• ನಿಮ್ಮ ಉಳಿತಾಯ ಖಾತೆಯನ್ನು ಸೆಟಪ್ ಮಾಡುವಾಗ ನೀವು ಒದಗಿಸುವ ಮಾಹಿತಿಯನ್ನು Apple ಮತ್ತು Goldman Sachs ನಿಮ್ಮ ಗುರುತನ್ನು ಪರಿಶೀಲಿಸಲು ಮತ್ತು ವಂಚನೆಯನ್ನು ತಡೆಯಲು ಬಳಸುತ್ತದೆ.
• ಮೇಲೆ ನೀಡಲಾದ ಕೆಲವು ಮಾಹಿತಿ ಮತ್ತು ಖಾತೆ- ಮತ್ತು ಸಾಧನಕ್ಕೆ-ಸಂಬಂಧಿಸಿದ ಮಾಹಿತಿಯನ್ನು Goldman Sachs ಮತ್ತು ಅದರ ಸೇವೆಯನ್ನು ಒದಗಿಸುವ, Apple Payments Inc. ಮೂಲಕ ಬಳಸಬಹುದು, ಅದರಿಂದ ನೀವು ಸೇವಿಂಗ್ಸ್ ಖಾತೆಗೆ ಬ್ಯಾಂಕ್ ಖಾತೆಯನ್ನು ಲಿಂಕ್ ಮಾಡುವ ಸಮಯದಲ್ಲಿ ನಿಮ್ಮ ಸೇವಿಂಗ್ಸ್ ಖಾತೆಯಲ್ಲಿ ಅಥವಾ ಅದಕ್ಕೆ ಅಥವಾ ಅದರಿಂದ ಹಣ ವರ್ಗಾವಣೆ ಮಾಡುವ ಸಂದರ್ಭದಲ್ಲಿ ವಂಚನೆಯನ್ನು ತಡೆಯಬಹುದು.
• Apple ನಿಮ್ಮ ಗೌಪ್ಯತೆಯನ್ನು ರಕ್ಷಿಸಲು Apple Payments Inc. ಎಂಬ ಸಂಪೂರ್ಣ ಸ್ವಾಯತ್ತ ಅಂಗಸಂಸ್ಥೆಯನ್ನು ಬಳಸುತ್ತಿದ್ದು, ಇಲ್ಲಿ ನಿಮ್ಮ Savings ವಹಿವಾಟುಗಳನ್ನು Appleನ ಇತರೆ ಸೇವೆಗಳಿಗೆ ತಿಳಿಯದಂತೆ ಪ್ರತ್ಯೇಕವಾಗಿ ಸಂಸ್ಕರಿಸಲಾಗುತ್ತದೆ.
• ನಿಮ್ಮ ಅತಿ ಇತ್ತೀಚೆಗೆ ಬಳಸಿದ ಸೇವಿಂಗ್ಸ್ ಫೀಚರ್‌ಗಳಂತಹ ನಿಮ್ಮೊಂದಿಗೆ ಸಂಪರ್ಕ ಕಲ್ಪಿಸಲು ಸಾಧ್ಯವಾಗದ ಸೇವಿಂಗ್ಸ್ ಡೇಟವನ್ನು ಸೇವಿಂಗ್ಸ್ ಮತ್ತು ಇತರ Apple ಉತ್ಪನ್ನಗಳು ಮತ್ತು ಸೇವೆಗಳನ್ನು ಸುಧಾರಿಸಲು Apple ಬಳಸಬಹುದು.

ನಿಮ್ಮ ಸೇವಿಂಗ್ಸ್ ಖಾತೆಯನ್ನು ಸೆಟಪ್ ಮಾಡಲಾಗುತ್ತಿದೆ

ಸೇವಿಂಗ್ಸ್ ಖಾತೆಯನ್ನು ತೆರೆಯಲು, ನೀವು Apple Card ಖಾತೆಯನ್ನು ಹೊಂದಿರಬೇಕು. ಈ ಫೀಚರ್ ನಿಮ್ಮ ಮಾಹಿತಿಯನ್ನು ಹೇಗೆ ಬಳಸುತ್ತದೆ ಎಂಬುದರ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು, www.apple.com/in/legal/privacy/data/en/apple-card ಎಂಬಲ್ಲಿನ Apple Card ಮತ್ತು ಗೌಪ್ಯತೆಗೆ ಭೇಟಿ ನೀಡಿ.

ನಿಮ್ಮ ಸೇವಿಂಗ್ಸ್ ಖಾತೆಯನ್ನು ನೀವು ರಚಿಸಿದಾಗ, ಕೆಳಗೆ ತೋರಿಸಿರುವ ಮಾಹಿತಿಯನ್ನು Apple ಮತ್ತು Goldman Sachs Bank USA, Salt Lake City ಶಾಖೆ (“Goldman Sachs”) ನಿಮ್ಮ ಗುರುತನ್ನು ಪರಿಶೀಲಿಸಲು ಮತ್ತು ವಂಚನೆಯನ್ನು ತಡೆಯಲು ಬಳಸಬಹುದು. Goldman Sachs ನಿಮ್ಮ ಖಾತೆಯನ್ನು ಸೆಟಪ್ ಮಾಡಲು ಮತ್ತು ಅಗತ್ಯವಿರುವ ಕಾರ್ಯಕ್ಕಾಗಿ ಈ ಮಾಹಿತಿಯನ್ನು ಬಳಸುತ್ತದೆ.

• ನಿಮ್ಮ Apple ಖಾತೆ ಮತ್ತು ಅದರೊಂದಿಗೆ ಸಂಯೋಜಿತವಾಗಿರುವ ಹೆಸರು, ಫೋನ್ ಸಂಖ್ಯೆಗಳು ಮತ್ತು ಭೌತಿಕ ಮತ್ತು ಈಮೇಲ್ ವಿಳಾಸಗಳು
• ನಿಮ್ಮ Apple ಖಾತೆ, iTunes ಮತ್ತು App Store ಖಾತೆಯ ಚಟುವಟಿಕೆಯ ಕುರಿತು ಸಾಮಾನ್ಯ ಮಾಹಿತಿ (ಉದಾಹರಣೆಗೆ, iTunesನಲ್ಲಿ ನೀವು ಸುದೀರ್ಘ ವಹಿವಾಟಿನ ಇತಿಹಾಸವನ್ನು ಹೊಂದಿದ್ದರೆ)
• ನಿಮ್ಮ ಸಾಧನದ ಕುರಿತಾದ ಮಾಹಿತಿ (ಉದಾಹರಣೆಗೆ, ಸಾಧನದ ಐಡೆಂಟಿಫೈಯರ್, ಫೋನ್ ಸಂಖ್ಯೆ, IP ವಿಳಾಸ ಮತ್ತು ನಿಮ್ಮ ಸಾಧನದ ಹೆಸರು ಮತ್ತು ಮಾಡಲ್)
• ಪಾವತಿ ಕಾರ್ಡ್‌ಗಳನ್ನು ಸೇರಿಸುವ ಖಾತೆ ಅಥವಾ ಸಾಧನದ ಇತಿಹಾಸ
• ನೀವು ಸೇರಿಸಿದ ಅಥವಾ Apple Payಗೆ ಸೇರಿಸಲು ಪ್ರಯತ್ನಿಸಿದ ಪಾವತಿ ಕಾರ್ಡ್‌ಗಳಿಂದ ದೊರೆತ ಮಾಹಿತಿಗೆ ಸಂಬಂಧಿಸಿದ ಒಟ್ಟು ಅಂಕಿಅಂಶಗಳು

ತೆರಿಗೆ ಅನುಸರಣೆ ಉದ್ದೇಶಗಳಿಗಾಗಿ, Goldman Sachs ನಿಮ್ಮ ಸಾಮಾಜಿಕ ಭದ್ರತೆ ಸಂಖ್ಯೆ ಮತ್ತು ತೆರಿಗೆ ತಡೆಹಿಡಿಯುವಿಕೆ ಸ್ಥಿತಿಯ ಮಾಹಿತಿಯನ್ನು ಸಹ ಕೇಳುತ್ತದೆ; Apple ಈ ಮಾಹಿತಿಯನ್ನು ಓದುವುದಿಲ್ಲ ಅಥವಾ ಸಂಗ್ರಹಿಸುವುದಿಲ್ಲ.

ನೀವು ವಾಲೆಟ್‌ಗಾಗಿ ಸ್ಥಳ ಸೇವೆಗಳನ್ನು ಸಕ್ರಿಯಗೊಳಿಸಿದ್ದರೆ, ವಂಚನೆಯನ್ನು ತಡೆಗಟ್ಟಲು, Apple ಮತ್ತು Goldman Sachs ನಿಮ್ಮ ಸೇವಿಂಗ್ಸ್ ಖಾತೆಯನ್ನು ನೀವು ರಚಿಸಿದ ಅಥವಾ ಅಪ್‌ಡೇಟ್ ಮಾಡಿದ ಅಥವಾ ಸಾಧನದಲ್ಲಿ ಮೊದಲ ಬಾರಿಗೆ ಸೇವಿಂಗ್ಸ್ ಖಾತೆಯನ್ನು ತೆರೆದ ಸಮಯದಲ್ಲಿನ ನಿಮ್ಮ ಅಂದಾಜು ಸ್ಥಳವನ್ನು ಕುರಿತ ಮಾಹಿತಿಯನ್ನು ಬಳಸುತ್ತದೆ. ನೀವು Apple Payನಲ್ಲಿ ಪಾವತಿ ವಿಧಾನವನ್ನು ನಮೂದಿಸಿದಾಗ ಅಥವಾ Apple Cardಗೆ ಅರ್ಜಿ ಸಲ್ಲಿಸಿದಾಗ ಅಥವಾ ಸ್ವೀಕರಿಸಿದಾಗ, ನಿಮ್ಮ ಸಾಧನದ ಕುರಿತು ಮಾಹಿತಿ, ನಿರ್ದಿಷ್ಟ ಸಾಧನ ಸೆಟ್ಟಿಂಗ್ಸ್ ಸಕ್ರಿಯಗೊಳಿಸಲಾಗಿದೆಯೇ ಮತ್ತು ಸಾಧನದ ಬಳಕೆಯ ಮಾದರಿ ಮಾಹಿತಿ (ಉದಾಹರಣೆಗೆ, ಸಾಧನದ ಸಮಯದ ಶೇಕಡಾವಾರು ಮೊಬೈಲ್ ಅಥವಾ ವಾರಕ್ಕೆ ಅಂದಾಜು ಸಂಖ್ಯೆಯ ಕರೆಗಳು) ವಂಚನೆ ರಕ್ಷಣೆ ಉದ್ದೇಶಗಳಿಗಾಗಿ Appleಗೆ ಕಳುಹಿಸಬಹುದು. ವಂಚನೆಯನ್ನು ತಡೆಗಟ್ಟಲು ನಿಮ್ಮ ಉಳಿತಾಯ ಖಾತೆಯ ಫೋನ್ ಸಂಖ್ಯೆಯ ಕುರಿತು ನಿಮ್ಮ ನೆಟ್‌ವರ್ಕ್ ಪೂರೈಕೆದಾರರಿಂದ Apple ಮಾಹಿತಿಯನ್ನು ಪಡೆಯಬಹುದು. ನಿಮ್ಮ ಸಾಧನದ ಸ್ಥಳದ ಆ್ಯಕ್ಸೆಸ್ ಮತ್ತು ಬಳಕೆಯನ್ನು ನಿಯಂತ್ರಿಸುವುದು ಹೇಗೆ ಎಂಬುದರ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು, www.apple.com/in/legal/privacy/data/en/location-services ಎಂಬಲ್ಲಿನ ಸ್ಥಳ ಸೇವೆಗಳು ಮತ್ತು ಗೌಪ್ಯತೆಗೆ ಭೇಟಿ ನೀಡಿ.

ನೀವು ಸೇವಿಂಗ್ಸ್ ಖಾತೆಯನ್ನು ಸೆಟಪ್ ಮಾಡಿದಾಗ, Goldman Sachs ನಿಮ್ಮ ಸೇವಿಂಗ್ಸ್ ಖಾತೆ ಮತ್ತು ರೌಟಿಂಗ್ ಸಂಖ್ಯೆಗಳನ್ನು ನಿಮ್ಮ ಸಾಧನದಲ್ಲಿ, ಸೇವಿಂಗ್ಸ್ ಖಾತೆಯಲ್ಲಿ ನಿಮಗೆ ಲಭ್ಯವಾಗಿಸಲು Apple‌ಗೆ ಕಳುಹಿಸುತ್ತದೆ. Apple ಈ ಮಾಹಿತಿಯನ್ನು ಸಂಗ್ರಹಿಸುವುದಿಲ್ಲ.

ನಿಮ್ಮ ಸೇವಿಂಗ್ಸ್ ಖಾತೆಯನ್ನು ಬಳಸುವುದು

ನಿಮ್ಮ ಸಾಧನದಲ್ಲಿ ನೀವು ಸೇವಿಂಗ್ಸ್ ಖಾತೆಯನ್ನು ನೋಡಬಹುದು ಮತ್ತು ನಿರ್ವಹಿಸಬಹುದು, ಅದರಲ್ಲಿ ನಿಮ್ಮ ಸೇವಿಂಗ್ಸ್ ಖಾತೆಯ ಸಂಖ್ಯೆ, ರೌಟಿಂಗ್ ಸಂಖ್ಯೆ ಮತ್ತು ವಹಿವಾಟಿನ ಇತಿಹಾಸ ನೋಡುವುದು, ಕಾಲಾನುಕ್ರಮದಲ್ಲಿ ನಿಮ್ಮ ಖಾತೆಯ ಮೊತ್ತದಲ್ಲಾದ ಬದಲಾವಣೆಯನ್ನು ನೋಡುವುದು, ನಿಮ್ಮ ಖಾತೆಯ ಮಾಹಿತಿಯನ್ನು ಅಪ್‌ಡೇಟ್ ಮಾಡುವುದು ಹಾಗೂ ಸೇವಿಂಗ್ಸ್‌ಗೆ ಅಥವಾ ಅದರಿಂದ ಹಣ ವಹಿವಾಟು ನಡೆಸಲು ಇತರ ಬ್ಯಾಂಕ್ ಖಾತೆಗಳನ್ನು ಲಿಂಕ್ ಮಾಡುವುದು ಸೇರಿಕೊಂಡಿದೆ.

Goldman Sachs ಮತ್ತು Apple Payments Inc. ದೋಷನಿವಾರಣೆಗಾಗಿ, ವಂಚನೆಯನ್ನು ತಡೆಗಟ್ಟಲು ಮತ್ತು ಹಣಕಾಸು ನಿಬಂಧನೆಗಳನ್ನು ಅನುಸರಿಸಲು ವಹಿವಾಟು ಪೂರ್ಣಗೊಂಡ ನಂತರ ನಿಮ್ಮ ಸೇವಿಂಗ್ಸ್ ವಹಿವಾಟಿನ ಡೇಟವನ್ನು ಸಂಗ್ರಹಿಸುತ್ತದೆ ಮತ್ತು ಬಳಸುತ್ತದೆ. Apple ನಿಮ್ಮ ಗೌಪ್ಯತೆಯನ್ನು ರಕ್ಷಿಸಲು ಒಂದು ಸಂಪೂರ್ಣ ಸ್ವಾಯತ್ತ ಅಂಗಸಂಸ್ಥೆಯನ್ನು ರಚಿಸಿದ್ದು, ಪರವಾನಗಿ ಹೊಂದಿದ ಹಣ ವರ್ಗಾವಣೆ ಸಾಧ್ಯವಿರುವ Apple Payments Inc. ಅನ್ನು ಸ್ಥಾಪಿಸಿದೆ, ಅದು ನಿಮ್ಮ ವ್ಯಕ್ತಿಗತ ಡೇಟವನ್ನು Appleನ ಇತರ ವಿಭಾಗಗಳಿಂದ ಪ್ರತ್ಯೇಕವಾಗಿ ಸಂಗ್ರಹಿಸುತ್ತದೆ ಮತ್ತು ಪ್ರಕ್ರಿಯೆಗೊಳಿಸುತ್ತದೆ ಮತ್ತು Appleನ ಇತರ ವಿಭಾಗಗಳಿಗೆ ತಿಳಿಯದಂತೆ ಅದನ್ನು ಮಾಡುತ್ತದೆ. ನಿಮ್ಮ ಸೇವಿಂಗ್ಸ್ ಬಳಕೆಗೆ ಸಂಬಂಧಿಸಿ Apple Payments Inc. ಮೂಲಕ ಸಂಗ್ರಹಿಸಲಾದ ನಿಮ್ಮ ವೈಯಕ್ತಿಕ ಡೇಟವನ್ನು ನೀವು ವಿನಂತಿಸುವ ಸೇವೆಗಳನ್ನು ಒದಗಿಸಲು, ದೋಷನಿವಾರಣೆಗಾಗಿ, ನಿಯಂತ್ರಕ ಉದ್ದೇಶಗಳಿಗಾಗಿ ಮತ್ತು ವಂಚನೆಯನ್ನು ತಡೆಗಟ್ಟಲು ಮಾತ್ರ ಬಳಸಲಾಗುತ್ತದೆ.

Apple ನಿಮ್ಮ iCloud ಖಾತೆಯಲ್ಲಿನ ವೈಯಕ್ತಿಕ ಸೇವಿಂಗ್ಸ್ ವಹಿವಾಟಿನ ಮಾಹಿತಿಯನ್ನು ಡೆಲಿವರಿ ಮಾಡುತ್ತದೆ ಮತ್ತು ಸಂಗ್ರಹಿಸುತ್ತದೆ ಮತ್ತು ನಿಮ್ಮ ಸಾಧನಗಳಾದ್ಯಂತ ನಿಮ್ಮ ವಹಿವಾಟಿನ ಇತಿಹಾಸವನ್ನು ಅಪ್ ಟು ಡೇಟ್ ಆಗಿರಿಸುತ್ತದೆ. ನಿಮ್ಮ ವಹಿವಾಟುಗಳನ್ನು iCloud‌ನಲ್ಲಿ ಎಂಡ್-ಟು-ಎಂಡ್ ಎನ್‌ಕ್ರಿಪ್ಶನ್ ಬಳಸಿ ಸಂಗ್ರಹಿಸಲಾಗುತ್ತದೆ, ಇದು ಉನ್ನತ ಮಟ್ಟದ ಡೇಟ ಭದ್ರತೆಯನ್ನು ಒದಗಿಸುತ್ತದೆ. ನಿಮಗೆ ಮಾತ್ರ ತಿಳಿದಿರುವ ನಿಮ್ಮ ಸಾಧನದ ಪಾಸ್‌ಕೋಡ್‌ನೊಂದಿಗೆ ಸಂಯೋಜಿಸಲಾದ ನಿಮ್ಮ ಸಾಧನಕ್ಕೆ ನಿರ್ದಿಷ್ಟವಾದ ಮಾಹಿತಿಯಿಂದ ಪಡೆದ “ಕೀ” ಮೂಲಕ ನಿಮ್ಮ ಡೇಟವನ್ನು ರಕ್ಷಿಸಲಾಗಿದೆ.

ನೀವು ಸೇವಿಂಗ್ಸ್ ಜೊತೆಗೆ ಯಾವುದೇ ಬ್ಯಾಂಕ್ ಖಾತೆಯನ್ನು ಲಿಂಕ್ ಮಾಡಿದಾಗ ಅಥವಾ ಲಿಂಕ್ ಮಾಡಿದ ಖಾತೆಗೆ ಅಥವಾ ಅದರಿಂದ ಹಣ ವರ್ಗಾವಣೆ ಮಾಡಿದರೆ, ಸೇವಿಂಗ್ಸ್ ಮತ್ತು ನಿಮ್ಮ ಬ್ಯಾಂಕ್ ಖಾತೆಯೊಂದಿಗೆ ಲಿಂಕ್ ಸ್ಥಾಪಿಸಲು, Apple ಆ ಬ್ಯಾಂಕ್ ಖಾತೆಯೊಂದಿಗೆ ಲಿಂಕ್ ಆಗಿರುವ ಬ್ಯಾಂಕ್‌ನ ಹೆಸರು ಮತ್ತು ಖಾತೆಯ IDಯಂತಹ ಆ ಖಾತೆಗೆ ಸಂಬಂಧಿತ ಮಾಹಿತಿಯನ್ನು ಪಡೆದುಕೊಳ್ಳಬಹುದು ಮತ್ತು ಆ ಮಾಹಿತಿಯನ್ನು ಬಳಸಿಕೊಳ್ಳಬಹುದು. ವಂಚನೆಯನ್ನು ತಡೆಗಟ್ಟುವ ಉದ್ದೇಶಗಳಿಗಾಗಿ Apple ನಿಮ್ಮ ಸ್ಥಳದ ಮಾಹಿತಿ ಸಹಿತ ಈ ಮಾಹಿತಿಯನ್ನು Goldman Sachs ಮತ್ತು Apple Payments Inc. ಜೊತೆಗೆ ಸಹ ಹಂಚಿಕೊಳ್ಳಬಹುದು. ನೀವು Goldman Sachs ಮೂಲಕ ಖಾತೆಗೆ ಎರಡು ಸಣ್ಣ ಠೇವಣಿ ಕಳುಹಿಸುವುದು ಮತ್ತು ನಿಮ್ಮ Apple ಸಾಧನದಲ್ಲಿ ಅಥವಾ ಬೆಂಬಲವನ್ನು ಸಂಪರ್ಕಿಸುವ ಮೂಲಕ ಈ ಮೊತ್ತಗಳ ದೃಢೀಕರಣ ಮಾಡಿ ಮಾಲೀಕತ್ವದ ದೃಢೀಕರಣವನ್ನು ಮಾಡಲು ಕೇಳಿಕೊಳ್ಳಬಹುದು. Apple ಮೊತ್ತಗಳು ಮತ್ತು ಸಂಬಂಧಿತ ಮಾಹಿತಿ ಮತ್ತು ದೃಢೀಕರಣ ಯಶಸ್ವಿಯಾಗಿದೆಯೇ ಅಥವಾ ಇಲ್ಲವೇ ಎನ್ನುವುದನ್ನು ನೋಡುತ್ತದೆ, ಆದರೆ ಮಾಹಿತಿಯನ್ನು ಸಂಗ್ರಹಿಸುವುದಿಲ್ಲ. ಬ್ಯಾಂಕ್ ಖಾತೆಯನ್ನು ಸೇವಿಂಗ್ಸ್ ಅಥವಾ ನಿಮ್ಮ Apple Card ಖಾತೆಗೆ ಲಿಂಕ್ ಮಾಡುವುದರಿಂದ ಅದು ನಿಮ್ಮ ಸೇವಿಂಗ್ಸ್ ಮತ್ತು Apple Card ಖಾತೆ ಎರಡರಲ್ಲೂ ಲಿಂಕ್ ಮಾಡಲಾದ ಖಾತೆಯ ರೀತಿಯಲ್ಲಿ ಕಂಡುಬರುತ್ತದೆ; ನಿಮ್ಮ ಸೇವಿಂಗ್ ಅಥವಾ Apple Card ಖಾತೆಯಿಂದ ಬ್ಯಾಂಕ್ ಖಾತೆಯನ್ನು ಡಿಲೀಟ್ ಮಾಡಿದರೆ, ಅದು ಎರಡೂ ಫೀಚರ್‌ಗಳ ಜೊತೆಗೆ ಲಿಂಕ್ ಮಾಡಲಾಗಿರುವ ಬ್ಯಾಂಕ್ ಖಾತೆಯ ರೀತಿಯಲ್ಲಿ ಕಾಣುವುದು ನಿಂತು ಹೋಗುತ್ತದೆ.

ನೀವು ನಿಮ್ಮ ಸೇವಿಂಗ್ಸ್‌ಗೆ ಫಲಾನುಭವಿಯನ್ನು ಸೇರಿಸುವಾಗ, ಫಲಾನುಭವಿಯ ಎನ್‌ಕ್ರಿಪ್ಟ್ ಮಾಡಲಾದ ಪೂರ್ಣ ಹೆಸರು, ವಿಳಾಸ, ಫೋನ್ ಸಂಖ್ಯೆ, ಸಂಬಂಧ, ಜನ್ಮ ದಿನಾಂಕ ಮತ್ತು ಸಾಮಾಜಿಕ ಭದ್ರತೆ ಸಂಖ್ಯೆಯ ಮಾಹಿತಿಯನ್ನು Apple ಮೂಲಕ Goldman Sachsಗೆ ಕಳುಹಿಸಲಾಗುತ್ತದೆ. Apple ಫಲಾನುಭವಿಗಳನ್ನು ಯಶಸ್ವಿಯಾಗಿ ಸೇರಿಸಲಾಗಿದೆಯೇ ಎಂದು ನೋಡುತ್ತದೆ, ಆದರೆ ಸಂಗ್ರಹಿಸುವುದಿಲ್ಲ. ನಿಮ್ಮ ಸಕ್ರಿಯ ಫಲಾನುಭವಿಗಳನ್ನು ನೀವು ನೋಡುವಾಗ, ನಿಮ್ಮ ಸಾಧನದಲ್ಲಿ ಪ್ರದರ್ಶಿಸಲು ಫಲಾನುಭವಿಗಳ ಮಾಹಿತಿಯನ್ನು Goldman Sachsನಿಂದ Apple ಸರ್ವರ್ ಮೂಲಕ ಕಳುಹಿಸಲಾಗುತ್ತದೆ. Apple ಫಲಾನುಭವಿಗಳ ಮಾಹಿತಿಯನ್ನು ನೋಡುತ್ತದೆ, ಆದರೆ ಸಂಗ್ರಹಿಸುವುದಿಲ್ಲ.

ಸೇವಿಂಗ್ಸ್ ಮತ್ತು ಕುಟುಂಬ ಹಂಚಿಕೆ

ಸೇವಿಂಗ್ಸ್ ಖಾತೆ ಹೊಂದಿದವರು ತಮ್ಮ ಸೇವಿಂಗ್ಸ್ ಖಾತೆಯನ್ನು iCloud ಕುಟುಂಬ ಹಂಚಿಕೆಯ ಮೂಲಕ ಹಂಚಿಕೊಳ್ಳಲು ಸಾಧ್ಯವಾಗುವುದಿಲ್ಲ, ಆದರೆ Apple Cardನ ಸಹ-ಮಾಲೀಕರು ತಮಗಾಗಿ ಭಿನ್ನವಾದ ವ್ಯಕ್ತಿಗತ ಸೇವಿಂಗ್ಸ್ ಖಾತೆಯನ್ನು ರಚಿಸಬಹುದು. ಯಾವುದೇ ಸಹ-ಮಾಲೀಕರು ಒಂದು ಬ್ಯಾಂಕ್ ಖಾತೆಯನ್ನು ತಮ್ಮ ಸೇವಿಂಗ್ಸ್ ಅಥವಾ ಸಹ ಮಾಲೀಕತ್ವದಲ್ಲಿರುವ Apple Card ಖಾತೆಯೊಂದಿಗೆ ಲಿಂಕ್ ಮಾಡಿದಾಗ, ಅದು ಆ ಸಹ-ಮಾಲೀಕರ ವ್ಯಕ್ತಿಗತ ಸೇವಿಂಗ್ಸ್ ಖಾತೆಯೊಂದಿಗೆ ಲಿಂಕ್ ಆಗಿರುವ ಬ್ಯಾಂಕ್ ಖಾತೆಯ ರೀತಿಯಲ್ಲಿ ಕಂಡುಬರುತ್ತದೆ ಮತ್ತು ಇಬ್ಬರೂ ಸಹ ಮಾಲೀಕರಿಗೆ ಅವರ Apple Card ಖಾತೆಯಲ್ಲೂ ಕಂಡುಬರುತ್ತದೆ. ನಿಮ್ಮ ಸೇವಿಂಗ್ಸ್ ಅಥವಾ Apple Card ಖಾತೆಯ ಸಹ-ಮಾಲೀಕತ್ವದ ಖಾತೆಗೆ ಲಿಂಕ್ ಆಗಿರುವ ಬ್ಯಾಂಕ್ ಖಾತೆಯನ್ನು ಡಿಲೀಟ್ ಮಾಡುವುದರಿಂದ ಲಿಂಕ್ ಮಾಡಲಾದ ಬ್ಯಾಂಕ್ ಖಾತೆಯನ್ನು ನಿಮ್ಮ ಸಹ-ಮಾಲೀಕತ್ವದ ಸೇವಿಂಗ್ಸ್ ಖಾತೆಯಿಂದ ಡಿಲೀಟ್ ಮಾಡುವುದಿಲ್ಲ.

ಸೇವಿಂಗ್ಸ್ ಮತ್ತು ಅನಾಲಿಟಿಕ್ಸ್

ಸೇವಿಂಗ್ಸ್ ಅನ್ನು ಸುಧಾರಿಸುವುದಕ್ಕೆ ಸಹಾಯ ಮಾಡಲು, ಸೇವಿಂಗ್ಸ್ ಖಾತೆ ರಚಿಸುವ ಪ್ರಕ್ರಿಯೆಯ ಕುರಿತು ಮತ್ತು ವಾಲೆಟ್ ಆ್ಯಪ್‌ನಲ್ಲಿ ಸೇವಿಂಗ್ಸ್‌ನ ಫೀಚರ್‌ಗಳ ಬಳಕೆಯ ಮಾಹಿತಿಯನ್ನು Apple ಸಂಗ್ರಹಿಸುತ್ತದೆ. ಮಾತ್ರವಲ್ಲದೆ, ನಿಮ್ಮನ್ನು ವೈಯಕ್ತಿಕವಾಗಿ ಗುರುತಿಸದಂತೆ ಆ ಮಾಹಿತಿಯನ್ನು ಸಂಗ್ರಹಿಸಿಡುತ್ತದೆ. ಅತಿ ಇತ್ತೀಚೆಗಿನ ವಹಿವಾಟುಗಳ ಪಟ್ಟಿ ಸೇರಿದಂತೆ ಖಾತೆಯನ್ನು ರಚಿಸುವ ಪ್ರಕ್ರಿಯೆ ಮತ್ತು ಯಾವ ಸೇವಿಂಗ್ಸ್ ಫೀಚರ್‌ಗಳನ್ನು ಆಗಾಗ್ಗೆ ಬಳಸಲಾಗುತ್ತಿದೆ ಎನ್ನುವುದನ್ನೂ ಈ ಮಾಹಿತಿ ಒಳಗೊಂಡಿದೆ. Apple, ಈ ಮಾಹಿತಿಯನ್ನು Apple ಉತ್ಪನ್ನಗಳು ಮತ್ತು ಸೇವೆಗಳನ್ನು ಸುಧಾರಿಸಲು, ಮಾರ್ಕೆಟಿಂಗ್‌ಗಾಗಿ ಮತ್ತು ವಂಚನೆ ತಡೆಗಟ್ಟಲು ಹಾಗೂ ಭದ್ರತಾ ಉದ್ದೇಶಗಳಿಗಾಗಿ ಸಹ ಬಳಸಬಹುದು.

ಸೇವಿಂಗ್ಸ್ ಮತ್ತು ಸಂವಹನಗಳು

ನೀವು ಪ್ರಸ್ತುತ ಸೇವಿಂಗ್ಸ್ ಖಾತೆಗೆ ಅರ್ಜಿ ಸಲ್ಲಿಸಿದ್ದೀರಾ ಅಥವಾ ಪ್ರಸ್ತುತ ಬಳಸುತ್ತಿದ್ದೀರಾ ಎಂಬಂತಹ ನಿಮ್ಮ ಸೇವಿಂಗ್ಸ್ ಖಾತೆಯ ಸ್ಟೇಟಸ್ ಅನ್ನು Apple ಬಳಸಿಕೊಂಡು ಮಾರ್ಕೆಟಿಂಗ್ ಸಂದೇಶ ಸೇರಿದಂತೆ, ಒಂದು ಸಂದೇಶ ನಿಮಗೆ ಸೂಕ್ತವಾಗಿದೆಯೇ ಎಂದು ನಿರ್ಧರಿಸಬಹುದು. ಸೇವಿಂಗ್ಸ್ ಮಾರ್ಕೆಟಿಂಗ್ ಮತ್ತು ಇತರ ಸಂದೇಶ ಕಳುಹಿಸುವಿಕೆಗಾಗಿ ನಿಮ್ಮೊಂದಿಗೆ ಸಂಪರ್ಕ ಕಲ್ಪಿಸಲು ಸಾಧ್ಯವಾಗದೆ ನಿಮಗೆ ಕನೆಕ್ಟ್ ಮಾಡಲಾದ ಅನಾಮಧೇಯ ಮತ್ತು ಒಟ್ಟುಗೂಡಿಸಿದ ಮಾಹಿತಿಯನ್ನು ಸಹ ಬಳಸಬಹುದು. ಮಾರ್ಕೆಟಿಂಗ್ ಈಮೇಲ್‌ನಲ್ಲಿ ಅನ್‌ಸಬ್‌ಸ್ಕ್ರೈಬ್ ಲಿಂಕ್ ಅನ್ನು ಕ್ಲಿಕ್ ಮಾಡುವ ಮೂಲಕ ಅಥವಾ ವಾಲೆಟ್‌ಗಾಗಿ ನೋಟಿಫಿಕೇಷನ್‌ಗಳನ್ನು ಆಫ್ ಮಾಡುವ ಮೂಲಕ ನೀವು ಮಾರ್ಕೆಟಿಂಗ್ ಸಂದೇಶಗಳನ್ನು ಪಡೆಯುವುದರಿಂದ ಹೊರಗುಳಿಯಬಹುದು.

ಸೇವಿಂಗ್ಸ್ ಬೆಂಬಲ

ನಿಮ್ಮ ಸೇವಿಂಗ್ಸ್ ಕುರಿತು ನಿಮಗೆ ಯಾವುದೇ ಪ್ರಶ್ನೆಗಳಿದ್ದರೆ, ನಿಮ್ಮ ವಾಲೆಟ್ ಆ್ಯಪ್ ಮೂಲಕ ಸಂದೇಶವನ್ನು ಕಳುಹಿಸುವ ಮೂಲಕ ನೀವು ಬೆಂಬಲವನ್ನು ಸಂಪರ್ಕಿಸಬಹುದು. Apple, ವೈಯಕ್ತಿಕ ಡೇಟ ಸೇರಿದಂತೆ ನೀವು ಹಂಚಿಕೊಳ್ಳುವ ಯಾವುದೇ ಮಾಹಿತಿಯನ್ನು ನಿಮ್ಮ ವಿನಂತಿಯನ್ನು ಪ್ರಕ್ರಿಯೆಗೊಳಿಸಲು ಬಳಸುತ್ತದೆ. ಒಂದು ವೇಳೆ ನಿಮ್ಮ ಪ್ರಶ್ನೆಯನ್ನು ಸೇವೆಗಾಗಿ Goldman Sachsಗೆ ಕಳುಹಿಸುವ ಅಗತ್ಯ ಬಂದಲ್ಲಿ, ನಿಮಗೆ ಉತ್ತಮವಾಗಿ ಸೇವೆ ಸಲ್ಲಿಸಲು ಸಾಧ್ಯವಾಗುವಂತೆ Apple ನೀವು ಮತ್ತು ನಿಮ್ಮ ಪ್ರಶ್ನೆಯ ಕುರಿತು ಮಾಹಿತಿಯನ್ನು Goldman Sachs ಜೊತೆಗೆ ಹಂಚಿಕೊಳ್ಳುತ್ತದೆ. Goldman Sachsಗೆ ಸೇವೆ ಒದಗಿಸಲು ಇದು ಕಳುಹಿಸುವ ವೈಯಕ್ತಿಕವಾಗಿ ಗುರುತಿಸಬಲ್ಲ ಹಣಕಾಸು ಮಾಹಿತಿಯನ್ನು Apple ಉಳಿಸಿಕೊಳ್ಳುವುದಿಲ್ಲ. 877-255-5923ಗೆ ಕರೆ ಮಾಡುವ ಮೂಲಕವೂ ನೀವು ನೇರವಾಗಿ ಬೆಂಬಲವನ್ನು ಸಂಪರ್ಕಿಸಬಹುದು.

ನಿಮ್ಮ ಸೇವಿಂಗ್ಸ್ ಖಾತೆಯನ್ನು ಮುಚ್ಚುವುದು

ನಿಮ್ಮ ಸೇವಿಂಗ್ಸ್ ಖಾತೆಯನ್ನು ನೀವು ಮುಚ್ಚಿದರೆ, ನಿಮ್ಮ ಸೇವಿಂಗ್ಸ್ ಖಾತೆಯ ಕುರಿತ ಮಾಹಿತಿಯು ಸೆಟ್ಟಿಂಗ್ಸ್ > ವಾಲೆಟ್ ಮತ್ತು Apple Pay > ಮುಚ್ಚಿದ ಖಾತೆಗಳು ಎಂಬಲ್ಲಿ ಉಳಿದಿರುತ್ತದೆ, ಅದರಲ್ಲಿ ನೀವು ಹಿಂದಿನ ಹೇಳಿಕೆಗಳು ಮತ್ತು ತೆರಿಗೆ ಡಾಕ್ಯುಮೆಂಟ್‌ಗಳನ್ನು ನೋಡಬಹುದು.

ನಿಮ್ಮ ಮಾಹಿತಿಯನ್ನು ಅಪ್‌ಡೇಟ್ ಮಾಡುವುದು

ನೀವು ವಾಲೆಟ್‌ನಲ್ಲಿ ನಿಮ್ಮ ಸೇವಿಂಗ್ಸ್ ಖಾತೆಯ ಮಾಹಿತಿಯನ್ನುಅಪ್‌ಡೇಟ್ ಮಾಡಬಹುದು. ನೀವು Goldman Sachs ಅನ್ನು ಸಂಪರ್ಕಿಸುವ ಮೂಲಕ ನಿಮ್ಮ ಸೇವಿಂಗ್ಸ್ ಖಾತೆಯ ಮಾಹಿತಿಯನ್ನು ಸಹ ಅಪ್‌ಡೇಟ್ ಮಾಡಬಹುದು. Goldman Sachs, ಅಪ್‌ಡೇಟ್ ಮಾಡಲಾದ ಸೇವಿಂಗ್ಸ್ ಖಾತೆಯ ಮಾಹಿತಿಯನ್ನು ಸೇವಿಂಗ್ಸ್ ಸೇವೆಗಳನ್ನು ಒದಗಿಸುವ ಉದ್ದೇಶಗಳಿಗಾಗಿ Apple ಜೊತೆಗೆ ಹಂಚಿಕೊಳ್ಳಬಹುದು.

ಇನ್ನಷ್ಟು ಮಾಹಿತಿ

ಕಾನೂನಿನ ಪ್ರಕಾರ ಅಗತ್ಯವಿರುವಂತೆ ಮತ್ತು ವಂಚನೆ ತಡೆಗಟ್ಟುವ ಉದ್ದೇಶಗಳಿಗಾಗಿ Apple ನಿಮ್ಮ ಮಾಹಿತಿಯನ್ನು ಬಳಸಿಕೊಳ್ಳಬಹುದು ಮತ್ತು ನಿಮ್ಮ ಮಾಹಿತಿಯನ್ನು Goldman Sachs ಜೊತೆಗೆ ಹಂಚಿಕೊಳ್ಳಬಹುದು. ಸೇವಿಂಗ್ಸ್ ಖಾತೆಯ ಲಭ್ಯತೆಗೆ ಸಂಬಂಧಿಸಿದಂತೆ ನಿಮಗೆ ಅಗತ್ಯ ಅಪ್‌ಡೇಟ್‌ಗಳನ್ನು ಒದಗಿಸಲು Apple ಮತ್ತು Goldman Sachs ಖಾತೆಯ ಮಾಹಿತಿಯನ್ನು ಹಂಚಿಕೊಳ್ಳಬಹುದು. ಸೇವಿಂಗ್ಸ್-ಸಂಬಂಧಿತ ಮಾಹಿತಿಯನ್ನು Apple ಕಾನೂನಿನ ಬಾಧ್ಯತೆಗಳನ್ನು ನಿಭಾಯಿಸಲು ಅಗತ್ಯವಿರುವಷ್ಟರ ಮಟ್ಟಿಗೆ ಅಥವಾ ಮಾನ್ಯತೆ ಹೊಂದಿದ ಕಾನೂನು ಪ್ರಕ್ರಿಯೆಗಳಿಗೆ, ನಿಮ್ಮ ಖಾತೆಯನ್ನು ಮುಚ್ಚಿದ ನಂತರವೂ ಬಳಸಿಕೊಳ್ಳಬಹುದು. Goldman Sachs ನಿಮ್ಮ ವೈಯಕ್ತಿಕ ಡೇಟವನ್ನು ಹೇಗೆ ರಕ್ಷಿಸುತ್ತದೆ ಎನ್ನುವುದರ ಕುರಿತು https://www.goldmansachs.com/privacy-and-cookies/c-privacy-policy.html ಎಂಬಲ್ಲಿ ಲಭ್ಯವಿರುವ ಅವರ ಗೌಪ್ಯತೆ ನೀತಿಯನ್ನು ಪರಿಶೀಲಿಸುವ ಮೂಲಕ ನೀವು ಇನ್ನಷ್ಟು ವಿವರವನ್ನು ತಿಳಿದುಕೊಳ್ಳಬಹುದು.

ಈ ನೋಟೀಸ್‌ನಲ್ಲಿ ವಿವರಿಸುವ ವೈಯಕ್ತಿಕ ಡೇಟಗೆ ಸಂಬಂಧಿಸಿ, Apple ಡೇಟ ಕಂಟ್ರೋಲರ್ ಆಗಿ ವರ್ತಿಸುತ್ತದೆ, ಟಿಪ್ಪಣಿ ಮಾಡದ ಹೊರತಾಗಿ, ಅಂತಹ ಚಟುವಟಿಕೆಗಳನ್ನು Appleನ ಸಂಪೂರ್ಣ ಮಾಲೀಕತ್ವದಲ್ಲಿರುವ ಅಂಗಸಂಸ್ಥೆಯಾದ Apple Payments Services LLC ಒದಗಿಸುತ್ತದೆ. Savings ಅನ್ನು ಬಳಸುವ ಮೂಲಕ, ಮೇಲೆ ವಿವರಿಸಿದಂತೆ Apple ಮತ್ತು ಅದರ ಅಂಗಸಂಸ್ಥೆಗಳು ಮತ್ತು ಏಜೆಂಟ್‌ಗಳಿಗೆ ನಿಮ್ಮ ಮಾಹಿತಿಯನ್ನು ರವಾನಿಸಲು, ಸಂಗ್ರಹಿಸಲು, ನಿರ್ವಹಿಸಲು, ಪ್ರಕ್ರಿಯೆಗೊಳಿಸಲು ಮತ್ತು ಬಳಸಲು ನೀವು ಒಪ್ಪಿಗೆ ನೀಡುತ್ತೀರಿ ಮತ್ತು ಅನುಮತಿಸುತ್ತೀರಿ.

ವೈಯಕ್ತಿಕ ಡೇಟವನ್ನು ಸಂಗ್ರಹಿಸಿದ ಉದ್ದೇಶ ಈಡೇರುವವರೆಗೆ ಮಾತ್ರವೇ Apple ಅದನ್ನು ಇರಿಸಿಕೊಳ್ಳುತ್ತದೆ, ಈ ಉದ್ದೇಶಗಳಲ್ಲಿ Appleನ ಗೌಪ್ಯತೆ ನೀತಿಗೆ ಅನುಸಾರವಾಗಿ ಅಥವಾ ನಮ್ಮ ನೋಟಿಸ್‌ಗಳಲ್ಲಿ ವಿವರಿಸಿರುವ ಅಥವಾ ಕಾನೂನಿನ ಪ್ರಕಾರ ಅಗತ್ಯವಿರುವ ಉದ್ದೇಶಗಳೂ ಸೇರಿವೆ. ಧಾರಣ ಅವಧಿಗಳನ್ನು ಮೌಲ್ಯಮಾಪನ ಮಾಡುವಾಗ, ಸಂಗ್ರಹಿಸಿದ ವೈಯಕ್ತಿಕ ಡೇಟವನ್ನು ಉಳಿಸಿಕೊಳ್ಳುವ ಅಗತ್ಯವಿದೆಯೇ ಎಂದು ನಾವು ಮೊದಲು ಎಚ್ಚರಿಕೆಯಿಂದ ಪರಿಶೀಲಿಸುತ್ತೇವೆ ಮತ್ತು ಧಾರಣವು ಅಗತ್ಯವಿದ್ದರೆ, ಅಗತ್ಯವಿರುವ ಕಡಿಮೆ ಅವಧಿಗೆ ನಾವು ವೈಯಕ್ತಿಕ ಡೇಟವನ್ನು ಉಳಿಸಿಕೊಳ್ಳುತ್ತೇವೆ.

ಎಲ್ಲಾ ಸಮಯದಲ್ಲೂ, Apple ಸಂಗ್ರಹಿಸಿದ ಮಾಹಿತಿಯನ್ನು Appleನ ಗೌಪ್ಯತಾ ನೀತಿಗೆ ಅನುಗುಣವಾಗಿ ಪರಿಗಣಿಸಲಾಗುತ್ತದೆ, ಅದನ್ನು ನೀವು www.apple.com/privacy ಎಂಬಲ್ಲಿ ನೋಡಬಹುದು.

2025-12-12