iCloud സ്വകാര്യ റിലേ (‘സ്വകാര്യ റിലേ’) എന്നത് iCloud+ സബ്സ്ക്രിപ്ഷന്റെ ഭാഗമായി വാഗ്ദാനം ചെയ്യുന്ന ഒരു പുതിയ ഇന്റർനെറ്റ് സ്വകാര്യതാ സേവനമാണ്, അത് നിങ്ങളുടെ Safari വെബ് ബ്രൗസിങ്ങിനെ സംരക്ഷിക്കുന്നു, അതുവഴി Apple-ഓ നെറ്റ്‌വർക്ക് ദാതാവോ ഉൾപ്പെടുന്ന ഒരു സ്ഥാപനത്തിനും നിങ്ങളുടെ ഇന്റർനെറ്റ് ബ്രൗസിങ് വിവരങ്ങൾ അറിയാൻ കഴിയില്ല. നിങ്ങളുടെ ഡിവൈസും ക്വെറികളും, ഇന്റർനെറ്റ് പ്രോട്ടോക്കോൾ (IP) വിലാസങ്ങളിലേക്ക് വെബ്സൈറ്റുകളുടെ പേരുകൾ പരിവർത്തനം ചെയ്യുന്ന സിസ്റ്റമായ ഡൊമെയിൻ നെയിം സെർവറിൽ (DNS) അവശേഷിപ്പിച്ചുകൊണ്ട് സ്വകാര്യ റിലേ എൻക്രിപ്റ്റ് ചെയ്യാത്ത ട്രാഫിക്കും എൻക്രിപ്റ്റ് ചെയ്യുന്നു, ഇത് നിങ്ങളുടെ സ്വകാര്യതയെ കൂടുതൽ സംരക്ഷിതമാക്കുന്നു. iOS, iPadOS, visionOS, macOS എന്നിവയിൽ മാത്രമേ സ്വകാര്യ റിലേ ലഭ്യമാകൂ.

നിങ്ങളുടെ ഇന്റർനെറ്റ് കണക്ഷൻ അഭ്യർഥനകൾ വ്യത്യസ്ത സ്ഥാപനങ്ങൾ പ്രവർത്തിപ്പിക്കുന്ന രണ്ട് വ്യത്യസ്ത റിലേകളിലൂടെ റൂട്ട് ചെയ്യപ്പെടുന്നു. ആദ്യത്തേത് നിങ്ങളുടെ IP വിലാസം മനസിലാക്കുമെങ്കിലും നിങ്ങൾ സന്ദർശിക്കുന്ന വെബ്സൈറ്റ് മനസിലാക്കില്ല. രണ്ടാമത്തേത് നിങ്ങൾ സന്ദർശിക്കുന്ന വെബ്സൈറ്റ് മനസ്സിലാക്കും, എന്നാൽ നിങ്ങളുടെ IP വിലാസം മനസ്സിലാക്കില്ല, പകരം ലക്ഷ്യസ്ഥാനത്തിന് പൊതുവായ ഒരു ഐഡന്റിറ്റിയും ലൊക്കേഷനും നൽകുന്നു. ഈ രീതിയിൽ, നിങ്ങളെയോ നിങ്ങൾ സന്ദർശിച്ച വെബ്സൈറ്റുകളെയോ തിരിച്ചറിയുന്ന വിവരങ്ങൾ ഒരു എന്റിറ്റിയുടെ പക്കലും ഉണ്ടാകില്ല.

നിങ്ങളുടെ സ്വകാര്യത സംരക്ഷിക്കുന്നതിനും, അതോടൊപ്പംതന്നെ നിങ്ങളുടെ പ്രദേശത്ത് നിങ്ങൾക്ക് ഉള്ളടക്കം നൽകാൻ വെബ്സൈറ്റുകളെ അനുവദിക്കുന്നതിനും, സ്വകാര്യ റിലേ നിങ്ങളുടെ യഥാർഥ IP വിലാസത്തിന്റെ പൊതുവായി അറിയപ്പെടുന്ന ലൊക്കേഷനിൽനിന്ന് ഒരു ഏകദേശ പ്രദേശം കണക്കാക്കുന്നു. നിങ്ങളുടെ ഡിവൈസ് ഈ ഏകദേശ പ്രദേശ വിവരം എൻക്രിപ്റ്റ് ചെയ്ത രൂപത്തിൽ രണ്ടാമത്തെ റിലേയിലേക്ക് അയയ്ക്കുന്നു, അത് അന്തിമ ഡെസ്റ്റിനേഷനിലേക്ക് അയയ്ക്കുന്ന ഒരു ജനറിക് IP വിലാസം സൃഷ്ടിക്കാൻ ഉപയോഗിക്കുന്നു. സ്വകാര്യ റിലേ ഉപയോഗിക്കുമ്പോഴും നിങ്ങളുടെ അടുത്തുള്ള ബിസിനസ്സുകൾക്കായി തിരയാൻ നിങ്ങൾക്കാകും, എന്നാൽ വെബ്സൈറ്റുകൾ ഒരു ഏകദേശ പ്രദേശവുമായി പൊരുത്തപ്പെടുന്ന ഒരു IP വിലാസം മാത്രമേ കാണൂ, പ്രത്യേക വ്യക്തിയെ കാണില്ല. നിങ്ങൾക്ക് ക്രമീകരണം > [നിങ്ങളുടെ പേര്] > iCloud > സ്വകാര്യ റിലേ > IP വിലാസ ലൊക്കേഷൻ എന്നതിലേക്ക് പോയി ‘രാജ്യവും സമയ മേഖലയും ഉപയോഗിക്കൂ’ ഓണാക്കാൻ ടാപ്പ് ചെയ്തുകൊണ്ട് iOS, iPadOS, അല്ലെങ്കിൽ visionOS ഡിവൈസിൽ ഈ ലൊക്കേഷൻ ക്രമീകരണം ഡിസേബിൾ ചെയ്യാനും വെബ്സൈറ്റുകൾക്ക് കൃത്യത കുറവുള്ള ലൊക്കേഷൻ വിവരങ്ങൾ നൽകാനും കഴിയും. Mac-ൽ, സിസ്റ്റം ക്രമീകരണം > [നിങ്ങളുടെ പേര്] > iCloud > സ്വകാര്യ റിലേ എന്നതിലേക്ക് പോകൂ.

ക്രമീകരണം > [നിങ്ങളുടെ പേര്] > iCloud > സ്വകാര്യ റിലേ എന്നതിലേക്ക് പോയി സ്വകാര്യ റിലേ ഓഫാക്കാൻ ടാപ്പ് ചെയ്തുകൊണ്ട് നിങ്ങൾക്ക് എപ്പോൾ വേണമെങ്കിലും സ്വകാര്യ റിലേ ഡിസേബിൾ ചെയ്യാം. നിങ്ങളുടെ iOS, iPadOS, അല്ലെങ്കിൽ visionOS ഡിവൈസിൽ, ക്രമീകരണം > Wi-Fi എന്നതിലേക്ക് പോയി, നിങ്ങളുടെ നെറ്റ്‌വർക്കിന് അടുത്തുള്ള വിവര ബട്ടണിൽ ടാപ്പ് ചെയ്ത് ‘iCloud സ്വകാര്യ റിലേ’ ഓഫാക്കാൻ ടാപ്പ് ചെയ്തുകൊണ്ട് എപ്പോൾവേണമെങ്കിലും ഒരു പ്രത്യേക Wi-Fi നെറ്റ്‌വർക്കിനായി സ്വകാര്യ റിലേ ഡിസേബിൾ ചെയ്യാനും നിങ്ങൾക്ക് കഴിയും. Mac-ൽ, സിസ്റ്റം ക്രമീകരണം > [നിങ്ങളുടെ പേര്] > iCloud > സ്വകാര്യ റിലേ എന്നതിലേക്ക് പോയി ‘ഓപ്ഷനുകൾ’ എന്നതിൽ ക്ലിക്ക് ചെയ്ത ശേഷം iCloud സ്വകാര്യ റിലേ ഡിസേബിൾ ചെയ്യാനായി ‘ഓഫാക്കൂ’ ക്ലിക്ക് ചെയ്യുക.

Apple ന്റെ സ്വകാര്യതാ നയത്തിലോ ഞങ്ങളുടെ സേവന സ്വകാര്യതാ അറിയിപ്പുകളിലോ വിവരിച്ചിരിക്കുന്നത് പ്രകാരമോ അല്ലെങ്കിൽ നിയമം അനുശാസിക്കുന്നത് പോലെയോ ഉൾപ്പെടെ, വ്യക്തിഗത ഡാറ്റ ശേഖരിച്ചതിന്റെ ഉദ്ദേശ്യങ്ങൾ നിറവേറ്റുന്നതിന് ആവശ്യമായ കാലത്തേക്ക് മാത്രമേ Apple അത് നിലനിർത്തുകയുള്ളൂ. നിലനിർത്തൽ കാലയളവുകൾ വിലയിരുത്തുമ്പോൾ, ശേഖരിച്ച വ്യക്തിഗത ഡാറ്റ നിലനിർത്തേണ്ടത് ആവശ്യമാണോയെന്ന് ഞങ്ങൾ ആദ്യം ശ്രദ്ധാപൂർവ്വം പരിശോധിക്കുന്നു, നിലനിർത്തൽ ആവശ്യമാണെങ്കിൽ, നിയമപ്രകാരം അനുവദനീയമായ ഏറ്റവും കുറഞ്ഞ കാലയളവിലേക്ക് വ്യക്തിഗത ഡാറ്റ നിലനിർത്താൻ ശ്രമിക്കുന്നു.

എല്ലാ സമയത്തും, Apple ശേഖരിച്ച വിവരങ്ങൾ Apple‑ന്റെ സ്വകാര്യതാ നയമനുസരിച്ച് കൈകാര്യം ചെയ്യപ്പെടുന്നതാണ്. അത് www.apple.com/in/privacy എന്നതിൽ കണ്ടെത്താം

2025-12-12