• ‘समस्या कळवा’ नोंदवलेल्या समस्या सोडवण्यात मदत करण्यासाठी माहिती संकलित करते. Apple Beta Software प्रोग्रॅममध्ये उपलब्ध असलेल्या काही ठराविक फीचर्सशी संबंधित रिपोर्टसाठी गोळा केलेली माहिती तुमच्या Apple अकाउंटशी संबंधित रीतीने स्टोअर केली जाते. तुम्ही हे अहवाल सबमिट करण्यापूर्वी, स्क्रीनवर तुमचे Apple अकाउंट दाखवले जाईल. तुमच्या Apple अकाउंटला लिंक नसलेले सर्व इतर अहवाल रॅण्डम एकमेव आयडेंटिफायरशी संलग्न केलेले असतात.
• समस्येचे अधिक प्रभावीपणे निराकरण करण्यात मदत करण्यासाठी तुम्ही तुमच्या अहवालासह अतिरिक्त माहिती सबमिट करू शकता.
• Apple मॉडल प्रशिक्षित करण्यासह, उत्पादने आणि सेवा सुधारण्यासाठी तुम्ही सबमिट केलेली माहिती Apple द्वारे वापरली जाऊ शकते.
• जर तुम्ही ChatGPT संबंधी समस्या कळवली, तर तुम्ही तुमचा अहवाल OpenAI बरोबर शेअर करणे निवडू शकता.
• व्हिज्युअल इंटेलिजन्स वापरून Google वर सर्च करण्याशी संबंधित समस्येबाबत तक्रार केल्यास, तुम्ही तुमची तक्रार Google सोबत शेअर करण्याची अनुमती देणे निवडू शकता.

‘समस्या कळवा’ तुम्हाला आमची उत्पादने आणि सेवांविषयी Apple ला अभिप्राय देण्याची अनुमती देते. तुम्ही अहवाल सबमिट करता तेव्हा, Apple तुम्ही अहवालात प्रदान केलेली माहिती, जसे की प्रश्नांची उत्तरे, वर्णने, छायाचित्रे, व्हिडिओ, संदेश, आणि ईमेल संकलित करते. सबमिट करण्यापूर्वी, तुम्ही अहवालात समाविष्ट करू इच्छित नसलेली कोणतीही माहिती आणि अटॅचमेंट रिव्ह्यू करू शकता आणि काढून टाकू शकता.

Apple तुमच्या डिव्हाइसचे मॉडल, ऑपरेटिंग सिस्टीमचे व्हर्जन आणि भाषा देखील संकलित करते. काही वेळा, तुम्ही ‘Apple Intelligence’ शी संबंधित समस्या रिपोर्ट करत असताना Apple, ‘Apple Intelligence’ मॉडलचे व्हर्जन गोळा करू शकते.

Apple या माहितीचा वापर रिपोर्ट केलेल्या समस्या सोडवण्यात मदत करण्यासाठी आणि फीचर-विशिष्ट मॉडेलसह उत्पादने आणि सेवा विकसित करण्यासाठी, सुधारण्यासाठी आणि प्रशिक्षण देण्यासाठी करते.

थर्ड पार्टीशी संबंधित समस्येची तक्रार करणे

जर तुम्ही ChatGPT एक्स्टेंशन वापरत असाल आणि तुम्हाला समस्या येत असेल, तर ChatGPT उपलब्ध करून देणाऱ्या OpenAI ला तुम्ही तुमच्या समस्येशी संबंधित माहिती स्वतंत्रपणे देऊ शकता. तुम्हाला उद्‌भवलेली समस्या सोडवण्यात मदत करण्यासाठी Apple तुमच्या अहवालातून आणि अहवालाबाबत विशिष्ट माहितीसह OpenAI देऊ शकते, ह्यात तुमची विनंती (आणि तुम्ही विनंतीबरोबर अटॅच केलेले कोणतेही साहित्य), विनंतीवरील उत्तर, तुमच्या डिव्हाइसचा प्रकार आणि सामान्य स्थान ह्यासारखी तुमच्या डिव्हाइसची आणि डिव्हाइस सेटिंगची माहिती आणि उद्‌भवलेल्या समस्येचा प्रकार ह्या सर्व गोष्टींचा समावेश होतो. तुम्ही OpenAI ला स्वतंत्रपणे माहिती पुरवणे निवडल्यानंतरच OpenAI बरोबर Apple अहवाल शेअर करते आणि ही माहिती फक्त मर्यादित कालावधीपर्यंतच राखून ठेवणे OpenAI ला बंधनकारक आहे. फक्त रिपोर्ट केलेल्या समस्येचे आणि संबंधित समस्या समजून घेण्यासाठी आणि त्यांचे निराकरण करण्यासाठी OpenAI ला माहितीचा वापर करण्याची आवश्यकता भासते. तुमचा अभिप्राय OpenAI ला दिल्यानंतर तुमच्या Apple अकाउंटशी जोडला जाणार नाही आणि Apple अहवाल शेअर करण्यापूर्वी तुमचे नाव आणि ईमेल ॲड्रेस काढून टाकेल.

तुम्ही व्हिज्युअल इंटेलिजन्स वापरून Google वर सर्च करण्याचा पर्याय निवडल्यास आणि तुम्हाला समस्या आल्यास, तुम्ही तुमच्या नोंदवलेल्या समस्येशी संबंधित माहिती Google ला स्वतंत्रपणे प्रदान करण्याचा पर्याय निवडू शकता. तुम्ही ओळखलेली समस्या दुरुस्त करण्यासाठी Apple तुमच्या रिपोर्टमधील किंवा त्याबद्दलची काही माहिती Google ला देऊ शकते, ज्यामध्ये तुमची विनंती (आणि तुम्ही इनपुट केलेली कोणतीही इमेज), सर्च परिणाम, तुमच्या ऑपरेटिंग सिस्टिमचा प्रकार आणि भाषा आणि अनुभवलेल्या समस्येचा प्रकार यांचा समावेश असेल. तुम्ही Google ला माहिती देण्याचे स्वतंत्रपणे निवडल्यावरच Apple, Google बरोबर रिपोर्ट शेअर करते. तुम्ही Google बरोबर शेअर केलेली माहिती Google च्या गोपनीयता धोरणांच्या अधीन असते. Google च्या गोपनीयता पद्धतींविषयी अधिक माहितीसाठी, https://policies.google.com/privacy?hl=en-US ला भेट द्या. तुमचा अभिप्राय Google ला दिल्यानंतर तुमच्या Apple अकाउंटशी जोडला जाणार नाही आणि रिपोर्ट शेअर करण्यापूर्वी Apple तुमचे नाव आणि ईमेल ॲड्रेस काढून टाकेल.

वैयक्तिक डेटा प्रोसेस करण्यासाठी लागू होणारे कायदेशीर आधार

आम्ही सेवा देण्यासाठी आवश्यक म्हणून आणि आमच्या कायदेशीर आवश्यकतांची पूर्तता करण्यासाठी ‘समस्या कळवा’ साठीच्या तुमच्या वैयक्तिक डेटावर, प्रक्रिया करतो. जिथे संमती उचित कायदेशीर आधार असतो, तिथे आम्ही त्याला लागू होणाऱ्या स्थानिक कायद्यानुसार प्राप्त करण्याचा प्रयत्न करतो. स्थानिक कायद्यानुसार, आम्ही आमच्या कायदेशीर हितसंबंधांसाठी तुम्ही अहवालात दिलेली माहिती, म्हणजेच प्रश्नांची उत्तरे, वर्णने, छायाचित्रे, व्हिडिओ, संदेश आणि ईमेल तसेच तुमच्या डिव्हाइसचे मॉडल, ऑपरेटिंग सिस्टमचे व्हर्जन, भाषा आणि Apple Intelligence मॉडलचे संबंधित व्हर्जन (असल्यास) ह्यावर प्रक्रिया करतो. ह्यामुळे, आम्हाला कायदेशीर दाव्यांचे रक्षण करता येते, ते अंमलात आणून त्यांचा वापर करता येतो.

रिटेन्शन

Apple ने गोळा केलेल्या डेटावर विश्वसनीय भागीदार प्रक्रिया करू शकतात आणि तो संग्रहित केला जाऊ शकतो. तुम्ही रिपोर्ट केलेली माहिती तुमच्याशी संबंधित असलेल्या स्थितीत एका वर्षापर्यंत किंवा कायद्यात नमूद केलेल्या आवश्यकतेनुसार स्टोअर केली जाऊ शकते.

Apple द्वारे गोळा केलेली माहिती नेहमी Apple च्या गोपनीयता धोरणानुसार हाताळली जाईल, जे www.apple.com/in/privacy येथे मिळू शकते.

2025-12-12