• Apple Messages for Business ਤੁਹਾਡੇ ਡਿਵਾਈਸ ਅਤੇ Apple ਦੇ ਸਰਵਰਾਂ ਵਿਚਕਾਰ ਇਨਕ੍ਰਿਪਟ ਕੀਤੇ ਹੁੰਦੇ ਹਨ ਅਤੇ ਉਸ ਸਮੇਂ ਵੀ ਜਦੋਂ Apple ਇਨ੍ਹਾਂ ਨੂੰ ਕਾਰੋਬਾਰ ’ਤੇ ਟ੍ਰਾਂਸਮਿਟ ਕਰਦਾ ਹੈ।
• Apple ਹੋਰ ਕਾਰੋਬਾਰਾਂ ਦੇ ਨਾਲ ਤੁਹਾਡੇ ਸੁਨੇਹਿਆਂ ਦਾ ਕੰਟੈਂਟ ਨਹੀਂ ਪੜ੍ਹਦਾ ਹੈ।
• ਤੁਹਾਡਾ ਡਿਵਾਈਸ ਪਰਦੇਦਾਰੀ ਰੱਖਿਅਤ ਰੱਖਣ ਦੇ ਤਰੀਕੇ ਦੀ ਵਰਤੋਂ ਕਰਦੇ ਹੋਏ Apple ਦੇ ਸਰਵਰ ਦੀ ਜਾਂਚ ਕਰ ਕੇ ਸੁਝਾਅ ਦੇਵੇਗਾ ਕਿ Apple Messages for Business ਦਾ ਸਮਰਥਨ ਕਰਨ ਲਈ ਕਿਹੜੇ ਫ਼ੋਨ ਨੰਬਰ ਯੋਗ ਹਨ।

ਤੁਸੀਂ Apple Messages for Business ਦੀ ਵਰਤੋਂ ਕਰ ਕੇ Apple Pay ਰਾਹੀਂ ਭੁਗਤਾਨ ਕਰਨ ਸਮੇਤ ਕਾਰੋਬਾਰਾਂ ਨਾਲ ਇੰਟਰੈਕਟ ਕਰ ਸਕਦੇ ਹੋ। iMessages ਅਤੇ ਸਟੈਂਡਰਡ SMS ਤੋਂ ਵੱਖਰੇ ਦਿਖਾਉਣ ਲਈ ਇਹਨਾਂ ਸੁਨੇਹਿਆਂ ਦਾ ਬੈਕਗ੍ਰਾਊਂਡ ਸਲੇਟੀ ਰੰਗ ਦਾ ਹੁੰਦਾ ਹੈ। Apple Messages for Business ਤੁਹਾਡੇ ਅਤੇ Apple ਦੇ ਸਰਵਰਾਂ ਵਿਚਕਾਰ ਇਨਕ੍ਰਿਪਟ ਹੁੰਦੇ ਹਨ ਅਤੇ ਉਸ ਸਮੇਂ ਵੀ ਜਦੋਂ Apple ਇਹਨਾਂ ਨੂੰ ਕਾਰੋਬਾਰ ‘ਤੇ ਟ੍ਰਾਂਸਮਿਟ ਕਰਦਾ ਹੈ। Apple ਦੁਆਰਾ ਹੋਰ ਕਾਰੋਬਾਰਾਂ ਦੇ ਨਾਲ Apple Messages for Business ਵਿੱਚ ਹੋਣ ਵਾਲੀ ਤੁਹਾਡੀ ਗੱਲਬਾਤ ਦਾ ਕੰਟੈਂਟ ਪੜ੍ਹਿਆ ਨਹੀਂ ਜਾਂਦਾ।

Apple ਦੁਆਰਾ ਇਹ ਜਾਂਚ ਕੀਤੀ ਜਾ ਸਕਦੀ ਹੈ ਕਿ ਕੀ ਤੁਹਾਡਾ ਡਿਵਾਈਸ Apple ਦੇ Apple Messages for Business ਦੀ ਗੱਲਬਾਤ ਸ਼ੁਰੂ ਕਰਨ ਲਈ ਯੋਗ ਹੈ ਜਾਂ ਨਹੀਂ। ਜਦੋਂ ਤੁਸੀਂ Apple ਨਾਲ ਚੈਟ ਕਰਦੇ ਹੋ, ਤਾਂ, Apple ਨੂੰ ਤੁਹਾਡੇ Apple ਖਾਤੇ ਜਾਂ ਫ਼ੋਨ ਨੰਬਰ ਨਾਲ ਸੰਬੰਧਿਤ ਪਛਾਣਕਰਤਾ ਪ੍ਰਾਪਤ ਹੋਵੇਗਾ। ਹੋ ਸਕਦਾ ਹੈ ਕਿ ਇਹ ਜਾਣਕਾਰੀ ਅਤੇ ਤੁਹਾਡੀ ਗੱਲਬਾਤ ਦੀ ਵਰਤੋਂ Apple ਨਾਲ ਤੁਹਾਡੀ ਇੰਟਰੈਕਸ਼ਨ ਦਾ ਸਮਰਥਨ ਕਰਨ ਲਈ ਕੀਤੀ ਜਾਵੇ।

ਜਦੋਂ ਤੁਸੀਂ ਕਿਸੇ ਹੋਰ ਕਾਰੋਬਾਰ ਨਾਲ ਗੱਲਬਾਤ ਸ਼ੁਰੂ ਕਰਦੇ ਹੋ ਤਾਂ ਉਹਨਾਂ ਨੂੰ ਇੱਕ ਸੈਸ਼ਨ ਪਛਾਣਕਰਤਾ ਪ੍ਰਦਾਨ ਕੀਤਾ ਜਾਂਦਾ ਹੈ। ਦੂਜੇ ਕਾਰੋਬਾਰਾਂ ਨੂੰ ਵੀ ਹੋਰ ਸੀਮਤ ਜਾਣਕਾਰੀ ਪ੍ਰਾਪਤ ਹੋ ਸਕਦੀ ਹੈ। ਉਦਾਹਰਨ ਵਜੋਂ, ਜੇਕਰ ਤੁਸੀਂ ਨਕਸ਼ੇ ਐਪ ਵਿੱਚ ਕਿਸੇ ਬੈਂਕ ਲਈ ਖੋਜ ਕਰਦੇ ਹੋ ਅਤੇ Apple Messages for Business ਗੱਲਬਾਤ ਸ਼ੁਰੂ ਕਰਦੇ ਹੋ ਤਾਂ ਕਾਰੋਬਾਰ ਨੂੰ ਸੂਚਿਤ ਕੀਤਾ ਜਾ ਸਕਦਾ ਹੈ ਕਿ ਤੁਸੀਂ ਕਿਹੜੀ ਸ਼ਾਖਾ ਚੁਣੀ ਹੈ। ਕਿਸੇ ਕਾਰੋਬਾਰ ਕੋਲ ਇਸ ਜਾਣਕਾਰੀ ਦੇ ਨਾਲ-ਨਾਲ ਹੋਰ ਜਾਣਕਾਰੀ ਜੋ ਤੁਸੀਂ ਉਸ ਨੂੰ ਦਿੰਦੇ ਹੋ, ਉਸ ਨੂੰ ਉਨ੍ਹਾਂ ਦੀਆਂ ਪਰਦੇਦਾਰੀ ਨੀਤੀਆਂ ਦੁਆਰਾ ਨਿਯੰਤਰਿਤ ਕੀਤਾ ਜਾਂਦਾ ਹੈ। ਅਸੀਂ ਤੁਹਾਨੂੰ ਉਹਨਾਂ ਕਾਰੋਬਾਰਾਂ ਦੀਆਂ ਸ਼ਰਤਾਂ, ਪਰਦੇਦਾਰੀ ਨੀਤੀਆਂ ਅਤੇ ਅਮਲ ਦੇ ਤੌਰ-ਤਰੀਕਿਆਂ ਬਾਰੇ ਜਾਣਨ ਦੀ ਸਲਾਹ ਦਿੰਦੇ ਹਾਂ ਜਿਨ੍ਹਾਂ ਨਾਲ ਤੁਸੀਂ ਚੈਟ ਕਰਦੇ ਹੋ ਤਾਂ ਜੋ ਤੁਸੀਂ ਇਹ ਸਮਝ ਸਕੋ ਕਿ ਉਹ ਇਸ ਜਾਣਕਾਰੀ ਨੂੰ ਕਿਵੇਂ ਵਰਤਦੇ ਅਤੇ ਸਾਂਝਾ ਕਰਦੇ ਹਨ।

ਤੁਸੀਂ ਆਪਣਾ ਫ਼ੋਨ ਨੰਬਰ ਪ੍ਰਦਾਨ ਕਰ ਕੇ ਅਤੇ ਸਿੱਧੇ ਕਾਰੋਬਾਰ ਨੂੰ ਆਗਿਆ ਦੇ ਕੇ ਕਾਰੋਬਾਰ ਦੇ ਅੱਪਡੇਟ ਪ੍ਰਾਪਤ ਕਰਨ ਨੂੰ ਸਬਸਕ੍ਰਾਈਬ ਕਰ ਸਕਦੇ ਹੋ। ਕਾਰੋਬਾਰ ਅੱਪਡੇਟਾਂ ਨਾਲ ਕਾਰੋਬਾਰ ਤੁਹਾਨੂੰ ਤੁਹਾਡੀ ਖ਼ਰੀਦ ਬਾਰੇ ਵੇਰਵਿਆਂ ਵਰਗੇ ਅੱਪਡੇਟਾਂ ਵਾਲੇ ਸੁਨੇਹੇ ਭੇਜ ਸਕਦੇ ਹਨ। ਜੇਕਰ ਤੁਸੀਂ ਕਾਰੋਬਾਰ ਦੇ ਅੱਪਡੇਟ ਦਾ ਜਵਾਬ ਦਿੰਦੇ ਹੋ, ਤਾਂ Apple ਵੱਲੋਂ ਕਾਰੋਬਾਰ ਨੂੰ ਤੁਹਾਡੇ Apple Messages for Business ਗੱਲਬਾਤ ਦਾ ਸੈਸ਼ਨ ਪਛਾਣਕਰਤਾ ਪ੍ਰਦਾਨ ਕੀਤਾ ਜਾਵੇਗਾ ਤਾਂ ਕਿ ਗਾਹਕ ਸੇਵਾ ਅਨੁਭਵ ਨੂੰ ਬਿਹਤਰ ਬਣਾਇਆ ਜਾ ਸਕੇ। ਜੇਕਰ ਤੁਸੀਂ ਹੁਣ ਕਾਰੋਬਾਰ ਦੇ ਅੱਪਡੇਟ ਪ੍ਰਾਪਤ ਨਹੀਂ ਕਰਨਾ ਚਾਹੁੰਦੇ ਹੋ, ਤਾਂ ਤੁਸੀਂ ਸੈਟਿੰਗਾਂ > ਐਪਾਂ > ਸੁਨੇਹੇ > ਬਿਜ਼ਨਸ ਸੁਨੇਹੇ > ਕਾਰੋਬਾਰ ਦੇ ਅੱਪਡੇਟ ‘ਤੇ ਜਾ ਕੇ ਉਹਨਾਂ ਨੂੰ ਅਸਮਰੱਥ ਕਰ ਸਕਦੇ ਹੋ।

ਤੁਹਾਡਾ ਡਿਵਾਈਸ ਸੁਝਾਅ ਦੇਵੇਗਾ ਕਿ Apple Messages for Business ਦਾ ਸਮਰਥਨ ਕਰਨ ਲਈ ਕਿਹੜੇ ਫ਼ੋਨ ਨੰਬਰ ਯੋਗ ਹਨ। ਕਿਸੇ ਫ਼ੋਨ ਨੰਬਰ ਦੀ ਚੋਣ ਹੋਣ ‘ਤੇ, ਤੁਹਾਡਾ ਡਿਵਾਈਸ ਪਰਦੇਦਾਰੀ ਰੱਖਿਅਤ ਰੱਖਣ ਦੇ ਤਰੀਕੇ ਦੀ ਵਰਤੋਂ ਕਰਦੇ ਹੋਏ Apple ਦੇ ਸਰਵਰ ਤੋਂ ਪੁੱਛੇਗਾ ਕਿ ਕੀ ਇਹ ਨੰਬਰ Apple Messages for Business ਦਾ ਸਮਰਥਨ ਕਰਦਾ ਹੈ। ਤੁਹਾਡੇ ਡਿਵਾਈਸ ਵੱਲੋਂ Apple ਸਰਵਰ ਤੋਂ ਕੁਝ ਫ਼ੋਨ ਨੰਬਰਾਂ ਬਾਰੇ ਪੁੱਛਿਆ ਜਾ ਸਕਦਾ ਹੈ, ਜਿਨ੍ਹਾਂ ਵਿੱਚ ਚੁਣਿਆ ਗਿਆ ਨੰਬਰ ਸ਼ਾਮਲ ਹੋ ਵੀ ਸਕਦਾ ਹੈ ਅਤੇ ਨਹੀਂ ਵੀ ਹੋ ਸਕਦਾ ਹੈ। ਤੁਹਾਡੇ ਡਿਵਾਈਸ ਵੱਲੋਂ Apple ਦੇ ਸਰਵਰਾਂ ਤੋਂ ਵਾਪਸ ਭੇਜੀ ਗਈ ਜਾਣਕਾਰੀ ਦੀ ਵਰਤੋਂ ਇਹ ਨਿਰਧਾਰਤ ਕਰਨ ਲਈ ਕੀਤੀ ਜਾਵੇਗੀ ਕਿ ਕੀ ਇਹ ਨੰਬਰ Apple Messages for Business ਦਾ ਸਮਰਥਨ ਕਰਦੇ ਹਨ।

ਨਿੱਜੀ ਡੇਟਾ ‘ਤੇ ਪ੍ਰਕਿਰਿਆ ਕਰਨ ਲਈ ਲਾਗੂ ਕਾਨੂੰਨੀ ਆਧਾਰ

ਤੁਹਾਡੇ ਵੱਲੋਂ Apple Messages for Business ਦੀ ਵਰਤੋਂ ਕਰਦੇ ਸਮੇਂ, ਸਾਡੇ ਵੱਲੋਂ ਸੇਵਾ ਪ੍ਰਦਾਨ ਕਰਨ ਅਤੇ ਸਾਡੀਆਂ ਕਾਨੂੰਨੀ ਜ਼ਿੰਮੇਵਾਰੀਆਂ ਦੀ ਪਾਲਣਾ ਕਰਨ ਲਈ ਤੁਹਾਡੇ ਨਿੱਜੀ ਡੇਟਾ ‘ਤੇ ਪ੍ਰਕਿਰਿਆ ਕੀਤੀ ਜਾਂਦੀ ਹੈ। ਜਿੱਥੇ ਸਹਿਮਤੀ ਢੁਕਵੇਂ ਕਾਨੂੰਨੀ ਆਧਾਰ ਵਜੋਂ ਹੋਵੇ, ਉੱਥੇ ਅਸੀਂ ਇਸ ਨੂੰ ਲਾਗੂ ਸਥਾਨਕ ਕਾਨੂੰਨ ਦੇ ਅਨੁਸਾਰ ਪ੍ਰਾਪਤ ਕਰਦੇ ਹਾਂ।

ਜਿੱਥੇ ਲਾਗੂ ਸਥਾਨਕ ਕਾਨੂੰਨ ਪ੍ਰਦਾਨ ਕਰਦਾ ਹੈ, ਅਸੀਂ ਆਪਣੇ ਜਾਂ ਕਿਸੇ ਤੀਜੀ ਧਿਰ ਦੇ ਜਾਇਜ਼ ਹਿੱਤਾਂ ਦੇ ਉਦੇਸ਼ਾਂ ਲਈ ਲੋੜ ਅਨੁਸਾਰ ਨਿੱਜੀ ਡੇਟਾ ਦੀਆਂ ਹੇਠ ਲਿਖੀਆਂ ਸ਼੍ਰੇਣੀਆਂ ਨੂੰ ਪ੍ਰਕਿਰਿਆ ਕਰਦੇ ਹਾਂ, ਜਿਸ ਵਿੱਚ ਇਸ ਬਾਰੇ ਜਾਣਕਾਰੀ ਸ਼ਾਮਲ ਹੈ:

• ਕੀ ਤੁਸੀਂ Apple Messages for Business ਨੂੰ ਸਮਰੱਥ ਕੀਤਾ ਹੈ ਜਾਂ ਨਹੀਂ ਅਤੇ ਤੁਹਾਡਾ ਡਿਵਾਈਸ ਇਸ ਸਮੇਂ ਸੁਨੇਹੇ ਪ੍ਰਾਪਤ ਕਰ ਸਕਦਾ ਹੈ ਜਾਂ ਨਹੀਂ
• ਤੁਹਾਡੇ ਸੈਸ਼ਨ, ਜਿਵੇਂ ਕਿ ਭੇਜੇ ਗਏ ਸੁਨੇਹਿਆਂ ਦੀ ਮਿਆਦ ਅਤੇ ਗਿਣਤੀ
• Apple ਨਾਲ ਤੁਹਾਡੀ ਗੱਲਬਾਤ

ਇਨ੍ਹਾਂ ਜਾਇਜ਼ ਹਿੱਤਾਂ ਵਿੱਚ ਸ਼ਾਮਲ ਹੈ:

• ਸਮੱਸਿਆ ਦਾ ਨਿਪਟਾਰਾ ਕਰਨਾ, ਧੋਖਾਧੜੀ ਜਾਂ ਅਪਰਾਧਿਕ ਗਤੀਵਿਧੀ ਨੂੰ ਰੋਕਣਾ ਜਾਂ Apple ਨਕਸ਼ੇ ਅਤੇ ਸਪੌਟਲਾਈਟ ਵਰਗੇ ਸੰਬੰਧਿਤ ਉਤਪਾਦਾਂ ਅਤੇ ਸੇਵਾਵਾਂ ਨੂੰ ਬਿਹਤਰ ਬਣਾਉਣਾ
• Apple Messages for Business ਦੇ ਆਰਕੀਟੈਕਚਰ ਨੂੰ ਕਾਇਮ ਰੱਖਣ ਵਿੱਚ ਮਦਦ ਕਰਨਾ ਅਤੇ ਤੁਹਾਡੇ ਅਤੇ ਹੋਰ ਲੋਕਾਂ ਲਈ ਸੇਵਾ ਨੂੰ ਬਿਹਤਰ ਬਣਾਉਣਾ ਅਤੇ ਪ੍ਰਬੰਧਿਤ ਕਰਨਾ

ਜੇਕਰ ਤੁਹਾਡੀ ਪੁੱਛ-ਗਿੱਛ Apple Card ਨਾਲ ਸੰਬੰਧਿਤ ਹੈ ਅਤੇ ਸੇਵਾ ਲਈ Goldman Sachs ਨੂੰ ਭੇਜੀ ਜਾਂਦੀ ਹੈ, ਤਾਂ Apple ਵੱਲੋਂ ਤੁਹਾਡੇ ਅਤੇ ਤੁਹਾਡੀ ਪੁੱਛ-ਗਿੱਛ ਸੰਬੰਧੀ ਜਾਣਕਾਰੀ Goldman Sachs ਨਾਲ ਸਾਂਝੀ ਕੀਤੀ ਜਾਵੇਗੀ, ਤਾਂ ਜੋ ਬਿਹਤਰ ਤਰੀਕੇ ਨਾਲ ਤੁਹਾਡੀ ਮਦਦ ਕੀਤੀ ਜਾ ਸਕੇ। Goldman Sachs ਤੁਹਾਡੀ ਸਹਾਇਤਾ ਲਈ ਦਿਨ ਦੇ 24 ਘੰਟਿਆਂ, ਹਫ਼ਤੇ ਦੇ 7 ਦਿਨਾਂ ਲਈ ਉਪਲਬਧ ਹੈ। Goldman Sachs ਨਾਲ ਫ਼ੋਨ ਰਾਹੀਂ 877-255-5923 ’ਤੇ ਅਤੇ ਚਿੱਠੀ ਰਾਹੀਂ Goldman Sachs Bank USA, Lockbox 6112, P.O. Box 7247, Philadelphia, PA 19170-6112 ’ਤੇ ਰਾਬਤਾ ਕੀਤਾ ਜਾ ਸਕਦਾ ਹੈ।

ਡੇਟਾ ਸਾਂਭ ਕੇ ਰੱਖਣਾ

Apple ਵੱਲੋਂ ਨਿੱਜੀ ਡੇਟਾ ਸਿਰਫ਼ ਉਸ ਸਮੇਂ ਤੱਕ ਸਾਂਭ ਕੇ ਰੱਖਿਆ ਜਾਂਦਾ ਹੈ ਜਦੋਂ ਤੱਕ ਇਹ Apple ਦੀ ਪਰਦੇਦਾਰੀ ਨੀਤੀ ਜਾਂ ਸਾਡੇ ਸੇਵਾ-ਵਿਸ਼ੇਸ਼ ਪਰਦੇਦਾਰੀ ਨੋਟਸ ਵਿੱਚ ਦੱਸੇ ਗਏ ਸਮੇਤ ਇਸ ਨੂੰ ਇਕੱਠਾ ਕਰਨ ਦੇ ਉਦੇਸ਼ਾਂ ਨੂੰ ਪੂਰਾ ਕਰਨ ਜਾਂ ਕਾਨੂੰਨੀ ਤੌਰ ’ਤੇ ਲੋੜੀਂਦਾ ਹੁੰਦਾ ਹੈ। ਜਾਣਕਾਰੀ ਨੂੰ ਸਾਂਭ ਕੇ ਰੱਖਣ ਦੇ ਅਰਸੇ ਦਾ ਮੁਲਾਂਕਣ ਕਰਨ ਲਈ ਅਸੀਂ ਪਹਿਲਾਂ ਧਿਆਨ ਨਾਲ ਇਸਦੀ ਪੜਚੋਲ ਕਰਦੇ ਹਾਂ ਕਿ ਕੀ ਇਕੱਠੇ ਕੀਤੇ ਨਿੱਜੀ ਡੇਟਾ ਨੂੰ ਸਾਂਭਣਾ ਲੋੜੀਂਦਾ ਹੈ, ਜੇ ਹਾਂ, ਤਾਂ ਨਿੱਜੀ ਜਾਣਕਾਰੀ ਨੂੰ ਕਾਨੂੰਨੀ ਤੌਰ ‘ਤੇ ਮਾਨਤਾ ਪ੍ਰਾਪਤ ਘੱਟ ਤੋਂ ਘੱਟ ਸੰਭਾਵਿਤ ਸਮੇਂ ਲਈ ਸਾਂਭਣ ਦਾ ਕੰਮ ਕਰੋ।

Apple ਵੱਲੋਂ ਇਕੱਤਰ ਕੀਤੀ ਗਈ ਜਾਣਕਾਰੀ ਨੂੰ ਹਮੇਸ਼ਾਂ Apple ਦੀ ਪਰਦੇਦਾਰੀ ਨੀਤੀ ਦੇ ਅਨੁਸਾਰ ਵਰਤਿਆ ਜਾਵੇਗਾ। ਇਸ ਨੂੰ www.apple.com/in/privacy ‘ਤੇ ਦੇਖਿਆ ਜਾ ਸਕਦਾ ਹੈ।

2026-02-11