• FaceTime എൻഡ്-ടു-എൻഡ് എൻക്രിപ്റ്റ് ചെയ്തിരിക്കുന്നു. നിങ്ങൾ ഉപയോഗിക്കുന്ന ഫോൺ നമ്പറോ ഇ-മെയിൽ വിലാസമോ നിങ്ങൾ കോൺടാക്റ്റ് ചെയ്യുന്ന ആളുകളെ കാണിക്കും, നിങ്ങളുടെ പേരും ഫോട്ടോയും പങ്കിടാൻ നിങ്ങൾക്ക് തിരഞ്ഞെടുക്കാം.
• നിങ്ങൾ ഒരു FaceTime കോൾ ചെയ്യാൻ ശ്രമിച്ചത് പോലെയുള്ള FaceTime-ന്റെ ഉപയോഗത്തെക്കുറിച്ചുള്ള പരിമിതമായ വിവരങ്ങൾ Apple 30 ദിവസം വരെ നിലനിർത്തുന്നു.
• ചില പ്രദേശങ്ങളിലെ വെബ് യൂസർമാരെ വെബ് വഴി FaceTime കോളുകളിൽ ചേരാൻ FaceTime അനുവദിക്കുന്നു.

iOS, iPadOS അല്ലെങ്കിൽ visionOS ഡിവൈസ് അല്ലെങ്കിൽ Mac ഉപയോഗിക്കുന്ന ഒരാൾക്ക് വീഡിയോ അല്ലെങ്കിൽ ഓഡിയോ കോളുകൾ ചെയ്യാനും Apple Watch ഉപയോഗിച്ച് അല്ലെങ്കിൽ വെബിലൂടെ ഓഡിയോ കോളുകൾ ചെയ്യാനുമുള്ള ഒരു Apple സേവനമാണ് FaceTime. ഈ കോളുകൾ നിങ്ങളുടെ മൊബൈൽ സേവന മിനിറ്റിൽ കണക്കാക്കില്ല.

എൻഡ്-ടു-എൻഡ് എൻക്രിപ്ഷൻ ഉപയോഗിക്കുന്നതിനാണ് ഞങ്ങൾ FaceTime രൂപകൽപ്പന ചെയ്തത്. FaceTime കോളുകളുടെ ഉള്ളടക്കം ഞങ്ങൾ ഒരിക്കലും സംഭരിക്കുന്നില്ല.

നിങ്ങളുടെ Apple അക്കൗണ്ട് അല്ലെങ്കിൽ നിങ്ങളുടെ ഫോൺ നമ്പർ ഉപയോഗിച്ച് നിങ്ങൾക്ക് FaceTime-ലേക്ക് സൈൻ ഇൻ ചെയ്യാം. നിങ്ങളുടെ ഡിവൈസിലെ Apple അക്കൗണ്ടിലേക്ക് സൈൻ ഇൻ ചെയ്യുകയാണെങ്കിൽ, നിങ്ങൾ FaceTime-ലേക്ക് ഓട്ടോമാറ്റിക്കായി സൈൻ ഇൻ ചെയ്യപ്പെടും. നിങ്ങൾ കോൺടാക്റ്റ് ചെയ്യുന്ന ആളുകൾക്ക് നിങ്ങളുടെ Apple അക്കൗണ്ട് അല്ലെങ്കിൽ ഫോൺ നമ്പറുകൾ കാണിക്കും, നിങ്ങളുടെ Apple അക്കൗണ്ട്, അക്കൗണ്ടിലെ ഇ-മെയിൽ വിലാസങ്ങൾ അല്ലെങ്കിൽ ഫോൺ നമ്പറുകൾ ഉപയോഗിച്ച് ആളുകൾക്ക് നിങ്ങളെ കോൺടാക്റ്റ് ചെയ്യാനാകും. FaceTime കോളുകൾക്കായി നിങ്ങൾ ഉപയോഗിക്കാൻ ആഗ്രഹിക്കുന്ന ഫോൺ നമ്പറുകളോ ഇ-മെയിൽ വിലാസങ്ങളോ നിങ്ങൾക്ക് FaceTime ക്രമീകരണങ്ങളിൽ തിരഞ്ഞെടുക്കാം. account.apple.com എന്നതിൽ നിങ്ങളുടെ Apple അക്കൗണ്ട് പേജിൽ നിന്ന് നിങ്ങൾക്ക് കൂടുതൽ ‘ഇതിൽ ബന്ധപ്പെടാം’ വിവരങ്ങൾ ചേർക്കാനും പരിശോധിച്ചുറപ്പിക്കാനും കഴിയും.

FaceTime കോളുകളിൽ Apple അല്ലെങ്കിൽ മൂന്നാം കക്ഷി ആപ്പുകളിൽ നിന്നുള്ള അനുഭവങ്ങൾ പങ്കിടാൻ SharePlay നിങ്ങളെ അനുവദിക്കുന്നു. SharePlay വഴി കൈമാറുന്ന വിവരങ്ങൾ എൻഡ്-ടു-എൻഡ് എൻക്രിപ്റ്റ് ചെയ്തതാണ്. ആപ്പ് ഡെവലപ്പർമാർക്ക് അവരുടെ ആപ്പുകളിലെ നിങ്ങളുടെ ഉപയോഗത്തെ കുറിച്ചുള്ള വിവരങ്ങളിലേക്ക് ആക്സസ് ഉണ്ടായേക്കാം.

FaceTime ലിങ്കുകൾ യൂസർമാരെ പിന്നീട് ഒരു കോൾ സജ്ജീകരിക്കാൻ അനുവദിക്കുന്നു, കൂടാതെ Windows അല്ലെങ്കിൽ Android എന്നതിൽ പങ്കെടുക്കുന്നവരെ വെബ് വഴി ചേരാൻ ക്ഷണിക്കുകയും ചെയ്യുന്നു. വെബ് യൂസർമാർ സ്വയം തിരിച്ചറിയുന്നതിനും FaceTime കോളിലേക്ക് ആക്സസ് അഭ്യർഥിക്കുന്നതിനും ഒരു പേര് നൽകേണ്ടതുണ്ട്. കോളിലെ ഏതൊരു ഓതെന്റിക്കേറ്റ് ചെയ്ത യൂസറിനും ഒരു വെബ് യൂസർ കോളിൽ ചേരുന്നതിന്റെ ആദ്യ 30 സെക്കൻഡിനുള്ളിൽ വെബ് യൂസറിനെ നീക്കം ചെയ്യാൻ കഴിയും.

FaceTime ഓഡിയോക്കും ഫോൺ കോളുകൾക്കുമായി, നിങ്ങളുടെ ഇൻകമിങ് കോൾ സ്ക്രീനിൽ നിങ്ങളുടെ ‘കോൺടാക്റ്റ് പോസ്റ്റർ’ പ്രദർശിപ്പിക്കും. നിങ്ങളുടെ കോൺടാക്റ്റുകളുമായി മാത്രം കോൺടാക്റ്റ് പോസ്റ്റർ ഓട്ടോമാറ്റിക്കായി പങ്കിടാൻ നിങ്ങൾക്ക് തിരഞ്ഞെടുക്കാം, അല്ലെങ്കിൽ ഓരോ തവണയും പങ്കിടാൻ ആവശ്യപ്പെടാം, പങ്കിട്ട ഡാറ്റ അവരുടെ ഡിവൈസുകളിൽ സംഭരിക്കപ്പെടും. ഒരു ഗ്രൂപ്പ് FaceTime ഓഡിയോയിലോ ഫോൺ സംഭാഷണത്തിലോ നിങ്ങളുടെ കോൺടാക്റ്റ് പോസ്റ്റർ ഒന്നിലധികം ആളുകളുമായി പങ്കിടുകയാണെങ്കിൽ, ആ സംഭാഷണത്തിലുള്ള എല്ലാ ആളുകൾക്കും നിങ്ങളുടെ കോൺടാക്റ്റ് പോസ്റ്റർ അയയ്ക്കും. നിങ്ങൾക്ക് എപ്പോൾ വേണമെങ്കിലും കോൺടാക്റ്റ് പോസ്റ്റർ അപ്ഡേറ്റ് ചെയ്യാം. നിങ്ങൾ ഓട്ടോമാറ്റിക്കായി പങ്കിടുകയാണെങ്കിൽ, നിങ്ങൾ അടുത്തതായി ഒരു FaceTime ഓഡിയോ അല്ലെങ്കിൽ ഫോൺ കോൾ ചെയ്യുമ്പോൾ അപ്ഡേറ്റുകൾ അയയ്ക്കും. നിങ്ങൾ കോൺടാക്റ്റ് പോസ്റ്റർ പങ്കിടുകയും പിന്നീട് പങ്കിടൽ ഓഫാക്കുകയും ചെയ്താൽ, മുമ്പ് നിങ്ങളുടെ കോൺടാക്റ്റ് പോസ്റ്റർ ലഭിച്ച മറ്റുള്ളവരുടെ ഡിവൈസുകളിൽ തുടർന്നും നിങ്ങളുടെ വിവരങ്ങൾ ഉണ്ടായിരിക്കാം. കോളുകൾക്കായി നിങ്ങൾ സെലക്റ്റ് ചെയ്ത കോൺടാക്റ്റ് പോസ്റ്റർ Apple-ലേക്ക് അയയ്ക്കുകയും Apple-ന് കാണാൻ കഴിയാത്ത വിധത്തിൽ എൻക്രിപ്റ്റ് ചെയ്ത് Apple-ന്റെ സെർവറുകളിൽ സംഭരിക്കുകയും ചെയ്യും.

നിങ്ങളുടെ visionOS ഡിവൈസിലെ FaceTime കോളുകൾക്കായി, കോളിലുള്ള എല്ലാ ആളുകൾക്കും നിങ്ങളുടെ Persona സുരക്ഷിതമായി അയയ്ക്കും, അതുവഴി അവർക്ക് നിങ്ങളുടെ Persona കാണാനാകും. ഒരു കോൾ പൂർത്തിയായതിന് ശേഷം, കോളിൽ പങ്കെടുത്ത മറ്റൊരാളുടെ ഡിവൈസിൽ 30 ദിവസം വരെ നിങ്ങളുടെ Persona എൻക്രിപ്റ്റായി സൂക്ഷിച്ചേക്കാം. കോളിൽ പങ്കെടുക്കുന്ന മറ്റുള്ളവർക്ക് അവർ നിങ്ങളോടൊപ്പം ഒരു കോളിൽ ആയിരിക്കുമ്പോൾ മാത്രമേ നിങ്ങളുടെ Persona ആക്സസ് ചെയ്യാൻ കഴിയൂ.

Apple-ന്റെ ഉൽപ്പന്നങ്ങളും സേവനങ്ങളും പ്രവർത്തിപ്പിക്കുന്നതിനും മെച്ചപ്പെടുത്തുന്നതിനുമായി നിങ്ങളുടെ FaceTime ഉപയോഗവുമായി ബന്ധപ്പെട്ട ചില വിവരങ്ങൾ Apple റെക്കോർഡ് ചെയ്ത് സംഭരിച്ചേക്കാം

• നിങ്ങളെ തിരിച്ചറിയാത്ത വിധത്തിൽ സേവനങ്ങൾ നിങ്ങൾ ഉപയോഗിക്കുന്നതിനെ കുറിച്ചുള്ള വിവരങ്ങൾ Apple റെക്കോർഡ് ചെയ്ത് സംഭരിച്ചേക്കാം.
• ആരെയാണ് കോളിലേക്ക് ക്ഷണിച്ചത്, നിങ്ങളുടെ ഡിവൈസിന്റെ നെറ്റ്‌വർക്ക് കോൺഫിഗറേഷനുകൾ തുടങ്ങിയ FaceTime കോളുകളെ കുറിച്ചുള്ള വിവരങ്ങൾ Apple റെക്കോർഡ് ചെയ്ത് സംഭരിച്ചേക്കാം. ഈ വിവരങ്ങൾ 30 ദിവസം വരെ സംഭരിച്ചു വെച്ചേക്കാം. നിങ്ങളുടെ കോളിന് മറുപടി ലഭിച്ചോ എന്ന് Apple ലോഗ് ചെയ്യില്ല, നിങ്ങളുടെ കോളുകളുടെ ഉള്ളടക്കം ആക്സസ് ചെയ്യാനുമാകില്ല.
• നിങ്ങളോ മറ്റാരെങ്കിലുമോ സ്പാം അല്ലെങ്കിൽ ജങ്ക് FaceTime കോളുകൾ റിപ്പോർട്ട് ചെയ്യുമ്പോൾ Apple-ലേക്ക് അയച്ച വിവരങ്ങൾ Apple സംഭരിച്ചേക്കാം.
• നിങ്ങളുടെ ഡിവൈസിലെ ചില ആപ്പുകൾ (FaceTime ഉൾപ്പെടെ) FaceTime വഴി മറ്റ് ആളുകളിലേക്ക് എത്തിച്ചേരാനാകുമോ എന്നതിനെ പറ്റി Apple-ന്റെ സെർവറുകളുമായി ആശയവിനിമയം നടത്തിയേക്കാം. ഇത് സംഭവിക്കുമ്പോൾ, നിങ്ങളുടെ അക്കൗണ്ടുമായി ബന്ധപ്പെട്ട ഈ ഫോൺ നമ്പറുകളും ഇ-മെയിൽ വിലാസങ്ങളും 30 ദിവസം വരെ Apple സംഭരിച്ചേക്കാം.

ഈ ഫീച്ചറുകൾ ഉപയോഗിക്കുക വഴി, Apple-ഉം അതിന്റെ സബ്സിഡിയറികളും പ്രതിനിധികളും ഈ വിവരങ്ങളുടെ സംപ്രേഷണം, ശേഖരണം, പരിപാലനം, പ്രൊസസിങ്, മുകളിൽ പരാമർശിക്കപ്പെട്ട വിധമുള്ള ഉപയോഗം എന്നിവ ചെയ്യുന്നതിന് നിങ്ങൾ അംഗീകാരവും സമ്മതവും നൽകുന്നു.

എല്ലാ സമയത്തും, Apple ശേഖരിച്ച വിവരങ്ങൾ Apple-ന്റെ സ്വകാര്യതാ നയമനുസരിച്ച് കൈകാര്യം ചെയ്യപ്പെടുന്നതാണ്. അത് www.apple.com/in/privacy എന്നതിൽ കണ്ടെത്താം

2025-12-12