• നിങ്ങളുടെ Savings അക്കൗണ്ട് സജ്ജീകരിക്കുമ്പോൾ നിങ്ങൾ നൽകുന്ന വിവരങ്ങൾ Apple-ഉം Goldman Sachs-ഉം നിങ്ങളുടെ ഐഡന്റിറ്റി പരിശോധിച്ചുറപ്പിക്കുന്നതിനും തട്ടിപ്പ് തടയുന്നതിനും ഉപയോഗിക്കുന്നു.
• മുകളിൽ പറഞ്ഞ വിവരങ്ങളിൽ ചിലതും അക്കൗണ്ടും ഡിവൈസുമായി ബന്ധപ്പെട്ട വിവരങ്ങളും Goldman Sachs-ഉം അതിന്റെ സേവന ദാതാവായ Apple Payments Inc.-ഉം നിങ്ങളുടെ Savings-ലേക്ക് ഒരു ബാങ്ക് അക്കൗണ്ട് ലിങ്ക് ചെയ്യുമ്പോഴോ നിങ്ങളുടെ Savings അക്കൗണ്ടിലേക്കോ അതിൽ നിന്നോ പണം കൈമാറ്റം ചെയ്യുമ്പോഴോ വഞ്ചന തടയാൻ ഉപയോഗിച്ചേക്കാം.
• ഇതര Apple വിഭാഗങ്ങളിൽ നിന്ന് സ്വതന്ത്രമായി, നിങ്ങളുടെ Savings ഇടപാടുകളെ കുറിച്ചുള്ള വിവരങ്ങൾ പ്രോസസ് ചെയ്തുകൊണ്ട് നിങ്ങളുടെ സ്വകാര്യത സംരക്ഷിക്കുന്നതിന്, Apple അതിന്റെ സമ്പൂർണ്ണ ഉടമസ്ഥതയിലുള്ള ഒരു ഉപസ്ഥാപനമായ Apple Payments Inc. ഉപയോഗിക്കുന്നു.
• നിങ്ങൾ ഏറ്റവും കൂടുതൽ ഉപയോഗിക്കുന്ന Savings ഫീച്ചറുകൾ പോലുള്ള ഇനി നിങ്ങളുമായി ബന്ധിപ്പിക്കാൻ കഴിയാത്ത Savings ഡാറ്റ, Savings-ഉം മറ്റ് Apple ഉൽപ്പന്നങ്ങളും സേവനങ്ങളും മെച്ചപ്പെടുത്താൻ Apple ഉപയോഗിച്ചേക്കാം.

നിങ്ങളുടെ Savings അക്കൗണ്ട് സജ്ജീകരിക്കുന്നു

ഒരു Savings അക്കൗണ്ട് തുറക്കാൻ, നിങ്ങൾക്ക് ഒരു Apple Card അക്കൗണ്ട് ഉണ്ടായിരിക്കണം. ഈ ഫീച്ചർ നിങ്ങളുടെ വിവരങ്ങൾ എങ്ങനെ ഉപയോഗിക്കുന്നു എന്നതിനെക്കുറിച്ച് കൂടുതൽ അറിയാൻ, www.apple.com/legal/privacy/data/en/apple-card എന്നതിൽ Apple Card-ഉം സ്വകാര്യതയും സന്ദർശിക്കുക.

നിങ്ങളുടെ Savings അക്കൗണ്ട് സൃഷ്ടിക്കുമ്പോൾ, താഴെ കാണിച്ചിരിക്കുന്ന വിവരങ്ങൾ നിങ്ങളുടെ ഐഡന്റിറ്റി പരിശോധിച്ചുറപ്പിക്കാനും തട്ടിപ്പ് തടയാനും Apple-ഉം Goldman Sachs Bank USA, Salt Lake City Branch (‘Goldman Sachs’)-ഉം ഉപയോഗിച്ചേക്കാം. നിങ്ങളുടെ അക്കൗണ്ട് സജ്ജീകരിക്കുന്നതിനും ആവശ്യമായ ജാഗ്രത പുലർത്തുന്നതിനും Goldman Sachs ഈ വിവരങ്ങളും ഉപയോഗിക്കുന്നു.

• നിങ്ങളുടെ Apple അക്കൗണ്ടും അതുമായി ബന്ധപ്പെട്ട പേരും ഫോൺ നമ്പറുകളും ഫിസിക്കൽ വിലാസവും ഇ-മെയിൽ അഡ്രസും
• നിങ്ങളുടെ Apple അക്കൗണ്ട്, iTunes, App Store അക്കൗണ്ട് പ്രവർത്തനം (ഉദാഹരണത്തിന്, നിങ്ങൾക്ക് iTunes-നുള്ളിൽ ഇടപാടുകളുടെ നീണ്ട ചരിത്രമുണ്ടോ എന്നത്) എന്നിവയെ കുറിച്ചുള്ള പൊതുവായ വിവരങ്ങൾ
• നിങ്ങളുടെ ഡിവൈസിനെ കുറിച്ചുള്ള വിവരങ്ങൾ (ഉദാഹരണത്തിന്, ഡിവൈസ് ഐഡന്റിഫയർ, ഫോൺ നമ്പർ, IP വിലാസം, നിങ്ങളുടെ ഡിവൈസിന്റെ പേരും മോഡലും)
• പേയ്മെന്റ് കാർഡുകൾ ചേർക്കുന്നതിന്റെ അക്കൗണ്ട് അല്ലെങ്കിൽ ഡിവൈസ് ചരിത്രം
• നിങ്ങൾ ചേർത്തതോ Apple Pay-യിൽ ചേർക്കാൻ ശ്രമിച്ചതോ ആയ പേയ്മെന്റ് കാർഡുകളിൽ നിന്നുള്ള വിവരങ്ങളുമായി ബന്ധപ്പെട്ട സമാഹരിച്ച സ്ഥിതിവിവരക്കണക്കുകൾ

നികുതി പാലിക്കൽ ആവശ്യങ്ങൾക്കായി, Goldman Sachs നിങ്ങളുടെ സാമൂഹിക സുരക്ഷാ നമ്പറും നികുതി തടഞ്ഞുവയ്ക്കൽ സ്റ്റാറ്റസും ആവശ്യപ്പെടും; Apple ഈ വിവരങ്ങൾ വായിക്കുകയോ സംഭരിക്കുകയോ ചെയ്യുന്നില്ല.

നിങ്ങൾ വാലറ്റിനായി ലൊക്കേഷൻ സേവനങ്ങൾ എനേബിൾ ചെയ്തിട്ടുണ്ടെങ്കിൽ, Savings അക്കൗണ്ട് സൃഷ്ടിക്കുമ്പോഴോ അപ്ഡേറ്റ് ചെയ്യുമ്പോഴോ അല്ലെങ്കിൽ ഒരു ഡിവൈസിൽ ആദ്യമായി Savings തുറക്കുമ്പോഴോ തട്ടിപ്പ് തടയാൻ നിങ്ങളുടെ ഏകദേശ ലൊക്കേഷനെക്കുറിച്ചുള്ള വിവരങ്ങൾ Apple-ഉം Goldman Sachs-ഉം ഉപയോഗിക്കുന്നു. നിങ്ങൾ Apple Pay-യിൽ ഏതെങ്കിലും പേയ്മെന്റ് രീതി ചേർക്കുമ്പോൾ, അല്ലെങ്കിൽ Apple Card-നായി അപേക്ഷിക്കുകയോ പ്രൊവിഷൻ ചെയ്യുകയോ ചെയ്യുന്ന സമയത്ത്, വല്ല ഡിവൈസ് ക്രമീകരണങ്ങളും എനേബിൾ ചെയ്തിട്ടുണ്ടെങ്കിൽ അത്, ഡിവൈസ് ഉപയോഗ പാറ്റേണുകൾ (ഉദാഹരണത്തിന്, ഡിവൈസ് ചലിച്ചുകൊണ്ടിരിക്കുന്ന സമയത്തിന്റെ ശതമാനം, അല്ലെങ്കിൽ പ്രതിവാര കോളുകളുടെ ഏകദേശ എണ്ണം) എന്നിവ പോലുള്ള നിങ്ങളുടെ ഡിവൈസിനെ കുറിച്ചുള്ള വിവരങ്ങൾ തട്ടിപ്പ് തടയുന്നതിനായി Apple-ലേക്ക് യഥാസമയം അയച്ചേക്കാം. തട്ടിപ്പ് തടയുന്നതിന് നിങ്ങളുടെ Savings അക്കൗണ്ട് ഫോൺ നമ്പറിനെക്കുറിച്ചുള്ള വിവരങ്ങളും നിങ്ങളുടെ നെറ്റ്‌വർക്ക് ദാതാവിൽ നിന്ന് Apple-ന് ലഭിച്ചേക്കാം. നിങ്ങളുടെ ഡിവൈസിന്റെ ലൊക്കേഷൻ ആക്സസും ഉപയോഗവും എങ്ങനെ നിയന്ത്രിക്കാം എന്നതിനെക്കുറിച്ച് കൂടുതൽ അറിയാൻ, www.apple.com/in/legal/privacy/data/en/location-services എന്നതിൽ ‘ലൊക്കേഷൻ സേവനങ്ങളും സ്വകാര്യതയും’ സന്ദർശിക്കൂ.

നിങ്ങൾ Savings അക്കൗണ്ട് സജ്ജീകരിക്കുമ്പോൾ, നിങ്ങളുടെ Savings അക്കൗണ്ടും റൂട്ടിങ് നമ്പറുകളും നിങ്ങളുടെ ഡിവൈസിലെ Savings-ൽ ലഭ്യമാകുന്നതിന് Goldman Sachs അവ Apple-ന് അയയ്ക്കുന്നു. Apple ഈ വിവരങ്ങൾ സംഭരിക്കുന്നില്ല.

നിങ്ങളുടെ Savings അക്കൗണ്ട് ഉപയോഗിക്കുന്നു

നിങ്ങളുടെ Savings അക്കൗണ്ട് നമ്പർ, റൂട്ടിങ് നമ്പർ, ഇടപാട് ചരിത്രം എന്നിവ കാണൽ, നിങ്ങളുടെ അക്കൗണ്ട് ബാലൻസിലെ ഓരോ സമയത്തെയും മാറ്റം കാണൽ, നിങ്ങളുടെ അക്കൗണ്ട് വിവരങ്ങൾ അപ്ഡേറ്റ് ചെയ്യൽ, Savings-ലേക്കോ അതിൽ നിന്നോ പണം കൈമാറുന്നതിന് മറ്റ് ബാങ്ക് അക്കൗണ്ടുകൾ ലിങ്ക് ചെയ്യൽ എന്നിവ ഉൾപ്പെടെ Savings അക്കൗണ്ട് നിങ്ങളുടെ ഡിവൈസിൽ കാണുകയും നിയന്ത്രിക്കുകയും ചെയ്യാം.

ട്രബിൾഷൂട്ടിങ്ങിനും തട്ടിപ്പ് തടയാനും ഒരു ഇടപാട് പൂർത്തിയായിക്കഴിഞ്ഞാൽ സാമ്പത്തിക നിയന്ത്രണങ്ങൾ പാലിക്കാനും Goldman Sachs, Apple Payments Inc. എന്നിവ നിങ്ങളുടെ Savings ഇടപാട് ഡാറ്റ സംഭരിക്കുകയും ഉപയോഗിക്കുകയും ചെയ്യും. ഇതര Apple വിഭാഗങ്ങളിൽ നിന്ന് സ്വതന്ത്രമായി, Apple-ലെ മറ്റ് വിഭാഗങ്ങൾ അറിയാത്ത വിധത്തിൽ നിങ്ങളുടെ സ്വകാര്യ ഡാറ്റ സംഭരിക്കുകയും പ്രോസസ് ചെയ്യുകയും ചെയ്തുകൊണ്ട് നിങ്ങളുടെ സ്വകാര്യത സംരക്ഷിക്കുന്നതിന്, Apple അതിന്റെ സമ്പൂർണ്ണ ഉടമസ്ഥതയിലുള്ള ഒരു ഉപസ്ഥാപനവും ലൈസൻസുള്ള മണി ട്രാൻസ്മിറ്ററുമായ Apple Payments Inc. സൃഷ്ടിച്ചു. നിങ്ങളുടെ Savings ഉപയോഗവുമായി ബന്ധപ്പെട്ട് Apple Payments Inc.-ൽ സംഭരിച്ചിരിക്കുന്ന നിങ്ങളുടെ വ്യക്തിഗത ഡാറ്റ, നിങ്ങൾ അഭ്യർഥിക്കുന്ന സേവനങ്ങൾ നൽകുന്നതിനും ട്രബിൾഷൂട്ടിങ്ങിനും റെഗുലേറ്ററി ആവശ്യങ്ങൾക്കും തട്ടിപ്പ് തടയുന്നതിനും മാത്രമാണ് ഉപയോഗിക്കുന്നത്.

Apple നിങ്ങളുടെ iCloud അക്കൗണ്ടിൽ വ്യക്തിഗത Savings ഇടപാട് വിവരങ്ങൾ ഡെലിവർ ചെയ്യുകയും സംഭരിക്കുകയും, നിങ്ങളുടെ ഇടപാട് ചരിത്രം നിങ്ങളുടെ എല്ലാ ഡിവൈസുകളിലും അപ്പ് ടു ഡേറ്റ് ആയി നിലനിർത്തുകയും ചെയ്യുന്നു. ഉയർന്ന തലത്തിലുള്ള ഡാറ്റാ സുരക്ഷ പ്രദാനം ചെയ്യുന്ന എൻഡ്-ടു-എൻഡ് എൻക്രിപ്ഷൻ ഉപയോഗിച്ച് നിങ്ങളുടെ ഇടപാടുകൾ iCloud-ൽ സംഭരിച്ചിരിക്കുന്നു. നിങ്ങളുടെ ഡിവൈസിന് പ്രത്യേകമായുള്ള വിവരങ്ങളിൽ നിന്ന് സൃഷ്ടിച്ച ഒരു കീയും ഒപ്പം നിങ്ങൾക്ക് മാത്രം അറിയാവുന്ന നിങ്ങളുടെ ഡിവൈസ് പാസ്കോഡും ഉപയോഗിച്ച് നിങ്ങളുടെ ഡാറ്റ സംരക്ഷിച്ചിരിക്കുന്നു.

നിങ്ങൾ ഒരു ബാങ്ക് അക്കൗണ്ട് Savings-മായി ലിങ്ക് ചെയ്യുമ്പോഴോ ലിങ്ക് ചെയ്ത ബാങ്ക് അക്കൗണ്ടിലേക്കോ അതിൽ നിന്നോ പണം കൈമാറ്റം ചെയ്യുമ്പോഴോ, ബാങ്ക് നെയിം, ആ ബാങ്ക് അക്കൗണ്ടുമായി ബന്ധിപ്പിച്ച അക്കൗണ്ട് ID പോലുള്ള വിവരങ്ങൾ Savings-ഉം നിങ്ങളുടെ ബാങ്ക് അക്കൗണ്ടും തമ്മിലുള്ള ലിങ്ക് സജ്ജീകരിക്കുന്നതിനായി Apple-ന് ലഭിച്ചേക്കാം. തട്ടിപ്പ് തടയുന്നതിന്, നിങ്ങളുടെ ലൊക്കേഷനെക്കുറിച്ചുള്ള വിവരങ്ങളോടൊപ്പം Apple ഈ വിവരങ്ങൾ Goldman Sachs, Apple Payments Inc. എന്നിവയുമായും പങ്കിട്ടേക്കാം. അക്കൗണ്ടിലേക്ക് Goldman Sachs രണ്ട് ചെറിയ നിക്ഷേപങ്ങൾ അയച്ചു കൊണ്ട് നിങ്ങളുടെ Apple ഡിവൈസിൽ ആ തുകകൾ പരിശോധിച്ചുറപ്പിച്ചുകൊണ്ടോ പിന്തുണയെ ബന്ധപ്പെട്ടുകൊണ്ടോ ഉടമസ്ഥാവകാശം സ്ഥിരീകരിക്കാൻ നിങ്ങളോട് ആവശ്യപ്പെട്ടേക്കാം. തുകകളെക്കുറിച്ചുള്ള വിവരങ്ങളും പരിശോധിച്ചുറപ്പിക്കൽ വിജയകരമാണോ എന്നതും Apple കാണും പക്ഷേ സംഭരിക്കില്ല. ഒരു ബാങ്ക് അക്കൗണ്ട് Savings അക്കൗണ്ടിലേക്കോ Apple Card അക്കൗണ്ടിലേക്കോ ലിങ്ക് ചെയ്യുന്നത് നിങ്ങളുടെ Savings, Apple Card അക്കൗണ്ടുകളിൽ ലിങ്ക് ചെയ്ത ബാങ്ക് അക്കൗണ്ടായി ദൃശ്യമാകുന്നതിന് കാരണമാകും; നിങ്ങളുടെ Savings അക്കൗണ്ടിൽ നിന്നോ Apple Card അക്കൗണ്ടിൽ നിന്നോ ഒരു ബാങ്ക് അക്കൗണ്ട് ഡിലീറ്റ് ചെയ്താൽ രണ്ട് ഫീച്ചറുകളിലും അത് ലിങ്ക് ചെയ്ത ബാങ്ക് അക്കൗണ്ടായി ദൃശ്യമാകില്ല.

നിങ്ങൾ Savings-ലേക്ക് ഒരു ഗുണഭോക്താവിനെ ചേർക്കുമ്പോൾ, ഗുണഭോക്താവിന്റെ എൻക്രിപ്റ്റ് ചെയ്ത പൂർണ്ണമായ പേര്, വിലാസം, ഫോൺ നമ്പർ, ബന്ധം, ജനനത്തീയതി, സാമൂഹിക സുരക്ഷാ നമ്പർ എന്നിവ Apple വഴി Goldman Sachs-ലേക്ക് അയയ്ക്കും. ഗുണഭോക്താവിനെ വിജയകരമായി ചേർത്തിട്ടുണ്ടോ എന്നത് Apple കാണും പക്ഷേ സംഭരിക്കില്ല. നിങ്ങളുടെ സജീവ ഗുണഭോക്താക്കളെ നിങ്ങൾ കാണുമ്പോൾ, ഗുണഭോക്താവിന്റെ വിവരങ്ങൾ നിങ്ങളുടെ ഡിവൈസിൽ പ്രദർശിപ്പിക്കുന്നതിനായി Apple സെർവറുകൾ വഴി Goldman Sachs അയയ്ക്കും. ഗുണഭോക്താവിന്റെ വിവരങ്ങൾ Apple കാണും പക്ഷേ സംഭരിക്കില്ല.

Savings-ഉം കുടുംബ പങ്കിടലും

Savings അക്കൗണ്ട് ഉടമകൾക്ക് iCloud കുടുംബ പങ്കിടൽ ഉപയോഗിച്ച് അവരുടെ Savings അക്കൗണ്ട് പങ്കിടാൻ കഴിയില്ല, എന്നാൽ Apple Card സഹ ഉടമകൾക്ക് ഓരോരുത്തർക്കും ഒരു വ്യക്തിഗത Savings അക്കൗണ്ട് സൃഷ്ടിക്കാൻ കഴിയും. ഒരു സഹ-ഉടമ അവരുടെ Savings അല്ലെങ്കിൽ സഹ-ഉടമസ്ഥതയിലുള്ള Apple Card അക്കൗണ്ടുമായി ഒരു ബാങ്ക് അക്കൗണ്ട് ലിങ്ക് ചെയ്യുമ്പോൾ, അത് ആ സഹ-ഉടമയുടെ വ്യക്തിഗത Savings അക്കൗണ്ടിന് മാത്രമായി ലിങ്ക് ചെയ്ത ബാങ്ക് അക്കൗണ്ടായി ദൃശ്യമാകുകയും രണ്ട് സഹ ഉടമകൾക്കും അവരുടെ Apple-Card അക്കൗണ്ടിൽ ദൃശ്യമാകുകയും ചെയ്യും. നിങ്ങളുടെ Savings അക്കൗണ്ടിൽ നിന്നോ സഹ ഉടമസ്ഥതയിലുള്ള Apple Card അക്കൗണ്ടിൽ നിന്നോ ലിങ്ക് ചെയ്ത ബാങ്ക് അക്കൗണ്ട് ഡിലീറ്റ് ചെയ്യുന്നത്, നിങ്ങളുടെ സഹ ഉടമയുടെ Savings അക്കൗണ്ടിൽ നിന്ന് ലിങ്ക് ചെയ്ത ബാങ്ക് അക്കൗണ്ട് ഡിലീറ്റ് ചെയ്യില്ല.

Savings-ഉം അനലിറ്റിക്സും

Savings മെച്ചപ്പെടുത്താൻ സഹായിക്കുന്നതിന്, Savings അക്കൗണ്ട് സൃഷ്ടിക്കുന്ന പ്രക്രിയയെക്കുറിച്ചും വാലറ്റ് ആപ്പിലെ Savings ഫീച്ചറുകളുടെ ഉപയോഗത്തെക്കുറിച്ചും Apple വിവരങ്ങൾ ശേഖരിക്കുകയും നിങ്ങളെ വ്യക്തിപരമായി തിരിച്ചറിയാത്ത വിധത്തിൽ ആ വിവരങ്ങൾ സംഭരിക്കുകയും ചെയ്യുന്നു. അക്കൗണ്ട് സൃഷ്ടിക്കൽ പ്രക്രിയ പൂർത്തിയാക്കാൻ എടുക്കുന്ന സമയവും ഏറ്റവും പുതിയ ഇടപാടുകളുടെ ലിസ്റ്റ് പോലെ ഏതൊക്കെ Savings ഫീച്ചറുകളാണ് ഏറ്റവും കൂടുതൽ ഉപയോഗിക്കുന്നത് എന്നതും ഈ വിവരങ്ങളിൽ ഉൾപ്പെടുന്നു. Apple ഉൽപ്പന്നങ്ങളും സേവനങ്ങളും മെച്ചപ്പെടുത്തുന്നതിനും മാർക്കറ്റിങ് ആവശ്യങ്ങൾക്കും തട്ടിപ്പ് തടയുന്നതിനും സുരക്ഷാ ആവശ്യങ്ങൾക്കുമായി Apple ഈ വിവരങ്ങൾ ഉപയോഗിച്ചേക്കാം.

Savings-ഉം ആശയവിനിമയങ്ങളും

ഒരു മാർക്കറ്റിങ് സന്ദേശം ഉൾപ്പെടെ, ഒരു സന്ദേശം നിങ്ങൾക്ക് പ്രസക്തമാണോ എന്ന് നിർണ്ണയിക്കാൻ, നിങ്ങൾ Savings അക്കൗണ്ടിനായി അപേക്ഷിച്ചിട്ടുണ്ടോ അല്ലെങ്കിൽ നിലവിലുണ്ടോ എന്നതുപോലുള്ള നിങ്ങളുടെ Savings അക്കൗണ്ട് സ്റ്റാറ്റസ് Apple ഉപയോഗിച്ചേക്കാം. നിങ്ങളുമായി ബന്ധിപ്പിക്കാൻ കഴിയാത്ത അജ്ഞാതവും സമാഹരിച്ചതുമായ വിവരങ്ങൾ Savings മാർക്കറ്റിങ്ങിനും മറ്റ് സന്ദേശമയയ്ക്കലിനും ഉപയോഗിച്ചേക്കാം. ഒരു മാർക്കറ്റിങ് ഇമെയിലിലെ അൺസബ്സ്ക്രൈബ് ലിങ്കിൽ ക്ലിക്ക് ചെയ്തുകൊണ്ടോ വാലറ്റിനായുള്ള അറിയിപ്പുകൾ ഓഫാക്കുന്നതിലൂടെയോ നിങ്ങൾക്ക് മാർക്കറ്റിങ് സന്ദേശങ്ങൾ ഒഴിവാക്കാനാകും.

Savings പിന്തുണ

Savings-നെ കുറിച്ച് നിങ്ങൾക്ക് എന്തെങ്കിലും അറിയണമെന്നുണ്ടെങ്കിൽ, സന്ദേശങ്ങൾ ആരംഭിച്ച് നിങ്ങളുടെ വാലറ്റ് ആപ്പ് വഴി നിങ്ങൾക്ക് പിന്തുണയെ ബന്ധപ്പെടാം. നിങ്ങളുടെ അഭ്യർത്ഥന പ്രോസസ് ചെയ്യുന്നതിന്, വ്യക്തിഗത ഡാറ്റ ഉൾപ്പെടെ നിങ്ങൾ പങ്കിടുന്ന ഏത് വിവരവും Apple ഉപയോഗിക്കും. സേവനത്തിനായി നിങ്ങളുടെ അന്വേഷണം Goldman Sachs-ലേക്ക് അയയ്ക്കേണ്ടതുണ്ടെങ്കിൽ, Goldman Sachs നിങ്ങളെ മികച്ച രീതിയിൽ സഹായിക്കുന്നതിനായി Apple നിങ്ങളെയും നിങ്ങളുടെ അന്വേഷണത്തെയും കുറിച്ചുള്ള വിവരങ്ങൾ അവരുമായി പങ്കിടും. Goldman Sachs-ന് സേവനത്തിനായി അയയ്ക്കുന്ന വ്യക്തിപരമായി തിരിച്ചറിയാവുന്ന സാമ്പത്തിക വിവരങ്ങളൊന്നും Apple സൂക്ഷിക്കില്ല. അറിയാനുള്ള കാര്യങ്ങളുമായി 877-255-5923 എന്ന നമ്പറിൽ വിളിച്ച് പിന്തുണയെ നിങ്ങൾക്ക് നേരിട്ട് ബന്ധപ്പെടുകയും ചെയ്യാം.

നിങ്ങളുടെ Savings അക്കൗണ്ട് ക്ലോസ് ചെയ്യുന്നു

നിങ്ങൾ Savings അക്കൗണ്ട് ക്ലോസ് ചെയ്യുകയാണെങ്കിൽ നിങ്ങളുടെ Savings അക്കൗണ്ടിനെ കുറിച്ചുള്ള വിവരങ്ങൾ ക്രമീകരണം > വാലറ്റ്, Apple Pay > ക്ലോസ് ചെയ്ത അക്കൗണ്ടുകൾ എന്നതിൽ നിലനിൽക്കും. അവിടെ നിങ്ങളുടെ മുൻ സ്റ്റേറ്റ്മെന്റുകളും നികുതി രേഖകളും കാണാം.

നിങ്ങളുടെ വിവരങ്ങൾ അപ്ഡേറ്റ് ചെയ്യുന്നത്

നിങ്ങളുടെ Savings അക്കൗണ്ട് വിവരങ്ങൾ നിങ്ങൾക്ക് വാലറ്റിൽ അപ്ഡേറ്റ് ചെയ്യാം. Goldman Sachs-നെ ബന്ധപ്പെട്ടും നിങ്ങളുടെ Savings അക്കൗണ്ട് വിവരങ്ങൾ നിങ്ങൾക്ക് അപ്ഡേറ്റ് ചെയ്യാം. Savings സേവനങ്ങൾ നൽകുന്നതിന് Goldman Sachs അപ്ഡേറ്റ് ചെയ്ത Savings അക്കൗണ്ട് വിവരങ്ങൾ Apple-മായി പങ്കിട്ടേക്കാം.

കൂടുതൽ വിവരങ്ങൾ

Apple നിങ്ങളുടെ വിവരങ്ങൾ ഉപയോഗിക്കും. നിയമം അനുശാസിക്കും വിധവും വഞ്ചന തടയുന്നതിനായും Goldman Sachs-മായി നിങ്ങളുടെ വിവരങ്ങൾ പങ്കിട്ടെന്നും വരാം. Savings അക്കൗണ്ട് ലഭ്യത സംബന്ധിച്ച നിർണായക അപ്ഡേറ്റുകൾ നിങ്ങൾക്ക് നൽകുന്നതിന്, Apple, Goldman Sachs എന്നിവ അക്കൗണ്ട് വിവരങ്ങൾ പങ്കിട്ടേക്കാം. നിങ്ങളുടെ അക്കൗണ്ട് നിങ്ങൾ ക്ലോസ് ചെയ്തതിന് ശേഷവും, നിയമം അല്ലെങ്കിൽ സാധുതയുള്ള നിയമനടപടികൾ പാലിക്കുന്നതിന് ആവശ്യമായ, Savings-മായി ബന്ധപ്പെട്ട വിവരങ്ങൾ ആവശ്യമായ അളവിൽ Apple ഉപയോഗിച്ചേക്കാം. https://www.goldmansachs.com/privacy-and-cookies/c-privacy-policy.html എന്നതിൽ ലഭ്യമായ Goldman Sachs-ന്റെ സ്വകാര്യതാ നയം അവലോകനം ചെയ്തുകൊണ്ട് അവർ നിങ്ങളുടെ സ്വകാര്യ ഡാറ്റ എങ്ങനെ സംരക്ഷിക്കുന്നു എന്നതിനെക്കുറിച്ച് നിങ്ങൾക്ക് കൂടുതലറിയാനാകും.

ഈ അറിയിപ്പിൽ വിവരിച്ചിരിക്കുന്ന വ്യക്തിഗത ഡാറ്റയുടെ പ്രോസസിങ്ങുമായി ബന്ധപ്പെട്ട് Apple ഒരു ഡാറ്റ കൺട്രോളറായി പ്രവർത്തിക്കുമ്പോൾ, അത്തരം പ്രവർത്തനങ്ങൾ Apple-ന്റെ പൂർണ ഉടമസ്ഥതയിലുള്ള ഒരു സബ്സിഡിയറിയായ Apple Payments Services LLC ആണ് നൽകുന്നത്. Savings ഉപയോഗിക്കുക വഴി, Apple-ഉം അതിന്റെ സബ്സിഡിയറികളും പ്രതിനിധികളും നിങ്ങളുടെ വിവരങ്ങളുടെ സംപ്രേഷണം, ശേഖരണം, പരിപാലനം, പ്രോസസിങ് എന്നിവയ്ക്കും മുകളിൽ പരാമർശിക്കപ്പെട്ട വിധം നിങ്ങളുടെ വിവരങ്ങളുടെ ഉപയോഗത്തിനും നിങ്ങൾ അംഗീകാരവും സമ്മതവും നൽകുന്നു.

ഈ നോട്ടീസിൽ വിവരിച്ചിരിക്കുന്ന പ്രകാരവും, Apple‑ന്റെ സ്വകാര്യതാ നയത്തിന് അനുസൃതമായും അല്ലെങ്കിൽ നിയമം ആവശ്യപ്പെടുന്നത് ഉൾപ്പെടെ, വ്യക്തിഗത ഡാറ്റ ശേഖരിച്ചതിന്റെ ഉദ്ദേശ്യങ്ങൾ നിറവേറ്റുന്നതിന് ആവശ്യമായ കാലത്തേക്ക് മാത്രമേ Apple അത് നിലനിർത്തുകയുള്ളൂ. നിലനിർത്തൽ കാലയളവുകൾ വിലയിരുത്തുമ്പോൾ, ശേഖരിച്ച വ്യക്തിഗത ഡാറ്റ നിലനിർത്തേണ്ടത് ആവശ്യമാണോയെന്ന് ഞങ്ങൾ ആദ്യം ശ്രദ്ധാപൂർവ്വം പരിശോധിക്കുന്നു, നിലനിർത്തൽ ആവശ്യമാണെങ്കിൽ, നിയമപ്രകാരം അനുവദനീയമായ ഏറ്റവും കുറഞ്ഞ കാലയളവിലേക്ക് വ്യക്തിഗത ഡാറ്റ നിലനിർത്താൻ ശ്രമിക്കുന്നു.

എല്ലാ സമയത്തും, Apple ശേഖരിച്ച വിവരങ്ങൾ Apple‑ന്റെ സ്വകാര്യതാ നയമനുസരിച്ച് കൈകാര്യം ചെയ്യപ്പെടുന്നതാണ്. സ്വകാര്യതാ നയം www.apple.com/in/privacy എന്നതിൽ കണ്ടെത്താം.

2025-12-12