• ଯଦି ଆପଣ iCloud ବ୍ୟାକ୍‌ଅପ୍ କିମ୍ୱା iCloudରେ ମେସେଜ୍‌ ସକ୍ଷମ କରନ୍ତି, ତେବେ ମେସେଜ୍‌ଗୁଡ଼ିକ iCloudରେ ବ୍ୟାକ୍‌ଅପ୍ ଏବଂ ଏନ୍‌କ୍ରିପ୍ଟ୍‌ ହୁଏ।
• iMessage ଏଣ୍ଡ୍-ଟୁ-ଏଣ୍ଡ୍ ଏନ୍‌କ୍ରିପ୍ଟ୍‌ ହୋଇଥାଏ। ଆପଣ ଉପଯୋଗ କରୁଥିବା ଫୋନ୍ ନମ୍ବର୍ କିମ୍ୱା ଇମେଲ୍ ଠିକଣା ଆପଣ ଯୋଗାଯୋଗ କରୁଥିବା ଲୋକମାନଙ୍କୁ ଦେଖାଯାଏ ଏବଂ ଆପଣ ନିଜର ନାମ ଏବଂ ଫଟୋ ଶେୟର୍ କରିବାକୁ ବାଛି ପାରିବେ।
• iMessageର ବ୍ଯବହାର ବିଷୟରେ Apple ସୀମିତ ସୂଚନା ରଖିଥାଏ, ଯେପରିକି 30 ଦିନ ପର୍ଯ୍ୟନ୍ତ ଆପଣଙ୍କ ଡିଭାଇସ୍ iMessage ବ୍ଯବହାର କରିବାକୁ ଯୋଗ୍ୟ କି ନାହିଁ।

ମେସେଜ୍ ହେଉଛି ଏକ ଆପ୍ ଯାହା ୟୁଜର୍‌ଙ୍କୁ ବ୍ୟବସାୟ ପାଇଁ SMS, MMS, RCS, iMessage ଏବଂ Apple Messages for Business ମାଧ୍ୟମରେ ଯୋଗାଯୋଗ କରିବାକୁ ଅନୁମତି ଦେଇଥାଏ। iMessage ହେଉଛି ଏକ Apple ମେସେଜିଂ ସେବା ଯାହା ଆପଣଙ୍କ iPhone, iPad, Mac, Apple Vision Pro କିମ୍ବା Apple Watch ମେସେଜ୍ ଆପ୍‌ରେ iMessages ପଠାଇବା ଏବଂ ପ୍ରାପ୍ତ କରିବାକୁ ବ୍ୟବହାର କରାଯାଇପାରିବ। iMessage ମାଧ୍ୟମରେ ପଠାଯାଇଥିବା ମେସେଜ୍ ଫଟୋ, ଭିଡିଓ ଏବଂ ଅନ୍ୟାନ୍ୟ ସୂଚନା ଅନ୍ତର୍ଭୁକ୍ତ କରିପାରେ ଏବଂ ସେଗୁଡ଼ିକ ଆପଣଙ୍କ ନେଟ୍‌ୱର୍କ୍ ପ୍ରଦାନକାରୀ ମେସେଜିଂ ପ୍ଳାନ୍‌ରେ ଅନ୍ତର୍ଭୁକ୍ତ ହୁଏ ନାହିଁ।

ଏଣ୍ଡ୍-ଟୁ-ଏଣ୍ଡ୍ ଏନ୍‌କ୍ରିପ୍ସନ୍ ଉପଯୋଗ କରିବାକୁ ଆମେ iMessage ଡିଜାଇନ୍ କରିଛୁ, ତେଣୁ ଡିଭାଇସ୍ ମଧ୍ୟରେ ଟ୍ରାଞ୍ଜିଟ୍ ସମୟରେ ଆପଣଙ୍କ ବାର୍ତ୍ତାଳାପର ବିଷୟବସ୍ତୁ ଡିକ୍ରିପ୍ଟ୍ କରିବାକୁ Apple ପାଇଁ କୌଣସି ଉପାୟ ନାହିଁ। ଆପଣ iMessage (ଯେପରିକି ଫଟୋ କିମ୍ବା ଭିଡିଓ) ମାଧ୍ୟମରେ ପ୍ରେରଣ କରୁଥିବା ଆଟାଚ୍‌ମେଣ୍ଟ୍‌ଗୁଡ଼ିକ ଏନ୍‌କ୍ରିପ୍ଟ୍‌ ହୋଇଥିବା ଅଟେ, ଯାହା ଦ୍ୱାରା ପ୍ରେରକ ଏବଂ ପ୍ରାପ୍ତକର୍ତ୍ତା(ମାନଙ୍କ) ବ୍ୟତୀତ ଅନ୍ୟ କେହି ସେଗୁଡ଼ିକୁ ଆକ୍ସେସ୍ କରିପାରିବେ ନାହିଁ। ଏହି ଏନ୍‌କ୍ରିପ୍ଟ୍‌ ହୋଇଥିବା ଆଟାଚ୍‌ମେଣ୍ଟଗୁଡ଼ିକ Appleରେ ଅପ୍‌ଲୋଡ୍ ହୋଇପାରେ। କାର୍ଯ୍ୟଦକ୍ଷତା ଉନ୍ନତ କରିବା ପାଇଁ ଆପଣ ଏକ iMessage ଲେଖୁଥିବା ସମୟରେ ଆପଣଙ୍କ ଡିଭାଇସ୍ ସ୍ବୟଂଚାଳିତ ଭାବରେ Appleରେ ଆଟାଚ୍‌ମେଣ୍ଟ୍ ଅପ୍‌ଲୋଡ୍ କରିପାରେ। ଯଦି ଆପଣଙ୍କ ମେସେଜ୍ ପଠାଯାଇ ନଥାଏ, ତେବେ 30 ଦିନ ପରେ ସର୍ଭର୍‌ରୁ ଆଟାଚ୍‌ମେଣ୍ଟ୍ ଡିଲିଟ୍‌ ହୋଇଯାଏ। ଆପଣଙ୍କ iOS, iPadOS, visionOS କିମ୍ୱା watchOS ଡିଭାଇସ୍‌ରେ ଏକ ପାସ୍‌କୋଡ୍‌ କିମ୍ୱା ପାସ୍‌ୱର୍ଡ୍‌ ସେଟ୍ ହୋଇଥିବା ସମୟରେ, ଆପଣଙ୍କ ଡିଭାଇସ୍‌ରେ ଷ୍ଟୋର୍ ହୋଇଥିବା ମେସେଜ୍‌ ଏନ୍‌କ୍ରିପ୍ଟ୍‌ ହୋଇଥାଏ ଯାହା ଦ୍ୱାରା ଡିଭାଇସ୍ ଅନ୍‌ଲକ୍ ନ ହେବା ପର୍ଯ୍ୟନ୍ତ ସେଗୁଡ଼ିକୁ ଆକ୍ସେସ୍‌ କରାଯାଇପାରିବ ନାହିଁ।

ଯଦି ଆପଣଙ୍କ ମୋବାଇଲ୍ ସେବା ସଂଯୋଗ ବିଛିନ୍ନ ହୋଇଯିବ ଏବଂ ଇଣ୍ଟର୍‌ନେଟ୍‌ ଆକ୍ସେସ୍‌ କରିପାରିବେ ନାହିଁ, ତେବେ ଏକ ଯୋଗ୍ୟ iPhone ଆପଣଙ୍କୁ ସାଟେଲାଇଟ୍‌ ମାଧ‍୍ୟମରେ ମେସେଜ୍‌ ପଠାଇବା ଏବଂ ପ୍ରାପ୍ତ କରିବା ଆରମ୍ଭ କରିବା ପାଇଁ ପ୍ରମ୍ପ୍ଟ୍‌ କରିପାରେ। ଏହା ଆପଣଙ୍କୁ ସାଟେଲାଇଟ୍‌ ମାଧ‍୍ୟମରେ iMessage ଏବଂ SMS ମେସେଜ୍‌ ପଠାଇବା ଏବଂ ପ୍ରାପ୍ତ କରିବା ପାଇଁ ସକ୍ଷମ କରେ । ସାଟେଲାଇଟ୍‌ ମାଧ୍ୟମରେ ମେସେଜ୍ ପଠାଇବା ଏବଂ ପ୍ରାପ୍ତ କରିବା ଆରମ୍ଭ କରିବା ପରେ ଯେଉଁ ବନ୍ଧୁ ଏବଂ ପରିବାର ଆପଣଙ୍କୁ ଏକ iMessage ପଠାଇବା ପାଇଁ ଚେଷ୍ଟା କରନ୍ତି ସେମାନେ ଦେଖିପାରିବେ ଯେ ଆପଣ ସାଟେଲାଇଟ୍‌ ମାଧ୍ୟମରେ ମେସେଜ୍ କରୁଛନ୍ତି। SMS ପଠାଇବା ଏବଂ ପ୍ରାପ୍ତ କରିବା, ଏହା ସାଟେଲାଇଟ୍ ମାଧ୍ଯମରେ ହେଉଥିଲେ ମଧ‍୍ୟ, ଆପଣଙ୍କ କ୍ୟାରିଅର୍ ଦ୍ୱାରା ପ୍ରଦାନ କରାଯାଇଥିବା ଏକ ସେବା ଅଟେ, Apple ନୁହେଁ।

ଆପଣ ନିଜର iMessageଗୁଡ଼ିକୁ 30 ଦିନ ବା ଏକ ବର୍ଷ ପରେ ଆପଣଙ୍କ ଡିଭାଇସ୍‌ରୁ ସ୍ବୟଂଚାଳିତ ଭାବରେ ଡିଲିଟ୍ କରିବା କିମ୍ୱା ସେଗୁଡ଼ିକୁ ସବୁଦିନ ପାଇଁ ଆପଣଙ୍କ ଡିଭାଇସ୍‌ରେ ରଖିବାକୁ ଚୟନ କରିପାରିବେ। ଆପଣଙ୍କ ସୁବିଧା ପାଇଁ, SMS, MMS, RCS, RCS ବ୍ୟବସାୟ ମେସେଜ୍‌, Apple Messages for Business ଏବଂ iMessageର iCloudରେ ବ୍ୟାକ୍ ଅପ୍ ହୋଇଛି ଏବଂ ଯଦି ଆପଣ iCloud ବ୍ୟାକ୍‌ଅପ୍ କିମ୍ୱା iCloudରେ ମେସେଜ୍ ସକ୍ଷମ କରିଛନ୍ତି, ତେବେ ସେଗୁଡ଼ିକୁ ଏନ୍‌କ୍ରିପ୍ଟ୍‌ କରିଦିଆଯାଏ। ଆପଣ ଯେତେବେଳେ ଚାହିଁବେ, iCloudରେ ଉଭୟ iCloud ବ୍ୟାକ୍‌ଅପ୍ ଏବଂ ମେସେଜ୍ ବନ୍ଦ କରିପାରିବେ। ଆପଣଙ୍କ iOS, iPadOS, କିମ୍ବା visionOS ଡିଭାଇସ୍‌ରେ, ସେଟିଂସ୍‌ > [ଆପଣଙ୍କ ନାମ] > iCloudକୁ ଯାଆନ୍ତୁ। ଆପଣଙ୍କ Mac ରେ, ମେସେଜ୍ > ସେଟିଂସ୍ > iMessage କୁ ଯାଆନ୍ତୁ ଏବଂ iCloud ରେ “ମେସେଜ୍ ସକ୍ଷମ କରନ୍ତୁ”କୁ ଅଚୟନ କରନ୍ତୁ।

ଆପଣ ନିଜର Apple ଆକାଉଣ୍ଟ୍‌ କିମ୍ୱା କେବଳ ଆପଣଙ୍କ ଫୋନ୍ ନମ୍ବର୍ ବ୍ୟବହାର କରି iMessageରେ ସାଇନ୍ ଇନ୍ କରିପାରିବେ। ଯଦି ଆପଣ ନିଜ ଡିଭାଇସ୍‌ରେ ଆପଣଙ୍କ Apple ଆକାଉଣ୍ଟ୍‌ରେ ସାଇନ୍ ଇନ୍ କରନ୍ତି, ତେବେ ଆପଣ ସ୍ବୟଂଚାଳିତ ଭାବରେ iMessageରେ ସାଇନ୍ ଇନ୍ ହୋଇଯିବେ। ଆପଣ କଣ୍ଟାକ୍ଟ୍‌ କରୁଥିବା ଲୋକମାନଙ୍କୁ ଆପଣଙ୍କ Apple ଆକାଉଣ୍ଟ୍‌ କିମ୍ବା ଫୋନ୍‌ ନମ୍ବର୍‌ ଦେଖାଯିବ ଏବଂ ଆପଣଙ୍କ Apple ଆକାଉଣ୍ଟ୍‌ରେ ଥିବା ଇମେଲ୍ ଠିକଣା କିମ୍ବା ଫୋନ୍ ନମ୍ବର୍ ବ୍ୟବହାର କରି ଲୋକମାନେ ଆପଣଙ୍କ ସହ ଯୋଗାଯୋଗ କରିପାରିବେ। ଆପଣ କେଉଁ ଫୋନ୍ ନମ୍ବର୍‌ କିମ୍ବା ଇମେଲ୍ ଠିକଣାରୁ ନୂତନ ବାର୍ତ୍ତାଳାପ ଆରମ୍ଭ କରିବାକୁ ଚାହୁଁଛନ୍ତି ଏବଂ କେଉଁ ଫୋନ୍ ନମ୍ବର୍‌ କିମ୍ବା ଇମେଲ୍ ଠିକଣାରୁ ମେସେଜ୍ ପାଇବେ ଓ ଉତ୍ତର ଦେଇପାରିବେ ତାହା ଆପଣ iMessage ସେଟିଂସ୍‌ରେ ଚୟନ କରିପାରିବେ। ଆପଣ account.apple.com ରେ ଆପଣଙ୍କ Apple ଆକାଉଣ୍ଟ୍ ପେଜ୍‌ରୁ ଅତିରିକ୍ତ ଯୋଗାଯୋଗ ସୂଚନା ଯୋଡ଼ି ପାରିବେ ଏବଂ ଯାଞ୍ଚ କରିପାରିବେ। iMessage ପରିବାର ଏବଂ ବନ୍ଧୁମାନଙ୍କ ସହିତ ଯୋଗାଯୋଗ କରିବା ପାଇଁ ଉଦ୍ଦିଷ୍ଟ ଏବଂ ବାଣିଜ୍ୟିକ କାର୍ଯ୍ୟକଳାପ କରିବା କିମ୍ବା ଅବାଞ୍ଛିତ ମେସେଜ୍‌ ପ୍ରସାରଣ କରିବା ପାଇଁ ନୁହେଁ। iMessageର ଅପବ୍ୟବହାର କଲେ ସେବା ସୀମିତ ହୋଇପାରେ।

“ଆପଣଙ୍କ ସହିତ ଶେୟର୍‌ ହୋଇଥିବା” ଆର୍ଟିକଲ୍, ମ୍ୟୁଜିକ୍, TV ଶୋ’, ଫଟୋ ଏବଂ ଆହୁରି ଅନେକ ଜିନିଷଗୁଡ଼ିକ ଖୋଜିବା ପାଇଁ ସିଷ୍ଟମ୍‌ରେ କାମ କରେ, ଏବଂ ସେମାନଙ୍କୁ ସହଜରେ ଫଟୋ, Safari, News, ମ୍ୟୁଜିକ୍ ଏବଂ Podcasts ପରି ଆପ୍‌ରେ ଉପଲବ୍ଧ କରେ, ଯାହା ପ୍ରସଙ୍ଗରେ ଶୀଘ୍ର ସୂଚନା ଆକ୍ସେସ୍ କରିବା ସହଜ କରିଥାଏ। ଆପଣଙ୍କ ବିନା ଅନୁମତିରେ ଚିହ୍ନିତ ବିଷୟବସ୍ତୁଗୁଡ଼ିକୁ Appleର ଆକ୍ସେସ୍‌ ନାହିଁ। ଆପଣ ନିଜର iOS, iPadOS କିମ୍ବା visionOS ଡିଭାଇସ୍‌ରେ ସେଟିଂସ୍ > ଆପ୍ > ମେସେଜ୍‌କୁ ଯାଇ, ତା’ପରେ “ଆପଣଙ୍କ ସହିତ ଶେୟର୍ କରାଯାଇଛି”କୁ ବନ୍ଦ କରିବା ପାଇଁ ଟାପ୍ କରି ଯେକୌଣସି ସମୟରେ “ଆପଣଙ୍କ ସହିତ ଶେୟର୍ କରାଯାଇଛି”କୁ ଅକ୍ଷମ କରିପାରିବେ। ଆପଣଙ୍କ Mac ରେ, ମେସେଜ୍ > ସେଟିଂସ୍ > “ଆପଣଙ୍କ ସହ ଶେୟର୍ କରାଯାଇଛି”କୁ ଯାଆନ୍ତୁ। ଆପଣ “ଆପଣଙ୍କ ସହିତ ଶେୟର୍ କରାଯାଇଛି”ସେକ୍ସନ୍‌ରେ କୌଣସି ଆପ୍‌ରେ ଟାପ୍ କରି କିମ୍ବା ଚୟନ କରି ପ୍ରତ‍୍ୟେକ ଆପ୍ ପାଇଁ ଆପଣ କଣ୍ଟ୍ରୋଲ୍ କରିପାରିବେ ଯେ ଏହା “ଆପଣଙ୍କ ସହିତ ଶେୟର୍ କରାଯାଇଛି”ରେ ଅଂଶଗ୍ରହଣ କରିବ ନା ନାହିଁ।

ଆପଣଙ୍କ ମେସେଜ୍‌କୁ ସଙ୍ଗଠିତ କରିବାରେ ସହାୟତା କରିବାକୁ ଆପଣ ମେସେଜ୍ ଫିଲ୍ଟରିଂ ବ୍ଯବହାର କରିପାରିବେ। ଆପଣଙ୍କ କଣ୍ଟାକ୍ଟ୍ ଲିଷ୍ଟ୍‌ରେ ନଥିବା ପ୍ରେରକଙ୍କଠାରୁ ଆସିଥିବା ଅଜଣା ପ୍ରେରକଙ୍କ କ୍ରମବଦ୍ଧ ମେସେଜ୍‌କୁ ଏକ ପୃଥକ ଲିଷ୍ଟ୍‌ରେ ସ୍କ୍ରୀନ୍ କରନ୍ତୁ ଏବଂ ମେସେଜ୍‌କୁ ଆହୁରି ଉପବର୍ଗରେ କ୍ରମବଦ୍ଧ କରାଯାଇପାରିବ।

ଏହା ସହିତ, ଅଜଣା ପ୍ରେରକଙ୍କଠାରୁ ସ୍ପାମ୍‌ ଫିଲ୍ଟର୍‌ କରିବା ପାଇଁ, “ଫିଲ୍ଟର ସ୍ପାମ୍” ଅନ୍‌-ଡିଭାଇସ୍‌ରେ ଥିବା ନିୟମ, ମେସେଜ୍ ପାଟର୍ନ୍‌ ଏବଂ “ପ୍ରେରକଙ୍କୁ ଯାଞ୍ଚ କରନ୍ତୁ”ର ମିଶ୍ରଣ ବ୍ୟବହାର କରେ। ଫିଲ୍ଟରିଂ Apple କୁ କୌଣସି ମେସେଜ୍‌ର ବିଷୟବସ୍ତୁ ପ୍ରକାଶ କରେ ନାହିଁ। ପ୍ରେରକ ଲୁକ୍‌ଅପ୍ Apple କୁ ମେସେଜ୍‌ ପ୍ରେରକ କିମ୍ବା ପ୍ରାପ୍ତକର୍ତ୍ତାଙ୍କ ସୂଚନା ପ୍ରକାଶ କରେ ନାହିଁ। ଆପଣ ସେଟିଂସ୍ > ଆପ୍ > ମେସେଜ୍ > ଫିଲ୍ଟର୍‌ ସ୍ପାମ୍‌କୁ ଯାଇ ଯେକୌଣସି ସମୟରେ ସ୍ପାମ୍ ଫିଲ୍ଟର୍‌କୁ ଅକ୍ଷମ କରିପାରିବେ।

‘ନାମ ଓ ଫଟୋ ଶେୟର୍ କରନ୍ତୁ” ଆପଣ iMessage କରୁଥିବା ଲୋକଙ୍କ ସହିତ ନାମ ଓ ଫଟୋ ଶେୟର୍ କରିବା ପାଇଁ ଅନୁମତି ଦିଏ। ଆପଣ କେବଳ ନିଜ କଣ୍ଟାକ୍ଟ୍‌ଙ୍କ ସହିତ କିମ୍ବା ପ୍ରତ‍୍ୟେକ ସମୟରେ ସଙ୍କେତ ପାଇବା ପାଇଁ ସ୍ୱୟଂଚାଳିତ ଭାବରେ ଶେୟର୍ କରିବାକୁ ବାଛିପାରିବେ। ଆପଣଙ୍କ ଦ୍ୱାରା ଶେୟର୍ କରାଯାଇଥିବା ନାମ ଓ ଫଟୋକୁ ଆପଣ ଶେୟର୍ କରୁଥିବା ଲୋକଙ୍କୁ ଆପଣଙ୍କ ପରବର୍ତ୍ତୀ iMessage ସହିତ ଶେୟର୍ କରାଯିବ ଏବଂ ତାଙ୍କ ଡିଭାଇସ୍‌ରେ ଷ୍ଟୋର୍ ମଧ‍୍ୟ କରାଯିବ। ଯଦି ଆପଣ ଏକାଧିକ ଲୋକଙ୍କ ସହ ଏକ iMessage ବାର୍ତ୍ତାଳାପ ସହିତ ଆପଣଙ୍କ ନାମ ଏବଂ ଫଟୋ ଶେୟର୍‌ କରନ୍ତି, ତେବେ ବାର୍ତ୍ତାଳାପରେ ଆପଣଙ୍କ ନାମ ଏବଂ ଫଟୋ ସମସ୍ତ ଲୋକଙ୍କୁ ପଠାଯିବ। ଆପଣ ଯେକୌଣସି ସମୟରେ ଆପଣଙ୍କ ନାମ ଏବଂ ଫଟୋ ଅପ୍‌ଡେଟ୍ କରିପାରିବେ। ଯଦି ଆପଣ ସ୍ୱୟଂଚାଳିତ ଭାବରେ ଶେୟର୍‌ କରନ୍ତି, ଆପଣ ପରବର୍ତ୍ତୀ ସମୟରେ ଆପଣଙ୍କ ସହ ଶେୟର୍‌ କରିଥିବା ପ୍ରତ୍ୟେକ ବ୍ୟକ୍ତିଙ୍କୁ ଏକ iMessage ପଠାଇବା ସମୟରେ ଅପ୍‌ଡେଟ୍‌ଗୁଡ଼ିକ ପଠାଯିବ। ଯଦି ଆପଣ ନିଜର ନାମ ଓ ଫଟୋ ଶେୟର୍ କରିଛନ୍ତି ଏବଂ ପରେ ଶେୟର୍ କରିବା ବନ୍ଦ କରିଦିଅନ୍ତି, ତେବେ ଅନ୍ୟମାନେ ପୂର୍ବରୁ ଆପଣଙ୍କ ନାମ ଓ ଫଟୋ ପ୍ରାପ୍ତ କରିଥିଲେ ମଧ୍ଯ ସେମାନଙ୍କ ଡିଭାଇସ୍‌ରେ ଆପଣଙ୍କ ସୂଚନା ପାଇପାରନ୍ତି। ମେସେଜ୍‌ ପାଇଁ ଆପଣ ଚୟନ କରିଥିବା ନାମ ଓ ଫଟୋ Appleକୁ ପଠାଯିବ ଏବଂ Appleର ଏନ୍‌କ୍ରିପ୍ଟ୍‌ ହୋଇଥିବା‌ ସର୍ଭର୍‌ରେ ଏପରି ଭାବରେ ଷ୍ଟୋର୍ ହେବ ଯାହା Apple ଦେଖିପାରିବ ନାହିଁ।

Appleର ପ୍ରଡକ୍ଟ୍‌ ଏବଂ ସେବାଗୁଡ଼ିକ ପରିଚାଳନା ଏବଂ ଉନ୍ନତ କରିବାକୁ, Apple ଆପଣଙ୍କ ମେସେଜ୍‌ ଆପ୍‌ ଏବଂ iMessage ସେବାର ବ୍ଯବହାର ସମ୍ବନ୍ଧୀୟ କିଛି ସୂଚନା ରେକର୍ଡ୍ ଏବଂ ଷ୍ଟୋର୍ କରିପାରେ:

• ଆପଣ ସାଟେଲାଇଟ୍‌ ମାଧ‍୍ୟମରେ ମେସେଜ୍ ପଠାଇବା ଏବଂ ପ୍ରାପ୍ତ କରିବାକୁ ଅନ୍ତର୍ଭୁକ୍ତ କରି Apple ଆପଣଙ୍କୁ ଚିହ୍ନଟ ନ କରି iMessageର ବ‍୍ୟବହାର ବିଷୟରେ ସୂଚନାକୁ ରେକର୍ଡ୍ କିମ୍ବା ଷ୍ଟୋର୍ କରିପାରେ।
• ଆପଣ କିମ୍ବା ଅନ୍ୟ କୌଣସି ବ୍ଯକ୍ତି ସ୍ପାମ୍ କିମ୍ବା ଜଙ୍କ୍ ରିପୋର୍ଟ୍ କରିବା ସମୟରେ Apple କୁ ପଠାଯାଇଥିବା ସୂଚନା Apple ଷ୍ଟୋର୍‌ କରିପାରେ। ସ୍ପାମ୍ କିମ୍ବା ଜଙ୍କ୍ ମେସେଜ୍ ରିପୋର୍ଟ୍‌ରେ ଥିବା କିମ୍ବା ତାହା ସହ ସମ୍ବନ୍ଧିତ ହୋଇଥିବା ସୂଚନାକୁ Apple ଠକାମି ଓ ଅପବ‍୍ୟବହାର ପ୍ରତିରୋଧ ଉଦ୍ଦେଶ‍୍ୟରେ ଷ୍ଟୋର୍ ଓ ବ‍୍ୟବହାର କରିପାରେ।
• ଡିଲିଭର୍‌ କରିବା ପାଇଁ ଶେଡ୍ଯୂଲ୍‌ ହୋଇଥିବା କିମ୍ବା ଡିଲିଭରି ହୋଇପାରୁନଥିବା iMessage ଡିଲିଭର୍ କରିବା ପାଇଁ Apple ତାହାକୁ 30 ଦିନ ପର୍ଯ୍ୟନ୍ତ ଷ୍ଟୋର୍‌ କରିପାରେ।
• ଆପଣଙ୍କ ଡିଭାଇସ୍‌ରେ ଥିବା କିଛି ଆପ୍‌ (ମେସେଜ୍‌ ସମେତ) iMessage ଦ୍ୱାରା ଅନ୍ୟ ଲୋକଙ୍କ ପାଖରେ ପହଞ୍ଚିପାରିବ କି ନାହିଁ ତାହା ନିର୍ଦ୍ଧାରଣ କରିବା ପାଇଁ Appleର ସର୍ଭର୍ ସହିତ ଯୋଗାଯୋଗ କରିପାରେ। ଯେତେବେଳେ ଏହା ହୁଏ, Apple ଆପଣଙ୍କ ଆକାଉଣ୍ଟ୍ ସହିତ ସମ୍ବନ୍ଧିତ ଏହି ଫୋନ୍ ନମ୍ବର୍ ଏବଂ ଇମେଲ୍ ଠିକଣାଗୁଡ଼ିକ 30 ଦିନ ପର୍ଯ୍ୟନ୍ତ ଷ୍ଟୋର୍ କରିପାରେ।

ଏହି ଫୀଚର୍‌ ବ୍ଯବହାର କରି ଆପଣ Appleର ଏବଂ ଏହାର ସହଯୋଗୀ ଏବଂ ଏଜେଣ୍ଟ୍‌ମାନଙ୍କ ଦ୍ବାରା ଉପରୋକ୍ତ ବର୍ଣ୍ଣନାନୁସାରେ ଏହି ସୂଚନାର ସଂଚାରଣ, ସଂଗ୍ରହ, ରକ୍ଷଣାବେକ୍ଷଣ, ପ୍ରକ୍ରିୟାକରଣ କରିବା ଏବଂ ବ୍ଯବହାର କରିବା ପାଇଁ ସହମତ ହୁଅନ୍ତି ଏବଂ ଅନୁମତି ଦିଅନ୍ତି।

Apple ଦ୍ବାରା ସଂଗୃହୀତ ସୂଚନାକୁ ସର୍ବଦା Appleର ଗୋପନୀୟତା ନୀତି ଅନୁଯାୟୀ ବ୍ଯବହାର କରାଯିବ, ଯାହାକୁ www.apple.com/in/privacy ରେ ଦେଖାଯାଇପାରିବ।

2025-12-12