iOS डिव्हाइस ॲनालिटिक्स

iPhone ॲनालिटिक्समध्ये हार्डवेअर आणि ऑपरेटिंग सिस्टीम वैशिष्ट्ये, कार्यक्षमता सांख्यिकी, आणि तुम्ही तुमचे डिव्हाइस आणि ॲप्लिकेशन कसे वापरता ह्याबद्दलचा डेटा समाविष्ट असू शकतो. ही माहिती Apple ला त्यांची उत्पादने आणि सेवा सुधारण्यात आणि विकसित करण्यात मदत करण्यासाठी वापरली जाते. संकलित केलेली कोणतीही माहिती तुम्हाला वैयक्तिकरित्या ओळखत नाही. वैयक्तिक डेटा अजिबात लॉग केला जात नाही, तो गोपनीयता राखण्याच्या डिफरन्शिअल गोपनीयतेसारख्या तंत्रांच्या अधीन असतो, किंवा तो कोणतेही रिपोर्ट Apple ला पाठवण्यापूर्वी त्यातून काढून टाकला जातो. तुम्ही सेटिंग > गोपनीयता व सुरक्षा > ‘ॲनालिटिक्स व सुधारणा’ वर जाऊन आणि ‘ॲनालिटिक्स डेटा’ वर टॅप करून ही माहिती तुमच्या iOS डिव्हाइसवर रिव्ह्यू करु शकता.

तुम्ही Apple ला ही माहिती प्रदान करण्यास संमती दिली असल्यास, आणि स्थान सेवा चालू केलेली असल्यास, Apple ला कामगिरी (उदाहरणार्थ, एखाद्या विशिष्ट स्थानावरील मोबाइल किंवा Wi-Fi सिग्नलची तीव्रता किंवा क्षीणता) समस्यांचे विश्लेषण करण्यात मदत करण्यासाठी तुमच्या डिव्हाइसचे स्थान देखील पाठवले जाऊ शकते. ह्या ॲनालिटिक्स स्थान डेटामध्ये कॉल समाप्त होतो ते स्थान किंवा अयशस्वी इन-स्टोअर व्यवहाराचे स्थान ह्यासारखी स्थाने समाविष्ट असू शकतात. तुम्ही ॲनालिटिक्ससाठी कोणत्याही क्षणी स्थान सेवा डिसेबल करू शकता. असे करण्यासाठी, सेटिंग > गोपनीयता व सुरक्षा > स्थान सेवा > ‘सिस्टीम सेवा’ वर जा आणि ‘iPhone ॲनालिटिक्स’ बंद करण्यासाठी टॅप करा.

तुम्ही एकच iCloud अकाउंट वापरणाऱ्या अनेक डिव्हाइसवरून Apple ला ॲनालिटिक्स माहिती पाठवण्याशी सहमत असल्यास, आम्ही एंड टू एंड एनक्रिप्शन वापरून सिंक करून त्या डिव्हाइसवरील Apple ॲपच्या वापर डेटा एकत्रित करू शकतो. आम्ही हे अशा प्रकारे करतो ज्यामुळे Apple तुम्हाला ओळखू शकत नाही.

तुम्ही डिव्हाइस ॲनालिटिक्सचे शेअरिंग पूर्णपणे डिसेबल करण्याचा पर्याय देखील निवडू शकता. असे करण्यासाठी, सेटिंग > गोपनीयता व सुरक्षा > ‘ॲनालिटिक्स व सुधारणा’ वर जा, आणि ‘iPhone ॲनालिटिक्स शेअर करा’ बंद करा. तुम्ही तुमचे Apple Watch तुमच्या iPhone सह पेअर केले असल्यास, ‘iPhone व Watch ॲनालिटिक्स शेअर करा’ बंद करण्यासाठी टॅप करा.

ही फीचर वापरून, तुम्ही Apple आणि तिच्या उपकंपन्यांच्या आणि एजंटच्या प्रक्षेपण करणे, गोळा करणे, देखभाल, काम करणे, आणि ह्या माहितीच्या वर वर्णन केल्याप्रमाणे वापराला सहमती आणि संमती देता.

Apple ने संकलित केलेली माहिती नेहमी Apple च्या गोपनीयता धोरणानुसार हाताळली जाईल, जे www.apple.com/in/privacy वर मिळू शकते.

2025-12-12