• Game Center तुम्हाला लीडरबोर्ड, मल्टीप्लेअर गेममध्ये सहभागी होणे, फ्रेंड्सना शोधणे, बघणे व आव्हान देणे आणि कामगिरी ट्रॅक करणे यासारख्या गेम-संबंधित ॲक्टिव्हिटीमध्ये जोडले जाण्याची अनुमती देते.
• तुम्ही Game Center मध्ये साइन इन केलेले असताना Game Center द्वारे एनेबल केलेले गेम खेळता तेव्हा, Apple तुम्ही खेळता त्या गेम आणि तुमची गेम ॲक्टिव्हिटी ह्यासारखी माहिती संकलित करते. ही माहिती तुमच्या हाय स्कोअरचा, आणि आव्हानांचा ट्रॅक घेण्यासाठी, आणि तुमच्यासाठी आणि इतरांसाठी Game Center सुधारण्यासाठी वापरली जाते.
• Apple तुमचे Game Center फ्रेंड, तुम्ही ज्यांच्याबरोबर, आणि जेव्हा एकत्र खेळता ते प्लेअर ह्यांची यादी देखील संकलित करते. ही माहिती मल्टीप्लेअर गेममध्ये पुन्हा सामील होण्यासाठी, एकमेकांचे हाय स्कोअर त्वरित पाहण्यासाठी, आणि तुमच्यासाठी आणि इतरांसाठी Game Center सुधारण्यासाठी वापरली जाते.
• तुमचे Game Center टोपण नाव, अवतार, स्कोअर, and Arcade सदस्यता स्थिती, सर्व Game Center यूझरसाठी दृश्यमान असते. तुम्ही खेळलेले गेम आणि करत असलेल्या कामगिऱ्यांच्या प्रगतीसारखी इतर गेम सेंटर ॲक्टिव्हिटीची माहिती गेम सेंटर फ्रेंडबरोबर किंवा सर्व गेम सेंटर यूझरबरोबर शेअर करणे देखील निवडू शकता. ही माहिती Game Center आणि App Store, Apple Games आणि Apple Arcade ह्यासारख्या इतर Apple सेवांमध्ये तुम्ही ज्यांच्याशी ती शेअर करता त्यांना दिसेल. तुमचे नाव तुमच्या Game Center फ्रेंडना देखील दिसू शकेल.
• ज्यांनी त्यांचे Game Center टोपणनाव त्यांच्या संपर्क कार्डासह लिंक केलेले आहे असे फ्रेंड्स तुम्हाला सुचविण्यासाठी Apple तुमच्या संपर्कांच्या ओळखण्यायोग्य नसलेल्या माहितीचा वापर करते, परंतु ही माहिती संग्रहित करत नाही. ह्या शिफारशींबाबत मदत करण्यासाठी Game Center ऑन डिव्हाइस प्रोसेसिंग वापरते.

तुमच्या माहितीची गोपनीयता आणि सुरक्षेचे संरक्षण करणे हे Apple वरील सर्वांसाठी प्राधान्य आहे. केवळ तुमचा अनुभव उत्तम करण्यासाठी आम्ही आम्हाला आवश्यक असलेला डेटा संकलित करण्यासाठी खूप मेहनत घेतो, आणि आम्ही जेव्हा डेटा संकलित करतो, तेव्हा आम्ही काय संकलित करत आहोत आणि आम्हाला ते गरजेचे का आहे हे तुम्हाला माहित असणे महत्वाचे असते, जेणेकरून तुम्ही तुमच्या निवडी ठरवू शकाल. Apple च्या प्रत्येक उत्पादन आणि सेवेप्रमाणे, Game Center देखील त्या तत्त्वांना लक्षात घेऊन डिझाइन केलेले आहे.

Game Center प्रदान करणे आणि त्यामध्ये सुधारणा करणे

तुम्ही Game Center ऑनबोर्डिंग केल्यावर, तुम्ही लीडरबोर्ड, मल्टिप्लेअर गेममध्ये सहभागी होणे; फ्रेंड्सना शोधणे, बघणे व आव्हान देणे; आणि कामगिरीचा मागोवा घेणे ह्यासारख्या गेम संबंधित ॲक्टिव्हिटीमध्ये भाग घेऊ शकता. जेव्हा तुम्ही Game Center वापरता, तेव्हा Apple माहिती संकलित करते, ज्यामध्ये तुम्ही खेळता ते गेम, तुम्ही ते कधी खेळता, आणि तुम्ही कोणाबरोबर खेळता; तुमचे स्कोअर आणि उपलब्धी; आणि तुम्ही पाठवता आणि प्राप्त करता ती आव्हाने ह्यांचा समावेश असतो. तुम्हाला मल्टीप्लेअर गेममध्ये पुन्हा सामील होण्यात आणि एकमेकांचे हाय स्कोअर त्वरित पाहण्यास मदत करण्यासाठी Apple तुमचे Game Center फ्रेंड, तुम्ही ज्यांच्याबरोबर, आणि जेव्हा एकत्र खेळता ते प्लेअर ह्यांची यादी देखील संकलित करते. ही माहिती तुमच्या Apple अकाउंटशी संबंधित आहे.

तुम्ही काय पाहता आणि क्लिक करता, तुम्ही गेम कंट्रोलर वापरता का आणि कंट्रोलरबद्दल तपशील आणि तुमच्या सेटिंगमधून तुम्ही ॲक्सेस करता त्या फ्रेंड रिक्वेस्टसारख्या फीचर्ससह Game Center फीचर्सबरोबरच्या तुमच्या इंटरॅक्शनबद्दलची माहिती देखील Apple संकलित करते. तुम्ही Game Center मध्ये साइन इन केलेले असताना आणि कंट्रोल सेंटरद्वारे गेम ओव्हरले आणि गेम कंट्रोल्स ॲक्सेस करता तेव्हा, Apple ओव्हरले आणि कंट्रोल्ससह तुमच्या इंटरॅक्शन्स संकलित करते. ही माहिती तुमच्या Apple अकाउंटशी संबंधित नसलेल्या रॅंडम आयडेंटिफायरबरोबर संग्रहित केली जाते. तुमच्या iOS, iPadOS किंवा visionOS डिव्हाइसवर हे आयडेंटिफायर रिसेट करण्यासाठी, सेटिंग > Game Center > ‘आयडेंटिफायर रिसेट करा’ वर जा. Mac वर, सिस्टिम सेटिंग > Game Center > ‘आयडेंटिफायर रीसेट करा’ वर जा.

ह्या विभागात वर्णन केलेली माहिती तुमच्यासाठी आणि इतरांसाठी Game Center आणि Game Center वापरणाऱ्या इतर Apple सेवा सुधारण्यासाठी आणि ऑप्टिमाइझ करण्यासाठी वापरली जाऊ शकते.

इतर खेळाडू आणि फ्रेंड्ससोबत खेळणे

तुमचे Game Center चे टोपण नाव, अवतार, स्कोअर, आणि Arcade सदस्यता स्थिती ग्लोबल लीडरबोर्डसह गेम खेळण्यासाठी Game Center च्या सर्व यूझरना दिसते. तुम्ही तुमच्या Game Center फ्रेंड्ससोबत किंवा सर्व Game Center यूझरसोबत इतर Game Center ॲक्टिव्हिटीची माहिती शेअर करणे निवडू शकता. ह्या माहितीमध्ये तुम्ही खेळलेले गेम आणि तुमच्या कामगिरीची प्रगती समाविष्ट असते, आणि ती अशा मित्रांना दृश्यमान असेल ज्यांच्यासह तुम्ही ती Game Center आणि App Store व Apple Arcade सारख्या इतर Apple सेवांध्ये शेअर करता. मुलांच्या Game Center ॲक्टिव्हिटीची माहिती केवळ त्यांच्या Game Center फ्रेंड्ससोबत शेअर केली जाऊ शकते. तुम्ही तुमच्या iOS, iPadOS, किंवा visionOS डिव्हाइसवरील सेटिंग > Game Center > ‘ॲक्टिव्हिटी शेअरिंग’ वर जाऊन, आणि Mac वर सिस्टीम सेटिंग > Game Center > ‘ॲक्टिव्हिटी शेअरिंग’ वर जाऊन ॲक्टिव्हिटी शेअरिंग स्थिती पाहू आणि बदलू शकता.

जेव्हा तुमचे Game Center टोपणनाव तुमच्या संपर्क कार्डसोबत लिंक केले जाते तेव्हा Game Center तुमच्या Apple अकाउंटशी संबंधित ईमेल ॲड्रेस आणि फोन नंबर वापरेल. हे तुमच्या Game Center फ्रेंडना त्यांच्या संपर्क ॲपमध्ये असलेल्या तुमच्या नावाच्या आधारे तुम्हाला सहजतेने शोधू शकतात. तुमच्या iOS, iPadOS किंवा visionOS डिव्हाइसवर सेटिंग > Game Center > ‘फ्रेंड्स कडून शोधले जाण्यासाठी मदत करा’ वर जाऊन आणि Mac वर सिस्टीम सेटिंग > Game Center > ‘फ्रेंड्स कडून शोधले जाण्यासाठी मदत करा’ वर जाऊन तुम्ही हे सेटिंग नियंत्रित करू शकता.

जेव्हा तुम्ही एखादा मल्टीप्लेअर फंक्शनॅलिटीला सपोर्ट करणारा गेम खेळता, तेव्हा इतर Game Center यूझर जे समान Wi-Fi नेटवर्क किंवा लोकल एरिया नेटवर्कवर समान ॲक्सेस करत आहेत, किंवा Bluetooth च्या मर्यादेत आहेत ते तुम्ही जवळपास आहात हे पाहू शकतील आणि तुमचे टोपणनाव आणि अवतार पाहू शकतील. तुम्ही तुमच्या iOS, iPadOS किंवा visionOS डिव्हाइसवर सेटिंग > Game Center वर जाऊन, आणि ‘जवळपासचे खेळाडू’ पर्याय बंद करण्यासाठी टॅप करून हे फीचर डिसेबल करू शकता. Mac वर, सिस्टीम सेटिंग > Game Center वर जा, आणि ‘जवळपासचे प्लेअर’ बंद करण्यासाठी क्लिक करा. tvOS वर, सेटिंग > प्रोफाइल आणि अकाउंट्स > [यूझर नेम] > Game Center वर जा, आणि नंतर ‘जवळपासचे प्लेअर्स’ बंद करा.

Apple ला तुमच्या ज्या संपर्कांनी त्यांचे Game Center टोपणनाव त्यांच्या संपर्क कार्डासह लिंक करण्याचे निवडले आहे अशा संपर्कांची ओळखण्यायोग्य नसलेली माहिती प्राप्त होते. या माहितीचा वापर Game Center च्या स्क्रीनवर तुम्हाला दाखवण्यात येणाऱ्या फ्रेंड शिफारसींमध्ये सुधारणा करण्यासाठी केला जातो, परंतु Apple ही माहिती स्टोअर करत नाही. ह्या शिफारशींबाबत मदत करण्यासाठी Game Center ऑन डिव्हाइस प्रोसेसिंग वापरते.

तुम्ही iOS 10 पूर्वी फ्रेंड बनवले असतील तर, त्या फ्रेंडना तुमच्या खऱ्या नावाचा ॲक्सेस असेल. तुम्ही iOS 10 ला स्वीकारल्यानंतर कोणतेही फ्रेंड बनवले असल्यास तुमच्या फ्रेंडना केवळ तुमचे टोपणनाव दिसेल. मुलांच्या खात्यामधून खरी नावे, iOS 10 च्या आधीपासून किंवा नंतर बनवलेल्या फ्रेंड्सना देखील दाखवली जात नाहीत.

Game Center आणि Apple Games

Game Center हा Apple Games ॲप अनुभवामधील महत्त्वाचा भाग आहे. Apple Games ॲप वापरण्यासाठी तुम्ही Game Center मध्ये साइन इन केलेले असले पाहिजे. तुम्ही गेम्स ॲपचा वापर केला नाही तरी तुमचे टोपणनाव, अवतार आणि तुमच्या गेमिंग ॲक्टिव्हिटीचा समावेश असलेली तुमची Game Center प्रोफाइल — तुम्ही शेअर करण्याचा पर्याय निवडल्यास — Apple Games ॲपमध्ये उपलब्ध असेल. जेव्हा तुम्ही Apple Games ॲप वापरता, तेव्हा ‘Game Center प्रदान करणे आणि त्यात सुधारणा करणे आणि इतर प्लेअर आणि फ्रेंड्सबरोबर खेळणे’ ह्या सेक्शनमध्ये वर्णन केल्याप्रमाणे तुमच्या गेमिंग ॲक्टिव्हिटी, फ्रेंड्स, आव्हाने आणि कामगिऱ्यांबद्दलची माहिती Apple Games द्वारे तुमच्या Apple Games च्या अनुभवाला बळकटी देण्यासाठी आणि वैयक्तिकृत करण्यासाठी, तुम्हाला गेम्सची माहिती मिळवण्यास आणि फ्रेंड्स शोधण्यास मदत करण्यासाठी, Game Center आणि Apple Games ऑप्टिमाइझ करण्यासाठी आणि त्यात सुधारणा करण्यासाठी आणि तुम्हाला माहिती पाठवण्यासाठी वापरली जाईल. ‘Apple Games’ बद्दल अधिक माहिती मिळवण्यासाठी, www.apple.com/legal/privacy/data/en/apple-games वर जा.

तुमच्याशी संवाद साधणे

तुमच्याकडे असलेली Apple उत्पादने आणि तुमच्या Apple सेवांच्या सदस्यता यासारख्या तुमच्या अकाउंटशी संबंधित माहितीचा वापर Game Center आणि इतर Apple उत्पादने, सेवा, आणि तुम्हाला रुची असू शकेल अशा ऑफर याविषयी कम्युनिकेशन्स करण्यासाठी Apple कडून केला जाऊ शकतो. Game Center मधील उपलब्ध नवीन फीचर्स, कॉण्टेण्ट आणि ऑफर्सविषयी ईमेल आणि नोटिफिकेशन्स पाठवण्यासाठी Game Center मधील तुमच्या ॲक्टिव्हिटीची माहिती Apple कदाचित वापरू शकते. तुम्ही account.apple.com वर जाऊन तुमची ईमेल प्राधान्ये बदलू शकता आणि हे ईमेल प्राप्त करणे बंद करू शकता. तुमच्या iOS, iPadOS, किंवा visionOS डिव्हाइसवर तुमची नोटिफिकेशन प्राधान्ये अपडेट करण्यासाठी सेटिंग > नोटिफिकेशन > Game Center वर जा. Mac वर, सिस्टीम सेटिंग > नोटिफिकेशन > Game Center वर जा. Apple आपल्या सेवांमध्ये सुधारणा करण्यासाठी नोटिफिकेशनच्या समावेशासह आमच्यासह तुमच्या संवादाच्या इंटरॅक्शनबद्दलच्या माहितीचा वापर करते.

थर्ड पार्टी डेव्हलपर

जेव्हा तुम्ही Game Center मध्ये साइन इन केलेले असते, तेव्हा तुम्ही खेळत असलेल्या गेमचे डेव्हलपर, तुमचे टोपणनाव, अवतार आणि इतर युनिक Game Center आयडेंटिफायरचा यांच्या समावेशासह तुमच्याबद्दलच्या माहितीची विनंती करू शकतात. डेव्हलपर तुमचे फ्रेंड्स आणि तुम्ही अलीकडे ज्यांच्यासोबत खेळला आहात अशा खेळाडूंसह संबंधित खेळाडूंच्या यादीची देखील विनंती करू शकतो, ज्यामध्ये त्यांच्या टोपणनावांचा आणि अवतारांचा समावेश असेल. तुम्ही ॲपला फ्रेंड्ससह तुम्हाला कनेक्ट करण्याची अनुमती देणे निवडल्यास, ते हाच गेम खेळणाऱ्या तुमच्या फ्रेंड्सची यादी ॲक्सेस करू शकतात. फक्त तेच फ्रेंड तुमचे फ्रेंड म्हणून दिसू शकतील ज्यांनी या ॲपला सुद्धा तुमच्या फ्रेंडबरोबर कनेक्ट करण्यास सहमती दिली आहे. ॲपना तुमच्या फ्रेंडससह कनेक्ट करण्याची अनुमती न देण्याचा निर्णय तुम्ही कोणत्याही क्षणी घेऊ शकता. तुमच्या iOS, iPadOS, किंवा visionOS डिव्हाइसवर असे करण्यासाठी, सेटिंग > Game Center वर जा आणि ‘फ्रेंडलिस्ट शेअर करा’ बंद करण्यासाठी टॅप करा. Mac वर, सिस्टीम सेटिंग > Game Center वर जा, आणि ‘फ्रेंडलिस्ट शेअर करा’ बंद करण्यासाठी क्लिक करा. असे केल्याने ॲप तुम्हाला तुमच्या Game Center फ्रेंडशी कनेक्ट करायचे का नाही हे विचारणार नाहीत आणि आधीपासून अनुमती दिलेल्या ॲपबरोबर तुमची फ्रेंडलिस्ट शेअर करणे थांबवले जाईल. जेव्हाकेव्हा तुम्ही थर्ड पार्टी ॲप वापरता, तेव्हा डेव्हलपर तुमचा डेटा कसा संकलित करतात आणि वापरतात हे समजून घेण्यासाठी तुम्ही त्यांच्या अटी, गोपनीयता धोरणे आणि पद्धती रिव्ह्यू केल्या पाहिजेत.

Game Center मधील मुले

तुमच्या कुटुंबातील जी मुले Game Center वापरतात त्यांच्यासाठी विशिष्ट ॲपवर घालवला जाणारा वेळ मर्यादित करण्यासाठी आणि मल्टीप्लेअर फंक्शनॅलिटी, फ्रेंड जोडण्याची क्षमता आणि तोच गेम खेळत असलेल्या फ्रेंडशी कनेक्ट होण्याच्या क्षमतेसह त्यांच्या डिव्हाइसवर Game Center फीचर ब्लॉक करण्यासाठी तुम्ही स्क्रीन टाइममध्ये कॉण्टेण्ट व गोपनीयता प्रतिबंध वापरू शकता. हे तुमच्या iOS, iPadOS, किंवा visionOS डिव्हाइसवर करण्यासाठी, सेटिंग > स्क्रीन टाइम > कॉण्टेण्ट व गोपनीयता निर्बंध > App Store, मीडिया, वेब व गेम्सवर जा, त्यानंतर Game Center सेक्शनवर स्क्रोल करा. Mac वर, सिस्टीम सेटिंग > स्क्रीन टाइम > कॉण्टेण्ट व गोपनीयता वर जा. tvOS वर, सेटिंग > सामान्य > ‘प्रतिबंध’ वर जा. त्याशिवाय, Game Center मधील इतर खेळाडूंशी संवाद साधताना, मुले यूझरकडून इनपुट केलेला टेक्स्ट पाठवू किंवा प्राप्त करू शकत नाहीत. ते केवळ प्रिसेट केलेले संदेश पाठवू आणि प्राप्त करू शकतात. मुलांसाठी इन गेम व्हॉइस चॅट डिसेबल केले आहे.

वैयक्तिक डेटा प्रोसेस करण्यासाठी लागू होणारे कायदेशीर आधार

आम्ही Game Center मध्ये तुमच्या सहमतीच्या आधारावर आणि आमच्या तर्कसंगत फायदेशीर उद्देशांसाठी गरजेनुसार तुमचा वैयक्तिक डेटा प्रोसेस करतो. जिथे लागू होणारे कायदे निर्देशित करतात, तिथे आम्ही आमच्या कायदेशीर स्वारस्यांच्या उद्देशांसाठी गरजेनुसार वैयक्तिक डेटाच्या खालील श्रेणींवर क्रिया करतो :

• तुमचा Game Center चा वापर, ज्यामध्ये तुम्ही खेळता ते गेम आणि तुमच्या गेम ॲक्टिव्हिटीचा समावेश आहे
• तुमचे टोपण नाव, अवतार, Arcade सदस्यता स्थिती, स्कोअर, इतर ॲक्टिव्हिटी संबंधित माहिती
• तुमचे Game Center फ्रेंड, तुम्ही ज्यांच्यासह खेळता ते प्लेअर, आणि तुमची एकत्र खेळण्याची वेळ

या कायदेशीर स्वारस्यामध्ये पुढील गोष्टींचा समावेश आहे :

• तुमच्यासाठी आणि इतरांसाठी Game Center मध्ये आणि Game Center वापरणाऱ्या Apple सेवांना ऑप्टिमाइझ करणे आणि त्यामध्ये सुधारणा करणे
• तुम्हाला Game Center आणि अशी इतर संबंधित Apple उत्पादने, सेवा आणि ऑफरविषयी कम्युनिकेशन्स पाठवणे ज्यामध्ये तुम्हाला स्वारस्य असू शकते
• फसवणूक आणि इतर नुकसानकारक ॲक्टिव्हिटी टाळणे

रिटेंशन

जोपर्यंत तुम्ही तुमच्या Game Centerअकाउंटशी संलग्न केलेले Apple अकाउंट राखता तोपर्यंत Game Center तुमच्याबद्दल संकलित केलेली माहिती राखून ठेवते.

• फसवणूक आणि इतर नुकसानकारक ॲक्टिव्हिटी टाळणे

  आम्ही Game Center आणि इतर Apple ॲप व सेवांमध्ये फसवणूक आणि इतर नुकसानकारक ॲक्टिव्हिटी टाळण्यासाठी देखील वैयक्तिक डेटा संकलित करतो. ह्या माहितीमध्ये डिव्हाइसचे प्रकार आणि सॉफ्टवेअर व्हर्जन, स्थान माहिती (उपलब्ध असल्यास, तुमच्या इंटरनेट कनेक्शनच्या IP ॲड्रेसच्या भौगोलिक प्रदेशाशी अंदाजे जुळवलेले), डाउनलोड व खरेदी हिस्ट्री, आणि Game Center व इतर ॲप आणि सेवांसह असलेल्या आंतरक्रिया ह्यासारखी माहिती समाविष्ट असते.

  Apple ने संकलित केलेली माहिती नेहमी Apple च्या गोपनीयता धोरणानुसार हाताळली जाईल, जे www.apple.com/in/privacy वर मिळू शकते.

  2026-03-30