• AppleCare പ്ലാനുകൾ പ്രൊവിഷൻ ചെയ്യുന്നതും വാങ്ങുന്നതും സാധ്യമാക്കുന്നതിനായി, ഏത് പ്ലാനാണ് വാങ്ങേണ്ടതെന്നത് സംബന്ധിച്ച ശുപാർശകൾ നൽകാൻ, നിങ്ങളുടെ ഉടമസ്ഥതയിലുള്ള ഡിവൈസുകൾ, അവ വാങ്ങുകയും സജീവമാക്കുകയും ചെയ്ത തീയതികൾ എന്നിവ ഉൾപ്പെടെയുള്ള നിങ്ങളുടെ Apple അക്കൗണ്ടിനെ കുറിച്ചുള്ള വിവരങ്ങൾ Apple ഉപയോഗിച്ചേക്കാം. യൂസറുടെ ഉപയോഗ ചരിത്രം മനസ്സിലാക്കാനും AppleCare-നുള്ള ഞങ്ങളുടെ ശുപാർശകൾ മെച്ചപ്പെടുത്താനുമായി ഈ ശുപാർശകളെ കുറിച്ചുള്ള വിവരങ്ങൾ Apple തിരിച്ചറിയാനാകുന്ന തരത്തിൽ റെക്കോർഡ് ചെയ്യുന്നു.
• AppleCare One-ലെ കവറേജിന് മുൻപ് നിങ്ങളുടെ ഡിവൈസുകൾ വിലയിരുത്തുന്നതിന്, AppleCare One-നുള്ള നിങ്ങളുടെ ഡിവൈസുകളുടെ യോഗ്യത വിലയിരുത്താൻ നിങ്ങളുടെ Apple അക്കൗണ്ട്, നിങ്ങളുടെ ഉടമസ്ഥതയിലുള്ള ഡിവൈസുകളും ആക്സസറികളും, Apple-മായുള്ള നിങ്ങളുടെ ഇന്ററാക്ഷനുകൾ, നിങ്ങളുടെ നിലവിലെ AppleCare പ്ലാനുകൾ എന്നിവയെക്കുറിച്ചുള്ള വിവരങ്ങൾ Apple ഉപയോഗിക്കും. ചില സന്ദർഭങ്ങളിൽ, ഡിവൈസ് അല്ലെങ്കിൽ ആക്സസറി എൻറോൾ ചെയ്യാൻ നിങ്ങളെ അനുവദിക്കുന്നതിന് മുൻപ് Apple-ന് അധിക ഡയഗ്നോസ്റ്റിക്സോ ഇൻ-സ്റ്റോർ അസസ്മെന്റോ ആവശ്യമായി വന്നേക്കാം.
• നിങ്ങളുടെ Apple അക്കൗണ്ട്, ഡിവൈസുകൾ, AppleCare പ്ലാൻ എന്നിവയെക്കുറിച്ചുള്ള വിവരങ്ങൾ നിങ്ങൾ പിന്തുണയും സർവീസും അഭ്യർഥിക്കുമ്പോൾ Apple ഉപയോഗിച്ചേക്കാം. നിങ്ങളുടെ പ്രശ്നത്തിന് നൽകേണ്ട മുൻഗണന വിലയിരുത്തി അത് പരിഹരിക്കാനും, നിങ്ങളുമായി ആശയവിനിമയം നടത്താനും, ആവശ്യമുള്ളപ്പോൾ നിങ്ങൾക്ക് റീഫണ്ടുകൾ നൽകാനും, തട്ടിപ്പിൽ നിന്ന് സംരക്ഷിക്കാനും, Apple-ന്റെ ഉൽപ്പന്നങ്ങളും സേവനങ്ങളും മെച്ചപ്പെടുത്താനും ഈ വിവരങ്ങൾ ഉപയോഗിക്കും.
• Apple ശേഖരിക്കുന്ന വിവരങ്ങൾ നിങ്ങളുടെ AppleCare പ്ലാനിന്റെ ചില ഘടകങ്ങളെ പിന്തുണയ്ക്കുന്നതിനായി മൂന്നാം കക്ഷി സേവന ദാതാക്കളുമായും ഞങ്ങളുടെ ഇൻഷുറൻസ് പങ്കാളിയുമായും Apple പങ്കുവച്ചേക്കാം. ഉദാഹരണത്തിന്, നിങ്ങൾ കവറേജിൽ എൻറോൾ ചെയ്യുമ്പോഴോ അത് റദ്ദാക്കുമ്പോഴോ ഈ വിവരങ്ങൾ ഞങ്ങളുടെ ഇൻഷുറൻസ് പങ്കാളിയുമായി Apple പങ്കുവച്ചേക്കാം.

AppleCare പ്ലാനുകൾ, നിങ്ങളുടെ ആവശ്യങ്ങൾക്ക് യോജിച്ച കവറേജ് തിരഞ്ഞെടുക്കാനുള്ള ഓപ്ഷനുകളോടെ, Apple-ലെ വിദഗ്ധരിൽ നിന്നുള്ള സേവനങ്ങളും പിന്തുണയും നൽകുന്നു.

AppleCare ശുപാർശകൾ

നിങ്ങൾ ഒരു പുതിയ ഡിവൈസ് വാങ്ങുമ്പോഴോ നിങ്ങളുടെ കൈവശമുള്ള ഒരു ഡിവൈസിൽ AppleCare പ്ലാനിൽ എൻറോൾ ചെയ്യുമ്പോഴോ, ഏത് AppleCare പ്ലാൻ വാങ്ങണമെന്നതിനെക്കുറിച്ചുള്ള ശുപാർശകൾ നൽകാൻ നിങ്ങളുടെ Apple അക്കൗണ്ടിനെക്കുറിച്ചുള്ള വിവരങ്ങൾ ഉപയോഗിക്കും. നിങ്ങളുടെ സ്വന്തം ഡിവൈസുകൾ, അവ വാങ്ങുകയും സജീവമാക്കുകയും ചെയ്ത തീയതികൾ, നിങ്ങൾ ഇതിനകം AppleCare സബ്സ്ക്രൈബ് ചെയ്തിട്ടുണ്ടോ പോലുള്ള വിവരങ്ങൾ ഇതിൽ ഉൾപ്പെടുന്നു. പൊതുവെ, നിങ്ങളുടെ iOS, iPadOS, അല്ലെങ്കിൽ visionOS ഡിവൈസിൽ വ്യക്തിഗതമാക്കിയ ശുപാർശകൾ എനേബിൾ അല്ലെങ്കിൽ ഡിസേബിൾ ചെയ്യാൻ, ക്രമീകരണം > [നിങ്ങളുടെ പേര്] > മീഡിയയും വാങ്ങലുകളും > അക്കൗണ്ട് കാണൂ എന്നതിലേക്ക് പോയി വ്യക്തിഗതമാക്കിയ ശുപാർശകൾ എന്നതിൽ ടാപ്പ് ചെയ്യൂ. Apple Store ആപ്പിൽ, ശുപാർശകളിൽ ഉപയോഗിക്കുന്നതിനായി നിങ്ങൾ പങ്കിടുന്ന ഡാറ്റ നിങ്ങൾക്ക് നിയന്ത്രിക്കാനാകും. നിങ്ങൾ പങ്കിടുന്നത് മാറ്റാൻ, Apple Store ആപ്പിനുള്ളിലെ അക്കൗണ്ട് > ക്രമീകരണം എന്നതിലേക്ക് പോകൂ, തുടർന്ന് ‘നിങ്ങളുടെ ഡിവൈസുകൾ’ അല്ലെങ്കിൽ ‘നിങ്ങളുടെ സേവനങ്ങൾ’ ടാപ്പ് ചെയ്യൂ. യൂസറുടെ ഉപയോഗ ചരിത്രം മനസ്സിലാക്കാനും AppleCare പ്ലാനുകൾക്കുള്ള ഞങ്ങളുടെ ശുപാർശകൾ മെച്ചപ്പെടുത്താനുമായി ഈ ശുപാർശകളെ കുറിച്ചുള്ള വിവരങ്ങൾ Apple തിരിച്ചറിയാനാകുന്ന തരത്തിൽ റെക്കോർഡ് ചെയ്യുന്നു.

AppleCare പേയ്മെന്റുകൾ

നിശ്ചിത സമയത്തേക്കോ, പ്രതിമാസം ആവർത്തിക്കുന്ന തരത്തിലോ (‘പ്രതിമാസ പ്ലാൻ’), പ്രതിവർഷം ആവർത്തിക്കുന്ന തരത്തിലോ (‘വാർഷിക പ്ലാൻ’) AppleCare കവറേജിന് നിങ്ങൾക്ക് പണമടയ്ക്കാം. പ്രതിമാസ പ്ലാനിലും വാർഷിക പ്ലാനിലും നിങ്ങളുടെ Apple അക്കൗണ്ടുമായി ബന്ധപ്പെടുത്തിയ പേയ്മെന്റ് രീതിയിൽ നിന്നായിരിക്കും തുക ഈടാക്കുന്നത്. നിങ്ങൾ Apple.com എന്നതിൽ ഒരു പ്രതിമാസ പ്ലാനോ പ്രതിവർഷ പ്ലാനോ ഓൺലൈനായി വാങ്ങുകയാണെങ്കിൽ, നിങ്ങൾ ഉപയോഗിക്കുന്ന പേയ്മെന്റ് രീതി ഒരു നോൺഡിഫോൾട്ട് പേയ്മെന്റ് രീതിയായി Apple അക്കൗണ്ടിലേക്ക് ചേർക്കുന്നതാണ്. നിങ്ങളുടെ Apple അക്കൗണ്ടുമായി നിലവിൽ പേയ്മെന്റ് രീതികളൊന്നും ബന്ധപ്പെടുത്തിയിട്ടില്ലെങ്കിൽ, നിങ്ങൾ ഈ വാങ്ങലിനായി ഉപയോഗിക്കുന്ന പേയ്മെന്റ് രീതി, നിങ്ങളുടെ പ്ലാനിനായുള്ള പേയ്മെന്റുകൾക്കുള്ള ഡിഫോൾട്ട് പേയ്മെന്റ് രീതിയായി, നിങ്ങളുടെ Apple അക്കൗണ്ടിലേക്ക് ചേർക്കും. നിങ്ങളുടെ iOS, iPadOS, അല്ലെങ്കിൽ visionOS ഡിവൈസിൽ ക്രമീകരണം > [നിങ്ങളുടെ പേര്] > പേയ്മെന്റും ഷിപ്പിങ്ങും എന്നതിലേക്ക് പോയി നിങ്ങൾക്ക് എപ്പോൾ വേണമെങ്കിലും നിങ്ങളുടെ Apple അക്കൗണ്ടുമായി ബന്ധപ്പെടുത്തിയ പേയ്മെന്റ് രീതി അപ്ഡേറ്റ് ചെയ്യാം. നിങ്ങളുടെ Mac-ൽ, സിസ്റ്റം ക്രമീകരണം > [നിങ്ങളുടെ പേര്] > പേയ്മെന്റും ഷിപ്പിങ്ങും എന്നതിലേക്ക് പോകൂ.

AppleCare One: ഡിവൈസ് യോഗ്യത

ഒന്നിലധികം ഡിവൈസുകൾ കൂടാതെ/അല്ലെങ്കിൽ അനുയോജ്യമായ ആക്സസറികൾ ഉപയോഗിച്ച് AppleCare-ൽ എൻറോൾ ചെയ്യാൻ AppleCare One നിങ്ങളെ അനുവദിക്കുന്നു. നിങ്ങളുടെ AppleCare One പ്ലാനിൽ നിങ്ങൾ ഉൾപ്പെടുത്താൻ ഉദ്ദേശിക്കുന്ന എല്ലാ ഡിവൈസുകളിലും നിങ്ങളുടെ Apple അക്കൗണ്ടിലേക്ക് സൈൻ ഇൻ ചെയ്തിരിക്കണം. നിങ്ങൾ എൻറോൾ ചെയ്തുകഴിഞ്ഞാൽ, ഏതൊക്കെ ഡിവൈസുകളും അനുയോജ്യമായ ആക്സസറികളും ഉടനടി കവർ ചെയ്യാനാകുമെന്നും കവറേജിന് യോഗ്യത നേടുന്നതിന് മുൻപ് ഏതൊക്കെ ഡിവൈസുകൾക്ക് അധിക ഡയഗ്നോസ്റ്റിക്സ് ആവശ്യമായി വന്നേക്കാമെന്നും വിലയിരുത്തുന്നതിന് Apple നിങ്ങളെയും നിങ്ങളുടെ ഡിവൈസുകളെയും കുറിച്ചുള്ള വിവരങ്ങൾ ഉപയോഗിക്കും. നിങ്ങളുടെ ഡിവൈസിന് അർഹതയുള്ള ഏറ്റവും മികച്ച കവറേജ് ലഭിക്കുന്നുണ്ടെന്ന് ഉറപ്പാക്കുകയും തട്ടിപ്പ് തടയാൻ Apple-നെ സഹായിക്കുകയും ചെയ്യുക എന്നതാണ് ഈ യോഗ്യതാ വിലയിരുത്തലിന്റെ ലക്ഷ്യം. പ്രത്യേകിച്ചും, നിങ്ങളുടെ AppleCare One പ്ലാനിലേക്ക് ഒരു ഡിവൈസ് ചേർക്കാൻ ശ്രമിക്കുമ്പോൾ, ഈ തീരുമാനം എടുക്കാനായി, iCloud-ൽ നിങ്ങൾ അവസാനമായി സൈൻ ഇൻ ചെയ്തത് എപ്പോഴാണ്, Apple-ന് നൽകാനുള്ള ഏതെങ്കിലും പേയ്മെന്റുകളിൽ കൃത്യവിലോപമുണ്ടായോ, നിങ്ങളുടെ ഡിവൈസുകളുടെ പഴക്കം, ഡിവൈസ് രജിസ്റ്റർ ചെയ്തിരിക്കുന്ന രാജ്യം, ഡിവൈസിന്റെ മുൻകാല റിപ്പയറുകളും സേവന കോൺടാക്റ്റുകളും, ‘കണ്ടെത്തൂ’ ഉപയോഗിച്ച് ഡിവൈസ് നഷ്ടപ്പെട്ടതായി അടയാളപ്പെടുത്തിയിട്ടുണ്ടോ അല്ലെങ്കിൽ മോഷ്ടിക്കപ്പെട്ടതായി റിപ്പോർട്ട് ചെയ്തിട്ടുണ്ടോ എന്നിവ ഉൾപ്പെടെ നിങ്ങളുടെ Apple അക്കൗണ്ട്, ഡിവൈസുകൾ, നിലവിലെ AppleCare പ്ലാൻ കവറേജ് എന്നിവയെക്കുറിച്ചുള്ള വിവരങ്ങൾ Apple ഉപയോഗിക്കും. ചില സന്ദർഭങ്ങളിൽ, ഡിവൈസ് അല്ലെങ്കിൽ ആക്സസറി എൻറോൾ ചെയ്യാൻ നിങ്ങളെ അനുവദിക്കുന്നതിന് മുൻപ് Apple-ന്, ഒരു ടെസ്റ്റ് കോൾ അല്ലെങ്കിൽ സന്ദേശമയയ്ക്കൽ, റിമോട്ട് ഫങ്ഷണൽ, കോസ്മെറ്റിക് ഡയഗ്നോസ്റ്റിക്സ്, കൂടാതെ/അല്ലെങ്കിൽ ഫിസിക്കൽ, ഇൻ-സ്റ്റോർ അസസ്മെന്റ് എന്നിവ ഉൾപ്പടെ, എന്നാൽ അതിൽ പരിമിതമല്ലാത്ത അധിക ഡയഗ്നോസ്റ്റിക്സ് ആവശ്യമായി വന്നേക്കാം. യോഗ്യത വിലയിരുത്തുന്നതിന് Apple നിങ്ങളോട് റിമോട്ട് ഡയഗ്നോസ്റ്റിക്സ് സമർപ്പിക്കാൻ ആവശ്യപ്പെടുന്നിടത്ത്, സമർപ്പിക്കുന്നതിന് മുൻപ് ഞങ്ങൾ ശേഖരിക്കുന്ന ഡാറ്റയെക്കുറിച്ചുള്ള കൂടുതൽ വിവരങ്ങൾ നിങ്ങൾ കാണും.

പിന്തുണയും സർവീസും

നിങ്ങളുടെ Apple അക്കൗണ്ട്, ഡിവൈസുകൾ, AppleCare പ്ലാൻ എന്നിവയെക്കുറിച്ചുള്ള വിവരങ്ങൾ നിങ്ങൾ പിന്തുണയും സർവീസും ആവശ്യപ്പെടുമ്പോൾ Apple ഉപയോഗിച്ചേക്കാം. നിങ്ങളുടെ കോൺടാക്റ്റ് വിവരങ്ങൾ, നിങ്ങളുടെ ലൊക്കേഷനെക്കുറിച്ചുള്ള വിവരങ്ങൾ, ഡിവൈസ് സീരിയൽ നമ്പറുകൾ, ഫിനാൻഷ്യൽ അക്കൗണ്ട് വിവരങ്ങൾ എന്നിവയും നിങ്ങൾ നൽകിയേക്കാവുന്ന മറ്റ് വിവരങ്ങളും ഉൾപ്പെടെയുള്ള ഈ വിവരങ്ങൾ, നിങ്ങളെ ഓതെന്റിക്കേറ്റ് ചെയ്യാനും, നിങ്ങളുടെ പ്രശ്നത്തിന് നൽകേണ്ട മുൻഗണന വിലയിരുത്തി അത് പരിഹരിക്കാനും, നിങ്ങളുമായി ആശയവിനിമയം നടത്താനും, ആവശ്യമുള്ളപ്പോൾ നിങ്ങൾക്ക് റീഫണ്ടുകൾ നൽകാനും, തട്ടിപ്പിൽ നിന്ന് സംരക്ഷിക്കാനും, Apple-ന്റെ ഉൽപ്പന്നങ്ങളും സേവനങ്ങളും മെച്ചപ്പെടുത്താനും ഉപയോഗിക്കും.

മൂന്നാം കക്ഷികളുമായുള്ള പങ്കിടൽ

ഞങ്ങൾ ശേഖരിക്കുന്ന വിവരങ്ങൾ നിങ്ങളുടെ AppleCare പ്ലാനിന്റെ ചില ഘടകങ്ങളെ പിന്തുണയ്ക്കുന്നതിനായി മൂന്നാം കക്ഷി സേവന ദാതാക്കളുമായും ഞങ്ങളുടെ ഇൻഷുറൻസ് പങ്കാളിയുമായും Apple പങ്കുവച്ചേക്കാം. ഉദാഹരണത്തിന്, നിങ്ങളുടെ കോൺടാക്റ്റ് വിവരങ്ങളും ഡിവൈസ് ഐഡന്റിഫയറുകളും നിങ്ങൾ AppleCare-ൽ എൻറോൾ ചെയ്യുമ്പോഴോ ഒരു കരാർ റദ്ദാക്കുമ്പോഴോ നിങ്ങളുടെ AppleCare One പ്ലാനിൽ ഒരു ഡിവൈസ് എൻറോൾ അല്ലെങ്കിൽ അൺഎൻറോൾ ചെയ്യുമ്പോഴോ അല്ലെങ്കിൽ ഒരു ‘മോഷണവും നഷ്ടപ്പെടലും’ ക്ലെയിമിനായുള്ള അഭ്യർഥന ആരംഭിക്കുമ്പോഴോ ഞങ്ങളുടെ ഇൻഷുറൻസ് പങ്കാളിയുമായി Apple പങ്കുവച്ചേക്കാം.

നിങ്ങളുമായുള്ള ആശയവിനിമയം

നിങ്ങളുടെ Apple അക്കൗണ്ടിനെയും ഡിവൈസിനെയും കുറിച്ചുള്ള വിവരങ്ങൾ നിങ്ങളുടെ AppleCare പ്ലാനിനെക്കുറിച്ച് നിങ്ങളുമായി നടത്തുന്ന ആശയവിനിമയങ്ങൾക്കായി Apple ഉപയോഗിച്ചേക്കാം. നിങ്ങളുടെ പേയ്മെന്റുകളും വാങ്ങലുകളുമായി ബന്ധപ്പെട്ട സന്ദേശങ്ങൾ, നിങ്ങൾക്ക് നൽകുന്ന ഇൻവോയ്സുകളും രസീതുകളും, നിങ്ങളുടെ ക്ലെയിമുകളെയും ഡിവൈസുകളെയും കുറിച്ചുള്ള ആശയവിനിമയങ്ങൾ എന്നിവ ഇതിൽ ഉൾപ്പെട്ടേക്കാം. Apple ഉൽപ്പന്നങ്ങൾ, സേവനങ്ങൾ, നിങ്ങൾ ഇഷ്ടപ്പെട്ടേക്കാവുന്ന ഓഫറുകൾ എന്നിവയെ കുറിച്ചുള്ള ആശയവിനിമയങ്ങൾ അയയ്ക്കാൻ നിങ്ങളുടെ ഉടമസ്ഥതയിലുള്ള Apple ഉൽപ്പന്നങ്ങളും, Apple സേവനങ്ങളിലേക്കുള്ള സബ്സ്ക്രിപ്ഷനുകളും പോലുള്ള നിങ്ങളുടെ Apple അക്കൗണ്ടിനെ കുറിച്ചുള്ള വിവരങ്ങളും Apple ഉപയോഗിച്ചേക്കാം. ഇ‑മെയിൽ മാർക്കറ്റിങ് സ്വീകരിക്കാൻ നിങ്ങൾ സമ്മതം നൽകിയാൽ, നിങ്ങൾക്ക് ഈ ആശയവിനിമയങ്ങൾ ഇ‑മെയിൽ വഴി ലഭിച്ചേക്കാം. ഞങ്ങളുടെ സേവനങ്ങൾ മെച്ചപ്പെടുത്തുന്നതിന് അറിയിപ്പുകൾ ഉൾപ്പെടെ ഞങ്ങളുടെ ആശയവിനിമയങ്ങളുമായുള്ള നിങ്ങളുടെ ഇന്ററാക്‌ഷനുകളെ കുറിച്ചുള്ള വിവരങ്ങൾ Apple ഉപയോഗിക്കുന്നു. account.apple.com എന്നതിലേക്ക് പോയോ നിങ്ങളുടെ iOS, iPadOS, അല്ലെങ്കിൽ visionOS ഡിവൈസിൽ ക്രമീകരണം > [നിങ്ങളുടെ പേര്] > വ്യക്തിഗത വിവരങ്ങൾ > ആശയവിനിമയ മുൻഗണനകൾ എന്നതിലേക്ക് പോയോ നിങ്ങളുടെ ഇ‑മെയിൽ മുൻഗണനകൾ മാറ്റുകയും ഈ ഇ‑മെയിലുകളിൽ ചിലത് ലഭിക്കുന്നത് ഒഴിവാക്കുകയും ചെയ്യാം. നിങ്ങളുടെ Mac-ൽ, സിസ്റ്റം ക്രമീകരണം > [നിങ്ങളുടെ പേര്] > വ്യക്തിഗത വിവരങ്ങൾ > ആശയവിനിമയ മുൻഗണനകൾ എന്നതിലേക്ക് പോകൂ.

അനലിറ്റിക്സ്

യോഗ്യതാ പ്രക്രിയ, പ്ലാൻ വിൽപ്പന, ഡിവൈസ് പ്രൊവിഷനിങ്, സർവീസ് ഇവന്റുകൾ എന്നിവ ഉൾപ്പെടെ, നിങ്ങളുടെ വാങ്ങലുകളുമായി ബന്ധപ്പെട്ട നിങ്ങളുടെ അനുഭവത്തെയും AppleCare-മായുള്ള ഇന്ററാക്ഷനുകളെയും കുറിച്ചുള്ള തിരിച്ചറിയാനാകുന്ന വിവരങ്ങൾ Apple ശേഖരിക്കുന്നു. സർവീസ് പ്രവർത്തനങ്ങൾ നടത്തുന്നതിനും അവ മെച്ചപ്പെടുത്താൻ സഹായിക്കുന്നതിനായുള്ള ബിസിനസ്, ആഭ്യന്തര ഗവേഷണങ്ങൾക്കും അനലിറ്റിക്സിനും, മാർക്കറ്റിങ്ങിനും, തട്ടിപ്പ് തടയുന്നതിനും, കൂടാതെ സുരക്ഷാ ആവശ്യങ്ങൾക്കുമായി ഇത്തരം വിവരങ്ങൾ ഉപയോഗിച്ചേക്കാം.

വ്യക്തിഗത ഡാറ്റ പ്രോസസ് ചെയ്യുന്നതിന് ബാധകമായ നിയമപരമായ അടിസ്ഥാനം

സാധാരണയായി, Apple‑മായുള്ള നിങ്ങളുടെ കരാർ നിർവഹിക്കുന്നതിനായി, സേവനം നൽകുന്നതിന് ആവശ്യമായ രീതിയിലും ഞങ്ങളുടെ നിയമപരമായ ബാധ്യതകൾ പാലിക്കുന്നതിനും, ഞങ്ങൾ നിങ്ങളുടെ വ്യക്തിഗത ഡാറ്റ പ്രോസസ് ചെയ്യുന്നു. ഉചിതമായ നിയമങ്ങളുടെ അടിസ്ഥാനത്തിൽ സമ്മതം ആവശ്യമായിടത്ത്, ബാധകമായ പ്രാദേശിക നിയമത്തിന് അനുസൃതമായി ഞങ്ങൾ അത് തേടും.

ബാധകമായ പ്രാദേശിക നിയമം വ്യവസ്ഥ ചെയ്യുന്നതനുസരിച്ച്, ഞങ്ങളുടെയോ അല്ലെങ്കിൽ ഒരു മൂന്നാംകക്ഷിയുടെയോ ന്യായാനുസൃതമായ താൽപ്പര്യങ്ങൾക്കാവശ്യമായ വ്യക്തിഗത ഡാറ്റ ചുവടെ പറയുന്ന കാര്യങ്ങളുമായി ബന്ധപ്പെട്ട് ഞങ്ങൾ പ്രോസസ് ചെയ്യുന്നു:

• നിങ്ങൾക്കും മറ്റുള്ളവർക്കുമായി Apple ഉൽപ്പന്നങ്ങളും സേവനങ്ങളും മെച്ചപ്പെടുത്തുക
• നിങ്ങൾക്ക് സർവീസും പിന്തുണയും നൽകുക
• പ്ലാനുകൾക്കായുള്ള യോഗ്യത പരിശോധിക്കുകയും AppleCare, മറ്റ് ബന്ധപ്പെട്ട Apple ഉൽപ്പന്നങ്ങൾ, സേവനങ്ങൾ, നിങ്ങൾ താൽപര്യമുണ്ടായേക്കാവുന്ന ഓഫറുകൾ എന്നിവയെ കുറിച്ചുള്ള ആശയവിനിമയങ്ങൾ നിങ്ങൾക്ക് അയയ്ക്കുകയും ചെയ്യുക
• തട്ടിപ്പും മറ്റ് ഉപദ്രവകരമായ പ്രവർത്തനങ്ങളും തടയുക

ഉപയോഗിക്കുന്ന ഡാറ്റയിൽ ഇനിപ്പറയുന്നവ ഉൾപ്പെടുന്നു:

• നിങ്ങളുടെ പിന്തുണയും സർവീസും സംബന്ധിച്ച് Apple-മായുള്ള ഇന്ററാക്ഷനുകൾ
• നിങ്ങളുടെ ഡിവൈസുകളും Apple അക്കൗണ്ടും സംബന്ധിച്ച വിശദാംശങ്ങൾ
• നിങ്ങളുടെ AppleCare പ്ലാനിനെക്കുറിച്ചുള്ള വിശദാംശങ്ങൾ

നിലനിർത്തൽ

നിങ്ങളുടെ ഇടപാടുകൾ, നിങ്ങളുടെ പ്ലാനിന്റെ ഉപയോഗം എന്നിവയുമായി ബന്ധപ്പെട്ട വ്യക്തിഗത ഡാറ്റ ബിസിനസ് ആവശ്യമോ കരാർ ബാധ്യതയോ നിയമപരമായ ആവശ്യകതയോ ഉള്ളിടത്തോളം കാലം മാത്രമേ Apple നിലനിർത്തൂ. പൊതുവിൽ, AppleCare പിന്തുണയും സർവീസുമായി ബന്ധപ്പെട്ട വിവരങ്ങൾ 10 വർഷക്കാലം നിങ്ങളുമായി ബന്ധപ്പെടുത്തുന്ന വിധത്തിൽ Apple നിലനിർത്തുന്നു. ഇത് നിയമം അനുശാസിക്കുന്ന അവസരങ്ങളിൽ, കൂടുതൽ കാലത്തേക്ക് നീട്ടിയേക്കാം.

എല്ലാ സമയത്തും, Apple ശേഖരിച്ച വിവരങ്ങൾ Apple-ന്റെ സ്വകാര്യതാ നയമനുസരിച്ച് കൈകാര്യം ചെയ്യപ്പെടുന്നതാണ്. സ്വകാര്യതാ നയം www.apple.com/in/privacy എന്നതിൽ കണ്ടെത്താം.

2026-03-30