• ലീഡർബോർഡുകളിലെ പങ്കാളിത്തം; മൾട്ടിപ്ലേയർ ഗെയിമുകൾ; സുഹൃത്തുക്കളെ കണ്ടെത്താനും, കാണാനും, ചലഞ്ച് ചെയ്യൽ; നേട്ടങ്ങൾ ട്രാക്കുചെയ്യൽ പോലുള്ള ഗെയിമുമായി ബന്ധപ്പെട്ട പ്രവർത്തനങ്ങളിൽ ഏർപ്പെടാൻ Game Center നിങ്ങളെ അനുവദിക്കുന്നു.
• Game Center-ൽ സൈൻ ഇൻ ചെയ്തിരിക്കുമ്പോൾ നിങ്ങൾ Game Center എനേബിൾ ചെയ്ത ഗെയിമുകൾ കളിക്കുമ്പോൾ, നിങ്ങൾ കളിക്കുന്ന ഗെയിമുകളും ഗെയിം പ്രവർത്തനവും പോലുള്ള വിവരങ്ങൾ Apple ശേഖരിക്കുന്നു. നിങ്ങളുടെ ഉയർന്ന സ്കോറുകൾ, നേട്ടങ്ങൾ, ചലഞ്ചുകൾ എന്നിവ ട്രാക്ക് ചെയ്യുന്നതിനും നിങ്ങൾക്കും മറ്റുള്ളവർക്കുമായി Game Center മെച്ചപ്പെടുത്തുന്നതിനും ഈ വിവരങ്ങൾ ഉപയോഗിക്കുന്നു.
• നിങ്ങളുടെ Game Center സുഹൃത്തുക്കളുടെയും നിങ്ങൾ ഒപ്പം കളിക്കുന്ന പ്ലേയർമാരുടെയും നിങ്ങൾ എപ്പോളാണ് ഒരുമിച്ച് കളിക്കുന്നത് എന്നതിന്റെയും ലിസ്റ്റ് Apple ശേഖരിക്കുകയും ചെയ്യുന്നു. മൾട്ടിപ്ലേയർ ഗെയിമുകളിൽ എളുപ്പത്തിൽ വീണ്ടും ഏർപ്പെടാനും പരസ്പരം ഉയർന്ന സ്കോറുകൾ വേഗത്തിൽ കാണാനും നിങ്ങൾക്കും മറ്റുള്ളവർക്കുമായി Game Center മെച്ചപ്പെടുത്താനും ഈ വിവരങ്ങൾ ഉപയോഗിക്കുന്നു.
• നിങ്ങളുടെ Game Center വിളിപ്പേര്, അവതാർ, സ്കോറുകൾ, Arcade സബ്സ്ക്രിപ്ഷൻ നില എന്നിവ എല്ലാ Game Center യൂസർമാർക്കും ദൃശ്യമാണ്. നിങ്ങളുടെ Game Center സുഹൃത്തുക്കളുമായോ എല്ലാ Game Center യൂസർമാരുമായോ നിങ്ങൾ കളിച്ച ഗെയിമുകളും നേട്ടങ്ങളുടെ പുരോഗതിയും പോലുള്ള മറ്റ് Game Center പ്രവർത്തന വിവരങ്ങൾ പങ്കിടാനും നിങ്ങൾക്ക് തിരഞ്ഞെടുക്കാം. Game Center-ലും App Store, Apple Games, Apple Arcade പോലുള്ള മറ്റ് Apple സേവനങ്ങളിലും നിങ്ങൾ ഈ വിവരങ്ങൾ പങ്കിടുന്നവർക്ക് അവ ദൃശ്യമാകും. നിങ്ങളുടെ Game Center സുഹൃത്തുക്കൾക്കും നിങ്ങളുടെ പേര് ദൃശ്യമായേക്കാം.
• നിങ്ങൾക്ക് സുഹൃത്തുക്കളെ നിർദേശിക്കാൻ അവരുടെ Game Center വിളിപ്പേരുമായി കോൺടാക്റ്റ് കാർഡ് ലിങ്ക് ചെയ്ത നിങ്ങളുടെ കോൺടാക്റ്റുകളെ കുറിച്ചുള്ള തിരിച്ചറിയാനാകാത്ത വിവരങ്ങൾ Apple ഉപയോഗിക്കുന്നു, എന്നാൽ ഈ വിവരങ്ങൾ സംഭരിക്കുന്നില്ല. ഈ ശുപാർശകളിൽ സഹായിക്കാൻ Game Center ഡിവൈസിലെ പ്രോസസിങ് ഉപയോഗിക്കുന്നു.

നിങ്ങളുടെ വിവരങ്ങളുടെ സ്വകാര്യതയും സുരക്ഷയും സംരക്ഷിക്കുന്നത് Apple-ലെ എല്ലാവരുടെയും മുൻഗണനയാണ്. നിങ്ങളുടെ അനുഭവം മികച്ചതാക്കുന്നതിന് ആവശ്യമായ ഡാറ്റ മാത്രം ശേഖരിക്കാൻ ഞങ്ങൾ കഠിനമായി പ്രയത്നിക്കുന്നു, ഞങ്ങൾ ഡാറ്റ ശേഖരിക്കുമ്പോൾ, ഞങ്ങൾ ശേഖരിക്കുന്നത് എന്താണെന്നും എന്താണ് അതിന്റെ ആവശ്യമെന്നും നിങ്ങൾ അറിഞ്ഞിരിക്കേണ്ടത് പ്രധാനമാണെന്ന് ഞങ്ങൾ കരുതുന്നു, അവ നിങ്ങൾക്ക് ബോധപൂർവ്വമുള്ള തിരഞ്ഞെടുപ്പുകൾ നടത്താൻ സഹായിക്കും. എല്ലാ Apple ഉൽപ്പന്നങ്ങളെയും സേവനങ്ങളെയും പോലെ Game Center എന്നതും ഈ തത്വങ്ങൾ മനസ്സിൽ കണ്ടുകൊണ്ടാണ് രൂപകൽപ്പന ചെയ്തിരിക്കുന്നത്.

Game Center ലഭ്യമാക്കലും മെച്ചപ്പെടുത്തലും

നിങ്ങൾ Game Center-ൽ പ്രവേശിച്ചുകഴിഞ്ഞാൽ, ലീഡർബോർഡുകളിലെ പങ്കാളിത്തം; മൾട്ടിപ്ലേയർ ഗെയിമുകൾ; സുഹൃത്തുക്കളെ കണ്ടെത്തൽ, കാണൽ, ചലഞ്ച് ചെയ്യൽ; നേട്ടങ്ങൾ ട്രാക്കു ചെയ്യൽ തുടങ്ങിയ ഗെയിമുമായി ബന്ധപ്പെട്ട പ്രവർത്തനങ്ങളിൽ ഏർപ്പെടാൻ നിങ്ങൾക്ക് കഴിയും. നിങ്ങൾ Game Center ഉപയോഗിക്കുമ്പോൾ, നിങ്ങൾ കളിക്കുന്ന ഗെയിമുകൾ, നിങ്ങൾ എപ്പോഴാണ് അവ കളിക്കുന്നത്, ആരോടൊപ്പമാണ് കളിക്കുന്നത്, നിങ്ങളുടെ സ്കോറുകളും നേട്ടങ്ങളും, നിങ്ങൾ അയയ്ക്കുകയും സ്വീകരിക്കുകയും ചെയ്യുന്ന ചലഞ്ചുകൾ എന്നിവ ഉൾപ്പെടെയുള്ള വിവരങ്ങൾ Game Center മെച്ചപ്പെടുത്താനും ഓപ്റ്റിമൈസ് ചെയ്യാനുമായി Apple ശേഖരിക്കുന്നു. എളുപ്പത്തിൽ മൾട്ടിപ്ലേയർ ഗെയിമുകളിൽ വീണ്ടും എൻഗേജ് ചെയ്യാനും പരസ്പരം ഉയർന്ന സ്കോറുകൾ കാണാനും സഹായിക്കാൻ വേണ്ടി നിങ്ങളുടെ Game Center സുഹൃത്തുക്കളുടെയും നിങ്ങൾ ഒപ്പം കളിക്കുന്ന പ്ലേയർമാരുടെയും നിങ്ങൾ എപ്പോളാണ് ഒരുമിച്ച് കളിക്കുന്നത് എന്നതിന്റെയും ലിസ്റ്റ് Apple ശേഖരിക്കുകയും ചെയ്യുന്നു. ഈ വിവരങ്ങൾ നിങ്ങളുടെ Apple അക്കൗണ്ടുമായി ബന്ധപ്പെട്ടിരിക്കുന്നു.

നിങ്ങൾ കാണുകയും ക്ലിക്ക് ചെയ്യുകയും ചെയ്യുന്നവ, നിങ്ങൾ ഗെയിം കൺട്രോളർ ഉപയോഗിക്കുന്നുണ്ടോയെന്നതും കൺട്രോളറിന്റെ വിശദാംശങ്ങളും, സുഹൃദ് അഭ്യർഥനകൾ പോലെ ക്രമീകരണത്തിൽ നിന്ന് നിങ്ങൾ ആക്സസ് ചെയ്യുന്ന ഫീച്ചറുകൾ എന്നിവ ഉൾപ്പെടെയുള്ള, Game Center ഫീച്ചറുകളുമായുള്ള നിങ്ങളുടെ ഇന്ററാക്ഷനെ കുറിച്ചുള്ള വിവരങ്ങളും Apple ശേഖരിക്കുന്നു. നിങ്ങൾ Game Center-ൽ സൈൻ ഇൻ ചെയ്തിരിക്കുമ്പോൾ കൺട്രോൾ സെന്ററിലൂടെ ഗെയിം ഓവർലേയും ഗെയിം കൺട്രോളുകളും ആക്സസ് ചെയ്യുകയാണെങ്കിൽ, ഓവർലേയും കൺട്രോളുകളുമായുള്ള നിങ്ങളുടെ ഇന്ററാക്ഷനുകൾ Apple ശേഖരിക്കുന്നു. നിങ്ങളുടെ Apple അക്കൗണ്ടുമായി ബന്ധപ്പെടുത്തിയിട്ടില്ലാത്ത ഒരു റാൻഡം ഐഡന്റിഫയറിലാണ് ഈ വിവരങ്ങൾ സ്റ്റോർ ചെയ്തിരിക്കുന്നത്. നിങ്ങളുടെ iOS, iPadOS, അല്ലെങ്കിൽ visionOS ഡിവൈസിൽ ഈ ഐഡന്റിഫയർ റീസെറ്റ് ചെയ്യാൻ, ക്രമീകരണം > Game Center > ഐഡന്റിഫയർ റീസെറ്റ് ചെയ്യൂ എന്നതിലേക്ക് പോകൂ. Mac-ൽ, സിസ്റ്റം ക്രമീകരണം > Game Center > ഐഡന്റിഫയർ റീസെറ്റ് ചെയ്യൂ എന്നതിലേക്ക് പോകൂ.

ഈ വിഭാഗത്തിൽ വിവരിച്ചിട്ടുള്ള വിവരങ്ങൾ Game Center-ഉം Game Center ഉപയോഗിക്കുന്ന മറ്റ് Apple സേവനങ്ങളും നിങ്ങൾക്കും മറ്റുള്ളവർക്കുമായി മെച്ചപ്പെടുത്തുന്നതിനും ഓപ്റ്റിമൈസ് ചെയ്യുന്നതിനും ഉപയോഗിച്ചേക്കാം.

മറ്റു പ്ലേയർമാരുമായും സുഹൃത്തുക്കളുമായും കളിക്കുന്നു

ആഗോള ലീഡർബോർഡുകളുള്ള ഗെയിമുകൾക്കായി നിങ്ങളുടെ Game Center വിളിപ്പേര്, അവതാർ, സ്കോറുകൾ, Arcade സബ്സ്ക്രിപ്ഷൻ നില എന്നിവ എല്ലാ Game Center യൂസർമാർക്കും ദൃശ്യമാണ്. നിങ്ങളുടെ Game Center സുഹൃത്തുക്കളുമായോ എല്ലാ Game Center യൂസർമാരുമായോ മറ്റ് Game Center പ്രവർത്തന വിവരങ്ങൾ പങ്കിടാനും നിങ്ങൾക്ക് തിരഞ്ഞെടുക്കാം. ഈ വിവരങ്ങളിൽ നിങ്ങൾ കളിച്ച ഗെയിമുകളും നിങ്ങളുടെ നേട്ടങ്ങളുടെ പുരോഗതിയും ഉൾപ്പെടുന്നു, കൂടാതെ Game Center-ലും App Store, Apple Arcade തുടങ്ങിയ മറ്റ് Apple സേവനങ്ങളിലും നിങ്ങൾ ഇത് പങ്കിടുന്നവർക്ക് ദൃശ്യമാകും. കുട്ടികളുടെ Game Center പ്രവർത്തന വിവരങ്ങൾ അവരുടെ Game Center സുഹൃത്തുക്കളുമായി മാത്രമേ പങ്കിടാനാകൂ. നിങ്ങളുടെ iOS, iPadOS, അല്ലെങ്കിൽ visionOS ഡിവൈസിലെ ക്രമീകരണം > Game Center > പ്രവർത്തനം പങ്കിടൽ എന്നതിലേക്കും Mac-ലെ സിസ്റ്റം ക്രമീകരണം > Game Center > പ്രവർത്തനം പങ്കിടൽ എന്നതിലേക്കും പോയി നിങ്ങളുടെ പ്രവർത്തനം പങ്കിടൽ നില കാണാനും മാറ്റാനും കഴിയും.

നിങ്ങളുടെ Game Center വിളിപ്പേര് കോൺടാക്റ്റ് കാർഡുമായി ലിങ്ക് ചെയ്യുമ്പോൾ, നിങ്ങളുടെ Apple അക്കൗണ്ടുമായി ബന്ധപ്പെട്ട ഇ-മെയിൽ വിലാസവും ഫോൺ നമ്പറും Game Center ഉപയോഗിക്കും. ഇത് നിങ്ങളുടെ Game Center സുഹൃത്തുക്കളെ അവരുടെ കോൺടാക്റ്റ്സ് ആപ്പിൽ നിങ്ങൾക്കായി ഉള്ള പേരിന്റെ അടിസ്ഥാനത്തിൽ കൂടുതൽ എളുപ്പത്തിൽ കണ്ടെത്താൻ അനുവദിക്കുന്നു. ക്രമീകരണം > Game Center > നിങ്ങളെ കണ്ടെത്താൻ സുഹൃത്തുക്കളെ സഹായിക്കൂ എന്നതിലേക്കും, Mac-ൽ സിസ്റ്റം ക്രമീകരണം > Game Center > നിങ്ങളെ കണ്ടെത്താൻ സുഹൃത്തുക്കളെ സഹായിക്കൂ എന്നതിലേക്കും പോയി നിങ്ങൾക്ക് നിങ്ങളുടെ iOS, iPadOS, അല്ലെങ്കിൽ visionOS ഡിവൈസിൽ ഈ ക്രമീകരണം നിയന്ത്രിക്കാനാകും.

മൾട്ടിപ്ലേയർ ഫങ്ഷനാലിറ്റി പിന്തുണയ്ക്കുന്ന ഒരു ഗെയിം നിങ്ങൾ കളിക്കുമ്പോൾ അതേ Wi-Fi നെറ്റ്‌വർക്കിലോ ലോക്കൽ ഏരിയ നെറ്റ്‌വർക്കിലോ ഒരേ ഗെയിം ആക്സസ് ചെയ്യുന്ന, അല്ലെങ്കിൽ Bluetooth-ന്റെ പരിധിയിലുള്ള മറ്റ് Game Center യൂസർമാർക്ക് നിങ്ങൾ സമീപത്തുണ്ടെന്ന് കാണാനും നിങ്ങളുടെ വിളിപ്പേരും അവതാറും കാണാനും കഴിയും. ക്രമീകരണം > Game Center എന്നതിലേക്ക് പോയി ‘സമീപത്തുള്ള പ്ലേയർമാർ’ ഓഫ് ചെയ്യാൻ ടാപ്പ് ചെയ്ത് നിങ്ങളുടെ iOS, iPadOS അല്ലെങ്കിൽ visionOS ഡിവൈസിൽ ഈ ഫീച്ചർ നിങ്ങൾക്ക് ഡിസേബിൾ ചെയ്യാനാകും. Mac-ൽ, സിസ്റ്റം ക്രമീകരണം > Game Center എന്നതിലേക്ക് പോയി, ‘സമീപത്തുള്ള പ്ലേയർമാർ’ ഓഫാക്കാൻ ക്ലിക്ക് ചെയ്യൂ. tvOS-ൽ, ക്രമീകരണം > പ്രൊഫൈലുകളും അക്കൗണ്ടുകളും > [യൂസർനെയിം] > Game Center എന്നതിലേക്ക് പോകൂ, തുടർന്ന് ‘സമീപത്തുള്ള പ്ലേയർമാർ’ എന്നത് ഓഫാക്കൂ.

Game Center വിളിപ്പേര് അവരുടെ കോൺടാക്റ്റ് കാർഡുമായി ലിങ്ക് ചെയ്യാൻ തിരഞ്ഞെടുത്ത നിങ്ങളുടെ കോൺടാക്റ്റുകളെ കുറിച്ചുള്ള തിരിച്ചറിയാനാകാത്ത വിവരങ്ങൾ Apple സ്വീകരിക്കുന്നു. Game Center-ൽ നിങ്ങൾക്ക് കാണിക്കുന്ന സൗഹൃദ ശുപാർശകൾ മെച്ചപ്പെടുത്താൻ ഈ വിവരങ്ങൾ ഉപയോഗിക്കുന്നു, പക്ഷേ Apple സംഭരിക്കുന്നില്ല. ഈ ശുപാർശകളിൽ സഹായിക്കാൻ Game Center ഡിവൈസിലെ പ്രോസസിങ് ഉപയോഗിക്കുന്നു.

നിങ്ങൾ iOS 10-ന് മുമ്പ് സുഹൃദ് ബന്ധങ്ങൾ സ്ഥാപിച്ചിട്ടുണ്ടെങ്കിൽ, ആ സുഹൃത്തുക്കൾക്ക് നിങ്ങളുടെ യഥാർത്ഥ പേരിലേക്ക് ആക്സസ് ഉണ്ട്. നിങ്ങൾ iOS 10 സ്വീകരിച്ചതു മുതൽ സ്ഥാപിച്ചിട്ടുള്ള ഏതൊരു സുഹൃദ് ബന്ധത്തിലും, നിങ്ങളുടെ വിളിപ്പേര് മാത്രമേ നിങ്ങളുടെ സുഹൃത്തുക്കൾക്ക് ദൃശ്യമാകൂ. iOS 10-ന് മുമ്പുള്ളതുൾപ്പെടെ കുട്ടികളുടെ അക്കൗണ്ടുകൾ ഒരിക്കലും യഥാർത്ഥ പേരുകൾ സുഹൃത്തുക്കൾക്ക് ദൃശ്യമാക്കില്ല.

Game Center-ഉം Apple Games-ഉം

Apple Games ആപ്പ് അനുഭവത്തിന്റെ ഒരു പ്രധാന ഭാഗമാണ് Game Center. Apple Games ആപ്പ് ഉപയോഗിക്കാൻ, നിങ്ങൾ Game Center-ൽ സൈൻ ഇൻ ചെയ്തിരിക്കണം. നിങ്ങളുടെ വിളിപ്പേരും അവതാറും Game Center പ്രവർത്തനവും ഉൾപ്പെടെയുള്ള നിങ്ങളുടെ Game Center പ്രൊഫൈൽ, നിങ്ങൾ അത് പങ്കിടാൻ തിരഞ്ഞെടുത്തിട്ടുണ്ടെങ്കിൽ, നിങ്ങൾ ഗെയിംസ് ആപ്പ് ഉപയോഗിക്കുന്നില്ലെങ്കിലും, Apple Games ആപ്പിൽ ലഭ്യമാകും. നിങ്ങൾ Apple Games ആപ്പ് ഉപയോഗിക്കുകയാണെങ്കിൽ, Apple Games-ലെ നിങ്ങളുടെ അനുഭവങ്ങൾക്ക് ശക്തിപകരാനും വ്യക്തിഗതമാക്കാനും, ഗെയിമുകളെയും സുഹൃത്തുക്കളെയും കണ്ടെത്താൻ നിങ്ങളെ സഹായിക്കാനും, Game Center-ഉം Apple Games-ഉം ഓപ്റ്റിമൈസ് ചെയ്യാനും മെച്ചപ്പെടുത്താനും, നിങ്ങളുമായി ആശയവിനിമയം നടത്താനുമായി, മുകളിൽ നൽകിയിരിക്കുന്ന ‘Game Center നൽകലും മെച്ചപ്പെടുത്തലും’, ‘മറ്റ് പ്ലേയർമാരും സുഹൃത്തുക്കളുമൊത്ത് കളിക്കൽ’ എന്നീ സെക്ഷനുകളിൽ വിവരിച്ചത് പ്രകാരം, നിങ്ങളുടെ ഗെയിമിങ് പ്രവർത്തനം, സുഹൃത്തുക്കൾ, ചലഞ്ചുകൾ, നേട്ടങ്ങൾ എന്നിവ സംബന്ധിച്ച വിവരങ്ങൾ Apple Games ആപ്പ് ഉപയോഗിക്കും. Apple Games-നെ കുറിച്ച് കൂടുതൽ അറിയാൻ, www.apple.com/legal/privacy/data/en/apple-games സന്ദർശിക്കൂ.

നിങ്ങളുമായി ആശയവിനിമയം നടത്തുന്നത്

Game Center, മറ്റ് Apple ഉൽപ്പന്നങ്ങൾ, സേവനങ്ങൾ, നിങ്ങൾ ഇഷ്ടപ്പെട്ടേക്കാവുന്ന ഓഫറുകൾ എന്നിവയെ കുറിച്ചുള്ള ആശയവിനിമയങ്ങൾ അയയ്ക്കാൻ നിങ്ങളുടെ ഉടമസ്ഥതയിലുള്ള Apple ഉൽപ്പന്നങ്ങളും Apple സേവനങ്ങളിലേക്കുള്ള സബ്സ്ക്രിപ്ഷനുകളും പോലുള്ള നിങ്ങളുടെ അക്കൗണ്ടിനെ കുറിച്ചുള്ള വിവരങ്ങൾ Apple ഉപയോഗിച്ചേക്കാം. നിങ്ങൾക്ക് Game Center-ൽ ലഭ്യമായ പുതിയ ഫീച്ചറുകൾ, ഉള്ളടക്കം, ഓഫറുകൾ എന്നിവയെ കുറിച്ചുള്ള ഇ-മെയിലുകളും അറിയിപ്പുകളും അയയ്ക്കാൻ Game Center-ലെ നിങ്ങളുടെ പ്രവർത്തനത്തെ കുറിച്ചുള്ള വിവരങ്ങളും Apple ഉപയോഗിച്ചേക്കാം. account.apple.com എന്നതിലേക്ക് പോയി നിങ്ങളുടെ ഇ-മെയിൽ മുൻഗണനകൾ മാറ്റുകയും ഈ ഇ-മെയിലുകൾ സ്വീകരിക്കുന്നത് ഒഴിവാക്കുകയും ചെയ്യാം. നിങ്ങളുടെ iOS, iPadOS അല്ലെങ്കിൽ visionOS ഡിവൈസിൽ നിങ്ങളുടെ അറിയിപ്പ് മുൻഗണനകൾ അപ്ഡേറ്റ് ചെയ്യാൻ, ക്രമീകരണം > അറിയിപ്പുകൾ > Game Center എന്നതിലേക്ക് പോകൂ. Mac-ൽ, സിസ്റ്റം ക്രമീകരണം > അറിയിപ്പുകൾ > Game Center എന്നതിലേക്ക് പോകൂ. ഞങ്ങളുടെ സേവനങ്ങൾ മെച്ചപ്പെടുത്തുന്നതിന് അറിയിപ്പുകൾ ഉൾപ്പെടെ ഞങ്ങളുടെ ആശയവിനിമയങ്ങളുമായുള്ള നിങ്ങളുടെ ഇന്ററാക്‌ഷനുകളെ കുറിച്ചുള്ള വിവരങ്ങൾ Apple ഉപയോഗിക്കുന്നു.

മൂന്നാം-കക്ഷി ഡെവലപ്പർമാർ

നിങ്ങൾ Game Center-ൽ സൈൻ ഇൻ ചെയ്യുമ്പോൾ, നിങ്ങൾ കളിക്കുന്ന ഗെയിമുകളുടെ ഡെവലപ്പർമാർക്ക് നിങ്ങളുടെ വിളിപ്പേരും അവതാറും മറ്റ് അനന്യ Game Center ഐഡന്റിഫയറുകളും ഉൾപ്പെടെയുള്ള വിവരങ്ങൾ അഭ്യർഥിക്കാൻ കഴിയും. വിളിപ്പേരുകളും അവതാറുകളും ഉൾപ്പെടുന്ന നിങ്ങളുടെ സുഹൃത്തുക്കളും നിങ്ങൾ അടുത്തിടെ ഒപ്പം കളിച്ച പ്ലേയർമാരും ഉൾപ്പെടെ, ബന്ധപ്പെട്ട പ്ലേയർമാരുടെ ഒരു ലിസ്റ്റ് അഭ്യർഥിക്കാനും ഡെവലപ്പർക്ക് കഴിയും. നിങ്ങളെ സുഹൃത്തുക്കളുമായി ബന്ധിപ്പിക്കാൻ ഒരു ആപ്പിനെ അനുവദിക്കാൻ നിങ്ങൾ തിരഞ്ഞെടുക്കുകയാണെങ്കിൽ, ഈ ഗെയിം കളിക്കുന്ന നിങ്ങളുടെ സുഹൃത്തുക്കളുടെ ലിസ്റ്റ് അവർക്ക് ആക്സസ് ചെയ്യാനാകും. ഈ ആപ്പിനെ അവരുടെ സുഹൃത്തുക്കളുമായി ബന്ധിപ്പിക്കാൻ അനുവദിക്കാൻ സമ്മതിച്ച സുഹൃത്തുക്കളെ മാത്രമേ നിങ്ങളുടെ സുഹൃത്തായി ആപ്പിന് ദൃശ്യമാകൂ. ഒരിക്കലും നിങ്ങളെ സുഹൃത്തുക്കളുമായി ബന്ധിപ്പിക്കാൻ ഒരു ആപ്പിനെയും അനുവദിക്കരുതെന്നും നിങ്ങൾക്ക് തിരഞ്ഞെടുക്കാം. നിങ്ങളുടെ iOS, iPadOS അല്ലെങ്കിൽ visionOS ഡിവൈസിൽ അങ്ങനെ ചെയ്യാൻ, ക്രമീകരണം > Game Center എന്നതിലേക്ക് പോയി ‘സുഹൃത്തുക്കളുടെ ലിസ്റ്റ് പങ്കിടൂ’ ഓഫാക്കാൻ ടാപ്പ് ചെയ്യാനാകും. Mac-ൽ, സിസ്റ്റം ക്രമീകരണം > Game Center എന്നതിലേക്ക് പോയി, ‘സുഹൃത്തുക്കളുടെ ലിസ്റ്റ് പങ്കിടൂ’ ഓഫാക്കാൻ ക്ലിക്ക് ചെയ്യാനാകും. നിങ്ങളുടെ Game Center സുഹൃത്തുക്കളുമായി നിങ്ങളെ അവർക്ക് ബന്ധിപ്പിക്കാൻ കഴിയുമോ എന്ന് ചോദിക്കുന്നതിൽ നിന്ന് ഇത് ആപ്പുകളെ തടയുകയും മുൻപ് അനുവദിച്ച ആപ്പുകളുമായി നിങ്ങളുടെ സുഹൃത്തുക്കളുടെ ലിസ്റ്റ് പങ്കിടുന്നത് നിർത്തുകയും ചെയ്യും. നിങ്ങൾ ഒരു മൂന്നാം കക്ഷി ആപ്പ് ഉപയോഗിക്കുമ്പോഴെല്ലാം, ഡെവലപ്പറുടെ നിബന്ധനകൾ, സ്വകാര്യതാ നയങ്ങൾ, പ്രാക്റ്റീസുകൾ എന്നിവ അവർ നിങ്ങളുടെ ഡാറ്റ ശേഖരിക്കുകയും ഉപയോഗിക്കുകയും ചെയ്യുന്നതെങ്ങനെയെന്ന് മനസ്സിലാക്കാൻ നിങ്ങൾ അവലോകനം ചെയ്യേണ്ടതുണ്ട്.

Game Center ഉപയോഗിക്കുന്ന കുട്ടികൾ

Game Center ഉപയോഗിക്കുന്ന നിങ്ങളുടെ കുടുംബത്തിലെ കുട്ടികൾക്കായി, നിർദിഷ്ട ആപ്പുകളിൽ ചെലവഴിക്കുന്ന സമയം പരിമിതപ്പെടുത്താനും മൾട്ടിപ്ലേയർ ഫങ്ഷനാലിറ്റി, സുഹൃത്തുക്കളെ ചേർക്കാനുള്ള കഴിവ്, ഒരേ ഗെയിം കളിക്കുന്ന സുഹൃത്തുക്കളുമായി ബന്ധപ്പെടാനുള്ള കഴിവ് എന്നിവയുൾപ്പെടെ നിങ്ങളുടെ കുട്ടിയുടെ ഡിവൈസിലെ Game Center ഫീച്ചറുകൾ തടയാനും ‘സ്ക്രീൻ സമയത്തിലെ ഉള്ളടക്കവും സ്വകാര്യതാ നിയന്ത്രണങ്ങളും’ നിങ്ങൾക്ക് ഉപയോഗിക്കാം. നിങ്ങളുടെ iOS, iPadOS, അല്ലെങ്കിൽ visionOS ഡിവൈസിൽ ക്രമീകരണം > സ്ക്രീൻ സമയം > ഉള്ളടക്കവും സ്വകാര്യതാ നിയന്ത്രണങ്ങളും > App Store, മീഡിയ, വെബ്, ഗെയിമുകൾ എന്നതിലേക്ക് പോയി Game Center സെക്ഷനിലേക്ക് സ്ക്രോൾ ചെയ്ത് ഇത് ചെയ്യാനാകും. Mac-ൽ, സിസ്റ്റം ക്രമീകരണം > സ്ക്രീൻ സമയം > ഉള്ളടക്കവും സ്വകാര്യതയും എന്നതിലേക്ക് പോകുക. tvOS‍-‍ൽ, ക്രമീകരണം > പൊതുവായവ > നിയന്ത്രണങ്ങൾ എന്നതിലേക്ക് പോകുക. കൂടാതെ, Game Center-ലെ മറ്റ് പ്ലേയർമാരുമായി ആശയവിനിമയം നടത്തുമ്പോൾ, കുട്ടികൾക്ക് യൂസർ ഇൻപുട്ട് ചെയ്ത ടെക്സ്റ്റ് അയയ്ക്കാനോ സ്വീകരിക്കാനോ കഴിയില്ല. മുൻകൂട്ടി സജ്ജീകരിച്ച സന്ദേശങ്ങൾ അയയ്ക്കുന്നതിനും സ്വീകരിക്കുന്നതിനും അവ പരിമിതപ്പെടുത്തിയിരിക്കുന്നു. ഗെയിമിനുള്ളിൽ വോയ്സ് ചാറ്റ് കുട്ടികൾക്കായി ഡിസേബിൾ ചെയ്തിരിക്കുന്നു.

വ്യക്തിഗത ഡാറ്റ പ്രോസസ് ചെയ്യുന്നതിന് ബാധകമായ നിയമപരമായ അടിസ്ഥാനം

നിങ്ങളുടെ സമ്മതത്തെ അടിസ്ഥാനമാക്കിയും ഞങ്ങളുടെ നിയമാനുസൃത താൽപ്പര്യങ്ങൾക്കനുസൃതമായും ഞങ്ങൾ Game Cente-ൽ നിങ്ങളുടെ സ്വകാര്യ ഡാറ്റ പ്രോസസ് ചെയ്യുന്നു. ബാധകമായ പ്രാദേശിക നിയമം അനുവദിക്കുന്ന പക്ഷം, ഞങ്ങളുടെ നിയമാനുസൃത താൽപ്പര്യങ്ങളുടെ ആവശ്യങ്ങൾക്കായി താഴെപ്പറയുന്ന വ്യക്തിഗത ഡാറ്റാ വിഭാഗങ്ങൾ ഞങ്ങൾ പ്രോസസ് ചെയ്യുന്നു:

• കളിക്കുന്ന ഗെയിമുകളും ഗെയിം പ്രവർത്തനവും ഉൾപ്പെടെയുള്ള നിങ്ങളുടെ Game Center ഉപയോഗം
• നിങ്ങളുടെ വിളിപ്പേര്, അവതാർ, Arcade സബ്സ്ക്രിപ്ഷൻ നില, സ്കോറുകൾ, മറ്റ് പ്രവർത്തന വിവരങ്ങൾ
• നിങ്ങളുടെ Game Center സുഹൃത്തുക്കൾ, നിങ്ങൾ ഒപ്പം കളിക്കുന്ന പ്ലേയർമാർ, നിങ്ങൾ എപ്പോഴാണ് ഒരുമിച്ച് കളിച്ചത്

ഇനിപ്പറയുന്നത് ഉൾപ്പെടെയുള്ള ന്യായാനുസൃത താൽപ്പര്യങ്ങൾ:

• നിങ്ങൾക്കും മറ്റുള്ളവർക്കുമായി Game Center-ഉം Game Center ഉപയോഗിക്കുന്ന മറ്റ് Apple സേവനങ്ങളും ഓപ്റ്റിമൈസ് ചെയ്യുകയും മെച്ചപ്പെടുത്തുകയും ചെയ്യുന്നത്
• Game Center, മറ്റ് Apple ഉൽപ്പന്നങ്ങൾ, സേവനങ്ങൾ, നിങ്ങൾ ഇഷ്ടപ്പെട്ടേക്കാവുന്ന ഓഫറുകൾ എന്നിവയെ കുറിച്ചുള്ള ആശയവിനിമയങ്ങൾ നിങ്ങൾക്ക് അയയ്ക്കുന്നു
• തട്ടിപ്പും മറ്റ് ഉപദ്രവകരമായ പ്രവർത്തനങ്ങളും തടയൽ

നിലനിർത്തൽ

നിങ്ങളുടെ Game Center അക്കൗണ്ടുമായി ബന്ധപ്പെട്ട Apple അക്കൗണ്ട് നിലനിർത്തുന്നിടത്തോളം Game Center നിങ്ങളെ കുറിച്ച് ശേഖരിച്ച വിവരങ്ങൾ നിലനിർത്തും.

തട്ടിപ്പും മറ്റ് ഉപദ്രവകരമായ പ്രവർത്തനങ്ങളും തടയുന്നത്

Game Center-ലും മറ്റ് Apple ആപ്പുകളിലും സേവനങ്ങളിലും തട്ടിപ്പും മറ്റ് ഉപദ്രവകരമായ പ്രവർത്തനങ്ങളും തടയുന്നതിനാണ് ഞങ്ങൾ വ്യക്തിഗത ഡാറ്റ ശേഖരിക്കുന്നത്. ഈ വിവരങ്ങളിൽ ഡിവൈസിന്റെ തരവും സോഫ്റ്റ്‌വെയർ പതിപ്പും, ലൊക്കേഷൻ വിവരം (ലഭ്യമായ അവസരങ്ങളിൽ, നിങ്ങളുടെ ഇന്റർനെറ്റ് കണക്ഷന്റെ IP വിലാസത്തെ ഭൂമിശാസ്ത്രപരമായ ഒരു പ്രദേശവുമായി ബന്ധപ്പെടുത്തി കണ്ടെത്തുന്ന ഏകദേശ അനുമാനം), ഡൗൺലോഡിന്റെയും വാങ്ങലിന്റെയും ചരിത്രം, Game Center-മായും മറ്റ് ആപ്പുകളും സേവനങ്ങളുമായും ഉള്ള മറ്റ് ഇന്ററാക്‌ഷനുകൾ എന്നിവ പോലുള്ള ഡിവൈസ് വിവരങ്ങൾ ഉൾപ്പെടുന്നു.

എല്ലാ സമയത്തും, Apple ശേഖരിച്ച വിവരങ്ങൾ Apple‑ന്റെ സ്വകാര്യതാ നയമനുസരിച്ച് കൈകാര്യം ചെയ്യപ്പെടുന്നതാണ്. സ്വകാര്യതാ നയം www.apple.com/in/privacy എന്നതിൽ കണ്ടെത്താം.

2026-03-30