ. ನಿರ್ದಿಷ್ಟವಾಗಿ, ನಿಮ್ಮ AppleCare One ಪ್ಲ್ಯಾನ್‌ಗೆ ನೀವು ಸಾಧನವೊಂದನ್ನು ಸೇರಿಸಲು ಪ್ರಯತ್ನಿಸಿದಾಗ, Apple ಈ ನಿರ್ಧಾರವನ್ನು ಕೈಗೊಳ್ಳಲು ನಿಮ್ಮ Apple ಖಾತೆ, ಸಾಧನಗಳು ಮತ್ತು ಪ್ರಸ್ತುತ AppleCare ಪ್ಲ್ಯಾನ್ ಕವರೇಜ್ ಮಾಹಿತಿಯನ್ನು ಬಳಸುತ್ತದೆ. ಇದು ನೀವು ಕೊನೆಯ ಬಾರಿ iCloudಗೆ ಯಾವಾಗ ಸೈನ್ ಇನ್ ಮಾಡಿದ್ದೀರಿ, Appleಗೆ ಪಾವತಿಸಬೇಕಾದ ಯಾವುದಾದರೂ ಪಾವತಿಗಳು ಬಾಕಿಯಿವೆಯೇ, ನಿಮ್ಮ ಸಾಧನಗಳು ಎಷ್ಟು ಹಳೆಯವು, ನಿಮ್ಮ ಸಾಧನವನ್ನು ಯಾವ ದೇಶದಲ್ಲಿ ನೋಂದಾಯಿಸಲಾಗಿದೆ, ಸಾಧನದ ರಿಪೇರಿಗಳು ಮತ್ತು ಸರ್ವೀಸ್‌ಗಾಗಿ ಈ ಹಿಂದೆ ಮಾಡಿದ ಸಂಪರ್ಕಗಳು ಹಾಗೂ ಹುಡುಕಿ ಆ್ಯಪ್ ಬಳಸಿ ಸಾಧನವನ್ನು ಕಳೆದುಹೋಗಿದೆ ಎಂದು ಗುರುತುಮಾಡಲಾಗಿದೆಯೇ ಅಥವಾ ಕಳುವಾಗಿದೆ ಎಂದು ವರದಿ ಮಾಡಲಾಗಿದೆಯೇ ಎಂಬ ಮಾಹಿತಿಗಳನ್ನು ಒಳಗೊಂಡಿರುತ್ತದೆ. ಕೆಲವು ಸಂದರ್ಭಗಳಲ್ಲಿ, ನಿಮಗೆ ಸಾಧನ ಅಥವಾ ಆ್ಯಕ್ಸೆಸರಿಯನ್ನು ಎನ್‌ರೋಲ್ ಮಾಡುವುದಕ್ಕೆ ಅನುಮತಿಸುವ ಮೊದಲು Apple ಹೆಚ್ಚುವರಿ ಡಯಾಗ್ನಾಸ್ಟಿಕ್‌ಗಳನ್ನು ಮಾಡಬೇಕಾಗಬಹುದು. ಇವುಗಳಲ್ಲಿ ಪರೀಕ್ಷಿಸುವ ಉದ್ದೇಶದ ಕರೆ ಅಥವಾ ಸಂದೇಶ ಕಳುಹಿಸುವಿಕೆ, ದೂರದಿಂದಲೇ ನಡೆಯುವ ಕಾರ್ಯಕಾರಿತ್ವ ಅಥವಾ ಕಾಸ್ಮೆಟಿಕ್ ಡಯಾಗ್ನಾಸ್ಟಿಕ್‌ಗಳು ಮತ್ತು/ ಅಥವಾ ಭೌತಿಕ, ಸ್ಟೋರ್‌ನಲ್ಲಿ ಮಾಡಬೇಕಾದ ಮೌಲ್ಯಮಾಪನ ಸೇರಿರಬಹುದು ಆದರೆ ಇವುಗಳಿಗೇ ಸೀಮಿತವಾಗಿರುವುದಿಲ್ಲ. ಅರ್ಹತೆಯನ್ನು ನಿರ್ಣಯಿಸಲು Appleಗೆ ನೀವು ರಿಮೋಟ್ ಡಯಾಗ್ನಾಸ್ಟಿಕ್‌ಗಳನ್ನು ಸಲ್ಲಿಸಬೇಕಾದ ಅಗತ್ಯವಿದ್ದಲ್ಲಿ, ಅದನ್ನು ಸಲ್ಲಿಸುವ ಮೊದಲು, ನಾವು ಸಂಗ್ರಹಿಸುವ ಡೇಟ ಕುರಿತ ಹೆಚ್ಚುವರಿ ಮಾಹಿತಿಯನ್ನು ನೀವು ನೋಡುತ್ತಿರಿ.

ಬೆಂಬಲ ಮತ್ತು ಸೇವೆ

ನೀವು ಬೆಂಬಲ ಮತ್ತು ಸೇವೆಯನ್ನು ವಿನಂತಿಸಿದಾಗ Apple ನಿಮ್ಮ Apple ಖಾತೆ, ಸಾಧನಗಳು ಮತ್ತು AppleCare ಪ್ಲ್ಯಾನ್‌ನ ಕುರಿತ ಮಾಹಿತಿಯನ್ನು ಬಳಸಬಹುದು. ನಿಮ್ಮ ಸಂಪರ್ಕ ಮಾಹಿತಿ, ನಿಮ್ಮ ಸ್ಥಳದ ಕುರಿತ ಮಾಹಿತಿ, ಸಾಧನದ ಕ್ರಮ ಸಂಖ್ಯೆಗಳು, ಹಣಕಾಸು ಖಾತೆಯ ಮಾಹಿತಿ ಮತ್ತು ನೀವು ಒದಗಿಸಬಹುದಾದ ಇತರ ಮಾಹಿತಿಯಂತಹ ವೈಯಕ್ತಿಕ ಡೇಟವನ್ನು ಒಳಗೊಂಡಿರುವ ಈ ಮಾಹಿತಿಯನ್ನು, ನಿಮ್ಮನ್ನು ದೃಢೀಕರಿಸಲು, ನಿಮ್ಮ ಸಮಸ್ಯೆಯನ್ನು ಪರಿಹರಿಸಲು ಮತ್ತು ಟ್ರಬಲ್‌ಶೂಟ್ ಮಾಡಲು, ನಿಮ್ಮೊಂದಿಗೆ ಸಂವಹನ ನಡೆಸಲು, ಅಗತ್ಯವಿದ್ದಲ್ಲಿ ನಿಮಗೆ ಮರುಪಾವತಿಗಳನ್ನು ಒದಗಿಸಲು, ವಂಚನೆಯಿಂದ ರಕ್ಷಿಸಲು ಮತ್ತು Appleನ ಉತ್ಪನ್ನಗಳು ಅಥವಾ ಸೇವೆಗಳನ್ನು ಸುಧಾರಿಸಲು ಬಳಸಲಾಗುತ್ತದೆ.

ಥರ್ಡ್ ಪಾರ್ಟಿಗಳ ಜೊತೆಗೆ ಹಂಚಿಕೊಳ್ಳುವುದು

ನಿಮ್ಮ AppleCare ಪ್ಲ್ಯಾನ್‌ನ ಕೆಲವು ಅಂಶಗಳನ್ನು ಬೆಂಬಲಿಸಲು ನಾವು ಸಂಗ್ರಹಿಸುವ ಮಾಹಿತಿಯನ್ನು ಥರ್ಡ್ ಪಾರ್ಟಿ ಸೇವಾ ಪೂರೈಕೆದಾರರು ಮತ್ತು ನಮ್ಮ ವಿಮಾ ಪಾಲುದಾರರೊಂದಿಗೆ Apple ಹಂಚಿಕೊಳ್ಳಬಹುದು. ಉದಾಹರಣೆಗೆ, ನೀವು AppleCareನಲ್ಲಿ ನೋಂದಾಯಿಸಿಕೊಂಡಾಗ, ಒಪ್ಪಂದವೊಂದನ್ನು ರದ್ದುಗೊಳಿಸಿದಾಗ, ನಿಮ್ಮ AppleCare One ಪ್ಲ್ಯಾನ್‌ನಲ್ಲಿ ಸಾಧನವೊಂದನ್ನು ನೋಂದಾಯಿಸಿಕೊಂಡಾಗ ಅಥವಾ ಅದರ ನೋಂದಣಿಯನ್ನು ರದ್ದುಗೊಳಿಸಿದಾಗ, ಅಥವಾ ಕಳ್ಳತನ ಮತ್ತು ನಷ್ಟದ ಕ್ಲೇಮ್ ಅನ್ನು ಪ್ರಾರಂಭಿಸಿದಾಗ Apple ನಿಮ್ಮ ಸಂಪರ್ಕ ಮಾಹಿತಿ ಮತ್ತು ಸಾಧನ ಐಡೆಂಟಿಫೈಯರ್‌ಗಳನ್ನು ನಮ್ಮ ವಿಮಾ ಪಾಲುದಾರರೊಂದಿಗೆ ಹಂಚಿಕೊಳ್ಳುತ್ತದೆ.

ನಿಮ್ಮೊಂದಿಗೆ ಸಂವಹನ ನಡೆಸುವುದು

ನಿಮ್ಮ AppleCare ಪ್ಲ್ಯಾನ್ ಕುರಿತು ನಿಮ್ಮೊಂದಿಗೆ ಸಂವಹನ ನಡೆಸಲು, Apple ನಿಮ್ಮ Apple ಖಾತೆ ಮತ್ತು ಸಾಧನಗಳ ಕುರಿತ ಮಾಹಿತಿಯನ್ನು ಬಳಸಬಹುದು. ಇದು ಪಾವತಿಗಳು ಮತ್ತು ಖರೀದಿಗಳಿಗೆ ಸಂಬಂಧಿಸಿದ ಸಂದೇಶಗಳನ್ನು ಒಳಗೊಂಡಿರಬಹುದು, ಇದು ನಿಮಗೆ ಇನ್‌ವಾಯ್ಸ್‌ಗಳು ಅಥವಾ ರಶೀದಿಗಳು ಹಾಗೂ ನಿಮ್ಮ ಕ್ಲೇಮ್‌ಗಳು ಮತ್ತು ನಿಮ್ಮ ಸಾಧನಗಳ ಕುರಿತು ಸಂವಹನ ನಡೆಸುವುದನ್ನು ಒದಗಿಸುತ್ತದೆ. ನಿಮಗೆ ಆಸಕ್ತಿಯಿರಬಹುದಾದ Apple ಉತ್ಪನ್ನಗಳು, ಸೇವೆಗಳು ಮತ್ತು ಆಫರ್‌ಗಳ ಕುರಿತು ನಿಮಗೆ ಸಂವಹನಗಳನ್ನು ಕಳುಹಿಸಲು, ನಿಮ್ಮ ಮಾಲೀಕತ್ವದಲ್ಲಿರುವ Apple ಉತ್ಪನ್ನಗಳು ಮತ್ತು ನೀವು Apple ಸೇವೆಗಳಿಗೆ ಮಾಡಿರುವ ಸಬ್‌ಸ್ಕ್ರಿಪ್ಶನ್‌ಗಳಂತಹ, ನಿಮ್ಮ Apple ಖಾತೆಯ ಕುರಿತಾದ ಮಾಹಿತಿಯನ್ನು ಸಹ Apple ಬಳಸಬಹುದು. ಈಮೇಲ್ ಮಾರ್ಕೆಟಿಂಗ್ ಸ್ವೀಕರಿಸಲು ನೀವು ಸಮ್ಮತಿಸಿದರೆ, ನೀವು ಈಮೇಲ್ ಮೂಲಕ ಈ ಸಂವಹನಗಳನ್ನು ಸ್ವೀಕರಿಸಬಹುದು. ನಮ್ಮ ಸೇವೆಗಳನ್ನು ಸುಧಾರಿಸಲು, ನೋಟಿಫಿಕೇಷನ್‌ಗಳೂ ಸೇರಿದಂತೆ ನಮ್ಮ ಸಂವಹನಗಳ ಜೊತೆಗಿನ ನಿಮ್ಮ ಮಾತುಕತೆಗಳ ಕುರಿತಾದ ಮಾಹಿತಿಯನ್ನು Apple ಬಳಸುತ್ತದೆ. ನಿಮ್ಮ ಈಮೇಲ್ ಆದ್ಯತೆಗಳನ್ನು ನೀವು ಬದಲಾಯಿಸಬಹುದು ಮತ್ತು account.apple.com ಎಂಬಲ್ಲಿಗೆ ಹೋಗುವ ಮೂಲಕ ಅಥವಾ ನಿಮ್ಮ iOS, iPadOS ಅಥವಾ visionOS ಸಾಧನದಲ್ಲಿ ಸೆಟ್ಟಿಂಗ್ಸ್ > [ನಿಮ್ಮ ಹೆಸರು] > ವೈಯಕ್ತಿಕ ಮಾಹಿತಿ > ಸಂವಹನ ಆದ್ಯತೆಗಳು ಎಂಬುದಕ್ಕೆ ಹೋಗುವ ಮೂಲಕ ಈ ಕೆಲವೊಂದು ಈಮೇಲ್‌ಗಳನ್ನು ಸ್ವೀಕರಿಸುವುದರಿಂದ ಹೊರಗುಳಿಯಲು ಆಯ್ಕೆಮಾಡಬಹುದು. ನಿಮ್ಮ Macನಲ್ಲಿ, ಸಿಸ್ಟಂ ಸೆಟ್ಟಿಂಗ್ಸ್ > [ನಿಮ್ಮ ಹೆಸರು] > ವೈಯಕ್ತಿಕ ಮಾಹಿತಿ > ಸಂವಹನ ಆದ್ಯತೆಗಳು ಎಂಬುದಕ್ಕೆ ಹೋಗಿ.

ಅನಾಲಿಟಿಕ್ಸ್

Apple ನಿಮ್ಮ ಖರೀದಿ ಅನುಭವ ಮತ್ತು AppleCare ಜೊತೆಗಿನ ಸಂವಹನಗಳ ಬಗ್ಗೆ ಗುರುತಿಸಬಹುದಾದ ಮಾಹಿತಿಯನ್ನು ಸಂಗ್ರಹಿಸುತ್ತದೆ, ಇದರಲ್ಲಿ ಅರ್ಹತಾ ಪ್ರಕ್ರಿಯೆ, ಪ್ಲ್ಯಾನ್ ಮಾರಾಟ, ಸಾಧನ ಪೂರೈಕೆ ಮತ್ತು ಸೇವಾ ಇವೆಂಟ್‌ಗಳು ಸೇರಿವೆ. ಅಂತಹ ಮಾಹಿತಿಯನ್ನು ವ್ಯಾಪಾರ ಮತ್ತು ಆಂತರಿಕ ಸಂಶೋಧನೆ ಹಾಗೂ ಸೇವೆಯ ಕಾರ್ಯನಿರ್ವಹಣೆ ಮತ್ತು ಸುಧಾರಣೆಯಲ್ಲಿ ನೆರವಾಗುವ ಅನಾಲಿಟಿಕ್ಸ್‌ಗಾಗಿ, ಮಾರ್ಕೆಟಿಂಗ್‌ಗಾಗಿ ಹಾಗೂ ವಂಚನೆ ತಡೆಗಟ್ಟುವಿಕೆ ಮತ್ತು ಭದ್ರತಾ ಉದ್ದೇಶಗಳಿಗಾಗಿ ಬಳಸಬಹುದು.

ವೈಯಕ್ತಿಕ ಡೇಟವನ್ನು ಪ್ರಕ್ರಿಯೆಗೊಳಿಸುವುದಕ್ಕಾಗಿ ಅನ್ವಯವಾಗುವ ಕಾನೂನುಬದ್ಧ ಆಧಾರ

ಸಾಮಾನ್ಯವಾಗಿ, Apple ಜೊತೆಗಿನ ನಿಮ್ಮ ಒಪ್ಪಂದದ ನಿರ್ವಹಣೆಗಾಗಿ, ಸೇವೆಯನ್ನು ಒದಗಿಸಲು ಅಗತ್ಯವಾದ ಹಾಗೆ ಹಾಗೂ ನಮ್ಮ ಕಾನೂನುಬದ್ಧ ನಿಯಮಗಳನ್ನು ಪಾಲಿಸಲು ನಿಮ್ಮ ವೈಯಕ್ತಿಕ ಡೇಟವನ್ನು ನಾವು ಪ್ರಕ್ರಿಯೆಗೊಳಿಸುತ್ತದೆ. ಸಮ್ಮತಿಯು ಸೂಕ್ತವಾದ ಕಾನೂನುಬದ್ಧ ಆಧಾರವಾಗಿದ್ದಲ್ಲಿ, ನಾವು ಅದನ್ನು ಅನ್ವಯವಾಗುವ ಸ್ಥಳೀಯ ಕಾನೂನುಗಳ ಪ್ರಕಾರ ಪಡೆಯುತ್ತೇವೆ.

ಅನ್ವಯವಾಗುವ ಸ್ಥಳೀಯ ಕಾನೂನುಗಳು ಅನುಮತಿಸಿದಲ್ಲಿ, ನಾವು ಇವುಗಳನ್ನು ಮಾಡಲು ನಮ್ಮ ಅಥವಾ ಯಾವುದಾದರೂ ಥರ್ಡ್ ಪಾರ್ಟಿಯ ಕಾನೂನುಬದ್ಧ ಆಸಕ್ತಿಯ ಉದ್ದೇಶಗಳಿಗೆ ಅಗತ್ಯವಾದ ಹಾಗೆ ವೈಯಕ್ತಿಕ ಡೇಟವನ್ನು ಪ್ರಕ್ರಿಯೆಗೊಳಿಸುತ್ತೇವೆ:

• ನಿಮಗಾಗಿ ಮತ್ತು ಇತರರಿಗಾಗಿ Apple ಉತ್ಪನ್ನಗಳು ಮತ್ತು ಸೇವೆಗಳನ್ನು ಸುಧಾರಿಸುವುದು
• ನಿಮಗೆ ಸೇವೆ ಮತ್ತು ಬೆಂಬಲವನ್ನು ಒದಗಿಸುವುದು
• ಪ್ಲ್ಯಾನ್‌ಗಳಿಗೆ ಅರ್ಹತೆಯನ್ನು ಪರಿಶೀಲಿಸಿ ಮತ್ತು AppleCare ಹಾಗೂ ಇತರ ಸಂಬಂಧಿತ Apple ಉತ್ಪನ್ನಗಳು, ಸೇವೆಗಳು ಹಾಗೂ ನಿಮಗೆ ಆಸಕ್ತಿಯಿರಬಹುದಾದ ಆಫರ್‌ಗಳ ಕುರಿತು ಸಂವಹನಗಳನ್ನು ಕಳುಹಿಸಿ
• ಮೋಸ ಹಾಗೂ ಇತರ ದುರುದ್ದೇಶಪೂರಿತ ಚಟುವಟಿಕೆಗಳನ್ನು ತಡೆಯುವುದು

ಬಳಸಲಾದ ಡೇಟ ಇದನ್ನು ಒಳಗೊಂಡಿರುತ್ತದೆ:

• Apple ಜೊತೆಗೆ ನೀವು ನಡೆಸಿದ ಬೆಂಬಲ ಮತ್ತು ಸೇವೆಯ ಕುರಿತಾದ ಸಂಭಾಷಣೆಗಳು
• ನಿಮ್ಮ ಸಾಧನಗಳು ಮತ್ತು Apple ಖಾತೆಯ ಕುರಿತ ವಿವರಗಳು
• ನಿಮ್ಮ AppleCare ಪ್ಲ್ಯಾನ್ ಕುರಿತಾದ ವಿವರಗಳು

ರಿಟೆನ್ಶನ್

ವ್ಯಾಪಾರದ ಅಗತ್ಯತೆ, ಒಪ್ಪಂದದ ಬಾಧ್ಯತೆ ಅಥವಾ ಕಾನೂನು ಅವಶ್ಯಕತೆ ಇರುವವರೆಗೆ ಮಾತ್ರ ನಿಮ್ಮ ವಹಿವಾಟುಗಳು ಮತ್ತು ಪ್ಲ್ಯಾನ್ ಬಳಕೆಗೆ ಸಂಬಂಧಿಸಿದ ವೈಯಕ್ತಿಕ ಡೇಟವನ್ನು Apple ಉಳಿಸಿಕೊಳ್ಳುತ್ತದೆ. ಸಾಮಾನ್ಯವಾಗಿ, Apple ನಿಮಗೆ ಸಂಬಂಧಿಸಿದ AppleCare ಬೆಂಬಲ ಮತ್ತು ಸೇವೆಯ ಕುರಿತಾದ ಕೇಸ್‌ನ ಮಾಹಿತಿಯನ್ನು 10 ವರ್ಷಗಳವರೆಗೆ ಉಳಿಸಿಕೊಳ್ಳುತ್ತದೆ, ಕಾನೂನಿನ ಪ್ರಕಾರ ಅಗತ್ಯವಿರುವಲ್ಲಿ ಇದನ್ನು ವಿಸ್ತರಿಸಬಹುದು.

ಎಲ್ಲಾ ಸಮಯದಲ್ಲೂ, Apple ಸಂಗ್ರಹಿಸಿದ ಮಾಹಿತಿಯನ್ನು Appleನ ಗೌಪ್ಯತಾ ನೀತಿಗೆ ಅನುಗುಣವಾಗಿ ಪರಿಗಣಿಸಲಾಗುತ್ತದೆ, ಅದನ್ನು ನೀವು www.apple.com/in/privacy ಎಂಬಲ್ಲಿ ನೋಡಬಹುದು.

2026-03-30