• ਜਦੋਂ ਤੁਸੀਂ Apple Pay ਵਿੱਚ ਕੋਈ ਕਾਰਡ ਜੋੜਦੇ ਹੋ ਤਾਂ ਯੋਗਤਾ ਨਿਰਧਾਰਤ ਕਰਨ ਲਈ ਉਸ ਕਾਰਡ ਸੰਬੰਧੀ ਜਾਣਕਾਰੀ, ਟਿਕਾਣਾ ਅਤੇ ਡਿਵਾਈਸ ਸੈਟਿੰਗਾਂ ਅਤੇ ਵਰਤੋਂ ਦੇ ਪੈਟਰਨਾਂ ਸੰਬੰਧੀ ਜਾਣਕਾਰੀ Apple ਨੂੰ ਭੇਜੀ ਜਾ ਸਕਦੀ ਹੈ।
• ਉੱਪਰ ਦਿੱਤੀ ਗਈ ਕੁਝ ਜਾਣਕਾਰੀ, ਖਾਤਾ ਸੰਬੰਧਿਤ ਜਾਣਕਾਰੀ ਅਤੇ ਪੇਅਰ ਕੀਤੇ ਗਏ ਡਿਵਾਈਸ ਦੇ ਵੇਰਵਿਆਂ ਨੂੰ ਤੁਹਾਡੇ ਕਾਰਡ ਜਾਰੀਕਰਤਾ ਜਾਂ ਬੈਂਕ ਤੋਂ ਯੋਗਤਾ ਨਿਰਧਾਰਤ ਕਰਨ ਅਤੇ ਧੋਖਾਧੜੀ ਰੋਕਣ ਦੀ ਪ੍ਰਕਿਰਿਆ ਦੇ ਲਈ ਸਾਂਝਾ ਕੀਤਾ ਜਾ ਸਕਦਾ ਹੈ।
• ਜਦੋਂ ਤੁਸੀਂ ਐਪਾਂ ਜਾਂ ਵੈੱਬ ’ਤੇ Apple Pay ਦੀ ਵਰਤੋਂ ਕਰਦੇ ਹੋ, ਤਾਂ ਭੁਗਤਾਨ ਦੀ ਪ੍ਰਕਿਰਿਆ ਨੂੰ ਪੂਰਾ ਕਰਨ ਲਈ ਜ਼ਰੂਰੀ ਜਾਣਕਾਰੀ ਐਪ ਜਾਂ ਵੈੱਬਸਾਈਟ ਦੇ ਨਾਲ ਸਾਂਝੀ ਕੀਤੀ ਜਾਂਦੀ ਹੈ। ਤੁਹਾਡਾ ਅਸਲੀ ਕਾਰਡ ਨੰਬਰ ਵਪਾਰੀ ਨਾਲ ਸਾਂਝਾ ਨਹੀਂ ਕੀਤਾ ਜਾਂਦਾ।
• Apple Pay ਡੇਟਾ ਜੋ ਹੁਣ ਤੁਹਾਡੇ ਨਾਲ ਸੰਬੰਧਿਤ ਨਹੀਂ ਹੈ, ਉਸ ਦੀ ਵਰਤੋਂ Apple ਦੁਆਰਾ Apple Pay ਅਤੇ ਹੋਰ Apple ਉਤਪਾਦਾਂ ਅਤੇ ਸੇਵਾਵਾਂ ਨੂੰ ਬਿਹਤਰ ਬਣਾਉਣ ਲਈ ਕੀਤੀ ਜਾ ਸਕਦੀ ਹੈ।
• Apple Pay, Apple Inc. ਦੇ ਸਹਿਯੋਗੀਆਂ ਦੁਆਰਾ ਪ੍ਰਦਾਨ ਕੀਤੀ ਜਾਂਦੀ ਇੱਕ ਤਕਨੀਕੀ ਸੇਵਾ ਹੈ ਜੋ ਤੁਹਾਡੇ ਨਿੱਜੀ ਡੇਟਾ ਲਈ ਜ਼ਿੰਮੇਵਾਰ ਹਨ।

Apple Pay ਨਾਲ ਤੁਸੀਂ ਆਪਣੇ ਡੈਬਿਟ, ਕ੍ਰੈਡਿਟ ਅਤੇ ਪ੍ਰੀਪੇਡ ਕਾਰਡ ਦੀ ਵਰਤੋਂ ਕਰਕੇ ਸਟੋਰਾਂ ਵਿੱਚ, ਐਪਾਂ ਵਿੱਚ ਅਤੇ ਵੈੱਬ ’ਤੇ ਸੁਰੱਖਿਅਤ ਭੁਗਤਾਨ ਕਰ ਸਕਦੇ ਹੋ।

Apple Pay, Apple Inc. ਦੇ ਸਹਿਯੋਗੀਆਂ ਦੁਆਰਾ ਪ੍ਰਦਾਨ ਕੀਤੀ ਜਾਂਦੀ ਇੱਕ ਤਕਨੀਕੀ ਸੇਵਾ ਹੈ ਜੋ ਤੁਹਾਡੇ ਨਿੱਜੀ ਡੇਟਾ ਲਈ ਜ਼ਿੰਮੇਵਾਰ ਹਨ। ਤੁਹਾਡੇ ਟਿਕਾਣੇ ਦੇ ਅਧਾਰ ‘ਤੇ ਤੁਹਾਡਾ Apple Pay ਪ੍ਰਦਾਤਾ ਵੱਖਰਾ ਹੋ ਸਕਦਾ ਹੈ ਜਿਵੇਂ ਕਿ ਸੰਯੁਕਤ ਰਾਜ ਅਮਰੀਕਾ ਵਿੱਚ Apple Payments Services LLC. ਤੁਹਾਡੇ ਨਿੱਜੀ ਡੇਟਾ ਦੀ ਪ੍ਰਕਿਰਿਆ ਕਰਨ ਲਈ ਜ਼ਿੰਮੇਵਾਰ Apple ਸੰਸਥਾਵਾਂ ਬਾਰੇ ਵਧੇਰੇ ਜਾਣਕਾਰੀ ਪ੍ਰਾਪਤ ਕਰਨ ਲਈ ਕਿਰਪਾ ਕਰਕੇ apple.com/in/privacy ’ਤੇ ਜਾ ਕੇ Apple ਦੀ ਪਰਦੇਦਾਰੀ ਨੀਤੀ ਅਤੇ www.apple.com/in/legal/privacy/en/affiliated-company ’ਤੇ ਜਾ ਕੇ Apple ਨਾਲ ਸੰਬੰਧਿਤ ਕੰਪਨੀਆਂ ਬਾਰੇ ਦੇਖੋ।

Apple Pay ਵਿੱਚ ਕਾਰਡ ਜੋੜਨੇ

ਜਦੋਂ ਤੁਸੀਂ ਸਟੋਰ, ਕ੍ਰੈਡਿਟ, ਡੈਬਿਟ ਅਤੇ ਪ੍ਰੀਪੇਡ ਕਾਰਡਾਂ ਵਰਗੇ ਭੁਗਤਾਨ ਕਾਰਡ Apple Pay ਵਿੱਚ ਜੋੜਦੇ ਹੋ, ਤਾਂ Apple Pay ਅਤੇ ਇਸਦੇ ਫ਼ੀਚਰਾਂ ਨੂੰ ਸਮਰੱਥ ਕਰਨ ਦੀ ਤੁਹਾਡੀ ਯੋਗਤਾ ਨਿਰਧਾਰਤ ਕਰਨ ਲਈ ਤੁਹਾਡੇ ਦੁਆਰਾ ਕਾਰਡ ਬਾਰੇ ਪ੍ਰਦਾਨ ਕੀਤੀ ਜਾਣਕਾਰੀ ਅਤੇ ਕੁਝ ਡਿਵਾਈਸ ਸੈਟਿੰਗਾਂ ਦੇ ਸਮਰੱਥ ਕੀਤੇ ਹੋਣ ਜਾਂ ਨਾ ਕੀਤੇ ਹੋਣ ਸੰਬੰਧੀ ਜਾਣਕਾਰੀ Apple ਨੂੰ ਭੇਜੀ ਜਾ ਸਕਦੀ ਹੈ। ਧੋਖਾਧੜੀ ਦੀ ਪਛਾਣ ਕਰਨ ਲਈ ਤੁਹਾਡੇ ਡਿਵਾਈਸ ਦੁਆਰਾ ਡਿਵਾਈਸ ਵਰਤੋਂ ਦੇ ਪੈਟਰਨਾਂ (ਜਿਵੇਂ ਕਿ ਡਿਵਾਈਸ ਮੋਸ਼ਨ ਵਿੱਚ ਹੋਣ ਦੇ ਸਮੇਂ ਦੀ ਪ੍ਰਤਿਸ਼ਤ, ਪ੍ਰਤਿ ਹਫ਼ਤਾ ਕਾਲਾਂ ਦੀ ਗਿਣਤੀ ਦਾ ਅਨੁਮਾਨ) ਦਾ ਮੁਲਾਂਕਣ ਕੀਤਾ ਜਾ ਸਕਦਾ ਹੈ। ਜਿਹੜੀ ਜਾਣਕਾਰੀ ਦਾ ਤੁਹਾਡੇ ਡਿਵਾਈਸ ਦੁਆਰਾ ਮੁਲਾਂਕਣ ਕੀਤਾ ਜਾਂਦਾ ਹੈ ਉਸਨੂੰ ਇਸ ਤਰੀਕੇ ਨਾਲ Apple ਨਾਲ ਸਾਂਝਾ ਨਹੀਂ ਕੀਤਾ ਜਾਂਦਾ ਜਿਸ ਨੂੰ ਤੁਹਾਡੇ ਨਾਲ ਲਿੰਕ ਕੀਤਾ ਜਾ ਸਕੇ।

ਤੁਹਾਡੇ ਕਾਰਡ ਜਾਰੀਕਰਤਾ, ਭੁਗਤਾਨ ਨੈੱਟਵਰਕ ਜਾਂ ਤੁਹਾਡੇ ਕਾਰਡ ਜਾਰੀਕਰਤਾ ਦੁਆਰਾ ਅਧਿਕਾਰਤ ਪ੍ਰਦਾਤਾ ਵੱਲੋਂ Apple ਨਾਲ ਕਾਰਡ ਦੇ ਫ਼ੀਚਰਾਂ ਅਤੇ ਫ਼ਾਇਦਿਆਂ ਸੰਬੰਧੀ ਜਾਣਕਾਰੀ ਸਾਂਝੀ ਕੀਤੀ ਜਾ ਸਕਦੀ ਹੈ ਜਿਵੇਂ ਕਿ ਕੀ ਇਹ ਰਿਵਾਰਡ ਜਾਂ ਇੰਸਟਾਲਮੈਂਟ ਪ੍ਰੋਗਰਾਮ ਦਾ ਸਮਰਥਨ ਕਰਦਾ ਹੈ ਤਾਂ ਜੋ Apple Pay ਦੇ ਕੁਝ ਫ਼ੀਚਰਾਂ ਲਈ ਯੋਗਤਾ ਨਿਰਧਾਰਤ ਕੀਤੀ ਜਾ ਸਕੇ। Apple Pay ਸਮਰੱਥ ਕਰਨ, ਕਾਰਡ ਯੋਗਤਾ ਨਿਰਧਾਰਤ ਕਰਨ, Apple Pay ਨਾਲ ਆਪਣਾ ਕਾਰਡ ਸੈੱਟ ਅੱਪ ਕਰਨ ਅਤੇ ਧੋਖਾਧੜੀ ਨੂੰ ਰੋਕਣ ਲਈ Apple ਦੁਆਰਾ ਉਹਨਾਂ ਸੰਸਥਾਵਾਂ ਨੂੰ ਵੀ ਜਾਣਕਾਰੀ ਪ੍ਰਦਾਨ ਕੀਤੀ ਜਾ ਸਕਦੀ ਹੈ, ਜਿਸ ਵਿੱਚ ਸ਼ਾਮਲ ਹੈ:

• ਤੁਹਾਡਾ ਕ੍ਰੈਡਿਟ, ਡੈਬਿਟ ਜਾਂ ਪ੍ਰੀਪੇਡ ਕਾਰਡ ਨੰਬਰ
• ਤੁਹਾਡੇ Apple ਖਾਤੇ ਨਾਲ ਸੰਬੰਧਿਤ ਨਾਮ ਅਤੇ ਬਿਲਿੰਗ ਪਤਾ
• ਤੁਹਾਡੇ Apple ਖਾਤੇ ਦੀ ਗਤੀਵਿਧੀ (ਜਿਵੇਂ ਕਿ ਕੀ iTunes ਵਿੱਚ ਤੁਹਾਡੇ ਲੈਣ-ਦੇਣ ਦੀ ਲੰਮੀ ਹਿਸਟਰੀ ਹੈ ਜਾਂ ਨਹੀਂ) ਸੰਬੰਧੀ ਆਮ ਜਾਣਕਾਰੀ
• ਤੁਹਾਡੇ ਡਿਵਾਈਸ ਅਤੇ ਜੇਕਰ Apple Watch ਦੀ ਵਰਤੋਂ ਕਰ ਰਹੇ ਹੋ, ਤਾਂ ਪੇਅਰ ਕੀਤੇ iOS ਡਿਵਾਈਸ ਬਾਰੇ ਜਾਣਕਾਰੀ (ਉਦਾਹਰਨ ਲਈ, ਡਿਵਾਈਸ ਪਛਾਣਕਰਤਾ, ਫ਼ੋਨ ਨੰਬਰ ਅਤੇ ਨਾਮ ਅਤੇ ਮਾਡਲ, ਤੁਹਾਡੀ Apple Watch ਅਤੇ ਪੇਅਰ ਕੀਤੇ iOS ਡਿਵਾਈਸ ਦੋਵਾਂ ਲਈ)
• ਤੁਹਾਡੇ ਵੱਲੋਂ ਆਪਣੇ ਕਾਰਡ ਨੂੰ ਸ਼ਾਮਲ ਕੀਤੇ ਜਾਣ ਸਮੇਂ ਦਾ ਟਿਕਾਣਾ (ਜੇਕਰ ਤੁਸੀਂ ਟਿਕਾਣਾ ਸੇਵਾਵਾਂ ਨੂੰ ਸਮਰੱਥ ਕੀਤਾ ਹੋਇਆ ਹੈ)
• ਉਹ ਖਾਤਾ, ਜਿਸ ਤੋਂ ਭੁਗਤਾਨ ਕਾਰਡ ਸ਼ਾਮਲ ਕੀਤੇ ਗਏ ਹਨ ਜਾਂ ਡਿਵਾਈਸ ਹਿਸਟਰੀ
• ਉਨ੍ਹਾਂ ਭੁਗਤਾਨ ਕਾਰਡਾਂ ਤੋਂ ਇਕੱਤਰ ਕੀਤੇ ਗਏ ਅੰਕੜੇ, ਜਿਨ੍ਹਾਂ ਨੂੰ ਤੁਸੀਂ ਆਪਣੇ Apple Pay ਵਿੱਚ ਸ਼ਾਮਲ ਕੀਤਾ ਹੈ ਜਾਂ ਸ਼ਾਮਲ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ

ਜਦੋਂ ਤੁਸੀਂ Apple Pay ਵਿੱਚ ਬੈਂਕਿੰਗ ਐਪ ਵਰਗੀ ਕਿਸੇ ਤੀਜੀ-ਧਿਰ ਦੀ ਐਪ ਦੀ ਵਰਤੋਂ ਕਰ ਕੇ ਕੋਈ ਕਾਰਡ ਜੋੜਦੇ ਹੋ, ਤਾਂ ਉਹ ਐਪ ਤੁਹਾਡੇ ਡਿਵਾਈਸ ‘ਤੇ ਕੋਈ ਖਾਤਾ ਜਾਂ ਕਾਰਡ ਪਛਾਣਕਰਤਾ ਭੇਜਦੀ ਹੈ। ਇਸ ਜਾਣਕਾਰੀ ਦੀ ਵਰਤੋਂ Apple ਅਤੇ ਤੁਹਾਡੇ ਕਾਰਡ ਦੇ ਜਾਰੀਕਰਤਾ ਵੱਲੋਂ ਤੁਹਾਡੀ ਕਾਰਡ ਯੋਗਤਾ ਨਿਰਧਾਰਤ ਕਰਨ, Apple Pay ਨਾਲ ਆਪਣਾ ਕਾਰਡ ਸੈੱਟ ਅੱਪ ਕਰਨ ਅਤੇ ਧੋਖਾਧੜੀ ਨੂੰ ਰੋਕਣ ਲਈ ਕੀਤੀ ਜਾ ਸਕਦੀ ਹੈ।

ਤੁਹਾਡੇ ਕੋਲ ਦੂਸਰੇ ਡਿਵਾਈਸਾਂ ’ਤੇ ਜੋ Apple Pay ਕਾਰਡ ਹਨ ਜਾਂ ਹਾਲ ਹੀ ਵਿੱਚ ਸਨ, ਉਨ੍ਹਾਂ ਨੂੰ ਸੈੱਟ ਅੱਪ ਕਰਨ ਲਈ Apple ਤੁਹਾਡੇ Apple ਖਾਤੇ ਨਾਲ ਉਨ੍ਹਾਂ Apple Pay ਕਾਰਡਾਂ ਲਈ ਇੱਕ ਕਾਰਡ ਸੰਦਰਭ ਨੂੰ ਸਟੋਰ ਕਰਦਾ ਹੈ, ਜਿਸ ਦੀ ਵਰਤੋਂ ਕਾਰਡ ਜਾਰੀਕਰਤਾ ਜਾਂ ਭੁਗਤਾਨ ਨੈੱਟਵਰਕ ਨਾਲ ਸੁਰੱਖਿਆ ਕੋਡ ਦਾਖ਼ਲ ਕਰਨ ਤੋਂ ਬਾਅਦ ਕਾਰਡ ਨੂੰ ਦੁਬਾਰਾ ਜੋੜਣ ਲਈ ਕੀਤੀ ਜਾ ਸਕਦੀ ਹੈ। Apple Pay ਵੱਲੋਂ ਅਸਲ ਕ੍ਰੈਡਿਟ, ਡੈਬਿਟ ਜਾਂ ਪ੍ਰੀਪੇਡ ਕਾਰਡ ਨੰਬਰ ਸਟੋਰ ਨਹੀਂ ਕੀਤੇ ਜਾਂਦੇ। ਜਦੋਂ ਤੁਸੀਂ ਨਵੇਂ ਡਿਵਾਈਸ ’ਤੇ ਮਾਈਗ੍ਰੇਟ ਕਰਦੇ ਹੋ, ਤਾਂ Apple ਵੱਲੋਂ ਧੋਖਾਧੜੀ ਤੋਂ ਬਚਣ ਵਿੱਚ ਮਦਦ ਕਰਨ ਲਈ ਤੁਹਾਡੇ ਨੇੜੇ ਦੇ iCloud-ਸਮਰਥਿਤ ਡਿਵਾਈਸਾਂ ਦੀ ਜਾਣਕਾਰੀ ਇਕੱਤਰ ਕੀਤੀ ਜਾਵੇਗੀ। ਤੁਹਾਡੇ Apple ਖਾਤੇ ਨਾਲ ਸੰਬੰਧਿਤ iCloud-ਸਮਰਥਿਤ ਡਿਵਾਈਸਾਂ ਬਾਰੇ Apple ਕੋਲ ਜੋ ਜਾਣਕਾਰੀ ਹੈ, ਉਸ ਦੇ ਵਰਣਨ ਲਈ www.apple.com/legal/privacy/data/en/apple-id ’ਤੇ Apple ਖਾਤਾ ਅਤੇ ਪਰਦੇਦਾਰੀ ’ਤੇ ਜਾਓ।

ਤੁਹਾਡੇ iCloud ਕੀਚੇਨ ਵਿੱਚ ਸਟੋਰ ਸੰਭਾਲੇ ਸਵੈ-ਭਰੋ ਕਾਰਡਾਂ ਨੂੰ ਸੈਟਿੰਗਾਂ > ਵੌਲਿਟ ਅਤੇ Apple Pay ਵਿੱਚ ਜਾ ਕੇ ਅਤੇ “ਕਾਰਡ ਨੂੰ Apple Pay ਨਾਲ ਵਰਤੋ” ਨੂੰ ਸਮਰੱਥ ਕਰ ਕੇ Apple Pay ਵਿੱਚ ਜੋੜਿਆ ਜਾ ਸਕਦਾ ਹੈ। ਸਮਰੱਥ ਕੀਤੇ ਜਾਣ ’ਤੇ, ਤੁਹਾਡਾ ਡਿਵਾਈਸ ਤੁਹਾਡੇ iCloud ਕੀਚੇਨ ਤੋਂ ਤੁਹਾਡੇ “ਸਵੈ-ਭਰੋ“ ਕਾਰਡਾਂ ਨੂੰ ਤੁਹਾਡੇ ਕਾਰਡਾਂ ਦੇ ਭੁਗਤਾਨ ਨੈੱਟਵਰਕ ਨਾਲ ਸਾਂਝਾ ਕਰ ਸਕਦਾ ਹੈ ਤਾਂ ਜੋ Apple Pay ਦੀ ਯੋਗਤਾ ਨਿਰਧਾਰਤ ਕੀਤੀ ਜਾ ਸਕੇ। ਯੋਗ ਹੋਣ ’ਤੇ, ਤੁਸੀਂ ਵਧੇਰੇ ਸੁਰੱਖਿਅਤ ਲੈਣ-ਦੇਣ ਲਈ ਆਪਣੇ ਸੰਭਾਲੇ ਗਏ “ਸਵੈ-ਭਰੋ“ ਕਾਰਡਾਂ ਨੂੰ Apple Pay ਵਿੱਚ ਜੋੜ ਸਕਦੇ ਹੋ। ਇੱਕ ਵਾਰ ਪ੍ਰਬੰਧਿਤ ਕੀਤੇ ਜਾਣ ਤੋਂ ਬਾਅਦ, ਤੁਹਾਡੇ ਸੰਭਾਲੇ ਹੋਏ “ਸਵੈ-ਭਰੋ“ ਕਾਰਡ ਨੰਬਰ ਤੁਹਾਡੀ ਸਹੂਲਤ ਲਈ ਸੰਬੰਧਿਤ Apple Pay ਪਾਸਾਂ ਦੇ ਪਿਛਲੇ ਪਾਸੇ ਦਿਖਾਏ ਜਾ ਸਕਦੇ ਹਨ। ਤੁਹਾਡੇ iCloud ਕੀਚੇਨ ਵਿੱਚ ਸਟੋਰ ਕੀਤੇ ਸੰਭਾਲੇ ਗਏ “ਸਵੈ-ਭਰੋ“ ਕਾਰਡ ਨੰਬਰਾਂ ਨੂੰ Apple ਦੁਆਰਾ ਐਕਸੈੱਸ ਨਹੀਂ ਕੀਤਾ ਜਾ ਸਕਦਾ ਅਤੇ ਉਹਨਾਂ ਦੀ ਵਰਤੋਂ Apple Pay ਲੈਣ-ਦੇਣ ਲਈ ਨਹੀਂ ਕੀਤੀ ਜਾਂਦੀ।

Apple Pay ਨਾਲ ਭੁਗਤਾਨ ਕਰਨਾ

ਜਦੋਂ ਤੁਸੀਂ ਕੋਈ ਭੁਗਤਾਨ ਸ਼ੁਰੂ ਕਰਦੇ ਹੋ, ਤਾਂ ਟੈਕਸ ਅਤੇ ਸ਼ਿਪਿੰਗ ਦੇ ਖ਼ਰਚਿਆਂ ਦਾ ਹਿਸਾਬ ਲਗਾਉਣ ਲਈ ਤੁਹਾਡਾ ਪਿੰਨ ਕੋਡ, ਪੋਸਟਲ ਕੋਡ ਜਾਂ ਅਜਿਹੀ ਹੋਰ ਜਾਣਕਾਰੀ ਐਪ, ਵੈੱਬਸਾਈਟ ਜਾਂ ਵਪਾਰੀ ਨੂੰ ਭੇਜੀ ਜਾ ਸਕਦੀ ਹੈ। ਜਦੋਂ ਤੁਸੀਂ ਕਿਸੇ ਤੀਜੀ ਧਿਰ ਦੇ ਬ੍ਰਾਊਜ਼ਰ ਵਿੱਚ ਭੁਗਤਾਨ ਕਰਨਾ ਸ਼ੁਰੂ ਕਰਦੇ ਹੋ ਤਾਂ ਇਹ ਬ੍ਰਾਊਜ਼ਰ ਤੁਹਾਡੇ Apple Pay-ਸਹਾਇਕ ਡਿਵਾਈਸ ਨਾਲ ਸਕੈਨ ਕੀਤੇ ਜਾਣ ਲਈ QR ਕੋਡ ਜਾਂ ਐਪ ਕਲਿੱਪ ਕੋਡ ਤਿਆਰ ਕਰਦਾ ਹੈ। ਇੱਕ ਵਾਰ ਸਕੈਨ ਹੋ ਜਾਣ ’ਤੇ Apple, ਬ੍ਰਾਊਜ਼ਰ ਅਤੇ Apple Pay-ਸਮਰਥਿਤ ਡਿਵਾਈਸ ਦੇ ਵਿਚਕਾਰ ਇੱਕ ਸੰਚਾਰ ਚੈਨਲ ਸ਼ੁਰੂ ਕਰਦਾ ਹੈ, ਜਿਸ ਦੇ ਰਾਹੀਂ ਬ੍ਰਾਊਜ਼ਰ ਅਤੇ ਡਿਵਾਈਸ ਲੈਣ-ਦੇਣ ਨੂੰ ਪ੍ਰਕਿਰਿਆ ਕਰਨ ਲਈ ਜ਼ਰੂਰੀ ਪ੍ਰਸੰਗਿਕ ਲੈਣ-ਦੇਣ ਅਤੇ ਬਿਲਿੰਗ ਅਤੇ/ਜਾਂ ਸ਼ਿਪਿੰਗ ਜਾਣਕਾਰੀ ਨੂੰ ਸਾਂਝਾ ਕਰਦੇ ਹਨ।

ਜੇਕਰ ਕਿਸ਼ਤ ਜਾਂ ਇਨਾਮ ਦੇ ਨਾਲ ਭੁਗਤਾਨ ਕਰਨ ਦੀ ਸਮਰੱਥਾ ਜਿਵੇਂ ਕਿ “ਉੱਨਤ Apple Pay ਭੁਗਤਾਨ ਫ਼ੀਚਰ ਸਮਰੱਥ ਹੈ” ਤਾਂ Apple Pay ਖ਼ਰੀਦ ਸ਼ੁਰੂ ਕਰਨ ਤੋਂ ਬਾਅਦ Apple ਤੁਹਾਡੇ ਵੌਲਿਟ ਵਿੱਚ ਮੌਜੂਦ ਕਾਰਡਾਂ ਅਤੇ ਕਾਰਡ ਜਾਰੀਕਰਤਾ ਦੁਆਰਾ Apple ਨੂੰ ਪ੍ਰਦਾਨ ਕੀਤੇ ਗਏ ਉਹਨਾਂ ਕਾਰਡਾਂ ਦੇ ਲਾਭ ਅਤੇ ਫ਼ੀਚਰਾਂ ਦੇ ਆਧਾਰ ‘ਤੇ ਤੁਹਾਡੇ ਲਈ ਉਪਲਬਧ ਭੁਗਤਾਨ ਵਿਕਲਪਾਂ ਦੀ ਪਛਾਣ ਕਰੇਗਾ। ਤੁਸੀਂ ਇਹ ਵੀ ਚੁਣ ਸਕਦੇ ਹੋ ਕਿ Apple ਤੁਹਾਡੇ ਲਈ ਵਧੇਰੇ ਭੁਗਤਾਨ ਦੇ ਅਜਿਹੇ ਵਿਕਲਪਾਂ ਦੀ ਪਛਾਣ ਕਰੇ ਜੋ ਹਾਲੇ ਤੱਕ ਤੁਹਾਡੇ ਵੌਲਿਟ ਵਿੱਚ ਤੁਹਾਡੇ ਲਈ ਉਪਲਬਧ ਨਹੀਂ ਹਨ। ਅਜਿਹਾ ਕਰਨ ਲਈ Apple ਵੱਲੋਂ ਤੁਹਾਡੇ ਲੈਣ-ਦੇਣ ਜਿਵੇਂ ਕਿ ਵਪਾਰੀ ਅਤੇ ਰਕਮ ਦੀ ਵਰਤੋਂ ਇਹ ਨਿਰਧਾਰਤ ਕਰਨ ਲਈ ਕੀਤੀ ਜਾਵੇਗੀ ਕਿ ਉਸ ਲੈਣ-ਦੇਣ ਲਈ ਵਾਧੂ ਭੁਗਤਾਨ ਵਿਧੀਆਂ ਉਪਲਬਧ ਹਨ ਜਾਂ ਨਹੀਂ। Apple ਲੈਣ-ਦੇਣ ਅਤੇ ਭੁਗਤਾਨ ਵਿਧੀ ਯੋਗਤਾ ਜਾਂਚ ਦੇ ਬਾਰੇ ਜਾਣਕਾਰੀ ਨੂੰ ਤੁਹਾਡੇ ਨਾਲ ਲਿੰਕ ਹੋਣ ਵਾਲੇ ਕਿਸੇ ਤਰੀਕੇ ਤੋਂ ਬਰਕਰਾਰ ਨਹੀਂ ਰੱਖਦਾ ਹੈ। ਜੇਕਰ ਤੁਸੀਂ ਕਿਸੇ ਨਵੀਂ ਭੁਗਤਾਨ ਵਿਧੀ ਦੇ ਲਈ ਅਰਜ਼ੀ ਦੇਣ ਦਾ ਵਿਕਲਪ ਚੁਣਦੇ ਹੋ, ਤਾਂ ਤੁਹਾਡੀ ਅਰਜ਼ੀ ਦੀ ਜਾਣਕਾਰੀ ਸਿੱਧਾ ਜਾਰੀਕਰਤਾ ਦੇ ਨਾਲ ਸਾਂਝੀ ਕੀਤੀ ਜਾਵੇਗੀ ਅਤੇ Apple ਵੱਲੋਂ ਦੇਖੀ ਜਾਂ ਸਟੋਰ ਨਹੀਂ ਕੀਤੀ ਜਾਵੇਗੀ। ਜੇਕਰ ਤੁਸੀਂ ਇਨਾਮ ਰਾਹੀਂ ਭੁਗਤਾਨ ਕਰਨ ਦੀ ਚੋਣ ਕਰਦੇ ਹੋ, ਤਾਂ ਤੁਹਾਨੂੰ ਵਿੱਤੀ ਫ਼ੈਸਲਿਆਂ ਤੋਂ ਜਾਣੂ ਕਰਵਾਉਣ ਵਿੱਚ ਮਦਦ ਕਰਨ ਲਈ Apple ਵੱਲੋਂ ਤੁਹਾਡੇ ਕਾਰਡ, ਕਾਰਡ ਫ਼ੀਚਰ ਅਤੇ ਲਾਭ ਦੇ ਨਾਲ-ਨਾਲ ਲੈਣ-ਦੇਣ ਵਪਾਰੀ ਅਤੇ ਰਕਮ ਸੰਬੰਧੀ ਜਾਣਕਾਰੀ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ, ਤਾਂ ਜੋ ਤੁਹਾਡੇ ਮੌਜੂਦਾ ਇਨਾਮ ਦੇ ਬਕਾਏ, ਲੈਣ-ਦੇਣ ਲਈ ਸੇਵਾ ਖ਼ਰਚ ਵਜੋਂ ਇਨਾਮ ਪੁਆਇੰਟ (ਜਾਂ ਉਸਦੇ ਬਰਾਬਰ) ਅਤੇ ਲੈਣ-ਦੇਣ ਤੋਂ ਬਾਅਦ ਤੁਹਾਡੇ ਇਨਾਮ ਦੇ ਬਕਾਏ ਨੂੰ ਪ੍ਰਾਪਤ ਕੀਤਾ ਅਤੇ ਦਿਖਾਇਆ ਜਾ ਸਕੇ। ਤੁਹਾਨੂੰ ਆਪਣੀ ਵਿੱਤੀ ਸਥਿਤੀ ਲਈ ਢੁਕਵੇਂ ਕਿਸ਼ਤ ਪਲਾਨ ਦੀ ਚੋਣ ਕਰਨ ਲਈ Apple ਵੱਲੋਂ ਤੁਹਾਡੇ ਭਾਗੀਦਾਰ ਜਾਰੀ ਕਰਤਾਵਾਂ ਨੂੰ ਵਪਾਰੀ ਅਤੇ ਰਕਮ ਸੰਬੰਧੀ ਜਾਣਕਾਰੀ ਪ੍ਰਦਾਨ ਕੀਤੀ ਜਾਂਦੀ ਹੈ। ਜਿਸ ਦੀ ਵਰਤੋਂ ਉਨ੍ਹਾਂ ਵੱਲੋਂ ਯੋਗਤਾ ਦਾ ਮੁਲਾਂਕਣ ਕਰਨ ਲਈ ਕੀਤੀ ਜਾਂਦੀ ਹੈ ਅਤੇ Apple ਨੂੰ ਦਿਖਾਉਣ ਲਈ ਕਿਸ਼ਤ ਵਿਕਲਪਾਂ ਦੀ ਸੂਚੀ ਪ੍ਰਦਾਨ ਕੀਤੀ ਜਾਂਦੀ ਹੈ। Apple ਇਸ ਜਾਣਕਾਰੀ ਨੂੰ ਤੁਹਾਡੇ ਨਾਲ ਲਿੰਕ ਕੀਤੇ ਤਰੀਕੇ ਤੋਂ ਉੱਨਤ Apple Pay ਭੁਗਤਾਨ ਫ਼ੀਚਰ ਪ੍ਰਦਾਨ ਕਰਨ ਲਈ ਪ੍ਰਕਿਰਿਆ ਕੀਤੀ ਜਾਣਕਾਰੀ ਨੂੰ ਨਹੀਂ ਰੱਖਦਾ ਹੈ।

ਤੁਹਾਡੇ ਵੱਲੋਂ ਭੁਗਤਾਨ ਨੂੰ ਅਧਿਕਾਰਤ ਕਰਨ ਤੋਂ ਬਾਅਦ ਵਪਾਰੀ ਵੱਲੋਂ ਬੇਨਤੀ ਕੀਤੀ ਗਈ ਹੋਰ ਜਾਣਕਾਰੀ, ਜਿਵੇਂ ਕਿ ਡਿਵਾਈਸ ਜਾਂ ਵਪਾਰੀ-ਨਿਰਧਾਰਤ ਖਾਤਾ ਸੰਖਿਆ, ਤੁਹਾਡਾ ਭੇਜਣ ਦਾ ਪਤਾ ਜਾਂ ਈਮੇਲ ਪਤਾ ਵੀ ਪ੍ਰਦਾਨ ਕੀਤਾ ਜਾਂਦਾ ਹੈ। ਜੇਕਰ ਤੁਸੀਂ ਮਰਚੈਂਟ ਨੂੰ ਭੁਗਤਾਨ ਕਰਨ ਲਈ ਕਿਸੇ ਤੀਜੀ-ਧਿਰ ਐਪ ਜਾਂ ਵੈੱਬਸਾਈਟ ਦੀ ਵਰਤੋਂ ਕਰ ਰਹੇ ਹੋ — ਜਿਵੇਂ ਕਿ ਸੋਸ਼ਲ ਮੀਡੀਆ ਜਾਂ ਜਨਰੇਟਿਵ AI ਐਪ — ਤਾਂ ਉਹ ਤੀਜੀ-ਧਿਰ ਐਪ ਜਾਂ ਵੈੱਬਸਾਈਟ ਮਰਚੈਂਟ ਵੱਲੋਂ ਬੇਨਤੀ ਕੀਤੀ ਹੋਰ ਜਾਣਕਾਰੀ ਐਕਸੈੱਸ ਕਰ ਸਕਦੀ ਹੈ। Apple ਨੂੰ ਇਹ ਜਾਣਕਾਰੀ ਸਿਰਫ਼ Apple Pay ਟ੍ਰਾਂਜੈਕਸ਼ਨ ਨੂੰ ਸੁਵਿਧਾਜਨਕ ਬਣਾਉਣ ਦੇ ਉਦੇਸ਼ ਲਈ ਚਾਹੀਦੀ ਹੁੰਦੀ ਹੈ। ਜਦੋਂ ਤੁਸੀਂ Apple Pay ਦੀ ਵਰਤੋਂ ਕਰਦੇ ਹੋ, ਤਾਂ ਤੁਹਾਡੇ ਕ੍ਰੈਡਿਟ, ਡੈਬਿਟ ਜਾਂ ਪ੍ਰੀਪੇਡ ਕਾਰਡ ਤੋਂ ਕਾਰਡ ਨੰਬਰ ਪ੍ਰਦਾਨ ਨਹੀਂ ਕੀਤਾ ਜਾਂਦਾ।

ਇਹ ਯਕੀਨੀ ਬਣਾਉਣ ਲਈ ਕਿ ਕੋਈ ਵੀ ਵਾਰ-ਵਾਰ ਜਾਂ ਵਪਾਰੀ ਵੱਲੋਂ ਲਗਾਏ ਜਾਣ ਵਾਲੇ ਹੋਰ ਖ਼ਰਚੇ, ਜਿਵੇਂ ਕਿ ਸਬਸਕ੍ਰਿਪਸ਼ਨਾਂ ਜੋ ਤੁਹਾਡੇ ਵੱਲੋਂ ਅਧਿਕਾਰਤ ਕੀਤੇ ਗਏ ਹਨ, ਜਦੋਂ ਵੀ ਤੁਸੀਂ ਭਾਗੀਦਾਰੀ ਵਾਲੇ ਵਪਾਰੀਆਂ ਨਾਲ ਵਾਰ-ਵਾਰ ਜਾਂ ਵਪਾਰੀ ਵੱਲੋਂ ਲਗਾਏ ਜਾਣ ਵਾਲੇ ਹੋਰ ਖ਼ਰਚਿਆਂ ਦੇ ਭੁਗਤਾਨ ਵਜੋਂ ਯੋਗ Apple Pay ਦੀ ਵਰਤੋਂ ਕਰਨ ਦੇ ਵਿਕਲਪ ਦੀ ਚੋਣ ਕਰਦੇ ਹੋ, ਉਦੋਂ ਤੁਹਾਡੇ ਜਾਰੀਕਰਤਾ ਅਤੇ /ਜਾਂ ਭੁਗਤਾਨ ਨੈੱਟਵਰਕ ਵੱਲੋਂ ਅਜਿਹੇ ਖ਼ਰਚਿਆਂ ਦੀ ਵਰਤੋਂ ਕਰਨ ਲਈ ਵਪਾਰੀ-ਵਿਸ਼ੇਸ਼ ਖਾਤਾ ਨੰਬਰ ਜਨਰੇਟ ਕਰਕੇ ਪ੍ਰਵਾਨਗੀ ਦਿੱਤੀ ਜਾਵੇਗੀ। ਤੁਹਾਡੇ ਵੱਲੋਂ ਕੀਤੀ ਕਿਸੇ ਖ਼ਾਸ ਕਾਰਵਾਈ ਤੋਂ ਬਗ਼ੈਰ ਲੈਣ-ਦੇਣ ਨੂੰ ਅਧਿਕਾਰਤ ਕਰਨ ਲਈ ਵਪਾਰੀ ਵੱਲੋਂ ਸਿਰਫ਼ ਉਸੇ ਵਪਾਰੀ-ਵਿਸ਼ੇਸ਼ ਖਾਤਾ ਨੰਬਰ ਦੀ ਹੀ ਵਰਤੋਂ ਕੀਤੀ ਜਾ ਸਕਦੀ ਹੈ। Apple ਨੂੰ ਪਤਾ ਹੋਵੇਗਾ ਕਿ ਕਿਹੜੇ ਵਪਾਰੀ ਤੁਹਾਡੇ ਵਪਾਰੀ-ਵਿਸ਼ੇਸ਼ ਖਾਤਾ ਨੰਬਰ ਨਾਲ ਸੰਬੰਧਿਤ ਹਨ, ਪਰ ਇਹ ਪਤਾ ਨਹੀਂ ਹੋਵੇਗਾ ਕਿ ਤੁਸੀਂ ਕੀ ਖ਼ਰੀਦਿਆ ਅਤੇ ਇਸ ਲਈ ਕਿੰਨਾ ਭੁਗਤਾਨ ਕੀਤਾ। ਤੁਸੀਂ ਕਾਰਡ ਦੇ ਵੇਰਵੇ ਦੇਖਣ ਲਈ ਕਾਰਡ ‘ਤੇ ਟੈਪ ਕਰ ਕੇ “ਹੋਰ” ਬਟਨ ‘ਤੇ ਟੈਪ ਕਰ ਕੇ ਵੌਲਿਟ ਵਿੱਚ ਆਪਣਾ ਵਪਾਰੀ-ਵਿਸ਼ੇਸ਼ ਖਾਤਾ ਨੰਬਰ ਵਿਉਂਤ ਸਕਦੇ ਹੋ।

ਕੁਝ ਖ਼ਾਸ ਕਿਸਮ ਦੀ ਧੋਖਾਧੜੀ ਦੀ ਬਿਹਤਰ ਰੋਕਥਾਮ ਕਰਨ ਵਾਲੇ ਕਾਰਡਾਂ ਨਾਲ ਜਦੋਂ ਤੁਸੀਂ ਔਨਲਾਈਨ ਜਾਂ ਇਨ-ਐਪ ਲੈਣ-ਦੇਣ ਲਈ ਕੋਸ਼ਿਸ਼ ਕਰਦੇ ਹੋ, ਤਾਂ ਜੇਕਰ ਤੁਸੀਂ ਆਪਣੇ ਵੌਲਿਟ ਲਈ ਟਿਕਾਣਾ ਸੇਵਾ ਨੂੰ ਚਾਲੂ ਕੀਤਾ ਹੋਇਆ ਹੈ, ਤਾਂ ਤੁਹਾਡਾ ਡਿਵਾਈਸ ਧੋਖਾਧੜੀ ਦੀ ਰੋਕਥਾਮ ਸੰਬੰਧੀ ਔਨ-ਡਿਵਾਈਸ ਪੜਚੋਲ ਵਿਕਸਤ ਕਰਨ ਲਈ ਤੁਹਾਡੇ Apple ਖਾਤੇ, ਡਿਵਾਈਸ ਅਤੇ ਟਿਕਾਣੇ ਸੰਬੰਧੀ ਜਾਣਕਾਰੀ ਦੀ ਸਮੀਖਿਆ ਕਰੇਗਾ। ਧੋਖਾਧੜੀ ਦੀ ਰੋਕਥਾਮ ਸੰਬੰਧੀ ਔਨ-ਡਿਵਾਈਸ ਮੁਲਾਂਕਣ ਦਾ ਆਊਟਪੁੱਟ, ਪਰ ਅਸਲ ਡੇਟਾ ਨਹੀਂ, Apple ਨੂੰ ਭੇਜਿਆ ਜਾਵੇਗਾ ਅਤੇ ਉਸ ਜਾਣਕਾਰੀ ਨਾਲ ਜੋੜਿਆ ਜਾਵੇਗਾ ਜੋ ਤੁਹਾਡੇ ਡਿਵਾਈਸ ਅਤੇ ਖਾਤੇ ਬਾਰੇ Apple ਨੂੰ ਪਤਾ ਹੈ, ਤਾਂ ਜੋ Apple Pay ਵੱਲੋਂ ਧੋਖਾਧੜੀ ਦੀ ਰੋਕਥਾਮ ਸੰਬੰਧੀ ਅਸਲ ਮੁਲਾਂਕਣਾਂ ਦਾ ਵਿਕਾਸ ਕੀਤਾ ਜਾ ਸਕੇ। ਇਸ ਲੈਣ-ਦੇਣ ਸਮੇਂ ਧੋਖਾਧੜੀ ਦੀ ਰੋਕਥਾਮ ਲਈ, ਇਨ੍ਹਾਂ ਲੈਣ-ਦੇਣ ਵਿੱਚ ਧੋਖਾਧੜੀ ਦੀ ਰੋਕਥਾਮ ਸੰਬੰਧੀ ਮੁਲਾਂਕਣਾਂ ਨੂੰ ਤੁਹਾਡੇ ਲੈਣ-ਦੇਣ ਦੇ ਨੈੱਟਵਰਕ ਸਮੇਤ “ਭੇਜਣ ਦਾ ਪਤਾ” ਪਛਾਣਕਰਤਾ ਅਤੇ ਉਪਲਬਧ ਹੋਣ ‘ਤੇ IP ਪਤਾ ਸਾਂਝਾ ਕੀਤਾ ਜਾ ਸਕਦਾ ਹੈ। “ਭੇਜਣ ਦਾ ਪਤਾ” ਪਛਾਣਕਰਤਾ ਹਰੇਕ ਨੈੱਟਵਰਕ ਲਈ ਵੱਖ-ਵੱਖ ਹੁੰਦਾ ਹੈ ਅਤੇ ਇਸ ਦੀ ਵਰਤੋਂ ਤੁਹਾਡੇ ਡਿਵਾਈਸ ‘ਤੇ ਕਿਸੇ ਖ਼ਾਸ ਕਾਰਡ ਦੀ ਵਰਤੋਂ ਕਰਨ ਵਾਲੇ ਵੱਖੋ-ਵੱਖਰੇ ਲੈਣ-ਦੇਣ ਲਈ ਭੇਜਣ ਦਾ ਪਤਾ ਇੱਕੋ ਜਿਹਾ ਹੋਣ ਦੀ ਇਸ ਤਰ੍ਹਾਂ ਦੀ ਪੁਸ਼ਟੀ ਕਰਨ ਵਾਸਤੇ ਕੀਤਾ ਜਾਂਦਾ ਹੈ ਜਿਸ ਨਾਲ ਅਸਲ ਪਤਾ ਜ਼ਾਹਰ ਨਹੀਂ ਹੁੰਦਾ ਹੈ। ਤੁਹਾਡੇ ਵੱਲੋਂ ਕਿਸੇ ਵੀ ਸਮੇਂ ਵੌਲਿਟ ਵਿੱਚ ਆਪਣੇ ਭੁਗਤਾਨ ਦੀਆਂ ਜਾਣਕਾਰੀਆਂ ਨੂੰ ਵਾਪਸ ਜਾ ਕੇ ਇਹ ਜਾਂਚ ਕੀਤੀ ਜਾ ਸਕਦੀ ਹੈ ਕਿ ਕਿਹੜੇ ਕਾਰਡ ਵਿੱਚ ਧੋਖਾਧੜੀ ਦੀ ਉੱਨਤ ਰੋਕਥਾਮ ਦੀ ਸਹੂਲਤ ਹੈ ਜਾਂ ਨਹੀਂ। ਤੁਹਾਡੇ ਭੁਗਤਾਨ ਸੰਬੰਧੀ ਲੈਣ-ਦੇਣ ਦੇ ਨਾਲ ਧੋਖਾਧੜੀ ਦੀ ਰੋਕਥਾਮ ਦਾ ਮੁਲਾਂਕਣ ਸਾਂਝਾ ਕਰਨ ਤੋਂ ਕਰਨ ਲਈ ਤੁਸੀਂ ਕੋਈ ਹੋਰ ਕਾਰਡ ਚੁਣ ਸਕਦੇ ਹੋ।

ਜਦੋਂ ਤੁਸੀਂ ਕੋਈ ਐਪ ਵਰਤਦੇ ਹੋ ਜਾਂ Safari ‘ਤੇ ਅਜਿਹੀ ਵੈੱਬਸਾਈਟ ‘ਤੇ ਜਾਂਦੇ ਹੋ ਜੋ Apple Pay ਦੀ ਵਰਤੋਂ iOS, watchOS ਜਾਂ macOS ਵਿੱਚ ਕਰਦੀ ਹੈ, ਤਾਂ ਐਪ ਜਾਂ ਵੈੱਬਸਾਈਟ ਵੱਲੋਂ ਇਹ ਜਾਂਚਿਆ ਜਾ ਸਕਦਾ ਹੈ ਕਿ ਤੁਸੀਂ ਆਪਣੇ ਡਿਵਾਈਸ ‘ਤੇ Apple Pay ਨੂੰ ਚਾਲੂ ਕੀਤਾ ਹੈ ਜਾਂ ਨਹੀਂ। ਕਿਸੇ iOS ਡਿਵਾਈਸ ਜਾਂ Mac ‘ਤੇ Safari ਵਿੱਚ ਅਜਿਹੀ ਵੈੱਬਸਾਈਟ ਦੇਖਣ ਸਮੇਂ, ਜਿਸ ਵਿੱਚ ਕਾਰਡ ਸ਼ਾਮਲ ਨਹੀਂ ਕੀਤਾ ਜਾ ਸਕਦਾ, ਵੈੱਬਸਾਈਟ ਵੱਲੋਂ ਜਾਂਚਿਆ ਜਾ ਸਕਦਾ ਹੈ ਕਿ ਇੱਕੋ Apple ਖਾਤੇ ਦੀ ਵਰਤੋਂ ਕਰਨ ਵਾਲੇ iPhone ਜਾਂ Apple Watch ‘ਤੇ Apple Pay ਸੈੱਟ ਅੱਪ ਕੀਤਾ ਹੋਇਆ ਹੈ ਜਾਂ ਨਹੀਂ। ਤੁਸੀਂ ਆਪਣੀਆਂ ਸੈਟਿੰਗਾਂ ਨੂੰ ਬਦਲ ਕੇ ਉਹ ਵੈੱਬਸਾਈਟਾਂ ਨੂੰ ਇਹ ਜਾਂਚਣ ਲਈ ਬੰਦ ਕਰ ਸਕਦੇ ਹੋ ਕਿ Apple Pay ਚਾਲੂ ਹੈ ਜਾਂ ਨਹੀਂ। ਆਪਣੇ iOS, iPadOS ਜਾਂ visionOS ਡਿਵਾਈਸ ’ਤੇ, ਸੈਟਿੰਗਾਂ > ਐਪਾਂ > Safari > ਉੱਨਤ ’ਤੇ ਜਾਓ ਅਤੇ Apple Pay ਦੀ ਜਾਂਚ ਕਰੋ ਨੂੰ ਬੰਦ ਕਰਨ ਲਈ ਟੈਪ ਕਰੋ। ਆਪਣੇ Mac ’ਤੇ, Safari > ਸੈਟਿੰਗਾਂ > ਉੱਨਤ ’ਤੇ ਜਾਓ ਅਤੇ “Apple Pay ਅਤੇ Apple Card ਦੀ ਜਾਂਚ ਕਰਨ ਲਈ ਵੈੱਬਸਾਈਟਾਂ ਨੂੰ ਆਗਿਆ ਦਿਓ” ਨੂੰ ਅਣਚੁਣਿਆ ਕਰੋ।

Apple ਖਾਤੇ ਦੀਆਂ ਭੁਗਤਾਨ ਵਿਧੀਆਂ ਦੀ ਸੁਰੱਖਿਆ ਕਰਨਾ

Apple ਈਕੋ ਸਿਸਟਮ ’ਤੇ ਭੁਗਤਾਨ ਵਿਧੀਆਂ ਦਾ ਪ੍ਰਬੰਧਨ ਕਰਨ ਵਿੱਚ ਮਦਦ ਕਰਨ ਲਈ Apple ਵੱਲੋਂ ਇਹ ਵੀ ਜਾਂਚ ਕੀਤੀ ਜਾ ਸਕਦੀ ਹੈ ਕਿ ਕੋਈ Apple Pay ਭੁਗਤਾਨ ਵਿਧੀ ਤੁਹਾਡੇ Apple ਖਾਤੇ ਦੀ ਫ਼ਾਈਲ ’ਤੇ ਭੁਗਤਾਨ ਵਿਧੀ ਦੇ ਤੌਰ ’ਤੇ ਜੋੜਨ ਦੇ ਯੋਗ ਹੈ ਜਾਂ ਨਹੀਂ ਅਤੇ ਫਿਰ ਉਹ ਭੁਗਤਾਨ ਵਿਧੀਆਂ ਸੈਟਿੰਗਾਂ > [ਤੁਹਾਡਾ ਨਾਮ] > ਭੁਗਤਾਨ ਅਤੇ ਸ਼ਿਪਿੰਗ > ਭੁਗਤਾਨ ਵਿਧੀ ਜੋੜੋ > ਭੁਗਤਾਨ ਵਿਧੀਆਂ ਵਿੱਚ ਦਿਖਾਈਆਂ ਜਾਂਦੀਆਂ ਹਨ। ਜਦੋਂ ਤੁਸੀਂ ਆਪਣੇ Apple ਖਾਤੇ ਤੋਂ ਲੈਣ ਦੇਣ ਦਾ ਸੰਚਾਲਨ ਕਰਦੇ ਹੋ, ਤਾਂ Apple ਇਸ ਦੀ ਜਾਂਚ ਕਰ ਸਕਦਾ ਹੈ ਕਿ ਫ਼ਾਈਲ ‘ਤੇ ਮੌਜੂਦ ਕੋਈ Apple ਖਾਤਾ ਭੁਗਤਾਨ ਵਿਧੀ Apple Pay ਦੇ ਯੋਗ ਹੈ ਜਾਂ ਨਹੀਂ। ਜੇਕਰ ਅਜਿਹਾ ਹੈ, ਤਾਂ ਤੁਹਾਡੀ ਭੁਗਤਾਨ ਜਾਣਕਾਰੀ ਦੀ ਸੁਰੱਖਿਆ ਵਿੱਚ ਮਦਦ ਦੇ ਲਈ, Apple ਉਸ ਭੁਗਤਾਨ ਵਿਧੀ ਲਈ Apple Pay ਨੂੰ ਸਮਰੱਥ ਕਰ ਸਕਦਾ ਹੈ। ਤੁਸੀਂ ਕਿਸੇ ਵੀ ਸਮੇਂ ਆਪਣੇ iOS, iPadOS ਜਾਂ visionOS ਡਿਵਾਈਸ ’ਤੇ ਸੈਟਿੰਗਾਂ > [ਤੁਹਾਡਾ ਨਾਮ] > ਭੁਗਤਾਨ ਅਤੇ ਸ਼ਿਪਿੰਗ ’ਤੇ ਜਾ ਕੇ ਆਪਣੇ Apple ਖਾਤੇ ਦੀਆਂ ਭੁਗਤਾਨ ਵਿਧੀਆਂ ਵਿੱਚ ਸੋਧ ਕਰ ਸਕਦੇ ਹੋ। ਆਪਣੇ Mac ’ਤੇ, ਸਿਸਟਮ ਸੈਟਿੰਗਾਂ > [ਤੁਹਾਡਾ ਨਾਮ] > ਭੁਗਤਾਨ ਅਤੇ ਸ਼ਿਪਿੰਗ ’ਤੇ ਜਾਓ।

Apple ਵੱਲੋਂ ਤੁਹਾਡੀ ਭੁਗਤਾਨ ਦੀ ਜਾਣਕਾਰੀ ਨੂੰ ਟ੍ਰਾਂਸਮਿਟ ਕੀਤਾ ਜਾਂਦਾ ਹੈ ਪਰ ਸਟੋਰ ਨਹੀਂ ਕੀਤਾ ਜਾਂਦਾ ਹੈ

ਤੁਹਾਡੀ ਭੁਗਤਾਨ ਜਾਣਕਾਰੀ ਨੂੰ ਐਪਾਂ, ਵੈੱਬਸਾਈਟਾਂ ਅਤੇ ਕਾਰੋਬਾਰੀ ਚੈਟ ਵਿੱਚ ਰੱਖਿਅਤ ਤਰੀਕੇ ਨਾਲ ਟ੍ਰਾਂਸਮਿਟ ਕਰਨ ਲਈ, ਇਸ ਨੂੰ ਇਨਕ੍ਰਿਪਟ ਕੀਤੇ ਰੂਪ ਵਿੱਚ Apple ਨੂੰ ਭੇਜਿਆ ਜਾਂਦਾ ਹੈ ਜਿੱਥੇ ਇਸ ਜਾਣਕਾਰੀ ਨੂੰ ਸੰਖੇਪ ਰੂਪ ਵਿੱਚ ਡੀਕ੍ਰਿਪਟ ਅਤੇ ਵਪਾਰੀ-ਵਿਸ਼ੇਸ਼ ਕੁੰਜੀ ਨਾਲ ਇਨਕ੍ਰਿਪਟ ਕੀਤਾ ਜਾਂਦਾ ਹੈ, ਤਾਂ ਜੋ ਸਿਰਫ਼ ਵਪਾਰੀ, ਡਿਵੈਲਪਰ ਜਾਂ ਉਹਨਾਂ ਦਾ ਭੁਗਤਾਨ ਪ੍ਰੋਸੈਸਰ ਹੀ ਭੁਗਤਾਨ ਜਾਣਕਾਰੀ ਨੂੰ ਡੀਕ੍ਰਿਪਟ ਕਰ ਸਕੇ। ਜਦੋਂ ਤੁਸੀਂ ਕਿਸੇ ਅਜਿਹੇ Mac ‘ਤੇ ਭੁਗਤਾਨ ਕਰਦੇ ਹੋ, ਜਿਸ ਵਿੱਚ ਕਾਰਡ ਨਹੀਂ ਜੋੜਿਆ ਜਾ ਸਕਦਾ ਹੈ, ਤਾਂ Mac ਅਤੇ ਅਧਿਕਾਰਤ ਡਿਵਾਈਸ ਵਿਚਕਾਰ Apple ਸਰਵਰ ਰਾਹੀਂ ਇਨਕ੍ਰਿਪਟ ਚੈਨਲ ‘ਤੇ ਸੰਚਾਰ ਕੀਤਾ ਜਾਂਦਾ ਹੈ। Apple ਵੱਲੋਂ ਇਸ ਵਿੱਚੋਂ ਕਿਸੇ ਵੀ ਜਾਣਕਾਰੀ ਨੂੰ ਅਜਿਹੇ ਤਰੀਕੇ ਨਾਲ ਸੰਭਾਲ ਕੇ ਨਹੀਂ ਰੱਖਿਆ ਜਾਂਦਾ, ਜਿਸ ਤੋਂ ਤੁਹਾਡੀ ਨਿੱਜੀ ਪਛਾਣ ਹੋ ਸਕੇ।

Apple Pay ਵੱਲੋਂ ਤੁਹਾਨੂੰ ਤੀਜੀ ਧਿਰ ਦੇ ਬ੍ਰਾਊਜ਼ਰ ਰਾਹੀਂ ਭੁਗਤਾਨ ਕਰਨ ਅਤੇ ਲੈਣ-ਦੇਣ ਨੂੰ ਅਧਿਕਾਰਤ ਬਣਾਉਣ ਲਈ Apple Pay ਸਮਰਥਿਤ ਡਿਵਾਈਸ ਦੀ ਵਰਤੋਂ ਕਰਨ ਦੀ ਵੀ ਆਗਿਆ ਦਿੱਤੀ ਜਾਂਦੀ ਹੈ। ਇਸ ਫ਼ੀਚਰ ਦੀ ਵਰਤੋਂ ਕਰਦੇ ਸਮੇਂ Apple ਵੱਲੋਂ ਤੀਜੀ ਧਿਰ ਦੇ ਬ੍ਰਾਊਜ਼ਰ ਅਤੇ ਤੁਹਾਡੇ ਅਧਿਕਾਰਤ ਡਿਵਾਈਸ ਵਿਚਕਾਰ Apple ਸਰਵਰ ਰਾਹੀਂ ਇੱਕ ਸੰਚਾਰ ਚੈਨਲ ਬਣਾਇਆ ਜਾਵੇਗਾ, ਜਿਸ ਨਾਲ ਤੁਸੀਂ ਆਪਣੇ ਸ਼ਿਪਿੰਗ ਅਤੇ ਭੁਗਤਾਨ ਵੇਰਵੇ ਅੱਪਡੇਟ ਕਰ ਸਕੋਗੇ ਅਤੇ ਆਪਣਾ ਪ੍ਰਮਾਣੀਕਰਨ ਦੇ ਸਕੋਗੇ। ਤੁਹਾਡੀ ਸ਼ਿਪਿੰਗ ਅਤੇ ਬਿਲਿੰਗ ਜਾਣਕਾਰੀ ਅਤੇ ਵਪਾਰੀ ਦੇ ਖ਼ਰਚਿਆਂ ਬਾਰੇ ਜਾਣਕਾਰੀ ਜਿਵੇਂ ਕਿ ਤੁਹਾਡੀ ਖ਼ਰੀਦਦਾਰੀ ਨਾਲ ਸੰਬੰਧਿਤ ਟੈਕਸ ਜਾਂ ਸ਼ਿਪਿੰਗ ਫ਼ੀਸ ਕੁਝ ਸਮੇਂ ਲਈ Apple ਨੂੰ ਦਿਖਾਈ ਦੇਵੇਗੀ। Apple ਵੱਲੋਂ ਇਸ ਵਿੱਚੋਂ ਕਿਸੇ ਵੀ ਜਾਣਕਾਰੀ ਨੂੰ ਅਜਿਹੇ ਤਰੀਕੇ ਨਾਲ ਸੰਭਾਲ ਕੇ ਨਹੀਂ ਰੱਖਿਆ ਜਾਂਦਾ, ਜਿਸ ਤੋਂ ਤੁਹਾਡੀ ਨਿੱਜੀ ਪਛਾਣ ਹੋ ਸਕੇ।

Apple Pay ਆਰਡਰ ਟ੍ਰੈਕਿੰਗ

Apple Pay ਖ਼ਰੀਦਦਾਰੀ ਕਰਨ ‘ਤੇ ਤੁਹਾਨੂੰ ਆਰਡਰ ਟ੍ਰੈਕਿੰਗ ਦੇਣ ਲਈ, ਭਾਗੀਦਾਰ ਵਪਾਰੀ ਵੱਲੋਂ ਤੁਹਾਡੇ ਡਿਵਾਈਸ ਦੀ ਡਿਵਾਈਸ-ਸੀਮਤ ਆਰਡਰ ਜਾਣਕਾਰੀ ਦੀ ਵਰਤੋਂ, ਤੁਹਾਡਾ ਆਰਡਰ ਟ੍ਰੈਕ ਕਰਨ ਲਈ ਕੀਤੀ ਜਾ ਸਕਦੀ ਹੈ। ਅਤੇ Apple ਵੱਲੋਂ ਵਪਾਰੀ ਨੂੰ ਵਪਾਰੀ ਵਿਸ਼ੇਸ਼ ਡਿਵਾਈਸ ਪਛਾਣਕਰਤਾ ਅਤੇ ਇੱਕ Push ਟੋਕਨ ਪ੍ਰਦਾਨ ਕੀਤਾ ਜਾਂਦਾ ਹੈ, ਜਿਸ ਦੀ ਵਰਤੋਂ ਵਪਾਰੀ ਵੱਲੋਂ ਡਿਵਾਈਸ ਨੂੰ ਆਰਡਰ ਅੱਪਡੇਟ ਦੇਣ ਲਈ ਕੀਤੀ ਜਾ ਸਕਦੀ ਹੈ। Apple ਵੱਲੋਂ ਵਪਾਰੀ ਅੱਪਡੇਟ ਨੂੰ ਅਸਾਨ ਬਣਾਇਆ ਜਾਂਦਾ ਹੈ ਪਰ Apple ਵੱਲੋਂ ਆਰਡਰ ਸੰਬੰਧੀ ਜਾਣਕਾਰੀ ਸਟੋਰ ਨਹੀਂ ਕੀਤੀ ਜਾਂਦੀ ਅਤੇ ਨਾ ਹੀ ਇਸ ਗੱਲ ਨੂੰ ਟ੍ਰੈਕ ਕੀਤਾ ਜਾਂਦਾ ਹੈ ਕਿ ਕਿੰਨੀ ਵਾਰ ਅਤੇ ਕਿਹੜੇ ਵਪਾਰੀ ਆਰਡਰ ਅੱਪਡੇਟ ਭੇਜਦੇ ਹਨ। ਆਰਡਰ ਟ੍ਰੈਕਿੰਗ ਜਾਣਕਾਰੀ ਤੁਹਾਡੇ ਡਿਵਾਈਸ ‘ਤੇ ਸਥਾਨਕ ਤੌਰ ‘ਤੇ ਸਟੋਰ ਕੀਤੀ ਜਾਂਦੀ ਹੈ ਅਤੇ ਇਸ ਜਾਣਕਾਰੀ ਦੀ ਇਨਕ੍ਰਿਪਟ ਕੀਤੀ ਨਕਲ ਸਿੰਕ ਕਰ ਕੇ ਸਾਰੇ ਡਿਵਾਈਸਾਂ ‘ਤੇ ਅੱਪ-ਟੂ-ਡੇਟ ਰੱਖੀ ਜਾਂਦੀ ਹੈ ਜੋ Apple ਵੱਲੋਂ ਐਕਸੈੱਸ ਨਹੀਂ ਕੀਤੀ ਜਾ ਸਕਦੀ। ਤੁਸੀਂ ਕਿਸੇ ਵੀ ਸਮੇਂ ਵੌਲਿਟ ਵਿੱਚ ਹੋਰ ਬਟਨ ’ਤੇ ਟੈਪ ਕਰ ਕੇ, ਫਿਰ ਆਰਡਰ ’ਤੇ ਟੈਪ ਕਰ ਕੇ, ਖ਼ਾਸ ਆਰਡਰ ’ਤੇ ਟੈਪ ਕਰ ਕੇ ਅਤੇ ਆਰਡਰ ਦਾ ਪ੍ਰਬੰਧਨ ਕਰੋ ’ਤੇ ਟੈਪ ਕਰ ਕੇ ਆਪਣੇ Apple Pay ਆਰਡਰਾਂ ਦਾ ਪ੍ਰਬੰਧਨ ਕਰ ਸਕਦੇ ਹੋ। ਤੁਸੀਂ ਵੌਲਿਟ ਵਿੱਚ ਹੋਰ ਬਟਨ ’ਤੇ ਟੈਪ ਕਰ ਕੇ, ਫਿਰ ਆਰਡਰ ’ਤੇ ਟੈਪ ਕਰ ਕੇ, ਖ਼ਾਸ ਆਰਡਰ ’ਤੇ ਟੈਪ ਕਰ ਕੇ, ਫਿਰ ਸੂਚਨਾਵਾਂ ਮਿਊਟ ਕਰੋ ’ਤੇ ਟੈਪ ਕਰ ਕੇ ਆਰਡਰਾਂ ਸੰਬੰਧੀ ਸੂਚਨਾਵਾਂ ਦਾ ਵੀ ਪ੍ਰਬੰਧਨ ਕਰ ਸਕਦੇ ਹੋ।

ਜਦੋਂ ਤੁਸੀਂ ਆਪਣੇ ਖਾਤੇ ਤੋਂ ਸਾਈਨ ਆਊਟ ਕਰਦੇ ਹੋ, ਤਾਂ ਤੁਹਾਡੇ ਡਿਵਾਈਸ ਵਿੱਚ ਹਾਲੇ ਵੀ ਆਰਡਰ ਸੰਬੰਧੀ ਸੀਮਤ ਜਾਣਕਾਰੀ ਸਾਂਭ ਕੇ ਰੱਖੀ ਜਾ ਸਕਦੀ ਹੈ, ਜਿਸ ਲਈ ਡਿਵਾਈਸ ਵਿੱਚ ਅੱਪਡੇਟ ਆ ਰਹੇ ਹਨ। ਇਹ ਜਾਣਕਾਰੀ ਡਿਵਾਈਸ ਵਰਤੋਂਕਾਰ ਨੂੰ ਦਿਖਾਈ ਨਹੀਂ ਦੇਵੇਗੀ, ਇਸ ਨੂੰ ਥੋੜੇ ਸਮੇਂ ਲਈ ਸਾਂਭ ਕੇ ਰੱਖਿਆ ਜਾਵੇਗਾ ਅਤੇ ਤੁਹਾਡੇ ਡਿਵਾਈਸ ਵੱਲੋਂ ਤੁਹਾਡੇ ਆਰਡਰ ਸੰਬੰਧੀ ਜਾਣਕਾਰੀ ਦੇ ਅਣਅਧਿਕਾਰਤ ਐਕਸੈੱਸ ਨੂੰ ਰੋਕਣ ਲਈ ਸਾਈਨ ਆਊਟ ਤੋਂ ਬਾਅਦ ਡਿਵਾਈਸ ਨੂੰ ਸਿਰਫ਼ ਅੱਪਡੇਟ ਭੇਜਣ ਤੋਂ ਰੋਕਣ ਲਈ ਵਰਤੋਂ ਕੀਤੀ ਜਾ ਸਕਦੀ ਹੈ।

ਤੀਜੀ-ਧਿਰ ਦੀਆਂ ਐਪਾਂ ਨਾਲ ਖਾਤਾ ਗਤੀਵਿਧੀ ਨੂੰ ਸਾਂਝਾ ਕਰਨਾ

ਤੁਸੀਂ ਆਪਣੇ Apple Card, Saving, Apple Cash ਅਤੇ ਹੋਰ ਕਨੈਕਟ ਕੀਤੇ ਕਾਰਡ ਖਾਤੇ ਦੇ ਵੇਰਵੇ ਅਤੇ ਲੈਣ-ਦੇਣ ਹਿਸਟਰੀ ਨੂੰ App Store ਦੀਆਂ ਤੁਹਾਡੀਆਂ ਭਰੋਸੇਯੋਗ ਭਾਗੀਦਾਰ ਨਿੱਜੀ ਵਿੱਤੀ ਪ੍ਰਬੰਧਨ ਐਪਾਂ ਨਾਲ ਸਾਂਝਾ ਕਰ ਸਕਦੇ ਹੋ। ਐਪਾਂ ਨੂੰ ਵੌਲਿਟ ਵਿੱਚ Apple Pay ਤੋਂ ਤੁਹਾਡੇ ਖਾਤੇ ਦੀ ਗਤੀਵਿਧੀ ਪੜ੍ਹਨ ਦੀ ਸਮਰੱਥਾ ਲਈ ਬੇਨਤੀ ਕਰਨੀ ਪਵੇਗੀ। ਤੁਹਾਡੇ ਕੋਲ ਇਨ੍ਹਾਂ ਐਪਾਂ ਨਾਲ ਸਾਂਝੇ ਕੀਤੇ ਜਾਣ ਵਾਲੇ ਡੇਟਾ ਦਾ ਕੰਟਰੋਲ ਹੈ ਅਤੇ ਤੁਸੀਂ ਕਦੇ ਵੀ ਬਦਲ ਸਕਦੇ ਹੋ ਕਿ ਕੀ ਸਾਂਝਾ ਕੀਤਾ ਜਾਣਾ ਹੈ। ਤੁਹਾਡੇ ਵੱਲੋਂ ਤੀਜੀ ਧਿਰ ਦੀ ਐਪ ਨਾਲ ਸਾਂਝੀ ਕਰਨ ਲਈ ਚੁਣੀ ਗਈ ਖਾਤਾ ਗਤੀਵਿਧੀ ਨੂੰ ਉਸ ਐਪ ਦੀ ਪਰਦੇਦਾਰੀ ਨੀਤੀ ਦੇ ਆਧਾਰ ‘ਤੇ ਵਿਹਾਰ ਵਿੱਚ ਲਿਆਂਦਾ ਜਾਵੇਗਾ। ਜਦੋਂ ਤੁਸੀਂ ਆਪਣੀ ਖਾਤਾ ਗਤੀਵਿਧੀ ਸਾਂਝੀ ਕਰਦੇ ਹੋ, ਤਾਂ Apple ਵੱਲੋਂ ਤੁਹਾਡੇ ਖਾਤੇ ਦੇ ਵੇਰਵੇ ਜਾਂ ਲੈਣ-ਦੇਣ ਦੀ ਹਿਸਟਰੀ ਨੂੰ ਦੇਖਿਆ ਜਾਂ ਸਟੋਰ ਨਹੀਂ ਕੀਤਾ ਜਾ ਸਕਦਾ।

ਨਿੱਜੀ ਡੇਟਾ ‘ਤੇ ਪ੍ਰਕਿਰਿਆ ਕਰਨ ਲਈ ਲਾਗੂ ਕਾਨੂੰਨੀ ਆਧਾਰ

ਅਸੀਂ ਤੁਹਾਡੇ Apple Pay ਦੇ ਨਿੱਜੀ ਡੇਟਾ ਨੂੰ ਆਮ ਤੌਰ ‘ਤੇ Apple ਨਾਲ ਤੁਹਾਡੇ ਇਕਰਾਰਨਾਮੇ ਦੀ ਕਾਰਗੁਜ਼ਾਰੀ ਲਈ ਪ੍ਰਕਿਰਿਆ ਵਿੱਚ ਲੈ ਕੇ ਆਉਂਦੇ ਹਾਂ ਜੋ ਕਿ ਸੇਵਾ ਪ੍ਰਦਾਨ ਕਰਨ ਅਤੇ ਸਾਡੀਆਂ ਕਾਨੂੰਨੀ ਜ਼ਿੰਮੇਵਾਰੀਆਂ ਦੀ ਪਾਲਣਾ ਕਰਨ ਲਈ ਜ਼ਰੂਰੀ ਹੁੰਦਾ ਹੈ। ਜਿੱਥੇ ਸਹਿਮਤੀ ਢੁਕਵੇਂ ਕਾਨੂੰਨੀ ਆਧਾਰ ਵਜੋਂ ਹੋਵੇ, ਉੱਥੇ ਅਸੀਂ ਇਸ ਨੂੰ ਲਾਗੂ ਸਥਾਨਕ ਕਾਨੂੰਨ ਦੇ ਅਨੁਸਾਰ ਪ੍ਰਾਪਤ ਕਰਦੇ ਹਾਂ।

ਜਿੱਥੇ ਲਾਗੂ ਸਥਾਨਕ ਕਾਨੂੰਨ ਆਗਿਆ ਦਿੰਦਾ ਹੈ, ਅਸੀਂ ਆਪਣੇ ਜਾਂ ਕਿਸੇ ਤੀਜੀ ਧਿਰ ਦੇ ਜਾਇਜ਼ ਹਿੱਤਾਂ ਦੇ ਉਦੇਸ਼ਾਂ ਲਈ ਲੋੜ ਅਨੁਸਾਰ ਨਿੱਜੀ ਡੇਟਾ ਦੀਆਂ ਹੇਠ ਲਿਖੀਆਂ ਸ਼੍ਰੇਣੀਆਂ ਨੂੰ ਪ੍ਰਕਿਰਿਆ ਕਰਦੇ ਹਾਂ, ਜਿਸ ਵਿੱਚ ਇਸ ਬਾਰੇ ਜਾਣਕਾਰੀ ਸ਼ਾਮਲ ਹੈ:

• ਤੁਹਾਡਾ ਖਾਤਾ, ਜਿਵੇਂ ਕਿ ਕੀ ਤੁਹਾਡਾ ਖਾਤਾ ਕਿਰਿਆਸ਼ੀਲ ਹੈ ਜਾਂ ਨਹੀਂ
• ਤੁਹਾਡਾ ਡਿਵਾਈਸ, ਜਿਵੇਂ ਕਿ ਡਿਵਾਈਸ ਦੀ ਕਿਸਮ, ਸੌਫ਼ਟਵੇਅਰ ਸੰਸਕਰਨ ਅਤੇ ਡਿਵਾਈਸ ਦਾ ਸੀਰੀਅਲ ਨੰਬਰ
• ਤੁਹਾਡਾ ਪਾਸ ਜਿਵੇਂ ਕਿ ਪਾਸ ‘ਤੇ ਦਰਸਾਈ ਗਈ ਜਾਣਕਾਰੀ
• ਤੁਹਾਡਾ ਪਾਸ ਜਾਰੀਕਰਤਾ, ਜਿਵੇਂ ਕਿ ਪਾਸ ‘ਤੇ ਅੱਪਡੇਟ ਪ੍ਰਦਾਨ ਕਰਨ ਲਈ ਤੀਜੀ ਧਿਰ ਅਧਿਕਾਰਤ ਹੈ
• ਤੁਹਾਡੇ ਵੱਲੋਂ Apple Pay ਦੀ ਵਰਤੋਂ ਜਿਵੇਂ ਕਿ Apple Pay ਪਾਸਾਂ ਦੀ ਗਿਣਤੀ ਜਿਨ੍ਹਾਂ ਨੂੰ ਤੁਸੀਂ ਸ਼ਾਮਲ ਕੀਤਾ ਹੈ
• ਤੁਹਾਡਾ ਟਿਕਾਣਾ

ਇਨ੍ਹਾਂ ਜਾਇਜ਼ ਹਿੱਤਾਂ ਵਿੱਚ ਸ਼ਾਮਲ ਹੈ:

• ਪਾਸ ਨੂੰ ਜੋੜਨਾ ਅਤੇ ਪ੍ਰਬੰਧਿਤ ਕਰਨਾ
• ਤੁਹਾਡੇ ਅਤੇ ਹੋਰ ਲੋਕਾਂ ਲਈ ਸਰਵਿਸ ਨੂੰ ਬਿਹਤਰ ਬਣਾਉਣ ਅਤੇ ਅਨੁਕੂਲ ਬਣਾਉਣ ਵਿੱਚ ਮਦਦ ਕਰਨਾ
• ਅਜਿਹੇ ਫ਼ੀਚਰ ਖੋਜਣ ਵਿੱਚ ਤੁਹਾਡੀ ਮਦਦ ਕਰਨਾ ਜੋ ਤੁਹਾਡੇ ਲਈ ਸਭ ਤੋਂ ਵੱਧ ਪ੍ਰਸੰਗਿਕ ਹਨ
• ਯੋਗਤਾ ਦੀ ਜਾਂਚ ਕਰਨਾ
• ਤੁਹਾਡੇ ਵੱਲੋਂ ਬੇਨਤੀ ਕੀਤੀਆਂ ਗਈਆਂ ਸੇਵਾਵਾਂ ਪ੍ਰਦਾਨ ਕਰਨਾ
• ਤੁਹਾਨੂੰ Apple Pay ਅਤੇ ਹੋਰ Apple ਉਤਪਾਦਾਂ, ਸੇਵਾਵਾਂ ਅਤੇ ਪੇਸ਼ਕਸ਼ਾਂ ਬਾਰੇ ਸੰਚਾਰ ਭੇਜਣਾ, ਜਿਸ ਵਿੱਚ ਤੁਹਾਡੀ ਰੁਚੀ ਹੋਵੇ
• ਧੋਖਾਧੜੀ ਅਤੇ ਹੋਰ ਸ਼ੱਕੀ ਗਤੀਵਿਧੀ ਨੂੰ ਰੋਕਣਾ

ਹੋਰ ਜਾਣਕਾਰੀ

ਵੌਲਿਟ ਅਤੇ Apple Pay ਫ਼ੀਚਰ ਲਈ ਯੋਗਤਾ ਨਿਰਧਾਰਤ ਕਰਨ ਵਾਸਤੇ ਜਦੋਂ ਤੁਸੀਂ ਵੌਲਿਟ ਵਿੱਚ ਕਿਸੇ ਕਾਰਡ ‘ਤੇ ਟੈਪ ਕਰਦੇ ਹੋ, ਤਾਂ Apple ਵੱਲੋਂ ਕਾਰਡ ਜਾਰੀ ਕਰਨ ਵਾਲੇ ਦੇਸ਼ ਅਤੇ ਫ਼ੀਚਰ ਵਿੱਚ ਜਾਰੀਕਰਤਾ ਦੇ ਭਾਗ ਲੈਣ ਜਾਂ ਨਾ ਲੈਣ ਬਾਰੇ ਫ਼ੀਚਰ ਦੀ ਯੋਗਤਾ ਦੀ ਜਾਂਚ ਕੀਤੀ ਜਾਂਦੀ ਹੈ।

ਜੇਕਰ ਤੁਹਾਡੇ ਡਿਵਾਈਸ ਵਿੱਚ ਟਿਕਾਣਾ ਸੇਵਾਵਾਂ ਚਾਲੂ ਹਨ, ਤਾਂ ਤੁਹਾਡੇ ਵੱਲੋਂ ਸਟੋਰ ਵਿੱਚ ਖ਼ਰੀਦਦਾਰੀ ਕਰਨ ਲਈ ਤੁਹਾਡੇ ਡਿਵਾਈਸ ਦੀ ਵਰਤੋਂ ਸਮੇਂ ਇਸ ਦੇ ਟਿਕਾਣੇ ਨੂੰ ਅਗਿਆਤ ਰੂਪ ਵਿੱਚ Apple ਨੂੰ ਭੇਜਿਆ ਜਾਵੇਗਾ ਅਤੇ ਵੌਲਿਟ ਕਾਰਡ ਲੈਣ-ਦੇਣ ਹਿਸਟਰੀ ਵਿੱਚ ਕਾਰੋਬਾਰੀ ਨਾਮਾਂ ਦੀ ਸਟੀਕਤਾ ਨੂੰ ਬਿਹਤਰ ਬਣਾਉਣ ਲਈ Apple Pay ਦੀ ਮਦਦ ਵਾਸਤੇ ਵਰਤਿਆ ਜਾਵੇਗਾ ਅਤੇ Apple ਨਕਸ਼ੇ, Apple Pay, ਅਤੇ ਵੌਲਿਟ ਨੂੰ ਬਿਹਤਰ ਬਣਾਉਣ ਲਈ ਸਮੁੱਚੇ ਤੌਰ ‘ਤੇ ਸਾਂਭ ਕੇ ਰੱਖਿਆ ਜਾ ਸਕਦਾ ਹੈ। ਤੁਸੀਂ Apple Pay ਦੇ ਇਸ ਟਿਕਾਣਾ ਆਧਾਰਿਤ ਫ਼ੰਕਸ਼ਨ ਨੂੰ ਕਿਸੇ ਵੀ ਸਮੇਂ ਆਪਣੇ iOS, iPadOS ਜਾਂ visionOS ਡਿਵਾਈਸ ਵਿੱਚ ਸੈਟਿੰਗਾਂ > ਪਰਦੇਦਾਰੀ ਅਤੇ ਸੁਰੱਖਿਆ > ਟਿਕਾਣਾ ਸੇਵਾਵਾਂ > ਸਿਸਟਮ ਸੇਵਾਵਾਂ ’ਤੇ ਜਾ ਕੇ ਅਤੇ Apple Pay ਵਪਾਰੀ ਪਛਾਣ ਨੂੰ ਬੰਦ ਕਰਨ ਲਈ ਟੈਪ ਕਰ ਕੇ ਅਸਮਰੱਥ ਕਰ ਸਕਦੇ ਹੋ। ਆਪਣੇ Mac ’ਤੇ ਸਿਸਟਮ ਸੈਟਿੰਗਾਂ > ਪਰਦੇਦਾਰੀ ਅਤੇ ਸੁਰੱਖਿਆ > ਟਿਕਾਣਾ ਸੇਵਾਵਾਂ ’ਤੇ ਜਾਓ, ਫਿਰ ਵੌਲਿਟ ਨੂੰ ਬੰਦ ਕਰਨ ਲਈ ਕਲਿੱਕ ਕਰੋ।

Apple Pay ਨੂੰ ਬਿਹਤਰ ਬਣਾਉਣ ਲਈ, Apple ਵੱਲੋਂ ਤੁਹਾਡੇ Apple Pay ਦੀ ਵਰਤੋਂ ਸੰਬੰਧੀ ਜਾਣਕਾਰੀ ਇਕੱਠੀ ਕਰ ਕੇ ਇਸ ਤਰ੍ਹਾਂ ਸਟੋਰ ਕੀਤੀ ਜਾਂਦੀ ਹੈ, ਜਿਸ ਨਾਲ ਤੁਹਾਡੀ ਵਿਅਕਤੀਗਤ ਪਛਾਣ ਪ੍ਰਗਟ ਨਹੀਂ ਹੁੰਦੀ। ਇਸ ਜਾਣਕਾਰੀ ਵਿੱਚ ਤੁਹਾਡੇ ਵੱਲੋਂ Apple Pay ਦੀ ਵਰਤੋਂ ਕਰ ਕੇ ਆਪਣਾ ਕਾਰਡ ਸਫਲਤਾਪੂਰਵਕ ਜੋੜਣ ਅਤੇ ਲੈਣ-ਦੇਣ ਪੂਰਾ ਕਰਨ ਵਿੱਚ ਲੱਗਣ ਵਾਲਾ ਸਮਾਂ ਵੀ ਸ਼ਾਮਲ ਹੁੰਦਾ ਹੈ। Apple ਵੱਲੋਂ ਅਜਿਹੇ ਸੰਕੇਤ ਰੱਖੇ ਜਾਂਦੇ ਹਨ ਜੋ ਇਸ ਗੱਲ ਨੂੰ ਸੂਚਿਤ ਕਰਦੇ ਹਨ ਕਿ ਤੁਸੀਂ Apple Pay ’ਤੇ ਕਿਰਿਆਸ਼ੀਲ ਹੋ ਕੇ ਲੈਣ-ਦੇਣ ਕਰਦੇ ਹੋ ਜਾਂ ਨਹੀਂ, ਜਿਵੇਂ ਕਿ ਕੀ ਤੁਸੀਂ ਪਿਛਲੇ ਹਫ਼ਤੇ Apple Pay ਤੋਂ ਕੋਈ ਖ਼ਰੀਦਦਾਰੀ ਕੀਤੀ ਹੈ। ਇਹਨਾਂ ਸੰਕੇਤਾਂ ਦੀ ਗਿਣਤੀ ਤੁਹਾਡੇ ਡਿਵਾਈਸ ’ਤੇ ਕੀਤੀ ਜਾਂਦੀ ਹੈ ਅਤੇ ਇਸ ਦੇ ਲਈ ਤੁਹਾਨੂੰ Apple ਨਾਲ ਇਹਨਾਂ ਅੰਦਰਲੀ ਖ਼ਰੀਦਦਾਰੀ ਜਾਂ ਗਤੀਵਿਧੀ ਸੰਬੰਧੀ ਜਾਣਕਾਰੀ ਨੂੰ ਸਾਂਝਾ ਕਰਨ ਦੀ ਲੋੜ ਨਹੀਂ ਹੁੰਦੀ। Apple ਵੱਲੋਂ ਇਸ ਜਾਣਕਾਰੀ ਦੀ ਵਰਤੋਂ Apple ਦੇ ਹੋਰ ਉਤਪਾਦਾਂ ਤੇ ਸੇਵਾਵਾਂ ਨੂੰ ਸੁਧਾਰਨ, ਮਾਰਕਿਟਿੰਗ ਅਤੇ ਧੋਖਾਧੜੀ ਤੇ ਸੁਰੱਖਿਆ ਉਦੇਸ਼ਾਂ ਲਈ ਕੀਤੀ ਜਾ ਸਕਦੀ ਹੈ।

ਕਿਸੇ ਵੀ ਕਾਰਡ ਧਾਰਕ, ਵਰਤੋਂਕਾਰ, ਵਪਾਰੀ ਸਮਝੌਤੇ ਦੀਆਂ ਸ਼ਰਤਾਂ ਜਾਂ ਹੋਰ ਨਿਯਮ ਅਤੇ ਸ਼ਰਤਾਂ Apple Pay ਦੇ ਫ਼ੀਚਰਾਂ ਦੀ ਵਰਤੋਂ ਲਈ ਲਾਗੂ ਹੋਣਗੀਆਂ, ਇਹ ਸ਼ਰਤਾਂ ਤੁਹਾਡੇ ਕਾਰਡ ਦੀ ਵਰਤੋਂ ਅਤੇ Apple Pay ਸੰਬੰਧੀ ਉਨ੍ਹਾਂ ਦੀ ਵਰਤੋਂ ਨੂੰ ਕਾਬੂ ਵਿੱਚ ਰੱਖਣਾ ਜਾਰੀ ਰੱਖਣਗੀਆਂ, ਅਜਿਹੀਆਂ ਸ਼ਰਤਾਂ ਦੀਆਂ ਵਾਧੂ ਪਰਦੇਦਾਰੀ ਨੀਤੀਆਂ ਹੋ ਸਕਦੀਆਂ ਹਨ। Apple ਜਾਂ Apple Pay ਸੁਵਿਧਾ ਪ੍ਰਦਾਨ ਕਰਨ ਵਾਲੀਆਂ ਇਸ ਦੀਆਂ ਸਹਾਇਕ ਕੰਪਨੀਆਂ ਕੋਈ ਬੈਂਕ ਨਹੀਂ ਹਨ ਅਤੇ ਇਹ ਨੋਟਿਸ ਤੁਹਾਡੇ ਬੈਂਕ ਵੱਲੋਂ ਤੁਹਾਨੂੰ ਭੇਜੇ ਗਏ ਨੋਟਿਸ ਤੋਂ ਵੱਖਰਾ ਹੈ। Apple Pay ਦੀ ਵਰਤੋਂ ਸੰਬੰਧੀ ਜੇਕਰ Apple ਨੂੰ ਧੋਖਾਧੜੀ ਦਾ ਸ਼ੱਕ ਹੁੰਦਾ ਹੈ, ਤਾਂ ਧੋਖਾਧੜੀ ਨੂੰ ਰੋਕਣ ਲਈ ਧੋਖਾਧੜੀ ਦੀ ਸੰਭਾਵਨਾ ਵਾਲੇ Apple ਖਾਤੇ ਅਤੇ ਲੈਣ-ਦੇਣ ਨੂੰ ਤੁਹਾਡੇ ਕਾਰਡ ਜਾਰੀਕਰਤਾ ਜਾਂ ਭੁਗਤਾਨ ਨੈੱਟਵਰਕ ਪ੍ਰਦਾਤਾ ਨਾਲ ਸਾਂਝਾ ਕੀਤਾ ਜਾ ਸਕਦਾ ਹੈ।

Apple ਵੱਲੋਂ ਨਿੱਜੀ ਡੇਟਾ ਸਿਰਫ਼ ਉਸ ਸਮੇਂ ਤੱਕ ਪ੍ਰਾਪਤ ਕਰ ਕੇ ਰੱਖਿਆ ਜਾਂਦਾ ਹੈ, ਜਦੋਂ ਤੱਕ ਇਸ ਨੋਟਿਸ ਅਤੇ Apple ਦੀ ਪਰਦੇਦਾਰੀ ਨੀਤੀ ਵਿੱਚ ਦੱਸੇ ਗਏ ਸਮੇਤ ਇਸ ਨੂੰ ਇਕੱਠਾ ਕਰਨ ਦੇ ਉਦੇਸ਼ਾਂ ਨੂੰ ਪੂਰਾ ਕਰਨ ਲਈ ਲੋੜੀਂਦਾ ਹੈ ਜਾਂ ਜਦੋਂ ਤੱਕ ਡੇਟਾ ਨੂੰ ਪ੍ਰਾਪਤ ਕਰ ਕੇ ਰੱਖਣਾ ਕਾਨੂੰਨੀ ਤੌਰ ‘ਤੇ ਉਚਿਤ ਹੁੰਦਾ ਹੈ। ਜਾਣਕਾਰੀ ਨੂੰ ਸਾਂਭ ਕੇ ਰੱਖਣ ਦੇ ਅਰਸੇ ਦਾ ਮੁਲਾਂਕਣ ਕਰਨ ਲਈ ਅਸੀਂ ਪਹਿਲਾਂ ਧਿਆਨ ਨਾਲ ਇਸਦੀ ਪੜਚੋਲ ਕਰਦੇ ਹਾਂ ਕਿ ਕੀ ਇਕੱਠੇ ਕੀਤੇ ਨਿੱਜੀ ਡੇਟਾ ਨੂੰ ਸਾਂਭਣਾ ਲੋੜੀਂਦਾ ਹੈ, ਜੇ ਹਾਂ, ਤਾਂ ਨਿੱਜੀ ਜਾਣਕਾਰੀ ਨੂੰ ਕਾਨੂੰਨੀ ਤੌਰ ’ਤੇ ਮਾਨਤਾ ਪ੍ਰਾਪਤ ਘੱਟ ਤੋਂ ਘੱਟ ਸਮੇਂ ਲਈ ਸਾਂਭਣ ਦਾ ਕੰਮ ਕਰੋ।

Apple ਵੱਲੋਂ ਇਕੱਤਰ ਕੀਤੀ ਗਈ ਜਾਣਕਾਰੀ ਨੂੰ ਹਮੇਸ਼ਾਂ Apple ਦੀ ਪਰਦੇਦਾਰੀ ਨੀਤੀ ਦੇ ਅਨੁਸਾਰ ਵਰਤਿਆ ਜਾਵੇਗਾ। ਇਸ ਨੂੰ www.apple.com/in/privacy ’ਤੇ ਦੇਖਿਆ ਜਾ ਸਕਦਾ ਹੈ।

2025-12-12