• ನೀವು Freeform ಅನ್ನು ತೆರೆದಾಗ, ಕಾರ್ಯಕ್ಷಮತೆಯ ಒಟ್ಟು ಮಾಪನಗಳನ್ನು ಅರ್ಥಮಾಡಿಕೊಳ್ಳಲು ಮತ್ತು ಒಟ್ಟುಗೂಡಿಸಲು, Apple ಸೆಶನ್ ಅವಧಿ, ಆ್ಯಪ್ ಆವೃತ್ತಿ, ಸಾಧನದ ಪ್ರಕಾರ, ದೇಶದ ಕೋಡ್, ರ್‍ಯಾಂಡಮ್ ಐಡೆಂಟಿಫೈಯರ್‌ಗಳು, ಆಪರೇಟಿಂಗ್ ಸಿಸ್ಟಂ ಮತ್ತು ಸಬ್‌ಸ್ಕ್ರಿಪ್ಶನ್ ಮಾಹಿತಿಯ ಕುರಿತ ಒಳನೋಟಗಳನ್ನು ಸಂಗ್ರಹಿಸುತ್ತದೆ.
• Freeformನ ನಿಮ್ಮ ಬಳಕೆಯ ಕುರಿತ ಡೇಟವನ್ನು Freeform ಮತ್ತು Apple Creator Studio ಅನ್ನು ಒದಗಿಸಲು, ಅಭಿವೃದ್ಧಿಪಡಿಸಲು ಮತ್ತು ಸುಧಾರಿಸಲು ಬಳಸಲಾಗುತ್ತದೆ ಹಾಗೂ ನಿಮ್ಮ Apple ಖಾತೆಯೊಂದಿಗೆ ಸಂಯೋಜಿತವಾಗಿರುವುದಿಲ್ಲ. ಕೆಳಗೆ ವಿವರಿಸಿದಂತೆ, ಈ ಉದ್ದೇಶಗಳಿಗಾಗಿ ಕೆಲವು ಅನಾಲಿಟಿಕ್ಸ್ ಡೇಟದ ಬಳಕೆಯಿಂದ ನೀವು ಹೊರಗುಳಿಯಲು ಆಯ್ಕೆಮಾಡಬಹುದು.
• ನೀವು Apple Creator Studioಗೆ ಸಬ್‌ಸ್ಕ್ರೈಬ್ ಮಾಡಿದರೆ, ನಿಮಗೆ ಸೇವೆಯನ್ನು ಒದಗಿಸಲು ಹಾಗೂ ನಿಮಗೆ ಮಾರ್ಕೆಟಿಂಗ್ ಸಂವಹನಗಳು ಮತ್ತು ಪುಶ್ ನೋಟಿಫಿಕೇಷನ್‌ಗಳನ್ನು ಕಳುಹಿಸಲು ನಿಮ್ಮ Apple ಖಾತೆಗೆ ಸಂಬಂಧಿಸಿದ ನಿಮ್ಮ ಸಬ್‌ಸ್ಕ್ರಿಪ್ಶನ್ ಸ್ಥಿತಿಯ ಕುರಿತ ಮಾಹಿತಿಯನ್ನು ನಾವು ಬಳಸುತ್ತೇವೆ.

Freeform ಅನ್ನು ತೆರೆಯಲಾಗುತ್ತಿದೆ

ನೀವು Freeform ಅನ್ನು ತೆರೆದಾಗ, ನೀವು Apple Creator Studio ಸೇವೆಗಳನ್ನು ಎಕ್ಸ್‌ಪ್ಲೋರ್ ಮಾಡಬಹುದು ಮತ್ತು Freeform ಫೀಚರ್‌ಗಳನ್ನು ನೋಡಬಹುದು. ಸೆಶನ್ ಅವಧಿ, ಆ್ಯಪ್ ಆವೃತ್ತಿ, ಸಾಧನದ ಪ್ರಕಾರ, ದೇಶದ ಕೋಡ್, ರ್‍ಯಾಂಡಮ್ ಐಡೆಂಟಿಫೈಯರ್‌ಗಳು, ಆಪರೇಟಿಂಗ್ ಸಿಸ್ಟಂ ಮತ್ತು ಸಬ್‌ಸ್ಕ್ರಿಪ್ಶನ್ ಮಾಹಿತಿಯ ಕುರಿತ ಒಳನೋಟಗಳನ್ನು Apple ಸಂಗ್ರಹಿಸುತ್ತದೆ. ರ್‍ಯಾಂಡಮ್ ಐಡೆಂಟಿಫೈಯರ್ ವಿರುದ್ಧ ಸಂಗ್ರಹಿಸಲಾದ ಮತ್ತು ನಿಮ್ಮ Apple ಖಾತೆಯೊಂದಿಗೆ ಸಂಯೋಜಿಸದ ಈ ಮಾಹಿತಿಯನ್ನು Freeformನ ಕಾರ್ಯಕ್ಷಮತೆಯನ್ನು ಅರ್ಥಮಾಡಿಕೊಳ್ಳಲು ಮತ್ತು ಮಾಪನ ಮಾಡಲು ವರದಿಗಳನ್ನು ಒದಗಿಸುವುದಕ್ಕಾಗಿ ಒಟ್ಟುಗೂಡಿಸಲಾಗುತ್ತದೆ.

ಅನಾಲಿಟಿಕ್ಸ್ ಸಂಗ್ರಹಣೆ

ನೀವು ರಚಿಸುವ ಬೋರ್ಡ್‌ಗಳ ಸಂಖ್ಯೆ ಮತ್ತು ಪ್ರಕಾರಗಳ ಕುರಿತ ಸಾರಾಂಶ ಮಾಹಿತಿ, ಹಾರ್ಡ್‌ವೇರ್ ಮತ್ತು ಆಪರೇಟಿಂಗ್ ಸಿಸ್ಟಂ ವಿಶೇಷತೆಗಳ ಕುರಿತ ವಿವರಗಳು, ಕಾರ್ಯಕ್ಷಮತೆಯ ಅಂಕಿಅಂಶಗಳು, ನಿಮ್ಮ ಸಾಧನಗಳು ಮತ್ತು ಅಪ್ಲಿಕೇಷನ್‌ಗಳನ್ನು ನೀವು ಹೇಗೆ ಬಳಸುತ್ತೀರಿ ಎಂಬುದರ ಕುರಿತ ಡೇಟ, ಬಾಹ್ಯ ಲಿಂಕ್ ಅನ್ನು ಫಾಲೋ ಮಾಡುವುದು ಅಥವಾ ಬೇರೆ Apple ಉತ್ಪನ್ನಕ್ಕೆ ಲಿಂಕ್ ಮೂಲಕ ಆ್ಯಪ್‌ನಿಂದ ನಿರ್ಗಮಿಸುವಂತಹ ನೀವು ಸಬ್‌ಸ್ಕ್ರೈಬ್ ಮಾಡುವಂತೆ ಮಾಡುವ ಕ್ರಿಯೆಗಳು, Freeformನಲ್ಲಿ ನೀವು ವೀಕ್ಷಿಸುವ ಅಥವಾ ಅದರೊಂದಿಗೆ ಸಂವಹನ ನಡೆಸುವ ಫೀಚರ್‌ಗಳು ಮತ್ತು ಕಂಟೆಂಟ್, ನೋಟಿಫಿಕೇಷನ್‌ಗಳೊಂದಿಗಿನ ನಿಮ್ಮ ಸಂವಹನಗಳು, ನಿಮ್ಮ ಭಾಷೆಯ ಸೆಟ್ಟಿಂಗ್ಸ್ ಮತ್ತು ಇತರ ಡಯಾಗ್ನಾಸ್ಟಿಕ್ ಮತ್ತು ನಡವಳಿಕೆಯ ಡೇಟ ಸೇರಿದಂತೆ Freeformನ ನಿಮ್ಮ ಬಳಕೆಯ ಕುರಿತ ಅನಾಲಿಟಿಕ್ಸ್ ಮಾಹಿತಿಯನ್ನು Apple ಸಂಗ್ರಹಿಸುತ್ತದೆ. ನೀವು ಈಮೇಲ್ ಅಥವಾ ಡಿಜಿಟಲ್ ಜಾಹೀರಾತಿನಂತಹ ಮಾರ್ಕೆಟಿಂಗ್ ಅಭಿಯಾನದಿಂದ ಲಿಂಕ್ ಮೂಲಕ Apple Creator Studio ಅನ್ನು ಪ್ರವೇಶಿಸಿದರೆ, Apple ಮಾರ್ಕೆಟಿಂಗ್ ಅಭಿಯಾನದ ಕುರಿತ ಮಾಹಿತಿಯನ್ನು ರೆಕಾರ್ಡ್ ಮಾಡುತ್ತದೆ.

ಸೇವೆಯನ್ನು ಒದಗಿಸಲು, ಅಭಿವೃದ್ಧಿಪಡಿಸಲು ಮತ್ತು ಸುಧಾರಿಸಲು Apple ಈ ಮಾಹಿತಿಯನ್ನು ಬಳಸುತ್ತದೆ. ಮಾರ್ಕೆಟಿಂಗ್ ಸಂಪನ್ಮೂಲಗಳಿಗೆ ಆಟ್ರಿಬ್ಯೂಷನ್ ಅನ್ನು ಒದಗಿಸಲು ಮತ್ತು ನಮ್ಮ ಮಾರ್ಕೆಟಿಂಗ್ ಅಭಿಯಾನಗಳನ್ನು ಸುಧಾರಿಸಲು Apple ಮಾರ್ಕೆಟಿಂಗ್ ಅಭಿಯಾನಗಳ ಮಾಹಿತಿಯನ್ನು ಸಹ ಬಳಸುತ್ತದೆ. ಈ ಉದ್ದೇಶಗಳಿಗಾಗಿ ಈ ಅನಾಲಿಟಿಕ್ಸ್ ಮಾಹಿತಿಯ ಬಳಕೆಯಿಂದ ನೀವು ಹೊರಗುಳಿಯಲು ಆಯ್ಕೆಮಾಡಬಹುದು. ನಿಮ್ಮ iOS ಮತ್ತು iPadOS ಸಾಧನಗಳಲ್ಲಿ ಹಾಗೆ ಮಾಡಲು, ಸೆಟ್ಟಿಂಗ್ಸ್ > ಆ್ಯಪ್‌ಗಳು > Freeform ಎಂಬಲ್ಲಿಗೆ ಹೋಗಿ ಮತ್ತು ಅನಾಲಿಟಿಕ್ಸ್ ಡೇಟವನ್ನು ಹಂಚಿಕೊಳ್ಳಿ ಎಂಬುದನ್ನು ಟ್ಯಾಪ್ ಮಾಡಿ. ನಿಮ್ಮ Macನಲ್ಲಿರುವ Freeformನಲ್ಲಿ, Freeform > ಗೌಪ್ಯತೆ ಮತ್ತು ಅನಾಲಿಟಿಕ್ಸ್ ಎಂಬಲ್ಲಿಗೆ ಹೋಗಿ ಮತ್ತು ಅನಾಲಿಟಿಕ್ಸ್ ಡೇಟವನ್ನು ಹಂಚಿಕೊಳ್ಳಿ ಎಂಬ ಆಯ್ಕೆಯನ್ನು ರದ್ದುಗೊಳಿಸಿ.

ನಿಮ್ಮ ಐಡೆಂಟಿಫೈಯರ್ ಅನ್ನು ರೀಸೆಟ್ ಮಾಡಲಾಗುತ್ತಿದೆ

ಮೇಲೆ ತಿಳಿಸಲಾದ ಮಾಹಿತಿಯನ್ನು Apple Creator Studioಗೆ ನಿರ್ದಿಷ್ಟವಾಗಿರುವ ಮತ್ತು ನಿಮ್ಮ Apple ಖಾತೆಯೊಂದಿಗೆ ಸಂಯೋಜಿತವಾಗಿಲ್ಲದ ರ್‍ಯಾಂಡಮ್, ರೊಟೇಟಿಂಗ್ ಐಡೆಂಟಿಫೈಯರ್‌ಗಳ ವಿರುದ್ಧವಾಗಿ ಸಂಗ್ರಹಿಸಲಾಗಿದೆ. ಸೆಟ್ಟಿಂಗ್ಸ್ > ಆ್ಯಪ್‌ಗಳು > Freeform ಎಂಬಲ್ಲಿಗೆ ಹೋಗಿ ಮತ್ತು ಐಡೆಂಟಿಫೈಯರ್ ಅನ್ನು ರೀಸೆಟ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡುವ ಮೂಲಕ ನಿಮ್ಮ iOS ಮತ್ತು iPadOS ಸಾಧನಗಳಲ್ಲಿ ಐಡೆಂಟಿಫೈಯರ್‌ಗಳನ್ನು ನೀವು ರೀಸೆಟ್ ಮಾಡಬಹುದು. ನಿಮ್ಮ Macನಲ್ಲಿನ Freeformನಲ್ಲಿ, Freeform > ಗೌಪ್ಯತೆ ಮತ್ತು ಅನಾಲಿಟಿಕ್ಸ್ ಎಂಬಲ್ಲಿಗೆ ಹೋಗಿ ಮತ್ತು ಐಡೆಂಟಿಫೈಯರ್ ಅನ್ನು ರೀಸೆಟ್ ಮಾಡಿ ಎಂಬುದನ್ನು ಕ್ಲಿಕ್ ಮಾಡಿ.

Apple Creator Studio ಸಬ್‌ಸ್ಕ್ರಿಪ್ಶನ್

ನೀವು Apple Creator Studiod ಸಬ್‌ಸ್ಕ್ರಿಪ್ಶನ್ ಅನ್ನು ಖರೀದಿಸಿದರೆ, ನಿಮ್ಮ ಖರೀದಿಯ ವಹಿವಾಟುಗಳನ್ನು ಪ್ರಕ್ರಿಯೆಗೊಳಿಸಲು ಅಗತ್ಯವಾದ ನಿಮ್ಮ ಖಾತೆ ಹಾಗೂ ಪಾವತಿಯ ಮಾಹಿತಿಯಂತಹ ವೈಯಕ್ತಿಕ ಡೇಟವನ್ನು ಬಳಸುತ್ತೇವೆ. ನೀವು ಇದನ್ನು ಸೆಟ್ಟಿಂಗ್ಸ್ ಆ್ಯಪ್‌ನಲ್ಲಿ ಹಾಗೂ ನಿಮ್ಮ ಖರೀದಿಯ ಇತಿಹಾಸದಲ್ಲಿ ಆ್ಯಕ್ಸೆಸ್ ಮಾಡಬಹುದು ಹಾಗೂ ಬದಲಾಯಿಸಬಹುದು. Appleನ ಉಚಿತ ಟ್ರಯಲ್ ಅಥವಾ ವಿಶೇಷ ಆಫರ್ ಅನ್ನು ಪಡೆಯಲು ನೀವು ಅರ್ಹರಾಗಿದ್ದೀರಾ ಎಂದು ಪರಿಶೀಲಿಸಲು ಸಹ ನಿಮ್ಮ ವೈಯಕ್ತಿಕ ಡೇಟವನ್ನು ನಾವು ಬಳಸಬಹುದು.

Apple Creator Studioದಲ್ಲಿ ಹೆಚ್ಚುವರಿ ಸಬ್‌ಸ್ಕ್ರೈಬ್ ಮಾಡಿದ ಕಂಟೆಂಟ್ ಅನ್ನು ಆ್ಯಕ್ಸೆಸ್ ಮಾಡಲು ನೀವು ಅರ್ಹರಾಗಿದ್ದೀರಾ ಎಂಬುದನ್ನು ಪರಿಶೀಲಿಸಲು ನಾವು App Store ಮೂಲಕ ಖರೀದಿಸಿದ Apple ಸೇವೆಗಳಿಗೆ ಇರುವ ನಿಮ್ಮ ಸಕ್ರಿಯ ಸಬ್‌ಸ್ಕ್ರಿಪ್ಶನ್‌ಗಳ ಕುರಿತ ಮಾಹಿತಿಯನ್ನು ಬಳಸುತ್ತೇವೆ.

ನಿಮ್ಮ ಸಂಸ್ಥೆ ಅಥವಾ ಶೈಕ್ಷಣಿಕ ಸಂಸ್ಥೆಯು ಒದಗಿಸಿರುವ ನಿರ್ವಹಿಸಲಾದ Apple ಖಾತೆಗೆ ಸೈನ್ ಇನ್ ಆಗಿರುವಾಗ ನೀವು Freeform ಅನ್ನು ಆ್ಯಕ್ಸೆಸ್ ಮಾಡಿದರೆ, Apple Creator Studio ಸಬ್‌ಸ್ಕ್ರಿಪ್ಶನ್ ಮತ್ತು ಸಂಬಂಧಿತ ಸೇವೆಗಳು ಲಭ್ಯವಿರುವುದಿಲ್ಲ. Apple ಸಂಗ್ರಹಿಸಿದ ಮಾಹಿತಿಯನ್ನು ಮೇಲೆ ವಿವರಿಸಿದಂತೆ ರ್‍ಯಾಂಡಮ್ ಐಡೆಂಟಿಫೈಯರ್‌ಗಳಾಗಿ ಸಂಗ್ರಹಿಸಲಾಗುತ್ತದೆ ಮತ್ತು ನಿಮ್ಮ ನಿರ್ವಹಿಸಲಾದ Apple ಖಾತೆಯೊಂದಿಗೆ ಅದು ಸಂಯೋಜಿತವಾಗಿರುವುದಿಲ್ಲ.

ಥರ್ಡ್ ಪಾರ್ಟಿಗಳಿಗೆ ಕಂಟೆಂಟ್ ಅನ್ನು ಕಳುಹಿಸಿ

ಲಭ್ಯವಿರುವಲ್ಲಿ, Apple Creator Studioದಲ್ಲಿ OpenAIನಿಂದ ಚಾಲಿತವಾಗಿರುವ ಫೀಚರ್‌ಗಳನ್ನು ಬಳಸಲು ನೀವು ಆಯ್ಕೆಮಾಡಬಹುದು. ಈ ಪ್ರತಿಯೊಂದು ಫೀಚರ್‌ಗಳು OpenAIನಿಂದ ಚಾಲಿತವಾಗಿವೆ ಎಂಬುದನ್ನು ಸೂಚಿಸುತ್ತವೆ. ಈ ಫೀಚರ್‌ಗಳನ್ನು ನೀವು ಯಾವಾಗ ಬಳಸಬೇಕು ಎಂಬುದನ್ನು ನೀವು ನಿಯಂತ್ರಿಸುತ್ತೀರಿ ಮತ್ತು ಅವುಗಳನ್ನು ಬಳಸಲು ನಿಮಗೆ OpenAI ಖಾತೆಯ ಅಗತ್ಯವಿಲ್ಲ.

ನೀವು OpenAIನಿಂದ ಚಾಲಿತವಾಗಿರುವ ಫೀಚರ್ ಅನ್ನು ಬಳಸಿದಾಗ, OpenAIಗೆ ಯಾವ ಕಂಟೆಂಟ್ ಅನ್ನು ಕಳುಹಿಸಬೇಕು ಎಂಬುದನ್ನು ನೀವು ಆಯ್ಕೆಮಾಡಬಹುದು. ನಿಮ್ಮ ವಿನಂತಿ ಮತ್ತು ಬೋರ್ಡ್‌ನ ಕಂಟೆಂಟ್‌ಗಳಂತಹ ಅಟ್ಯಾಚ್‌ಮೆಂಟ್‌ಗಳು, ಹಾಗೆಯೇ ವಿನಂತಿಯನ್ನು ಮಾಡುವಾಗ ಬಳಸಲಾಗುವ ಪ್ರಸ್ತುತ ಸಮಯ ವಲಯ, ದೇಶ, ಸಾಧನದ ಪ್ರಕಾರ, ಭಾಷೆ ಮತ್ತು ಫೀಚರ್‌ನಂತಹ ವಿನಂತಿಯೊಂದಿಗೆ ಸಂಯೋಜಿತವಾಗಿರುವ ಸೀಮಿತ ಡೇಟವನ್ನು ನಿಮ್ಮ ವಿನಂತಿಗೆ ಉತ್ತರಿಸಲು ಮತ್ತು ನಿಮಗೆ ನಿಖರ ಹಾಗೂ ಸೂಕ್ತವಾದ ಫಲಿತಾಂಶಗಳನ್ನು ಒದಗಿಸಲು OpenAI ಅನ್ನು ಸಕ್ರಿಯಗೊಳಿಸಲು OpenAIಗೆ ಕಳುಹಿಸಲಾಗುತ್ತದೆ.

OpenAIನಿಂದ ಚಾಲಿತವಾಗಿರುವ ಫೀಚರ್ ಅನ್ನು ಬಳಸುವಾಗ, ನಿಮ್ಮ IP ವಿಳಾಸವನ್ನು OpenAIನಿಂದ ಮರೆಮಾಡಲಾಗುತ್ತದೆ. ನಿಮ್ಮ ಇಂಟರ್ನೆಟ್ ಕನೆಕ್ಷನ್‌ನ IP ವಿಳಾಸವನ್ನು ಭೌಗೋಳಿಕ ಪ್ರದೇಶಕ್ಕೆ ಹೊಂದಿಸುವ ಮೂಲಕ ಅಂದಾಜು ಮಾಡಲಾದ ನಿಮ್ಮ ಸಾಮಾನ್ಯ ಸ್ಥಳವನ್ನು, ವಂಚನೆಯನ್ನು ತಡೆಗಟ್ಟಲು ಮತ್ತು ಅನ್ವಯಿಸುವ ಕಾನೂನನ್ನು ಅನುಸರಿಸಲು OpenAIಯನ್ನು ಸಕ್ರಿಯಗೊಳಿಸುವಂತಹ ಉದ್ದೇಶಗಳಿಗಾಗಿ OpenAIಗೆ ಒದಗಿಸಲಾಗಿದೆ.

OpenAI ನಿಮ್ಮ Apple ಖಾತೆಗೆ ಸಂಯೋಜಿತವಾಗಿರುವ ಯಾವುದೇ ಮಾಹಿತಿಯನ್ನು ಸ್ವೀಕರಿಸುವುದಿಲ್ಲ. OpenAI ನಿಮ್ಮ ವಿನಂತಿಯನ್ನು ಪೂರ್ಣಗೊಳಿಸುವ ಉದ್ದೇಶಕ್ಕಾಗಿ ಮಾತ್ರ ನಿಮ್ಮ ಮಾಹಿತಿಯನ್ನು ಪ್ರಕ್ರಿಯೆಗೊಳಿಸಬೇಕು ಮತ್ತು ಅನ್ವಯಿಸುವ ಕಾನೂನುಗಳ ಅಡಿಯಲ್ಲಿ ಅಗತ್ಯವಿರುವ ಹೊರತಾಗಿ ನಿಮ್ಮ ಮಾಹಿತಿಯನ್ನು ಅಥವಾ ಅದು ಒದಗಿಸುವ ಯಾವುದೇ ಪ್ರತಿಕ್ರಿಯೆಯನ್ನು ಸಂಗ್ರಹಿಸಬಾರದು. OpenAI ಸಹ ತನ್ನ ಮಾಡಲ್‌ಗಳಿಗೆ ತರಬೇತಿ ನೀಡಲು ನಿಮ್ಮ ಮಾಹಿತಿಯನ್ನು ಬಳಸಬಾರದು.

ನಿಮ್ಮೊಂದಿಗೆ ಸಂವಹನ ನಡೆಸುವುದು

Freeform ಮತ್ತು ನಿಮಗೆ ಆಸಕ್ತಿಯಿರಬಹುದಾದ ಇತರ ಸಂಬಂಧಿತ Apple ಉತ್ಪನ್ನಗಳು, ಸೇವೆಗಳು ಮತ್ತು ಆಫರ್‌ಗಳ ಕುರಿತು ನಿಮಗೆ ಸಂವಹನಗಳನ್ನು ಕಳುಹಿಸಲು, ನಿಮ್ಮ ಮಾಲೀಕತ್ವದಲ್ಲಿರುವ Apple ಉತ್ಪನ್ನಗಳು, ನಿಮ್ಮ ಖಾತೆಯಲ್ಲಿ ನೋಂದಾಯಿಸಲಾದ ಸಾಧನಗಳು ಮತ್ತು Apple ಸೇವೆಗಳಿಗೆ ನೀವು ಮಾಡಿರುವ ಸಬ್‌ಸ್ಕ್ರಿಪ್ಶನ್‌ಗಳಂತಹ ನಿಮ್ಮ ಖಾತೆಯ ಕುರಿತಾದ ಮಾಹಿತಿಯನ್ನು Apple ಬಳಸಬಹುದು. ಸೇವಾ ಕೊಡುಗೆಗಳಿಗೆ ಅರ್ಹತೆಯನ್ನು ಪರಿಶೀಲಿಸಲು ನಿಮ್ಮ ಸಾಧನದ ಕ್ರಮ ಸಂಖ್ಯೆಯನ್ನು ಬಳಸಬಹುದು. ನೀವು ಕುಟುಂಬ ಹಂಚಿಕೆ ಗುಂಪಿನಲ್ಲಿದ್ದರೆ, ಕುಟುಂಬ ಹಂಚಿಕೆಯ ಮೂಲಕ ನಿಮಗೆ ಲಭ್ಯವಿರುವ ಉತ್ಪನ್ನಗಳು, ಸೇವೆಗಳು ಮತ್ತು ಆಫರ್‌ಗಳ ಕುರಿತಾದ ಸಂವಹನಗಳನ್ನು Apple ಕಳುಹಿಸಬಹುದು. ನೀವು Apple Creator Studio ಸಬ್‌ಸ್ಕ್ರಿಪ್ಶನ್ ಅನ್ನು ಖರೀದಿಸಿದರೆ, Apple Creator Studioದಲ್ಲಿ ಲಭ್ಯವಿರುವ ಹೊಸ ಫೀಚರ್‌ಗಳು, ಕಂಟೆಂಟ್ ಮತ್ತು ಆಫರ್‌ಗಳ ಕುರಿತು ನಾವು ನಿಮಗೆ ಈಮೇಲ್‌ಗಳು ಮತ್ತು ಪುಶ್ ನೋಟಿಫಿಕೇಷನ್‌ಗಳನ್ನು ಕಳುಹಿಸಬಹುದು. ನೀವು account.apple.com/in ಎಂಬಲ್ಲಿಗೆ ಹೋಗುವ ಮೂಲಕ ನಿಮ್ಮ ಈಮೇಲ್ ಆದ್ಯತೆಗಳನ್ನು ಬದಲಾಯಿಸಬಹುದು ಹಾಗೂ ಈ ಈಮೇಲ್‌ಗಳನ್ನು ಪಡೆಯುವುದರಿಂದ ಹೊರಗುಳಿಯಬಹುದು. ನಿಮ್ಮ iOS, iPadOS ಮತ್ತು visionOS ಸಾಧನಗಳಲ್ಲಿ ನಿಮ್ಮ ನೋಟಿಫಿಕೇಷನ್ ಆದ್ಯತೆಗಳನ್ನು ಅಪ್‌ಡೇಟ್ ಮಾಡಲು, ಸೆಟ್ಟಿಂಗ್ಸ್ > ನೋಟಿಫಿಕೇಷನ್‌ಗಳು ಎಂಬಲ್ಲಿಗೆ ಹೋಗಿ. ನಿಮ್ಮ Macನಲ್ಲಿ, ಸಿಸ್ಟಂ ಸೆಟ್ಟಿಂಗ್ಸ್ > ನೋಟಿಫಿಕೇಷನ್‌ಗಳು ಎಂಬಲ್ಲಿಗೆ ಹೋಗಿ.

ವೈಯಕ್ತಿಕ ಡೇಟವನ್ನು ಪ್ರಕ್ರಿಯೆಗೊಳಿಸುವುದಕ್ಕಾಗಿ ಅನ್ವಯವಾಗುವ ಕಾನೂನುಬದ್ಧ ಆಧಾರ

ನಾವು Freeform ಮತ್ತು ನಿಮ್ಮ Apple Creator Studio ಸಬ್‌ಸ್ಕ್ರಿಪ್ಶನ್‌ನಲ್ಲಿ ನಿಮ್ಮ ವೈಯಕ್ತಿಕ ಡೇಟವನ್ನು ಸಾಮಾನ್ಯವಾಗಿ Apple ಜೊತೆಗಿನ ನಿಮ್ಮ ಒಪ್ಪಂದದ ಕಾರ್ಯಕ್ಷಮತೆಗಾಗಿ, ಸೇವೆಯನ್ನು ಒದಗಿಸಲು ಅಗತ್ಯವಿರುವಂತೆ ಮತ್ತು ನಮ್ಮ ಕಾನೂನು ಬಾಧ್ಯತೆಗಳನ್ನು ಅನುಸರಿಸಲು ಪ್ರಕ್ರಿಯೆಗೊಳಿಸುತ್ತೇವೆ. ಸಮ್ಮತಿಯು ಸೂಕ್ತವಾದ ಕಾನೂನುಬದ್ಧ ಆಧಾರವಾಗಿದ್ದಲ್ಲಿ, ನಾವು ಅದನ್ನು ಅನ್ವಯವಾಗುವ ಸ್ಥಳೀಯ ಕಾನೂನುಗಳ ಪ್ರಕಾರ ಪಡೆಯುತ್ತೇವೆ.

ಅನ್ವಯವಾಗುವ ಸ್ಥಳೀಯ ಕಾನೂನುಗಳು ಅನುಮತಿಸಿದಲ್ಲಿ, ನಾವು ಇವುಗಳನ್ನು ಮಾಡಲು ನಮ್ಮ ಅಥವಾ ಯಾವುದಾದರೂ ಥರ್ಡ್ ಪಾರ್ಟಿಯ ಕಾನೂನುಬದ್ಧ ಆಸಕ್ತಿಯ ಉದ್ದೇಶಗಳಿಗೆ ಅಗತ್ಯವಾದ ಹಾಗೆ ವೈಯಕ್ತಿಕ ಡೇಟವನ್ನು ಪ್ರಕ್ರಿಯೆಗೊಳಿಸುತ್ತೇವೆ:

• Apple Creator Studioವನ್ನು ನಿಮಗೆ ಒದಗಿಸುವುದು
• ಆಫರ್‌ಗಳಿಗೆ ಅರ್ಹತೆಯನ್ನು ಪರೀಕ್ಷಿಸುವುದು ಮತ್ತು Apple Creator Studio ಹಾಗೂ ಇತರ ಸಂಬಂಧಿತ Apple ಉತ್ಪನ್ನಗಳು, ಸೇವೆಗಳು ಹಾಗೂ ನಿಮಗೆ ಆಸಕ್ತಿಯಿರಬಹುದಾದ ಆಫರ್‌ಗಳ ಬಗೆಗಿನ ಸಂವಹನಗಳನ್ನು ಕಳುಹಿಸುವುದು
• ಮೋಸ ಹಾಗೂ ಇತರ ದುರುದ್ದೇಶಪೂರಿತ ಚಟುವಟಿಕೆಗಳನ್ನು ತಡೆಯುವುದು

ಬಳಸಲಾದ ಡೇಟ ಇದನ್ನು ಒಳಗೊಂಡಿರುತ್ತದೆ:

• ನಿಮ್ಮ ಖಾತೆ ಮತ್ತು ಪಾವತಿ ಮಾಹಿತಿಯಂತಹ ನಿಮ್ಮ ಖರೀದಿ ವಹಿವಾಟುಗಳನ್ನು ಪ್ರಕ್ರಿಯೆಗೊಳಿಸಲು ಅಗತ್ಯವಿರುವ ವೈಯಕ್ತಿಕ ಡೇಟ
• App Store ಮೂಲಕ ಖರೀದಿಸಿದ Apple ಸೇವೆಗಳಿಗೆ ನಿಮ್ಮ ಸಕ್ರಿಯ ಸಬ್‌ಸ್ಕ್ರಿಪ್ಶನ್‌ಗಳ ಕುರಿತ ಮಾಹಿತಿ

ರಿಟೆನ್ಶನ್

Freeform ಮತ್ತು ನಿಮ್ಮ Apple Creator Studio ಸಬ್‌ಸ್ಕ್ರಿಪ್ಶನ್‌ಗೆ ಸಂಬಂಧಿಸಿದ ವೈಯಕ್ತಿಕ ಡೇಟವನ್ನು ನಾವು ವ್ಯಾಪಾರ ಅಗತ್ಯ, ಒಪ್ಪಂದದ ಬಾಧ್ಯತೆ ಅಥವಾ ಕಾನೂನು ಅಗತ್ಯವನ್ನು ಹೊಂದಿರುವವರೆಗೆ ಮಾತ್ರ ಉಳಿಸಿಕೊಳ್ಳುತ್ತೇವೆ. ಸಬ್‌ಸ್ಕ್ರಿಪ್ಷನ್ ಖರೀದಿ ಇತಿಹಾಸದಂತಹ ಕೆಲವು ಮಾಹಿತಿ, ಆದರೆ ನಿಮ್ಮ ಸಂಗ್ರಹಿಸಿದ ಕಾರ್ಡ್ ಮಾಹಿತಿಯಂತಲ್ಲದ ವಿವರಗಳನ್ನು ಉದ್ಯಮ ದಾಖಲೆಗಳಿಗಾಗಿ ನೀವು ಖಾತೆಯನ್ನು ಮುಚ್ಚಿದ ನಂತರವೂ ಅಥವಾ Apple Creator Studioದಿಂದ ಅನ್‌ಸಬ್‌ಸ್ಕ್ರೈಬ್ ಮಾಡಿದ ನಂತರವೂ ಉಳಿಸಿಕೊಳ್ಳಬಹುದು. ರಿಟೆನ್ಶನ್ ಅವಧಿಯನ್ನು ಮೌಲ್ಯಮಾಪನ ಮಾಡುವ ಸಂದರ್ಭದಲ್ಲಿ, ನಾವು ಮೊದಲಿಗೆ ಸಂಗ್ರಹಿಸಿದ ವೈಯಕ್ತಿಕ ಡೇಟವನ್ನು ಉಳಿಸಿಕೊಳ್ಳುವ ಅಗತ್ಯವಿದೆಯೇ ಎಂದು ಜಾಗರೂಕವಾಗಿ ಪರೀಕ್ಷಿಸುತ್ತೇವೆ, ನಂತರ ರಿಟೆನ್ಶನ್ ಅಗತ್ಯವಿದ್ದಲ್ಲಿ, ಕಾನೂನಿನ ಅಡಿಯಲ್ಲಿ ಅವಕಾಶ ನೀಡಲಾಗಿರುವ ಅತಿ ಕಡಿಮೆ ಅವಧಿಗೆ ವೈಯಕ್ತಿಕ ಡೇಟವನ್ನು ಉಳಿಸಿಕೊಳ್ಳುವ ಕುರಿತು ಕೆಲಸ ಮಾಡುತ್ತೇವೆ.

ಎಲ್ಲಾ ಸಮಯದಲ್ಲೂ, Apple ಸಂಗ್ರಹಿಸಿದ ಮಾಹಿತಿಯನ್ನು Appleನ ಗೌಪ್ಯತಾ ನೀತಿಗೆ ಅನುಗುಣವಾಗಿ ಪರಿಗಣಿಸಲಾಗುತ್ತದೆ, ಅದನ್ನು ನೀವು www.apple.com/in/privacy ಎಂಬಲ್ಲಿ ನೋಡಬಹುದು.

2026-03-30