• Сізге қатысты ұсыныстар көрсету үшін Apple ID идентификаторыңызда қатысы бар Apple жазылымдарының (соның ішінде Apple TV+ және MLS Season Pass) бар-жоғын тексереміз.
• Apple компаниясы Apple Sports қолданбасын қалай пайдаланатыныңыз, оның ішінде Apple өнімдері мен сервистерін жақсарту үшін сіз пайдаланатын функцияларды және сіз көретін контентті қолдану туралы қосымша ақпаратты да жинайды. Бұл ақпарат Apple ID аккаунтыңызбен байланысты емес.
• My Sports қолданбасын синхрондауды қоссаңыз, сіз жазылған спорт түрлері, лигалар, командалар және спортшылар барлық қолдау көрсетілетін Apple қолданбаларында синхрондалуы үшін, олар Apple ID аккаунтыңызбен байланыстырылады.

Apple Sports қолданбасы ақпаратыңызды қорғайтындай және бөлісу қажет объектілерді таңдауға мүмкіндік беретіндей етіп жасалған. Деректерді жинаған кезде, оларды жинау туралы, сондай-ақ жинау себебі туралы хабардар етеміз.

Apple Sports қолданбасын пайдалану және жетілдіру

Apple компаниясы Apple Sports қолданбасын қалай пайдаланатыныңыз, соның ішінде сіз пайдаланатын функциялар және сіз іздейтін немесе көретін контент беттері, сондай-ақ жүктеу уақыты, хабарландырулардың келуі және қателер мен ақаулар туралы ақпаратты жинайды. Интернет қосылымыңыздың IP мекенжайын географиялық аймаққа сәйкестендіре отырып, құрылғы түрі мен операциялық жүйе нұсқасы сияқты құрылғыңыз туралы ақпаратты және болжалды геолокацияңыз туралы ақпаратты жинаймыз. Бұл ақпарат Apple ID аккаунтыңызбен байланыстырылмайды. Apple өнімдері мен сервистерін сізге және басқаларға оңтайландыру үшін осы ақпаратты пайдаланамыз.

My Sports қолданбасын синхрондауды қоссаңыз, сіз жазылған спорт түрлері, лигалар, командалар және спортшылар барлық қолдау көрсетілетін Apple қолданбаларында синхрондалуы үшін, олар Apple ID аккаунтыңызбен байланыстырылады, сондай-ақ сіз көретін контентті жекелендіру және хабарландырулар жіберу үшін пайдаланылады. My Sports қолданбасы туралы ақпарат алу үшін www.apple.com/legal/privacy/data/kz/my-sports веб-сайтына өтіңіз.

Apple компаниясы оған жіберілген ақпаратты сенімді үшінші тараптық сервис провайдерлерінде өңдеп, сақтауы мүмкін.

Кері байланыс

Apple компаниясы сізге ұнауы мүмкін Apple Sports және басқа Apple өнімдері, сервистері мен ұсыныстары, сондай-ақ Apple One жөнінде сізге қажет болуы мүмкін ақпарат жіберу үшін Apple өнімдеріңіз, сіз жүктеп алатын Apple қолданбалары мен сіз жазылған Apple сервистері сияқты аккаунтыңыз туралы ақпаратты пайдалануы мүмкін. Эл. пошта арқылы жарнамалық хабарлар алуға келіссеңіз, бұл ақпаратты эл. пошта арқылы ала аласыз. Эл. пошта параметрлерін өзгерту және осы эл. хабарларды алудан бас тарту үшін appleid.apple.com сайтына немесе iOS, iPadOS не visionOS құрылғыңызда «Реттеулер» > «[атыңыз]» > «Жеке ақпарат» > «Байланыс параметрлері» тармағына өтіңіз.

Деректерді сақтау

Apple жеке деректерді тек жинау мақсаттарын орындау үшін қажет болғанша, соның ішінде Apple құпиялылық саясатында немесе қызметке тән құпиялылық туралы хабарламаларымызда сипатталғандай немесе заң талап еткендей сақтайды. Сақтау мерзімдерін бағалау кезінде алдымен жиналған жеке деректерді сақтау қажет пе, жоқ па, соны мұқият тексереміз және сақтау қажет болса, жеке деректерді заңмен рұқсат етілген ең қысқа мерзім ішінде сақтау үшін жұмыс істейміз. Егер Apple Sports қолданбасын пайдалануға қатысты сұрақтарыңыз болса немесе деректерді қорғау қызметкерімен байланысқыңыз келсе, бізге мына веб-сайт арқылы хабарласыңыз: www.apple.com/legal/privacy/contact.

Жеке деректерді өңдеу үшін қолданылатын құқықтық негіз

Біз Apple Sports қолданбасындағы жеке деректеріңізді әдетте Apple компаниясымен келісімшартты орындау, қызмет көрсету үшін қажет болған жағдайда және заңды міндеттемелерімізді орындау үшін өңдейміз. Келісім тиісті заңды негізге сүйенсе, біз оны қолданыстағы жергілікті заңға сәйкес іздейміз.

Қолданыстағы жергілікті заңда қарастырылған жағдайда, қолжетімді және орынды контентті, оның ішінде жарнамалық хабарларды көрсету үшін біз заңды мүдделеріміз немесе үшінші тараптың мүдделері үшін қажетті жеке деректерді өңдейміз. Пайдаланылатын деректерде Apple жазылымдарыңыз туралы ақпарат болады.

Apple компаниясы жинайтын ақпарат әрқашан Apple компаниясының құпиялылық саясатына (www.apple.com/kz/privacy сайтында берілген) сәйкес өңделеді.

2024 жылғы 7 мамыры