• जेव्हा तुम्ही पास समाविष्ट करता, तेव्हा तो तुमच्या Apple अकाउंटशी संबंधित केला जातो आणि पासची काही माहिती तुमचा पास डिस्प्ले आणि मॅनेज करण्यास मदत करण्यासाठी कदाचित Apple सह शेअर केली जाऊ शकते.
• तुमचे डिव्हाइस सेटअप आणि मॅनेजमेंट करण्यासाठी पास प्रदात्यासह एकमेव डिव्हाइस आयडेंटिफायर शेअर करू शकते.
• येथे वर्णन केल्याप्रमाणे Apple तुमच्या पासची माहिती वापरेल. तुमचा पास प्रदाता त्यांच्या गोपनीयता धोरणामध्ये वर्णन केल्याप्रमाणे तुमच्या पासची माहिती वापरू शकतो.
• तुमच्या क्रेडिट, डेबिट कार्ड, प्रीपेड, आणि ट्रांझिट कार्डसारख्या संपर्काशिवाय केल्या जाणाऱ्या पेमेंट पासची माहिती, Apple Pay व गोपनीयतामध्ये www.apple.com/in/legal/privacy/data/en/apple-pay येथे वर्णन केलेली असते.

वॉलेट तुम्हाला डिजिटल तिकीटे, बोर्डिंग पास, की आणि बरेच काही एकाच जागी सुरक्षितरित्या स्टोअर करण्याची अनुमती देते.

वॉलेट मध्ये पास समाविष्ट आणि मॅनेज केले जात आहेत

तुम्ही तुमच्या पास प्रोव्हायडरने दिलेल्या ‘Apple वॉलेटमध्ये समाविष्ट करा’ लिंकवर टॅप करून किंवा ‘वॉलेट’ च्या तळाशी ‘पास संपादित करा’ वर टॅप करून, ‘कोड स्कॅन करा’ सिलेक्ट करून आणि तुमच्या पाससाठी QR कोड स्कॅन करून तुम्ही ‘वॉलेट’ मध्ये पास समाविष्ट करू शकता. तुम्ही काही थर्ड पार्टी ॲपद्वारे वॉलेट मध्ये देखील थेट पास जोडू शकता. तुम्ही वॉलेट मध्ये पास जोडल्यावर, तुमचे डिव्हाइस वॉलेट मध्ये डिस्प्ले करण्यासाठी आवश्यक माहिती Apple ला पाठवते, ज्यामध्ये तिकिटाचा नंबर आणि नाव यासारख्या पासवर सहज दिसणाऱ्या माहितीचा समावेश असतो. पास आणि पासची माहिती Apple तुमच्या Apple अकाउंटशी संबद्ध करते, जोपर्यंत पास ‘वॉलेट’ मध्ये राहतो तोपर्यंत माहिती संग्रहित करते, आणि पास डिस्प्ले आणि मॅनेज करण्यासाठी माहितीचा वापर करते. पास प्रदात्यांना बिल करण्यासाठी वैयक्तिकरित्या तुमची ओळख न पटवणाऱ्या पासची माहिती कदाचित Apple एकत्र करू शकते.

वॉलेट मध्ये पास जोडल्यास, तुमचे डिव्हाइस देखील विशिष्ट आयडेंटिफायर तयार करू शकते आणि पास प्रदात्यासह शेअर करू शकते. पास प्रोव्हायडर पास सेट अप करण्यात आणि शोची सुरू होण्याची वेळ किंवा बोर्डिंग गेट ह्यासारखी पाससंबंधी माहिती अपडेट करण्याच्या पास व्यवस्थापनात मदत करण्यासाठी हा एकमेव डिव्हाइस आयडेंटिफायर वापरू शकतो. एकमेव डिव्हाइस आयडेंटिफायर तुमची किंवा तुमच्या डिव्हाइसची कोणतीही माहिती प्रतिबिंबित करत नाही आणि प्रत्येक पास प्रोव्हायडरसाठी हा आयडेंटिफायर भिन्न असतो. काही पासच्या मागील बाजूला असलेले ‘ऑटोमॅटिक अपडेट’ एनेबल किंवा डिसेबल करून पास मॅनेज करण्याच्या पास प्रोव्हायडरच्या क्षमतेवर नियंत्रण ठेवण्याची काही विशिष्ट पास तुम्हाला अनुमती देतात.

पास काढून टाकण्यासाठी, पासच्या मागे ‘पास काढून टाका’ वर टॅप करा किंवा तुमच्या वॉलेट च्या खाली ‘पास संपादित करा’ वर टॅप करा. जेव्हा तुम्ही संपर्करहित पेमेंटसाठी वापरला जाणारा पास काढता, तेव्हा तुमचे डिव्हाइस पास हटवेल आणि Apple ने सर्व संबंधित पास माहिती हटवावी, यासाठी कारणीभूत ठरेल. तुमचा पास प्रोव्हायडर कदाचित अद्यापही पासची माहिती आणि एकमेव डिव्हाइस आयडेंटिफायर राखून ठेवू शकतो.

पास शेअर करणे

‘वॉलेट’ तुम्हाला AirDrop, iMessage, Mail किंवा तृतीय पक्ष मेल, संदेश किंवा इतर संभाषण ॲपद्वारे पास शेअर करण्याची अनुमती देते. जर तुम्ही पास शेअर करण्यासाठी थर्ड पार्टी ॲप वापरत असाल, तर त्यांच्या गोपनीयता धोरणानुसार शेअरिंग अंमलात आणले जाईल. प्राप्तकर्त्याने पास स्वीकारल्यास, त्यांना पासची कॉपी आणि पासवर डिस्प्ले केलेली सर्व माहिती प्राप्त होईल. जेव्हा कौटुंबिक शेअरिंग एनेबल केले जाते, तेव्हा कुटुंब आयोजक किंवा पालक किंवा कायदेशीर पालकांनी अपत्याच्या अकाउंटसह शेअर केलेले पासेस ऑटोमॅटिकली स्वीकारले जाऊ शकतात.

जर तुम्ही पास प्रोव्हायडरतर्फे मॅनेज केलेला पास शेअर केला, तर पास शेअर केला गेल्याचे तुमचे डिव्हाइस पास प्रोव्हायडरला कळवू शकते. उदाहरणार्थ, जर एक पास चार पाहुण्यांसाठी वैध असेल, तर तुमचे डिव्हाइस पास प्रोव्हायरला पास किती वेळा शेअर केला गेला आहे, हे कळवू शकते. असे झाल्याने, पास प्रोव्हायडरला पास मर्यादा लागू करता येते. Apple पास व्यवस्थापित करण्यास मदत करत असल्यास, पास कोणासोबत शेअर केला गेला आहे, हेदेखील तुमचे डिव्हाइस Apple ला सांगेल. Apple कडून ह्या माहितीचा वापर केवळ पास मॅनेज करण्यासाठी केला जाईल आणि ते ह्या माहितीला संग्रहित करून ठेवणार नाहीत.

ट्रांझिट कार्ड समाविष्ट करणे आणि मॅनेज करणे

‘वॉलेट’ मध्ये ट्रांझिट कार्ड समाविष्ट केल्याने, ट्रांझिट कार्डची माहिती तुमच्या Apple अकाउंटबरोबर जोडली जाईल. जोपर्यंत तुमच्या ट्रांझिट कार्डमध्ये पॉझिटिव्ह शिल्लक आहे, तोपर्यंत ते कार्ड तुमच्या Apple अकाउंटशी जोडलेले राहील, जेणेकरून तुम्ही शिल्लक रिकव्हर करू शकाल. जर तुम्ही ‘वॉलेट’ मध्ये एकापेक्षा जास्त ट्रांझिट कार्ड समाविष्ट केली, तर Apple किंवा त्याचे भागीदार कार्डमधील वैयक्तिक आणि अकाउंटविषयीची माहिती लिंक करू शकतात, उदाहरणार्थ वैयक्तिकृत प्रवास कार्ड वैयक्तिकृत नसलेल्या प्रवास कार्डांशी लिंक केली जाऊ शकतात. जपानमध्ये, ‘वॉलेट’ मध्ये ट्रांझिट कार्ड सेट अप करण्याबद्दलची एकत्रित, वैयक्तिकरीत्या ओळखता न येणारी अशी माहिती वेळोवेळी मोबाइल डिव्हाइसच्या नेटवर्क प्रोव्हायडरबरोबर शेअर केली जाऊ शकते.

तुम्ही ट्रांझिट कार्ड वापरता तेव्हा, अलीकडेच भेट दिलेली स्थानके, व्यवहार हिस्ट्री आणि अतिरिक्त तिकिटे ह्यासारखी माहिती संपर्करहित कार्ड रीडरद्वारे ॲक्सेस केली जाऊ शकते. कार्ड जर तुमचे एक्स्प्रेस ट्रांझिट कार्ड म्हणून सेट केले असेल, (असे सेटिंग जे तुम्हाला Touch ID, Face ID किंवा पासकोडशिवाय व्यवहार पूर्ण करण्याची अनुमती देते), तर ही माहिती जवळपासच्या कोणत्याही संपर्करहित कार्डरीडरद्वारे ॲक्सेस केली जाऊ शकते. तुम्ही तुमच्या iOS डिव्हाइसवर, सेटिंग > ‘वॉलेट व Apple Pay’ वर जाऊन किंवा Apple Watch ॲपमध्ये ‘वॉलेट व Apple Pay’ > ‘एक्स्प्रेस ट्रांझिट कार्ड’ वर टॅप करून आणि पेमेंट कार्डवर टॅप करून एक्स्प्रेस ट्रांझिट मॅनेज करू शकता.

रिवॉर्ड आणि गिफ्ट कार्ड समाविष्ट करणे आणि मॅनेज करणे

निवडक स्टोअरमध्ये संपर्करहित रिवॉर्ड आणि गिफ्ट कार्ड व्यवहार करण्यासाठी तुम्ही ‘वॉलेट’ मध्ये स्टोअर केलेले पात्र रिवॉर्ड आणि गिफ्ट कार्ड वापरू शकता. जर तुम्ही ‘वॉलेट’ मध्ये रिवॉर्ड किंवा गिफ्ट कार्ड समाविष्ट केले, तर तुमच्या अकाउंट किंवा कार्डबद्दलची माहिती (आयडेंटिफायरसह) तुमच्या डिव्हाइसवर स्टोअर केली जाईल आणि iCloud च्या माध्यमातून सिंक केली जाईल. तुम्ही सेटिंग > [तुमचे नाव] > iCloud > iCloud वापरणारे ॲप > ‘सर्व दाखवा’ मध्ये जाऊन, आणि वॉलेट बंद करण्यासाठी टॅप करून iCloud सिंकिंग डिसेबल करू शकता.

Apple Gift Card रिडीम केल्यानंतर किंवा तुमच्या Apple अकाउंटमधील शिल्लक रकमेत मूल्य समाविष्ट केल्यानंतर, तुमचे Apple अकाउंट कार्ड ‘वॉलेट’ मध्ये समाविष्ट केले जाईल जेणेकरून तुम्ही तुमचे नवीनतम व्यवहार सहजपणे बघू शकाल आणि Apple Store मध्ये तुमची Apple अकाउंट शिल्लक वापरू शकाल.

जेव्हा तुम्ही स्टोअरमध्ये तुमचे रिवॉर्ड किंवा गिफ्ट कार्ड वापरता, तेव्हा व्यवहाराचा भाग म्हणून, पेमेंट टर्मिनल तुमच्या डिव्हाइसवरील संबंधित रिवॉर्ड किंवा गिफ्ट कार्डमधून रिवॉर्ड किंवा गिफ्ट कार्ड आयडेंटिफायरची विनंती करू शकते. तुम्ही ‘वॉलेट’ मध्ये कार्ड सिलेक्ट करून आणि कार्ड तपशीलांमध्ये ‘ऑटोमॅटिक सिलेक्शन’ डिसेबल करून ही कार्यक्षमता डिसेबल करू शकता. निवडक स्टोअरमध्ये, जर पेमेंट टर्मिनलला तुमच्या डिव्हाइसवरून रिवॉर्ड कार्ड आयडेंटिफायर मिळाला नाही, तर ते तुम्हाला तुमचे रिवॉर्ड कार्ड ‘वॉलेट’ मध्ये समाविष्ट करायचे आहे का किंवा तुम्ही सदस्य नसल्यास मर्चंटच्या रिवॉर्ड प्रोग्रॅमसाठी साइन अप करायचे आहे का, असे विचारणारे नोटिफिकेशन दाखवू शकते. रिवॉर्ड साइन अपच्या बाबतीत, मर्चंट तुम्हाला तुमचे नाव, पिन कोड, ईमेल ॲड्रेस आणि फोन नंबर ह्यासारखी माहिती देण्याची विनंती करू शकतो. तुम्ही व्यापाऱ्याचे रिवॉर्ड कार्ड वैयक्तिकृत केल्यावर Apple ला सूचना प्राप्त होईल, परंतु तुम्ही शेअर केलेली माहिती तुमच्या डिव्हाइसवरून थेट व्यापाऱ्याला पाठवली जाईल आणि व्यापाऱ्याच्या गोपनीयता धोरणानुसार ती हाताळली जाईल.

विद्यार्थी ID कार्ड समाविष्ट करणे आणि मॅनेज करणे

जर तुम्ही ‘वॉलेट’ मध्ये सपोर्ट असलेले विद्यार्थी ID कार्ड समाविष्ट करण्याचे निवडले, तर तुमच्या विद्यार्थी ID कार्डबद्दल आणि काही डिव्हाइस सेटिंग एनेबल आहेत की नाही, याबद्दलची माहिती Apple ला दिली जाऊ शकते. तुमचे ID कार्ड एनेबल करण्यासाठी, पात्रता निश्चित करण्यासाठी, तुमचे कार्ड सेट करण्यासाठी आणि फसवणूक रोखण्यासाठी, तुमच्या शाळेला आणि तुमच्या शाळेने अधिकृत केलेल्या प्रोव्हायडरना Apple द्वारे पुढील माहितीही दिली जाऊ शकते :

• तुमचा विद्यार्थी ID कार्ड नंबर
• तुमच्या Apple अकाउंटशी संबंधित नाव आणि बिलिंग पत्ता
• तुमच्या डिव्हाइसबद्दल आणि जर तुम्ही Apple Watch वापरत असाल तर पेअर केलेल्या iOS डिव्हाइसबद्दलची माहिती (उदाहरणार्थ, तुमच्या डिव्हाइसचे डिव्हाइस आयडेंटिफायर आणि मॉडल)

Apple तुमच्या विद्यार्थी ID चे छायाचित्रे मिळवते आणि ते तुमच्या Apple अकाउंटमध्ये स्टोअर करते. जेव्हा तुम्ही विद्यार्थी ID वापरता, तेव्हा जर कार्ड एक्स्प्रेस मोडमध्ये ऑपरेट करण्यासाठी सेट केले असेल (असे सेटिंग जे तुम्हाला Touch ID, Face ID किंवा पासकोडशिवाय व्यवहार पूर्ण करण्यास अनुमती देते), तर संपर्करहित कार्डरीडर तुमचा ID नंबर ॲक्सेस करू शकतात. तुम्ही तुमच्या iPhone वर सेटिंग > ‘वॉलेट व Apple Pay’ मध्ये किंवा Apple Watch ॲपमध्ये ‘वॉलेट व Apple Pay’ वर टॅप करून एक्स्प्रेस मोड मॅनेज करू शकता.

कार की समाविष्ट करणे आणि मॅनेज करणे

वॉलेट तुम्हाला विशिष्ट वाहनांसाठी कार की जोडण्याची आणि शेअर करण्याची अनुमती देते. तुम्ही वॉलेटमध्ये कार की समाविष्ट करू शकता आणि पेअरिंग कोड प्रविष्ट करून ते तुमचे वाहन असल्याचे क्लेम करून तुमचे डिव्हाइस तुमच्या वाहनाशी पेअर करू शकता. हे जर यशस्वी झाले तर, तुमचे डिव्हाइस नोंदणीची सत्यता पडताळण्यासाठी पुष्टी करणारी माहिती Apple ला पाठवते, ही माहिती Apple वाहन उत्पादकाला देते; माहिती Apple पाहू शकत नाही, तर फक्त वाहन उत्पादकच पाहू शकतो.

तुमची कार की सेट करण्यासाठी, Apple तुमच्या वाहन उत्पादकासोबत एक आयडेंटिफायर शेअर करते. हा डिव्हाइस आयडेंटिफायर प्रत्येक वाहन उत्पादकासाठी वेगळा असतो आणि सेटिंग > सामान्य > रीसेट करा > ‘सर्व कॉण्टेण्ट आणि सेटिंग इरेझ करा’ ह्यावर जाऊन तो रीसेट केला जाऊ शकतो. तुमचा वाहन उत्पादक हा डिव्हाइस आयडेंटिफायर तुमच्याबद्दल असलेल्या इतर माहितीशी जोडू शकतो आणि तुमच्याबद्दल असलेल्या माहितीवर त्यांच्या गोपनीयता धोरणानुसार प्रक्रिया करेल.

तुमच्या कार की पासच्या मागील बाजूस असलेल्या ‘आमंत्रित करा’ वर टॅप करून, तुम्हाला द्यायचा असलेला ॲक्सेस प्रकार निवडून तसेच, iMessage वापरून कार की पास शेअर करून तुम्ही कार की शेअर करू शकता. कार की पास सेट करण्यासाठी आणि मॅनेज करण्यासाठी, Apple वाहन उत्पादकाला पास कोणासोबत शेअर केला आहे आणि कोणत्या लेव्हलवर ॲक्सेस देण्यात आला आहे, याची माहिती पाठवते; Apple ही माहिती बघत नाही. तुमचा पास मॅनेज करण्यासाठी Apple वाहन उत्पादकाकडे पास प्राप्तकर्त्यासाठी एक आयडेंटिफायरही शेअर करते. पास प्राप्तकर्त्यांसाठी, मालकांप्रमाणेच, वाहन उत्पादक डिव्हाइस आयडेंटिफायरला प्राप्तकर्त्याबद्दल असलेल्या इतर माहितीशी जोडू शकतो आणि त्यांच्या गोपनीयता धोरणानुसार अशा माहितीवर प्रक्रिया करू शकतो.

तुम्ही वाहन लॉक किंवा अनलॉक करण्यासाठी तुमचा कार की पास कधी वापरता ह्यासारखी वाहनाच्या वापराविषयीची माहिती Apple गोळा करत नाही किंवा स्टोअर करत नाही. तुमचा वाहन उत्पादक तुमच्याशी झालेल्या करारानुसार वाहनाच्या वापराविषयीची माहिती गोळा करू शकतो. अधिक माहितीसाठी आम्ही तुम्हाला तुमच्या वाहन उत्पादकाचे गोपनीयता धोरण रिव्ह्यू करण्यास प्रोत्साहित करतो.

होम की समाविष्ट करणे आणि मॅनेज करणे

जेव्हा तुमच्या घरात HomeKit एनेबल्ड लॉक जोडले जाते, म्हणजेच होम ॲपसह लॉक जोडले जाते, तेव्हा होम की आपोआप ‘वॉलेट’ मध्ये समाविष्ट केली जाते. प्रत्येक घरात एकच होम की असते; जर तुमच्या घरात अनेक लॉक असतील, तर तुम्ही होम ॲप किंवा HomeKit एनेबल्ड लॉक्स मॅनेज करण्यासाठी वापरत असलेल्या इतर कोणत्याही ॲपमध्ये लॉक पाहू आणि मॅनेज करू शकता. जेव्हा तुम्ही घरातील सदस्य नसाल किंवा घरातून सर्व HomeKit एनेबल्ड लॉक्स काढून टाकली जातील, तेव्हा तुमची होम की ‘वॉलेट’ मधून आपोआप हटवली जाईल.

आरोग्य ॲपमधून लसीकरण कार्ड समाविष्ट आणि मॅनेज करणे

तुमचे लसीकरण कार्ड त्वरित ॲक्सेस करण्यासाठी, जेव्हा तुम्ही आरोग्य ॲपमध्ये तुमचा लसीकरण रेकॉर्ड जोडण्यासाठी QR कोड किंवा डाउनलोड लिंक वापरता, तेव्हा तुमचे लसीकरण कार्डदेखील ‘वॉलेट’ मध्ये जोडले जाईल. जेव्हा ‘वॉलेट’ मध्ये लसीकरण कार्ड जोडले जाते, तेव्हा तुमच्या लसीकरणाविषयीच्या रेकॉर्डची एक प्रत ‘वॉलेट’ द्वारे तुम्ही ज्या डिव्हाइसवर लसीकरण कार्ड जोडले आहे, त्यावर स्टोअर केली जाते. तुमच्या लसीकरण नोंदीमध्ये तुमचे नाव, जन्मतारीख, लसीचा प्रकार आणि लसीकरण तारीख(तारखा) यासारखी माहिती असते. तुमचे डिव्हाइस ह्या माहितीचा वापर तुमचे लसीकरण कार्ड डिस्प्ले करण्यासाठी करते. ‘वॉलेट’ मध्ये संग्रहित केलेले लसीकरण कार्ड तुमच्या सर्व डिव्हाइसवर सिंक केलेले नाही आणि iCloud वर बॅकअप केले जाणार नाही. तुमच्या लसीकरण कार्डवरील माहिती किंवा तुमच्या लसीकरण कार्डच्या वापराबद्दलची माहिती Apple पाहू शकत नाही.

तुमच्या लसीकरण कार्डचे संपूर्ण तपशील तुम्ही Face ID, Touch ID किंवा पासकोडने ऑथेंटिकेट करत नाही तोपर्यंत ‘लॉक स्क्रीन’ वर दिसणार नाहीत. तुमच्या लसीकरण कार्डचे तपशील सादर करण्यासाठी, तुम्ही प्रथम ते अधिकृत करणे आवश्यक आहे. एकदा ऑथेंटिकेट झाल्यानंतर, तुमच्या डिव्हाइसच्या स्क्रीनवर डिस्प्ले झाल्यावर तुमच्या डिव्हाइसचा ॲक्सेस असलेले कोणीही तुमचे लसीकरण कार्ड पाहू शकतात, त्यामुळे तुमचे डिव्हाइस संरक्षित करण्यासाठी तुम्ही खबरदारी घेतली पाहिजे.

तुम्ही तुमचे लसीकरण कार्ड वॉलेट मधून कोणत्याही क्षणी काढून टाकू शकता. तुमचे लसीकरण कार्ड वॉलेटमधून काढून टाकल्याने आरोग्य ॲपमध्ये संग्रहित केलेली तुमच्या लसीकरण नोंदीची प्रत हटवली जात नाही. आरोग्य ॲपमधून तुम्ही तुमची लसीकरण नोंद कोणत्याही क्षणी हटवू शकता. तुम्ही आरोग्य ॲपमधून तुमचे लसीकरण कार्ड हटवल्यास, संबंधित लसीकरण कार्ड वॉलेट मधून देखील हटवले जाईल.

कार्ड ऑटोफिल करा

तुमच्या सोयीसाठी, तुमचे जतन केलेले ‘ऑटोफिल’ कार्ड्स आता सेटिंग > ‘वॉलेट व Apple Pay’ वर जाऊन मॅनेज केले जाऊ शकते. ‘ऑटोफिल’ कार्ड्स तुमच्या iCloud कीचेन मध्ये स्टोअर केली जातात आणि Apple Wallet मध्ये स्टोअर केली जात नाहीत. तुम्ही सेटिंग > ‘वॉलेट व Apple Pay’ वर जाऊन आणि ’Apple Pay सह ते कार्ड्स वापरा’ सुरू करून Apple Pay सह ‘ऑटोफिल’ कार्ड्स वापरणे निवडू शकता. Apple Pay ची पात्रता ठरवण्यासाठी, एनेबल केल्यानंतर, तुमचे डिव्हाइस तुमच्या कार्डच्या पेमेंट नेटवर्क्ससह तुमच्या ‘iCloud कीचेन’ मधून ऑटोफिल कार्ड नंबर्स शेअर करते. अधिक सुरक्षित व्यवहार एनेबल करण्यात मदत करण्यासाठी, पात्र असल्यास तुम्ही तुमचे जतन केलेले ‘ऑटोफिल’ कार्ड्स Apple Pay मध्ये समाविष्ट करणे चालू ठेऊ शकता.

तुमच्याशी संवाद साधणे

तुमच्यामध्ये कदाचित स्वारस्य असणाऱ्या Apple Wallet आणि इतर Apple उत्पादने, सेवा आणि ऑफर्सबद्दल तुम्हाला संभाषण पाठवण्यासाठी, Apple कदाचित तुमच्या अकाउंटबद्दलची माहिती वापरू शकते ज्यामध्ये तुम्ही ‘वॉलेट’ मध्ये आणि तुमच्या iCloud कुटुंब स्टेटसमध्ये समाविष्ट केलेले पासेस असू शकतात. संबंधित संवाद ओळखण्यासाठी, तुमचे डिव्हाइस Apple Wallet मधील तुमची ॲक्टिव्हिटी आणि तुमची अंदाजे स्थानाची (जेथे स्थान सेवा एनेबल आहेत) माहिती देखील वापरू शकते. उदाहरणार्थ, Apple Wallet ट्रांझिट पास आता तुमच्या मेट्रोपॉलिटन प्रदेशात उपलब्ध आहे हे तुमचे डिव्हाइस शेअर करू शकते. तुमची Apple Wallet ॲक्टिव्हिटी किंवा अंदाजित स्थान माहिती तुमच्या डिव्हाइसला माहिती असतात आणि Apple ला नाही. तुम्ही सेटिंग > ‘वॉलेट व Apple Pay’ वर जाऊन तुमची संवाद प्राधान्ये बदलू शकता.

वैयक्तिक डेटा प्रोसेस करण्यासाठी लागू होणारे कायदेशीर आधार

सेवा प्रदान करण्यासाठी आणि आमच्या कायदेशीर जबाबदाऱ्यांचे पालन करण्यासाठी, आवश्यकतेनुसार, सामान्यतः Apple बरोबरच्या तुमच्या कराराच्या कार्यक्षमतेसाठी आम्ही वॉलेट च्या तुमच्या वैयक्तिक डेटावर प्रक्रिया करतो. जिथे संमती उचित कायदेशीर आधार असतो, तिथे आम्ही त्याला लागू होणाऱ्या स्थानिक कायद्यानुसार प्राप्त करण्याचा प्रयत्न करतो.

जिथे लागू होणारे कायदे निर्देशित करतात, तिथे आम्ही आमच्या किंवा थर्ड पार्टीच्या कायदेशीर स्वारस्यांच्या उद्देशांसाठी गरजेनुसार वैयक्तिक डेटाच्या पुढील श्रेणी प्रोसेस करतो, ज्यामध्ये पुढील माहितीचा समावेश असतो :

• तुमचे अकाउंट सक्रिय आहे की नाही यासारखे तुमचे अकाउंट
• डिव्हाइसचा प्रकार, सॉफ्टवेअर व्हर्जन, आणि डिव्हाइसचा सीरिअल नंबर ह्यासारखे तुमचे डिव्हाइस
• पासवर डिस्प्ले केलेल्या माहितीसारखा तुमचा पास
• पास अपडेट करण्यासाठी थर्ड पार्टीनी अधिकृत केलेले यासारखे तुमचे पास जारीकर्ता
• तुमचा ‘वॉलेट’ चा वापर, उदाहरणार्थ, तुम्ही जोडलेल्या पासची संख्या आणि प्रकार (उदाहरणार्थ, हॉटेल, कॉर्पोरेट), तुम्ही पास शेअर केला आहे की नाही
• तुमचे स्थान

या कायदेशीर स्वारस्यामध्ये पुढील गोष्टींचा समावेश आहे :

• पास समाविष्ट करणे आणि मॅनेज करणे
• तुमच्यासाठी आणि इतरांसाठी सेवा सुधारण्यात आणि त्या ऑप्टिमाइझ करण्यात मदत करणे
• तुमच्याशी सर्वाधिक संबंधित असलेली फीचर शोधून काढण्यात तुमची मदत करणे
• ऑफरसाठी पात्रता तपासणे
• तुम्हाला Wallet आणि इतर Apple उत्पादने, सेवा आणि ऑफरविषयी कम्युनिकेशन्स पाठवणे ज्यामध्ये तुम्हाला स्वारस्य असू शकते
• फसवणूक आणि इतर नुकसानकारक ॲक्टिव्हिटी टाळणे

इतर माहिती

Information on contactless payment passes such as credit and debit cards, is described in Apple Pay & Privacy at www.apple.com/in/legal/privacy/data/en/apple-pay.

असा वॉलेट डेटा ज्यात तुमची ओळख व्यक्तिशः न पटवणारी माहिती जसे की तुम्ही वॉलेट फीचर्सबरोबर कसे इंटरॅक्ट करता, ज्यामध्ये नोटिफिकेशन्सचा समावेश असतो, हा डेटा ‘वॉलेट’ आणि इतर Apple उत्पादने आणि सेवा सुधारण्यासाठी मर्यादित कालावधी करता कदाचित राखून ठेवला जाईल.

Apple ने संकलित केलेली माहिती नेहमी Apple च्या गोपनीयता धोरणानुसार हाताळली जाईल, जे www.apple.com/in/privacy वर मिळू शकते.

2025-12-12