Егер сіз «Байланыс қауіпсіздігі» функциясын жақсартуға атсалысқыңыз келсе, Apple компаниясы осы функцияның тиімділігін жақсарту және түсіну үшін оның қалай қолданылатыны туралы деректерді жинайды. Бұл ақпарат біріктірілген және дифференциалды құпиялылық сияқты құпиялылықты қорғау технологияларына бағынады және Apple аккаунтымен немесе басқа Apple сервистерін пайдалану нәтижесінде Apple компаниясына берілетін басқа да деректермен байланысты емес.

Жиналатын жиынтық деректердің мысалдары:

• Әдепсіз деп танылған жіберілген және алынған кескіндердің немесе видеолардың жалпы санының пайызы
• «Көмек алу жолдары» функциясын түрту немесе басу әрекеттерінің саны
• «Байланыс қауіпсіздігі» опцияларын түрту немесе басу әрекеттерінің пайызы

«Байланыс қауіпсіздігін жақсарту» функциясын кез келген уақытта өшіруге болады. Ол үшін iOS, iPadOS немесе visionOS құрылғысында «Реттеулер» > «Экран уақыты» > «Байланыс қауіпсіздігі» тармағына, ал Mac компьютерінде System Settings (Жүйе реттеулері) > Screen Time (Экран уақыты) > Communication Safety (Байланыс қауіпсіздігі) тармағына өтіңіз.

Apple жинаған ақпарат әрқашан Apple құпиялылық саясатына (www.apple.com/privacy сайтында берілген) сәйкес өңделеді.

2025-12-12