• AppleCare жоспарларының көрсетілуін және оны сатып алу процесін жеңілдету үшін, Apple компаниясы Apple аккаунтыңыз, соның ішінде иелігіңіздегі Apple құрылғылары және оларды сатып алу және белсендіру күндері туралы ақпаратты сатып алуға болатын қай жоспардың сізге жарамды екені жөнінде ұсыныстар беру үшін пайдалануы мүмкін. Apple компаниясы пайдаланушы тәжірибесін түсіну және AppleCare бойынша ұсыныстарымызды жақсарту үшін осы ұсыныстар туралы ақпаратты жеке басты анықтай отырып жазады.
• Құрылғылардың AppleCare One сервисіне сәйкестігін бағалау мақсатында Apple компаниясы Apple аккаунтыңыз, құрылғыларыңыз бен керек-жарақтарыңыз, Apple компаниясымен өзара әрекеттесуіңіз және AppleCare One үшін құрылғыларыңыздың жарамдылығын бағалау үшін ағымдағы AppleCare жоспарлары туралы ақпаратты пайдаланады. Кейбір жағдайларда Apple компаниясы құрылғыны немесе керек-жарақты тіркеуге рұқсат бермес бұрын қосымша диагностиканы немесе дүкендегі бағалауды талап етуі мүмкін.
• Қолдау және сервистік қызмет көрсетуге сұрау берген кезіңізде, Apple компаниясы Apple аккаунтыңыз, құрылғыларыңыз және AppleCare жоспарыңыз туралы ақпаратты пайдалануы мүмкін. Бұл ақпарат мәселеңізді қарастыру және шешу, сізбен байланысу, қажет болғанда қаражатыңызды қайтару, алаяқтықтан қорғау және Apple өнімдерін немесе сервистерін жақсарту үшін пайдаланылуы мүмкін.
• Apple компаниясы AppleCare жоспарыңыздың белгілі бір аспектілеріне қолдау көрсету үшін Apple жинайтын ақпаратты үшінші тараптық сервис провайдерлеріне және сақтандыру серіктесімізге жіберуі мүмкін. Мысалы, Apple компаниясы бұл ақпаратты сақтандыру серіктесімен бөлісуі мүмкін.

AppleCare жоспарлары Apple сарапшыларынан қызмет пен қолдау көрсетуді қамтамасыз етеді және қажеттіліктеріңізге сәйкес келетін қамтылуды таңдау мүмкіндігін береді.

AppleCare ұсыныстары

Жаңа құрылғы сатып алған немесе қолданыстағы құрылғы үшін AppleCare жоспарына тіркелген кезде, Apple аккаунты туралы ақпарат AppleCare жоспарын сатып алу бойынша ұсыныстар беру үшін пайдаланылады. Бұған құрылғыларыңыз, оларды сатып алған және белсендірген күндер және AppleCare сервисіне жазылғаныңыз туралы ақпарат кіреді. Жалпы ереже бойынша iOS, iPadOS немесе visionOS құрылғыңызда жекелендірілген ұсыныстарды қосу немесе өшіру үшін «Реттеулер» > [атыңыз] > «Медиа және сатып алулар» > «Аккаунтты көру» тармағы арқылы өтіп, «Жекелендірілген ұсыныстар» опциясын түртіңіз. Apple Store қолданбасында ұсыныстарда пайдаланылатын деректерді басқаруға болады. Нені бөлісетініңізді өзгерту үшін Apple Store қолданбасында «Аккаунт» > «Реттеулер» тармағына өтіңіз, содан кейін «Құрылғыңыз» немесе «Сервисіңіз» опциясын түртіңіз. Apple компаниясы пайдаланушы тәжірибесін түсіну және AppleCare жоспарлары бойынша ұсыныстарымызды жақсарту үшін осы ұсыныстар туралы ақпаратты жеке басты анықтай отырып жазады.

AppleCare төлемдері

AppleCare үшін тұрақты өтеу мерзімі, ай сайын қайталанатын өтеу мерзімі («Бір айлық жоспар») немесе жыл сайын қайталанатын өтеу мерзімі («Бір жылдық жоспар») ретінде төлеуге болады. Бір айлық немесе бір жылдық жоспарлар үшін ақы Apple аккаунтыңызбен байланыстырылған төлем әдісі арқылы алынады. Бір айлық немесе бір жылдық жоспарды Apple.com сайтында онлайн сатып алсаңыз, пайдаланылған төлем әдісі Apple аккаунтыңызға әдепкі емес төлем әдісі ретінде қосылады. Apple аккаунтыңызбен байланыстырылған төлем әдісіңіз жоқ болса, біз жоспарыңыз бойынша төлемдерді әдепкі төлем әдісіңіз ретінде өтеу үшін осы сатып алу үшін пайдаланылған төлем әдісін Apple аккаунтыңызға қосамыз. iOS, iPadOS немесе visionOS құрылғысында Apple аккаунтыңызбен байланысты төлем әдісін кез келген уақытта жаңартуға болады. Ол үшін «Реттеулер» > [атыңыз] > «Төлем және жеткізілім» тармағына өтіңіз. Mac компьютеріңізде System Settings (Жүйе реттеулері) > [атыңыз] > Payment & Shipping (Төлем және жеткізілім) тармағына өтіңіз.

AppleCare One: Құрылғының сәйкестігі

AppleCare One бірнеше құрылғымен және/немесе үйлесімді керек-жарақтармен AppleCare сервисіне тіркелуге мүмкіндік береді. AppleCare One жоспарын қосқыңыз келетін барлық құрылғыда Apple аккаунтыңызға кіруіңіз керек. Тіркелгеннен кейін Apple компаниясы өзіңіз бен құрылғыларыңыз туралы ақпаратты пайдаланып, қай құрылғылар мен үйлесімді керек-жарақтарды бірден сақтандыруға болатынын, ал қай құрылғыларға сақтандыру құқығы берілмес бұрын қосымша диагностика қажет болатынын бағалау үшін пайдаланады. Бұл талаптарға сәйкестікті бағалау құрылғыңызды барынша көп мүмкіндіктермен қамтамасыз етуге, сондай-ақ Apple компаниясына алаяқтықтың алдын алуға көмектеседі. Атап айтқанда AppleCare One жоспарына құрылғы қосуға әрекет жасағанда, Apple компаниясы Apple аккаунты, құрылғылары және ағымдағы AppleCare жоспарының қамту аясы туралы ақпаратты, соның ішінде iCloud сервисіне соңғы рет қашан кіргеніңіз, мерзімі өткен Apple төлемдеріңіздің бар-жоғы, құрылғыларыңыздың жылы, құрылғы тіркелген ел, құрылғыға алдында жасалған жөндеу және қызмет көрсету жұмыстары және «Локатор» арқылы құрылғының ұрланған немесе жоғалған деп белгіленгені туралы ақпаратты осы шешімді қабылдау үшін пайдаланады. Кейбір жағдайларда Apple компаниясы құрылғыны немесе керек-жарақты тіркеуге рұқсат бермес бұрын қосымша диагностиканы талап етуі мүмкін, бұған еш шектеусіз келесі әрекеттер кіреді: сынақ қоңырау шалу немесе хабар жіберу, қашықтағы функциялық және косметикалық диагностика және/немесе дүкендегі физикалық бағалау. Apple жарамдылықты бағалау үшін қашықтағы диагностика деректерін жіберуді сұраған жағдайда, біз оны жібермес бұрын жиналатын деректер туралы қосымша ақпаратты көресіз.

Қолдау және қызмет көрсету

Қолдау және сервистік қызмет көрсетуге сұрау берген кезіңізде, Apple компаниясы Apple аккаунтыңыз, құрылғыларыңыз және AppleCare жоспарыңыз туралы ақпаратты пайдалануы мүмкін. Бұл ақпарат (соның ішінде байланыс ақпаратыңыз, орналасқан жеріңіз туралы ақпарат, құрылғылардың сериялық нөмірлері, қаржылық шот туралы ақпарат және сіз беруіңіз мүмкін т.б. ақпарат сияқты жеке деректер) сізді аутентификациялау, мәселеңізді қарастыру және шешу, сізбен байланысу, қажет болғанда қаражатыңызды қайтару, алаяқтықтан қорғау және Apple өнімдерін немесе сервистерін жақсарту үшін пайдаланылуы мүмкін.

Үшінші тараптармен бөлісу

Apple компаниясы AppleCare жоспарыңыздың белгілі бір аспектілеріне қолдау көрсету үшін біз жинайтын ақпаратты үшінші тараптық сервис провайдерлеріне және сақтандыру серіктесімізге жіберуі мүмкін. Мысалы, сіз AppleCare сервисінде тіркелгенде, келісімшартты бұзғанда, AppleCare One жоспарыңыздағы құрылғыны тіркеу не тіркеуден шығару немесе ұрлату және жоғалту туралы қуыным бергенде, Apple компаниясы байланыс ақпаратыңызды және құрылғы идентификаторларын сақтандыру серіктесімізбен бөліседі.

Кері байланыс

Apple компаниясы сізге AppleCare жоспарыңыз жөнінде хабарласу үшін Apple аккаунтыңыз және құрылғыларыңыз туралы ақпаратты пайдалануы мүмкін. Бұған төлемдер мен сатып алуларға қатысты хабарлар, сізге шот-фактураларды немесе түбіртектерді ұсыну және шағымдарыңыз бен құрылғыларыңыз туралы хабарлау кіруі мүмкін. Apple компаниясы сізге ұнауы мүмкін Apple өнімдері, сервистері мен ұсыныстары жөнінде ақпарат жіберу үшін сіз сатып алған Apple өнімдері және жазылған Apple сервистері сияқты Apple аккаунтыңыз туралы ақпаратты да пайдалануы мүмкін. Эл. пошта арқылы жарнамалық хабарлар алуға келіссеңіз, бұл ақпаратты эл. пошта арқылы алуға болады. Apple компаниясы сервистерімізді жақсарту үшін байланыстарымызбен, соның ішінде хабарландырулармен өзара әрекеттесуіңіз туралы ақпаратты пайдаланады. Эл. пошта параметрлерін өзгертуге және осы эл. хаттардың кейбірін алудан бас тартуға болады. Ол үшін account.apple.com сайтына өтіңіз немесе iOS, iPadOS немесе visionOS құрылғыңызда «Реттеулер» > [атыңыз] > «Жеке ақпарат» > «Байланыс параметрлері» тармағына өтіңіз. Mac компьютеріңізде System Settings (Жүйе реттеулері) > [атыңыз] > Personal Information (Жеке ақпарат) > Communication Preferences (Байланыс параметрлері) тармағына өтіңіз.

Аналитика

Apple компаниясы сатып алу тәжірибеңіз және AppleCare сервисімен өзара әрекеттесуіңіз, соның ішінде қатысуға құқық алу процесі, жоспар сатылымдары, құрылғыларды дайындау және сервистік оқиғалар туралы жеке басыңызды анықтайтын ақпаратты жинайды. Мұндай ақпарат қызмет көрсету және сервисті жақсарту мақсатында іскерлік және ішкі зерттеу және талдау, маркетинг жүргізу, алаяқтықтың алдын алу және қауіпсіздікті сақтау үшін пайдаланылуы мүмкін.

Жеке деректерді өңдеу үшін қолданылатын құқықтық негіз

Әдетте біз жеке деректеріңізді Apple компаниясымен келісімшартыңызды орындау, қажеттілікке қарай қызмет көрсету және заңды міндеттемелерімізді орындау үшін өңдейміз. Келісім тиісті заңды негізге сүйенсе, біз оны қолданыстағы жергілікті заңға сәйкес іздейміз.

Қолданыстағы жергілікті заңда қарастырылған жағдайда, біз заңды мүдделеріміз немесе үшінші тараптың мүдделері үшін қажетті жеке деректерді келесі мақсатпен өңдейміз:

• Сізге және басқаларға арналған Apple өнімдері мен сервистерін жақсарту
• Сізге қызмет және қолдау көрсету
• Жоспарларға жарамдылықты тексеру және сізге AppleCare және сізді қызықтыруы мүмкін басқа да қатысты Apple өнімдері, сервистері мен ұсыныстары туралы хабарландырулар жіберу
• Алаяқтықтың және басқа зиянды әрекеттердің алдын алу

Пайдаланылған деректер мыналарды қамтиды:

• Apple компаниясымен қолдау және қызмет көрсету бойынша өзара әрекеттесуіңіз
• Құрылғыларыңыз бен Apple аккаунтыңыз туралы мәліметтер
• AppleCare жоспарыңыз туралы мәліметтер

Деректерді сақтау

Apple компаниясы транзакцияларыңызбен және жоспарыңыздың қолданысымен байланысты жеке деректерді белгілі бір уақыт ішінде ғана сақтайды. Сақтау мерзімі ұйымдық талаптарға, шарттық міндеттемелерге немесе заңнама ережесіне байланысты болады. Әдетте Apple компаниясы AppleCare қолдау және қызмет көрсету жағдайлары туралы ақпаратты жеке басыңызбен байланысты түрде 10 жыл бойы сақтайды. Бұл мерзім заң талаптары бойынша ұзартылуы мүмкін.

Apple жинаған ақпарат әрқашан Apple құпиялылық саясатына (www.apple.com/privacy) сәйкес өңделеді.

2026-03-30