Touch ID функциясы құрылғыңыздың құлпын ашу және Apple Pay, App Store және Apple Books арқылы сатып алу үшін саусағыңыздың ізін пайдалануға мүмкіндік береді.

Touch ID функциясын iPhone, iPad немесе Mac құрылғысының құлпын ашу үшін пайдалануға болады. Touch ID датчигі арқылы Touch ID функциясы саусақ ізінің тіркелген саусақ ізімен сәйкестігін анықтайды. Сондай-ақ Touch ID функциясы Apple Pay сервисі арқылы төлемдер жасау, App Store дүкенінде сатып алу және қолданбаларда аутентификациядан өту мақсатында пайдаланылады.

Touch ID деректері, оның ішінде саусақ ізіңіздің математикалық модельдері шифрланған және Secure Enclave ішінде қорғалған. Touch ID саусақ ізінің ешбір кескінін сақтамайды, оның орнына тек математикалық көрініске сүйенеді. Біреуге осы сақталған деректерден нақты саусақ ізі кескінін өзгерту мүмкін емес. Touch ID сәйкестендіру дәлдігін жақсарту үшін уақыт өте келе тіркелген саусақ іздерінің математикалық көрінісін біртіндеп жаңартады. Touch ID бұл деректерді нақты сәйкестік анықталып, құрылғының құлпын ашу үшін құпиякод енгізілген кезде де жаңартады.

Touch ID деректері құрылғыңыздан жіберілмейді және iCloud сервисіне немесе басқа жерге сақтық көшірмелері ешқашан жасалмаған.

Touch ID функциясын сіз басқарасыз

Touch ID функциясында тіркелген жағдайда, оның пайдаланылуын басқаруға немесе кез келген уақытта өшіруге болады. Мысалы, iPhone немесе iPad құрылғыңыздың құлпын ашу үшін Touch ID функциясын пайдаланғыңыз келмесе, «Реттеулер» > «Touch ID және құпиякод» тармағы арқылы өтіп, құпиякодыңызды енгізіңіз, содан кейін «iPhone құрылғысының құлпын ашу» немесе «iPad құрылғысының құлпын ашу» функциясын өшіріңіз. Mac компьютерінде System Settings (Жүйе реттеулері) > Touch ID & Password (Touch ID және құпиясөз) тармағына өтіңіз, содан кейін «Mac құлпын ашу үшін Touch ID функциясын пайдалану» опциясын өшіру үшін басыңыз.

iPhone немесе iPad құрылғысындағы Touch ID функциясын өшіру үшін «Реттеулер» > «Touch ID және құпиякод» тармағына өтіп, құпиякодыңызды енгізіңіз, содан кейін «Саусақ іздері» бөлімінде сақталған саусақ іздерінің әрқайсысын түртіп, әр сақталған саусақ ізі үшін «Саусақ ізін жою» функциясын түртіңіз. Mac компьютерінде System Settings (Жүйе реттеулері) > Touch ID & Password (Touch ID және құпиясөз) тармағына өтіңіз, содан кейін жойғыңыз келетін саусақ іздерін басыңыз және сұралған кезде жоюды растаңыз. Бұл әрекет нәтижесінде құрылғыңыздан Touch ID деректері, оның ішінде саусақ іздеріңіздің математикалық модельдері өшіріледі. «Локатор» функциясының көмегімен немесе барлық контент пен реттеуді өшіру арқылы құрылғыдағы деректерді өшірген немесе құрылғыны бастапқы күйге қайтарған жағдайда, барлық Touch ID деректері жойылады.

Touch ID және қолданбалар

Қолдау көрсетілетін қолданбаларда Touch ID функциясын аутентификация үшін қосуға болады. Қолданбаларға аутентификацияның сәтті не сәтсіз аяқталғаны туралы ғана хабарландыру жіберіледі. Қолданбалар тіркелген саусақ ізімен байланысты Touch ID деректеріне қол жеткізе алмайды.

2025-12-12