ಶಾರ್ಟ್ಕಟ್ ಹಂಚಿಕೊಳ್ಳುವಿಕೆ ಮತ್ತು ಗೌಪ್ಯತೆ
ನಿಮ್ಮ ಮಾಹಿತಿಯನ್ನು ಕಾಪಾಡಲು ಮತ್ತು ನೀವು ಯಾವುದನ್ನು ಹಂಚಿಕೊಳ್ಳಬೇಕು ಎನ್ನುವುದನ್ನು ನಿರ್ಧರಿಸುವುದಕ್ಕೆ ಅನುವುಮಾಡಿಕೊಡಲು ಶಾರ್ಟ್ಕಟ್ ಆ್ಯಪ್ ಅನ್ನು ವಿನ್ಯಾಸಗೊಳಿಸಲಾಗಿದೆ.
ನೀವು ಗ್ಯಾಲರಿಯ ಹೊರಗಿನಿಂದ ಸ್ವೀಕರಿಸುವ ಶಾರ್ಟ್ಕಟ್ಗಳನ್ನು ನೀವು ಪರಿಶೀಲಿಸಬೇಕು
ವೆಬ್ನಿಂದ ಡೌನ್ಲೋಡ್ ಮಾಡಲಾದ ಅಥವಾ ಇತರರು ನಿಮ್ಮೊಂದಿಗೆ ಹಂಚಿಕೊಂಡಿರುವ ಶಾರ್ಟ್ಕಟ್ಗಳನ್ನು Apple ಪರಿಶೀಲಿಸದೇ ಇರಬಹುದು ಮತ್ತು ಆ ಶಾರ್ಟ್ಕಟ್ಗಳ ಕಂಟೆಂಟ್ ಅಥವಾ ಕಾರ್ಯಚಟುವಟಿಕೆಯ ಮೇಲೆ Apple ಯಾವುದೇ ಕಂಟ್ರೋಲ್ ಅನ್ನು ಹೊಂದಿಲ್ಲ ಮತ್ತು ಯಾವುದೇ ಜವಾಬ್ದಾರಿಯನ್ನು ತೆಗೆದುಕೊಳ್ಳುವುದಿಲ್ಲ. ವೆಬ್ನಿಂದ ಡೌನ್ಲೋಡ್ ಮಾಡಲಾದ ಅಥವಾ ನಿಮ್ಮೊಂದಿಗೆ ಹಂಚಿಕೊಳ್ಳಲಾದ ಎಲ್ಲಾ ಶಾರ್ಟ್ಕಟ್ಗಳು ನೀವು ನಿರೀಕ್ಷಿಸಿದಂತೆ ಅವು ಕಾರ್ಯನಿರ್ವಹಿಸುತ್ತಿವೆಯೇ ಎಂಬುದನ್ನು ಖಚಿತಪಡಿಸಿಕೊಳ್ಳಲು ನೀವು ಹೆಚ್ಚಿನ ಎಚ್ಚರಿಕೆಯೊಂದಿಗೆ ಪರಿಶೀಲಿಸಬೇಕು.
ನಿಮ್ಮ ಸ್ಥಳ (ನಿಖರವಾದ ಅಥವಾ ಅಂದಾಜು), ಸಂಪರ್ಕಗಳು, ಆರೋಗ್ಯ ಮಾಹಿತಿ, ಪಾವತಿ ಮಾಹಿತಿ ಅಥವಾ ನಿಮ್ಮ ಡಾಕ್ಯುಮೆಂಟ್ಗಳ ವಿಷಯಗಳಂತಹ ನಿಮ್ಮ ವೈಯಕ್ತಿಕ ಡೇಟವನ್ನು ಆ್ಯಕ್ಸೆಸ್ ಮಾಡುವ ಶಾರ್ಟ್ಕಟ್ಗಳನ್ನು ನೀವು ನಿಯಂತ್ರಿಸುತ್ತೀರಿ. ಆ ಶಾರ್ಟ್ಕಟ್ಗಾಗಿ ವಿವರಗಳ ವಿಭಾಗದಲ್ಲಿ ಶಾರ್ಟ್ಕಟ್ ಪ್ರವೇಶವನ್ನು ಹೊಂದಿರುವ ಡೇಟವನ್ನು ನೀವು ಪರಿಶೀಲಿಸಬಹುದು ಮತ್ತು ನಿಯಂತ್ರಿಸಬಹುದು.
ನೀವು ಹಂಚಿಕೊಳ್ಳುವ ಶಾರ್ಟ್ಕಟ್ಗಳನ್ನು Appleಗೆ ಕಳುಹಿಸಲಾಗುತ್ತದೆ
ನೀವು ಶಾರ್ಟ್ಕಟ್ ಅನ್ನು ರಚಿಸಿದರೆ ಮತ್ತು ಹಂಚಿಕೊಂಡರೆ, ನಿಮ್ಮ ಹಂಚಿದ ಶಾರ್ಟ್ಕಟ್, ಅದರಲ್ಲಿ ಎಂಬೆಡ್ ಮಾಡಲಾದ ಯಾವುದೇ ಕಂಟೆಂಟ್ನೊಂದಿಗೆ, ನಿಮ್ಮ ನಿರ್ದೇಶನದಲ್ಲಿ ಹಂಚಿಕೆಯನ್ನು ಸಕ್ರಿಯಗೊಳಿಸಲು Appleಗೆ ಕಳುಹಿಸಲಾಗುತ್ತದೆ. ಶಾರ್ಟ್ಕಟ್ ಮತ್ತು ಅದರ ಕಂಟೆಂಟ್ಗಳು, ಹಂಚಿಕೊಂಡ ವೆಬ್ ಲಿಂಕ್ಗೆ ಪ್ರವೇಶವನ್ನು ಪಡೆಯುವ ಯಾರಿಗಾದರೂ ಲಭ್ಯವಿರುತ್ತವೆ, ಅವರು ನಂತರ ನಿಮ್ಮ ಹಂಚಿಕೊಂಡ ಶಾರ್ಟ್ಕಟ್ ಮತ್ತು ಅದರಲ್ಲಿ ಎಂಬೆಡ್ ಮಾಡಲಾದ ಎಲ್ಲಾ ವಿಷಯಗಳನ್ನು ಡ್ಯೂಪ್ಲಿಕೇಟ್ ಮಾಡಬಹುದು, ಸೇವ್ ಮಾಡಬಹುದು, ಮಾರ್ಪಡಿಸಬಹುದು ಮತ್ತು ಮರುಹಂಚಿಕೆ ಮಾಡಬಹುದು. ನೀವು ಅಗತ್ಯ ಹಕ್ಕುಗಳನ್ನು ಹೊಂದಿರದ ಕಂಟೆಂಟ್ ಅನ್ನು ಒಳಗೊಂಡಿರುವ ಅಥವಾ ಬೇರೊಬ್ಬರ ಹಕ್ಕುಗಳು ಅಥವಾ ಕಾನೂನುಗಳನ್ನು ಉಲ್ಲಂಘಿಸುವ ಶಾರ್ಟ್ಕಟ್ಗಳನ್ನು ಒಳಗೊಂಡಿರುವ ಶಾರ್ಟ್ಕಟ್ಗಳನ್ನು ನೀವು ರಚಿಸಬಾರದು ಅಥವಾ ಹಂಚಿಕೊಳ್ಳಬಾರದು. ನೀವು ಹಂಚಿಕೊಳ್ಳುವ ಯಾವುದೇ ಶಾರ್ಟ್ಕಟ್ಗಳನ್ನು ಪರಿಶೀಲಿಸಲು Apple ಯಾವುದೇ ಬಾಧ್ಯತೆಯನ್ನು ಹೊಂದಿಲ್ಲ, ಆದಾಗ್ಯೂ ನೀವು ಹಂಚಿಕೊಳ್ಳುವ ಯಾವುದೇ ಶಾರ್ಟ್ಕಟ್ಗಳನ್ನು Apple ಪರಿಶೀಲಿಸಬಹುದು, ನಿಷ್ಕ್ರಿಯಗೊಳಿಸಬಹುದು ಅಥವಾ ತೆಗೆದುಹಾಕಬಹುದು.
ನಿಮ್ಮನ್ನು ವೈಯಕ್ತಿಕವಾಗಿ ಗುರುತಿಸದಂತಹ ರೀತಿಯಲ್ಲಿ ಶಾರ್ಟ್ಕಟ್ಗಳನ್ನು ಸುಧಾರಿಸಲು, ಹಂಚಿಕೊಂಡಿರುವ ಶಾರ್ಟ್ಕಟ್ಗಳ ಸಂಖ್ಯೆಯಂತಹ ಹಂಚಿಕೊಂಡ ಶಾರ್ಟ್ಕಟ್ಗಳ ಒಟ್ಟುಗೂಡಿಸಿದ ಮಾಹಿತಿಯನ್ನು ಸಹ Apple ಸಂಗ್ರಹಿಸುತ್ತದೆ.
ಶಾರ್ಟ್ಕಟ್ ಆ್ಯಪ್ನ ಸೆಟ್ಟಿಂಗ್ಸ್ನಲ್ಲಿ ಶಾರ್ಟ್ಕಟ್ಗಳ ಹಂಚಿಕೊಳ್ಳುವಿಕೆಯನ್ನು ಸಕ್ರಿಯಗೊಳಿಸುವ ಆಯ್ಕೆಯನ್ನು ನೀವು ಹೊಂದಿರುತ್ತೀರಿ.
iCloud ಬಳಸಿಕೊಂಡು ನಿಮ್ಮ ಸಾಧನಗಳಾದ್ಯಂತ ಶಾರ್ಟ್ಕಟ್ಗಳು ಸಿಂಕ್ ಆಗುತ್ತವೆ. ನೀವು ಶಾರ್ಟ್ಕಟ್ಗಳನ್ನು ಸಿಂಕ್ ಮಾಡಲು ಬಯಸದಿದ್ದರೆ, ನಿಮ್ಮ iOS, iPadOS ಅಥವಾ visionOS ಸಾಧನದಲ್ಲಿ ನೀವು ಸೆಟ್ಟಿಂಗ್ಸ್ > [ನಿಮ್ಮ ಹೆಸರು] > iCloud > iCloudಗೆ ಸೇವ್ ಮಾಡಿರುವುದು > ಎಲ್ಲವನ್ನೂ ನೋಡಿ ಎಂಬಲ್ಲಿಗೆ ಹೋಗಿ ಮತ್ತು ಶಾರ್ಟ್ಕಟ್ಗಳನ್ನು ಆಫ್ ಮಾಡಲು ಟ್ಯಾಪ್ ಮಾಡುವುದು ಅಥವಾ ಸೆಟ್ಟಿಂಗ್ಸ್ > ಆ್ಯಪ್ಗಳು > ಶಾರ್ಟ್ಕಟ್ಸ್ಗೆ ಹೋಗಿ ಮತ್ತು iCloud ಸಿಂಕ್ ಅನ್ನು ಆಫ್ ಮಾಡಲು ಟ್ಯಾಪ್ ಮಾಡುವ ಮೂಲಕ ಈ ಫೀಚರ್ ಅನ್ನು ನಿಷ್ಕ್ರಿಯಗೊಳಿಸಬಹುದು. Macನಲ್ಲಿ, ಸಿಸ್ಟಂ ಸೆಟ್ಟಿಂಗ್ಸ್ > [ನಿಮ್ಮ ಹೆಸರು] > iCloud > iCloudನಲ್ಲಿ ಉಳಿಸಿರುವುದು > ಎಲ್ಲವನ್ನೂ ನೋಡಿ ಎಂಬಲ್ಲಿಗೆ ಹೋಗಿ ಮತ್ತು ಶಾರ್ಟ್ಕಟ್ಸ್ ಆಯ್ಕೆಯನ್ನು ರದ್ದುಮಾಡಿ, ಅಥವಾ ಶಾರ್ಟ್ಕಟ್ಸ್ ಆ್ಯಪ್ನಲ್ಲಿ ಸೆಟ್ಟಿಂಗ್ಸ್ಗೆ ಹೋಗಿ ಮತ್ತು iCloud ಸಿಂಕ್ ಆಯ್ಕೆಯನ್ನು ರದ್ದುಮಾಡಿ.
Appleನ ಗೌಪ್ಯತೆ ನೀತಿಗೆ ಅನುಸಾರವಾಗಿ ಅಥವಾ ಕಾನೂನಿನಲ್ಲಿ ಅಗತ್ಯವಿರುವ ಪ್ರಕಾರ, ವೈಯಕ್ತಿಕ ಡೇಟವನ್ನು ಸಂಗ್ರಹಿಸಿದ ಉದ್ದೇಶ ಈಡೇರುವವರೆಗೆ ಮಾತ್ರವೇ Apple ಅದನ್ನು ಉಳಿಸಿಕೊಳ್ಳುತ್ತದೆ. ರಿಟೆನ್ಷನ್ ಅವಧಿಯನ್ನು ಮೌಲ್ಯಮಾಪನ ಮಾಡುವ ಸಂದರ್ಭದಲ್ಲಿ ಮೊದಲಿಗೆ ಸಂಗ್ರಹಿಸಿದ ವೈಯಕ್ತಿಕ ಡೇಟವನ್ನು ಉಳಿಸಿಕೊಳ್ಳುವುದು ಅಗತ್ಯವೇ ಎಂದು ಜಾಗರೂಕವಾಗಿ ಪರೀಕ್ಷಿಸುತ್ತೇವೆ, ನಂತರ ರಿಟೆನ್ಷನ್ ಅಗತ್ಯವಿದ್ದಲ್ಲಿ, ಕಾನೂನಿನ ಅಡಿಯಲ್ಲಿ ಅವಕಾಶ ನೀಡಲಾಗಿರುವ ಅತಿ ಕಡಿಮೆ ಅವಧಿಗೆ ವೈಯಕ್ತಿಕ ಡೇಟವನ್ನು ಉಳಿಸಿಕೊಳ್ಳಲು ಕೆಲಸ ಮಾಡುತ್ತೇವೆ.
ಎಲ್ಲಾ ಸಮಯದಲ್ಲೂ, Apple ಸಂಗ್ರಹಿಸಿದ ಮಾಹಿತಿಯನ್ನು Appleನ ಗೌಪ್ಯತಾ ನೀತಿಗೆ ಅನುಸಾರವಾಗಿ ಪರಿಗಣಿಸಲಾಗುತ್ತದೆ, ಅದನ್ನು ನೀವು www.apple.com/in/privacy ಎಂಬಲ್ಲಿ ನೋಡಬಹುದು.
2025-12-12