iOS ഡിവൈസ് അനലിറ്റിക്സ്

ഹാർഡ്‌വെയറിന്റെയും ഓപ്പറേറ്റിങ് സിസ്റ്റത്തിന്റെയും സ്പെസിഫിക്കേഷനുകൾ, പെർഫോമൻസ് സ്ഥിതിവിവരക്കണക്കുകൾ, നിങ്ങളുടെ ഡിവൈസുകളും ആപ്ലിക്കേഷനുകളും നിങ്ങൾ എങ്ങനെ ഉപയോഗിക്കുന്നു എന്നതിനെക്കുറിച്ചുള്ള ഡാറ്റ എന്നിവ സംബന്ധിച്ച വിശദാംശങ്ങൾ iPhone അനലിറ്റിക്സിൽ ഉൾപ്പെട്ടേക്കാം. Apple‑ന്റെ ഉൽപ്പന്നങ്ങളും സേവനങ്ങളും മെച്ചപ്പെടുത്താനും വികസിപ്പിക്കാനും സഹായിക്കുന്നതിന് ഈ വിവരങ്ങൾ ഉപയോഗിക്കുന്നു. ശേഖരിക്കുന്ന വിവരങ്ങളൊന്നും നിങ്ങളെ വ്യക്തിപരമായി തിരിച്ചറിയുന്നതല്ല. വ്യക്തിഗത ഡാറ്റ ലോഗ് ചെയ്യുകയേയില്ല, അത് ഡിഫറൻഷ്യൽ സ്വകാര്യത പോലുള്ള സ്വകാര്യത സംരക്ഷിക്കുന്നതിനുള്ള സാങ്കേതികതകൾക്ക് വിധേയമാണ്, അല്ലെങ്കിൽ Apple-ന് അയയ്ക്കുന്നതിന് മുൻപ് എല്ലാ റിപ്പോർട്ടുകളിൽ നിന്നും അത് നീക്കം ചെയ്യും. ക്രമീകരണം > സ്വകാര്യതയും സുരക്ഷയും > അനലിറ്റിക്സും മെച്ചപ്പെടുത്തലുകളും എന്നതിലേക്ക് പോയി ‘അനലിറ്റിക്സ് ഡാറ്റ’ ടാപ്പ് ചെയ്യുന്നതിലൂടെ നിങ്ങളുടെ iOS ഡിവൈസിൽ ഈ വിവരങ്ങൾ നിങ്ങൾക്ക് റിവ്യൂ ചെയ്യാം.

Apple‑ന് ഈ വിവരങ്ങൾ നൽകാൻ നിങ്ങൾ സമ്മതിക്കുകയും ലൊക്കേഷൻ സേവനങ്ങൾ ഓണാക്കുകയും ചെയ്തിട്ടുണ്ടെങ്കിൽ, പെർഫോമൻസ് പ്രശ്നങ്ങൾ (ഉദാഹരണത്തിന്, ഒരു പ്രത്യേക സ്ഥലത്ത് മൊബൈലിന്റെയോ Wi-Fi-യുടേയോ സിഗ്‌നലിന്റെ ഏറ്റക്കുറച്ചിലുകൾ) വിശകലനം ചെയ്യാൻ Apple‑നെ സഹായിക്കുന്നതിന് നിങ്ങളുടെ ഡിവൈസുകളുടെ ലൊക്കേഷൻ അയച്ചേക്കാം. ഈ അനലിറ്റിക്സ് ലൊക്കേഷൻ ഡാറ്റയിൽ ഒരു കോൾ അവസാനിച്ച ലൊക്കേഷൻ അല്ലെങ്കിൽ പരാജയപ്പെട്ട ഇൻ‑സ്റ്റോർ ഇടപാടിന്റെ ലൊക്കേഷൻ പോലുള്ള ലൊക്കേഷനുകൾ ഉൾപ്പെട്ടേക്കാം. നിങ്ങൾക്ക് എപ്പോൾ വേണമെങ്കിലും അനലിറ്റിക്സിനായി ലൊക്കേഷൻ സേവനങ്ങൾ ഡിസേബിൾ ചെയ്യാൻ തിരഞ്ഞെടുക്കാം. അങ്ങനെ ചെയ്യാൻ, ക്രമീകരണം > സ്വകാര്യതയും സുരക്ഷയും > ലൊക്കേഷൻ സേവനങ്ങൾ > സിസ്റ്റം സേവനങ്ങൾ എന്നതിലേക്ക് പോയി iPhone അനലിറ്റിക്സ് ഓഫാക്കാൻ ടാപ്പ് ചെയ്യൂ.

ഒരേ iCloud അക്കൗണ്ട് ഉപയോഗിക്കുന്ന ഒന്നിലധികം ഡിവൈസുകളിൽ നിന്ന് Apple‑ലേക്ക് അനലിറ്റിക്സ് വിവരങ്ങൾ അയയ്ക്കാൻ നിങ്ങൾ സമ്മതിക്കുകയാണെങ്കിൽ, എൻഡ്‑ടു‑എൻഡ് എൻക്രിപ്ഷൻ ഉപയോഗിച്ച് സിങ്ക് ചെയ്തുകൊണ്ട് ആ ഡിവൈസുകളിൽ ഉടനീളം Apple ആപ്പുകളെ കുറിച്ചുള്ള ചില ഉപയോഗ ഡാറ്റ ഞങ്ങൾ പരസ്പരം ബന്ധിപ്പിച്ചേക്കാം. Apple‑ന് നിങ്ങളെ തിരിച്ചറിയാൻ കഴിയാത്ത വിധത്തിലാണ് ഞങ്ങൾ ഇത് ചെയ്യുന്നത്.

ഡിവൈസ് അനലിറ്റിക്സ് പങ്കിടുന്നത് പൂർണമായും ഡിസേബിൾ ചെയ്യാനും നിങ്ങൾക്ക് തിരഞ്ഞെടുക്കാം. അങ്ങനെ ചെയ്യുന്നതിന്, ക്രമീകരണം > സ്വകാര്യതയും സുരക്ഷയും > അനലിറ്റിക്സും മെച്ചപ്പെടുത്തലുകളും എന്നതിലേക്ക് പോയി, ‘iPhone അനലിറ്റിക്സ് പങ്കിടൂ’ ഓഫാക്കൂ. നിങ്ങളുടെ iPhone‑മായി ജോഡിയാക്കിയ ഒരു Apple Watch നിങ്ങൾക്ക് ഉണ്ടെങ്കിൽ, ‘iPhone‑ഉം Watch അനലിറ്റിക്സും പങ്കിടൂ’ ഓഫാക്കാൻ ടാപ്പ് ചെയ്യൂ.

ഈ സവിശേഷതകൾ ഉപയോഗിക്കുക വഴി, Apple-ഉം അതിന്റെ സബ്സിഡിയറികളും പ്രതിനിധികളും ഈ വിവരങ്ങളുടെ സംപ്രേഷണം, ശേഖരണം, പരിപാലനം, പ്രൊസസിങ്, മുകളിൽ പരാമർശിക്കപ്പെട്ട വിധമുള്ള ഉപയോഗം എന്നിവ ചെയ്യുന്നതിന് നിങ്ങൾ അംഗീകാരവും സമ്മതവും നൽകുന്നു.

എല്ലാ സമയത്തും, Apple ശേഖരിച്ച വിവരങ്ങൾ Apple-ന്റെ സ്വകാര്യതാ നയമനുസരിച്ച് കൈകാര്യം ചെയ്യപ്പെടുന്നതാണ്. സ്വകാര്യതാ നയം www.apple.com/in/privacy എന്നതിൽ കണ്ടെത്താം.

2025-12-12