• “Apple ಮೂಲಕ ಸೈನ್ ಇನ್ ಮಾಡಿ” ಫೀಚರ್ ನಿಮ್ಮ ಗೌಪ್ಯತೆಯನ್ನು ರಕ್ಷಿಸುವುದರ ಜೊತೆಗೆ ಆ್ಯಪ್‌ಗಳು ಮತ್ತು ವೆಬ್‌ಸೈಟ್‌ಗಳಿಗೆ ಸೈನ್ ಇನ್ ಮಾಡಲು ನಿಮಗೆ ಅನುವುಮಾಡಿಕೊಡುತ್ತದೆ.
• ಕೆಲವು ಡೆವಲಪರ್‌ಗಳು ನಿಮ್ಮ ಹೆಸರನ್ನು ಕೇಳಬಹುದು, ಅದನ್ನು ನೀವು ಎಡಿಟ್ ಮಾಡಬಹುದು. ಅವರು ನಿಮ್ಮ ಈಮೇಲ್ ಅನ್ನು ಕೂಡ ಕೇಳಬಹುದು, ಅದನ್ನು ನೀವು ನೇರವಾಗಿ ಅಥವಾ ಯಾವುದೇ ಅಲಿಯಾಸ್ ಬಳಸಿಕೊಂಡು ಒದಗಿಸಬಹುದು.
• ನೀವು ಯಾವುದೇ ಆ್ಯಪ್ ಅಥವಾ ವೆಬ್‌ಸೈಟ್‌ಗೆ Apple ಮೂಲಕ ಸೈನ್ ಇನ್ ಮಾಡಿ ಎಂಬುದನ್ನು ಸಕ್ರಿಯಗೊಳಿಸಿರುವಿರೋ ಇಲ್ಲವೋ ಎಂಬುದು Appleಗೆ ತಿಳಿದಿದ್ದರೂ ಯಾವ ಆ್ಯಪ್‌ಗಳಿಗೆ ಅಥವಾ ವೆಬ್‌ಸೈಟ್‌ಗಳಿಗೆ ಸೈನ್ ಇನ್ ಮಾಡುತ್ತೀರಿ ಮತ್ತು ಯಾವಾಗ ಮಾಡುತ್ತೀರಿ ಎಂಬುದನ್ನು ಟ್ರ್ಯಾಕ್ ಮಾಡುವುದಿಲ್ಲ.
• ನೀವು ಮೊದಲ ಬಾರಿಗೆ ಯಾವುದೇ ಆ್ಯಪ್‌ನಲ್ಲಿ ‘Appleನಿಂದ ಸೈನ್ ಇನ್ ಮಾಡಿ’ ಎಂಬುದನ್ನು ಬಳಸಿದಾಗ, ವಂಚನೆಯನ್ನು ತಡೆಯಲು Apple ನಿಮ್ಮ ಖಾತೆಯ ಕುರಿತ ಮಾಹಿತಿಯನ್ನು ಮತ್ತು ನಿಮ್ಮ ಸಾಧನ ಮತ್ತು ಸಾಧನದ ಬಳಕೆಯ ಪ್ಯಾಟರ್ನ್‌ಗಳ ಕುರಿತ ಮಾಹಿತಿಯ ಜೊತೆಗೆ Appleನೊಂದಿಗಿನ ಅನುಭವಗಳನ್ನು ಬಳಸುತ್ತದೆ.

Apple ಮೂಲಕ ಸೈನ್ ಇನ್ ಮಾಡಿ ಅನ್ನು ಸಕ್ರಿಯಗೊಳಿಸಲಾಗುತ್ತಿದೆ

ನಿಮ್ಮನ್ನು ವೈಯಕ್ತಿಕವಾಗಿ ಗುರುತಿಸುವ ಯಾವುದೇ ಮಾಹಿತಿಯನ್ನು ಡೆವಲಪರ್‌ಗೆ ನೀಡದೆಯೇ ಆ್ಯಪ್‌ಗೆ (ಅಥವಾ ಆ್ಯಪ್‌ ಕ್ಲಿಪ್) ಸೈನ್ ಇನ್ ಮಾಡಲು ನಿಮಗೆ ಅನುಮತಿಸುವ ಮೂಲಕ “Apple ಮೂಲಕ ಸೈನ್ ಇನ್ ಮಾಡಿ” ಫೀಚರ್ ನಿಮ್ಮ ಗೌಪ್ಯತೆಯನ್ನು ರಕ್ಷಿಸುತ್ತದೆ. ಡೆವಲಪರ್‌ಗೆ ಯಾವುದೇ ಹೆಚ್ಚುವರಿ ವೈಯಕ್ತಿಕವಾಗಿ ಗುರುತಿಸುವ ಮಾಹಿತಿಯನ್ನು ಒದಗಿಸದೆಯೇ “Apple ಮೂಲಕ ಸೈನ್ ಇನ್ ಮಾಡಿ” ಫೀಚರ್ ವೆಬ್‌ಸೈಟ್‌ಗೆ ಸೈನ್ ಇನ್ ಮಾಡಲು ನಿಮಗೆ ಅನುಮತಿಸುತ್ತದೆ ಮತ್ತು ಸಾಮಾನ್ಯ ವೆಬ್ ಕಾರ್ಯಗಳನ್ನು ಬೆಂಬಲಿಸಲು ನಿಮ್ಮ ಬ್ರೌಸರ್‌ಗೆ ಅಗತ್ಯವಿರುವ ಮಾಹಿತಿಯನ್ನು ಮಾತ್ರ ನೀವು ಒದಗಿಸಬೇಕಾಗುತ್ತದೆ. ಬದಲಿಗೆ, ನೀವು ‘Apple ಮೂಲಕ ಸೈನ್ ಇನ್ ಮಾಡಿ’ ಅನ್ನು ಬಳಸಿದಾಗ, Apple ನಿಮ್ಮ ಮಾಹಿತಿಯನ್ನು ಖಾಸಗಿಯಾಗಿ ಉಳಿಸಿಕೊಳ್ಳಲು ಅನುಮತಿಸುವ ಅನನ್ಯ ಐಡೆಂಟಿಫೈಯರ್ ಒಂದನ್ನು ಆ್ಯಪ್ ಡೆವಲಪರ್‌ಗೆ ಒದಗಿಸುತ್ತದೆ. ಈ ಐಡೆಂಟಿಫೈಯರ್ ಪ್ರತಿ ಆ್ಯಪ್‌ಗೆ ವಿಶಿಷ್ಟವಾಗಿದೆ, ಆದ್ದರಿಂದ ವಿಭಿನ್ನ ಡೆವಲಪರ್‌ಗಳು ವಿಭಿನ್ನ ಆ್ಯಪ್‌ಗಳಲ್ಲಿ ನಿಮ್ಮ ಕುರಿತು ಮಾಹಿತಿಯನ್ನು ಪಡೆಯಲು ಮತ್ತು ಹಂಚಿಕೊಳ್ಳಲು ಸಾಧ್ಯವಿಲ್ಲ. ಡೆವಲಪರ್‌ಗಳು ತಮ್ಮ ಆ್ಯಪ್‌ಗಳು ಅಥವಾ ವೆಬ್‌ಸೈಟ್‌ಗಳಲ್ಲಿ ಅಸ್ತಿತ್ವದಲ್ಲಿರುವ ಖಾತೆಗಳಿಗಾಗಿ Appleನೊಂದಿಗೆ ಸೈನ್ ಇನ್ ಅನ್ನು ಬಳಸಲು ನಿಮಗೆ ಅವಕಾಶ ನೀಡಬಹುದು. ಡೆವಲಪರ್ ಇದನ್ನು ಸಕ್ರಿಯಗೊಳಿಸಲು ಆಯ್ಕೆಮಾಡಿದರೆ, ನೀವು ಈಗಾಗಲೇ ಹೊಂದಿರುವ ಖಾತೆಯನ್ನು ಇಟ್ಟುಕೊಳ್ಳಬಹುದು ಆದರೆ Apple ಮೂಲಕ ಸೈನ್ ಇನ್ ಮಾಡಿ ಎಂಬುದನ್ನು ಬಳಸಿಕೊಂಡು ಸೈನ್ ಇನ್ ಮಾಡಿ.

ಕೆಲವು ಆ್ಯಪ್‌ಗಳ ಬಳಿ ನಿಮ್ಮ ಕುರಿತು ಹೆಚ್ಚಿನ ಮಾಹಿತಿಯನ್ನು ಸಂಗ್ರಹಿಸಲು ಕಾರಣವಿರಬಹುದು — ಉದಾಹರಣೆಗೆ, ನಿಮ್ಮ ಖಾತೆಯನ್ನು ಹೆಸರಿನ ಮೂಲಕ ಉಲ್ಲೇಖಿಸಲು ಅಥವಾ ಈಮೇಲ್ ಮೂಲಕ ನಿಮ್ಮನ್ನು ಸಂಪರ್ಕಿಸಲು — ಹಾಗಾಗಿ, ನೀವು Apple ಮೂಲಕ ಸೈನ್ ಇನ್ ಮಾಡಿ ಅನ್ನು ಬಳಸುವಾಗ ಕೆಲವು ಡೆವಲಪರ್‌ಗಳು ನಿಮ್ಮ ಹೆಸರು ಅಥವಾ ಈಮೇಲ್ ವಿಳಾಸವನ್ನು ಕೇಳಬಹುದು. ನಿಮ್ಮ Apple ಖಾತೆಯೊಂದಿಗೆ ಸಂಯೋಜಿತವಾಗಿರುವ ಹೆಸರಿಗೆ ನಿಮ್ಮ ಹೆಸರು ಡಿಫಾಲ್ಟ್ ಆಗಿರುತ್ತದೆ, ಇದನ್ನು ಡೆವಲಪರ್ ಜೊತೆಗೆ ಹಂಚಿಕೊಳ್ಳುವ ಮೊದಲು ನೀವು ಅದನ್ನು ಎಡಿಟ್ ಮಾಡಬಹುದು. ಡೆವಲಪರ್ ಈಮೇಲ್ ವಿಳಾಸವನ್ನು ಕೇಳಿದರೆ, ನಿಮ್ಮ Apple ಖಾತೆಗೆ ಸಂಬಂಧಿಸಿದ ಈಮೇಲ್ ವಿಳಾಸಗಳಲ್ಲಿ ಯಾವುದಾದರೂ ಒಂದನ್ನು ನೀವು ಒದಗಿಸುವ ಅಥವಾ ನಿಮ್ಮ ಈಮೇಲ್ ವಿಳಾಸವನ್ನು ಮರೆಮಾಡುವ ಆಯ್ಕೆಯನ್ನು ನೀವು ಮಾಡಬಹುದು. ಡೆವಲಪರ್‌ನಿಂದ ನಿಮ್ಮ ಇಮೇಲ್ ವಿಳಾಸವನ್ನು ಮರೆಮಾಡಲು ನೀವು ಆರಿಸಿದರೆ, Appleನಿಂದ ಅನನ್ಯ ಇಮೇಲ್ ವಿಳಾಸವನ್ನು ರಚಿಸಲಾಗುತ್ತದೆ ಮತ್ತು ಡೆವಲಪರ್‌ಗೆ ಒದಗಿಸಲಾಗುತ್ತದೆ ಮತ್ತು ಅದರ ಮೂಲಕ ಡೆವಲಪರ್ ನಿಮ್ಮನ್ನು ಸಂಪರ್ಕಿಸುತ್ತಾರೆ. Apple ಆ ವಿಳಾಸದಲ್ಲಿ ಸ್ವೀಕರಿಸಿದ ಈಮೇಲ್ ಅನ್ನು ನಿಮ್ಮ Apple ಖಾತೆಯ ಜೊತೆಗೆ ಸಂಯೋಜಿತವಾಗಿರುವ ಈಮೇಲ್ ವಿಳಾಸಕ್ಕೆ ಫಾರ್ವರ್ಡ್ ಮಾಡುತ್ತದೆ; Apple ಸಂದೇಶಗಳನ್ನು ಡೆಲಿವರಿ ಮಾಡಿದ ನಂತರ ಅಥವಾ ಡೆಲಿವರ್ ಆಗದಿದ್ದರೆ ಸ್ವಲ್ಪ ಸಮಯದ ನಂತರ ಡಿಲೀಟ್ ಮಾಡುತ್ತದೆ. ನಿಮ್ಮ iOS, iPadOS, ಅಥವಾ visionOS ಸಾಧನದಲ್ಲಿ, ಸೆಟ್ಟಿಂಗ್ > [ನಿಮ್ಮ ಹೆಸರು] > iCloud > iCloud Mail > Mail ಫಾರ್ವರ್ಡ್ ಮಾಡುವಿಕೆ ಎಂಬಲ್ಲಿಗೆ ಹೋಗುವ ಮೂಲಕ, ಮೇಲ್ ಅನ್ನು ಯಾವ ಈಮೇಲ್ ವಿಳಾಸಕ್ಕೆ ಫಾರ್ವರ್ಡ್ ಮಾಡಬೇಕೆಂಬುದನ್ನು ನೀವು ಬದಲಾಯಿಸಬಹುದು ಅಥವಾ ಈಮೇಲ್ ಫಾರ್ವರ್ಡ್ ಮಾಡುವಿಕೆಯನ್ನು ನಿಷ್ಕ್ರಿಯಗೊಳಿಸಬಹುದು. ನಿಮ್ಮ Macನಲ್ಲಿ, ಸಿಸ್ಟಂ ಸೆಟ್ಟಿಂಗ್ಸ್ > [ನಿಮ್ಮ ಹೆಸರು] > ವೈಯಕ್ತಿಕ ಮಾಹಿತಿಗೆ ಹೋಗಿ. ನೀವು ‘ನನ್ನ ಈಮೇಲ್ ಮರೆಮಾಡಿ’ ಜೊತೆಗೆ ಬಳಸಲಾದ ಈಮೇಲ್ ವಿಳಾಸವನ್ನು ನೀವು ನಿಷ್ಕ್ರಿಯಗೊಳಿಸುವುದು ಮತ್ತು ಡಿಲೀಟ್ ಮಾಡಿದಾಗ, ದುರ್ಬಳಕೆಯನ್ನು ತಡೆಯುವ ಉದ್ದೇಶದಿಂದ ಅದನ್ನು ನಿಮ್ಮ Apple ಖಾತೆಯೊಂದಿಗೆ ಸಂಯೋಜಿಸಿ 30 ದಿನಗಳವರೆಗೆ ಉಳಿಸಲಾಗುತ್ತದೆ. ಅದರ ನಂತರ ತೆಗೆದು ಹಾಕಲಾದ ವಿಳಾಸವನ್ನು ನಿಮ್ಮ Apple ಖಾತೆಯಿಂದ ಶಾಶ್ವತವಾಗಿ ಡಿಲೀಟ್ ಮಾಡಲಾಗುತ್ತದೆ, ವಿಳಾಸದ ಮರುಬಳಕೆಯನ್ನು ತಪ್ಪಿಸುವಂತಹ ಭದ್ರತಾ ಉದ್ದೇಶಗಳಿಗೆ ಮಾತ್ರ ಉಳಿಸಿಕೊಳ್ಳಲಾಗುತ್ತದೆ.

ನೀವು ಒಂದು ಆ್ಯಪ್‌ಗಾಗಿ ‘Apple ಮೂಲಕ ಸೈನ್ ಇನ್ ಮಾಡಿ’ಯನ್ನು ಸಕ್ರಿಯಗೊಳಿಸಲು ಆಯ್ಕೆ ಮಾಡಿದರೆ, ನೀವು iCloudಗೆ ಬಳಸುವ Apple ಖಾತೆಯ ಜೊತೆಗೆ ನಿಮ್ಮ ಆಯ್ಕೆಯನ್ನು ಲಿಂಕ್ ಮಾಡಲಾಗುತ್ತದೆ, ಹಾಗೆ ನೀವು ಎಲ್ಲಾ Apple ಸಾಧನಗಳಲ್ಲಿ ಆ ಆ್ಯಪ್‌ಗಾಗಿ ’Apple ಮೂಲಕ ಸೈನ್ ಇನ್ ಮಾಡಿ’ ಅನ್ನು ಸುಲಭವಾಗಿ ಬಳಸಬಹುದು.

ನೀವು ಹೊಸ ಆ್ಯಪ್‌ನೊಂದಿಗೆ ಮೊದಲ ಬಾರಿ ‘Apple ಮೂಲಕ ಸೈನ್ ಇನ್ ಮಾಡಿ’ಯನ್ನು ಬಳಸಿದಾಗ, ವಂಚನೆ ತಡೆಗಟ್ಟುವಿಕೆ ಮತ್ತು ಸುರಕ್ಷತಾ ಕಾರಣಗಳಿಗಾಗಿ, ನೀವು ನಿಜವಾದ ವ್ಯಕ್ತಿ ಎಂಬ ವಿಶ್ವಾಸವನ್ನು ಮೂಡಿಸಲು Apple ಡೆವಲಪರ್‌ ಜೊತೆಗೆ ಸರಳ ಬೈನರಿ ಸ್ಕೋರ್ ಅನ್ನು ಹಂಚಿಕೊಳ್ಳುತ್ತದೆ. ಈ ಸ್ಕೋರ್ ಅನ್ನು ನಿಮ್ಮ ಇತ್ತೀಚಿನ Apple ಖಾತೆ ಚಟುವಟಿಕೆ ಮತ್ತು ನಿಮ್ಮ ಸಾಧನ ಮತ್ತು ಸಾಧನದ ಬಳಕೆಯ ಪ್ಯಾಟರ್ನ್‌ ಕುರಿತು ಬೇರ್ಪಡಿಸಿದ ಮಾಹಿತಿಯಿಂದ ಪಡೆಯಲಾಗಿದೆ. ನಿಮ್ಮ ಸಾಧನವನ್ನು ನೀವು ಹೇಗೆ ಬಳಸುತ್ತೀರಿ ಎಂಬುದರ ಕುರಿತು ಯಾವುದೇ ನಿರ್ದಿಷ್ಟ ಮಾಹಿತಿಯನ್ನು Apple ಅಥವಾ ಡೆವಲಪರ್ ಸ್ವೀಕರಿಸುವುದಿಲ್ಲ.

Apple ಮೂಲಕ ಸೈನ್ ಇನ್ ಅನ್ನು ಬಳಸುವುದು

ನೀವು ಆ್ಯಪ್ ಅಥವಾ ವೆಬ್‌ಸೈಟ್‌ಗಾಗಿ ‘Apple ಮೂಲಕ ಸೈನ್ ಇನ್ ಮಾಡಿ’ಯನ್ನು ಸಕ್ರಿಯಗೊಳಿಸಿದಾಗ Appleಗೆ ತಿಳಿಯುತ್ತದೆ, ಇದರಿಂದ ಸೈನ್-ಇನ್ ಅನ್ನು ಸೆಟಪ್ ಮಾಡಲು ನೆರವಾಗಲು ನಮಗೆ ಸಾಧ್ಯವಾಗುತ್ತದೆ. ನಿಮ್ಮ iPhoneನಲ್ಲಿ ಆ್ಯಪ್ ಬಳಸಿಕೊಂಡು ನೀವು ‘Apple ಮೂಲಕ ಸೈನ್ ಇನ್ ಮಾಡಿ’ ಅನ್ನು ನೀವು ಬಳಸಿದಾಗ, ನೀವು ಸೈನ್ ಇನ್ ಮಾಡಿರುವ ಆ್ಯಪ್‌ಗಳು ಯಾವುವು ಅಥವಾ ‘Apple ಮೂಲಕ ಸೈನ್ ಇನ್ ಮಾಡಿ’ ಅನ್ನು ಯಾವಾಗ ಬಳಸುತ್ತೀರಿ ಎಂಬುದರ ಇತಿಹಾಸವನ್ನು Apple ನೋಡುವುದಿಲ್ಲ ಅಥವಾ ಉಳಿಸಿಕೊಳ್ಳುವುದಿಲ್ಲ — ಈ ಮಾಹಿತಿಯು ನಿಮ್ಮ ಸಾಧನದಲ್ಲಿ ಹಾಗೆಯೇ ಉಳಿಯುತ್ತದೆ. ನೀವು Safariಯಲ್ಲಿ ‘Apple ಮೂಲಕ ಸೈನ್ ಇನ್ ಮಾಡಿ’ ಅನ್ನು ಬಳಸಿದಾಗ, ವೆಬ್‌ಸೈಟ್‌ಗೆ ಸೈನ್ ಇನ್ ಮಾಡಿದಾಗ Apple ಅದನ್ನು ನೋಡುತ್ತದೆ, ಇದರಿಂದ ನಿಮ್ಮ ಸೈನ್ ಇನ್ ಅನ್ನು Appleಗೆ ದೃಢೀಕರಿಸಲು ಸಾಧ್ಯವಾಗುತ್ತದೆ, ಆದರೆ Apple ನೀವು ಯಾವ ವೆಬ್‌ಸೈಟ್‌ಗಳಿಗೆ ಸೈನ್ ಇನ್ ಮಾಡುತ್ತೀರಿ ಅಥವಾ ನೀವು ಯಾವಾಗ ‘Apple ಮೂಲಕ ಸೈನ್ ಇನ್ ಮಾಡಿ’ ಅನ್ನು ಬಳಸುತ್ತೀರಿ ಎಂಬುದರ ಇತಿಹಾಸವನ್ನು ಉಳಿಸಿಕೊಳ್ಳುವುದಿಲ್ಲ.

ನೀವು ಆ್ಯಪ್ ಅಥವಾ ವೆಬ್‌ಸೈಟ್‌ಗೆ ಸೈನ್ ಇನ್ ಮಾಡಲು Apple ಮೂಲಕ ಸೈನ್ ಇನ್ ಮಾಡಿ ಎಂಬುದನ್ನು ಬಳಸಿದರೆ, ಸೈನ್-ಇನ್ ಮಾಡಿದ ನಂತರ ಡೆವಲಪರ್‌ಗಳು ನಿಮಗೆ ಹೆಚ್ಚುವರಿ ವೈಯಕ್ತಿಕ ಮಾಹಿತಿಯನ್ನು ಕೇಳಬಹುದು. ನೀವು ಡೆವಲಪರ್‌ಗೆ ಒದಗಿಸಲು ಆರಿಸುವ ಯಾವುದೇ ವೈಯಕ್ತಿಕ ಮಾಹಿತಿ ಅವರ ಗೌಪ್ಯತೆ ನೀತಿಗೆ ಒಳಪಟ್ಟಿರುತ್ತದೆ.

Apple ಮೂಲಕ ಸೈನ್ ಇನ್ ಮಾಡುವಿಕೆಯನ್ನು ನಿರ್ವಹಿಸುವುದು

Apple ಮೂಲಕ ಸೈನ್ ಇನ್ ಮಾಡಿ ಎಂಬುದನ್ನು ನಿರ್ವಹಿಸಲು, ಸೆಟ್ಟಿಂಗ್ಸ್> [ನಿಮ್ಮ ಹೆಸರು] > ಸೈನ್-ಇನ್ ಮತ್ತು ಭದ್ರತೆ> iOSನಲ್ಲಿ ನಿಮ್ಮ Apple ಖಾತೆಯನ್ನು ಬಳಸುತ್ತಿರುವ ಆ್ಯಪ್‌ಗಳು ಎಂಬಲ್ಲಿಗೆ ಹೋಗಿ, ನಂತರ ಸಿಸ್ಟಂ ಸೆಟ್ಟಿಂಗ್ಸ್ > [ನಿಮ್ಮ ಹೆಸರು] > Macನಲ್ಲಿ ಸೈನ್-ಇನ್ ಮತ್ತು ಭದ್ರತೆ ಎಂಬಲ್ಲಿಗೆ ಹೋಗಿ ಅಥವಾ account.apple.com ಎಂಬಲ್ಲಿಗೆ ಭೇಟಿ ನೀಡಿ ಮತ್ತು ಸೈನ್-ಇನ್ ಮತ್ತು ಭದ್ರತೆ ವಿಭಾಗಕ್ಕೆ ಹೋಗಿ, ನಂತರ ‘Apple ಮೂಲಕ ಸೈನ್-ಇನ್ ಮಾಡಿ’ ಎಂಬಲ್ಲಿಗೆ ಹೋಗಿ. ಅಲ್ಲಿ, ‘Apple ಮೂಲಕ ಸೈನ್ ಇನ್ ಮಾಡಿ’ ಎಂಬುದನ್ನು ಬಳಸುತ್ತಿರುವ ಆ್ಯಪ್‌ಗಳ ಪಟ್ಟಿಯನ್ನು ನೀವು ನೋಡಬಹುದು, ಅವುಗಳ ಗೌಪ್ಯತೆ ನೀತಿಯನ್ನು ಪರಿಶೀಲಿಸಬಹುದು ಮತ್ತು Apple ಮೂಲಕ ಸೈನ್ ಇನ್ ಮಾಡಿ ಎಂಬುದನ್ನು ನಿಷ್ಕ್ರಿಯಗೊಳಿಸಬಹುದು. ಆ್ಯಪ್‌ವೊಂದಕ್ಕೆ ‘Apple ಮೂಲಕ ಸೈನ್ ಇನ್ ಮಾಡಿ’ ಎಂಬುದನ್ನು ನಿಷ್ಕ್ರಿಯಗೊಳಿಸುವುದನ್ನು ನೀವು ಆಯ್ಕೆಮಾಡಿದರೆ, ಆ ಆ್ಯಪ್‌ಗೆ ‘Apple ಮೂಲಕ ಸೈನ್ ಇನ್ ಮಾಡಿ’ ಎಂಬುದನ್ನು ಸೆಟಪ್ ಮಾಡಲು ಡೆವಲಪರ್ ಜೊತೆಗೆ ಹಂಚಿಕೊಂಡ ಮಾಹಿತಿ ಹಾಗೂ ನಿಮ್ಮ ‘Apple ಮೂಲಕ ಸೈನ್ ಇನ್ ಮಾಡಿ’ ಖಾತೆಯ ಜೊತೆಗೆ ಡೆವಲಪರ್ ಸಂಯೋಜಿಸಿರುವ ಯಾವುದೇ ಮಾಹಿತಿಯನ್ನು ಡೆವಲಪರ್ ಅವರ ಗೌಪ್ಯತೆ ನೀತಿಯ ಅನುಸಾರ ನಿರ್ವಹಿಸುವುದು ಮುಂದುವರಿಯುತ್ತದೆ.

ಇನ್ನಷ್ಟು ಮಾಹಿತಿ

Touch ID, Face ID ಮತ್ತು ಪ್ರಬಲ ಪಾಸ್‌ಕೋಡ್ ಆಯ್ಕೆಗಳಂತಹ — ಪ್ರಬಲ ದೃಢೀಕರಣದ ಮೂಲಕ ‘Apple ಮೂಲಕ ಸೈನ್ ಇನ್ ಮಾಡುವಿಕೆ’ ಎಂಬುದನ್ನು ರಕ್ಷಿಸುವ ನಿಟ್ಟಿನಲ್ಲಿ Apple ಕಾರ್ಯನಿರ್ವಹಿಸುತ್ತದೆ.

Apple ಮೂಲಕ ಸೈನ್ ಇನ್ ಮಾಡಿಯ ಬಳಕೆಯ ಕುರಿತ ಮಾಹಿತಿ ಸೇರಿದಂತೆ Apple ಮೂಲಕ ಸೈನ್ ಇನ್ ಮಾಡಿ ಕುರಿತಂತೆ ಅಪರಿಚಿತ ಹಾಗೂ ಕ್ರೋಢೀಕೃತ ಮಾಹಿತಿಯನ್ನು Apple ಸ್ವೀಕರಿಸಬಹುದು. ಸಂಗ್ರಹಿಸಿದ ಯಾವುದೇ ಮಾಹಿತಿಯು ನಿಮ್ಮನ್ನು ವೈಯಕ್ತಿಕವಾಗಿ ಗುರುತಿಸುವುದಿಲ್ಲ. ನಿಮ್ಮನ್ನು ಗುರುತಿಸದೆ ಇರುವ ಈ ಮಾಹಿತಿಯನ್ನು Apple ಇತರ Apple ಉತ್ಪನ್ನಗಳು ಮತ್ತು ಸೇವೆಗಳನ್ನು ಸುಧಾರಿಸಲು, ಮಾರ್ಕೆಟಿಂಗ್ ಮತ್ತು ವಂಚನೆ ತಡೆಗಟ್ಟಲು ಹಾಗೂ ಭದ್ರತಾ ಉದ್ದೇಶಗಳಿಗಾಗಿ ಸಹ ಬಳಸಬಹುದು. ನಾವು ಸ್ವೀಕರಿಸುವ ಯಾವುದೇ ಅಪರಿಚಿತ ಅಥವಾ ಕ್ರೋಢೀಕರಿಸಿದ ‘Apple ಮೂಲಕ ಸೈನ್ಇನ್ ಮಾಡಿ’ ಎಂಬುದರ ಡೇಟವನ್ನು ಮರುಗುರುತಿಸಲು Apple ಪ್ರಯತ್ನಿಸುವುದಿಲ್ಲ.

ಕಾನೂನಿನ ಪ್ರಕಾರ ಅಗತ್ಯವಿರುವಂತೆ ಮತ್ತು ವಂಚನೆ ತಡೆಗಟ್ಟುವ ಉದ್ದೇಶಗಳಿಗಾಗಿ Apple ನಿಮ್ಮ ಮಾಹಿತಿಯನ್ನು ಬಳಸಿಕೊಳ್ಳುತ್ತದೆ. Apple ಮೂಲಕ ಸೈನ್ ಇನ್ ಮಾಡಿ ಅನ್ನು ಬಳಸುವ ಮೂಲಕ, ನೀವು Apple ಮತ್ತು ಅದರ ಅಂಗಸಂಸ್ಥೆಗಳು ಮತ್ತು ಏಜೆಂಟ್‌ಗಳಿಗೆ ಈ ಮೇಲೆ ತಿಳಿಸಿದಂತೆ ನಿಮ್ಮ ಮಾಹಿತಿಯನ್ನು ಪ್ರಸರಣ ಮಾಡಲು, ಸಂಗ್ರಹಣೆ, ನಿರ್ವಹಣೆ,ಪ್ರಕ್ರಿಯೆಗೊಳಿಸಲು ಮತ್ತು ಬಳಸಲು ಒಪ್ಪಿಗೆಯನ್ನು ನೀಡುತ್ತೀರಿ ಮತ್ತು ಇವುಗಳಿಗೆ ಸಮ್ಮತಿಸುತ್ತೀರಿ.

ವೈಯಕ್ತಿಕ ಮಾಹಿತಿಯನ್ನು ಸಂಗ್ರಹಿಸಿದ ಉದ್ದೇಶ ಈಡೇರುವವರೆಗೆ ಮಾತ್ರವೇ Apple ಅದನ್ನು ಇರಿಸಿಕೊಳ್ಳುತ್ತದೆ, ಈ ಉದ್ದೇಶಗಳಲ್ಲಿ Appleನ ಗೌಪ್ಯತೆ ನೀತಿಯಲ್ಲಿ ಅಥವಾ ನಮ್ಮ ಸೇವಾ-ನಿರ್ದಿಷ್ಟ ಗೌಪ್ಯತೆ ನೋಟಿಸ್‌ಗಳಲ್ಲಿ ವಿವರಿಸಿರುವ, ಅಥವಾ ಕಾನೂನಿನ ಪ್ರಕಾರ ಅಗತ್ಯವಿರುವ ಉದ್ದೇಶಗಳೂ ಸೇರಿವೆ. ರಿಟೆನ್ಷನ್ ಅವಧಿಯನ್ನು ಮೌಲ್ಯಮಾಪನ ಮಾಡುವ ಸಂದರ್ಭದಲ್ಲಿ ಮೊದಲಿಗೆ ಸಂಗ್ರಹಿಸಿದ ವೈಯಕ್ತಿಕ ಮಾಹಿತಿಯನ್ನು ಉಳಿಸಿಕೊಳ್ಳುವುದು ಅಗತ್ಯವೇ ಎಂದು ಜಾಗರೂಕವಾಗಿ ಪರೀಕ್ಷಿಸುತ್ತೇವೆ, ನಂತರ ರಿಟೆನ್ಷನ್ ಅಗತ್ಯವಿದ್ದಲ್ಲಿ, ಕಾನೂನಿನ ಅಡಿಯಲ್ಲಿ ಅವಕಾಶ ನೀಡಲಾಗಿರುವ ಅತಿ ಕಡಿಮೆ ಅವಧಿಗೆ ವೈಯಕ್ತಿಕ ಮಾಹಿತಿಯನ್ನು ಉಳಿಸಿಕೊಳ್ಳಲು ಕೆಲಸ ಮಾಡುತ್ತೇವೆ.

ಎಲ್ಲಾ ಸಮಯದಲ್ಲೂ, Apple ಸಂಗ್ರಹಿಸಿದ ಮಾಹಿತಿಯನ್ನು Appleನ ಗೌಪ್ಯತಾ ನೀತಿಗೆ ಅನುಸಾರವಾಗಿ ಪರಿಗಣಿಸಲಾಗುತ್ತದೆ, ಅದನ್ನು ನೀವು www.apple.com/in/privacy ಎಂಬಲ್ಲಿ ನೋಡಬಹುದು

2025-12-12