iOS डिव्हाइसवर, तुम्ही ज्या ॲपना कॅमेरा ॲक्सेस करण्याची मान्यता देता, ते पुढील आणि मागील कॅमेऱ्याने रिअल-इमेज ॲक्सेस करू शकता. ‘ॲप’ना कॅमेरा वापरात असल्याची पारदर्शकता न दाखवता कॅमेरा वापरण्याची अनुमती नाही.

कॅमेऱ्याने काढलेल्या छायाचित्रे आणि व्हिडिओमध्ये ते केव्हा आणि कोठे काढले गेले आहेत, फील्डची डेप्थ आणि ओव्हरकॅप्चर यासारखी इतर माहिती असू शकते. तुम्हाला ‘कॅमेरा’ ॲपने घेतलेल्या छायाचित्रे आणि व्हिडिओमध्ये स्थान समाविष्ट करायचे नसल्यास, तुम्ही सेटिंग > गोपनीयता व सुरक्षा > स्थान सेवा > कॅमेरा वर जाऊन हे कोणत्याही क्षणी नियंत्रित करू शकता. शेअर केल्यावर तुम्हाला छायचित्रे आणि व्हिडिओमध्ये स्थानाचा समावेश नको असल्यास, तुम्ही शेअर शीटमध्ये ‘पर्याय’ मेन्यूमध्ये जाऊन ‘स्थान’ बंद करू शकता.

कंटिन्युटी कॅमेरा तुम्हाला तुमच्या iPhone किंवा iPad ला इतर डिव्हाइसचा वेबकॅम म्हणून वापरण्याची अनुमती देते. Mac वर, तुमचा iPhone डिफॉल्टनुसार कनेक्ट होईल, जेव्हा दोन्ही डिव्हाइस जवळपास असतील आणि एकाच Apple अकाउंटवरून साइन इन केलेले असेल. जेव्हा दोन्ही डिव्हाइस एकमेकांच्या जवळ असतील, तेव्हा Apple TV वर, तुम्ही iPhone किंवा iPad ला मॅन्युअली कनेक्ट करू शकता. तुम्ही पॉज करा बटण दाबून किंवा iPhone वर खालच्या कोपऱ्यातून वर स्वाइप करून अथवा ‘होम’ बटण दाबून कॅमेऱ्याचे सक्रिय स्ट्रीम करणे नेहमीच पॉज करू शकता. iPhone किंवा iPad ला Mac किंवा Apple TV च्या कॅमेरा यादीमध्ये पॉज करण्यासाठी आणि तात्पुरते काढून टाकण्यासाठी, तुमच्या डिव्हाइसवर ‘डिस्कनेक्ट करा’ वर टॅप करा. तुमच्या iOS किंवा iPadOS डिव्हाइसवर ‘सेटिंग’ > ‘सामान्य’ > ‘AirPlay व कंटीन्युटी’ वर जाऊन तुमच्या iPhone किंवा iPad ला Mac किंवा Apple TV चा वेबकॅम म्हणून वापर करणे डिसेबल करू शकता.

निवडक iPhone मॉडेलवर आणि ‘कंटीन्यूटी कॅमेरा’ वापरत असताना ‘सेंटर स्टेज’ हे तुम्हाला एनेबल केलेल्या ॲपसाठी फ्रेममध्ये ठेवण्याकरिता पुढील कॅमेऱ्याला ऑटोमॅटिकली पॅन आणि झूम करते. फ्रेममध्ये प्रवेश करणाऱ्या लोकांना सामावून घेण्यासाठी कॅमेरा सहजरित्या झूम होईल. व्हिडिओ कॉल सुरू असताना तुम्ही कंट्रोल सेंटर ॲक्सेस करण्यासाठी स्क्रीनच्या वरील उजव्या कोपऱ्यावरून खाली स्वाइप करून, व्हिडिओ इफेक्ट बटणावर टॅप करून, नंतर सेंटर स्टेजवर टॅप करून सेंटर स्टेज डिसेबल करू शकता. सपोर्ट करणाऱ्या ॲपनी सेंटर स्टेजचा वापर कंट्रोल सेंटरच्या पर्यायांचे अनुसरण करून करावा की ॲपमधूनच करावा यावर तुम्हाला नियंत्रण ठेवता येईल.

तुम्ही कॅमेऱ्याचा ॲक्सेस ज्या ॲप्सना देता ती ‘ऑग्मेंटेड रिॲलिटी (AR)’ चा अनुभव देण्यासाठी ARKit चा वापर करू शकतात. ॲप त्यांनी ARKit वरून मिळवलेला छायाचित्राने संबद्ध केलेल्या स्थानासारखा डेटा कॅमेऱ्यापासून मिळवलेल्या डेटासोबत एकत्रित करू, वापरू आणि स्टोअर करू शकतात. तुमच्या AR अनुभवाची स्थिती ठरवण्यासाठी ही ॲप वर्ल्ड किंवा फेस ट्रॅकिंगच्या साहाय्याने कॅमेऱ्याचा वापर करू शकतील. वर्ल्ड ट्रॅकिंग कोणत्याही वास्तविक स्थानाच्या सापेक्ष यूजरची जागा ठरवण्याच्या उद्देशाने त्या सेन्सरची माहितीवर प्रक्रिया करण्यासाठी तुमच्या डिव्हाइसवर अल्गोरिदमचा वापर करते. ‘वर्ल्ड ट्रॅकिंग’ हे नकाशामध्ये ‘ऑप्टिकल हेडिंगसारखी फिचर एनेबल करते.

2025-12-12