• ਐਪਾਂ ਲਈ ਉਮਰ ਵਰਗ ਰਾਹੀਂ ਤੁਸੀਂ ਐਪਾਂ ਨੂੰ ਉਮਰ-ਮੁਤਾਬਕ ਤਜਰਬੇ ਪ੍ਰਦਾਨ ਕਰਨ ਵਿੱਚ ਮਦਦ ਕਰਨ ਲਈ ਆਪਣੀ ਅਸਲ ਜਨਮ-ਮਿਤੀ ਦੀ ਬਜਾਏ ਆਪਣਾ ਉਮਰ ਵਰਗ ਸਾਂਝਾ ਕਰ ਸਕਦੇ ਹੋ।
• ਤੁਹਾਡੇ Apple ਖਾਤੇ ਨਾਲ ਸੰਬੰਧਿਤ ਤੁਹਾਡੀ ਜਨਮ ਮਿਤੀ ਅਤੇ ਦੇਸ਼ ਜਾਂ ਖੇਤਰ ਦੀ ਵਰਤੋਂ ਇਹ ਨਿਰਧਾਰਤ ਕਰਨ ਲਈ ਕੀਤੀ ਜਾਂਦੀ ਹੈ ਕਿ ਤੁਸੀਂ ਡਿਵੈਲਪਰਾਂ ਨਾਲ ਕਿਹੜਾ ਉਮਰ ਵਰਗ ਸਾਂਝਾ ਕਰ ਸਕਦੇ ਹੋ।
• ਐਪਾਂ ਨਾਲ ਸਾਂਝੇ ਕੀਤੇ ਉਮਰ ਵਰਗ ਤੁਹਾਡੇ ਡਿਵਾਈਸਾਂ ਵਿੱਚ ਐਂਡ-ਟੂ-ਐਂਡ ਇਨਕ੍ਰਿਪਸ਼ਨ ਦੀ ਵਰਤੋਂ ਕਰਕੇ ਸਿੰਕ ਕੀਤੇ ਜਾਂਦੇ ਹਨ।
• ਜੇਕਰ ਤੁਸੀਂ ਕਿਸੇ ਪਰਿਵਾਰਕ ਗਰੁੱਪ ਵਿੱਚ ਬੱਚਾ ਜਾਂ ਕਿਸ਼ੋਰ ਹੋ, ਤਾਂ ਤੁਹਾਡੇ ਮਾਤਾ-ਪਿਤਾ ਜਾਂ ਸਰਪ੍ਰਸਤ ਨੂੰ ਤੁਹਾਡੇ ਵੱਲੋਂ ਐਪਾਂ ਲਈ ਉਮਰ ਵਰਗ ਨੂੰ ਸਮਰੱਥ ਬਣਾਉਣਾ ਪਵੇਗਾ ਅਤੇ ਉਹ ਕੌਨਫ਼ਿਗਰੇਸ਼ਨ ਦਾ ਪ੍ਰਬੰਧਨ ਕਰ ਸਕਦੇ ਹਨ।
• ਜੇਕਰ ਤੁਹਾਡੇ ਵੱਲੋਂ ਕਿਸੇ ਐਪ ਨਾਲ ਸਾਂਝੇ ਕੀਤੇ ਗਏ ਉਮਰ ਵਰਗ ਤੋਂ ਇਹ ਪਤਾ ਚਲਦਾ ਹੈ ਕਿ ਤੁਹਾਡੀ ਉਮਰ Apple ਖਾਤੇ ਨਾਲ ਸੰਬੰਧਿਤ ਦੇਸ਼ ਜਾਂ ਖੇਤਰ ਵਿੱਚ ਬਾਲਗ਼ ਹੋਣ ਦੀ ਉਮਰ ਤੋਂ ਘੱਟ ਹੈ, ਤਾਂ ਇਸ ਬਾਰੇ ਜਾਣਕਾਰੀ ਵੀ ਸਾਂਝੀ ਕੀਤੀ ਜਾ ਸਕਦੀ ਹੈ ਕਿ ਕੀ ਵਿਸ਼ੇਸ਼ “ਮਾਪਿਆਂ ਦਾ ਕੰਟਰੋਲ” ਸਮਰੱਥ ਕੀਤਾ ਹੋਇਆ ਹੈ ਜਾਂ ਨਹੀਂ।

ਐਪਾਂ ਲਈ ਉਮਰ ਵਰਗ ਨੂੰ ਸੈੱਟ ਅੱਪ ਕਰਨਾ

ਐਪਾਂ ਲਈ ਉਮਰ ਵਰਗ ਨੂੰ ਸਮਰੱਥ ਕਰਨ ਲਈ, ਤੁਹਾਡੇ ਡਿਵਾਈਸ ਵੱਲੋਂ Apple ਖਾਤੇ ਦੀ ਹੇਠਾਂ ਦਿੱਤੀ ਜਾਣਕਾਰੀ ਦੀ ਵਰਤੋਂ ਕੀਤੀ ਜਾਂਦੀ ਹੈ: ਜਨਮ ਮਿਤੀ, ਦੇਸ਼ ਜਾਂ ਖੇਤਰ ਅਤੇ ਪਰਿਵਾਰਕ ਗਰੁੱਪ ਦੀ ਮੈਂਬਰਸ਼ਿਪ ਅਤੇ ਭੂਮਿਕਾ। ਤੁਹਾਡੇ ਡਿਵਾਈਸ ਵੱਲੋਂ ਡਿਵਾਈਸ ਦੇ ਓਪਰੇਟਿੰਗ ਸਿਸਟਮ ਦੇ ਸੰਸਕਰਨ ਦੀ ਵੀ ਜਾਂਚ ਕੀਤੀ ਜਾਂਦੀ ਹੈ ਅਤੇ ਇਹ ਵੀ ਕਿ ਤੁਹਾਡੇ ਲਈ ਜਾਂ ਤੁਹਾਡੇ ਡਿਵਾਈਸ ਲਈ ਸਕਰੀਨ ਸਮਾਂ ਪਾਸਕੋਡ ਸਮਰੱਥ ਹੈ ਜਾਂ ਨਹੀਂ।

ਐਪਾਂ ਲਈ ਉਮਰ ਵਰਗ ਵੱਲੋਂ ਐਪਾਂ ਦੀ ਬੇਨਤੀ ’ਤੇ ਉਮਰ ਵਰਗ ਸਾਂਝਾ ਕਰਨ ਲਈ ਤਿੰਨ ਕੌਨਫ਼ਿਗਰੇਸ਼ਨ ਪ੍ਰਦਾਨ ਕੀਤੇ ਜਾਂਦੇ ਹਨ: ਪਹਿਲਾਂ ਪੁੱਛੋ, ਹਮੇਸ਼ਾਂ ਅਤੇ ਕਦੇ ਨਹੀਂ। “ਪਹਿਲਾਂ ਪੁੱਛੋ“ ਤੁਹਾਨੂੰ ਐਪ ਦੇ ਮੁਤਾਬਕ ਇਹ ਚੁਣਨ ਦੀ ਆਗਿਆ ਦਿੰਦਾ ਹੈ ਕਿ ਕੀ ਤੁਸੀਂ ਆਪਣਾ ਉਮਰ ਵਰਗ ਸਾਂਝਾ ਕਰਨਾ ਚਾਹੁੰਦੇ ਹੋ ਜਾਂ ਨਹੀਂ। ਜੇਕਰ ਤੁਸੀਂ “ਹਮੇਸ਼ਾ” ਚੁਣਦੇ ਹੋ, ਤਾਂ ਤੁਹਾਡਾ ਉਮਰ ਵਰਗ ਇਸਦੇ ਲਈ ਬੇਨਤੀ ਕਰਨ ਵਾਲੀ ਹਰੇਕ ਐਪ ਨਾਲ ਆਟੋਮੈਟਿਕਲੀ ਸਾਂਝਾ ਹੋ ਜਾਵੇਗਾ ਅਤੇ ਜੇ ਤੁਸੀਂ “ਕਦੇ ਨਹੀਂ” ਚੁਣਦੇ ਹੋ, ਤਾਂ ਤੁਹਾਡਾ ਉਮਰ ਵਰਗ ਐਪਾਂ ਨਾਲ ਸਾਂਝਾ ਨਹੀਂ ਕੀਤਾ ਜਾਵੇਗਾ। ਐਪਾਂ ਲਈ ਉਮਰ ਵਰਗ ਚਾਲੂ ਹੈ ਜਾਂ ਨਹੀਂ ਅਤੇ ਸਾਂਝਾਕਰਨ ਕੌਨਫ਼ਿਗਰੇਸ਼ਨ (“ਪਹਿਲਾਂ ਪੁੱਛੋ”, “ਹਮੇਸ਼ਾਂ” ਜਾਂ “ਕਦੇ ਨਹੀਂ”) ਬਾਰੇ ਜਾਣਕਾਰੀ ਤੁਹਾਡੇ Apple ਖਾਤੇ ਨਾਲ ਸੰਬੰਧਿਤ ਹੁੰਦੀ ਹੈ ਅਤੇ ਇਸ ਫ਼ੀਚਰ ਦਾ ਸਮਰਥਨ ਕਰਨ ਵਾਲੇ ਉਹਨਾਂ ਸਾਰੇ ਡਿਵਾਈਸਾਂ ’ਤੇ ਐਂਡ-ਟੂ-ਐਂਡ ਇਨਕ੍ਰਿਪਸ਼ਨ ਦੀ ਵਰਤੋਂ ਕਰ ਕੇ ਸਿੰਕ ਕੀਤੀ ਜਾਂਦੀ ਹੈ।

ਜੇਕਰ ਤੁਸੀਂ ਬਾਲਗ਼ ਹੋ ਜਾਂ 13 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਕਿਸ਼ੋਰ ਹੋ (ਜਾਂ ਤੁਹਾਡੇ ਦੇਸ਼ ਜਾਂ ਖੇਤਰ ਅਨੁਸਾਰ ਇਸ ਦੇ ਬਰਾਬਰ ਹੋ) ਅਤੇ ਕਿਸੇ ਪਰਿਵਾਰਕ ਗਰੁੱਪ ਵਿੱਚ ਸ਼ਾਮਲ ਨਹੀਂ ਹੋ ਅਤੇ iOS ਜਾਂ iPadOS 26 ਜਾਂ ਇਸ ਤੋਂ ਬਾਅਦ ਵਾਲੇ ਸੰਸਕਰਨ ਦੀ ਵਰਤੋਂ ਕਰ ਰਹੇ ਹੋ, ਤਾਂ ਤੁਸੀਂ ਐਪਾਂ ਲਈ ਉਮਰ ਵਰਗ ਨੂੰ ਖ਼ੁਦ ਸਮਰੱਥ ਅਤੇ ਕੌਨਫ਼ਿਗਰ ਕਰ ਸਕਦੇ ਹੋ। “ਪਹਿਲਾਂ ਪੁੱਛੋ” ਨੂੰ ਡਿਫ਼ੌਲਟ ਤੌਰ ’ਤੇ ਚੁਣਿਆ ਜਾਂਦਾ ਹੈ। ਤੁਸੀਂ ਸੈਟਿੰਗਾਂ > [ਤੁਹਾਡਾ ਨਾਮ] > ਨਿੱਜੀ ਜਾਣਕਾਰੀ > ਐਪਾਂ ਲਈ ਉਮਰ ਵਰਗ ’ਤੇ ਜਾ ਕੇ ਐਪਾਂ ਲਈ ਉਮਰ ਵਰਗ ਨੂੰ ਸਮਰੱਥ ਕਰ ਸਕਦੇ ਹੋ ਅਤੇ ਆਪਣੀਆਂ ਸਾਂਝਾਕਰਨ ਸੰਬੰਧੀ ਤਰਜੀਹਾਂ ਨੂੰ ਅਡਜਸਟ ਕਰ ਸਕਦੇ ਹੋ।

ਪਰਿਵਾਰਕ ਗਰੁੱਪ ਵਿੱਚ ਬੱਚੇ ਅਤੇ ਕਿਸ਼ੋਰ ਅਤੇ ਐਪਾਂ ਲਈ ਉਮਰ ਵਰਗ

ਜੇਕਰ ਤੁਸੀਂ ਕਿਸੇ ਪਰਿਵਾਰਕ ਗਰੁੱਪ ਵਿੱਚ ਸ਼ਾਮਲ ਬੱਚੇ ਜਾਂ ਕਿਸ਼ੋਰ ਹੋ, ਤਾਂ ਸਿਰਫ਼ ਤੁਹਾਡੇ ਪਰਿਵਾਰਕ ਗਰੁੱਪ ਦੇ ਪ੍ਰਬੰਧਕ ਜਾਂ ਮਾਤਾ-ਪਿਤਾ/ਸਰਪ੍ਰਸਤ (ਸਮੂਹਿਕ ਤੌਰ ’ਤੇ, "ਮਾਤਾ-ਪਿਤਾ/ਸਰਪ੍ਰਸਤ") ਹੀ ਐਪਾਂ ਲਈ ਉਮਰ ਵਰਗ ਦਾ ਸੈੱਟ ਅੱਪ ਕਰ ਸਕਦੇ ਹਨ। ਅਜਿਹਾ ਕਰਨ ਲਈ, ਮਾਪੇ/ਸਰਪ੍ਰਸਤ ਨੂੰ ਤੁਹਾਡੀ ਉਮਰ ਦੀ ਪੁਸ਼ਟੀ ਕਰਨ ਲਈ ਕਿਹਾ ਜਾਵੇਗਾ, ਜੋ ਕਿ ਤੁਹਾਡੇ Apple ਖਾਤੇ ਨਾਲ ਜੁੜੀ ਜਨਮ-ਮਿਤੀ ਦੇ ਅਧਾਰ ’ਤੇ ਹੈ ਅਤੇ ਫਿਰ ਸਾਂਝਾਕਰਨ ਕੌਨਫ਼ਿਗਰੇਸ਼ਨ ਵਿੱਚੋਂ ਕਿਸੇ ਇੱਕ ਦੀ ਚੋਣ ਕਰਨ ਲਈ ਕਿਹਾ ਜਾਵੇਗਾ।

ਜੇਕਰ ਮਾਤਾ-ਪਿਤਾ/ਸਰਪ੍ਰਸਤ iOS ਜਾਂ iPadOS 26 ਜਾਂ ਇਸ ਤੋਂ ਬਾਅਦ ਦਾ ਸੰਸਕਰਨ ਵਰਤ ਰਹੇ ਹਨ, ਤਾਂ ਉਹ ਸੈਟਿੰਗਾਂ > ਪਰਿਵਾਰ > [ਬੱਚੇ ਜਾਂ ਕਿਸ਼ੋਰ ਦਾ ਨਾਮ] > ਨਿੱਜੀ ਜਾਣਕਾਰੀ > ਐਪਾਂ ਲਈ ਉਮਰ ਵਰਗ ਵਿੱਚ ਜਾ ਕੇ ਆਪਣੇ ਡਿਵਾਈਸ ਤੋਂ ਰਿਮੋਟਲੀ ਤੁਹਾਡੇ ਲਈ ਐਪਾਂ ਲਈ ਉਮਰ ਵਰਗ ਦਾ ਸੈੱਟ ਅੱਪ ਕਰ ਸਕਦੇ ਹਨ। ਜੇਕਰ ਤੁਹਾਡੇ ਲਈ ਸਕਰੀਨ ਸਮਾਂ ਪਾਸਕੋਡ ਸਮਰੱਥ ਕੀਤਾ ਹੋਇਆ ਹੈ, ਤਾਂ ਮਾਤਾ-ਪਿਤਾ/ਸਰਪ੍ਰਸਤ ਸੈਟਿੰਗਾਂ > [ਤੁਹਾਡਾ ਨਾਮ] > ਨਿੱਜੀ ਜਾਣਕਾਰੀ > ਐਪਾਂ ਲਈ ਉਮਰ ਵਰਗ ’ਤੇ ਜਾ ਕੇ ਅਤੇ ਸਕਰੀਨ ਸਮਾਂ ਪਾਸਕੋਡ ਭਰ ਕੇ ਤੁਹਾਡੇ ਡਿਵਾਈਸ ’ਤੇ ਸਥਾਨਕ ਤੌਰ ’ਤੇ ਐਪਾਂ ਲਈ ਉਮਰ ਵਰਗ ਦਾ ਸੈੱਟ ਅੱਪ ਵੀ ਕਰ ਸਕਦੇ ਹਨ।

ਪਰਿਵਾਰਕ ਗਰੁੱਪ ਲਈ ਉਪਲਬਧ ਭੂਮਿਕਾਵਾਂ ਜਿਵੇਂ ਕਿ ਪ੍ਰਬੰਧਕ, ਮਾਤਾ-ਪਿਤਾ/ਸਰਪ੍ਰਸਤ, ਬਾਲਗ਼ ਅਤੇ ਬੱਚੇ ਸਮੇਤ ਪਰਿਵਾਰਕ ਸਾਂਝਾਕਰਨ ਬਾਰੇ ਵਧੇਰੇ ਜਾਣਕਾਰੀ ਲਈ www.apple.com/legal/privacy/data/en/family-sharing ’ਤੇ ਜਾਓ। ਪਰਿਵਾਰਕ ਸਾਂਝਾਕਰਨ ਦੇ ਸੰਬੰਧ ਵਿੱਚ Apple ਵੱਲੋਂ ਉਮਰ ਦੇ ਥ੍ਰੈਸ਼ਹੋਲਡ ਦੀ ਵਰਤੋਂ ਬਾਰੇ ਹੋਰ ਜਾਣਕਾਰੀ ਲਈ, support.apple.com/102617 ’ਤੇ ਜਾਓ। ਹੇਠਾਂ ਦਿੱਤੀ ਨਿਸ਼ਚਿਤ ਉਮਰ ਸੀਮਾ ਵਰਤੋਂਕਾਰ ਦੇ Apple ਖਾਤੇ ਨਾਲ ਸੰਬੰਧਿਤ ਦੇਸ਼ ਜਾਂ ਖੇਤਰ ਅਨੁਸਾਰ ਵੱਖੋ-ਵੱਖਰੀ ਹੋ ਸਕਦੀ ਹੈ।

ਐਪਾਂ ਨਾਲ ਸਾਂਝਾ ਕਰਨਾ

ਉਮਰ ਵਰਗ ਦੀਆਂ ਬੇਨਤੀਆਂ
ਜੇਕਰ ਐਪਾਂ ਲਈ ਉਮਰ ਵਰਗ ਸਮਰੱਥ ਹੈ ਅਤੇ “ਹਮੇਸ਼ਾਂ“ ਜਾਂ “ਪਹਿਲਾਂ ਪੁੱਛੋ“ ’ਤੇ ਕੌਨਫ਼ਿਗਰ ਕੀਤਾ ਹੋਇਆ ਹੈ, ਤਾਂ ਤੁਹਾਡਾ ਡਿਵਾਈਸ ਤੁਹਾਡਾ ਉਮਰ ਵਰਗ ਜਾਣਨ ਲਈ ਐਪ ਵੱਲੋਂ ਆਪਣੀ ਬੇਨਤੀ ਵਿੱਚ ਨਿਰਧਾਰਤ ਉਮਰ ਵਰਗ ਅਤੇ ਤੁਹਾਡੇ Apple ਖਾਤੇ ਨਾਲ ਸੰਬੰਧਿਤ ਜਨਮ-ਮਿਤੀ ਦੀ ਵਰਤੋਂ ਕਰੇਗਾ। ਤੁਹਾਡਾ ਡਿਵਾਈਸ ਤੁਹਾਡੇ Apple ਖਾਤੇ ਨਾਲ ਸੰਬੰਧਿਤ ਦੇਸ਼ ਜਾਂ ਖੇਤਰ ਦੀ ਵੀ ਜਾਂਚ ਕਰੇਗਾ ਤਾਂ ਜੋ ਉਸ ਉਮਰ ਵਰਗ ਦੀ ਵੱਧ ਤੋਂ ਵੱਧ ਉਮਰ ਸੀਮਾ ਨਿਰਧਾਰਤ ਕੀਤੀ ਜਾ ਸਕੇ ਜੋ ਕਿਸੇ ਡਿਵੈਲਪਰ ਨਾਲ ਸਾਂਝੀ ਕੀਤੀ ਜਾ ਸਕਦੀ ਹੈ, ਜੋ ਕਿ ਤੁਹਾਨੂੰ ਤੁਹਾਡੇ ਦੇਸ਼ ਜਾਂ ਖੇਤਰ ਵਿੱਚ “ਬਾਲਗ਼” ਮੰਨੇ ਜਾਣ ਦੀ ਉਮਰ ਹੁੰਦੀ ਹੈ।

ਜੇਕਰ ਤੁਸੀਂ ਆਪਣੇ ਉਮਰ ਵਰਗ ਨੂੰ ਕਿਸੇ ਐਪ ਨਾਲ ਸਾਂਝਾ ਕਰਨਾ ਚੁਣਦੇ ਹੋ, ਤਾਂ ਡਿਵਾਈਸ ਵੱਲੋਂ ਇਹ ਦਰਸਾਇਆ ਜਾਵੇਗਾ ਕਿ ਕੀ ਉਮਰ ਵਰਗ ਨਿਰਧਾਰਤ ਕਰਨ ਲਈ ਵਰਤੀ ਗਈ ਉਮਰ ਦੀ ਪੁਸ਼ਟੀ ਤੁਹਾਡੇ ਵੱਲੋਂ (ਜੇ ਤੁਸੀਂ ਕੋਈ ਅਜਿਹੇ ਬਾਲਗ਼ ਜਾਂ ਕਿਸ਼ੋਰ ਹੋ ਜੋ ਪਰਿਵਾਰਕ ਗਰੁੱਪ ਵਿੱਚ ਨਹੀਂ ਹੈ) ਜਾਂ ਤੁਹਾਡੇ ਮਾਤਾ-ਪਿਤਾ/ਸਰਪ੍ਰਸਤ ਵੱਲੋਂ (ਜੇ ਤੁਸੀਂ ਇੱਕ ਪਰਿਵਾਰਕ ਗਰੁੱਪ ਵਿੱਚ ਸ਼ਾਮਲ ਕੋਈ ਬੱਚਾ ਜਾਂ ਕਿਸ਼ੋਰ ਹੋ) ਕੀਤੀ ਗਈ ਹੈ ਜਾਂ ਨਹੀਂ। ਜੇਕਰ ਤੁਸੀਂ ਕਿਸੇ ਪਰਿਵਾਰਕ ਗਰੁੱਪ ਵਿੱਚ ਸ਼ਾਮਲ ਬੱਚਾ ਜਾਂ ਕਿਸ਼ੋਰ ਹੋ, ਤਾਂ ਡਿਵਾਈਸ ਵੱਲੋਂ ਇਹ ਵੀ ਸੰਕੇਤ ਦਿੱਤਾ ਜਾ ਸਕਦਾ ਹੈ ਕਿ ਕੀ Apple ਵੱਲੋਂ ਪ੍ਰਦਾਨ ਕੀਤੇ ਗਏ ਕੁਝ ਮਾਪਿਆਂ ਦੇ ਕੰਟਰੋਲ ਤੁਹਾਡੇ ਲਈ ਸਮਰੱਥ ਕੀਤੇ ਗਏ ਹਨ ਤਾਂ ਜੋ ਐਪ ਵੱਲੋਂ ਤੁਹਾਡੀ ਪਰਦੇਦਾਰੀ ਅਤੇ ਸੁਰੱਖਿਆ ਦੀ ਰੱਖਿਆ ਲਈ ਵਾਧੂ ਟੂਲਾਂ ਦਾ ਲਾਭ ਉਠਾਇਆ ਜਾ ਸਕੇ।

ਜੇਕਰ ਐਪਾਂ ਲਈ ਉਮਰ ਵਰਗ ਨੂੰ ਸਮਰੱਥ ਅਤੇ ਕੌਨਫ਼ਿਗਰ ਨਹੀਂ ਕੀਤਾ ਗਿਆ ਹੈ ਜਾਂ ਤੁਸੀਂ ਸਾਂਝਾ ਕਰਨ ਤੋਂ ਇਨਕਾਰ ਕੀਤਾ ਹੈ, ਤਾਂ ਡਿਵਾਈਸ ਵੱਲੋਂ ਇਸ ਗੱਲ ਦਾ ਸੰਕੇਤ ਦਿੱਤਾ ਜਾਵੇਗਾ ਕਿ ਫ਼ੀਚਰ ਉਪਲਬਧ ਨਹੀਂ ਹੈ ਜਾਂ ਤੁਸੀਂ ਆਪਣੇ ਉਮਰ ਵਰਗ ਨੂੰ ਸਾਂਝਾ ਕਰਨ ਤੋਂ ਇਨਕਾਰ ਕੀਤਾ ਹੈ।

ਡਿਵਾਈਸ ਰਾਹੀਂ ਐਪ ਨੂੰ ਦਿੱਤੇ ਗਏ ਜਵਾਬ ਵਿੱਚ ਨਿੱਜੀ ਡੇਟਾ ਸ਼ਾਮਲ ਨਹੀਂ ਹੁੰਦਾ; ਹਾਲਾਂਕਿ, ਜਿਵੇਂ ਹੀ ਐਪ ਨੂੰ ਕੋਈ ਜਵਾਬ ਪ੍ਰਾਪਤ ਹੁੰਦਾ ਹੈ, ਤਾਂ ਐਪ ਦਾ ਡਿਵੈਲਪਰ ਇਸ ਨੂੰ ਨਿੱਜੀ ਡੇਟਾ ਨਾਲ ਜੋੜ ਸਕਦਾ ਹੈ, ਜਿਸ ਨੂੰ ਉਹ ਵੱਖਰੇ ਤੌਰ ’ਤੇ ਇਕੱਤਰ ਕਰਦੇ ਹਨ, ਜਿਸ ਵਿੱਚ ਤੁਹਾਡੇ ਵੱਲੋਂ ਉਹਨਾਂ ਦੀ ਐਪ ਦੀ ਵਰਤੋਂ ਅਤੇ ਡਾਊਨਲੋਡ ਸ਼ਾਮਲ ਹੈ। ਕਿਸੇ ਐਪ ਦੇ ਜਵਾਬ ਅਤੇ ਹੋਰ ਜਾਣਕਾਰੀ ਦੀ ਪ੍ਰਕਿਰਿਆ ਐਪ ਦੇ ਵਿਕਾਸਕਾਰ ਦੀਆਂ ਸ਼ਰਤਾਂ ਅਤੇ ਪਰਦੇਦਾਰੀ ਦੀਆਂ ਨੀਤੀਆਂ ਦੇ ਅਨੁਸਾਰ ਕੀਤੀ ਜਾਂਦੀ ਹੈ।

ਉਮਰ ਵਰਗ ਦੀ ਬੇਨਤੀ ਕਰਨ ’ਤੇ ਪਾਬੰਦੀਆਂ
ਤੁਹਾਡਾ ਡਿਵਾਈਸ ਹਰੇਕ ਐਪ ਦੀ ਬੇਨਤੀ ਪ੍ਰਤਿ ਤੁਹਾਡੀਆਂ ਪ੍ਰਤੀਕਿਰਿਆਵਾਂ ਦਾ ਰਿਕਾਰਡ ਬਰਕਰਾਰ ਰੱਖਦਾ ਹੈ, ਜਿਸ ਵਿੱਚ ਐਪ ਦਾ ਨਾਮ, ਕੀ ਉਮਰ ਵਰਗ ਸਾਂਝਾ ਕੀਤਾ ਗਿਆ ਹੈ ਜਾਂ ਨਹੀਂ ਅਤੇ ਉਸ ਦੀ ਮਿਤੀ ਅਤੇ ਸਾਂਝਾ ਕੀਤਾ ਗਿਆ ਅਸਲ ਉਮਰ ਵਰਗ ਸ਼ਾਮਲ ਹੁੰਦਾ ਹੈ (ਜੇਕਰ ਤੁਸੀਂ ਸਾਂਝਾ ਕਰਨ ਦਾ ਵਿਕਲਪ ਚੁਣਿਆ ਹੈ)। ਇਹ ਜਾਣਕਾਰੀ ਉਹਨਾਂ ਸਾਰੇ ਡਿਵਾਈਸਾਂ ’ਤੇ ਸਿੰਕ ਕੀਤੀ ਜਾਂਦੀ ਹੈ ਜੋ ਇਸ ਫ਼ੀਚਰ ਨੂੰ ਐਂਡ-ਟੂ-ਐਂਡ ਇਨਕ੍ਰਿਪਸ਼ਨ ਨਾਲ ਸਮਰਥਨ ਦਿੰਦੇ ਹਨ ਤਾਂ ਜੋ ਇਸ ਨੂੰ Apple ਵੱਲੋਂ ਪੜ੍ਹਿਆ ਨਾ ਜਾ ਸਕੇ। ਸਭ ਤੋਂ ਹਾਲੀਆ ਰਿਕਾਰਡ ਦੀ ਵਰਤੋਂ ਡਿਵੈਲਪਰਾਂ ਨਾਲ ਨਵਾਂ ਉਮਰ ਵਰਗ ਸਾਂਝਾ ਕਰਨ ਵੇਲੇ ਪਾਬੰਦੀਆਂ ਲਗਾਉਣ, ਹੇਠਾਂ ਵਰਣਨ ਕੀਤੇ ਗਏ “ਉਮਰ ਵਰਗ ਦੁਬਾਰਾ ਸਾਂਝਾ ਕਰੋ” ਫ਼ੀਚਰ ਪ੍ਰਦਾਨ ਕਰਨ ਅਤੇ ਡਿਵੈਲਪਰਾਂ ਵੱਲੋਂ ਬੇਨਤੀ ਕੀਤੇ ਗਏ ਉਮਰ ਵਰਗ ਸੰਬੰਧੀ ਤੁਹਾਨੂੰ ਸੂਚਿਤ ਕਰਨ ਲਈ ਕੀਤੀ ਜਾਂਦੀ ਹੈ। ਤੁਸੀਂ ਆਪਣੇ ਡਿਵਾਈਸ ’ਤੇ ਸੈਟਿੰਗਾਂ > [ਤੁਹਾਡਾ ਨਾਮ] > ਨਿੱਜੀ ਜਾਣਕਾਰੀ > ਐਪਾਂ ਲਈ ਉਮਰ ਵਰਗ ਜਾਂ ਸੈਟਿੰਗਾਂ > [ਐਪ ਨਾਮ] > ਐਪਾਂ ਲਈ ਉਮਰ ਵਰਗ ਜਾਂ ਸੈਟਿੰਗਾਂ > ਐਪਾਂ > [ਐਪ ਨਾਮ] > ਐਪਾਂ ਲਈ ਉਮਰ ਵਰਗ ’ਤੇ ਜਾ ਕੇ ਹਰੇਕ ਐਪ ਲਈ ਸਭ ਤੋਂ ਹਾਲੀਆ ਰਿਕਾਰਡ ਦੇਖ ਸਕਦੇ ਹੋ।

ਉਮਰ ਵਰਗ ਦੁਬਾਰਾ ਸਾਂਝਾ ਕਰੋ
“ਉਮਰ ਵਰਗ ਦੁਬਾਰਾ ਸਾਂਝਾ ਕਰੋ” ਐਪਾਂ ਲਈ ਉਮਰ ਵਰਗ ਦਾ ਇੱਕ ਅਜਿਹਾ ਫ਼ੀਚਰ ਹੈ ਜੋ ਤੁਹਾਨੂੰ ਸਭ ਤੋਂ ਹਾਲੀਆ ਰਿਕਾਰਡ ਰੀਸੈੱਟ ਕਰਨ ਦੀ ਆਗਿਆ ਦਿੰਦਾ ਹੈ, ਤਾਂ ਜੋ Apple ਰਾਹੀਂ ਡਿਵੈਲਪਰਾਂ ਦੀ ਬੇਨਤੀ ’ਤੇ ਉਨ੍ਹਾਂ ਨਾਲ ਸਾਂਝੇ ਕੀਤੇ ਜਾ ਸਕਣ ਵਾਲੇ ਨਵੇਂ ਉਮਰ ਵਰਗ ਨੂੰ ਨਿਰਧਾਰਤ ਕੀਤਾ ਜਾ ਸਕੇ। ”ਉਮਰ ਗਰੁੱਪ ਨੂੰ ਦੁਬਾਰਾ ਸਾਂਝਾ ਕਰੋ” ਦੀ ਵਰਤੋਂ ਕਰਨ ਲਈ, ਸੈਟਿੰਗਾਂ > [ਤੁਹਾਡਾ ਨਾਮ] > ਨਿੱਜੀ ਜਾਣਕਾਰੀ > ਐਪਾਂ ਲਈ ਉਮਰ ਵਰਗ > [ਐਪ ਨਾਮ] > ਉਮਰ ਵਰਗ ਨੂੰ ਦੁਬਾਰਾ ਸਾਂਝਾ ਕਰੋ ’ਤੇ ਜਾਓ। ਜੇਕਰ ਸਕਰੀਨ ਸਮਾਂ ਪਾਸਕੋਡ ਸਮਰੱਥ ਕੀਤਾ ਹੋਇਆ ਹੈ, ਤਾਂ ਅੱਪਡੇਟ ਕੀਤੇ ਉਮਰ ਵਰਗ ਨੂੰ ਸਾਂਝਾ ਕਰਨ ਤੋਂ ਪਹਿਲਾਂ ਇਸ ਨੂੰ ਭਰਨਾ ਲਾਜ਼ਮੀ ਹੈ।

ਅੱਪਡੇਟ ਕੀਤੇ ਗਏ ਉਮਰ ਵਰਗ ਦੀਆਂ ਬੇਨਤੀਆਂ
ਜੇਕਰ ਕੋਈ ਐਪ ਉਮਰ ਵਰਗਾਂ ਦੀਆਂ ਆਪਣੀਆਂ ਬੇਨਤੀਆਂ ਨੂੰ ਬਦਲ ਕੇ ਅੱਪਡੇਟ ਕਰਦੀ ਹੈ, ਤਾਂ ਡਿਵਾਈਸ ਵੱਲੋਂ ਇਹ ਨਿਰਧਾਰਤ ਕਰਨ ਲਈ ਹਾਲੀਆ ਰਿਕਾਰਡ ਦੀ ਜਾਂਚ ਕੀਤੀ ਜਾਵੇਗੀ ਕਿ ਕੀ ਅੱਪਡੇਟ ਕੀਤੀ ਬੇਨਤੀ ਦੇ ਨਤੀਜੇ ਵਜੋਂ ਐਪ ਨਾਲ ਕੋਈ ਵੱਖਰਾ ਉਮਰ ਵਰਗ ਸਾਂਝਾ ਕੀਤਾ ਜਾ ਸਕਦਾ ਹੈ ਜਾਂ ਨਹੀਂ। ਜੇਕਰ ਅਜਿਹਾ ਹੁੰਦਾ ਹੈ, ਤਾਂ ਡਿਵਾਈਸ ਹਾਲੀਆ ਰਿਕਾਰਡ ਨੂੰ ਰੀਸੈੱਟ ਕਰ ਦੇਵੇਗਾ। ਫਿਰ ਐਪ ਤੋਂ ਅਗਲੀ ਬੇਨਤੀ ’ਤੇ ਪ੍ਰਤਿਕਿਰਿਆ ਕਰਨ ਲਈ, ਜੇ “ਹਮੇਸ਼ਾਂ” ਕੌਨਫ਼ਿਗਰ ਕੀਤਾ ਹੋਇਆ ਹੈ ਤਾਂ ਨਵਾਂ ਉਮਰ ਵਰਗ ਆਟੋਮੈਟਿਕਲੀ ਸਾਂਝਾ ਕਰੇਗਾ ਅਤੇ ਜੇ “ਪਹਿਲਾਂ ਪੁੱਛੋ” ਕੌਨਫ਼ਿਗਰ ਕੀਤਾ ਹੋਇਆ ਹੈ ਤਾਂ ਨਵੇਂ ਉਮਰ ਵਰਗ ਲਈ ਅੱਪਡੇਟ ਕੀਤਾ ਪ੍ਰੌਂਪਟ ਪੇਸ਼ ਕਰੇਗਾ। “ਹਮੇਸ਼ਾਂ” ਕੌਨਫ਼ਿਗਰ ਕੀਤਾ ਹੋਣ ਸਮੇਂ, ਜੇ ਨਵਾਂ ਉਮਰ ਵਰਗ ਸਭ ਤੋਂ ਹਾਲੀਆ ਰਿਕਾਰਡ ਦੇ ਮੁਕਾਬਲੇ ਵਧੇਰੇ ਸਟੀਕ ਹੈ ਤਾਂ ਤੁਹਾਨੂੰ ਇਸ ਨਵੇਂ ਉਮਰ ਵਰਗ ਬਾਰੇ ਸੂਚਿਤ ਕੀਤਾ ਜਾਵੇਗਾ।

ਐਪਾਂ ਲਈ ਉਮਰ ਵਰਗ ਦਾ ਪ੍ਰਬੰਧਨ ਕਰਨਾ
ਤੁਸੀਂ ਕਿਸੇ ਵੀ ਸਮੇਂ ਆਪਣੇ ਡਿਵਾਈਸ ’ਤੇ ਸੈਟਿੰਗਾਂ > [ਤੁਹਾਡਾ ਨਾਮ] > ਨਿੱਜੀ ਜਾਣਕਾਰੀ > ਐਪਾਂ ਲਈ ਉਮਰ ਵਰਗ ਜਾਂ ਸੈਟਿੰਗਾਂ > ਐਪਾਂ > [ਐਪ ਦਾ ਨਾਮ] > ਐਪਾਂ ਲਈ ਉਮਰ ਵਰਗ ’ਤੇ ਜਾ ਕੇ, ਐਪਾਂ ਲਈ ਉਮਰ ਵਰਗ ਵਾਸਤੇ ਸਾਂਝਾਕਰਨ ਕੌਨਫ਼ਿਗਰੇਸ਼ਨ ਦਾ ਪ੍ਰਬੰਧਨ ਕਰ ਸਕਦੇ ਹੋ। ਜੇਕਰ ਸਕਰੀਨ ਸਮਾਂ ਪਾਸਕੋਡ ਸਮਰੱਥ ਕੀਤਾ ਹੋਇਆ ਹੈ, ਤਾਂ ਕੌਨਫ਼ਿਗਰੇਸ਼ਨ ਦੀਆਂ ਤਬਦੀਲੀਆਂ ਤੋਂ ਪਹਿਲਾਂ ਇਸ ਨੂੰ ਭਰਨਾ ਲਾਜ਼ਮੀ ਹੈ। ਜੇਕਰ ਤੁਸੀਂ ਕਿਸੇ ਪਰਿਵਾਰਕ ਗਰੁੱਪ ਵਿੱਚ ਸ਼ਾਮਲ ਬੱਚਾ ਜਾਂ ਕਿਸ਼ੋਰ ਹੋ, ਤਾਂ ਤੁਹਾਡੇ ਪਰਿਵਾਰਕ ਗਰੁੱਪ ਵਿੱਚ ਮੌਜੂਦ ਮਾਤਾ-ਪਿਤਾ/ਸਰਪ੍ਰਸਤ ਸੈਟਿੰਗਾਂ > ਪਰਿਵਾਰ > [ਬੱਚੇ ਜਾਂ ਕਿਸ਼ੋਰ ਦਾ ਨਾਮ] > ਨਿੱਜੀ ਜਾਣਕਾਰੀ > ਐਪਾਂ ਲਈ ਉਮਰ ਵਰਗ > ਐਪਾਂ ਨਾਲ ਸਾਂਝਾ ਕਰੋ ’ਤੇ ਜਾ ਕੇ ਆਪਣੇ ਡਿਵਾਈਸ ਤੋਂ ਕੌਨਫ਼ਿਗਰੇਸ਼ਨ ਦਾ ਪ੍ਰਬੰਧਨ ਕਰ ਸਕਦੇ ਹਨ।

ਸਾਂਝਾਕਰਨ ਕੌਨਫ਼ਿਗਰੇਸ਼ਨ ਨੂੰ ਅੱਪਡੇਟ ਕੀਤੇ ਜਾਣ ’ਤੇ, ਨਵੀਂ ਸਾਂਝਾਕਰਨ ਕੌਨਫ਼ਿਗਰੇਸ਼ਨ ਨੂੰ ਵਿਕਾਸਕਾਰਾਂ ਦੀਆਂ ਅਗਲੀਆਂ ਬੇਨਤੀਆਂ ਦੇ ਜਵਾਬ ਵਿੱਚ ਲਾਗੂ ਕੀਤਾ ਜਾਵੇਗਾ। ਸਾਂਝਾਕਰਨ ਕੌਨਫ਼ਿਗਰੇਸ਼ਨ ਨੂੰ ਬਦਲ ਕੇ “ਹਮੇਸ਼ਾਂ” ਕਰਨ ਨਾਲ, ਇਹ ਉਹਨਾਂ ਸਾਰੀਆਂ ਐਪਾਂ ਲਈ ਰੀਸੈੱਟ ਹੋ ਜਾਵੇਗੀ ਜਿਨ੍ਹਾਂ ਨਾਲ ਤੁਸੀਂ ਪਹਿਲਾਂ ਉਮਰ ਵਰਗ ਸਾਂਝਾ ਕਰਨ ਤੋਂ ਇਨਕਾਰ ਕੀਤਾ ਸੀ।

ਜੇਕਰ ਤੁਹਾਨੂੰ ਆਪਣੇ Apple ਖਾਤੇ ਨਾਲ ਸੰਬੰਧਿਤ ਜਨਮ-ਮਿਤੀ ਨੂੰ ਅੱਪਡੇਟ ਕਰਨ ਦੀ ਲੋੜ ਹੈ, ਤਾਂ ਤੁਸੀਂ ਆਪਣੇ ਡਿਵਾਈਸ ’ਤੇ ਸੈਟਿੰਗਾਂ > [ਤੁਹਾਡਾ ਨਾਮ] > ਨਿੱਜੀ ਜਾਣਕਾਰੀ ’ਤੇ ਜਾ ਕੇ ਅਜਿਹਾ ਕਰ ਸਕਦੇ ਹੋ। ਜੇਕਰ ਤੁਹਾਨੂੰ ਆਪਣੇ ਪਰਿਵਾਰਕ ਗਰੁੱਪ ਵਿੱਚ ਕਿਸੇ ਬੱਚੇ ਜਾਂ ਕਿਸ਼ੋਰ ਨਾਲ ਸੰਬੰਧਿਤ ਜਨਮ-ਮਿਤੀ ਨੂੰ ਅੱਪਡੇਟ ਕਰਨ ਦੀ ਲੋੜ ਹੈ, ਤਾਂ ਤੁਸੀਂ ਆਪਣੇ ਡਿਵਾਈਸ ’ਤੇ ਸੈਟਿੰਗਾਂ > ਪਰਿਵਾਰ > [ਬੱਚੇ ਜਾਂ ਕਿਸ਼ੋਰ ਦਾ ਨਾਮ] > ਨਿੱਜੀ ਜਾਣਕਾਰੀ ’ਤੇ ਜਾ ਕੇ ਅਜਿਹਾ ਕਰ ਸਕਦੇ ਹੋ। ਜਨਮ-ਮਿਤੀ ਅੱਪਡੇਟ ਹੋਣ ਤੋਂ ਬਾਅਦ, ਐਪਾਂ ਲਈ ਉਮਰ ਵਰਗ ਫ਼ੀਚਰ ਨੂੰ ਮੁੜ ਸਮਰੱਥ ਕਰਨਾ ਪਵੇਗਾ।

ਉਮਰ ਵਰਗ ਸਾਂਝਾ ਕਰਨ ’ਤੇ ਖੇਤਰੀ ਪਾਬੰਦੀਆਂ

ਕੁਝ ਦੇਸ਼ਾਂ ਜਾਂ ਖੇਤਰਾਂ ਵਿੱਚ, Apple ਲਈ ਇਹ ਕਾਨੂੰਨ ਤੌਰ ’ਤੇ ਲਾਜ਼ਮੀ ਹੈ ਕਿ ਐਪਾਂ ਵੱਲੋਂ ਬੇਨਤੀ ਕੀਤੇ ਜਾਣ ’ਤੇ ਉਹਨਾਂ ਨਾਲ ਤੁਹਾਡੇ ਉਮਰ ਵਰਗ ਦੀ ਜਾਣਕਾਰੀ ਸਾਂਝੀ ਕੀਤੀ ਜਾਵੇ। ਜੇਕਰ ਤੁਹਾਡਾ Apple ਖਾਤਾ ਜਾਂ ਕਿਸੇ ਬੱਚੇ ਜਾਂ ਕਿਸ਼ੋਰ ਦਾ Apple ਖਾਤਾ ਇਹਨਾਂ ਦੇਸ਼ਾਂ ਜਾਂ ਖੇਤਰਾਂ ਵਿੱਚੋਂ ਕਿਸੇ ਇੱਕ ਵਿੱਚ ਹੋਣ ਦਾ ਪਤਾ ਲਗਦਾ ਹੈ, ਤਾਂ ਐਪਾਂ ਲਈ ਉਮਰ ਵਰਗ ਨੂੰ ਹਮੇਸ਼ਾਂ ਸਾਂਝਾ ਕਰਨ ਦੀ ਸੈਟਿੰਗ ’ਤੇ ਸੈੱਟ ਕੀਤਾ ਜਾਵੇਗਾ ਅਤੇ ਇਸ ਕੌਨਫ਼ਿਗਰੇਸ਼ਨ ਨੂੰ ਬਦਲਣ ’ਤੇ ਪਾਬੰਦੀਆਂ ਹੋਣਗੀਆਂ। ਤੁਹਾਡਾ ਡਿਵਾਈਸ ਇਹ ਵੀ ਸਾਂਝਾ ਕਰੇਗਾ ਕਿ ਤੁਹਾਡੀ ਉਮਰ ਦੀ ਪੁਸ਼ਟੀ ਕਿਵੇਂ ਕੀਤੀ ਗਈ ਸੀ ਅਤੇ ਕੀ ਤੁਹਾਡੇ ’ਤੇ ਖੇਤਰੀ ਵਿਸ਼ੇਸ਼ ਸ਼ਰਤਾਂ ਲਾਗੂ ਹੁੰਦੀਆਂ ਹਨ ਜਾਂ ਨਹੀਂ।

ਨਿੱਜੀ ਡੇਟਾ ‘ਤੇ ਪ੍ਰਕਿਰਿਆ ਕਰਨ ਲਈ ਲਾਗੂ ਕਾਨੂੰਨੀ ਆਧਾਰ

ਅਸੀਂ ਐਪਾਂ ਲਈ ਉਮਰ ਵਰਗ ਵਾਸਤੇ ਆਮ ਤੌਰ ’ਤੇ ਨਿੱਜੀ ਡੇਟਾ ਨੂੰ Apple ਨਾਲ ਤੁਹਾਡੇ ਇਕਰਾਰਨਾਮੇ ਦੀ ਕਾਰਗੁਜ਼ਾਰੀ ਲਈ ਪ੍ਰਕਿਰਿਆ ਵਿੱਚ ਲੈ ਕੇ ਆਉਂਦੇ ਹਾਂ ਜੋ ਕਿ ਸੇਵਾ ਪ੍ਰਦਾਨ ਕਰਨ ਅਤੇ ਸਾਡੀਆਂ ਕਾਨੂੰਨੀ ਜ਼ਿੰਮੇਵਾਰੀਆਂ ਦੀ ਪਾਲਣਾ ਕਰਨ ਲਈ ਜ਼ਰੂਰੀ ਹੁੰਦਾ ਹੈ। ਜਿੱਥੇ ਸਹਿਮਤੀ ਢੁਕਵੇਂ ਕਾਨੂੰਨੀ ਆਧਾਰ ਵਜੋਂ ਹੋਵੇ, ਉੱਥੇ ਅਸੀਂ ਇਸ ਨੂੰ ਲਾਗੂ ਸਥਾਨਕ ਕਾਨੂੰਨ ਦੇ ਅਨੁਸਾਰ ਪ੍ਰਾਪਤ ਕਰਦੇ ਹਾਂ।

ਜਿੱਥੇ ਲਾਗੂ ਸਥਾਨਕ ਕਾਨੂੰਨ ਆਗਿਆ ਦਿੰਦਾ ਹੈ, ਅਸੀਂ ਆਪਣੇ ਜਾਂ ਕਿਸੇ ਤੀਜੀ ਧਿਰ ਦੇ ਜਾਇਜ਼ ਹਿੱਤਾਂ ਦੇ ਉਦੇਸ਼ਾਂ ਲਈ ਲੋੜ ਅਨੁਸਾਰ ਨਿੱਜੀ ਡੇਟਾ ‘ਤੇ ਪ੍ਰਕਿਰਿਆ ਕਰਦੇ ਹਾਂ, ਤਾਂ ਜੋ ਜੇਕਰ ਤੁਸੀਂ ਮਾਤਾ-ਪਿਤਾ/ਸਰਪ੍ਰਸਤ ਹੋ ਤਾਂ ਤੁਹਾਡੇ ਪਰਿਵਾਰਕ ਗਰੁੱਪ ਵਿੱਚ ਤੁਹਾਡੇ ਜਾਂ ਕਿਸੇ ਬੱਚੇ ਲਈ ਫ਼ੀਚਰ ਦਾ ਸੈੱਟ ਅੱਪ ਕਰਨਾ ਅਤੇ ਪ੍ਰਦਾਨ ਕਰਨਾ ਸਮਰੱਥ ਕੀਤਾ ਜਾ ਸਕੇ।

ਵਰਤੇ ਗਏ ਡੇਟਾ ਵਿੱਚ ਸ਼ਾਮਲ ਹੈ:

• Apple ਖਾਤਾ ਜਾਣਕਾਰੀ, ਜਿਸ ਵਿੱਚ ਤੁਹਾਡੀ ਜਨਮ ਮਿਤੀ, ਦੇਸ਼ ਜਾਂ ਖੇਤਰ ਅਤੇ ਪਰਿਵਾਰਕ ਮੈਂਬਰਸ਼ਿਪ ਅਤੇ ਭੂਮਿਕਾ ਸ਼ਾਮਲ ਹੈ
• ਡਿਵਾਈਸ ਸੰਬੰਧੀ ਜਾਣਕਾਰੀ, ਜਿਸ ਵਿੱਚ ਡਿਵਾਈਸ ਦੇ ਓਪਰੇਟਿੰਗ ਸਿਸਟਮ ਦਾ ਸੰਸਕਰਨ ਸ਼ਾਮਲ ਹੈ

ਡੇਟਾ ਸਾਂਭ ਕੇ ਰੱਖਣਾ

Apple ਵੱਲੋਂ ਨਿੱਜੀ ਡੇਟਾ ਸਿਰਫ਼ ਉਸ ਸਮੇਂ ਤੱਕ ਸਾਂਭ ਕੇ ਰੱਖਿਆ ਜਾਂਦਾ ਹੈ ਜਦੋਂ ਤੱਕ ਇਹ Apple ਦੀ ਪਰਦੇਦਾਰੀ ਨੀਤੀ ਜਾਂ ਸਾਡੇ ਸੇਵਾ-ਵਿਸ਼ੇਸ਼ ਪਰਦੇਦਾਰੀ ਨੋਟਿਸ ਵਿੱਚ ਦੱਸੇ ਗਏ ਸਮੇਤ ਇਸ ਨੂੰ ਇਕੱਠਾ ਕਰਨ ਦੇ ਉਦੇਸ਼ਾਂ ਨੂੰ ਪੂਰਾ ਕਰਨ ਜਾਂ ਕਾਨੂੰਨੀ ਤੌਰ ’ਤੇ ਲੋੜੀਂਦਾ ਹੁੰਦਾ ਹੈ। ਜਾਣਕਾਰੀ ਨੂੰ ਸਾਂਭ ਕੇ ਰੱਖਣ ਦੇ ਅਰਸੇ ਦਾ ਮੁਲਾਂਕਣ ਕਰਨ ਲਈ ਅਸੀਂ ਪਹਿਲਾਂ ਧਿਆਨ ਨਾਲ ਇਸਦੀ ਪੜਚੋਲ ਕਰਦੇ ਹਾਂ ਕਿ ਕੀ ਇਕੱਤਰ ਕੀਤੇ ਨਿੱਜੀ ਡੇਟਾ ਨੂੰ ਸਾਂਭਣਾ ਲੋੜੀਂਦਾ ਹੈ, ਤਾਂ ਅਸੀਂ ਨਿੱਜੀ ਜਾਣਕਾਰੀ ਨੂੰ ਕਾਨੂੰਨੀ ਤੌਰ ’ਤੇ ਮਾਨਤਾ ਪ੍ਰਾਪਤ ਘੱਟ ਤੋਂ ਘੱਟ ਸੰਭਾਵਿਤ ਸਮੇਂ ਲਈ ਸਾਂਭਣ ਦਾ ਕੰਮ ਕਰਦੇ ਹਾਂ।

ਜੇ ਐਪਾਂ ਲਈ ਉਮਰ ਵਰਗ ਸੰਬੰਧੀ ਤੁਹਾਡੀ ਨਿੱਜੀ ਜਾਣਕਾਰੀ ਦੀ ਵਰਤੋਂ ਬਾਰੇ ਤੁਹਾਡਾ ਕੋਈ ਸਵਾਲ ਹੈ ਜਾਂ ਜੇ ਤੁਸੀਂ ਸਾਡੇ ਡੇਟਾ ਸੁਰੱਖਿਆ ਅਧਿਕਾਰੀ ਨਾਲ ਗੱਲ ਕਰਨਾ ਚਾਹੁੰਦੇ ਹੋ, ਤਾਂ ਤੁਸੀਂ ਸਾਡੇ ਨਾਲ www.apple.com/in/legal/privacy/contact ’ਤੇ ਸੰਪਰਕ ਕਰ ਸਕਦੇ ਹੋ।

Apple ਵੱਲੋਂ ਇਕੱਤਰ ਕੀਤੀ ਗਈ ਜਾਣਕਾਰੀ ਨੂੰ ਹਮੇਸ਼ਾਂ Apple ਦੀ ਪਰਦੇਦਾਰੀ ਨੀਤੀ ਦੇ ਅਨੁਸਾਰ ਵਰਤਿਆ ਜਾਵੇਗਾ। ਇਸ ਨੂੰ www.apple.com/in/privacy ‘ਤੇ ਵੀ ਦੇਖਿਆ ਜਾ ਸਕਦਾ ਹੈ।

2025-12-12