• Apple द्वारे तुमच्या कनेक्ट केलेल्या कार्डवरून तुमच्या डिव्हाइसवर डिस्प्ले करण्यासाठी व्यवहार, शिल्लक, शेड्यूल केलेल्या किंवा स्थायी पेमेंटची माहिती आणि अकाउंट नंबर ह्यासारखे अकाउंट तपशील ह्यासारखा डेटा मिळवला जातो, वर्गीकृत केला जातो आणि प्रमाणित केला जातो.
• Apple च्या पूर्ण मालकीची उपकंपनी तुमची अकाउंट माहिती पाहू शकते परंतु संग्रहित करत नाही.
• Apple द्वारे तुमच्या कनेक्ट केलेल्या कार्डमधील डेटा ज्याचा ह्यापुढे तुमच्याशी संबंध जोडला जाऊ शकणार नाही, Apple उत्पादने आणि सेवा सुधारण्यासाठी वापरला जाऊ शकतो.

तुमचे कार्ड कनेक्ट करणे तुम्हाला तुमची आर्थिक माहिती उत्तमपणे मॅनेज करण्यात मदत मिळण्यासाठी तुमची शिल्लक किंवा नवीनतम व्यवहार यासारखी खात्याची अप-टू-डेट माहिती बघण्याची अनुमती देते.

तुमचे कार्ड कनेक्ट केले जात आहे

तुम्ही वॉलेटमधील कार्डवर टॅप करता, तेव्हा Apple देशाचे नाव आणि जारीकर्ता यांना पाहून ते तुमच्या वित्त संस्थेशी कनेक्ट करण्यास पात्र आहे की नाही ते तपासून पाहिल. Apple हे कामगिरीच्या कारणासाठी फीचरमधील सहभागावर मर्यादा ठेवू शकेल; अशा प्रकारची कोणतीही मर्यादा रँडमली विभागली जाईल आणि तुमच्या Apple सोबत असलेल्या नातेसंबंधांच्या गुणवत्तावर आधारित नसेल.

तुम्ही एखादे कार्ड कनेक्ट करण्यासाठी टॅप करता तेव्हा, Apple, जारीकर्ता वित्तीय संस्था ओळखण्यासाठी तुमच्या कार्ड आणि अंतर्निहित अकाउंट (आंशिक अकाउंट नंबर यासारखी) बद्दलची माहिती वापरते. Apple ह्या माहितीचा वापर हा कनेक्शनचे उपलब्ध प्रकार (म्हणजेच, आर्थिक माहितीच्या उपलब्ध श्रेणी) आणि कनेक्शनचा कालावधी ह्यासारखे तुम्हाला कदाचित उपलब्ध असलेले कोणतेही पर्याय तुमच्यासमोर सादर करण्यासाठी करते. तुम्ही तुमचे सिलेक्शन केल्यानंतर, Apple वित्तीय संस्थेच्या सेट अप केलेल्या कनेक्शनच्या प्रकाराबद्दल माहिती पाठवते, ज्यामध्ये कनेक्शन सुरु केल्याची वेळ आणि विनंती केलेल्या माहितीच्या प्रकाराचा समावेश असतो जसे की व्यवहार आणि शिल्लक डेटा तसेच अकाउंट आयडेंटिफायर. मान्यता मिळाल्यास बॅंक Apple ला डिव्हाइसला कनेक्ट केलेले कार्ड सेटअप करण्यासाठी वापरता येणारा निर्देशांक पाठवते.

तुमचे डिव्हाइस वित्तीय संस्थेचे ॲप किंवा वेबपृष्ठावर लिंक करण्यासाठी आयडेंटिफायर आणि सुरक्षित लिंकचा वापर करते. तुम्ही तुमच्या वित्तीय संस्थेसोबत प्रमाणित कराल आणि त्या अकाउंटना देखील ओळखू शकता ज्यांना तुम्ही तुमच्या डिव्हाइसशी कनेक्ट करू इच्छिता. तुमची वित्तीय संस्था तुमच्या अकाउंटची माहिती आणि कनेक्शनच्या व्याप्तीचा वापर संमती टोकन तयार करण्यासाठी करते, ज्याचा वापर तुमच्या डिव्हाइसकडून तुमचे अकाउंट ॲक्सेस करण्यासाठी आणि अपडेट केलेला डेटा फेच करण्यासाठी केला जाऊ शकतो. Apple संमती टोकन एनक्रिप्ट करते आणि ते तुमच्या डिव्हाइसवर संग्रहित करण्यासाठी पाठवते; Apple संमती टोकन संग्रहित करत नाही.

तुमच्या अकाउंटची माहिती अपडेट करणे आणि बघणे

जेव्हाजेव्हा तुम्ही ‘वॉलेट’ मधील कार्ड टॅप करून तुमच्या अकाउंटसह इंटरॅक्ट करता, तेव्हा तुमची अकाउंट माहिती अपडेट केली जाईल आणि जेव्हा तुम्ही कनेक्ट केलेल्या कार्डसह ऑनलाइन किंवा इन ॲप Apple Pay व्यवहार सुरू करण्यासाठी पावले उचलता तेव्हा तुमच्या शिल्लक संबंधित माहिती अपडेट केली जाईल. कनेक्ट केलेली काही कार्ड्स ‘वॉलेट’ मध्ये तुमचा अकाउंट आणि शिल्लक ह्याविषयीची माहिती ऑटोमॅटिकली अपडेट करण्याच्या क्षमतेलाही सपोर्ट करू शकतात. तुम्ही तुमच्या कनेक्ट केलेल्या अकाउंटच्या सेटिंग मॅनेज करू शकता, ‘वॉलेट’ मध्ये जाऊन तुमच्या कनेक्ट केलेल्या कार्डवर टॅप करून किंवा सेटिंग > ‘वॉलेट व Apple Pay’ वर जाऊन तुमची अपडेट केलेली अकाउंट माहिती कधीही पाहू शकता.

तुमची अकाउंट माहिती काढून टाकणे

तुम्ही सेटिंग > वॉलेट आणि Apple Pay > [तुमची वित्तीय संस्था] वर जाऊन आणि ‘डेटा मिळवणे बंद करा’ वर टॅप करून तुमची अपडेट केलेली अकाउंटविषयक माहिती मिळवणे थांबवू शकता. डिसेबल झाल्यानंतर, तुम्ही ‘अकाउंट ॲक्टिव्हिटी हटवा’ वर टॅप करून सध्याची अकाउंट माहिती हटवू शकता.

तुम्ही तुमचे अकाउंट सेटिंग > वॉलेट व Apple Pay > [तुमची वित्तीय संस्था] वर टॅप करून > ‘डिस्कनेक्ट करा’ वर जाऊन कोणत्याही क्षणी डिस्कनेक्ट करू शकता. तुमच्या वित्तीय संस्थेला डिस्कनेक्ट केल्यामुळे Apple ची तुमची अकाउंटविषयक माहिती मिळवण्याची तुमची संमती काढून घेतली जाईल, त्या वित्तीय संस्थेची संबंधित सर्व अकाउंट डिस्कनेक्ट होतील, आणि तुमची यापूर्वी फेच केलेली सर्व अकाउंट माहिती हटवली जाईल.

ॲनालिटिक्स

फीचरमध्ये सुधारणा करण्यात मदत करण्यासाठी Apple, कनेक्शन प्रक्रियेबद्दल आणि ‘वॉलेट आणि सेटिंग’मधील ॲपशी कनेक्ट असलेल्या तुमच्या कार्डांबद्दलची माहिती संकलित करते आणि कोणीही वैयक्तिकरित्या तुम्हाला ओळखू शकणार नाही अशा पद्धतीने ती स्टोअर करते. या माहितीमध्ये कनेक्शन प्रक्रिया पूर्ण करण्यासाठी किती वेळ लागतो आणि ‘कनेक्ट केलेले कार्ड’ फिचरच्या कोणत्या पैलूंचा वारंवार वापर केला जातो याचा समावेश असतो. Apple ही माहिती Apple उत्पादने आणि सेवा सुधारण्यासाठी, मार्केटिंगसाठी, आणि फसवणूक आणि सुरक्षिततेसाठी देखील वापरू शकते.

कम्युनिकेशन्स

एखादा संदेश तुमच्याशी संबद्ध आहे की नाही हे जाणून घेण्यासाठी Apple तुमच्या मार्केटिंग संदेशासह तुम्ही कार्ड कनेक्ट केले असल्याच्या माहितीचा वापर करेल. अशी निनावी आणि समुच्चित माहिती जी तुमच्याशी जोडली जाऊ शकत नाही ती फीचरच्या मार्केटिंगसाठी आणि इतर मेसेजिंगसाठी देखील वापरली जाऊ शकेल. तुम्ही मार्केटिंग ईमेलमधील ‘सदस्यता रद्द करा’ लिंकवर क्लिक करून किंवा वॉलेटसाठीची नोटीफिकेशन्स बंद करून मार्केटिंगचे संदेश मिळवणे बंद करू शकता.

सपोर्ट

कनेक्ट केलेल्या कार्डांविषयी तुम्हाला प्रश्न असल्यास, तुम्ही Apple सपोर्टशी संपर्क साधू शकता. तुम्ही शेअर करत असलेली वैयक्तिक डेटासारखी कोणतीही माहिती, Apple तुमच्या विनंतीवर प्रक्रिया करण्यासाठी वापरेल.

कायदेशीर संस्था आणि वैयक्तिक डेटावर प्रक्रिया करण्यासाठी लागू असलेले कायदेशीर आधार

जर तुम्ही संयुक्त राष्ट्रांमध्ये असाल, तर कनेक्ट केलेली कार्ड्स Apple Payments Services LLC द्वारे दिली जातात; जर तुम्ही युनायटेड किंग्डममध्ये असाल, तर कनेक्ट केलेली कार्ड्स Apple Payments Services Ltd (एकत्रितपणे, ‘Apple’) द्वारे दिली जातात. Apple तुमच्या वैयक्तिक डेटावर सामान्यपणे तुमच्या Apple सोबतच्या कराराच्या कामगिरीसाठी सेवा प्रदान करण्यासाठी आवश्यकता म्हणून आणि आमच्या कायदेशीर आवश्यकतांची पूर्तता करण्यासाठी प्रक्रिया करते. जिथे संमती उचित कायदेशीर आधार असतो, तिथे Apple त्याला लागू होणाऱ्या स्थानिक कायद्यानुसार प्राप्त करण्याचा प्रयत्न करतो.

जिथे लागू होणारे कायदे निर्देशित करतात, तिथे Apple पुढील कारणांनी आमच्या किंवा थर्ड पार्टीच्या कायदेशीर स्वारस्यांच्या उद्देशांसाठी गरजेनुसार वैयक्तिक डेटावर प्रक्रिया करते :

• तुमच्या डिव्हाइसवर डिस्प्ले करण्यासाठी अकाउंटची माहिती स्टॅण्डर्डाइझ, वर्गीकृत आणि फॉरमॅट करा
• कनेक्ट केलेली कार्डे, Apple Pay, वॉलेट आणि सेटिंगमध्ये सुधारणा करण्यात मदत करा
• फसवणूक आणि इतर नुकसानकारक ॲक्टिव्हिटी टाळा

वापरलेल्या डेटामध्ये हे समाविष्ट आहे :

• तुमच्या डिव्हाइस आणि Apple अकाउंटचे तपशील
• तुमच्या वित्तीय संस्थेकडून प्राप्त झालेली अकाउंटविषयक माहिती

युनायटेड किंगडममध्ये, तुम्ही तुमच्या वित्तीय संस्थेपासून डिस्कनेक्ट झाल्यानंतरही Apple Payment Services Ltd द्वारे कनेक्ट केलेल्या कार्डाशी-संबंधित माहिती कायद्याचे किंवा वैध कायदेशीर प्रक्रियेचे पालन करण्यासाठी आवश्यक आणि गरजेप्रमाणे वापरली जाऊ शकते.

अधिक माहिती

तुमच्या कनेक्ट केलेल्या कार्डवरील व्यवहाराचा डेटा Apple ला पाठवला जाऊ शकेल आणि तो वॉलेट कार्ड हिस्ट्रीमधील व्यवसायांच्या नावांची अचूकता सुधारण्यासाठी वापरला जाऊ शकेल. ही माहिती तुमच्याशी लिंक न केलेल्या स्थितीत आणि Apple Maps, Apple Pay, व वॉलेट सुधारण्याच्या दृष्टीने एकत्रितरित्या राखून ठेवली जाईल.

Apple ने वैयक्तिक डेटा ज्या उद्देशांसाठी संकलित केला होता ते उद्देश पूर्ण होईपर्यंतच या नोटिशीमध्ये वर्णन केल्यानुसार आणि Apple च्या गोपनीयता धोरणाला अनुसरून किंवा कायदेशीर आवश्यकतेनुसार तो डेटा राखून ठेवला जातो. राखून ठेवण्याच्या कालावधीची तपासणी करत असताना,संकलित केलेला वैयक्तिक डेटा राखून ठेवणे खरेच आवश्यक आहे का याचे आम्ही काळजीपूर्वक परीक्षण करतो आणि जर राखून ठेवणे आवश्यक असेल तर कायद्याने परवानगी असेल इतक्या संक्षिप्त कालावधीसाठी वैयक्तिक डेटा राखून ठेवण्याच्या दृष्टीने काम करतो.

Apple ने संकलित केलेली माहिती नेहमी Apple च्या गोपनीयता धोरणानुसार हाताळली जाईल, जे www.apple.com/in/privacy वर मिळू शकते.

2025-12-12