सर्च रिझल्ट अधिक सुसंबद्ध करण्यासाठी, काही माहिती Apple ला पाठवली जाते आणि तुमच्याशी संबंधित केली जात नाही

जेव्हा तुम्ही ‘तपासा’ किंवा ‘व्हिज्युअल तपासा’ वापरता, जेव्हा तुम्ही सर्च, Safari सर्चमध्ये टाइप करता, ’संदेश’ मध्ये #इमेज सर्च करता, किंवा तुमच्या Spotlight चा वापर करता, तेव्हा अद्ययावत सूचना प्रदान करण्यासाठी Apple कडे मर्यादित माहिती पाठवली जाईल. Apple ला पाठवलेल्या कोणत्याही माहितीने तुमची ओळख होऊ शकत नाही, आणि ती 15 मिनिटांच्या रॅण्डम, रोटेट होणाऱ्या डिव्हाइसने जनरेट केलेल्या आयडेंटिफायरशी संबंधित असते. ह्या माहितीमध्ये, आवडीचे विषय (उदाहरणार्थ, पाककला किंवा बास्केटबॉल),व्हिज्युअल सर्च क्वेरींसह तुमच्या सर्च क्वेरी, तुमच्या सर्च क्वेरींशी संबंधित संदर्भ माहिती, तुम्ही सिलेक्ट केलेल्या सूचना, तुम्ही वापरत असलेले ॲप्स, आणि संबंधित डिव्हाइस वापर डेटा समाविष्ट असू शकतो. ह्या माहितीमध्ये तुमच्या डिव्हाइसवर फाइल किंवा कॉण्टेण्ट दिसतील असे सर्च रिझल्ट समाविष्ट केले जात नाही. तुम्ही संगीत किंवा व्हिडिओ सदस्यता सेवांची सदस्यता घेतल्यास, ह्या सेवांची नावे आणि सदस्यतेचा प्रकार Apple ला पाठवला जाऊ शकतो. तुमच्या अकाउंटचे नाव, क्रमांक, आणि पासवर्ड Apple ला पाठविले जाणार नाही.

सामान्य ज्ञानाविषयी शोधण्यासाठी किंवा दिशानिर्देश मिळवण्यासाठी Siri ला सांगणे ह्यासारख्या गोष्टी तुम्ही Siri चा वापर करून देखील सर्च करू शकता. जेव्हा तुम्ही Siri वापरता, तुमच्या विनंतीवर प्रक्रिया करण्यासाठी तुमच्या विनंतीचे प्रतिलेखन आणि इतर डेटा Apple ला पाठवला जाऊ शकतो आणि संग्रहित केला जाऊ शकतो. तुम्ही सेटिंग > Siri वर जाऊन, Siri तुमचा डेटा कशा पद्धतीने हाताळतो ह्याविषयी अधिक जाणून घेऊ शकता.

तुमच्या सर्चशी संबंधित Apple ला पाठवलेल्या माहितीचा वापर तुमच्या विनंतीवर प्रक्रिया करण्यासाठी आणि सर्च परिणाम विकसित करण्यासाठी आणि सुधारण्यासाठी केला जातो, जसे की ‘सर्च’ मॉडेल अधिक चांगले करण्यासाठी तुमच्या सर्च क्वेरीचा वापर करणे. हे तुमच्या Apple अकाउंट किंवा ईमेल ॲड्रेसवर लिंक केलेले नसते.

एकत्रित केलेली माहिती इतर Apple उत्पादने आणि सेवा सुधारण्यासाठी वापरली जाऊ शकते. Apple ‘सर्च’ च्या कामगिरी आणि गुणवत्तेचे मूल्यमापन आणि सुधारणा करण्याच्या उद्देशाने सर्च टूल्सना सर्च क्वेरीचा मर्यादित, रॅण्डम पद्धतीने सॅम्पल केलेला सेट देखील पाठवू शकते.

Safari मध्ये सर्च इंजिन सूचना

Safari मध्ये सर्च आणि वेब ॲड्रेससाठी एकच फील्ड असते जेणेकरून तुम्ही एका सोयीस्कर जागेवरून वेब ब्राउझ करू शकता. जेव्हा ‘सर्च इंजिन सूचना’ एनेबल केल्या जातात, तुम्ही जे टाइप केले आहे त्यावर आधारित सुचनांसाठी Safari तुम्ही सिलेक्ट केलेले सर्च इंजिन विचारेल.

Safari मध्ये टॉप हिट प्रिलोड करा

‘टॉप हिट प्रिलोड करा’ एनेबल केलेले असताना, तुमची बुकमार्क आणि ब्राउझिंग हिस्ट्रीवर आधारित Safari ने ‘टॉप हिट’ ठरवताच, Safari बॅकग्राउंडमध्ये वेबपृष्ठ लोड करणे सुरू करेल. तुम्ही हा पर्याय डिसेबल केल्यास, हे पृष्ठ सामान्यपणे लोड होईल.

तुमच्याकडे निवड आणि नियंत्रण आहे

तुम्हाला तुमच्या सर्च क्वेरी Apple द्वारे संग्रहित केल्या जाऊ नयेत आणि ‘सर्च’ सुधारण्यासाठी वापरल्या जाऊ नयेत असे वाटत असल्यास, तुम्ही सेटिंग > ‘सर्च’ वर जाऊन आणि ‘सर्च सुधारण्यात Apple ला मदत करा’ बंद करण्यासाठी टॅप करून ‘सर्च सुधारा’ डिसेबल करू शकता. तुम्ही ‘Siri व श्रुतलेखन’ एनेबल केलेले असल्यास, तुम्ही Siri च्या माध्यमातून केलेले सर्च तरीही संग्रहित केले जातील आणि Siri सुधारण्यासाठी त्याचा वापर केला जाईल. तुम्ही सेटिंग > गोपनीयता व सुरक्षा > ‘ॲनालिटिक्स व सुधारणा’ वर जाऊन, आणि ‘Siri व श्रुतलेखन सुधारा’ बंद करण्यासाठी टॅप करुन ‘Siri व श्रुतलेखन सुधारा’ डिसेबल करू शकता.

तुम्हाला वेबवर आधारित कॉण्टेण्ट आणि सर्च परिणाम नको असल्यास, तुम्ही सेटिंग > ‘सर्च’ वर जाऊन आणि ते फीचर बंद करण्यासाठी टॅप करून ‘अलीकडील सर्च दाखवा’ आणि ‘संबंधित कॉण्टेण्ट दाखवा’ डिसेबल करू शकता.

तुम्ही सेटिंग > गोपनीयता व सुरक्षा > स्थान सेवा > ‘सिस्टीम सेवा’ वर जाऊन आणि ‘सूचना व सर्च’ बंद करण्यासाठी टॅप करून ‘सर्च’ साठी स्थान सेवा डिसेबल करू शकता. जर तुम्ही तुमच्या डिव्हाइसवर स्थान सेवा बंद केल्या तर, तुमचे स्थान Apple ला पाठवले जाणार नाही.

Apple कडे पाठवली जाणारी माहिती Apple थर्ड पार्टीच्या विश्वासू सेवा प्रदात्याबरोबर प्रोसेस किंवा संग्रहित करू शकते.

सर्च वापरून, तुम्ही हे स्वीकार करता आणि संमती देता की Apple आणि तिच्या उपकंपन्यांच्या व एजंट ह्या माहितीचे प्रक्षेपण करणे, गोळा करणे, त्याची देखभाल करणे, प्रक्रिया करणे, आणि ह्या माहितीच्या वापर करू शकतात. Apple ने संकलित केलेली माहिती नेहमी Apple च्या गोपनीयता धोरणानुसार हाताळली जाईल, जे www.apple.com/in/privacy वर मिळू शकते.

2026-03-30