• ‘ॲप्ससाठी वयोमर्यादा’ तुम्हाला तुमची वयोमर्यादा शेअर करण्याची अनुमती देते, परंतु तुमची खरी जन्मदिनांक शेअर करण्याची अनुमती देत नाही, ॲप्सना वयानुसार योग्य अनुभव डिलिव्हर करण्यासाठी मदत करते.
• तुमचा जन्मदिनांक आणि तुमच्या Apple अकाउंटशी संबंधित देश किंवा प्रदेश ह्यांचा वापर तुम्ही डेव्हलपर्सबरोबर शेअर करणे निवडू शकता अशी वयोमर्यादा ठरवण्यासाठी केला जातो.
• ॲप्ससह शेअर केलेले वयोगट एंड टू एंड एनक्रिप्शन वापरून तुमच्या डिव्हाइसेसवर सिंक केले जातात.
• जर तुम्ही कौटुंबिक गटातील अपत्य किंवा किशोरवयीन असाल, तर तुमच्या आईवडिलांनी किंवा पालकांनी तुमच्या वतीने ‘ॲप्ससाठी वयोमर्यादा’ एनेबल करणे आवश्यक आहे आणि ते कॉन्फिगरेशन मॅनेज करू शकतात.
• तुम्ही ॲपबरोबर शेअर केलेली वयोमर्यादा तुमच्या देश किंवा प्रदेशातील Apple अकाउंटशी संबंधित असणाऱ्या बहुसंख्य वयोगटापेक्षा कमी असल्यास, आईवडिलांचे नियंत्रण एनेबल केले आहे का नाही ह्याबद्दलची माहिती देखील शेअर केली जाऊ शकते.

ॲप्ससाठी वयोमर्यादा सेट अप करा

ॲप्ससाठी वयोमर्यादा एनेबल करण्यासाठी, तुमचे डिव्हाइस पुढील Apple अकाउंट माहिती वापरते : जन्मदिनांक, देश किंवा प्रदेश, आणि सदस्यता आणि कुटुंब गटातील भूमिका. तुमचे डिव्हाइस डिव्हाइसच्या ऑपरेटिंग सिस्टीमचे व्हर्जनदेखील तपासते आणि तुमच्यासाठी किंवा तुमच्या डिव्हाइससाठी स्क्रीन टाइम पासकोड एनेबल आहे का नाही हे तपासते.

‘ॲप्ससाठी वयोमर्यादा’ त्यांच्या विनंतीनुसार ॲप्सबरोबर वयोमर्यादा शेअर करण्यासाठी तीन कॉन्फिगरेशन्स प्रदान करते : प्रथम विचारा, नेहमी आणि कधीही नाही. ‘आधी विचारा ‘ तुम्हाला ॲपनुसार तुमची वयोमर्यादा शेअर करायची की नाही हे निवडण्याची अनुमती देते. तुम्ही ‘नेहमी’ सिलेक्ट केल्यास, तुमची वयोमर्यादा तिची विनंती करणाऱ्या कोणत्याही ॲपबरोबर ऑटोमॅटिकली शेअर केली जाते, आणि तुम्ही ‘कधीही नाही’ सिलेक्ट केल्यास, तुमची वयोमर्यादा ॲप्सबरोबर शेअर केली जाणार नाही. ‘ॲप्ससाठी वयोमर्यादा’ एनेबल केली आहे का नाही, आणि शेअरिंग कॉन्फिगरेशन (‘नेहमी’, ‘प्रथम विचारा ‘, ‘कधीही नाही’) तुमच्या Apple अकाउंटशी संबंधित आहे का नाही आणि ‘एंड टू एंड’ एनक्रिप्शन वापरलेले फीचर सपोर्ट करणाऱ्या डिव्हाइसेसशी सिंक केलेली आहे का नाही ह्याबद्दल माहिती.

जर तुम्ही प्रौढ व्यक्ती किंवा 13 किंवा त्याहून अधिक वयाचे (किंवा तुमच्या देश किंवा प्रदेशात समतुल्य वयाचे) किशोरवयीन असाल आणि iOS किंवा iPadOS 26 किंवा नंतरचे व्हर्जन वापरणाऱ्या कौटुंबिक गटात नसाल, तर तुम्ही स्वतःसाठी ‘ॲप्ससाठी वयोमर्यादा’ एनेबल आणि कॉन्फिगर करू शकता. डिफॉल्टनुसार ‘आधी विचारा’ सिलेक्ट केलेले आहे. तुम्ही सेटिंग > [तुमचे नाव] > वैयक्तिक माहिती > ‘ॲप्ससाठी वयोमर्यादा’ वर जाऊन ‘ॲप्ससाठी वयोमर्यादा’ एनेबल करू शकता आणि तुमची शेअरिंग प्राधान्ये ॲडजस्ट करू शकता.

कुटुंब गटामधील मुले आणि किशोरवयीन मुले आणि ॲप्ससाठी वयोमर्यादा

जर तुम्ही कौटुंबिक गटातील अपत्य किंवा किशोरवयीन असाल, तर तुमच्या कौटुंबिक गटातील फक्त आयोजक किंवा आईवडील/पालक (एकत्रितपणे, ‘आईवडील/पालक’) ॲप्ससाठी वयोमर्यादा सेट अप करू शकतात. असे करण्यासाठी, आईवडील/पालकांना तुमच्या वयाची पुष्टी करण्यास सांगितले जाईल, जे तुमच्या Apple अकाउंटशी संबंधित जन्मदिनांकावर आधारित असेल आणि त्यानंतर शेअरिंग कॉन्फिगरेशन्सपैकी एक सिलेक्ट करण्यास सांगितले जाईल.

जर आईवडील/पालक iOS किंवा iPadOS 26 किंवा नंतरचे व्हर्जन वापरत असतील, तर ते त्यांच्या डिव्हाइसवर सेटिंग > कुटुंब > [अपत्याचे किंवा किशोरवयीन अपत्याचे नाव] > वैयक्तिक माहिती > ‘ॲप्ससाठी वयोमर्यादा’ वर जाऊन तुमच्यासाठी रिमोट पद्धतीने ‘ॲप्ससाठी वयोमर्यादा’ सेट अप करू शकतात. जर तुमच्यासाठी स्क्रीन टाइम पासकोड एनेबल केलेला असेल तर आईवडील/पालक सेटिंग > [तुमचे नाव] > वैयक्तिक माहिती > ‘ॲप्ससाठी वयोमर्यादा’ वर जाऊन आणि स्क्रीन टाइम पासकोड प्रविष्ट करुन तुमच्या डिव्हाइसवर स्थानिकरीत्या ‘ॲप्ससाठी वयोमर्यादा’ सेट अप देखील करू शकतात.

कौटुंबिक गटात उपलब्ध असलेल्या आयोजक, आईवडील/पालक, प्रौढ व्यक्ती आणि अपत्य ह्यासारख्या भूमिकांसह, कौटुंबिक शेअरिंगविषयी अधिक माहितीसाठी www.apple.com/legal/privacy/data/en/family-sharing वर जा. Apple कडून ‘कौटुंबिक शेअरिंग’ संबंधित वयाच्या थ्रेशोल्डच्या वापराविषयी अधिक माहितीसाठी, support.apple.com/102617 वर जा. खाली दिलेली वयाची विशिष्ट सीमा ही यूझरचे Apple अकाउंट कोणता देश किंवा प्रदेश याच्याशी संबंधित आहे त्यानुसार वेगवेगळी असू शकेल.

ॲप्सबरोबर शेअर करणे

वयोमर्यादा विनंत्या
जर ॲप्ससाठी वयोमर्यादा एनेबल केली असेल आणि ‘प्रथम विचारा’ किंवा ‘नेहमी’ वर कॉन्फिगर केलेली असेल, तर तुमचे डिव्हाइस तुमची वयोमर्यादा ठरवण्यासाठी ॲपद्वारे त्याच्या विनंतीमध्ये नियुक्त केलेल्या वयोमर्यादा आणि तुमच्या Apple अकाउंटसह संबंधित असलेला जन्मदिनांक ह्यांचा वापर करेल. तुमचे डिव्हाइस डेव्हलपरबरोबर शेअर केली जाऊ शकते अशा वयोमर्यादेची कमाल वयाची सीमा ठरवण्यासाठी, तुमच्या Apple अकाउंटशी संबंधित देश किंवा प्रदेश देखील तपासेल, म्हणजे असे वय जेव्हा तुम्हाला तुमच्या देशात किंवा प्रदेशात ‘प्रौढ व्यक्ती’ समजले जाते.

जर तुम्ही ॲपसह तुमची वयोमर्यादा शेअर करणे निवडले, तर डिव्हाइस हे दर्शवेल की वयोमर्यादा ठरवण्यासाठी वापरलेल्या वयाची तुमच्याद्वारे (तुम्ही प्रौढ व्यक्ती किंवा कौटुंबिक गटात नसलेले किशोरवयीन असल्यास) किंवा तुमच्या आईवडील/पालकांद्वारे (तुम्ही कौटुंबिक गटातील अपत्य किंवा किशोरवयीन असल्यास) पुष्टी केलेली होती का नाही. जर तुम्ही कौटुंबिक गटातील अपत्य किंवा किशोरवयीन असाल, तर डिव्हाइस Apple ने प्रदान केलेले काही ‘आईवडिलांचे नियंत्रण’ तुमच्यासाठी एनेबल केले आहेत का नाही हे देखील दर्शवू शकते जेणेकरून ॲप तुमच्या गोपनीयतेचे आणि सुरक्षेचे संरक्षण करण्यासाठी अतिरिक्त टूल्सचा वापर करू शकेल.

जर ॲप्ससाठी वयोमर्यादा एनेबल आणि कॉन्फिगर केलेली नसेल किंवा तुम्ही शेअर करण्यास नकार दिला असेल, तर डिव्हाइस हे दर्शवेल की फीचर उपलब्ध नाही किंवा तुम्ही तुमची वयोमर्यादा शेअर करण्यास नकार दिला आहे.

डिव्हाइसने ॲपसाठी दिल्या प्रतिसादामध्ये वैयक्तिक डेटाचा समावेश नसतो; तथापि, ॲपला प्रतिसाद प्राप्त झाल्यानंतर, ॲपचा डेव्हलपर तुमच्याकडून त्यांच्या ॲपचा वापर आणि डाउनलोड ह्यांच्या समावेशासह त्यांनी स्वतंत्रपणे संकलित केलेल्या वैयक्तिक डेटासह त्याला संबंधित करू शकतो. ॲपकडून प्रतिसाद आणि इतर माहितीवर प्रक्रिया करणे हे ॲप डेव्हलपरच्या अटी आणि गोपनीयता धोरणांच्या नियंत्रणाखाली असते.

वयोमर्यादेची विनंती करण्यावर निर्बंध
तुमचे डिव्हाइस प्रत्येक ॲपच्या विनंतीला तुम्ही दिलेल्या प्रतिसादांचा रेकॉर्ड राखून ठेवते, ज्यामध्ये ॲपचे नाव, वयोमर्यादा शेअर केली होती का आणि संबंधित दिनांक आणि (तुम्ही शेअर करणे निवडले असल्यास) शेअर केलेली प्रत्यक्ष वयोमर्यादा ह्यांचा समावेश असतो. एंड टू एंड एनक्रिप्शनसह ह्या फीचरला सपोर्ट करणाऱ्या डिव्हाइसेसवर ही माहिती सिंक्रोनाइझ केली जाते जेणेकरून Apple ला ती वाचता येऊ शकणार नाही. सर्वात अलीकडील रेकॉर्ड डेव्हलपर्सबरोबर नवीन वयोमर्यादा कधी शेअर केली जाऊ शकते ह्यावर निर्बंध लागू करण्यासाठी, खाली वर्णन केल्याप्रमाणे ‘वयोमर्यादा पुन्हा शेअर करा’ फीचर प्रदान करण्यासाठी आणि डेव्हलपर्सने विनंती केलेल्या वयोमर्यादेबद्दल तुम्हाला सूचित करण्यासाठी वापरला जातो. तुम्ही तुमच्या डिव्हाइसवर सेटिंग > [तुमचे नाव] > वैयक्तिक माहिती > ‘ॲप्ससाठी वयोमर्यादा’ किंवा सेटिंग > [ॲपचे नाव] > ‘ॲप्ससाठी वयोमर्यादा’ किंवा सेटिंग > ॲप्स > [ॲपचे नाव] > ‘ॲप्ससाठी वयोमर्यादा’ वर जाऊन प्रत्येक ॲपसाठी सर्वात अलीकडील रेकॉर्ड पाहू शकता.

वयोमर्यादा पुन्हा शेअर करा
‘वयोमर्यादा पुन्हा शेअर करा’ हे ॲप्ससाठी वयोमर्यादा मधील फीचर आहे जे तुम्हाला सर्वात अलीकडील रेकॉर्ड रिसेट करण्याची अनुमती देते जेणेकरुन Apple वयोमर्यादेचे नवीन निर्धारण तयार करते जे तुम्ही डेव्हलपर्सने विनंती केल्यावर त्यांच्याबरोबर शेअर करू शकता. ‘वयोमर्यादा पुन्हा शेअर करा’ वापरण्यासाठी, सेटिंग > [तुमचे नाव] > वैयक्तिक माहिती > ॲप्ससाठी वयोमर्यादा > [ॲपचे नाव] > ‘वयोमर्यादा पुन्हा शेअर करा’ वर जा. जर स्क्रीन टाइम पासकोड एनेबल केलेला असेल, तर अपडेट केलेली वयोमर्यादा शेअर करण्यापूर्वी तो प्रविष्ट करणे आवश्यक आहे.

वयोमर्यादा विनंत्या अपडेट केल्या
जर ॲपने त्याच्या वयोमर्यादेची नियुक्ति बदलून त्याची विनंती अपडेट केली, तर अपडेट केलेल्या विनंतीमुळे ॲपसह वेगळी वयोमर्यादा शेअर केली जात आहे का हे ठरवण्यासाठी डिव्हाइस सर्वात अलीकडील रेकॉर्ड तपासेल. शक्य असल्यास डिव्हाइस सर्वात अलीकडील रेकॉर्ड रिसेट करेल आणि ॲपकडील पुढील विनंतीला प्रतिसाद म्हणून, जर ‘नेहमी’ कॉन्फिगर केलेले असेल तर ऑटोमॅटिकली नवीन वयोमर्यादा शेअर करेल किंवा जर ‘प्रथम विचारा’ कॉन्फिगर केलेले असेल तर नवीन वयोमर्यादेसाठी अपडेट केलेला प्रॉम्प्ट सादर करेल. जर ‘नेहमी’ कॉन्फिगर केले असेल, तर सर्वात अलीकडच्या रेकॉर्डमधील वयोमर्यादेच्या तुलनेत नवीन वयोमर्यादा अधिक अचूक असल्यास तुम्हाला नवीन वयोमर्यादेबद्दल माहिती दिली जाईल.

‘ॲप्ससाठी वयोमर्यादा’ मॅनेज करणे
तुम्ही कधीही तुमच्या डिव्हाइसवर सेटिंग > [तुमचे नाव] > वैयक्तिक माहिती > ‘ॲप्ससाठी वयोमर्यादा’ किंवा सेटिंग > ॲप्स > [ॲपचे नाव] > ‘ॲप्ससाठी वयोमर्यादा’ वर जाऊन ‘ॲप्ससाठी वयोमर्यादा’ साठी शेअरिंग कॉन्फिगरेशन मॅनेज करू शकता. जर स्क्रीन टाइम पासकोड एनेबल केलेला असेल, तर कॉन्फिगरेशन बदल करण्यापूर्वी तो प्रविष्ट करणे आवश्यक आहे. जर तुम्ही कौटुंबिक गटातील अपत्य किंवा किशोरवयीन असाल, तर तुमच्या कौटुंबिक गटातील आईवडील/पालक त्यांच्या डिव्हाइसवर सेटिंग > कुटुंब > [अपत्य किंवा किशोरवयीन अपत्याचे नाव] > वैयक्तिक माहिती > ॲप्ससाठी वयोमर्यादा > ‘ॲप्ससह शेअर करा’ वर जाऊन कॉन्फिगरेशन मॅनेज करू शकतात.

जर शेअरिंग कॉन्फिगरेशन अपडेट केलेले असेल, तर डेव्हलपर्सच्या त्या नंतरच्या विनंत्यांना प्रतिसाद म्हणून नवीन शेअरिंग कॉन्फिगरेशन लागू केले जाईल. शेअरिंग कॉन्फिगरेशनला ‘नेहमी’ मध्ये बदलण्याची क्रिया तुम्ही ज्यांच्यासह मागे वयोमर्यादा शेअर करणे नाकारले होते अशा कोणत्याही ॲप्ससाठी रीसेट म्हणून काम करेल.

जर तुम्हाला तुमच्या Apple अकाउंटशी संबंधित जन्मदिनांक अपडेट करायचा असेल, तर तुम्ही तुमच्या डिव्हाइसवर सेटिंग > [तुमचे नाव] > ‘वैयक्तिक माहिती’ वर जाऊन हे करू शकता. जर तुम्हाला तुमच्या कौटुंबिक गटातील अपत्याशी किंवा किशोरवयीन अपत्याशी संबंधित जन्मदिनांक अपडेट करायचा असेल, तर तुम्ही तुमच्या डिव्हाइसवर सेटिंग > कुटुंब > [अपत्याचे किंवा किशोरवयीन अपत्याचे नाव] > ‘वैयक्तिक माहिती’ वर जाऊन असे करू शकता. जन्मदिनांक अपडेट झाल्यानंतर, ‘ॲप्ससाठी वयोमर्यादा’ फीचर पुन्हा एनेबल करणे आवश्यक आहे.

वयोमर्यादा शेअर करण्यावर प्रादेशिक निर्बंध

काही देश किंवा प्रदेशांमध्ये, विनंती केल्यास Apple ला कायद्यानुसार तुमची वयोमर्यादा माहिती ॲप्सबरोबर शेअर करणे आवश्यक आहे. जर तुमचे Apple अकाउंट किंवा अपत्याचे किंवा किशोरवयीन मुलाचे Apple अकाउंट त्यापैकी एका देशामध्ये किंवा प्रदेशामध्ये असल्याचे निश्चित केले गेले, तर ॲप्ससाठी वयोमर्यादा ‘नेहमी’ ह्या शेअरिंग सेटिंगवर सेट केली जाईल आणि हे कॉन्फिगरेशन बदलण्यावर निर्बंध असतील. तुमच्या वयाची पुष्टी कशी केली गेली आणि तुमच्यावर काही प्रादेशिक आवश्यकता लागू आहेत का हे देखील तुमचे डिव्हाइस शेअर करेल.

वैयक्तिक डेटावर प्रक्रिया करण्यासाठी लागू होणारे कायदेशीर आधार

सेवा प्रदान करण्यासाठी आणि आमच्या कायदेशीर जबाबदाऱ्यांचे पालन करण्यासाठी, आवश्यकतेनुसार, आम्ही सामान्यतः Apple बरोबरच्या तुमच्या कराराच्या कार्यवाहीसाठी ‘ॲप्ससाठी वयोमर्यादा’ मधील तुमच्या वैयक्तिक डेटावर प्रक्रिया करतो. जिथे संमती उचित कायदेशीर आधार असतो, तिथे आम्ही त्याला लागू होणाऱ्या स्थानिक कायद्यानुसार प्राप्त करण्याचा प्रयत्न करतो.

जिथे लागू होणारे कायदे निर्देशित करतात, तिथे आम्ही सेट अप करणे एनेबल करण्यासाठी आणि जर तुम्ही आईवडील/पालक असाल तर कौटुंबिक गटात तुमच्यासाठी किंवा अपत्यासाठी फीचर प्रदान करण्यासाठी आमच्या किंवा थर्ड पार्टीच्या कायदेशीर स्वारस्यांच्या उद्देशांसाठी गरजेनुसार वैयक्तिक डेटावर क्रिया करतो.

वापरलेल्या डेटामध्ये हे समाविष्ट आहे :

• तुमचा जन्मदिनांक आणि देश किंवा प्रदेश आणि कौटुंबिक सदस्यता आणि भूमिका ह्यासह Apple अकाउंटची माहिती
• डिव्हाइसच्या ऑपरेटिंग सिस्टीमच्या व्हर्जनसह डिव्हाइसची माहिती

रिटेन्शन

Apple चे गोपनीयता धोरण किंवा आमच्या सेवेसंबंधी विशिष्ट गोपनीयता नोटिशींमध्ये वर्णन केल्याप्रमाणे किंवा कायद्यानुसार आवश्यक अशा उद्दिष्टांच्या पूर्ततेसाठी गरजेचे असेल तोपर्यंतच Apple वैयक्तिक डेटा राखून ठेवते. डेटा राखून ठेवण्याच्या कालावधीचे मूल्यमापन करत असताना, संकलित केलेला वैयक्तिक डेटा राखून ठेवणे खरेच गरजेचे आहे का ह्याचे आधी आम्ही काळजीपूर्वक परीक्षण करतो आणि जर राखून ठेवणे आवश्यक असेल तर कायद्याने परवानगी असेल इतक्या संक्षिप्त कालावधीसाठी वैयक्तिक डेटा राखून ठेवण्याच्या दृष्टीने काम करतो.

तुमची वैयक्तिक माहिती ही ‘ॲप्ससाठी वयोमर्यादा’ ह्याच्याशी संबंधित असल्यामुळे ती कशी वापरली जाते ह्याबाबत काही प्रश्न किंवा समस्या असल्यास, किंवा तुम्हाला आमच्या डेटा संरक्षण अधिकाऱ्याशी संपर्क साधायचा असल्यास, तुम्ही www.apple.com/in/legal/privacy/contact वर आमच्याशी संपर्क साधू शकता.

Apple द्वारे गोळा केलेली माहिती नेहमी Apple च्या गोपनीयता धोरणानुसार हाताळली जाईल, जे www.apple.com/in/privacy येथे मिळू शकते.

2025-12-12