• ನಿಮ್ಮ “Shazam ಸಂಗೀತ ಗುರುತಿಸುವಿಕೆ” ವಿನಂತಿಗಳು ರ‍್ಯಾಂಡಮ್, ಸಾಧನದಿಂದ ಜನರೇಟ್ ಮಾಡಲಾದ ಐಡೆಂಟಿಫೈಯರ್ ಒಂದಕ್ಕೆ ಸಂಬಂಧಿಸಿರುತ್ತದೆ. ಈ ರ‍್ಯಾಂಡಮ್ ಐಡೆಂಟಿಫೈಯರ್ ನಿಮ್ಮ Apple ಖಾತೆಯೊಂದಿಗೆ ಲಿಂಕ್ ಆಗಿಲ್ಲ.
• ನಿಮ್ಮ Apple ಖಾತೆಗೆ ಸೈನ್ ಇನ್ ಮಾಡಿದರೆ ಮತ್ತು ಎರಡು-ಅಂಶದ ದೃಢೀಕರಣವನ್ನು ಸಕ್ರಿಯಗೊಳಿಸಿದರೆ, Shazam ಸಂಗೀತ ಗುರುತಿಸುವಿಕೆಯು iCloud ಬಳಸಿಕೊಂಡು ಗುರುತಿಸಲಾದ Shazam ಸಂಗೀತ ಗುರುತಿಸುವಿಕೆ ವಿನಂತಿಗಳನ್ನು ನಿಮ್ಮೆಲ್ಲಾ ಸಾಧನಗಳಲ್ಲಿ ಸಿಂಕ್ ಮಾಡುತ್ತದೆ.
• ನಿಮ್ಮ “Shazam ಸಂಗೀತ ಗುರುತಿಸುವಿಕೆ” ಇತಿಹಾಸದಲ್ಲಿ ನಿಮ್ಮ ವಿನಂತಿಗಳ ಪಟ್ಟಿಯನ್ನು ಡಿಸ್‌ಪ್ಲೇ ಮಾಡಲು, ನೀವು ಸೇವೆಯನ್ನು ಬಳಸಿಕೊಂಡು ಗುರುತಿಸಿದ ಹಾಡುಗಳಂತಹ ನಿಮ್ಮ “Shazam ಸಂಗೀತ ಗುರುತಿಸುವಿಕೆ” ಚಟುವಟಿಕೆಯ ಮಾಹಿತಿಯನ್ನು ನಾವು ಸಂಗ್ರಹಿಸುತ್ತೇವೆ.

ನಿಮ್ಮ ಮಾಹಿತಿಯ ಗೌಪ್ಯತೆ ಮತ್ತು ಸುರಕ್ಷತೆಯನ್ನು ರಕ್ಷಿಸುವುದು Appleನಲ್ಲಿರುವ ಪ್ರತಿಯೊಬ್ಬರಿಗೂ ಆದ್ಯತೆಯಾಗಿದೆ. ನಿಮ್ಮ ಅನುಭವವನ್ನು ಸುಧಾರಿಸಲು ಅಗತ್ಯವಾದ ಡೇಟವನ್ನು ಮಾತ್ರ ಸಂಗ್ರಹಿಸಲು ನಾವು ನಮ್ಮ ಕೈಲಾದಷ್ಟು ಪ್ರಯತ್ನಿಸುತ್ತೇವೆ. ನಾವು ಡೇಟವನ್ನು ಸಂಗ್ರಹಿಸಿದಾಗ, ನಾವು ಏನನ್ನು ಸಂಗ್ರಹಿಸುತ್ತಿದ್ದೇವೆ ಮತ್ತು ನಮಗೆ ಅದರ ಅಗತ್ಯ ಏಕಿದೆ ಎಂಬುದು ನಿಮಗೆ ತಿಳಿದಿದ್ದರೆ ನೀವು ತಿಳುವಳಿಕೆಯುಳ್ಳ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಅದು ನೆರವಾಗುತ್ತದೆ ಎಂದು ನಾವು ಭಾವಿಸುತ್ತೇವೆ.

Shazam ಸಂಗೀತ ಗುರುತಿಸುವಿಕೆ ಬಳಸುವುದು

ನೀವು ಪ್ರಸಾರವಾಗುತ್ತಿರುವ ಹಾಡನ್ನು ಗುರುತಿಸಲು Apple Watchನಲ್ಲಿ “Shazam ಸಂಗೀತ ಗುರುತಿಸುವಿಕೆ” ಆ್ಯಪ್ ಅನ್ನು ಬಳಸಬಹುದು. “Shazam ಸಂಗೀತ ಗುರುತಿಸುವಿಕೆ” ನಿಮ್ಮ ಹಾಡುಗಳ ವಿನಂತಿ ಕುರಿತು ಕೆಲವು ಡೇಟವನ್ನು Appleಗೆ ಕಳುಹಿಸುತ್ತದೆ, ಅದರಲ್ಲಿ ಪ್ರತಿ ಹಾಡಿಗೆ ವಿಶಿಷ್ಟ ಆಡಿಯೋ ಫಿಂಗರ್‌ಪ್ರಿಂಟ್ ಕೂಡ ಒಳಗೊಂಡಿರುತ್ತದೆ. ಅದರಿಂದ ನಿಮ್ಮ “Shazam ಸಂಗೀತ ಗುರುತಿಸುವಿಕೆ” ವಿನಂತಿಯನ್ನು ಪ್ರಕ್ರಿಯೆಗೊಳಿಸಲು ಮತ್ತು ಗುರುತಿಸಲು ಸಹಾಯವಾಗುತ್ತದೆ. ಡಿಫಾಲ್ಟ್ ರೂಪದಲ್ಲಿ, “Shazam ಸಂಗೀತ ಗುರುತಿಸುವಿಕೆ” ವಿನಂತಿಗಳು ರ‍್ಯಾಂಡಮ್, ಸಾಧನದಿಂದ ಜನರೇಟ್ ಮಾಡಲಾದ ಐಡೆಂಟಿಫೈಯರ್ ಒಂದಕ್ಕೆ ಸಂಬಂಧಿಸಿರುತ್ತದೆ, ಆದರೆ ನಿಮ್ಮ Apple ಖಾತೆಗೆ ಲಿಂಕ್ ಆಗಿರುವುದಿಲ್ಲ.

ನಿಮ್ಮ Apple ಖಾತೆಗೆ ಸೈನ್ ಇನ್ ಮಾಡಿದರೆ ಮತ್ತು ಎರಡು-ಅಂಶದ ದೃಢೀಕರಣವನ್ನು ಸಕ್ರಿಯಗೊಳಿಸಿದರೆ, “Shazam ಸಂಗೀತ ಗುರುತಿಸುವಿಕೆ”ಯು iCloud ಬಳಸಿಕೊಂಡು ಗುರುತಿಸಲಾದ “Shazam ಸಂಗೀತ ಗುರುತಿಸುವಿಕೆ” ವಿನಂತಿಗಳನ್ನು iCloudನಲ್ಲಿ ಸೇವ್ ಮಾಡುತ್ತದೆ. ಅಲ್ಲಿ ಅದನ್ನು ಪ್ರಸಾರದಲ್ಲಿ ಮತ್ತು ವಿರಾಮದಲ್ಲಿರುವಾಗ ಎನ್‌ಕ್ರಿಪ್ಟ್ ಮಾಡಲಾಗುತ್ತದೆ. ಸೆಟ್ಟಿಂಗ್ಸ್ > [ನಿಮ್ಮ ಹೆಸರು] > iCloud ಎಂಬಲ್ಲಿಗೆ ಹೋಗಿ ”Shazam ಸಂಗೀತ ಗುರುತಿಸುವಿಕೆ”ಯನ್ನು ಆಫ್ ಮಾಡಲು ಟ್ಯಾಪ್ ಮಾಡುವ ಮೂಲಕ, ನಿಮ್ಮ iOS ಅಥವಾ iPadOS ಸಾಧನದಿಂದ iCloud ಸಿಂಕ್ ಆಗುವುದನ್ನು ನಿಷ್ಕ್ರಿಯಗೊಳಿಸಬಹುದು. ನೀವು “Shazam ಸಂಗೀತ ಗುರುತಿಸುವಿಕೆ”ಗಾಗಿ iCloud ಸಿಂಕಿಂಗ್ ಅನ್ನು ನಿಷ್ಕ್ರಿಯಗೊಳಿಸಿದಾಗ, iCloudನಲ್ಲಿ ಸೇವ್ ಮಾಡಲಾಗಿರುವ ನಿಮ್ಮ “Shazam ಸಂಗೀತ ಗುರುತಿಸುವಿಕೆ” ವಿನಂತಿಗಳು ನಿಮ್ಮ Apple ಖಾತೆಯಲ್ಲಿ ಉಳಿಯುತ್ತದೆ, ಆದರೆ “Shazam ಸಂಗೀತ ಗುರುತಿಸುವಿಕೆ”ಯಿಂದ ಹೊಸ ವಿನಂತಿಗಳನ್ನು ಸೇರಿಸಲಾಗುವುದಿಲ್ಲ. ನೀವು ಆ್ಯಪ್‌ನಲ್ಲಿ ಇತಿಹಾಸ ಟ್ಯಾಬ್‌ಗೆ ಹೋಗಿ ನಿಮ್ಮ “Shazam ಸಂಗೀತ ಗುರುತಿಸುವಿಕೆ” ಇತಿಹಾಸವನ್ನು ನಿರ್ವಹಿಸಬಹುದು.

ನೀವು iPhone, iPad ಹಾಗೂ Macನಲ್ಲಿ ಕಂಟ್ರೋಲ್ ಸೆಂಟರ್, Siri ಹಾಗೂ ಇತರ ಫೀಚರ್‌ಗಳಿಂದ ಹಾಡುಗಳನ್ನು ಗುರುತಿಸಲು ಸಹ “Shazam ಸಂಗೀತ ಗುರುತಿಸುವಿಕೆ”ಯನ್ನು ಬಳಸಬಹುದು. ಕಂಟ್ರೋಲ್ ಸೆಂಟರ್, Siri ಮೊದಲಾದುವುಗಳಲ್ಲಿ “Shazam ಸಂಗೀತ ಗುರುತಿಸುವಿಕೆ”ಯನ್ನು ಹೇಗೆ ಸೇರಿಸುವುದು ಮತ್ತು ಬಳಸುವುದು ಎಂಬ ಕುರಿತು ಹೆಚ್ಚಿನ ಮಾಹಿತಿಗಾಗಿ support.apple.com/en-in/118570 ಎಂಬಲ್ಲಿಗೆ ಭೇಟಿ ನೀಡಿ.

ನಿಮ್ಮ ಕುರಿತು ಸಂಗ್ರಹಿಸಲಾದ ಮಾಹಿತಿ

ನಿಮ್ಮ “Shazam ಸಂಗೀತ ಗುರುತಿಸುವಿಕೆ”ಯ ಇತಿಹಾಸದಲ್ಲಿ ನಿಮಗೆ ಡಿಸ್‌ಪ್ಲೇ ಮಾಡಲು, ನೀವು “Shazam ಸಂಗೀತ ಗುರುತಿಸುವಿಕೆ”ಯಲ್ಲಿ ಯಾವ ಹಾಡುಗಳನ್ನು ಗುರುತಿಸಿದ್ದೀರಿ ಎಂಬುದರ ಕುರಿತ ಡೇಟವನ್ನು ನಾವು ಸಂಗ್ರಹಿಸುತ್ತೇವೆ. ವಂಚನೆ ಅಥವಾ ಸೇವೆಯ ದುರುಪಯೋಗವನ್ನು ಪತ್ತೆ ಮಾಡಲು ಸಹಾಯವಾಗಲು ಕೆಲವು ಐಡೆಂಟಿಫೈಯರ್‌ಗಳನ್ನು (IP ವಿಳಾಸದಂತಹ) ಸಹ ನಾವು ಸಂಗ್ರಹಿಸಬಹುದು. ನೀವು ಆ್ಯಪ್ ಅನ್ನು ಬಳಸುವಾಗ “Shazam ಸಂಗೀತ ಗುರುತಿಸುವಿಕೆ”ಗೆ ನಿಮ್ಮ ಸಾಧನದ ಸ್ಥಳದ ಆ್ಯಕ್ಸೆಸ್ ನೀಡಲು ಆಯ್ಕೆ ಮಾಡಬಹುದು. ನೀವು ಹಾಡೊಂದನ್ನು ಎಲ್ಲಿ ಗುರುತಿಸಿದ್ದೀರಿ ಎನ್ನುವುದನ್ನು ನಿಮಗೆ ತೋರಿಸಲು ಮತ್ತು ಸೇವೆಯ ಗುಣಮಟ್ಟವನ್ನು ಸುಧಾರಿಸಲು ನಾವು ಸ್ಥಳ ಡೇಟವನ್ನು ಬಳಸುತ್ತೇವೆ. ಸೆಟ್ಟಿಂಗ್ಸ್ > ಗೌಪ್ಯತೆ ಮತ್ತು ಭದ್ರತೆ > ಸ್ಥಳ ಸೇವೆಗಳು ಎಂಬಲ್ಲಿಗೆ ಹೋಗಿ “Shazam ಸಂಗೀತ ಗುರುತಿಸುವಿಕೆ” ಎಂಬುದಕ್ಕೆ ಸ್ಥಳ ಆ್ಯಕ್ಸೆಸ್ ಅನ್ನು “ಎಂದಿಗೂ ಬೇಡ” ಎಂದು ಸೆಟ್ ಮಾಡುವ ಮೂಲಕ ಯಾವುದೇ ಸಮಯದಲ್ಲಿ ನಿಮ್ಮ iPhoneನಲ್ಲಿ “Shazam ಸಂಗೀತ ಗುರುತಿಸುವಿಕೆ”ಗೆ ಸ್ಥಳ ಸೇವೆಗಳನ್ನು ನಿಷ್ಕ್ರಿಯಗೊಳಿಸಬಹುದು.

ಸಂಬಂಧಿತ Apple ಉತ್ಪನ್ನಗಳು ಮತ್ತು ಸೇವೆಗಳಿಗೆ ಬೆಂಬಲಿಸಲು, ನಾವು “Shazam ಸಂಗೀತ ಗುರುತಿಸುವಿಕೆ”ಯನ್ನು ಬಳಸಿಕೊಂಡು ಗುರುತಿಸಲಾದ ಹಾಡುಗಳು ಮತ್ತು ಪ್ರತಿ Shazam ಸಂಗೀತ ಗುರುತಿಸುವಿಕೆ” ವಿನಂತಿಯ ಅಂದಾಜು ಸ್ಥಳದ ಗುರುತಿಸಲಾಗದ ಮತ್ತು ಒಟ್ಟುಗೂಡಿಸಿದ ಮಾಹಿತಿಯನ್ನು ನಾವು ಬಳಸಿಕೊಳ್ಳಬಹುದು. ಅದರಲ್ಲಿ ಟ್ರೆಂಡಿಂಗ್ ಹಾಡುಗಳ Apple Music ಮತ್ತು Shazam ಚಾರ್ಟ್‌ಗಳಿಗೆ ಗುರುತಿಸಲಾದ ವಿನಂತಿಗಳನ್ನು ಸೇರಿಸುವುದು ಒಳಗೊಂಡಿದೆ.

Apple Music

ನಿಮ್ಮ ಬಳಿ Apple Music ಸಬ್‌ಸ್ಕ್ರಿಪ್ಷನ್ ಇದ್ದರೆ, Apple Music ಸ್ವಯಂಚಾಲಿತವಾಗಿ “Shazam ಸಂಗೀತ ಗುರುತಿಸುವಿಕೆ”ಗೆ ಲಿಂಕ್ ಆಗುತ್ತದೆ. “Shazam ಸಂಗೀತ ಗುರುತಿಸುವಿಕೆ” ಬಳಸಿಕೊಂಡು ಗುರುತಿಸಿದ ಹಾಡುಗಳನ್ನು ನಿಮ್ಮ Apple Music ಪ್ಲೇಲಿಸ್ಟ್‌ಗೆ ಸೇರಿಸಲು ಅನುಮತಿಸುವಂತಹ ಫೀಚರ್‌ಗಳನ್ನು ಒದಗಿಸಲು ನಿಮ್ಮ Apple Music ಖಾತೆಯ ಮಾಹಿತಿಯನ್ನು “Shazam ಸಂಗೀತ ಗುರುತಿಸುವಿಕೆ” ಬಳಸಿಕೊಳ್ಳಬಹುದು. “Shazam ಸಂಗೀತ ಗುರುತಿಸುವಿಕೆ”ಯು ನಿಮ್ಮ ಸಬ್‌ಸ್ಕ್ರೈಬ್ ಆಗಿರುವುದು ಅಥವಾ ಇಲ್ಲದೆ ಇರುವುದನ್ನು ಆಧರಿಸಿ “Shazam ಸಂಗೀತ ಗುರುತಿಸುವಿಕೆ” ಆ್ಯಪ್‌ನಲ್ಲಿ ಶಿಫಾರಸುಗಳನ್ನು ವೈಯಕ್ತೀಕರಿಸಬಹುದು. ಯಾವುದಾದರೂ ಹೊಂದಿಕೆಯಾಗುವ ಥರ್ಡ್-ಪಾರ್ಟಿ ಸಂಗೀತ ಪ್ರಸಾರ ಸೇವೆಯಲ್ಲಿ ಗುರುತಿಸಲಾದ Shazam ಸಂಗೀತ ಗುರುತಿಸುವಿಕೆ ವಿನಂತಿಯನ್ನು ತೆರೆಯುವುದನ್ನು ನೀವು ಆರಿಸಿಕೊಳ್ಳಬಹುದು.

Apple Watch ಸಂಗೀತ ಪತ್ತೆ

ನಿಮ್ಮ ಸುತ್ತಲಿನ ಪರಿಸರದಲ್ಲಿ ಸಂಗೀತ ಪ್ಲೇ ಆಗುತ್ತಿರುವಾಗ ಅದನ್ನು ಸ್ವಯಂಚಾಲಿತವಾಗಿ ಪತ್ತೆಹಚ್ಚಲು ನಿಮ್ಮ Watchಗೆ ಮೈಕ್ರೋಫೋನ್ ಅನ್ನು ಬಳಸಲು ಅನುಮತಿಸುವುದಕ್ಕಾಗಿ ನೀವು Apple Watchನಲ್ಲಿ ಸಂಗೀತ ಪತ್ತೆಮಾಡುವಿಕೆ ಫೀಚರ್ ಸಕ್ರಿಯಗೊಳಿಸುವುದನ್ನು ಆರಿಸಿಕೊಳ್ಳಬಹುದು. ಸಂಗೀತ ಪತ್ತೆಯನ್ನು ಸಕ್ರಿಯಗೊಳಿಸಿದರೆ, ಸಂಗೀತ ಪ್ರಸಾರವಾಗುತ್ತಿದೆ ಎಂಬುದನ್ನು ಪತ್ತೆ ಮಾಡಿದಾಗ ನಿಮ್ಮ Apple Watch ನಿಮಗೆ ಸೂಚನೆ ನೀಡುತ್ತದೆ ಮತ್ತು ಪ್ರಸಾರವಾಗುತ್ತಿರುವ ಹಾಡನ್ನು ಗುರುತಿಸಲು ನೀವು “Shazam ಸಂಗೀತ ಗುರುತಿಸುವಿಕೆ” ಫೀಚರ್ ಬಳಸುವುದನ್ನು ಆರಿಸಿಕೊಳ್ಳಬಹುದು. “ಸಂಗೀತ ಪತ್ತೆ” ಪೂರ್ಣ ರೀತಿಯಲ್ಲಿ ಸಾಧನದಲ್ಲಿ ಕೆಲಸ ಮಾಡುತ್ತದೆ, ಹೀಗಾಗಿ ನಿಮ್ಮ Apple Watch ಸಂಗೀತ ಪ್ರಸಾರವಾಗುತ್ತಿದೆಯೇ ಎಂಬುದನ್ನು ಪತ್ತೆ ಮಾಡಲು ಆಲಿಸುವಾಗ ಯಾವುದೇ ಆಡಿಯೊವನ್ನು ರೆಕಾರ್ಡ್ ಮಾಡುವುದಿಲ್ಲ ಅಥವಾ ಉಳಿಸಿಕೊಳ್ಳುವುದಿಲ್ಲ. ನೀವು ಸೆಟ್ಟಿಂಗ್ಸ್ > ಗೌಪ್ಯತೆ & ಭದ್ರತೆ > ಮೈಕ್ರೋಫೋನ್ ಎಂಬಲ್ಲಿಗೆ ಹೋಗಿ “ಸಂಗೀತ ಪತ್ತೆ”ಯನ್ನು ಆಫ್ ಮಾಡುವ ಮೂಲಕ ನಿಮ್ಮ Apple Watchನಲ್ಲಿ ಯಾವುದೇ ಸಮಯದಲ್ಲಿ ಸಂಗೀತ ಪತ್ತೆಯನ್ನು ನಿಷ್ಕ್ರಿಯಗೊಳಿಸಬಹುದು.

ನಿಮ್ಮೊಂದಿಗೆ ಸಂವಹನ ನಡೆಸುವುದು

ನೀವು Shazam ಸಂಗೀತ ಗುರುತಿಸುವಿಕೆಗೆ ನೋಟಿಫಿಕೇಷನ್‌ಗಳನ್ನು ಸಕ್ರಿಯಗೊಳಿಸಿದರೆ, ನಿಮ್ಮ Shazam ಚಟುವಟಿಕೆಗೆ ಸಂಬಂಧಿಸಿದಂತೆ ನಾವು ನಿಮಗೆ ನೋಟಿಫಿಕೇಷನ್‌ಗಳನ್ನು ಕಳುಹಿಸಬಹುದು. ನಿಮ್ಮ iOS ಅಥವಾ iPadOS ಸಾಧನದಲ್ಲಿ ನಿಮ್ಮ ನೋಟಿಫಿಕೇಷನ್ ಆದ್ಯತೆಗಳನ್ನು ಅಪ್‌ಡೇಟ್ ಮಾಡಲು, ಸೆಟ್ಟಿಂಗ್ಸ್ > ನೋಟಿಫಿಕೇಷನ್‌ಗಳು > Shazam ಸಂಗೀತ ಗುರುತಿಸುವಿಕೆ ಎಂಬಲ್ಲಿಗೆ ಹೋಗಿ.

ಥರ್ಡ್ ಪಾರ್ಟಿಗಳ ಜೊತೆಗೆ ಹಂಚಿಕೊಳ್ಳುವುದು

ನಾವು “Shazam ಸಂಗೀತ ಗುರುತಿಸುವಿಕೆ”ಯನ್ನು ಬಳಸಿಕೊಂಡು ಗುರುತಿಸಲಾದ ಹಾಡುಗಳು ಮತ್ತು ಪ್ರತಿ Shazam ಸಂಗೀತ ಗುರುತಿಸುವಿಕೆ” ವಿನಂತಿಯ ಅಂದಾಜು ಸ್ಥಳದ ಗುರುತಿಸಲಾಗದ ಮತ್ತು ಒಟ್ಟುಗೂಡಿಸಿದ ಮಾಹಿತಿಯನ್ನು, ಸಂಗೀತದ ಲೇಬಲ್‌ಗಳು ಮತ್ತು ಕಲಾವಿದರನ್ನು ಒಳಗೊಂಡು ನಮ್ಮ ಪಾಲುದಾರರ ಜೊತೆಗೆ ಹಂಚಿಕೊಳ್ಳುತ್ತೇವೆ. ಈ ಮಾಹಿತಿಯಿಂದ ನಮ್ಮ ಪಾಲುದಾರರಿಗೆ ಮಾರ್ಕೆಟ್‌ನಲ್ಲಿ ಯಾವ ಹಾಡು ಯಶಸ್ಸು ಕಾಣುತ್ತದೆ ಎಂದು ಅರ್ಥಮಾಡಿಕೊಳ್ಳಲು ಸಾಧ್ಯವಾಗಿಸುತ್ತದೆ.

ವೈಯಕ್ತಿಕ ಡೇಟವನ್ನು ಪ್ರಕ್ರಿಯೆಗೊಳಿಸುವುದಕ್ಕಾಗಿ ಅನ್ವಯವಾಗುವ ಕಾನೂನುಬದ್ಧ ಆಧಾರ

ಸೇವೆಯನ್ನು ಒದಗಿಸಲು ಮತ್ತು ನಮ್ಮ ಕಾನೂನು ಬಾಧ್ಯತೆಗಳನ್ನು ಅನುಸರಿಸಲು ಅಗತ್ಯವಿರುವಂತೆ Apple ಜೊತೆಗಿನ ನಿಮ್ಮ ಒಪ್ಪಂದದ ಕಾರ್ಯಕ್ಷಮತೆಗಾಗಿ ಸಾಮಾನ್ಯವಾಗಿ Shazam ಸಂಗೀತ ಗುರುತಿಸುವಿಕೆಯಲ್ಲಿ ನಿಮ್ಮ ವೈಯಕ್ತಿಕ ಡೇಟವನ್ನು ನಾವು ಪ್ರಕ್ರಿಯೆಗೊಳಿಸುತ್ತೇವೆ. ಸಮ್ಮತಿಯು ಸೂಕ್ತವಾದ ಕಾನೂನುಬದ್ಧ ಆಧಾರವಾಗಿದ್ದಲ್ಲಿ, ನಾವು ಅದನ್ನು ಅನ್ವಯವಾಗುವ ಸ್ಥಳೀಯ ಕಾನೂನುಗಳ ಪ್ರಕಾರ ಪಡೆಯುತ್ತೇವೆ.

ಅನ್ವಯವಾಗುವ ಸ್ಥಳೀಯ ಕಾನೂನಿಗೆ ಒಳಪಟ್ಟು, ನಮ್ಮ ಅಥವಾ ಥರ್ಡ್ ಪಾರ್ಟಿಯ ಕಾನೂನುಬದ್ಧ ಹಿತಾಸಕ್ತಿಗಳ ಉದ್ದೇಶಗಳಿಗಾಗಿ ಅಗತ್ಯವಿರುವಲ್ಲಿ ನಾವು ವೈಯಕ್ತಿಕ ಡೇಟವನ್ನು ಪ್ರಕ್ರಿಯೆಗೊಳಿಸುತ್ತೇವೆ:

• ನಿಮಗೆ ಪ್ರಸ್ತುತವೆನಿಸುವ ಕಂಟೆಂಟ್ ಅನ್ನು ಒದಗಿಸುವುದು
• ನಿಮಗಾಗಿ ಮತ್ತು ಇತರರಿಗಾಗಿ Shazam ಸಂಗೀತ ಗುರುತಿಸುವಿಕೆಯನ್ನು ಸುಧಾರಿಸಲು ಮತ್ತು ಆಪ್ಟಿಮೈಜ್ ಮಾಡಲು ಸಹಾಯ ಮಾಡುವುದು
• ಪ್ರಕಾಶಕರು, ಕಲಾವಿದರು, ಲೇಬಲ್‌ಗಳು ಹಾಗೂ ಚಾರ್ಟ್ ಕಂಪೈಲರ್‌ಗಳಿಗೆ ವರದಿಯನ್ನು ಒದಗಿಸುವುದು
• ಮೋಸ ಹಾಗೂ ಇತರ ದುರುದ್ದೇಶಪೂರಿತ ಚಟುವಟಿಕೆಗಳನ್ನು ತಡೆಯುವುದು

ಬಳಸಲಾದ ಡೇಟ ಇದನ್ನು ಒಳಗೊಂಡಿರುತ್ತದೆ:

• Shazam ಸಂಗೀತ ಗುರುತಿಸುವಿಕೆ ಬಳಸಿಕೊಂಡು ನೀವು ವಿನಂತಿಸುವ ಹಾಡುಗಳು
• ನಿಮ್ಮ ಯಾವುದಾದರೂ Apple Music ಸಬ್‌ಸ್ಕ್ರಿಪ್ಶನ್ ಸೇರಿದಂತೆ ನಿಮ್ಮ ಸಾಧನ ಮತ್ತು ಖಾತೆಯ ಕುರಿತು ವಿವರಗಳು
• ನಿಮ್ಮ IP ವಿಳಾಸ

ನಿಮ್ಮ ಡೇಟವನ್ನು ನಿರ್ವಹಿಸುವುದು

ಎಲ್ಲಾ ಸಮಯದಲ್ಲೂ, Apple ಸಂಗ್ರಹಿಸಿದ ಮಾಹಿತಿಯನ್ನು Appleನ ಗೌಪ್ಯತೆ ನೀತಿಗೆ ಅನುಗುಣವಾಗಿ ಪರಿಗಣಿಸಲಾಗುತ್ತದೆ, ಅದನ್ನು ನೀವು www.apple.com/in/privacy ಎಂಬಲ್ಲಿ ನೋಡಬಹುದು.

2026-03-30