जर तुम्ही ‘Apple Pay सुधारा’ पर्याय निवडलात, तर तुम्ही तुमच्या आर्थिक अकाउंटशी जोडलेल्या कार्ड आणि ‘वॉलेट’ मधील Apple ब्रँडेड कार्डमधील खाली लिस्ट केलेले व्यवहार आणि अकाउंट तपशील Apple Pay आणि संबंधित वैशिष्ट्ये विकसित करण्यात आणि सुधारण्यात मदत करण्यासाठी वापरू शकते. उदाहरणार्थ, Apple च्या ग्राहकांसाठी उपयोगी रहावे ह्यासाठी मर्चंटला योग्यरित्या श्रेणीबद्ध केले जात आहे की नाही ह्याचे मूल्यमापन करण्यात मदत करण्यासाठी Apple मर्चंटचे नाव आणि श्रेणी रिव्ह्यू करू शकते.

व्यवहार आणि अकाउंट तपशील तुमच्या डिव्हाइसवरून थेट Apple ला पाठवले जातात. माहितीसह कोणतेही Apple अकाउंट आयडेंटिफायर पाठवले जात नाही. Apple ने हे निश्चित करण्यासाठी सुरक्षिततेच्या अतिरिक्त उपाययोजना देखील लागू केल्या आहेत की व्यवहार आणि अकाउंट तपशील यांचा वापर तुमची ओळख करण्यासाठी केला जाऊ नये. उदाहरणार्थ, ज्यावेळी व्यवहार होतो त्या अचूक वेळेची माहिती Apple त्याच्याकडे ठेवत नाही, जेणेकरून अचूक वेळेचा वापर ओळख करण्यायोग्य वास्तविक व्यवहाराला पुन्हा ट्रॅक करण्यासाठी केला जाऊ नये. आणि, मर्चंट किंवा वित्तीय संस्थांनी जोडलेले इतर कोणतेही आयडेंटिफायर (उदाहरणार्थ, ईमेल, फोन) व्यवहार तपशिलांमधून काढून टाकल्याची खात्री करून घेण्यासाठी टूल्सचा वापर केला जातो’.

पुढील माहिती Apple सह शेअर आणि त्याच्याकडून संग्रहित केली जाते :

• रॅण्डम आयडेंटिफायर
• एनकोड केलेले आयडेंटिफायर (उदाहरणार्थ, एनकोड केलेली व्यवहाराची संख्या)
• व्यवहार प्रकार (उदाहरणार्थ, डेबिट किंवा क्रेडिट, ट्रान्सफर)
• व्यवहाराची रक्कम आणि चलन
• व्यवहार दिनांक
• व्यवहार वर्णन
• व्यवहार आणि/किंवा खात्याचे स्टेटस
• मर्चंटविषयी माहिती (उदाहरणार्थ, नाव, श्रेणी)
• अकाउंट प्रकार आणि स्टेटस
• खाते शिल्लक
• अकाउंट अटी (उदाहरणार्थ, व्याज दर)
• वित्तीय संस्था

Apple ने संकलित केलेली माहिती नेहमी Apple च्या गोपनीयता धोरणानुसार हाताळली जाईल, जे www.apple.com/in/privacy वर मिळू शकते.

2025-12-12