• പ്രായത്തിന് അനുസരിച്ചുള്ള അനുഭവങ്ങൾ നൽകാൻ ആപ്പുകളെ സഹായിക്കാനായി, ‘ആപ്പുകൾക്കായുള്ള പ്രായപരിധി’ നിങ്ങളുടെ പ്രായപരിധി പങ്കിടാൻ അനുവദിക്കുന്നു പക്ഷെ നിങ്ങളുടെ യഥാർഥ ജനനത്തീയതി പങ്കിടാൻ അനുവദിക്കുന്നില്ല.
• ഡെവലപ്പർമാരുമായി പങ്കിടാൻ നിങ്ങൾക്ക് തിരഞ്ഞെടുക്കാവുന്ന പ്രായപരിധി നിർണയിക്കാൻ നിങ്ങളുടെ ജനനത്തീയതി, നിങ്ങളുടെ Apple അക്കൗണ്ടുമായി ബന്ധപ്പെട്ട രാജ്യം അല്ലെങ്കിൽ പ്രദേശം എന്നിവ ഉപയോഗിക്കുന്നു.
• ആപ്പുകളുമായി പങ്കിടുന്ന പ്രായപരിധികൾ എൻഡ്-ടു-എൻഡ് എൻക്രിപ്ഷൻ ഉപയോഗിച്ച് നിങ്ങളുടെ ഡിവൈസുകളിലുടനീളം സിങ്ക് ചെയ്യുന്നു.
• നിങ്ങൾ ഒരു കുടുംബ ഗ്രൂപ്പിലെ കുട്ടിയോ കൗമാരപ്രായത്തിലുള്ള വ്യക്തിയോ ആണെങ്കിൽ, നിങ്ങളുടെ പേരന്റോ രക്ഷാകർത്താവോ നിങ്ങൾക്ക് വേണ്ടി ആപ്പുകൾക്കായുള്ള പ്രായപരിധി എനേബിൾ ചെയ്യണം, മാത്രമല്ല അവർക്ക് കോൺഫിഗറേഷൻ മാനേജ് ചെയ്യാനും കഴിയും.
• നിങ്ങൾ ഒരു ആപ്പുമായി പങ്കിട്ട പ്രായപരിധി നിങ്ങളുടെ Apple അക്കൗണ്ടുമായി ബന്ധപ്പെട്ട രാജ്യത്തെയോ പ്രദേശത്തെയോ ഭൂരിഭാഗം ആളുകളുടെയും പ്രായത്തിന് താഴെയാണെന്ന് സൂചിപ്പിക്കുന്നെങ്കിൽ, ചില പേരന്റൽ നിയന്ത്രണങ്ങൾ എനേബിൾ ചെയ്തിട്ടുണ്ടോ എന്ന വിവരങ്ങളും പങ്കിട്ടേക്കാം.

ആപ്പുകൾക്കായുള്ള പ്രായ പരിധി സജ്ജീകരിക്കൽ

ആപ്പുകൾക്കായുള്ള പ്രായ പരിധി എനേബിൾ ചെയ്യാൻ, നിങ്ങളുടെ ഡിവൈസ് താഴെയുള്ള Apple അക്കൗണ്ട് വിവരങ്ങൾ ഉപയോഗിക്കുന്നു: ജനനത്തീയതി, രാജ്യം അല്ലെങ്കിൽ പ്രദേശം, ഒരു കുടുംബ ഗ്രൂപ്പിലെ അംഗത്വവും റോളും. ഡിവൈസിന്റെ ഓപ്പറേറ്റിങ് സിസ്റ്റത്തിന്റെ പതിപ്പും നിങ്ങൾക്കോ നിങ്ങളുടെ ഡിവൈസിനോ ഒരു സ്ക്രീൻ സമയ പാസ്കോഡ് എനേബിൾ ചെയ്തിട്ടുണ്ടോ എന്നും നിങ്ങളുടെ ഡിവൈസ് പരിശോധിക്കും.

ആപ്പുകൾക്കായുള്ള പ്രായപരിധി ആപ്പുകളുടെ അഭ്യർഥന പ്രകാരം അവയുമായി പ്രായപരിധി പങ്കിടുന്നതിന് മൂന്ന് കോൺഫിഗറേഷനുകൾ നൽകുന്നു: ആദ്യം ചോദിക്കൂ, എപ്പോഴും, ഒരിക്കലും വേണ്ട. നിങ്ങളുടെ പ്രായപരിധി പങ്കിടണോ എന്ന് ഓരോ ആപ്പിന്റെയും അടിസ്ഥാനത്തിൽ തിരഞ്ഞെടുക്കാൻ ‘ആദ്യം ചോദിക്കൂ’ നിങ്ങളെ അനുവദിക്കുന്നു. നിങ്ങൾ ‘എപ്പോഴും’ സെലക്റ്റ് ചെയ്താൽ, അഭ്യർഥിക്കുന്ന ഏത് ആപ്പുമായും നിങ്ങളുടെ പ്രായപരിധി ഓട്ടോമാറ്റിക്കായി പങ്കിടും, നിങ്ങൾ ‘ഒരിക്കലും വേണ്ട’ സെലക്റ്റ് ചെയ്താൽ നിങ്ങളുടെ പ്രായപരിധി ആപ്പുകളുമായി പങ്കിടില്ല. ആപ്പുകൾക്കായുള്ള പ്രായപരിധി എനേബിൾ ചെയ്തിട്ടുണ്ടോ എന്നതിനെയും പങ്കിടൽ കോൺഫിഗറേഷനെയും (ആദ്യം ചോദിക്കൂ, എപ്പോഴും, ഒരിക്കലും വേണ്ട) കുറിച്ചുള്ള വിവരങ്ങൾ നിങ്ങളുടെ Apple അക്കൗണ്ടുമായി ബന്ധപ്പെടുത്തുകയും ആ ഫീച്ചറിനെ പിന്തുണയ്ക്കുന്ന ഡിവൈസുകളിലുടനീളം എൻഡ്-ടു-എൻഡ് എൻക്രിപ്ഷൻ ഉപയോഗിച്ച് സിങ്ക് ചെയ്യുകയും ചെയ്യുന്നു.

നിങ്ങൾ 13 അല്ലെങ്കിൽ അതിന് മുകളിൽ പ്രായമുള്ള (അല്ലെങ്കിൽ നിങ്ങളുടെ രാജ്യത്തെയോ പ്രദേശത്തെയോ തുല്യമായത്) ഒരു കൗമാരപ്രായത്തിലുള്ള വ്യക്തിയും, iOS അല്ലെങ്കിൽ iPadOS 26 അല്ലെങ്കിൽ അതിന് ശേഷമുള്ളത് ഉപയോഗിക്കുന്ന കുടുംബ ഗ്രൂപ്പിൽ ഇല്ലാതിരിക്കുകയും ചെയ്താൽ, ആപ്പുകൾക്കായുള്ള പ്രായപരിധി നിങ്ങൾക്ക് സ്വയം എനേബിൾ ചെയ്യുകയും കോൺഫിഗർ ചെയ്യുകയുമാവാം. ‘ആദ്യം ചോദിക്കൂ’ ഡിഫോൾട്ടായി സെലക്റ്റ് ചെയ്തിരിക്കുന്നു. ക്രമീകരണം > [നിങ്ങളുടെ പേര്] > വ്യക്തിപരമായ വിവരങ്ങൾ > ആപ്പുകൾക്കായുള്ള പ്രായപരിധി എന്നതിലേക്ക് പോയി നിങ്ങൾക്ക് ആപ്പുകൾക്കായുള്ള പ്രായപരിധി എനേബിൾ ചെയ്യുകയും നിങ്ങളുടെ പങ്കിടൽ മുൻഗണനകൾ ക്രമപ്പെടുത്തുകയും ചെയ്യാം.

ഒരു കുടുംബ ഗ്രൂപ്പിലെ കുട്ടികളും കൗമാരക്കാരും, ആപ്പുകൾക്കായുള്ള പ്രായപരിധിയും

നിങ്ങൾ ഒരു കുടുംബ ഗ്രൂപ്പിലെ കുട്ടിയോ കൗമാരപ്രായത്തിലുള്ള വ്യക്തിയോ ആണെങ്കിൽ, നിങ്ങളുടെ കുടുംബ ഗ്രൂപ്പിലെ ഓർഗനൈസർക്കോ അല്ലെങ്കിൽ പേരന്റിനോ/രക്ഷാകർത്താവിനോ (മൊത്തത്തിൽ, ‘പേരന്റ്/രക്ഷാകർത്താവ്’) മാത്രമേ ആപ്പുകൾക്കായുള്ള പ്രായപരിധി സജ്ജീകരിക്കാനാകൂ. അങ്ങനെ ചെയ്യാനായി, നിങ്ങളുടെ Apple അക്കൗണ്ടുമായി ബന്ധപ്പെടുത്തിയിട്ടുള്ള ജനനത്തീയതിയുടെ അടിസ്ഥാനത്തിലുളള നിങ്ങളുടെ പ്രായം പരിശോധിച്ചുറപ്പിക്കാനും തുടർന്ന് പങ്കിടൽ കോൺഫിഗറേഷനിൽ ഒന്ന് സെലക്റ്റ് ചെയ്യാനും നിങ്ങളുടെ പേരന്റിനോട്/രക്ഷകർത്താവിനോട് ആവശ്യപ്പെടും.

ഒരു പേരന്റ്/രക്ഷാകർത്താവ് iOS, iPadOS 26 അല്ലെങ്കിൽ അതിന് ശേഷമുള്ളതാണ് ഉപയോഗിക്കുന്നതെങ്കിൽ, അവരുടെ ഡിവൈസിൽ ക്രമീകരണം > കുടുംബം > [കുട്ടിയുടെ അല്ലെങ്കിൽ കൗമാരപ്രായത്തിലുള്ള വ്യക്തിയുടെ പേര്] > വ്യക്തിഗത വിവരങ്ങൾ > ആപ്പുകൾക്കായുള്ള പ്രായപരിധി എന്നതിലേക്ക് പോയി അവർക്ക് റിമോട്ടായി ആപ്പുകൾക്കായുള്ള പ്രായപരിധി സജ്ജീകരിക്കാനാകും. നിങ്ങൾക്കായി സ്ക്രീൻ സമയ പാസ്കോഡ് എനേബിൾ ചെയ്തിട്ടുണ്ടെങ്കിൽ ഒരു പേരന്റിന്/രക്ഷാകർത്താവിന്, ക്രമീകരണം > [നിങ്ങളുടെ പേര്] > വ്യക്തിഗത വിവരങ്ങൾ > ആപ്പുകൾക്കുള്ള പ്രായപരിധി എന്നതിലേക്ക് പോയി സ്ക്രീൻ സമയ പാസ്കോഡ് നൽകി നിങ്ങളുടെ ഡിവൈസിൽ ലോക്കലായും ആപ്പുകൾക്കായുള്ള പ്രായപരിധി സജ്ജീകരിക്കാനാകും.

ഓർഗനൈസർ, പേരെന്റ്/രക്ഷാകർത്താവ്, പ്രായപൂർത്തിയായ വ്യക്തി, കുട്ടി എന്നിവ പോലെ ഒരു കുടുംബ ഗ്രൂപ്പിലെ ലഭ്യമായ റോളുകൾ ഉൾപ്പെടെ ഒരു കുടുംബ പങ്കിടലിലെ കൂടുതൽ വിവരങ്ങൾക്കായി, www.apple.com/legal/privacy/data/en/family-sharing സന്ദർശിക്കൂ. കുടുംബ പങ്കിടലുമായി ബന്ധപ്പെട്ട Apple-ന്റെ പ്രായപരിധി ഉപയോഗത്തെ കുറിച്ചുള്ള കൂടുതൽ വിവരങ്ങൾക്ക്, support.apple.com/102617 സന്ദർശിക്കൂ. ഒരു യൂസറിന് അവരുടെ Apple അക്കൗണ്ടുമായി ഏത് രാജ്യം അല്ലെങ്കിൽ പ്രദേശം ബന്ധപ്പെടുത്തിയിരിക്കുന്നു എന്നതിനെ ആശ്രയിച്ച് ചുവടെ പരാമർശിച്ചിരിക്കുന്ന നിർദിഷ്ട പ്രായ പരിധി വ്യത്യസ്തമായിരിക്കും.

ആപ്പുകളുമായി പങ്കിടൽ

പ്രായപരിധി അഭ്യർഥനകൾ
ആപ്പുകൾക്കായുള്ള പ്രായപരിധി എനേബിൾ ചെയ്യുകയും ‘ആദ്യം ചോദിക്കൂ’ അല്ലെങ്കിൽ ‘എപ്പോഴും’ എന്നതിലേക്ക് കോൺഫിഗർ ചെയ്യുകയും ചെയ്താൽ, ആപ്പിന്റെ അഭ്യർഥനയിൽ വ്യക്തമാക്കുന്ന പ്രായപരിധികളും നിങ്ങളുടെ Apple അക്കൗണ്ടുമായി ബന്ധപ്പെട്ട ജനനത്തീയതിയും നിങ്ങളുടെ പ്രായപരിധി നിർണയിക്കാൻ ഡിവൈസ് ഉപയോഗിക്കും. നിങ്ങളുടെ രാജ്യത്തോ പ്രദേശത്തോ നിങ്ങളെ ‘പ്രായപൂർത്തിയായവർ’ ആയി കണക്കാക്കുന്ന പ്രായപരിധിയായ, ഒരു ഡെവലപ്പറുമായി പങ്കിടാവുന്ന പ്രായപരിധിയുടെ പരമാവധി പ്രായപരിധി നിർണയിക്കാൻ, നിങ്ങളുടെ ഡിവൈസ് നിങ്ങളുടെ Apple അക്കൗണ്ടുമായി ബന്ധപ്പെട്ട രാജ്യം അല്ലെങ്കിൽ പ്രദേശം പരിശോധിക്കും.

നിങ്ങളുടെ പ്രായപരിധി ഒരു ആപ്പുമായി പങ്കിടാൻ തിരഞ്ഞെടുക്കുകയാണെങ്കിൽ, പ്രായപരിധി നിർണയിക്കാൻ ഉപയോഗിച്ച പ്രായം നിങ്ങളോ (നിങ്ങൾ ഒരു കുടുംബ ഗ്രൂപ്പിൽ ഇല്ലാത്ത ഒരു മുതിർന്നയാളോ കൗമാരപ്രായത്തിലുള്ള വ്യക്തിയോ ആണെങ്കിൽ) അല്ലെങ്കിൽ നിങ്ങളുടെ പേരന്റോ/രക്ഷിതാവോ (നിങ്ങൾ ഒരു കുടുംബ ഗ്രൂപ്പിലെ കുട്ടിയോ കൗമാരപ്രായത്തിലുള്ള വ്യക്തിയോ ആണെങ്കിൽ) സ്ഥിരീകരിച്ചതാണോ എന്ന് ഡിവൈസ് സൂചിപ്പിക്കും. നിങ്ങൾ ഒരു കുടുംബ ഗ്രൂപ്പിലെ കുട്ടിയോ കൗമാരപ്രായത്തിലുള്ള വ്യക്തിയോ ആണെങ്കിൽ, നിങ്ങളുടെ സ്വകാര്യതയും സുരക്ഷയും സംരക്ഷിക്കുന്നതിന് ആപ്പിന് അധിക ഉപകരണങ്ങൾ പ്രയോജനപ്പെടുത്താൻ കഴിയുന്ന തരത്തിൽ Apple നൽകുന്ന ചില രക്ഷാകർതൃ നിയന്ത്രണങ്ങൾ നിങ്ങൾക്കായി എനേബിൾ ചെയ്തിട്ടുണ്ടോ എന്നും ഡിവൈസ് സൂചിപ്പിച്ചേക്കാം.

ആപ്പുകൾക്കായുള്ള പ്രായപരിധി എനേബിൾ ചെയ്ത് കോൺഫിഗർ ചെയ്തിട്ടില്ലെങ്കിൽ, അല്ലെങ്കിൽ നിങ്ങൾ പങ്കിടാൻ വിസമ്മതിച്ചിട്ടുണ്ടെങ്കിൽ, ഫീച്ചർ ലഭ്യമല്ലെന്നോ നിങ്ങളുടെ പ്രായപരിധി പങ്കിടാൻ നിങ്ങൾ വിസമ്മതിച്ചെന്നോ ഡിവൈസ് സൂചിപ്പിക്കും.

ആപ്പിനോടുള്ള ഡിവൈസിന്റെ പ്രതികരണത്തിൽ വ്യക്തിഗത ഡാറ്റ ഉൾപ്പെടുന്നില്ല; എന്നിരുന്നാലും, ഒരു ആപ്പിന് പ്രതികരണം ലഭിച്ചുകഴിഞ്ഞാൽ, ആപ്പിന്റെ ഡെവലപ്പർ അതിനെ അവർ പ്രത്യേകം ശേഖരിക്കുന്ന, അവരുടെ ആപ്പിന്റെ നിങ്ങളുടെ ഉപയോഗവും ഡൗൺലോഡും ഉൾപ്പെടെ, വ്യക്തിഗത ഡാറ്റയുമായി ബന്ധപ്പെടുത്തിയേക്കാം. ഒരു ആപ്പ് പ്രതികരണവും മറ്റ് വിവരങ്ങളും പ്രോസസ് ചെയ്യുന്നത് ആപ്പ് ഡെവലപ്പറുടെ നിബന്ധനകളും സ്വകാര്യതാ നയങ്ങളുമാണ് നിയന്ത്രിക്കുന്നത്.

പ്രായപരിധി അഭ്യർഥിക്കുന്നതിനുള്ള നിയന്ത്രണങ്ങൾ
ആപ്പിന്റെ പേര്, പ്രായപരിധി പങ്കിട്ടിട്ടുണ്ടോ, അനുബന്ധ തീയതി, പങ്കിട്ട യഥാർഥ പ്രായപരിധി (നിങ്ങൾ പങ്കിടാൻ തിരഞ്ഞെടുക്കുകയാണെങ്കിൽ) എന്നിവ ഉൾപ്പെടെ, ഓരോ ആപ്പിന്റെയും അഭ്യർഥനയ്ക്കുള്ള നിങ്ങളുടെ പ്രതികരണങ്ങളുടെ ഒരു റെക്കോർഡ് നിങ്ങളുടെ ഡിവൈസ് സൂക്ഷിക്കുന്നു. Apple-ന് വായിക്കാൻ കഴിയാത്തവിധം എൻഡ്-ടു-എൻഡ് എൻക്രിപ്ഷൻ ഉപയോഗിച്ച് ഈ ഫീച്ചറിനെ പിന്തുണയ്ക്കുന്ന ഡിവൈസുകളിലുടനീളം ഈ വിവരങ്ങൾ സിങ്ക് ചെയ്യുന്നു. ഡെവലപ്പർമാരുമായി ഒരു പുതിയ പ്രായപരിധി പങ്കിടാൻ കഴിയുമ്പോൾ നിയന്ത്രണങ്ങൾ ഏർപ്പെടുത്തുന്നതിനും, താഴെ വിവരിച്ചിരിക്കുന്ന ‘പ്രായപരിധി വീണ്ടും പങ്കിടൂ’ ഫീച്ചർ നൽകുന്നതിനും, ഡെവലപ്പർമാർ അഭ്യർഥിച്ച പ്രായപരിധിയെക്കുറിച്ച് നിങ്ങളെ അറിയിക്കുന്നതിനും ഏറ്റവും അടുത്തിടെയുള്ള റെക്കോർഡ് ഉപയോഗിക്കുന്നു. ക്രമീകരണം > [നിങ്ങളുടെ പേര്] > വ്യക്തിഗത വിവരങ്ങൾ > ആപ്പുകൾക്കായുള്ള പ്രായപരിധി, അല്ലെങ്കിൽ ക്രമീകരണം > [ആപ്പിന്റെ പേര്] > ആപ്പുകൾക്കായുള്ള പ്രായപരിധി, അല്ലെങ്കിൽ ക്രമീകരണം > ആപ്പുകൾ > [ആപ്പിന്റെ പേര്] > ആപ്പുകൾക്കായുള്ള പ്രായപരിധി എന്നതിലേക്ക് പോയി നിങ്ങളുടെ ഡിവൈസിലെ ഓരോ ആപ്പിനുമുള്ള ഏറ്റവും അടുത്തിടെയുള്ള റെക്കോർഡ് നിങ്ങൾക്ക് കാണാം.

പ്രായപരിധി വീണ്ടും പങ്കിടൂ
ഡെവലപ്പർമാരുടെ അഭ്യർഥന പ്രകാരം നിങ്ങൾക്ക് പങ്കിടാൻ കഴിയുന്ന പ്രായപരിധിയുടെ പുതിയ നിർണയം Apple നടത്തുന്നതിന് ഏറ്റവും പുതിയ റെക്കോർഡ് റീസെറ്റ് ചെയ്യാൻ നിങ്ങളെ അനുവദിക്കുന്ന ‘ആപ്പുകൾക്കായുള്ള പ്രായപരിധി’യുടെ ഒരു ഫീച്ചറാണ് ‘പ്രായപരിധി വീണ്ടും പങ്കിടൂ’. ‘പ്രായപരിധി വീണ്ടും പങ്കിടൂ’ ഉപയോഗിക്കുന്നതിന്, ക്രമീകരണം > [നിങ്ങളുടെ പേര്] > വ്യക്തിഗത വിവരങ്ങൾ > ആപ്പുകൾക്കുള്ള പ്രായപരിധി > [ആപ്പിന്റെ പേര്] > ‘പ്രായപരിധി വീണ്ടും പങ്കിടൂ’ എന്നതിലേക്ക് പോകൂ. ഒരു സ്ക്രീൻ ടൈം പാസ്‌കോഡ് എനേബിൾ ചെയ്തിട്ടുണ്ടെങ്കിൽ, അപ്ഡേറ്റ് ചെയ്ത പ്രായപരിധി പങ്കിടുന്നതിന് മുമ്പ് അത് നൽകണം.

അപ്ഡേറ്റ് ചെയ്ത പ്രായപരിധി അഭ്യർഥനകൾ
ഒരു ആപ്പ് പ്രായപരിധി മാറ്റിക്കൊണ്ട് അതിന്റെ അഭ്യർഥന അപ്ഡേറ്റ് ചെയ്യുകയാണെങ്കിൽ, അപ്ഡേറ്റ് ചെയ്ത അഭ്യർഥന ആപ്പുമായി മറ്റൊരു പ്രായപരിധി പങ്കിടുന്നതിന് കാരണമാകുമോ എന്ന് നിർണയിക്കാൻ ഡിവൈസ് ഏറ്റവും അടുത്തിടെയുള്ള റെക്കോർഡ് പരിശോധിക്കും. കഴിയുമെങ്കിൽ, ഡിവൈസ് ഏറ്റവും അടുത്തിടെയുള്ള റെക്കോർഡ് റീസെറ്റ് ചെയ്യുകയും ആപ്പിൽ നിന്നുള്ള അടുത്ത അഭ്യർഥനയ്ക്ക് മറുപടിയായി, ‘എപ്പോഴും’ എന്നാണ് കോൺഫിഗർ ചെയ്തിട്ടുള്ളതെങ്കിൽ പുതിയ പ്രായപരിധി ഓട്ടോമാറ്റിക്കായി പങ്കിടും, അല്ലെങ്കിൽ ‘ആദ്യം ചോദിക്കൂ’ എന്നാണ് കോൺഫിഗർ ചെയ്തിട്ടുള്ളതെങ്കിൽ പുതിയ പ്രായപരിധിക്കായി ഒരു അപ്‌ഡേറ്റ് ചെയ്ത നിർദേശം നൽകും. ‘എപ്പോഴും’ എന്ന് കോൺഫിഗർ ചെയ്താൽ, ഏറ്റവും അടുത്തിടെയുള്ള റെക്കോർഡിലെ പ്രായപരിധിയുമായി താരതമ്യപ്പെടുത്തുമ്പോൾ പുതിയ പ്രായപരിധിയാണ് കൂടുതൽ കൃത്യമെങ്കിൽ, അത് നിങ്ങളെ അറിയിക്കും.

ആപ്പുകൾക്കായുള്ള പ്രായ പരിധി മാനേജ് ചെയ്യൽ
നിങ്ങളുടെ ഡിവൈസിൽ ഏത് സമയത്തും ക്രമീകരണം > [നിങ്ങളുടെ പേര്] > വ്യക്തിഗത വിവരങ്ങൾ > ആപ്പുകൾക്കായുള്ള പ്രായപരിധി, അല്ലെങ്കിൽ ക്രമീകരണം > ആപ്പുകൾ > [ആപ്പിന്റെ പേര്] > ആപ്പുകൾക്കായുള്ള പ്രായപരിധി എന്നിവയിലേക്ക് പോയി ആപ്പുകൾക്കായുള്ള പ്രായപരിധി പങ്കിടൽ കോൺഫിഗറേഷൻ മാനേജ് ചെയ്യാം. ഒരു സ്ക്രീൻ ടൈം പാസ്‌കോഡ് എനേബിൾ ചെയ്തിട്ടുണ്ടെങ്കിൽ, കോൺഫിഗറേഷൻ മാറ്റങ്ങൾ വരുത്തുന്നതിന് മുമ്പ് അത് നൽകണം. നിങ്ങൾ ഒരു കുടുംബ ഗ്രൂപ്പിലെ കുട്ടിയോ കൗമാരപ്രായത്തിലുള്ള വ്യക്തിയോ ആണെങ്കിൽ, നിങ്ങളുടെ കുടുംബ ഗ്രൂപ്പിലെ ഒരു പേരന്റിന്/രക്ഷിതാവിന് ക്രമീകരണം > കുടുംബം > [കുട്ടിയുടെയോ കൗമാരപ്രായത്തിലുള്ള വ്യക്തിയുടെയോ പേര്] > വ്യക്തിഗത വിവരങ്ങൾ > ആപ്പുകൾക്കായുള്ള പ്രായപരിധി > ‘ആപ്പുകളുമായി പങ്കിടൂ’ എന്നതിലേക്ക് പോയി അവരുടെ ഡിവൈസിൽ നിന്ന് കോൺഫിഗറേഷൻ മാനേജ് ചെയ്യാം.

പങ്കിടൽ കോൺഫിഗറേഷൻ അപ്ഡേറ്റ് ചെയ്താൽ, ഡെവലപ്പർമാരിൽ നിന്നുള്ള തുടർന്നുള്ള അഭ്യർഥനകൾക്ക് മറുപടിയായി പുതിയ പങ്കിടൽ കോൺഫിഗറേഷൻ ബാധകമാകും. പങ്കിടൽ കോൺഫിഗറേഷൻ ‘എപ്പോഴും’ എന്നതിലേക്ക് മാറ്റിയാൽ, നിങ്ങൾ മുൻപ് പ്രായപരിധി പങ്കിടാൻ വിസമ്മതിച്ച എല്ലാ ആപ്പുകൾക്കും അത് റീസെറ്റ് ചെയ്യും.

നിങ്ങളുടെ Apple അക്കൗണ്ടുമായി ബന്ധപ്പെട്ട ജനനത്തീയതി അപ്‌ഡേറ്റ് ചെയ്യണമെങ്കിൽ, നിങ്ങളുടെ ഡിവൈസിൽ ക്രമീകരണം > [നിങ്ങളുടെ പേര്] > വ്യക്തിഗത വിവരങ്ങൾ എന്നതിലേക്ക് പോയി അത് ചെയ്യാം. നിങ്ങളുടെ കുടുംബ ഗ്രൂപ്പിലെ ഒരു കുട്ടിയുമായോ കൗമാരക്കാരുമായോ ബന്ധപ്പെട്ട ജനനത്തീയതി അപ്ഡേറ്റ് ചെയ്യണമെങ്കിൽ, നിങ്ങളുടെ ഡിവൈസിൽ ക്രമീകരണം > കുടുംബം > [കുട്ടിയുടെയോ കൗമാരപ്രായത്തിലുള്ള വ്യക്തിയുടെയോ പേര്] > വ്യക്തിഗത വിവരങ്ങൾ എന്നതിലേക്ക് പോയി അത് ചെയ്യാം. ജനനത്തീയതി അപ്ഡേറ്റ് ചെയ്ത ശേഷം, ആപ്പുകൾക്കായുള്ള പ്രായപരിധി ഫീച്ചർ വീണ്ടും എനേബിൾ ചെയ്യണം.

പ്രായപരിധി പങ്കിടുന്നതിലെ പ്രാദേശിക നിയന്ത്രണങ്ങൾ

ചില രാജ്യങ്ങൾ അല്ലെങ്കിൽ പ്രദേശങ്ങളിൽ, ആപ്പുകൾ ആവശ്യപ്പെടുമ്പോൾ നിങ്ങളുടെ പ്രായപരിധിയുമായി ബന്ധപ്പെട്ട വിവരങ്ങൾ അവയുമായി പങ്കിടാൻ Apple-ന് നിയമപരമായ ബാധ്യതയുണ്ട്. നിങ്ങളുടെ Apple അക്കൗണ്ടോ കുട്ടികളുടെയോ കൗമാരക്കാരുടെയോ Apple അക്കൗണ്ടോ ആ രാജ്യങ്ങൾ അല്ലെങ്കിൽ പ്രദേശങ്ങളിൽ എവിടെയെങ്കിലുമാണെന്ന് നിർണയിക്കപ്പെട്ടാൽ, ആപ്പുകൾക്കായുള്ള പ്രായപരിധി ‘എപ്പോഴും’ എന്ന പങ്കിടൽ ക്രമീകരണത്തിലേക്ക് സജ്ജമാക്കും, കൂടാതെ ഈ കോൺഫിഗറേഷൻ മാറ്റുന്നതിന് നിയന്ത്രണങ്ങളുമുണ്ടാകും. നിങ്ങളുടെ പ്രായം സ്ഥിരീകരിച്ച രീതിയും പ്രദേശങ്ങളുമായി ബന്ധപ്പെട്ട ചില സവിശേഷമായ ആവശ്യകതകൾ നിങ്ങൾക്ക് ബാധകമാണോയെന്നതും നിങ്ങളുടെ ഡിവൈസ് പങ്കിടുകയും ചെയ്യും.

വ്യക്തിഗത ഡാറ്റ പ്രോസസ് ചെയ്യുന്നതിന് ബാധകമായ നിയമപരമായ അടിസ്ഥാനം

Apple-മായുള്ള നിങ്ങളുടെ കരാർ നിർവഹിക്കുന്നതിനായി, സേവനം നൽകുന്നതിന് ആവശ്യമായ രീതിയിലും ഞങ്ങളുടെ നിയമപരമായ ബാധ്യതകൾ പാലിക്കുന്നതിനും ഞങ്ങൾ സാധാരണയായി ആപ്പുകൾക്കായുള്ള പ്രായപരിധിക്കുള്ള വ്യക്തിഗത ഡാറ്റ പ്രോസസ് ചെയ്യുന്നു. ഉചിതമായ നിയമങ്ങളുടെ അടിസ്ഥാനത്തിൽ സമ്മതം ആവശ്യമായിടത്ത്, ബാധകമായ പ്രാദേശിക നിയമത്തിന് അനുസൃതമായി ഞങ്ങൾ അത് തേടും.

ബാധകമായ പ്രാദേശിക നിയമം അനുവദിക്കുന്നിടത്ത്, നിങ്ങൾ ഒരു പേരന്റോ/രക്ഷിതാവോ ആണെങ്കിൽ, നിങ്ങൾക്കോ നിങ്ങളുടെ കുടുംബ ഗ്രൂപ്പിലെ ഒരു കുട്ടിക്കോ വേണ്ടി ഈ ഫീച്ചർ സജ്ജീകരിക്കുന്നതും നൽകുന്നതും എനേബിൾ ചെയ്യുന്നതിന്, ഞങ്ങളുടെയോ മൂന്നാം കക്ഷിയുടെയോ ന്യായാനുസൃതമായ താൽപ്പര്യങ്ങൾക്ക് ആവശ്യമായ വ്യക്തിഗത ഡാറ്റ ഞങ്ങൾ പ്രോസസ് ചെയ്യുന്നു.

ഉപയോഗിക്കുന്ന ഡാറ്റയിൽ ഇനിപ്പറയുന്നവ ഉൾപ്പെടുന്നു:

• നിങ്ങളുടെ ജനനത്തീയതി, രാജ്യം അല്ലെങ്കിൽ പ്രദേശം, കുടുംബ അംഗത്വം, പദവി എന്നിവ ഉൾപ്പെടെയുള്ള Apple അക്കൗണ്ട് വിവരങ്ങൾ
• ഡിവൈസിന്റെ ഓപ്പറേറ്റിങ് സിസ്റ്റത്തിന്റെ പതിപ്പ് ഉൾപ്പെടെയുള്ള ഡിവൈസ് വിവരങ്ങൾ

നിലനിർത്തൽ

Apple-ന്റെ സ്വകാര്യതാ നയത്തിലോ ഞങ്ങളുടെ സേവനങ്ങൾക്ക് പ്രത്യേകമായുള്ള സ്വകാര്യതാ അറിയിപ്പുകളിലോ വിവരിച്ചിരിക്കുന്ന തരത്തിൽ ഉൾപ്പെടെ, വ്യക്തിഗത ഡാറ്റ ശേഖരിച്ചതിന്റെ ഉദ്ദേശ്യങ്ങൾ നിറവേറ്റുന്നതിന് ആവശ്യമായ കാലത്തേക്കോ, അല്ലെങ്കിൽ നിയമം അനുശാസിക്കുന്ന കാലത്തേക്കോ മാത്രമേ Apple അത് നിലനിർത്തുകയുള്ളൂ. നിലനിർത്തൽ കാലയളവുകൾ വിലയിരുത്തുമ്പോൾ, ശേഖരിച്ച വ്യക്തിഗത ഡാറ്റ നിലനിർത്തേണ്ടത് ആവശ്യമാണോയെന്ന് ഞങ്ങൾ ആദ്യം ശ്രദ്ധാപൂർവ്വം പരിശോധിക്കും. നിലനിർത്തൽ ആവശ്യമാണെങ്കിൽ, നിയമപ്രകാരം അനുവദനീയമായ ഏറ്റവും കുറഞ്ഞ കാലയളവിലേക്ക് വ്യക്തിഗത ഡാറ്റ നിലനിർത്താൻ ശ്രമിക്കും.

ആപ്പുകൾക്കായുള്ള പ്രായപരിധിയുമായി ബന്ധപ്പെട്ട് നിങ്ങളുടെ വ്യക്തിഗത വിവരങ്ങൾ എങ്ങനെ ഉപയോഗിക്കുന്നു എന്നതിനെക്കുറിച്ച് നിങ്ങൾക്ക് ചോദ്യങ്ങൾ ഉണ്ടെങ്കിലോ, ഞങ്ങളുടെ ഡാറ്റാ പ്രൊട്ടക്ഷൻ ഓഫീസറെ ബന്ധപ്പെടാൻ നിങ്ങൾ ആഗ്രഹിക്കുന്നുവെങ്കിലോ, നിങ്ങൾക്ക് ഞങ്ങളെ www.apple.com/in/legal/privacy/contact എന്നതിൽ ബന്ധപ്പെടാം.

എല്ലാ സമയത്തും, Apple ശേഖരിച്ച വിവരങ്ങൾ Apple-ന്റെ സ്വകാര്യതാ നയമനുസരിച്ച് കൈകാര്യം ചെയ്യപ്പെടുന്നതാണ്. സ്വകാര്യതാ നയം www.apple.com/in/privacy എന്നതിൽ കണ്ടെത്താം.

2025-12-12