• Freeform қолданбасын ашқан кезде, Apple компаниясы өнімділіктің жиынтық өлшемдерін түсіну және қамтамасыз ету үшін сеанс ұзақтығы, қолданба нұсқасы, құрылғы түрі, ел коды, кездейсоқ идентификаторлар, операциялық жүйе және жазылым туралы ақпаратты жинайды.
• Freeform қолданбасын пайдалану бойынша деректер Freeform және Apple Creator Studio жұмысын қамтамасыз ету, жетілдіру және жақсарту мақсатында пайдаланылады және Apple аккаунтыңызбен байланыстырылмайды. Кейбір аналитикалық деректерді осындай мақсаттар бойынша пайдаланудан төменде сипатталғандай бас тартуға болады.
• Apple Creator Studio сервисіне жазылсаңыз, біз сервис жұмысын қамтамасыз ету және маркетингтік материалдар мен push хабарландыруларын жіберу үшін Apple аккаунтыңызбен байланыстырылған жазылым күйі туралы ақпаратты пайдаланамыз.

Freeform қолданбасын ашу

Freeform қолданбасын ашқан кезде Apple Creator Studio сервистерімен танысып, Freeform функцияларын көруге болады. Apple компаниясы сеанс ұзақтығы, қолданба нұсқасы, құрылғы түрі, ел коды, кездейсоқ идентификаторлар, операциялық жүйе және жазылым туралы ақпарат бойынша мәліметтерді жинайды. Кездейсоқ идентификаторға сәйкес сақталатын және Apple аккаунтыңызбен байланысты емес бұл ақпарат Freeform қолданбасының өнімділігін түсіну және өлшеу үшін есептерді ұсыну мақсатында жинақталады.

Аналитикалық деректерді жинау

Apple компаниясы Freeform қолданбасын пайдалануыңыз туралы аналитикалық деректерді, соның ішінде сіз жасайтын тақталардың саны мен түрлері туралы қысқаша ақпаратты, аппараттық құралдар мен операциялық жүйе сипаттамалары туралы мәліметтерді, өнімділік статистикасын, құрылғыларыңыз бен қолданбаларыңызды қалай пайдаланатыныңыз туралы деректерді, сыртқы сілтемеге өту немесе қолданбадан басқа Apple өніміне сілтеме арқылы шығу сияқты жазылым алу әрекеттерін, Freeform қолданбасында сіз көретін немесе өзара әрекеттесетін функциялар мен контентті, хабарландырулармен өзара әрекеттесуіңізді, тіл реттеулерін және басқа да диагностикалық және мінез-құлық деректерін жинайды. Егер Apple Creator Studio сервисіне маркетингтік науқан шеңберінде (мысалы, эл. пошта немесе сандық жарнама арқылы) ұсынылған сілтеме арқылы өткен болсаңыз, Apple компаниясы маркетингтік науқан туралы ақпаратты жазып алады.

Apple компаниясы бұл ақпаратты сервис жұмысын қамтамасыз ету, жетілдіру және жақсарту үшін пайдаланады. Apple компаниясы маркетингтік науқандар туралы ақпаратты маркетингтік жарнама жеткізушісімен байланыстыру және маркетингтік науқандарымызды жақсарту үшін де пайдаланады. Осы аналитикалық деректерді осындай мақсаттар бойынша пайдаланудан бас тартуға болады. Мұны iOS және iPadOS құрылғыларыңызда істеу үшін «Реттеулер» > «Қолданбалар» > «Freeform» тармағына өтіп, «Аналитикалық деректерді бөлісу» опциясын түртіңіз. Mac компьютеріңіздегі Freeform қолданбасында Freeform > Privacy & Analytics (Құпиялылық және аналитика) тармағына өтіп, Share Analytics Data (Аналитика деректерін бөлісу) параметрін таңдаудан алып тастаңыз.

Идентификаторыңызды бастапқы күйге қайтару

Жоғарыда көрсетілген ақпарат Apple Creator Studio үшін кездейсоқ әрі үнемі өзгеріп тұратын идентификаторларға сәйкес сақталады және Apple аккаунтыңызбен байланыстырылмайды. iOS және iPadOS құрылғыларындағы идентификаторларды «Реттеулер» > «Қолданбалар» > «Акциялар» тармағына өтіп, «Идентификаторды нөлдеу» реттеуін түрту арқылы бастапқы күйіне қайтаруға болады. Mac компьютеріңіздегі Freeform қолданбасында Freeform > Privacy & Analytics (Құпиялылық және аналитика) тармағына өтіп, Reset Identifier (Идентификаторды нөлдеу) түймесін басыңыз.

Apple Creator Studio жазылымы

Егер Apple Creator Studio жазылымынан подкасттарды сатып алсаңыз, сатып алу транзакцияларын өңдеу үшін қажетті жеке деректерді (мысалы, «Реттеулер» бөлімінде қол жеткізуге және өзгертуге болатын аккаунт және төлем туралы ақпарат), сондай-ақ сатып алу тарихын пайдаланамыз. Apple сервисінің тегін сынақ нұсқасын немесе арнайы ұсынысын алу мүмкіндігіңіздің бар-жоғын тексеру үшін жеке деректеріңізді де пайдалануымыз мүмкін.

Apple Creator Studio сервисінде сіз жазылған қосымша контентке қол жеткізу құқығыңыз бар-жоғын тексеру үшін Apple сервистеріне және App Store арқылы сатып алынған белсенді жазылымдарыңыз туралы ақпаратты пайдаланамыз.

Егер сіз ұйымыңыз немесе білім беру мекемеңіз ұсынған басқарылатын Apple аккаунтына кіріп тұрған кезде Freeform қолданбасын ашсаңыз, Apple Creator Studio жазылымы және оған қатысты сервистер қолжетімді болмайды. Apple жинаған ақпарат жоғарыда сипатталғандай кездейсоқ идентификаторлармен сақталады және басқарылатын Apple аккаунтыңызбен байланыстырылмайды.

Контентті үшінші тараптарға жіберу

Apple Creator Studio сервисінде қолжетімді болған кезде, OpenAI арқылы жұмыс істейтін функцияларды таңдауға болады. Осы функциялардың әрқайсысы OpenAI арқылы жұмыс істейтінін көрсетеді. Бұл функцияларды қашан пайдаланатыныңызды өзіңіз шешесіз және оларды пайдалану үшін OpenAI аккаунты қажет емес.

OpenAI арқылы жұмыс істейтін функцияны пайдаланған кезде OpenAI компаниясына жіберілетін контентті таңдауға болады. Сұрауыңыз және тақта мазмұны сияқты тіркемелер, сондай-ақ сұраумен байланысты шектеулі деректер (мысалы, ағымдағы уақыт белдеуі, ел, құрылғы түрі, тіл және сұрау жасау кезінде пайдаланылатын функция) сұрауыңызға жауап беру және OpenAI компаниясына дәл әрі релевантты нәтижелер беруге мүмкіндік беру үшін OpenAI компаниясына жіберіледі.

OpenAI арқылы жұмыс істейтін функцияны пайдаланған кезде, IP мекенжайыңыз OpenAI сервисінен жасырылады. Интернет қосылымыңыздың IP мекенжайын географиялық аймақпен салыстыру арқылы шамамен анықталатын жалпы геолокацияңыз OpenAI компаниясына алаяқтыққа жол бермеу және қолданыстағы заңды сақтау сияқты мақсаттар үшін беріледі.

OpenAI компаниясына Apple аккаунтыңызбен байланысты ешқандай ақпарат жіберілмейді. OpenAI ақпаратыңызды тек сұрауыңызды орындау мақсатында өңдеуі керек және қолданыстағы заңдарға сәйкес талап етілмесе, ақпаратыңызды немесе ол берген жауаптарды сақтамауы керек. OpenAI компаниясы да ақпаратыңызды модельдерін жаттықтыру мақсатында пайдаланбауы керек.

Кері байланыс

Apple компаниясы сізге ұнауы мүмкін Freeform сервисі және басқа да қатысты Apple өнімдері, сервистері мен ұсыныстары жөнінде ақпарат жіберу үшін Apple компаниясы сіз сатып алған Apple өнімдері, аккаунтыңызға тіркелген құрылғылар және жазылған Apple сервистері сияқты аккаунтыңыз туралы ақпаратты пайдалануы мүмкін. Құрылғының сериялық нөмірі сізге сәйкес сервистік ұсыныстарды беру үшін пайдаланылуы мүмкін. «Отбасылық қол жеткізу» тобында болсаңыз, Apple компаниясы «Отбасылық қол жеткізу» аясында сізге қолжетімді өнімдер, сервистер және ұсыныстар туралы ақпарат жіберуі мүмкін. Apple Creator Studio жазылымын сатып алсаңыз, қолжетімді жаңа функциялар, контент және ұсыныстар туралы эл. хаттар мен push хабарландыруларын жіберуіміз мүмкін. Эл. пошта параметрлерін өзгерту және осы эл. хаттарды алудан бас тарту үшін мына сайтқа өтіңіз: account.apple.com. iOS, iPadOS және visionOS құрылғыларында хабарландыру параметрлерін жаңарту үшін «Реттеулер» > «Хабарландырулар» тармағына өтіңіз. Mac компьютеріңізде System Settings (Жүйе реттеулері) > Notifications (Хабарландырулар) тармағына өтіңіз.

Жеке деректерді өңдеу үшін қолданылатын құқықтық негіз

Біз Freeform және Apple Creator Studio жазылымыңыздағы жеке деректеріңізді әдетте Apple компаниясымен келісімшартты орындау, қызмет көрсету үшін қажет болған жағдайда және заңды міндеттемелерімізді орындау үшін өңдейміз. Келісім тиісті заңды негізге сүйенсе, біз оны қолданыстағы жергілікті заңға сәйкес іздейміз.

Қолданыстағы жергілікті заңда қарастырылған жағдайда, біз заңды мүдделеріміз немесе үшінші тараптың мүдделері үшін қажетті жеке деректерді келесі мақсатпен өңдейміз:

• Сізге Apple Creator Studio сервисін ұсыну
• Apple Creator Studio және сізді қызықтыруы мүмкін басқа да қатысты Apple өнімдері, сервистері мен ұсыныстары туралы ұсыныстар алуға жарамдылығыңызды тексеру және хабарламалар жіберу
• Алаяқтықтың және басқа зиянды әрекеттердің алдын алу

Пайдаланылған деректер мыналарды қамтиды:

• Сатып алу транзакцияларыңызды өңдеу үшін қажетті жеке деректер, мысалы, аккаунт пен төлем туралы ақпарат
• App Store дүкені арқылы сатып алынған Apple сервистеріне белсенді жазылымдарыңыз туралы ақпарат

Деректерді сақтау

Freeform және Apple Creator Studio жазылымына қатысты жеке деректерді іскерлік қажеттілік, келісімшарттық міндеттеме немесе заңды талаптар болғанша ғана сақтаймыз. Жазылымды сатып алу тарихы сияқты (сақталған карта мәліметтерінен басқа) деректер тіпті аккаунтыңызды жапқаннан кейін немесе Apple Creator Studio жазылымынан бас тартқаннан кейін де бухгалтерлік жазбаларда сақталуы мүмкін. Сақтау мерзімдерін бағалау кезінде алдымен жиналған жеке деректерді сақтау қажеттігін мұқият тексереміз және сақтау қажет болса, жеке деректерді заңмен рұқсат етілген ең қысқа мерзім ішінде сақтау үшін жұмыс істейміз.

Apple жинаған ақпарат әрқашан Apple құпиялылық саясатына (www.apple.com/privacy) сәйкес өңделеді.

2026-03-30