• ನೀವು ಫಾಲೋ ಮಾಡುವ ಕ್ರೀಡೆಗಳು, ಲೀಗ್‌ಗಳು, ತಂಡಗಳು ಮತ್ತು ಕ್ರೀಡಾಪಟುಗಳ ಕುರಿತು ಮಾಹಿತಿಯನ್ನು Apple ಸಂಗ್ರಹಿಸುತ್ತದೆ ಮತ್ತು ಎಲ್ಲಾ ಬೆಂಬಲಿತ Apple ಆ್ಯಪ್‌ಗಳಾದ್ಯಂತ ಆ ಮಾಹಿತಿಯನ್ನು ಸಿಂಕ್ ಮಾಡುತ್ತದೆ. ನಿಮ್ಮ ಕ್ರೀಡಾ ಆಸಕ್ತಿಗಳು ನಿಮ್ಮ Apple ಖಾತೆಯೊಂದಿಗೆ ಸಂಯೋಜಿತವಾಗಿರುತ್ತವೆ.
• Apple Sports, Apple TV ಹಾಗೂ Apple News ಸೇರಿದಂತೆ Apple ಆ್ಯಪ್‌ಗಳೊಳಗೆ ನಿಮ್ಮ ಅನುಭವವನ್ನು ವೈಯಕ್ತೀಕರಿಸಲು ಮತ್ತು ನಿಮಗೆ ನೋಟಿಫಿಕೇಷನ್‌ಗಳನ್ನು ಕಳುಹಿಸಲು ನೀವು ಫಾಲೋ ಮಾಡುವ ಕ್ರೀಡೆಗಳಿಗೆ ಸಂಬಂಧಿಸಿದ ಅಭಿರುಚಿಗಳ ಮಾಹಿತಿಯನ್ನು ನಾವು ಬಳಸಿಕೊಳ್ಳುತ್ತೇವೆ.
• ನೀವು ಯಾವುದೇ ಸಮಯದಲ್ಲೂ Apple ಆ್ಯಪ್‌ಗಳಲ್ಲಿ ನಿಮ್ಮ ಕ್ರೀಡಾ ಆಸಕ್ತಿಗಳನ್ನು ಹಂಚಿಕೊಳ್ಳುವುದನ್ನು ನಿಲ್ಲಿಸಲು ಆಯ್ಕೆ ಮಾಡಬಹುದು. ನನ್ನ ಕ್ರೀಡೆಗಳು ಸಿಂಕ್ ಆಗುವುದನ್ನು ಆಫ್ ಮಾಡುವುದು ಬೆಂಬಲಿತ ಆ್ಯಪ್‌ಗಳಲ್ಲಿ ಕ್ರೀಡೆಗಳ ಫೀಚರ್ ಅನ್ನು ಬಳಸುವ ನಿಮ್ಮ ಸಾಮರ್ಥ್ಯ ಕಡಿಮೆಯಾಗಬಹುದು.

ನಿಮ್ಮ Apple ಆ್ಯಪ್‌ಗಳು ಮತ್ತು ಸಾಧನಗಳಾದ್ಯಂತ ಒಂದು ಕ್ರೀಡಾ ಅನುಭವವನ್ನು ಹೊಂದಲು ನನ್ನ ಕ್ರೀಡೆಗಳು ನಿಮಗೆ ಅನುವು ಮಾಡಿಕೊಡುತ್ತದೆ. ನೀವು ಫಾಲೋ ಮಾಡುವ ತಂಡಗಳು ಮತ್ತು ಇತರ ಕ್ರೀಡಾ ಆಸಕ್ತಿಗಳು ಒಂದೇ Apple ಖಾತೆಗೆ ಸೈನ್ ಇನ್ ಆಗಿರುವ ಬೆಂಬಲಿತ Apple ಆ್ಯಪ್‌ಗಳು ಮತ್ತು ಸಾಧನಗಳಾದ್ಯಂತ ಸಿಂಕ್ ಆಗುತ್ತವೆ.

“ನನ್ನ ಕ್ರೀಡೆಗಳು” ಅನ್ನು ಒದಗಿಸುವುದು ಮತ್ತು ಸುಧಾರಿಸುವುದು

ನೀವು “ನನ್ನ ಕ್ರೀಡೆಗಳು” ಎಂಬುದಕ್ಕಾಗಿ ಸಿಂಕ್ ಮಾಡುವಿಕೆಯನ್ನು ಆನ್ ಮಾಡಿದರೆ, ಬೆಂಬಲಿತ ಆ್ಯಪ್‌ಗಳಲ್ಲಿ Apple Sports, Apple TV ಮತ್ತು Apple Newsನಲ್ಲಿ ನೀವು ಅನುಸರಿಸುವ ತಂಡಗಳು ಮತ್ತು ಇತರ ಕ್ರೀಡಾ ಆಸಕ್ತಿಗಳನ್ನು ಇತರ ಬೆಂಬಲಿತ ಆ್ಯಪ್‌ಗಳಲ್ಲಿ ಸ್ವಯಂಚಾಲಿತವಾಗಿ ಅನುಸರಿಸಲಾಗುತ್ತದೆ. ಲಭ್ಯವಿರುವಲ್ಲಿ, ನೀವು ಅನುಸರಿಸುವ ಕ್ರೀಡೆಗಳು, ಲೀಗ್‌ಗಳು, ತಂಡಗಳು ಮತ್ತು ಅಥ್ಲೆಟ್‌ಗಳು ಮತ್ತು ನೀವು ಸಂವಹನ ನಡೆಸುವ ನೋಟಿಫಿಕೇಷನ್ ಸೇರಿದಂತೆ ‘ನನ್ನ ಕ್ರೀಡೆಗಳು’ನ ನಿಮ್ಮ ಬಳಕೆಯ ಕುರಿತು Apple ಮಾಹಿತಿಯನ್ನು ಸಂಗ್ರಹಿಸುತ್ತದೆ ಮತ್ತು ನಿಮ್ಮ Apple ಖಾತೆಗೆ ಸಂಬಂಧಿಸಿದ ಮಾಹಿತಿಯನ್ನು ಸಂಗ್ರಹಿಸುತ್ತದೆ. Apple Sports, Apple TV, ಮತ್ತು Apple News ಸೇರಿದಂತೆ ಬೆಂಬಲಿತ Apple ಆ್ಯಪ್‌ಗಳಾದ್ಯಂತ ನಿಮ್ಮ ಕ್ರೀಡಾ ಆಸಕ್ತಿಗಳನ್ನು ಸಿಂಕ್ ಮಾಡಲು ಮತ್ತು Apple News ಈಮೇಲ್ ಸುದ್ದಿಪತ್ರಗಳಂತಹ ಆ ಆ್ಯಪ್‌ಗಳು ಮತ್ತು ಸಂಬಂಧಿತ ಸೇವೆಗಳಲ್ಲಿ ನಿಮ್ಮ ಅನುಭವವನ್ನು ವೈಯಕ್ತೀಕರಿಸಲು Apple ಈ ಮಾಹಿತಿಯನ್ನು ಬಳಸುತ್ತದೆ. ನನ್ನ ಕ್ರೀಡೆಗಳು ಮತ್ತು ಬೆಂಬಲಿತ Apple ಆ್ಯಪ್‌ಗಳು ಮತ್ತು ಸೇವೆಗಳನ್ನು ಸುಧಾರಿಸಲು ದೋಷಗಳು ಮತ್ತು ಕ್ರ್ಯಾಶ್‌ಗಳ ಕುರಿತ ಮಾಹಿತಿಯೊಂದಿಗೆ Apple ಈ ಮಾಹಿತಿಯನ್ನು ಸಹ ಬಳಸುತ್ತದೆ.

ನನ್ನ ಕ್ರೀಡೆಗಳು ಎಂಬುದನ್ನು ಸಿಂಕ್ ಮಾಡುವುದರಿಂದ ನಿಮಗೆ ಎಲ್ಲಾ ಬೆಂಬಲಿತ Apple ಆ್ಯಪ್‌ಗಳಲ್ಲಿ ಸ್ಥಿರವಾದ ಕ್ರೀಡಾ ಅನುಭವವನ್ನು ನೀಡುತ್ತದೆ ಮತ್ತು ನಿಮ್ಮ ಕ್ರೀಡಾ ಆಸಕ್ತಿಗಳ ಕುರಿತು ಲೇಖನಗಳು ಮತ್ತು ಇವೆಂಟ್‌ಗಳಂತಹ ವಿಷಯವು ಬೆಂಬಲಿತ Apple ಆ್ಯಪ್‌ಗಳು ಮತ್ತು Apple Sports, Apple TV ಮತ್ತು Apple Newsನಂತಹ ಸಂಬಂಧಿತ ಸೇವೆಗಳಲ್ಲಿ ಕಾಣಿಸಿಕೊಳ್ಳುತ್ತದೆ. ಬೆಂಬಲಿತ ಆ್ಯಪ್‌ಗಳ ಸೆಟ್ಟಿಂಗ್ಸ್‌ನಲ್ಲಿ ಯಾವುದೇ ಸಮಯದಲ್ಲಿ ನಿಮ್ಮ ಕ್ರೀಡಾ ಆಸಕ್ತಿಗಳನ್ನು ಸಿಂಕ್ ಮಾಡಲು ನನ್ನ ಕ್ರೀಡೆಗಳು ಎಂಬುದರ ಬಳಕೆಯನ್ನು ನಿಲ್ಲಿಸಲು ನೀವು ಆಯ್ಕೆ ಮಾಡಬಹುದು. ನನ್ನ ಕ್ರೀಡೆಗಳು ಎಂಬುದಕ್ಕಾಗಿ ಸಿಂಕ್ ಮಾಡುವುದನ್ನು ಆಫ್ ಮಾಡುವುದರಿಂದ ಕೆಲವು ಆ್ಯಪ್‌ಗಳಲ್ಲಿ ಲಭ್ಯವಿರುವ ಕ್ರೀಡಾ ಫೀಚರ್‌ಗಳನ್ನು ಮಿತಿಗೊಳಿಸಬಹುದು.

ನಿಮ್ಮೊಂದಿಗೆ ಸಂವಹನ ನಡೆಸುವುದು

ನನ್ನ ಕ್ರೀಡೆಗಳು ಮತ್ತು ನಿಮ್ಮ ಆಸಕ್ತಿಯ ಕ್ರೀಡೆಗಳು ಹಾಗೂ Apple One ಸೇರಿದಂತೆ ನಿಮಗೆ ಆಸಕ್ತಿಯಿರಬಹುದಾದ ಇತರ Apple ಉತ್ಪನ್ನಗಳು, ಸೇವೆಗಳು ಮತ್ತು ಆಫರ್‌ಗಳ ಕುರಿತು ನಿಮಗೆ ಸಂವಹನಗಳನ್ನು ಕಳುಹಿಸಲು, ನಿಮ್ಮ ಮಾಲೀಕತ್ವದಲ್ಲಿರುವ Apple ಉತ್ಪನ್ನಗಳು ಮತ್ತು ನೀವು Apple ಸೇವೆಗಳಿಗೆ ಮಾಡಿರುವ ಸಬ್‌ಸ್ಕ್ರಿಪ್ಶನ್‌ಗಳಂತಹ, ನಿಮ್ಮ ಖಾತೆಯ ಕುರಿತಾದ ಮಾಹಿತಿಯನ್ನು Apple ಬಳಸಬಹುದು. Apple TV ಮತ್ತು Apple News ಸೇರಿದಂತೆ ನನ್ನ ಕ್ರೀಡೆಗಳು ಅನ್ನು ಬೆಂಬಲಿಸುವ ಆ್ಯಪ್‌ಗಳಿಂದ, ಆ ಆ್ಯಪ್‌ಗಳಲ್ಲಿ ಲಭ್ಯವಿರುವ ಹೊಸ ಫೀಚರ್‌ಗಳು, ಕಂಟೆಂಟ್ ಹಾಗೂ ಆಫರ್‌ಗಳ ಕುರಿತು ನಿಮಗೆ ಈಮೇಲ್‌ಗಳು ಮತ್ತು push ನೋಟಿಫಿಕೇಷನ್ಸ್ ಅನ್ನು ಕಳುಹಿಸಲು, ನೀವು ಫಾಲೋ ಮಾಡುವ ಕ್ರೀಡೆಗಳು, ಲೀಗ್‌ಗಳು, ತಂಡಗಳು ಹಾಗೂ ಕ್ರೀಡಾಪಟುಗಳ ಕುರಿತಾದ ಮಾಹಿತಿಯನ್ನು ಸಹ Apple ಬಳಸಬಹುದು. ನೀವು account.apple.com/in ಎಂಬಲ್ಲಿಗೆ ಹೋಗುವ ಮೂಲಕ ನಿಮ್ಮ ಈಮೇಲ್ ಆದ್ಯತೆಗಳನ್ನು ಬದಲಾಯಿಸಬಹುದು ಹಾಗೂ ಈ ಈಮೇಲ್‌ಗಳನ್ನು ಪಡೆಯುವುದರಿಂದ ಹೊರಗುಳಿಯಬಹುದು. ನಿಮ್ಮ iOS, iPadOS ಅಥವಾ visionOS ಸಾಧನದಲ್ಲಿ ನನ್ನ ಕ್ರೀಡೆಗಳು ಎಂಬುದನ್ನು ಬೆಂಬಲಿಸುವ ಆ್ಯಪ್‌ಗಳಿಗಾಗಿ ನಿಮ್ಮ ನೋಟಿಫೀಕೇಷನ್ ಪ್ರಾಶಸ್ತ್ಯಗಳನ್ನು ಅಪ್‌ಡೇಟ್ ಮಾಡಲು, ಸೆಟ್ಟಿಂಗ್ಸ್ > ನೋಟಿಫಿಕೇಷನ್‌ಗಳು > Apple TV ನೋಟಿಫಿಕೇಷನ್‌ಗಳಿಗಾಗಿ TV ಮತ್ತು ಸೆಟ್ಟಿಂಗ್ಸ್ > ನೋಟಿಫೀಕೇಷನ್‌ಗಳು > Apple Newsಗಾಗಿ News ಎಂಬಲ್ಲಿಗೆ ಹೋಗಿ. Macನಲ್ಲಿ, ಸಿಸ್ಟಮ್ ಸೆಟ್ಟಿಂಗ್ಸ್ > ನೋಟಿಫಿಕೇಷನ್‌ಗಳಿಗೆ ಹೋಗಿ ಮತ್ತು “TV” ಅಥವಾ “News” ಎಂಬುದನ್ನು ಕ್ಲಿಕ್ ಮಾಡಿ.

ಜಾಹೀರಾತು

ವೈಯಕ್ತೀಕರಿಸಿದ ಜಾಹೀರಾತುಗಳ ಸೆಟ್ಟಿಂಗ್ ಅನ್ನು ಆನ್ ಮಾಡಿದ್ದರೆ, Appleನ ಜಾಹೀರಾತು ಪ್ಲ್ಯಾಟ್‌ಫಾರ್ಮ್ ನಿಮಗೆ ಹೆಚ್ಚು ಸೂಕ್ತವಾದ ಜಾಹೀರಾತುಗಳನ್ನು ನೀಡಲು ನಿಮ್ಮ ಮಾಹಿತಿಯನ್ನು ಬಳಸಬಹುದು. Appleನ ಜಾಹೀರಾತು ಪ್ಲ್ಯಾಟ್‌ಫಾರ್ಮ್‌ಗಳು Apple News ಮತ್ತು ಸ್ಟಾಕ್ಸ್‌ಗಾಗಿ ಜಾಹೀರಾತುಗಳು ಪ್ರಸ್ತುತವಾಗಿವೆ ಎಂದು ಖಚಿತಪಡಿಸಿಕೊಳ್ಳಲು ನಿಮ್ಮ ಕ್ರೀಡಾ ಆಸಕ್ತಿಗಳ ಬಗೆಗಿನ ಮಾಹಿತಿಯನ್ನು ಬಳಸಬಹುದು.

Appleನ ಜಾಹೀರಾತು ಪ್ಲ್ಯಾಟ್‌ಫಾರ್ಮ್‌ನಿಂದ ನಿಮ್ಮ ಆಸಕ್ತಿಗಳಿಗೆ ಗುರಿಯಾಗಿರುವ ಜಾಹೀರಾತುಗಳನ್ನು ಸ್ವೀಕರಿಸಲು ನೀವು ಬಯಸದಿದ್ದರೆ, ನೀವು ವೈಯಕ್ತಿಕಗೊಳಿಸಿದ ಜಾಹೀರಾತುಗಳನ್ನು ಆಫ್ ಮಾಡಲು ಆಯ್ಕೆ ಮಾಡಬಹುದು. ವೈಯಕ್ತೀಕರಿಸಿದ ಜಾಹೀರಾತನ್ನು ಆಫ್ ಮಾಡುವುದರಿಂದ Apple ನಿಮ್ಮ ಮಾಹಿತಿಯನ್ನು ಜಾಹೀರಾತು ಟಾರ್ಗೆಟ್‌ಗಾಗಿ ಬಳಸದಂತೆ ತಡೆಯುತ್ತದೆ. ಇದು ನೀವು ಸ್ವೀಕರಿಸುವ ಜಾಹೀರಾತುಗಳ ಸಂಖ್ಯೆಯನ್ನು ಕಡಿಮೆ ಮಾಡದಿರಬಹುದು, ಆದರೆ ನೀವು ಸ್ವೀಕರಿಸುವ ಜಾಹೀರಾತುಗಳು ನಿಮಗೆ ಅಷ್ಟೊಂದು ಪ್ರಸ್ತುತವಾಗಿಲ್ಲದಿರಬಹುದು.

ಸೆಟ್ಟಿಂಗ್ಸ್ > ಗೌಪ್ಯತೆ ಮತ್ತು ಭದ್ರತೆ > Apple ಜಾಹೀರಾತುಗಳು ಮತ್ತು ವೈಯಕ್ತೀಕರಿಸಿದ ಜಾಹೀರಾತುಗಳನ್ನು ಟ್ಯಾಪ್ ಮಾಡುವ ಮೂಲಕ ನಿಮ್ಮ iOS, iPadOS ಅಥವಾ visionOS ಸಾಧನದಲ್ಲಿ ನೀವು ವೈಯಕ್ತಿಕಗೊಳಿಸಿದ ಜಾಹೀರಾತುಗಳನ್ನು ಆಫ್ ಮಾಡಬಹುದು. Macನಲ್ಲಿ, ಸಿಸ್ಟಂ ಸೆಟ್ಟಿಂಗ್ಸ್ > ಗೌಪ್ಯತೆ ಮತ್ತು ಭದ್ರತೆ > Apple ಜಾಹೀರಾತುಗಳಿಗೆ ಹೋಗಿ ಮತ್ತು ವೈಯಕ್ತಿಕರಿಸಿದ ಜಾಹೀರಾತುಗಳ ಆಯ್ಕೆಯನ್ನು ರದ್ದುಮಾಡಿ.

www.apple.com/in/legal/privacy/data/en/apple-advertising ಎಂಬಲ್ಲಿನ Apple ಜಾಹೀರಾತು ಮತ್ತು ಗೌಪ್ಯತೆಯ ಕುರಿತು ಇನ್ನಷ್ಟು ತಿಳಿಯಿರಿ.

support.apple.com/en-in/105131ನಲ್ಲಿ Apple News ಮತ್ತು ಸ್ಟಾಕ್ಸ್ ಆ್ಯಪ್‌ನಲ್ಲಿ ವೈಯಕ್ತೀಕರಿಸಿದ ಜಾಹೀರಾತುಗಳಿಂದ ಹೊರಗುಳಿಯುವುದು ಹೇಗೆ ಎಂಬುದರ ಕುರಿತು ತಿಳಿಯಿರಿ.

ಥರ್ಡ್ ಪಾರ್ಟಿಗಳ ಜೊತೆಗೆ ಹಂಚಿಕೊಳ್ಳುವುದು

ನಮ್ಮ ಉತ್ಪನ್ನಗಳು ಮತ್ತು ಸೇವೆಗಳನ್ನು ಒದಗಿಸಲು, ಗ್ರಾಹಕರಿಗೆ ಮಾರಾಟ ಮಾಡುವುದಕ್ಕೆ Appleಗೆ ಸಹಾಯ ಮಾಡಲು ಹಾಗೂ Apple News ಮತ್ತು ಸ್ಟಾಕ್ಸ್ ಆ್ಯಪ್‌ನಲ್ಲಿ ಡಿಸ್‌ಪ್ಲೇ ಮಾಡಲು Appleನ ಪರವಾಗಿ ಆ್ಯ‌ಡ್‌ಗಳನ್ನು ಮಾರಾಟ ಮಾಡಲು Appleನೊಂದಿಗೆ ಕೆಲಸ ಮಾಡುವ ಪ್ರಮುಖ ಪಾಲುದಾರರಿಗೆ ನನ್ನ ಕ್ರೀಡೆಗಳು ಎಂಬುದನ್ನು ಬಳಸಿ ಫಾಲೋ ಮಾಡಿರುವ ಕ್ರೀಡೆಗಳು, ಲೀಗ್‌ಗಳು, ತಂಡಗಳು ಹಾಗೂ ಅಥ್ಲೀಟ್‌ಗಳಿಗೆ ಕುರಿತು ಕೆಲವು ವೈಯಕ್ತಿಕವಲ್ಲದ ಡೇಟವನ್ನು ನಾವು ಹಂಚಿಕೊಳ್ಳಬಹುದು. ಉದಾಹರಣೆಗೆ, Apple News ಪ್ರಕಾಶಕರು ಮತ್ತು ಇತರ ಕಂಟೆಂಟ್ ಒದಗಿಸುವವರು ತಮ್ಮ ಕಂಟೆಂಟ್‌ನ ಕಾರ್ಯಕ್ಷಮತೆಯನ್ನು ಅರ್ಥ ಮಾಡಿಕೊಳ್ಳಲು ಸಾಧ್ಯವಾಗುವಂತೆ Apple ಒಟ್ಟುಗೂಡಿಸಿದ ವರದಿಯನ್ನು ಅವರೊಂದಿಗೆ ಹಂಚಿಕೊಳ್ಳಬಹುದು.

ವೈಯುಕ್ತಿಕ ಡೇಟವನ್ನು ಪ್ರಕ್ರಿಯೆಗೊಳಿಸುವುದಕ್ಕಾಗಿ ಅನ್ವಯವಾಗುವ ಕಾನೂನುಬದ್ಧ ಆಧಾರ

ನೀವು ನನ್ನ ಕ್ರೀಡೆಗಳು ಎಂಬುದನ್ನು ಬಳಸಿದರೆ, ಸೇವೆಯನ್ನು ಒದಗಿಸಲು ಮತ್ತು ನಮ್ಮ ಕಾನೂನು ಬಾಧ್ಯತೆಗಳನ್ನು ಅನುಸರಿಸಲು ಅಗತ್ಯವಿರುವಂತೆ ನಿಮ್ಮ ವೈಯಕ್ತಿಕ ಡೇಟವನ್ನು ನಾವು ಪ್ರಕ್ರಿಯೆಗೊಳಿಸುತ್ತೇವೆ. ಸಮ್ಮತಿಯ ಸೂಕ್ತವಾದ ಕಾನೂನುಬದ್ಧ ಆಧಾರವಾಗಿದ್ದಲ್ಲಿ, ನಾವು ಅದನ್ನು ಅನ್ವಯವಾಗುವ ಸ್ಥಳೀಯ ಕಾನೂನುಗಳ ಪ್ರಕಾರ ಪಡೆಯುತ್ತೇವೆ.

ಅನ್ವಯವಾಗುವ ಸ್ಥಳೀಯ ಕಾನೂನು ಒದಗಿಸಿದರೆ, ನಮ್ಮ ಕಾನೂನುಬದ್ಧ ಆಸಕ್ತಿಗಳು ಅಥವಾ ಥರ್ಡ್ ಪಾರ್ಟಿ ಉದ್ದೇಶಗಳಿಗಾಗಿ ನಾವು ಈ ಕೆಳಗಿನ ವೈಯಕ್ತಿಕ ಡೇಟವನ್ನು ಪ್ರಕ್ರಿಯೆಗೊಳಿಸುತ್ತೇವೆ:

• ನನ್ನ ಕ್ರೀಡೆಗಳು ಮತ್ತು ನಿಮ್ಮ ಕ್ರೀಡಾ ಅಭಿರುಚಿಗಳು, ಹಾಗೂ ನಿಮಗೆ ಆಸಕ್ತಿಯಿರಬಹುದಾದ ಇತರ Apple ಉತ್ಪನ್ನಗಳು, ಸೇವೆಗಳು ಹಾಗೂ ಆಫರ್‌ಗಳ ಬಗೆಗಿನ ಸಂವಹನಗಳನ್ನು ಕಳುಹಿಸುವುದು
• ನಿಮಗಾಗಿ ಮತ್ತು ಇತರರಿಗಾಗಿ ನನ್ನ ಕ್ರೀಡೆಗಳು ಮತ್ತು ಬೆಂಬಲಿತ Apple ಆ್ಯಪ್‌ಗಳು ಮತ್ತು ಸೇವೆಗಳನ್ನು ಸುಧಾರಿಸುವುದು

ಬಳಸಲಾದ ಡೇಟ ಇದನ್ನು ಒಳಗೊಂಡಿರುತ್ತದೆ:

• ನೀವು ಅನುಸರಿಸುವ ಕ್ರೀಡೆಗಳು, ಲೀಗ್‌ಗಳು, ತಂಡಗಳು ಮತ್ತು ಅಥ್ಲೀಟ್‌ಗಳು ಹಾಗೂ ನೀವು ಸಂವಹನ ನಡೆಸುವ ನೋಟಿಫಿಕೇಷನ್ ಸೇರಿದಂತೆ ನಿಮ್ಮ ದೋಷಗಳು ಮತ್ತು ಕ್ರಾಶ್‌ಗಳ ಮಾಹಿತಿ
• ನಿಮ್ಮ ಖಾತೆಯ ಬಗೆಗಿನ ವಿವರಗಳು

ರಿಟೆನ್ಶನ್

ನಿಮ್ಮ ಕ್ರೀಡಾ ಅಭಿರುಚಿಗಳು ಮತ್ತು ನಿಮ್ಮ Apple ಖಾತೆಯೊಂದಿಗೆ ಸಂಬಂಧಿತ ನನ್ನ ಕ್ರೀಡೆಗಳು ಎಂಬುದರ ಬಳಕೆಯ ನಿಮ್ಮ ಮಾಹಿತಿಯನ್ನು ಸೇವೆ ಒದಗಿಸಲು ಅಗತ್ಯವಿರುವವರೆಗೆ ಮತ್ತು ನೀವು ನನ್ನ ಕ್ರೀಡೆಗಳು ಬಳಕೆಯನ್ನು ನಿಲ್ಲಿಸಿದ ನಂತರ ಎರಡು ವರ್ಷಗಳವರೆಗೆ ನಾವು ಉಳಿಸಿಕೊಳ್ಳುತ್ತೇವೆ. ಬೆಂಬಲಿತ ಆ್ಯಪ್‌ಗಳು ತಮ್ಮ ಡೇಟ ಮತ್ತು ಗೌಪ್ಯತೆ ಮಾಹಿತಿಯಲ್ಲಿ ವಿವರಿಸಿದಂತೆ ನಿಮ್ಮ ಮಾಹಿತಿಯನ್ನು ನಿರ್ವಹಿಸುತ್ತವೆ. Apple TV ಆ್ಯಪ್ ಮತ್ತು ಗೌಪ್ಯತೆ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು www.apple.com/in/legal/privacy/data/en/apple-tv-app ಎಂಬುದಕ್ಕೆ ಭೇಟಿ ನೀಡಿ ಮತ್ತು Apple News ಮತ್ತು ಗೌಪ್ಯತೆ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು www.apple.com/in/legal/privacy/data/en/apple-news ಎಂಬುದಕ್ಕೆ ಭೇಟಿ ನೀಡಿ.

ಎಲ್ಲಾ ಸಮಯದಲ್ಲೂ, Apple ಸಂಗ್ರಹಿಸಿದ ಮಾಹಿತಿಯನ್ನು Appleನ ಗೌಪ್ಯತಾ ನೀತಿಗೆ ಅನುಸಾರವಾಗಿ ಪರಿಗಣಿಸಲಾಗುತ್ತದೆ, ಅದನ್ನು ನೀವು www.apple.com/in/privacy ಎಂಬಲ್ಲಿ ನೋಡಬಹುದು

2025-12-12