Галереядан тыс алынған жылдам пәрмендерді тексеруіңіз қажет

Интернеттен жүктеп алынған немесе сізге басқа адамдар жіберген жылдам пәрмендерді Apple компаниясы тексермеуі мүмкін. Apple компаниясы мұндай жылдам пәрмендердің мазмұнын немесе функционалдығын бақыламайды және олар үшін жауап бермейді. Интернеттен жүктеп алынған немесе басқа адамдардан алынған барлық жылдам пәрменнің күтілгендей жұмыс істейтіндігіне көз жеткізу үшін оларды мұқият тексеру керек.

Жылдам пәрмендердің геолокация (нақты немесе шамамен берілген), контактілер, медициналық деректер, төлем туралы ақпарат немесе құжаттарыңыздың мазмұны сияқты жеке деректеріңізге қол жеткізу мүмкіндігін басқаруға болады. Жылдам пәрмен қол жеткізе алатын деректерді осы жылдам пәрмен туралы мәліметтер бөлімінде тексеруге және өңдеуге болады.

Сіз бөлісетін жылдам пәрмендер Apple компаниясына жіберіледі

Егер сіз жылдам пәрменді жасап, оны бөлісетін болсаңыз, онда мұндай жылдам пәрмен және оған енгізілген кез келген контент сіздің тарапыңыздан бөлісу мүмкіндігін қамтамасыз ету үшін Apple компаниясына жіберіледі. Жылдам пәрмен және оның мазмұны ортақ веб‑сілтемеге қол жеткізе алатын кез келген адамға қолжетімді болады. Содан кейін бұл адам сіздің ортақ қолданыстағы жылдам пәрменіңіздің көшірмесін және оған енгізілген барлық мазмұнды көшіре, сақтай, өзгерте және тарата алады. Қажетті құқықтарыңыз жоқ мазмұнды қамтитын немесе басқалардың құқықтарын немесе заңды бұзатын жылдам пәрмендерді жасамаған және бөліспеген жөн. Apple компаниясы сіз бөлісетін жылдам пәрмендерді тексеруге міндетті емес, бірақ Apple компаниясы сіз бөліскен кез келген жылдам пәрменді көре, өшіре немесе жоя алады.

Apple компаниясы «Пәрмендер» қолданбасын жақсарту үшін ортақ жылдам пәрмендер саны сияқты ортақ жылдам пәрмендер туралы жинақталған ақпаратты да жеке басыңызды анықтамайтындай етіп жинайды.

«Пәрмендер» қолданбасының реттеулерінде жылдам пәрмендерді бөлісу функциясын қосуға болады.

Жылдам пәрмендер iCloud көмегімен құрылғыларыңыз арасында синхрондалады. Егер жылдам пәрмендерді синхрондағыңыз келмесе, бұл функцияны өшіруге болады. Ол үшін iOS, iPadOS немесе visionOS құрылғысында «Реттеулер» > [атыңыз] > «iCloud» > «iCloud сервисінде сақтау > «Барлығын көру» тармағына өтіп, «Пәрмендер» реттеуін түртіп өшіріңіз немесе «Реттеулер» > «Қолданбалар» > «Пәрмендер» тармағына өтіп, «iCloud сервисімен синхрондау» реттеуін түртіп өшіріңіз. Mac компьютерінде System Settings (Жүйе реттеулері) > [атыңыз] > iCloud > Saved to iCloud (iCloud сервисінде сақтау) > See All (Барлығын көру) тармағына өтіп, Shortcuts (Пәрмендер) параметрін таңдаудан алыңыз немесе Shortcuts (Пәрмендер) қолданбасында Settings (Реттеулер) бөліміне өтіп, iCloud Sync (iCloud сервисімен синхрондау) параметрін таңдаудан алыңыз.

Apple жеке деректерді жинау мақсаттарын орындау үшін қажет болғанша және Apple құпиялылық саясатына сәйкес немесе заң талап еткендей ғана сақтайды. Сақтау мерзімдерін бағалау кезінде алдымен жиналған жеке деректерді сақтау қажеттігін мұқият тексереміз және сақтау қажет болса, жеке деректерді заңмен рұқсат етілген ең қысқа мерзім ішінде сақтау үшін жұмыс істейміз.

Apple жинаған ақпарат әрқашан Apple құпиялылық саясатына (www.apple.com/privacy сайтында берілген) сәйкес өңделеді.

Жарияланған күні: 2025 жылғы 31 наурызы