ਟਿਕਾਣਾ ਸੇਵਾਵਾਂ Apple ਅਤੇ ਤੀਜੀ ਧਿਰ ਦੀਆਂ ਐਪਾਂ ਅਤੇ ਵੈੱਬਸਾਈਟਾਂ ਨੂੰ ਵੱਖ-ਵੱਖ ਟਿਕਾਣਾ ਆਧਾਰਿਤ ਸੇਵਾਵਾਂ ਪ੍ਰਦਾਨ ਕਰਨ ਲਈ ਤੁਹਾਡੇ iPhone ਜਾਂ Apple Watch ਦੇ ਮੌਜੂਦਾ ਟਿਕਾਣੇ ਦੇ ਆਧਾਰ ’ਤੇ ਜਾਣਕਾਰੀ ਇਕੱਤਰ ਕਰਨ ਅਤੇ ਇਸ ਦੀ ਵਰਤੋਂ ਕਰਨ ਦੀ ਸਹੂਲਤ ਦਿੰਦੀਆਂ ਹਨ। ਉਦਾਹਰਨ ਲਈ, ਕੋਈ ਐਪ ਤੁਹਾਡੇ ਟਿਕਾਣਾ ਡੇਟਾ ਅਤੇ ਟਿਕਾਣਾ ਖੋਜ ਪੁੱਛਗਿੱਛ ਦੀ ਵਰਤੋਂ ਨੇੜੇ-ਤੇੜੇ ਦੀਆਂ ਕੌਫ਼ੀ ਦੀਆਂ ਦੁਕਾਨਾਂ ਜਾਂ ਥੀਏਟਰਾਂ ਨੂੰ ਲੱਭਣ ਵਿੱਚ ਤੁਹਾਡੀ ਮਦਦ ਕਰਨ ਲਈ ਕਰ ਸਕਦੀ ਹੈ ਜਾਂ ਤੁਹਾਡਾ ਡਿਵਾਈਸ ਤੁਹਾਡੇ ਮੌਜੂਦਾ ਟਿਕਾਣੇ ਦੇ ਆਧਾਰ 'ਤੇ ਆਟੋਮੈਟਿਕਲੀ ਆਪਣਾ ਸਮਾਂ ਖੇਤਰ ਸੈੱਟ ਕਰ ਸਕਦਾ ਹੈ।

ਅਜਿਹੇ ਫ਼ੀਚਰਾਂ ਦੀ ਵਰਤੋਂ ਕਰਨ ਲਈ ਤੁਹਾਨੂੰ ਆਪਣੇ iPhone ’ਤੇ ਟਿਕਾਣਾ ਸੇਵਾਵਾਂ ਨੂੰ ਸਮਰੱਥ ਕਰਨਾ ਪਵੇਗਾ ਅਤੇ ਹਰੇਕ ਐਪ ਜਾਂ ਵੈੱਬਸਾਈਟ ਨੂੰ ਟਿਕਾਣਾ ਸੇਵਾਵਾਂ ਤੋਂ ਟਿਕਾਣਾ ਡੇਟਾ ਪ੍ਰਾਪਤ ਕਰਨ ਤੋਂ ਪਹਿਲਾਂ ਤੁਹਾਡੀ ਇਜਾਜ਼ਤ ਦੀ ਲੋੜ ਪਵੇਗੀ। ਐਪਾਂ ਤੁਹਾਡੇ ਟਿਕਾਣਾ ਡੇਟਾ ਤੱਕ ਸੀਮਤ ਐਕਸੈੱਸ (ਸਿਰਫ਼ ਉਦੋਂ ਜਦੋਂ ਤੁਸੀਂ ਐਪ ਜਾਂ ਅੰਦਾਜ਼ਨ ਟਿਕਾਣੇ ਦੀ ਵਰਤੋਂ ਕਰ ਰਹੇ ਹੋ) ਜਾਂ ਪੂਰਾ ਐਕਸੈੱਸ (ਉਦੋਂ, ਭਾਵੇਂ ਤੁਸੀਂ ਐਪ ਜਾਂ ਸਟੀਕ ਟਿਕਾਣੇ ਦੀ ਵਰਤੋਂ ਨਹੀਂ ਕਰ ਰਹੇ ਹੋ) ਦੀ ਬੇਨਤੀ ਕਰ ਸਕਦੀਆਂ ਹਨ।

ਹਾਲਾਂਕਿ, ਸੁਰੱਖਿਆ ਦੇ ਉਦੇਸ਼ਾਂ ਲਈ ਤੁਹਾਡੇ iPhone ਦੇ ਟਿਕਾਣੇ ਸੰਬੰਧੀ ਜਾਣਕਾਰੀ ਦੀ ਵਰਤੋਂ ਐਮਰਜੈਂਸੀ ਕਾਲ ਕਰਨ ਦੌਰਾਨ ਕੀਤੀ ਜਾ ਸਕਦੀ ਹੈ, ਤਾਂ ਜੋ ਜੇ ਤੁਸੀਂ ਟਿਕਾਣਾ ਸੇਵਾਵਾਂ ਅਸਮਰੱਥ ਕੀਤੀਆਂ ਹੋਣ ਤਾਂ ਵੀ ਸਹਾਇਤਾ ਕੀਤੀ ਜਾ ਸਕੇ।

ਤੁਹਾਡੇ ਡਿਵਾਈਸ ਦੇ ਟਿਕਾਣੇ ਦਾ ਪਤਾ ਲਗਾਉਣ ਲਈ ਟਿਕਾਣਾ ਸੇਵਾਵਾਂ ਵੱਲੋਂ ਕ੍ਰਾਊਡ-ਸੋਰਸ ਕੀਤਾ Wi-Fi ਹੌਟਸਪੌਟ ਅਤੇ ਮੋਬਾਈਲ ਟਾਵਰ ਟਿਕਾਣਿਆਂ ਦੇ ਨਾਲ GPS ਅਤੇ Bluetooth (ਜਿੱਥੇ ਵੀ ਉਪਲਬਧ ਹੋਵੇ) ਸਮੇਤ ਡਿਵਾਈਸ ਸੈਂਸਰ ਦੀ ਵਰਤੋਂ ਕੀਤੀ ਜਾਂਦੀ ਹੈ।

ਤੁਹਾਡੀ Apple Watch ਤੁਹਾਡੇ ਪੇਅਰ ਕੀਤੇ iPhone ਦੇ ਟਿਕਾਣੇ ਦੀ ਵਰਤੋਂ ਕਰ ਸਕਦੀ ਹੈ, ਜੇਕਰ ਇਹ ਨੇੜੇ-ਤੇੜੇ ਹੈ।

ਟਿਕਾਣਾ ਸੇਵਾਵਾਂ ਨੂੰ ਸਮਰੱਥ ਕਰਨ ਨਾਲ ਇਸ ਤਰ੍ਹਾਂ ਦੀਆਂ ਟਿਕਾਣਾ ਆਧਾਰਿਤ ਸੇਵਾਵਾਂ ਵੀ ਸਮਰੱਥ ਹੋ ਜਾਣਗੀਆਂ:

• ਰਾਊਟਿੰਗ ਅਤੇ ਟ੍ਰੈਫ਼ਿਕ: ਤੁਹਾਡੇ ਟ੍ਰਾਂਜ਼ਿਟ ਵਿੱਚ ਹੋਣ ’ਤੇ (ਉਦਾਹਰਨ ਲਈ, ਤੁਸੀਂ ਪੈਦਲ ਚੱਲ ਰਹੇ ਹੋ ਜਾਂ ਡ੍ਰਾਈਵਿੰਗ ਕਰ ਰਹੇ ਹੋ), ਤੁਹਾਡਾ iPhone ਸਮੇਂ-ਸਮੇਂ ’ਤੇ Apple ਨੂੰ ਅਗਿਆਤ ਅਤੇ ਇਨਕ੍ਰਿਪਟਡ ਰੂਪ ਵਿੱਚ GPS ਡੇਟਾ, ਯਾਤਰਾ ਗਤੀ ਅਤੇ ਦਿਸ਼ਾ ਨਿਰਦੇਸ਼ ਅਤੇ ਬੈਰੋਮੀਟਰਿਕ ਦਬਾਓ ਜਾਣਕਾਰੀ ਭੇਜੇਗਾ ਜਿਸ ਦੀ ਵਰਤੋਂ ਕਰਾਊਡ ਸੋਰਸਡ ਰੋਡ ਟ੍ਰੈਫ਼ਿਕ, ਰੋਡ-ਵੇ, ਪੈਦਲ ਜਾਣ ਦਾ ਰਸਤਾ, ਵਾਯੂਮੰਡਲ ਸੁਧਾਰ ਡੇਟਾਬੇਸ ਨੂੰ ਵਧਾਉਣ ਲਈ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ, ਜਦੋਂ ਤੁਸੀਂ ਕਿਸੇ ਮਹੱਤਵਪੂਰਨ ਸਥਾਨ (ਜਿਵੇਂ ਕਿ ਕੋਈ ਵਪਾਰਕ ਸਥਾਨ ਜਾਂ ਪਾਰਕ) ਦੇ ਨੇੜੇ ਕੋਈ ਐਪ ਖੋਲ੍ਹਦੇ ਹੋ, ਤਾਂ ਤੁਹਾਡਾ iPhone ਅਗਿਆਤ ਅਤੇ ਇਨਕ੍ਰਿਪਟਡ ਰੂਪ ਵਿੱਚ Apple ਨੂੰ ਟਿਕਾਣਾ ਡੇਟਾ ਭੇਜੇਗਾ, ਜਿਸ ਨੂੰ Apple ਇਕੱਤਰ ਕਰ ਕੇ ਵਰਤੋਂ ਵਿੱਚ ਲਿਆ ਸਕਦਾ ਹੈ, ਤਾਂ ਜੋ ਵਰਤੋਂਕਾਰ ਇਹ ਜਾਣ ਸਕੇ ਕਿ ਮਹੱਤਵਪੂਰਨ ਸਥਾਨ ਖੁੱਲ੍ਹਾ ਹੈ ਜਾਂ ਨਹੀਂ ਅਤੇ ਉੱਥੇ ਕਿੰਨੀ ਭੀੜ ਹੈ।
• ਮਹੱਤਵਪੂਰਨ ਟਿਕਾਣੇ ਅਤੇ ਰੂਟ: ਤੁਹਾਡੀਆਂ ਮਹੱਤਵਪੂਰਨ ਥਾਵਾਂ ਅਤੇ ਰੂਟਾਂ ਬਾਰੇ ਜਾਣਨ ਲਈ ਤੁਹਾਡਾ iPhone ਅਤੇ ਹੋਰ ਉਹ ਡਿਵਾਈਸ ਜਿਨ੍ਹਾਂ ਵਿੱਚ ਤੁਸੀਂ ਆਪਣੇ Apple ਖਾਤੇ ਨਾਲ iCloud ਕੀਤਾ ਹੈ, ਤੁਹਾਡੇ ਵੱਲੋਂ ਹਾਲ ਵੀ ਵਿੱਚ ਦੇਖੀਆਂ ਥਾਵਾਂ, ਉਨ੍ਹਾਂ ਥਾਵਾਂ ’ਤੇ ਜਾਣ ਦੀ ਤੁਹਾਡੀ ਗਿਣਤੀ ਅਤੇ ਉੱਥੇ ਪਹੁੰਚਣ ਲਈ ਲਏ ਗਏ ਰੂਟਾਂ ਨੂੰ ਟ੍ਰੈਕ ਕਰਨਗੇ। ਤੁਹਾਡੇ ਮਹੱਤਵਪੂਰਨ ਟਿਕਾਣੇ ਅਤੇ ਰੂਟ ਤੁਹਾਡੇ ਡਿਵਾਈਸਾਂ ਦਰਮਿਆਨ ਐਂਡ-ਟੂ-ਐਂਡ ਇਨਕ੍ਰਿਪਸ਼ਨ ਦੀ ਵਰਤੋਂ ਨਾਲ ਸਿੰਕ ਹੁੰਦੇ ਹਨ ਅਤੇ Apple ਵੱਲੋਂ ਪੜ੍ਹੇ ਨਹੀਂ ਜਾ ਸਕਦੇ। ਇਨ੍ਹਾਂ ਦੀ ਵਰਤੋਂ ਤੁਹਾਨੂੰ ਤਸਵੀਰਾਂ ਵਿੱਚ ਬਿਹਤਰ ਯਾਦਾਂ ਬਣਾਉਣ ਵਰਗੀਆਂ ਵਿਅਕਤੀਗਤ ਸੇਵਾਵਾਂ ਦੇਣ ਅਤੇ ਤੁਹਾਡੇ ਵੱਲੋਂ ਦੇਖੀਆਂ ਥਾਵਾਂ, ਤਰਜੀਹੀ ਰੂਟ ਅਤੇ ਅੰਦਾਜ਼ਨ ਮੰਜ਼ਿਲਾਂ (ਜਿੱਥੇ ਉਪਲਬਧ ਹੋਣ) ਸਾਂਝੀਆਂ ਕਰਨ ਦੇਣ ਲਈ ਕੀਤੀ ਜਾਂਦੀ ਹੈ, ਤਾਂ ਜੋ ਅੰਦਾਜ਼ਨ ਰੂਟ ਸੁਝਾਅ ਵਰਗੇ ਫ਼ੀਚਰਾਂ ਦੀ ਸਹੂਲਤ ਦਿੱਤੀ ਜਾ ਸਕੇ।
• ਟਿਕਾਣਾ ਸਟੀਕਤਾ ਸੁਧਾਰੋ: ਤੁਹਾਡਾ iPhone ਸਮੇਂ-ਸਮੇਂ ’ਤੇ ਨੇੜਲੇ Wi-Fi ਹੌਟਸਪੌਟਾਂ ਅਤੇ ਮੋਬਾਈਲ ਟਾਵਰਾਂ (ਜਿੱਥੇ ਡਿਵਾਈਸ ਸਮਰਥਨ ਕਰਦੀ ਹੋਵੇ) ਦੇ ਜੀਓ-ਟੈਗ ਕੀਤੇ ਟਿਕਾਣੇ ਗੁਮਨਾਮ ਅਤੇ ਇਨਕ੍ਰਿਪਟ ਕਰ ਕੇ Apple ਨੂੰ ਭੇਜੇਗਾ, ਜਿਸਦੀ ਵਰਤੋਂ ਟਿਕਾਣਾ ਸੇਵਾਵਾਂ ਪ੍ਰਦਾਨ ਕਰਨ ਅਤੇ ਬਿਹਤਰ ਬਣਾਉਣ ਲਈ Wi-Fi ਹੌਟਸਪੌਟ ਅਤੇ ਮੋਬਾਈਲ ਟਾਵਰ ਟਿਕਾਣਿਆਂ ਦੇ ਇਸ ਕ੍ਰਾਊਡ-ਸੋਰਸਡ ਡੇਟਾਬੇਸ ਨੂੰ ਵਧਾਉਣ ਲਈ ਕੀਤੀ ਜਾਵੇਗੀ।
• ਸੁਝਾਅ ਅਤੇ ਖੋਜ: ਹੋਰ ਜ਼ਿਆਦਾ ਢੁਕਵੀਆਂ ਸਿਫ਼ਾਰਸ਼ਾਂ ਪ੍ਰਦਾਨ ਕਰਨ ਲਈ ਤੁਹਾਡੇ iPhone ਦਾ ਟਿਕਾਣਾ Apple ਨੂੰ ਭੇਜਿਆ ਜਾਵੇਗਾ। ਜੇਕਰ ਤੁਸੀਂ ਟਿਕਾਣਾ ਅਧਾਰਤ ਸੁਝਾਵਾਂ ਲਈ ਟਿਕਾਣਾ ਸੇਵਾਵਾਂ ਨੂੰ ਬੰਦ ਕਰ ਦਿੰਦੇ ਹੋ, ਤਾਂ ਤੁਹਾਡਾ ਸਟੀਕ ਟਿਕਾਣਾ Apple ਨੂੰ ਨਹੀਂ ਭੇਜਿਆ ਜਾਵੇਗਾ। ਪ੍ਰਸੰਗਿਕ ਖੋਜ ਸੁਝਾਅ ਅਤੇ ਖ਼ਬਰਾਂ ਪ੍ਰਦਾਨ ਕਰਨ ਲਈ Apple ਵੱਲੋਂ ਤੁਹਾਡੇ ਇੰਟਰਨੈੱਟ ਕਨੈਕਸ਼ਨ ਦੇ IP ਪਤੇ ਦੀ ਭੂਗੋਲਿਕ ਖੇਤਰ ਨਾਲ ਮੇਲ ਕਰ ਕੇ ਤੁਹਾਡੇ ਟਿਕਾਣੇ ਦਾ ਅਨੁਮਾਨ ਲਗਾਉਣ ਲਈ ਵਰਤੋਂ ਕੀਤੀ ਜਾ ਸਕਦੀ ਹੈ।
• ਅਲਰਟ ਅਤੇ ਸ਼ੌਰਟਕੱਟ ਆਟੋਮੇਸ਼ਨ: ਤੁਹਾਡਾ iPhone ਅਤੇ Apple Watch ਵੱਲੋਂ ਤੁਹਾਡੇ ਟਿਕਾਣੇ ਦੀ ਵਰਤੋਂ ਤੁਹਾਨੂੰ ਭੂਗੋਲਿਕ ਤੌਰ ‘ਤੇ ਢੁਕਵੇਂ ਅਲਰਟ, ਜਿਵੇਂ ਕਿ ਤੁਹਾਡੇ ਨਿਰਧਾਰਤ ਟਿਕਾਣੇ ‘ਤੇ ਪਹੁੰਚਣ ‘ਤੇ ਕਿਸੇ ਨੂੰ ਕਾਲ ਕਰਨ ਜਾਂ ਤੁਹਾਡੇ ਮੌਜੂਦਾ ਟਿਕਾਣੇ ਦੇ ਆਧਾਰ ‘ਤੇ ਅਗਲੀ ਮੁਲਾਕਾਤ ਦੇ ਲਈ ਰਿਮਾਈਂਡਰ ਜਾਂ ਐਪ ਜਾਂ ਸ਼ੌਰਟਕੱਟ ਦੇ ਲਈ ਸਿਫ਼ਾਰਸ਼ਾਂ ਪ੍ਰਦਾਨ ਕਰਨ ਲਈ ਕੀਤੀ ਜਾ ਸਕਦੀ ਹੈ।
• ਮੇਰਾ ਟਿਕਾਣਾ ਸਾਂਝਾ ਕਰੋ: ਤੁਸੀਂ ਆਪਣਾ ਮੌਜੂਦਾ ਟਿਕਾਣਾ ਅਸਥਾਈ ਜਾਂ ਲਗਾਤਾਰ ਰੂਪ ਤੋਂ ਕੁਝ ਐਪਾਂ, ਜਿਵੇਂ ਕਿ ਸੁਨੇਹੇ ਅਤੇ ਖੋਜੀ ਵਿੱਚੋਂ ਹੋਰ ਲੋਕਾਂ ਨਾਲ ਸਾਂਝਾ ਕਰਨ ਦਾ ਵਿਕਲਪ ਚੁਣ ਸਕਦੇ ਹੋ।
• ਘਰ ਐਕਸੈਸਰੀਆਂ: ਤੁਹਾਡੇ iPhone ਵੱਲੋਂ ਤੁਹਾਡੇ ਟਿਕਾਣੇ ਦੀ ਵਰਤੋਂ ਤੁਹਾਡੇ ਕਿਸੇ ਨਿਰਧਾਰਤ ਟਿਕਾਣੇ ’ਤੇ ਪਹੁੰਚਣ ਜਾਂ ਉੱਥੋਂ ਜਾਣ ’ਤੇ ਐਕਸੈਸਰੀ ਨੂੰ ਕੰਟਰੋਲ ਕਰਨ ਲਈ ਕੀਤੀ ਜਾਵੇਗੀ, ਜਿਵੇਂ ਕਿ ਤੁਹਾਡੇ ਘਰ ਪਹੁੰਚਣ ’ਤੇ ਲਾਈਟ ਨੂੰ ਚਾਲੂ ਕਰਨਾ ਜਾਂ ਘਰ ਪਹੁੰਚਣ ਤੋਂ ਪਹਿਲਾਂ ਆਪਣੇ ਥਰਮੋਸਟੈਟ ਨੂੰ ਆਪਣੇ ਤਰਜੀਹੀ ਤਾਪਮਾਨ ’ਤੇ ਸੈੱਟ ਕਰਨਾ।
• ਸਿਸਟਮ ਵਿਉਂਤਬੰਦੀ: ਤੁਹਾਡਾ iPhone ਤੁਹਾਡੇ ਮੌਜੂਦਾ ਟਿਕਾਣੇ ਦੀ ਵਰਤੋਂ ਕਰਦੇ ਹੋਏ ਸਿਸਟਮ ਦੀ ਦਿੱਖ, ਵਿਹਾਰ ਅਤੇ ਸੈਟਿੰਗਾਂ ਨੂੰ ਵਿਉਂਤਬੱਧ ਕਰੇਗਾ, ਉਦਾਹਰਨ ਲਈ, ਤੁਹਾਡੇ ਘਰ ਵਿੱਚ ਹੋਣ ‘ਤੇ ਓਪਟੀਮਾਈਜ਼ਡ ਬੈਟਰੀ ਚਾਰਜਿੰਗ ਨੂੰ ਆਟੋਮੈਟਿਕਲੀ ਸਮਰੱਥ ਕਰਨਾ। ਇਹ ਵਿਉਂਤਬੱਧ ਡੇਟਾ ਤੁਹਾਡੇ ਡਿਵਾਈਸ ‘ਤੇ ਹੀ ਉਪਲਬਧ ਰਹਿੰਦਾ ਹੈ।
• Apple Pay ਵਪਾਰੀ ਪਛਾਣਕਰਤਾ: ਤੁਹਾਡੇ iPhone ਵੱਲੋਂ ਭੌਤਿਕ Apple Card ਦੀ ਵਰਤੋਂ ਕਰਨ ‘ਤੇ ਸਟੀਕ ਵਪਾਰੀ ਦਾ ਨਾਮ ਪ੍ਰਦਾਨ ਕਰਨ ਵਿੱਚ ਮਦਦ ਕਰਨ ਲਈ ਤੁਹਾਡੇ ਮੌਜੂਦਾ ਟਿਕਾਣੇ ਦੀ ਵਰਤੋਂ ਕੀਤੀ ਜਾਵੇਗੀ।
• ਐਮਰਜੈਂਸੀ ਕਾਲਾਂ ਅਤੇ SOS: ਜਦੋਂ ਐਮਰਜੈਂਸੀ ਸੇਵਾਵਾਂ ਵਿੱਚ ਪਹਿਲਾਂ ਤੋਂ ਪ੍ਰਦਾਨ ਕੀਤੇ ਗਏ ਟਿਕਾਣੇ ਦੇ ਹੋਰ ਦੂਜੇ ਟਿਕਾਣੇ ਨੂੰ ਐਮਰਜੈਂਸੀ ਕਾਲ ਕੀਤੀ ਜਾਂਦੀ ਹੈ, ਤਾਂ ਤੁਹਾਡੇ iPhone ਜਾਂ Apple Watch ਵੱਲੋਂ ਬਿਹਤਰ ਐਮਰਜੈਂਸੀ ਡੇਟਾ ਸੇਵਾ ਰਾਹੀਂ ਪੂਰਕ ਟਿਕਾਣਾ ਡੇਟਾ ਉਪਲਬਧ ਕਰਵਾਇਆ ਜਾਵੇਗਾ। ਜੇਕਰ ਤੁਹਾਡਾ ਮੌਜੂਦਾ ਟਿਕਾਣਾ ਤੁਹਾਡੇ ਨਿੱਜੀ ਸੰਪਰਕ ਕਾਰਡ (ਮੇਰਾ ਕਾਰਡ) ਵਿੱਚ ਦਿੱਤੇ ਗਏ ਘਰ ਜਾਂ ਕਾਰਜ ਸਥਾਨ ਦੇ ਪਤੇ ਦੇ ਨੇੜੇ ਹੈ, ਤਾਂ ਇਸ ਵਿੱਚ ਗਲੀ-ਮੁਹੱਲੇ ਦੇ ਪਤੇ ਦੀ ਜਾਣਕਾਰੀ ਸ਼ਾਮਲ ਹੋ ਸਕਦੀ ਹੈ। ਜੇਕਰ ਤੁਸੀਂ ਸੁਨੇਹੇ ਐਪ ਨੂੰ ਅਣਇੰਸਟਾਲ ਨਹੀਂ ਕੀਤਾ ਹੈ, ਤਾਂ ਐਮਰਜੈਂਸੀ SOS ਨੂੰ ਟ੍ਰਿਗਰ ਕਰਨ ਨਾਲ ਤੁਹਾਡੇ ਐਮਰਜੈਂਸੀ ਸੰਪਰਕਾਂ ਨੂੰ ਕਾਲ ਦੇ ਅੰਤ ਵਿੱਚ ਟਿਕਾਣੇ ਦੀ ਜਾਣਕਾਰੀ ਵੀ ਭੇਜੀ ਜਾਵੇਗੀ।

Apple ਵੱਲੋਂ ਇਕੱਠਾ ਕੀਤਾ ਕ੍ਰਾਊਡ-ਸੋਰਸ ਕੀਤਾ ਟਿਕਾਣਾ ਡੇਟਾ ਵਿਅਕਤੀਗਤ ਤੌਰ ’ਤੇ ਤੁਹਾਡੀ ਪਛਾਣ ਨਹੀਂ ਕਰਦਾ।

ਤੁਸੀਂ ਐਪ ਵਿੱਚ (ਜਿੱਥੇ ਵੀ ਉਪਲਬਧ ਹੋਵੇ) ਆਪਣੀਆਂ ਦੇਖੀਆਂ ਥਾਵਾਂ, ਤਰਜੀਹੀ ਰੂਟ ਅਤੇ ਅੰਦਾਜ਼ਨ ਮੰਜ਼ਿਲਾਂ ਨੂੰ ਐਪ ਨਾਲ ਸਾਂਝਾ ਕਰਨ ਦੀ ਚੋਣ ਕਰ ਸਕਦੇ ਹੋ। ਜੇ ਤੁਸੀਂ ਆਪਣੀਆਂ ਦੇਖੀਆਂ ਗਈਆਂ ਥਾਵਾਂ ਸਾਂਝੀਆਂ ਕਰਨਾ ਚੁਣਦੇ ਹੋ, ਤਾਂ ਐਪ ਨਾਲ ਤੁਹਾਡੀਆਂ ਹਾਲੀਆ ਘੁੰਮੀਆਂ ਖ਼ਾਸ ਥਾਵਾਂ ਜਿਵੇਂ ਰੈਸਤਰਾਂ ਜਾਂ ਪਾਰਕ ਆਦਿ ਦੀ ਜਾਣਕਾਰੀ ਸਾਂਝੀ ਕੀਤੀ ਜਾਵੇਗੀ। ਜਦੋਂ ਤੁਸੀਂ ਦੇਖੀਆਂ ਗਈਆਂ ਥਾਵਾਂ ਸਾਂਝੀਆਂ ਕਰਨਾ ਸ਼ੁਰੂ ਕਰਦੇ ਹੋ ਤਾਂ ਐਪ ਨਾਲ ਸਿਰਫ਼ ਤੁਹਾਡੇ ਵੱਲੋਂ ਇਸ ਨੂੰ ਸ਼ੁਰੂ ਕਰਨ ਤੋਂ ਬਾਅਦ ਦੇਖੀਆਂ ਥਾਵਾਂ ਦਾ ਹੀ ਡੇਟਾ ਸਾਂਝਾ ਕੀਤਾ ਜਾਂਦਾ ਹੈ। ਜੇ ਤੁਸੀਂ ਆਪਣੇ ਤਰਜੀਹੀ ਰੂਟ ਅਤੇ ਅੰਦਾਜ਼ਨ ਮੰਜ਼ਿਲਾਂ ਸਾਂਝੀਆਂ ਕਰਨਾ ਚੁਣਦੇ ਹੋ, ਤਾਂ ਤੁਹਾਡੇ ਵੱਲੋਂ ਅਕਸਰ ਲਏ ਗਏ ਰੂਟਾਂ ਅਤੇ ਮੰਜ਼ਿਲਾਂ ਦੀ ਜਾਣਕਾਰੀ ਐਪ ਨਾਲ ਸਾਂਝੀ ਕੀਤੀ ਜਾਵੇਗੀ। ਐਪ ਵਿੱਚ ਆਪਣੀਆਂ ਦੇਖੀਆਂ ਥਾਵਾਂ, ਤਰਜੀਹੀ ਰੂਟ ਅਤੇ ਅੰਦਾਜ਼ਨ ਮੰਜ਼ਿਲਾਂ ਨੂੰ ਐਪ ਨਾਲ ਸਾਂਝਾ ਕਰਨ ਲਈ ਤੁਹਾਨੂੰ ਮਹੱਤਵਪੂਰਨ ਟਿਕਾਣੇ ਅਤੇ ਰੂਟ ਨੂੰ ਸਮਰੱਥ ਕਰ ਕੇ ਐਪ ਨੂੰ ਤੁਹਾਡੇ ਮੌਜੂਦਾ ਟਿਕਾਣੇ ਦਾ ਐਕਸੈੱਸ ਦੇਣਾ ਪਵੇਗਾ।

ਆਪਣੇ ਡਿਵਾਈਸ ਲਈ ਟਿਕਾਣਾ ਸੇਵਾ ਸਮਰੱਥ ਕਰ ਕੇ, ਤੁਸੀਂ ਟਿਕਾਣਾ ਅਧਾਰਤ ਅਤੇ ਰੋਡ ਟ੍ਰੈਫ਼ਿਕ ਅਧਾਰਤ ਉਤਪਾਦ ਅਤੇ ਸੇਵਾਵਾਂ ਪ੍ਰਦਾਨ ਕਰਨ ਅਤੇ ਬਿਹਤਰ ਬਣਾਉਣ ਲਈ Apple ਅਤੇ ਉਸ ਦੇ ਭਾਈਵਾਲਾਂ ਅਤੇ ਲਾਇਸੰਸ ਧਾਰਕਾਂ ਵੱਲੋਂ ਤੁਹਾਡੇ ਟਿਕਾਣੇ ਸੰਬੰਧੀ ਡੇਟਾ ਅਤੇ ਟਿਕਾਣਾ ਖੋਜ ਸਵਾਲ ਦੇ ਟ੍ਰਾਂਸਮਿਟ ਕਰਨ, ਇਕੱਤਰੀਕਰਨ, ਦੇਖ-ਭਾਲ ਕਰਨ, ਪ੍ਰਕਿਰਿਆ ਵਿੱਚ ਲੈ ਕੇ ਆਉਣ ਅਤੇ ਵਰਤੋਂ ਦੀ ਸਹਿਮਤੀ ਦਿੰਦੇ ਹੋ।

ਤੁਸੀਂ ਕਿਸੇ ਵੀ ਸਮੇਂ ਟਿਕਾਣਾ ਸੇਵਾਵਾਂ ਨੂੰ ਅਸਮਰੱਥ ਕਰ ਸਕਦੇ ਹੋ। ਅਜਿਹਾ ਕਰਨ ਲਈ, ਸੈਟਿੰਗਾਂ > ਪਰਦੇਦਾਰੀ ਅਤੇ ਸੁਰੱਖਿਆ > ਟਿਕਾਣਾ ਸੇਵਾਵਾਂ ’ਤੇ ਜਾਓ ਅਤੇ ਜਾਂ ਤਾਂ ਗਲੋਬਲ ਟਿਕਾਣਾ ਸੇਵਾਵਾਂ ਨੂੰ ਬੰਦ ਕਰਨ ਲਈ ਟੈਪ ਕਰੋ ਜਾਂ ਟਿਕਾਣੇ ਦੀ ਵਰਤੋਂ ਕਰਨ ਵਾਲੀ ਹਰੇਕ ਐਪ ਜਾਂ ਫ਼ੀਚਰ ਦੇ ਵਿਅਕਤੀਗਤ ਟਿਕਾਣੇ ਦੇ ਸਵਿੱਚ ਨੂੰ “ਕਦੇ ਨਹੀਂ” ’ਤੇ ਸੈੱਟ ਕਰ ਕੇ ਬੰਦ ਕਰੋ। ਤੁਸੀਂ ਐਪ ਦੀਆਂ ਟਿਕਾਣਾ ਸੈਟਿੰਗਾਂ ਵਿੱਚ ਆਪਣੀਆਂ ਦੇਖੀਆਂ ਗਈਆਂ ਥਾਵਾਂ, ਤਰਜੀਹੀ ਰੂਟ ਅਤੇ ਅੰਦਾਜ਼ਨ ਮੰਜ਼ਿਲਾਂ ਦਾ ਐਪ ਨਾਲ ਸਾਂਝਾਕਰਨ ਬੰਦ ਕਰਨਾ ਚੁਣ ਸਕਦੇ ਹੋ। ਸਾਰੀਆਂ ਵੈੱਬਸਾਈਟਾਂ ਲਈ ਟਿਕਾਣਾ ਸੇਵਾਵਾਂ ਨੂੰ ਅਸਮਰੱਥ ਕਰਨ ਲਈ, “Safari ਵੈੱਬਸਾਈਟਾਂ” ਦੀਆਂ ਟਿਕਾਣਾ ਸੇਵਾਵਾਂ ਸੈਟਿੰਗਾਂ ਨੂੰ “ਕਦੇ ਨਹੀਂ” ’ਤੇ ਸੈੱਟ ਕਰੋ। ਤੁਸੀਂ ਸਿਸਟਮ ਸੇਵਾਵਾਂ 'ਤੇ ਟੈਪ ਕਰਕੇ, ਫਿਰ ਹਰੇਕ ਟਿਕਾਣਾ-ਅਧਾਰਤ ਸਿਸਟਮ ਸੇਵਾ ਨੂੰ ਬੰਦ ਕਰਨ ਲਈ ਟੈਪ ਕਰਕੇ, ਆਪਣੀਆਂ ਟਿਕਾਣਾ-ਅਧਾਰਤ ਸਿਸਟਮ ਸੇਵਾਵਾਂ ਨੂੰ ਅਸਮਰੱਥ ਵੀ ਕਰ ਸਕਦੇ ਹੋ। ਟਿਕਾਣਾ ਸੇਵਾਵਾਂ ਸਵਿੱਚ ਦੀ ਸਥਿਤੀ ’ਤੇ ਧਿਆਨ ਦਿੱਤੇ ਬਿਨਾਂ ਤੁਹਾਡੇ ਸੰਭਾਵਿਤ ਟਿਕਾਣੇ ਦਾ ਪਤਾ ਲਗਾਉਣ ਦੇ ਲਈ ਐਪਾਂ ਜਾਂ ਵੈੱਬਸਾਈਟਾਂ ਤੁਹਾਡੇ ਇੰਟਰਨੈੱਟ ਕਨੈਕਸ਼ਨ ਦੇ IP ਪਤੇ ਵਰਗੀ ਹੋਰ ਜਾਣਕਾਰੀ ਦੀ ਹਾਲੇ ਵੀ ਵਰਤੋਂ ਕਰ ਸਕਦੀਆਂ ਹਨ।

ਜੇ ਤੁਸੀਂ ਐਪਾਂ ਜਾਂ ਵੈੱਬਸਾਈਟਾਂ ਨੂੰ ਟਿਕਾਣਾ ਸੇਵਾਵਾਂ ਤੋਂ ਟਿਕਾਣਾ ਵਰਤਣ ਦੀ ਇਜਾਜ਼ਤ ਦਿੰਦੇ ਹੋ, ਤਾਂ ਤੁਸੀਂ ਉਹਨਾਂ ਦੀਆਂ ਸ਼ਰਤਾਂ ਅਤੇ ਪਰਦੇਦਾਰੀ ਨੀਤੀ ਅਤੇ ਅਮਲ ਦੇ ਅਧੀਨ ਹੁੰਦੇ ਹੋ। ਉਹ ਤੁਹਾਡੇ ਟਿਕਾਣੇ ਅਤੇ ਹੋਰ ਜਾਣਕਾਰੀ ਦੀ ਕਿਵੇਂ ਵਰਤੋਂ ਕਰਦੇ ਹਨ, ਇਹ ਸਮਝਣ ਲਈ ਤੁਹਾਨੂੰ ਅਜਿਹੀਆਂ ਐਪਾਂ ਅਤੇ ਵੈੱਬਸਾਈਟਾਂ ਦੀਆਂ ਸ਼ਰਤਾਂ, ਪਰਦੇਦਾਰੀ ਨੀਤੀਆਂ ਅਤੇ ਅਮਲ ਦੀ ਸਮੀਖਿਆ ਕਰਨੀ ਚਾਹੀਦੀ ਹੈ।

Apple ਵੱਲੋਂ ਇਕੱਤਰ ਕੀਤੀ ਗਈ ਜਾਣਕਾਰੀ ਨੂੰ ਹਮੇਸ਼ਾਂ Apple ਦੀ ਪਰਦੇਦਾਰੀ ਨੀਤੀ ਦੇ ਅਨੁਸਾਰ ਵਰਤਿਆ ਜਾਵੇਗਾ। ਇਸ ਨੂੰ www.apple.com/in/privacy ‘ਤੇ ਦੇਖਿਆ ਜਾ ਸਕਦਾ ਹੈ।

2026-02-11