• AppleCare प्लॅन्सची तरतूद आणि खरेदी अधिक सुविधाजनक बनवण्यासाठी, Apple तुमच्या Apple अकाउंटशी संबंधित माहिती वापरू शकते, ज्यामध्ये तुमच्या मालकीची डिव्हाइसेस, त्यांची खरेदी आणि ॲक्टिवेशन दिनांक समाविष्ट आहे, जेणेकरून कोणता प्लॅन खरेदी करायचा ह्याबद्दल तुम्हाला शिफारशी प्रदान करता येतील. यूझरची वापरण्याची पद्धत जाणून घेण्यासाठी आणि AppleCare बद्दलच्या आपल्या शिफारशी सुधारण्यासाठी Apple ह्या शिफारशींबद्दलची माहिती ओळखता येईल अशा पद्धतीने रेकॉर्ड करते.
• AppleCare One सह कव्हरेजपूर्वी तुमच्या डिव्हाइसेसचे मूल्यांकन करण्यासाठी, Apple तुमचे Apple अकाउंट, तुमच्या मालकीची डिव्हाइसेस आणि ॲक्सेसरीज, तुमच्या Apple बरोबरच्या परस्परक्रिया आणि तुमचे सध्याचे AppleCare प्लॅनविषयी माहितीच वापर करुन AppleCare One साठी तुमच्या डिव्हाइसेसच्या पात्रतेचे मूल्यांकन करेल. काही बाबतीत, तुम्हाला डिव्हाइस किंवा ॲक्सेसरी एनरोल करण्याची अनुमती देण्यापूर्वी Apple ला अतिरिक्त डायग्नोस्टिक्स किंवा स्टोअरमधील मूल्यांकन आवश्यक असू शकते.
• तुम्ही सपोर्ट आणि सेवेबद्दल विनंती केल्यावर Apple तुमच्या Apple अकाउंट, डिव्हाइसेस आणि AppleCare प्लॅनविषयीची माहिती वापरू शकते. ही माहिती तुमच्या समस्येच्या पूर्वतपासणीसाठी आणि निराकरणासाठी, तुमच्याशी संवाद साधण्यासाठी, आवश्यक तेथे तुम्हाला रिफंड प्रदान करण्यासाठी, फवसणुकीपासून संरक्षणासाठी आणि Apple ची उत्पादने आणि सेवा सुधारण्यासाठी वापरली जाऊ शकते.
• AppleCare प्लॅनच्या काही पैलूंना सपोर्ट करण्यासाठी Apple द्वारे गोळा करण्यात येणारी माहिती Apple विश्वासू थर्ड पार्टी सर्व्हिस प्रोव्हायडर आणि आमच्या इन्शुरन्स पार्टनरबरोबर शेअर करू शकते. उदाहरणार्थ, जेव्हा तुम्ही एनरोल करता किंवा कव्हरेज रद्द करता तेव्हा Apple ही माहिती आमच्या इन्शुरन्स पार्टनरबरोबर शेअर करू शकते.

तुमच्या आवश्यकतांनुसार कव्हरेज निवडण्याचा पर्यायासह, AppleCare प्लॅन्स Apple एक्सपर्ट्सच्या सेवा आणि सपोर्ट प्रदान करतात.

AppleCare शिफारशी

जेव्हा तुम्ही नवीन डिव्हाइस खरेदी करता किंवा आधीपासूनच तुमच्याकडे असलेल्या डिव्हाइसवरील AppleCare प्लॅनवर एनरोल कराल, तेव्हा तुमच्या Apple अकाउंटच्या माहितीचा वापर तुम्हाला AppleCare प्लॅन खरेदी करण्याच्या शिफारशी प्रदान करण्यासाठी केला जाईल. ह्यामध्ये तुमच्या मालकीची डिव्हाइसेस, त्यांची खरेदी आणि ॲक्टिवेशन दिनांक, आणि तुम्ही आधीपासून AppleCare चे सदस्य आहात की नाही ह्यासारख्या माहितीचा समावेश असतो. सामान्यतः, तुमच्या iOS, iPadOS, किंवा visionOS डिव्हाइसवर वैयक्तिकृत शिफारशी एनेबल किंवा डिसेबल करण्यासाठी, सेटिंग > [तुमचे नाव] > ‘मीडिया व खरेदी’ > ‘अकाउंट बघा’ वर जा, त्यानंतर ‘वैयक्तिकृत शिफारशी’ वर टॅप करा. Apple Store ॲपवर, शिफारशींमध्ये वापरण्यासाठी तुम्ही शेअर केलेला डेटा नियंत्रित करू शकता. तुम्ही शेअर केलेले बदलण्यासाठी, Apple Store ॲपवरील अकाउंट > ‘सेटिंग’ वर जा, त्यानंतर ‘तुमची डिव्हाइसेस’ किंवा ‘तुमच्या सेवा’ वर टॅप करा. यूझरची वापरण्याची पद्धत जाणून घेण्यासाठी आणि AppleCare प्लॅन्सबद्दलच्या आपल्या शिफारशी सुधारण्यासाठी Apple ह्या शिफारशींबद्दलची माहिती ओळखता येईल अशा पद्धतीने रेकॉर्ड करते.

AppleCare पेमेंट्स

तुम्ही AppleCare साठी निश्चित कालावधीसाठी कव्हरेज, मासिक आवर्ती कालावधीचा कव्हरेज (‘मासिक प्लॅन’) किंवा वार्षिक आवर्ती कालावधीचा कव्हरेज (‘वार्षिक प्लॅन’) साठी पेमेंट करू शकता. मासिक आणि वार्षिक प्लॅन्ससाठी शुल्क तुमच्या Apple अकाउंटला जोडलेल्या पेमेंट मेथडला आकारले जाईल. जर तुम्ही मासिक किंवा वार्षिक प्लॅन Apple.com वर ऑनलाइन खरेदी केला, तर वापरलेली पेमेंट मेथड तुमच्या Apple अकाउंटमध्ये नॉन डिफॉल्ट पेमेंट मेथड म्हणून समाविष्ट केली जाईल. जर तुमच्या Apple अकाउंटशी संबंधित पेमेंट पद्धत नसेल, आम्ही तुमच्याद्वारे ह्या खरेदीसाठी वापरली जाणारी पेमेंट पद्धत तुमच्या Apple अकाउंटशी जोडू जेणेकरून तुमच्या प्लॅनच्या पेमेंटला तुमच्या डिफॉल्ट पेमेंट पद्धतीच्या रूपात कव्हर केल्या जाऊ शकते. तुम्ही तुमच्या iOS, iPadOS, किंवा visionOS डिव्हाइसवर सेटिंग > [तुमचे नाव] > ‘पेमेंट व शिपिंग’ वर जाऊन तुमच्या Apple अकाउंटशी संबंधित पेमेंट पद्धत अपडेट करू शकता. तुमच्या Mac वर, सिस्टीम सेटिंग > [तुमचे नाव] > ‘पेमेंट व शिपिंग’ वर जा.

AppleCare One : डिव्हाइसची पात्रता

AppleCare One तुम्हाला अनेक डिव्हाइसेस आणि/किंवा सुसंगत ॲक्सेसरीजसह AppleCare मध्ये एनरोल करण्याची अनुमती देते. तुम्हाला तुमच्या AppleCare One प्लॅनमध्ये कव्हर करायच्या असलेल्या सर्व डिव्हाइसेसवर तुमच्या Apple अकाउंटमध्ये तुम्ही साइन इन असणे आवश्यक आहे. तुम्ही एनरोल केल्यानंतर, Apple तुमची आणि तुमच्या डिव्हाइसेसची माहिती कोणते डिवाइसेस आणि सुसंगत ॲक्सेसरीज त्वरित कव्हर केल्या जाऊ शकतात आणि कोणत्या डिव्हाइसेसना अतिरिक्त डायग्नोस्टिक्सची गरज असू शकते ह्याचे मूल्यांकन करेल. ह्या पात्रता मूल्यांकनाचा उद्देश तुमच्या डिव्हाइससाठी सर्वोत्तम उत्तम कव्हरेज मिळावे आणि Apple ला फसवणूक टाळण्यास मदत झाल्याची खात्री करणे आहे. विशेषकरून, जेव्हा तुम्ही तुमच्या AppleCare One प्लॅनमध्ये डिव्हाइस समाविष्ट करण्याचा प्रयत्न करता, तेव्हा हा निर्णय घेण्यासाठी Apple तुमच्या Apple अकाउंट, डिव्हाइसेस, आणि सध्याच्या AppleCare प्लॅन कव्हरेजविषयीची माहिती वापरते, ज्यामध्ये तुम्ही iCloud वर शेवटचे साइन इन कधी केले, Apple चे कोणते पेमेंट प्रलंबित आहे का, तुमच्या डिव्हाइसेसचे वय, डिव्हाइस कोणत्या देशात नोंदणीकृत आहे, मागील दुरुस्त्या आणि डिव्हाइससाठी सेवा संपर्क आणि ‘शोधाशोध’ वापरून डिव्हाइस हरवले म्हणून चिन्हांकित केले आहे का किंवा ‘चोरीला गेले’ म्हणून रिपोर्ट केले गेले आहे का ह्यांचा समावेश आहे. काही बाबतीत, टेस्ट कॉल किंवा संदेश, रिमोट फंक्शनल आणि कॉस्मेटिक डायग्नोस्टिक्स, आणि/किंवा प्रत्यक्ष इन स्टोअर मूल्यांकन ह्यापुरतेच मर्यादित नसून ह्यांच्या समावेशासह, डिव्हाइस किंवा ॲक्सेसरी एनरोल करण्यासाठी तुम्हाला अनुमती देण्यापूर्वी, Apple ला अतिरिक्त डायग्नोस्टिक्सची आवश्यकता असू शकते. पात्रतेचे मूल्यांकन करण्यासाठी Apple ला रिमोट डायग्नोस्टिक्स जेथे सबमिट करणे आवश्यक आहे, आम्ही संग्रहित केलेली अतिरिक्त माहिती तिथे सबमिट करण्यापूर्वी तुम्ही पाहू शकाल.

सपोर्ट व सेवा

तुम्ही सपोर्ट आणि सेवेबद्दल विनंती केल्यावर Apple तुमच्या Apple अकाउंट, डिव्हाइसेस आणि AppleCare प्लॅनविषयीची माहिती वापरू शकते. ही माहिती, ज्यामध्ये वैयक्तिक डेटा जसे की संपर्क माहिती, तुमच्या स्थानासंबंधित माहिती, डिव्हाइस सीरियल नंबर, आर्थिक अकाउंटची माहिती आणि तुम्ही प्रदान केलेली इतर माहिती समाविष्ट असते, तिचा वापर तुमची ओळख पटवण्यासाठी, तुमच्या समस्येच्या पूर्वतपासणीसाठी आणि निराकरणासाठी, तुमच्याशी संवाद साधण्यासाठी, आवश्यक तेथे तुम्हाला रिफंड प्रदान करण्यासाठी, फसवणुकीपासून संरक्षणासाठी आणि Apple ची उत्पादने आणि सेवा सुधारण्यासाठी केला जाऊ शकतो.

थर्ड पार्टीसोबत शेअरिंग

AppleCare प्लॅनच्या काही पैलूंना सपोर्ट करण्याच्या उद्देशाने आमच्याद्वारे गोळा करण्यात येणारी माहिती Apple विश्वासू थर्ड पार्टी सर्व्हिस प्रोव्हायडर आणि आमच्या इन्शुरन्स पार्टनरबरोबर शेअर करू शकते. उदाहरणार्थ, जेव्हा तुम्ही AppleCare मध्ये एनरोल करता किंवा करार रद्द करता, तुमच्या AppleCare One प्लॅनवर डिव्हाइस एनरोल करता किंवा एनरोल करणे रद्द करता किंवा चोरी आणि नुकसानसंबंधी दावा करता तेव्हा Apple तुमची संपर्क माहिती आणि डिव्हाइस आयडेंटिफायर्स आमच्या इन्शुरन्स पार्टनरबरोबर शेअर करेल.

तुमच्याशी संवाद साधणे

तुमच्या AppleCare प्लॅनबद्दल कम्युनिकेट करण्यासाठी Apple तुमच्या Apple अकाउंट आणि डिव्हाइसेसबद्दलची माहिती वापरू शकते. ह्यात पेमेंट आणि खरेदी संबंधित संदेश, तुम्हाला इनव्हॉइसेस किंवा पावत्या प्रदान करणे, आणि तुमच्या दाव्याबद्दल आणि तुमच्या डिव्हाइसेसबद्दल कम्युनिकेट करणे समाविष्ट आहे. तुमच्याकडे असलेली Apple उत्पादने आणि तुमच्या Apple सेवांच्या सदस्यता यासारख्या तुमच्या अकाउंटशी संबंधित माहितीचा वापर Apple उत्पादने, सेवा, आणि तुम्हाला रुची असू शकेल अशा ऑफर्स याविषयी कम्युनिकेशन्स करण्यासाठी Apple कडून केला जाऊ शकतो. तुम्ही ईमेल मार्केटिंग प्राप्त करण्यासाठी संमती दिल्यास, तुम्ही हे कम्युनिकेशन्स ईमेलने प्राप्त करू शकता. Apple आपल्या सेवांमध्ये सुधारणा करण्यासाठी नोटिफिकेशन्ससह आमच्या कम्युनिकेशनसह तुमच्या इंटरॅक्शनबद्दलच्या माहितीचा वापर करते. तुम्ही account.apple.com वर जाऊन किंवा तुमच्या iOS, iPadOS, किंवा visionOS डिव्हाइसवर सेटिंग > [तुमचे नाव] > वैयक्तिक माहिती > संवाद प्राधान्ये वर जाऊन तुमची ईमेल प्राधान्ये बदलू शकता किंवा ह्यापैकी काही ईमेल्स प्राप्त करणे बंद करू शकता. तुमच्या Mac वर, सिस्टीम सेटिंग > [तुमचे नाव] > वैयक्तिक माहिती > ‘संवाद प्राधान्ये’ वर जा.

ॲनालिटिक्स

Apple तुमचा खरेदीचा अनुभव आणि AppleCare बरोबर इंटरॅक्शनबद्दल ओळखण्यायोग्य माहिती गोळा करते, ज्यात योग्यता प्रक्रिया, प्लॅनची विक्री, डिव्हाइस पोझिशनिंग आणि सर्व्हिस इव्हेंट्स समाविष्ट आहेत. ही माहिती व्यवसाय आणि अंतर्गत संशोधन आणि ॲनालिटिक्ससाठी, सेवा संचलित करण्यासाठी आणि सुधारण्यासाठी, मार्केटिंगसाठी, फसवणूक टाळण्यासाठी आणि सुरक्षिततेसाठी देखील वापरली जाऊ शकते.

वैयक्तिक डेटा प्रोसेस करण्यासाठी लागू होणारे कायदेशीर आधार

आम्ही तुमच्या वैयक्तिक डेटावर सामान्यपणे तुमच्या Apple बरोबरच्या कराराच्या कामगिरीसाठी सेवा प्रदान करण्यासाठी आवश्यकता म्हणून आणि आमच्या कायदेशीर आवश्यकतांची पूर्तता करण्यासाठी प्रक्रिया करतो. जिथे संमती उचित कायदेशीर आधार असतो, तिथे आम्ही त्याला लागू होणाऱ्या स्थानिक कायद्यानुसार प्राप्त करण्याचा प्रयत्न करतो.

जिथे लागू होणारे कायदे निर्देशित करतात, तिथे आम्ही पुढील कारणांनी आमच्या किंवा थर्ड पार्टीच्या कायदेशीर स्वारस्यांच्या उद्देशांसाठी गरजेनुसार वैयक्तिक डेटावर प्रक्रिया करतो :

• तुमच्यासाठी आणि इतरांसाठी Apple उत्पादने आणि सेवा अधिक चांगल्या करणे
• तुम्हाला सेवा आणि सपोर्ट प्रदान करणे
• प्लॅनची योग्यता तपासणे आणि AppleCare व इतर संबंधित Apple उत्पादने, सेवा आणि तुम्हाला आवडू शकतील अशा ऑफरविषयी तुम्हाला कम्युनिकेशन्स पाठवणे
• फसवणूक आणि इतर नुकसानकारक ॲक्टिव्हिटी टाळा

वापरलेल्या डेटामध्ये हे समाविष्ट आहे :

• Apple बरोबरच्या तुमच्या सपोर्ट आणि सर्व्हिस इंटरॅक्शन्स
• तुमच्या डिव्हाइस आणि Apple अकाउंटचे तपशील
• तुमच्या AppleCare प्लॅनबद्दल तपशील

रिटेन्शन

Apple तुमच्या व्यवहार आणि तुमच्या प्लॅनच्या वापराशी संबंधित वैयक्तिक डेटा केवळ आमच्या व्यावसायिक गरजा पूर्ण होईपर्यंत, कराराच्या अटींपुरते किंवा कायदेशीर आवश्यकतेची पूर्तता होईपर्यंत राखून ठेवते. सामान्यपणे, AppleCare सपोर्ट आणि सर्व्हिस केसबद्दल Apple अशा प्रकारे माहिती राखून ठेवते ज्यामुळे ती माहिती 10 वर्षांपर्यंत तुमच्याशी संबंधित राहते आणि जी कायद्यानुसार आवश्यक असेल तेव्हा विस्तारित केली जाऊ शकते.

Apple ने संकलित केलेली माहिती नेहमी Apple च्या गोपनीयता धोरणानुसार हाताळली जाईल, जे www.apple.com/in/privacy वर मिळू शकते.

2026-03-30