Touch ID ମାଧ‍୍ୟମରେ ଆପଣ ନିଜ ଡିଭାଇସ୍‌ ଅନ୍‌ଲକ୍‌ କରିବା ଏବଂ Apple Pay, App Store ଏବଂ Apple Booksରୁ କ୍ରୟ କରିବା ପାଇଁ ନିଜ ଟିପଚିହ୍ନ ବ‍୍ୟବହାର କରିପାରିବେ।

ଆପଣଙ୍କ iPhone, iPad, କିମ୍ବା Mac ଅନ୍‌ଲକ୍ କରିବା ପାଇଁ Touch ID ଉପଯୋଗ କରାଯାଇପାରିବ। Touch ID ସେନ୍ସର୍ ଉପଯୋଗ କରି, Touch ID ନିର୍ଦ୍ଧାରଣ କରେ ଯେ, ଏକ ଟିପଚିହ୍ନ ପଞ୍ଜିକୃତ ଟିପଚିହ୍ନ ସହିତ ମେଳ ହେଉଛି ନା ନାହିଁ। Touch IDର ଅନ୍ୟାନ୍ୟ ଉପଯୋଗ ମଧ୍ୟରେ Apple Pay ସହିତ ଦେୟ କରିବା, App Store ମଧ୍ୟରେ କ୍ରୟ କରିବା ଏବଂ ଆପ୍‌ଗୁଡ଼ିକ ମଧ୍ୟରେ ପ୍ରମାଣୀକରଣ ଅନ୍ତର୍ଭୁକ୍ତ।

Touch ID ଡେଟା - ଆପଣଙ୍କ ଟିପଚିହ୍ନର ଗାଣିତିକ ରିପ୍ରେଜେଣ୍ଟେଶନ୍‌ ସମେତ - Secure Enclave ମଧ୍ୟରେ ଏନ୍‌କ୍ରିପ୍ଟ୍ ହେବା ସହିତ ସୁରକ୍ଷିତ ଥାଏ। Touch ID ଆପଣଙ୍କ ଟିପଚିହ୍ନର କୌଣସି ଇମେଜ୍‌ ଷ୍ଟୋର୍ କରେ ନାହିଁ ବରଂ ଏହା କେବଳ ଏକ ଗାଣିତିକ ରିପ୍ରେଜେଣ୍ଟେଶନ୍‌ ଉପରେ ନିର୍ଭର କରେ। ଏହି ଷ୍ଟୋର୍‌ ହୋଇଥିବା ଡେଟାରୁ ଆପଣଙ୍କ ପ୍ରକୃତ ଟିପଚିହ୍ନ ଇମେଜ୍‌କୁ ରିଭର୍ସ ଇଞ୍ଜିନିୟର୍‌ କରିବା କାହା ପାଇଁ ସମ୍ଭବ ନୁହେଁ। Touch ID ମ୍ଯାଚିଂ ସଠିକତାରେ ଉନ୍ନତି ଆଣିବା ପାଇଁ ସମୟ କ୍ରମେ ପଞ୍ଜିକୃତ ଟିପଚିହ୍ନର ଗାଣିତିକ ରିପ୍ରେଜେଣ୍ଟଶନ୍‌କୁ ଅପ୍‌ଡେଟ୍ କରିବ। କ୍ଲୋଜ୍‌ ମ୍ଯାଚ୍‌ ଚିହ୍ନଟ କରିବା ସମୟରେ Touch ID ମଧ‍୍ୟ ଏହି ଡେଟାକୁ ଅପ୍‌ଡେଟ୍ କରିବ କିନ୍ତୁ ପରବର୍ତ୍ତୀ ସମୟରେ ଡିଭାଇସ୍ ଅନ୍‌ଲକ୍ କରିବା ପାଇଁ ଏକ ପାସ୍‌କୋଡ୍‌ ଲେଖାଯାଏ।

Touch ID ଡେଟା ଆପଣଙ୍କ ଡିଭାଇସ୍ ସହିତ ରହିଥାଏ ଏବଂ iCloud କିମ୍ୱା ଅନ୍ୟ କୌଣସି ସ୍ଥାନକୁ କଦାପି ବ୍ୟାକ୍ ଅପ୍ କରେ ନାହିଁ।

Touch ID ଉପରେ ଆପଣଙ୍କ ନିୟନ୍ତ୍ରଣ ଅଛି

ଯଦି ଆପଣ Touch IDରେ ପଞ୍ଜିକରଣ କରିବାକୁ ବାଛନ୍ତି, ତେବେ ଏହାକୁ କିପରି ବ‍୍ୟବହାର କରାଯିବ ଆପଣ ତାହା ନିୟନ୍ତ୍ରଣ କରିପାରିବେ କିମ୍ବା ଏହାକୁ ଯେକୌଣସି ସମୟରେ ଅକ୍ଷମ କରିପାରିବେ। ଉଦାହରଣ ସ୍ୱରୂପ, ଯଦି ଆପଣ ଆପଣଙ୍କ iPhone କିମ୍ବା iPad ଅନ୍‌ଲକ୍ କରିବା ପାଇଁ Touch ID ବ୍ୟବହାର କରିବାକୁ ଚାହାନ୍ତି ନାହିଁ, ତେବେ ସେଟିଂସ୍ > Touch ID ଓ ପାସ୍‌କୋଡ୍‌କୁ ଯାଆନ୍ତୁ, ଆପଣଙ୍କ ପାସ୍‌କୋଡ୍‌ ଲେଖନ୍ତୁ, ତା'ପରେ iPhone ଅନ୍‌ଲକ୍ କିମ୍ୱା iPad ଅନ୍‌ଲକ୍ ବନ୍ଦ କରିବା ପାଇଁ ଟାପ୍‌ କରନ୍ତୁ। Macରେ, ସିଷ୍ଟମ୍ ସେଟିଂସ୍‌ > Touch ID ଏବଂ ପାସ୍‌ୱର୍ଡ୍‌କୁ ଯାଇ, ତା’ପରେ “ଆପଣଙ୍କ Mac ଅନ୍‌ଲକ୍‌ କରିବାକୁ Touch ID ବ୍ଯବହାର କରନ୍ତୁ”କୁ ବନ୍ଦ କରିବା ପାଇଁ କ୍ଲିକ୍‌ କରନ୍ତୁ।

iPhone କିମ୍ବା iPadରେ Touch ID ଅକ୍ଷମ କରିବା ପାଇଁ, ସେଟିଂସ୍‌ > Touch ID ଏବଂ ପାସ୍‌କୋଡ୍‌କୁ ଯାଆନ୍ତୁ, ଆପଣଙ୍କ ପାସ୍‌କୋଡ୍‌ ଲେଖନ୍ତୁ, ତା’ପରେ ଟିପଚିହ୍ନ ଅଧୀନରେ ଷ୍ଟୋର୍ କରାଯାଇଥିବା ପ୍ରତ‍୍ୟେକଟି ଟିପଚିହ୍ନରେ ଟାପ୍‌ କରନ୍ତୁ ଏବଂ ଷ୍ଟୋର୍ କରାଯାଇଥିବା ପ୍ରତ‍୍ୟେକଟି ଟିପଚିହ୍ନ ପାଇଁ “ଟିପଚିହ୍ନ ଡିଲିଟ୍‌ କରନ୍ତୁ”ରେ ଟାପ୍ କରନ୍ତୁ। Macରେ, ସିଷ୍ଟମ୍ ସେଟିଂସ୍‌ > Touch ID ଏବଂ ପାସ୍‌ୱର୍ଡ୍‌କୁ ଯାଇ, ତା’ପରେ ଆପଣ କାଢ଼ି ଦେବାକୁ ଚାହୁଁଥିବା “ଟିପଚିହ୍ନ” ଉପରେ କ୍ଲିକ୍‌ କରନ୍ତୁ ଏବଂ ପ୍ରମ୍ପ୍ଟ୍‌ କରାଗଲେ ଡିଲିଟ୍ ହୋଇଥିବା ସୁନିଶ୍ଚିତ କରନ୍ତୁ। ଏପରି କରିବା ଦ୍ବାରା ଆପଣଙ୍କ ଡିଭାଇସ୍‌ରୁ ନାମାଙ୍କିତ ଟିପଚିହ୍ନର ଗାଣିତିକ ନିରୂପଣ ସମେତ Touch ID ଡେଟା ଡିଲିଟ୍‌ ହେବ। ଯଦି ଆପଣ “ଖୋଜାଖୋଜି” ବ୍ୟବହାର କରି କିମ୍ବା ସମସ୍ତ ବିଷୟବସ୍ତୁ ଏବଂ ସେଟିଂସ୍ ଇରେଜ୍‌ କରି ଆପଣଙ୍କ ଡିଭାଇସ୍‌ର ଡେଟା ଇରେଜ୍‌ କରିବାକୁ କିମ୍ବା ରୀସେଟ୍‌ କରିବାକୁ ବାଛନ୍ତି, ତେବେ ସମସ୍ତ Touch ID ଡେଟା ଡିଲିଟ୍‌ ହୋଇଯିବ।

Touch ID ଏବଂ ଆପ୍‌

ସମର୍ଥିତ ଆପ୍‌ରେ ଆପଣ ପ୍ରମାଣୀକରଣ ପାଇଁ ନିଜ Touch ID ଅକ୍ଷମ କରିପାରିବେ। ଆପ୍‌କୁ କେବଳ ପ୍ରମାଣୀକରଣ ସଫଳତମ ହେବା କ୍ଷେତ୍ରରେ ସୂଚିତ କରାଯାଇଥାଏ। ପଞ୍ଜିକୃତ ହୋଇଥିବା ଟିପଚିହ୍ନ ସହିତ ସମ୍ବନ୍ଧିତ ଥିବା Touch ID ଡେଟାକୁ ଆପ୍ ଆକ୍ସେସ୍ କରିପାରିବ ନାହିଁ।

2025-12-12