Safari ਸੈਟਿੰਗਾਂ ਵਿੱਚ ਜਾ ਕੇ ਉਹ ਡੇਟਾ ਹਟਾਓ ਜਾਂ ਬਲੌਕ ਕਰੋ ਜਿਸਦੀ ਵਰਤੋਂ ਨਾਲ ਵੈੱਬਸਾਈਟ ਤੁਹਾਨੂੰ Safari ਵਿੱਚ ਟ੍ਰੈਕ ਕਰ ਸਕਦੀ ਹੈ। ਇਹ ਤਰਜੀਹਾਂ ਦੇਖਣ ਲਈ ਸੈਟਿੰਗਾਂ > ਐਪਾਂ > Safari ’ਤੇ ਜਾਓ।

ਕਰਾਸ-ਸਾਈਟ ਟ੍ਰੈਕਿੰਗ ਨੂੰ ਰੋਕੋ

ਕੁਝ ਵੈੱਬਸਾਈਟਾਂ ਵੱਲੋਂ ਤੀਜੀ-ਧਿਰ ਦੇ ਕੰਟੈਂਟ ਪ੍ਰਦਾਤਾ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਤੀਜੀ-ਧਿਰ ਦੇ ਕੰਟੈਂਟ ਪ੍ਰਦਾਤਾ ਵੱਲੋਂ ਉਤਪਾਦ ਅਤੇ ਸੇਵਾਵਾਂ ਦਾ ਵਿਗਿਆਪਨ ਦੇਣ ਲਈ ਤੁਹਾਨੂੰ ਸਾਰੀਆਂ ਵੈੱਬਸਾਈਟਾਂ ’ਤੇ ਟ੍ਰੈਕ ਕੀਤਾ ਜਾ ਸਕਦਾ ਹੈ।

ਇਸ ਵਿਕਲਪ ਦੇ ਚਾਲੂ ਹੋਣ ’ਤੇ, ਤੁਹਾਡੇ ਵੱਲੋਂ ਤੀਜੀ-ਧਿਰ ਦੇ ਕੰਟੈਂਟ ਡਿਵੈਲਪਰ ਕੋਲ ਨਾ ਜਾਣ ਤੱਕ ਟ੍ਰੈਕਿੰਗ ਡੇਟਾ ਨੂੰ ਸਮੇਂ-ਸਮੇਂ ’ਤੇ ਡਿਲੀਟ ਕਰ ਦਿੱਤਾ ਜਾਂਦਾ ਹੈ।

IP ਪਤਾ ਲੁਕਾਓ

ਇੰਟੈਲੀਜੈਂਟ ਟ੍ਰੈਕਿੰਗ ਰੋਕਥਾਮ ਵੱਲੋਂ ਟ੍ਰੈਕਰਾਂ ਨੂੰ ਰੋਕਣ ਲਈ ਔਨ-ਡਿਵਾਈਸ ਮਸ਼ੀਨ ਲਰਨਿੰਗ ਦੀ ਵਰਤੋਂ ਕਰ ਕੇ ਅਣਚਾਹੀ ਟ੍ਰੈਕਿੰਗ ਤੋਂ ਤੁਹਾਡੀ ਸੁਰੱਖਿਆ ਕਰਨ ਵਿੱਚ ਮਦਦ ਕੀਤੀ ਜਾਂਦੀ ਹੈ। ਇਸ ਦੌਰਾਨ ਵੈੱਬਸਾਈਟਾਂ ਆਮ ਵਾਂਗ ਕੰਮ ਕਰਦੀਆਂ ਹਨ। “IP ਪਤਾ ਲੁਕਾਓ” ਵੱਖ ਵੱਖ ਐਂਟਿਟੀਆਂ ਵੱਲੋਂ ਕਾਰਜ ਕਰ ਕੇ ਦੋ ਵੱਖ-ਵੱਖ ਰਿਲੇ ਰਾਹੀਂ ਤੁਹਾਡਾ ਕੁਝ ਵੈੱਬ ਟ੍ਰੈਫ਼ਿਕ ਭੇਜ ਕੇ ਇੰਟੈਲੀਜੈਂਟ ਟ੍ਰੈਕਿੰਗ ਰੋਕਥਾਮ ਦੀ ਸਮਰੱਥਾ ਨੂੰ ਵਧਾਉਂਦਾ ਹੈ। ਪਹਿਲਾ ਤੁਹਾਡੇ ਅੰਦਰੂਨੀ ਪ੍ਰੋਟੋਕੌਲ (IP) ਪਤੇ ਬਾਰੇ ਜਾਣਦਾ ਹੈ, ਪਰ ਤੁਹਾਡੇ ਵੱਲੋਂ ਦੇਖੀ ਜਾ ਰਹੀ ਵੈੱਬਸਾਈਟ ਬਾਰੇ ਨਹੀਂ। ਨਿਰਧਾਰਤ ਵੈੱਬਸਾਈਟ ਨੂੰ ਸਾਧਾਰਨ ਸ਼ਨਾਖ਼ਤ ਅਤੇ ਟਿਕਾਣਾ ਪ੍ਰਦਾਨ ਕਰਨ ਦੀ ਬਜਾਏ, ਦੂਜੀ ਇਕਾਈ ਇਸ ਵੈੱਬਸਾਈਟ ਨੂੰ ਪਛਾਣਦੀ ਹੈ ਜਿਸ ਨੂੰ ਤੁਸੀਂ ਦੇਖ ਰਹੇ ਹੋ, ਪਰ ਉਸ ਨੂੰ ਤੁਹਾਡੇ IP ਪਤੇ ਦੀ ਜਾਣਕਾਰੀ ਨਹੀਂ ਹੁੰਦੀ। ਇਸ ਤਰ੍ਹਾਂ ਕਿਸੇ ਨੂੰ ਵੀ ਤੁਹਾਡੀ ਅਤੇ ਤੁਹਾਡੇ ਵੱਲੋਂ ਦੇਖੀਆਂ ਵੈੱਬਸਾਈਟਾਂ ਪਛਾਣ ਬਾਰੇ ਜਾਣਕਾਰੀ ਨਹੀਂ ਹੁੰਦੀ।

ਤੁਸੀਂ ਰਿਲੇ ਆਰਕੀਟੈਕਚਰ ਰਾਹੀਂ ਕਿਸੇ ਖ਼ਾਸ ਟ੍ਰੈਫ਼ਿਕ ਨੂੰ ਭੇਜਣ ਦੀ ਚੋਣ ਕਰ ਸਕਦੇ ਹੋ। ਪ੍ਰਾਈਵੇਟ ਰਿਲੇ ਦੇ ਸਬਸਕ੍ਰਾਈਬਰ ਸੈਟਿੰਗਾਂ > ਐਪਾਂ > Safari > “IP ਪਤਾ ਲੁਕਾਓ” ’ਤੇ ਜਾ ਕੇ “ਟ੍ਰੈਕਰ ਅਤੇ ਵੈੱਬਸਾਈਟਾਂ” ’ਤੇ ਟੈਪ ਕਰ ਕੇ ਪ੍ਰਾਈਵੇਟ ਰਿਲੇ ਰਾਹੀਂ ਸਾਰਾ ਟ੍ਰੈਫ਼ਿਕ ਭੇਜਣ ਦੀ ਚੋਣ ਕਰ ਸਕਦੇ ਹਨ। ਵਿਕਲਪਿਕ ਤੌਰ ’ਤੇ, ਸਾਰੇ ਵਰਤੋਂਕਾਰ ਸੈਟਿੰਗਾਂ > ਐਪਾਂ > Safari > “IP ਪਤਾ ਲੁਕਾਓ” ’ਤੇ ਜਾ ਕੇ “ਸਿਰਫ਼ ਟ੍ਰੈਕਰ” ’ਤੇ ਟੈਪ ਕਰ ਕੇ ਰਿਲੇ ਆਰਕੀਟੈਕਚਰ ਰਾਹੀਂ ਜਾਣੇ-ਪਛਾਣੇ ਟ੍ਰੈਕਰਾਂ ਨਾਲ ਟ੍ਰੈਫ਼ਿਕ ਭੇਜਣਾ ਚੁਣ ਸਕਦੇ ਹਨ। ਤੁਸੀਂ ਕਿਸੇ ਵੀ ਸਮੇਂ ਸੈਟਿੰਗਾਂ > ਐਪਾਂ > Safari > “IP ਪਤਾ ਲੁਕਾਓ” ‘ਤੇ ਜਾ ਕੇ ਅਤੇ “ਬੰਦ ਕਰੋ” ’ਤੇ ਟੈਪ ਕਰ ਕੇ “IP ਪਤਾ ਲੁਕਾਓ” ਨੂੰ ਅਸਮਰੱਥ ਕਰ ਸਕਦੇ ਹੋ।

ਧੋਖਾਧੜੀ ਵਾਲੀ ਵੈੱਬਸਾਈਟ ਸੰਬੰਧੀ ਚੇਤਾਵਨੀ

ਜਦੋਂ ਧੋਖਾਧੜੀ ਵਾਲੀ ਵੈੱਬਸਾਈਟ ਦੀ ਚੇਤਾਵਨੀ ਸਮਰੱਥ ਕੀਤੀ ਜਾਂਦੀ ਹੈ, ਤਾਂ Safari ਚੇਤਾਵਨੀ ਪ੍ਰਦਰਸ਼ਿਤ ਕਰੇਗੀ ਤੁਹਾਡੇ ਵੱਲੋਂ ਦੇਖੀ ਜਾਣ ਵਾਲੀ ਵੈੱਬਸਾਈਟ ਉਹ ਸਕੀ ਫ਼ਿਸ਼ਿੰਗ ਜਾਂ ਮਾਲਵੇਅਰ ਵੈੱਬਸਾਈਟ ਹੈ। ਫ਼ਿਸ਼ਿੰਗ ਧੋਖਾਧੜੀ ਕਰਨ ਦੀ ਇੱਕ ਕੋਸ਼ਿਸ਼ ਹੁੰਦੀ ਹੈ ਜਿਸ ਵਿੱਚ ਤੁਹਾਡਾ ਨਾਮ, ਪਾਸਵਰਡ ਅਤੇ ਖਾਤੇ ਸੰਬੰਧੀ ਹੋਰ ਜਾਣਕਾਰੀ ਵਰਗਾ ਤੁਹਾਡਾ ਨਿੱਜੀ ਡੇਟਾ ਚੋਰੀ ਕੀਤਾ ਜਾ ਸਕਦਾ ਹੈ। ਧੋਖੇਬਾਜ਼ੀ ਕਰਨ ਵਾਲੀ ਵੈੱਬਸਾਈਟ ਖ਼ੁਦ ਨੂੰ ਇੱਕ ਅਸਲ ਵੈੱਬਸਾਈਟ, ਜਿਵੇਂ ਕਿ ਬੈਂਕ, ਵਿੱਤੀ ਸੰਸਥਾ ਜਾਂ ਈਮੇਲ ਸੇਵਾ ਪ੍ਰਦਾਤਾ ਵਜੋਂ ਪੇਸ਼ ਕਰਦੀ ਹੈ। ਮਾਲਵੇਅਰ ਵੈੱਬਸਾਈਟ ਅਜਿਹੇ ਖ਼ਤਰਨਾਕ ਸੌਫ਼ਟਵੇਅਰ ਇੰਸਟਾਲ ਕਰਨ ਦੀ ਕੋਸ਼ਿਸ਼ ਕਰ ਸਕਦੀ ਹੈ, ਜਿਸ ਨਾਲ ਤੁਹਾਡੇ ਕੰਪਿਊਟਰ ਨੂੰ ਨੁਕਸਾਨ ਹੋ ਸਕਦਾ ਹੈ ਅਤੇ ਤੁਹਾਡਾ ਨਿੱਜੀ ਡੇਟਾ ਚੋਰੀ ਹੋ ਸਕਦਾ ਹੈ। ਕਿਸੇ ਵੈੱਬਸਾਈਟ ’ਤੇ ਜਾਣ ਤੋਂ ਪਹਿਲਾਂ Safari ਵੱਲੋਂ ਵੈੱਬਸਾਈਟ ਦੇ ਪਤੇ ਦਾ ਹਿਸਾਬ ਲਗਾਉਣ ਦੀ ਜਾਣਕਾਰੀ Google ਸੁਰੱਖਿਅਤ ਬ੍ਰਾਊਜ਼ਿੰਗ ਅਤੇ Apple ਨੂੰ ਭੇਜੀ ਜਾ ਸਕਦੀ ਹੈ ਤਾਂ ਜੋ ਪਤਾ ਲੱਗ ਸਕੇ ਕਿ ਵੈੱਬਸਾਈਟ ਧੋਖਾਧੜੀ ਵਾਲੀ ਹੈ ਜਾਂ ਨਹੀਂ ਜਾਂ ਮਾਲਵੇਅਰ ਦਾ ਪਤਾ ਲੱਗਿਆ ਹੈ ਜਾਂ ਨਹੀਂ। ਸੈਟਿੰਗਾਂ > ਆਮ > ਭਾਸ਼ਾ ਅਤੇ ਖੇਤਰ ਵਿੱਚ ਚੀਨ ਦੇ ਮੁੱਖ ਭਾਗ ਅਤੇ ਹਾਂਗਕਾਂਗ ਨੂੰ ਆਪਣੇ ਖੇਤਰ ਵਜੋਂ ਸੈੱਟ ਕਰਨ ਵਾਲੇ ਵਰਤੋਂਕਾਰਾਂ ਲਈ Safari ਵੱਲੋਂ ਇਸ ਨੂੰ ਚੈੱਕ ਕਰਨ ਲਈ Tencent ਸੁਰੱਖਿਅਤ ਬ੍ਰਾਊਜ਼ਿੰਗ ਦੀ ਵਰਤੋਂ ਵੀ ਕੀਤੀ ਜਾ ਸਕਦੀ ਹੈ। ਵੈੱਬਸਾਈਟ ਦਾ ਅਸਲ ਪਤਾ ਸੁਰੱਖਿਅਤ ਬ੍ਰਾਊਜ਼ਿੰਗ ਪ੍ਰਦਾਤਾ ਨਾਲ ਕਦੇ ਵੀ ਸਾਂਝਾ ਨਹੀਂ ਕੀਤਾ ਜਾਂਦਾ। Google (ਅਤੇ ਚੀਨ ਦੇ ਮੁੱਖ ਭਾਗ ਅਤੇ ਹਾਂਗਕਾਂਗ ਨੂੰ ਆਪਣੇ ਖੇਤਰ ਵਜੋਂ ਸੈੱਟ ਕਰਨ ਵਾਲੇ ਵਰਤੋਂਕਾਰ, Tencent) ਵੱਲੋਂ ਵੀ ਤੁਹਾਡੇ IP ਪਤੇ ’ਤੇ ਲੌਗ ਕੀਤਾ ਜਾ ਸਕਦਾ ਹੈ, ਜਦੋਂ ਉਨ੍ਹਾਂ ਨੂੰ ਜਾਣਕਾਰੀ ਭੇਜੀ ਜਾਂਦੀ ਹੈ। ਤੁਸੀਂ ਕਿਸੇ ਵੀ ਸਮੇਂ ਸੈਟਿੰਗਾਂ > ਐਪਾਂ > Safari ਵਿੱਚ ਜਾ ਕੇ ਅਤੇ “ਧੋਖਾਧੜੀ ਵਾਲੀ ਵੈੱਬਸਾਈਟ ਸੰਬੰਧੀ ਚੇਤਾਵਨੀਆਂ” ਨੂੰ ਅਣਚੁਣਿਆ ਕਰ ਕੇ Safari ਵਿੱਚ ਧੋਖਾਧੜੀ ਵਾਲੀ ਵੈੱਬਸਾਈਟ ਸੰਬੰਧੀ ਚੇਤਾਵਨੀਆਂ ਨੂੰ ਅਸਮਰੱਥ ਕਰ ਸਕਦੇ ਹੋ।

ਪਰਦੇਦਾਰੀ ਰੱਖਿਆ ਵਿਗਿਆਪਨ ਮਾਪ

ਜਦੋਂ ਪਰਦੇਦਾਰੀ ਨੂੰ ਸੁਰੱਖਿਅਤ ਕਰਨ ਵਾਲਾ ਵਿਗਿਆਪਨ ਮਾਪ ਸਮਰੱਥ ਹੁੰਦਾ ਹੈ, ਤਾਂ ਤੁਹਾਡੀ ਪਰਦੇਦਾਰੀ ਨੂੰ ਸੁਰੱਖਿਅਤ ਰੱਖਦੇ ਹੋਏ Safari ਵੱਲੋਂ ਵੈੱਬਸਾਈਟਾਂ ਨੂੰ ਐਟ੍ਰੀਬਿਊਸ਼ਨ ਰਿਪੋਰਟ ਪ੍ਰਦਾਨ ਕੀਤੀ ਜਾਵੇਗੀ ਤਾਂ ਕਿ ਵੈੱਬਸਾਈਟ ਅਤੇ ਵਿਗਿਆਪਨਦਾਤਿਆਂ ਨੂੰ ਵਿਗਿਆਪਨ ਦੇਖਣ ਅਤੇ ਕਲਿੱਕ ਕਰਨ ਨੂੰ ਐਟ੍ਰੀਬਿਊਟ ਕਰਨ ਵਿੱਚ ਮਦਦ ਪ੍ਰਦਾਨ ਕਰੇਗਾ। Safari ਵੱਲੋਂ IP ਪਤਾ ਸੁਰੱਖਿਆ ਦੀ ਵਰਤੋਂ ਕਰ ਕੇ ਖ਼ਾਸ ਮੋਡ ਵਿੱਚ ਸੀਮਤ ਡੇਟਾ ਨਾਲ ਐਟ੍ਰੀਬਿਊਸ਼ਨ ਰਿਪੋਰਟਾਂ ਭੇਜੀਆਂ ਜਾਣਗੀਆਂ। ਇਹਨਾਂ ਰਿਪੋਰਟਾਂ ਵਿੱਚ ਕੋਈ ਡੇਟਾ ਸਟੋਰ ਨਹੀਂ ਕੀਤਾ ਜਾਂਦਾ, ਕੋਈ ਕੁਕੀਜ਼ ਨਹੀਂ ਹੁੰਦੀਆਂ ਅਤੇ 24 ਅਤੇ 48 ਘੰਟਿਆਂ ਵਿੱਚ ਕਦੋਂ ਵੀ ਭੇਜੀਆਂ ਜਾ ਸਕਦੀਆਂ ਹਨ। ਐਟ੍ਰੀਬਿਊਸ਼ਨ ਰਿਪੋਰਟਾਂ ਵਿੱਚ ਕੋਈ ਨਿੱਜੀ ਡੇਟਾ ਨਹੀਂ ਹੈ।

ਤੁਸੀਂ ਕਿਸੇ ਵੀ ਸਮੇਂ ਸੈਟਿੰਗਾਂ > ਐਪਾਂ > Safari > ਉੱਨਤ ਵਿੱਚ ਜਾ ਕੇ ਅਤੇ “ਪਰਦੇਦਾਰੀ ਰੱਖਿਆ ਵਿਗਿਆਪਨ ਮਾਪ” ਨੂੰ ਬੰਦ ਕਰਨ ਲਈ ਟੈਪ ਕਰ ਕੇ “ਪਰਦੇਦਾਰੀ ਰੱਖਿਆ ਵਿਗਿਆਪਨ ਮਾਪ” ਨੂੰ ਅਸਮਰੱਥ ਕਰ ਸਕਦੇ ਹੋ।

Apple Pay ਲਈ ਜਾਂਚ ਕਰੋ

ਜਦੋਂ ਤੁਸੀਂ ਕਿਸੇ ਐਪ ਵਿੱਚ ਜਾਂ ਕਿਸੇ ਅਜਿਹੀ ਵੈੱਬਸਾਈਟ ’ਤੇ ਜਾਂਦੇ ਹੋ ਜੋ iPhone, iPad, Apple Vision Pro ਜਾਂ Apple Watch ’ਤੇ Apple Pay ਦੀ ਵਰਤੋਂ ਕਰਦੀ ਹੈ ਤਾਂ ਉਹ ਇਹ ਜਾਂਚ ਕਰ ਸਕਦੀ ਹੈ ਕਿ ਤੁਸੀਂ ਆਪਣੇ ਡਿਵਾਈਸ ’ਤੇ Apple Pay ਨੂੰ ਚਾਲੂ ਕੀਤਾ ਹੈ ਜਾਂ ਨਹੀਂ। ਆਪਣੇ iOS, iPadOS ਜਾਂ visionOS ਡਿਵਾਈਸ ’ਤੇ ਕਿਸੇ ਵੀ ਸਮੇਂ ਸੈਟਿੰਗਾਂ > ਐਪਾਂ > Safari > ਉੱਨਤ ’ਤੇ ਜਾ ਕੇ ਅਤੇ “Apple Pay ਲਈ ਚੈੱਕ ਕਰੋ“ ਨੂੰ ਬੰਦ ਕਰਨ ਲਈ ਟੈਪ ਕਰ ਕੇ ਤੁਹਾਡੇ ਵੱਲੋਂ ਦੇਖੀਆਂ ਜਾਣ ਵਾਲੀਆਂ ਵੈੱਬਸਾਈਟਾਂ ਨੂੰ ਇਹ ਜਾਂਚਣ ਲਈ ਨੂੰ ਅਸਮਰੱਥ ਕਰ ਸਕਦੇ ਹੋ ਕਿ Apple Pay ਸਮਰੱਥ ਹੈ ਜਾਂ ਨਹੀਂ।

ਪ੍ਰਾਈਵੇਟ ਬ੍ਰਾਊਜ਼ਿੰਗ

ਜਦੋਂ ਪ੍ਰਾਈਵੇਟ ਬ੍ਰਾਊਜ਼ਿੰਗ ਸਮਰਥਿਤ ਹੁੰਦਾ ਹੈ ਤਾਂ Safari ਉਹਨਾਂ ਪੰਨਿਆਂ ਨੂੰ ਯਾਦ ਨਹੀਂ ਰੱਖਦਾ ਜੋ ਤੁਸੀਂ ਦੇਖਦੇ ਹੋ, ਸਵੈ-ਭਰੋ ਜਾਣਕਾਰੀ ਅਤੇ ਤੁਹਾਡੀਆਂ ਖੁੱਲ੍ਹੀਆਂ ਟੈਬਾਂ ਨੂੰ iCloud ਵਿੱਚ ਸਟੋਰ ਨਹੀਂ ਕੀਤਾ ਜਾਂਦਾ ਹੈ ਜਾਂ ਤੁਹਾਡੇ ਸਾਰੇ ਡਿਵਾਈਸਾਂ ਵਿੱਚ ਸਿੰਕ ਨਹੀਂ ਕੀਤਾ ਜਾਂਦਾ ਹੈ। ਵੈੱਬਸਾਈਟਾਂ ਤੁਹਾਡੇ ਡਿਵਾਈਸ ’ਤੇ ਸਟੋਰ ਕੀਤੀ ਜਾਣਕਾਰੀ ਵਿੱਚ ਸੋਧ ਨਹੀਂ ਕਰ ਸਕਦੀਆਂ, ਇਸ ਲਈ ਅਜਿਹੀਆਂ ਸਾਈਟਾਂ ’ਤੇ ਆਮ ਤੌਰ ’ਤੇ ਉਪਲਬਧ ਸੇਵਾਵਾਂ ਉਦੋਂ ਤੱਕ ਵੱਖਰੇ ਤਰੀਕੇ ਨਾਲ ਕੰਮ ਕਰ ਸਕਦੀਆਂ ਹਨ ਜਦੋਂ ਤੱਕ ਤੁਸੀਂ ਪ੍ਰਾਈਵੇਟ ਬ੍ਰਾਊਜ਼ਿੰਗ ਬੰਦ ਨਹੀਂ ਕਰਦੇ।

ਨੋਟ: ਪ੍ਰਾਈਵੇਟ ਬ੍ਰਾਊਜ਼ਿੰਗ ਦੇ ਚਾਲੂ ਹੋਣ ‘ਤੇ, ਐਡਰੈੱਸ-ਬਾਰ ਫਿੱਕਾ ਦਿਖਣ ਦੀ ਬਜਾਏ ਗੂੜ੍ਹਾ ਦਿਖਾਈ ਦਿੰਦਾ ਹੈ।

ਵੈੱਬਪੰਨਾ ਅਨੁਵਾਦ

ਤੁਹਾਡੇ ਵੱਲੋਂ ਦੇਖੇ ਜਾਂਦੇ ਹਰੇਕ ਵੈੱਬਪੰਨੇ ਦੀ ਭਾਸ਼ਾ ਨਿਰਧਾਰਤ ਕਰਨ ਲਈ Safari ਵੱਲੋਂ ਇਸ ਦਾ ਵਿਸ਼ਲੇਸ਼ਣ ਕੀਤਾ ਜਾਂਦਾ ਹੈ। ਇਹ ਨਿਰਧਾਰਨ ਪੂਰੀ ਤਰ੍ਹਾਂ ਤੁਹਾਡੇ ਡਿਵਾਈਸ ‘ਤੇ ਕੀਤਾ ਜਾਂਦਾ ਹੈ। ਜੇਕਰ ਵੈੱਬਪੰਨੇ ਦਾ ਅਨੁਵਾਦ ਤੁਹਾਡੀ ਕਿਸੇ ਵੀ ਮਨਪਸੰਦ ਭਾਸ਼ਾ ਵਿੱਚ ਕੀਤਾ ਜਾ ਸਕਦਾ ਹੈ, ਤਾਂ ਤੁਸੀਂ ਇਸ ਦਾ ਅਨੁਵਾਦ ਕਰਨਾ ਚੁਣ ਸਕਦੇ ਹੋ। ਜੇਕਰ ਤੁਸੀਂ ਅਨੁਵਾਦ ਕਰਦੇ ਹੋ, ਤਾਂ Safari ਵੱਲੋਂ ਅਨੁਵਾਦ ਲਈ ਵੈੱਬਪੰਨੇ ਦਾ ਕੰਟੈਂਟ (ਪੂਰੇ ਟੈਕਸਟ ਸਮੇਤ) Apple ਦੇ ਸਰਵਰਾਂ ‘ਤੇ ਭੇਜਿਆ ਜਾਵੇਗਾ। ਅਨੁਵਾਦ ਪੂਰਾ ਹੋ ਜਾਣ ਤੋਂ ਬਾਅਦ Apple ਵੱਲੋਂ ਵੈੱਬਪੰਨੇ ਦੇ ਕੰਟੈਂਟ ਨੂੰ ਖ਼ਾਰਜ ਕਰ ਦਿੱਤਾ ਜਾਵੇਗਾ।

ਜੇਕਰ ਵੈੱਬਪੰਨਾ ਪ੍ਰਾਈਵੇਟ ਬ੍ਰਾਊਜ਼ਿੰਗ ਮੋਡ ਵਿੱਚ ਨਹੀਂ ਦੇਖਿਆ ਗਿਆ, ਤਾਂ ਵੀ Safari ਵੱਲੋਂ ਵੈੱਬਪੰਨੇ ਦਾ ਪਤਾ Apple ਨੂੰ ਭੇਜਿਆ ਜਾਵੇਗਾ। Apple ਦੇ ਉਤਪਾਦਾਂ, ਸੇਵਾਵਾਂ ਅਤੇ ਤਕਨੀਕਾਂ ਨੂੰ ਬਿਹਤਰ ਬਣਾਉਣ ਲਈ ਪਤੇ ਨੂੰ ਪੰਜ ਸਾਲ ਤੱਕ Apple ਵੱਲੋਂ ਸਟੋਰ ਕੀਤਾ ਜਾਵੇਗਾ। ਕਿਉਂਕਿ Apple ਵੱਲੋਂ ਤੁਹਾਡੇ ਅਨੁਵਾਦ ਕੀਤੇ ਵੈੱਬਪੰਨੇ ਦੇ ਕੰਟੈਂਟ ਨੂੰ ਸਟੋਰ ਨਹੀਂ ਕੀਤਾ ਜਾਂਦਾ, ਇਸ ਲਈ Apple ਦੇ ਉਤਪਾਦਾਂ, ਸੇਵਾਵਾਂ ਅਤੇ ਤਕਨੀਕਾਂ ਨੂੰ ਬਿਹਤਰ ਬਣਾਉਣ ਲਈ ਸਿਰਫ਼ ਜਨਤਕ ਤੌਰ ‘ਤੇ ਐਕਸੈੱਸ ਕੀਤੇ ਜਾਣ ਸਕਣ ਵਾਲੇ ਵੈੱਬਪੰਨਿਆਂ ਦੀ ਵਰਤੋਂ ਕੀਤੀ ਜਾਵੇਗੀ।

Apple ਨੂੰ ਭੇਜੇ ਵੈੱਬਪੰਨੇ ਦੇ ਕੰਟੈਂਟ ਅਤੇ ਪਤੇ ਨੂੰ ਤੁਹਾਡੇ Apple ਖਾਤੇ, ਈਮੇਲ ਪਤੇ ਜਾਂ ਕਿਸੇ ਹੋਰ ਡੇਟਾ ਨਾਲ ਜੋੜਿਆ ਨਹੀਂ ਕੀਤਾ ਜਾਂਦਾ ਜੋ ਤੁਹਾਡੇ ਵੱਲੋਂ Apple ਦੀਆਂ ਹੋਰ ਸੇਵਾਵਾਂ ਦੀ ਵਰਤੋਂ ਕਾਰਨ Apple ਕੋਲ ਹੋ ਸਕਦਾ ਹੈ।

ਤੁਹਾਨੂੰ ਬਿਹਤਰ ਬ੍ਰਾਊਜ਼ਿੰਗ ਅਨੁਭਵ ਪ੍ਰਦਾਨ ਕਰਨ ਲਈ, ਜਦੋਂ ਤੁਸੀਂ ਕੋਈ ਵੈੱਬਪੰਨਾ ਅਨੁਵਾਦ ਕਰਦੇ ਹੋ ਤਾਂ ਉਸ ਤੋਂ ਬਾਅਦ ਜਦੋਂ ਤੁਸੀਂ ਇਸੇ ਹੀ ਟੈਬ ਵਿੱਚ ਇਸੇ ਹੀ ਡੋਮੇਨ ਵਾਲੇ ਵੈੱਬਪੰਨਿਆਂ ’ਤੇ ਜਾਂਦੇ ਹੋ, ਤਾਂ ਹੋ ਸਕਦਾ ਹੈ ਕਿ ਉਹਨਾਂ ਦਾ ਅਨੁਵਾਦ ਵੀ ਕੀਤਾ ਜਾਵੇ। ਜਦੋਂ ਤੁਸੀਂ ਕਿਸੇ ਅਜਿਹੇ ਵੈੱਬਪੰਨੇ ’ਤੇ ਚਲੇ ਜਾਂਦੇ ਹੋ ਜਿਹੜਾ ਹੁਣ ਉਸੇ ਹੀ ਅਸਲ ਭਾਸ਼ਾ ਵਿੱਚ ਨਹੀਂ ਹੈ ਜਾਂ ਇਹ ਵੱਖਰੇ ਡੋਮੇਨ ਦਾ ਹੈ, ਤਾਂ Safari ਵੱਲੋਂ ਆਟੋਮੈਟਿਕ ਅਨੁਵਾਦ ਕਰਨਾ ਬੰਦ ਕਰ ਦਿੱਤਾ ਜਾਵੇਗਾ।

ਹਾਈਲਾਈਟਾਂ

ਜੇਕਰ ਤੁਸੀਂ ਹਾਈਲਾਈਟਾਂ ਨੂੰ ਸਮਰੱਥ ਕਰਦੇ ਹੋ, ਤਾਂ Safari ਵੱਲੋਂ ਵੈੱਬਪੰਨੇ 'ਤੇ ਪ੍ਰਸੰਗਿਕ ਜਾਣਕਾਰੀ ਦਾ ਆਟੋਮੈਟਿਕਲੀ ਪਤਾ ਲਗਾਇਆ ਜਾਵੇਗਾ ਅਤੇ ਜਦੋਂ ਤੁਸੀਂ ਬ੍ਰਾਊਜ਼ ਕਰਦੇ ਹੋ ਤਾਂ ਇਸ ਨੂੰ ਹਾਈਲਾਈਟ ਕੀਤਾ ਜਾਵੇਗਾ। ਵੈੱਬਪੰਨੇ ਨੂੰ ਦੇਖਦੇ ਸਮੇਂ Safari ਪ੍ਰਸੰਗਿਕ ਹਾਈਲਾਈਟਾਂ ਦੀ ਉਪਲਬਧਤਾ ਦਾ ਪਤਾ ਲਗਾਉਣ ਲਈ ਵੈੱਬਪੰਨੇ ਦੇ ਪਤੇ ਤੋਂ ਇਕੱਤਰ ਕੀਤੀ ਜਾਣਕਾਰੀ ਨੂੰ OHTTP ਰਾਹੀਂ Apple ਨੂੰ ਭੇਜ ਸਕਦਾ ਹੈ। ਜਦੋਂ ਤੁਸੀਂ ਪੰਨੇ ਨਾਲ ਸੰਬੰਧਿਤ ਹਾਈਲਾਈਟਾਂ ਦੇਖਣ ਲਈ ਪੰਨੇ ਮੈਨਿਊ ਆਈਕਨ ਦੀ ਚੋਣ ਕਰਦੇ ਹੋ, ਤਾਂ Safari ਵੱਲੋਂ ਹਾਈਲਾਈਟਾਂ ਪ੍ਰਦਾਨ ਕਰਨ ਲਈ ਵੈੱਬਪੰਨੇ ਦਾ ਪਤਾ Apple ਨੂੰ ਭੇਜਿਆ ਜਾਵੇਗਾ। Apple ਨੂੰ ਭੇਜੀ ਜਾਣ ਵਾਲੀ ਸਾਰੀ ਜਾਣਕਾਰੀ ਤੁਹਾਡੇ Apple ਖਾਤੇ, ਈਮੇਲ ਪਤੇ ਜਾਂ ਹੋਰ ਡੇਟਾ ਨਾਲ ਸੰਬੰਧਿਤ ਨਹੀਂ ਹੈ ਜੋ Apple ਦੀਆਂ ਹੋਰ ਸੇਵਾਵਾਂ ਦੀ ਵਰਤੋਂ ਦੇ ਕਾਰਨ Apple ਕੋਲ ਉਪਲਬਧ ਹੋ ਸਕਦੀ ਹੈ। ਤੁਸੀਂ ਸੈਟਿੰਗਾਂ > ਐਪਾਂ > Safari ਵਿੱਚ ਜਾ ਕੇ ਅਤੇ ਹਾਈਲਾਈਟਾਂ ਨੂੰ ਸਮਰੱਥ ਕਰਨ ਲਈ ਟੈਪ ਕਰ ਕੇ ਹਾਈਲਾਈਟਾਂ ਨੂੰ ਸਮਰੱਥ ਕਰ ਸਕਦੇ ਹੋ।

ਵੈੱਬ ਐਕਸਟੈਂਸ਼ਨ

ਤੁਸੀਂ App Store ਤੋਂ Safari ਐਕਸਟੈਂਸ਼ਨ ਡਾਊਨਲੋਡ ਕਰ ਸਕਦੇ ਹੋ। ਜੇਕਰ ਤੁਹਾਡਾ ਡਿਵਾਈਸ ਪ੍ਰਬੰਧਿਤ ਕੀਤਾ ਜਾ ਰਿਹਾ ਹੈ, ਤਾਂ ਤੁਹਾਡੇ ਰੁਜ਼ਗਾਰ ਪ੍ਰਦਾਤਾ ਜਾਂ ਵਿੱਦਿਅਕ ਸੰਸਥਾ ਵੱਲੋਂ ਤੁਹਾਨੂੰ ਇੱਕ ਐਪ ਪ੍ਰਦਾਨ ਕੀਤੀ ਜਾ ਸਕਦੀ ਹੈ ਜਿਸ ਵਿੱਚ Safari ਐਕਸਟੈਂਸ਼ਨ ਹੋਣ। Safari ਐਕਸਟੈਂਸ਼ਨ ਦੀ ਵਰਤੋਂ ਕਰਨ ਤੋਂ ਪਹਿਲਾਂ ਤੁਹਾਨੂੰ ਇਸ ਨੂੰ Safari ਵਿੱਚ ਜਾਂ ਸੈਟਿੰਗਾਂ > Safari > ਐਕਸਟੈਂਸ਼ਨਾਂ ’ਤੇ ਜਾ ਕੇ ਇਸ ਨੂੰ ਚਾਲੂ ਕਰਨਾ ਚਾਹੀਦਾ ਹੈ। ਚਾਲੂ ਹੋਣ ਤੋਂ ਬਾਅਦ ਤੁਹਾਨੂੰ ਐਕਸਟੈਂਸ਼ਨ ਨੂੰ ਤੁਹਾਡੇ ਵੱਲੋਂ ਦੇਖੇ ਜਾ ਰਹੇ ਵੈੱਬਪੰਨਿਆਂ ਨੂੰ ਪੜ੍ਹਨ ਜਾਂ ਉਨ੍ਹਾਂ ਵਿੱਚ ਸੋਧ ਕਰਨ ਦੀ ਆਗਿਆ ਦੇਣੀ ਪਵੇਗੀ। ਤੁਸੀਂ ਸੈਟਿੰਗਾਂ > ਐਪਾਂ > Safari ਐਕਸਟੈਂਸ਼ਨ ’ਤੇ ਜਾ ਕੇ ਇਹ ਬਦਲ ਸਕਦੇ ਹੋ ਕਿ ਕਿਸੇ ਐਕਸਟੈਂਸ਼ਨ ਵੱਲੋਂ ਕਿਹੜੀਆਂ ਵੈੱਬਸਾਈਟਾਂ ਪੜ੍ਹੀਆਂ ਅਤੇ ਉਨ੍ਹਾਂ ਵਿੱਚ ਸੋਧ ਕੀਤੀ ਜਾ ਸਕਦੀ ਹੈ।

ਤੁਹਾਡੇ ਵੱਲੋਂ ਤੀਜੀ-ਧਿਰ ਦੇ ਵੈੱਬ ਐਕਸਟੈਂਸ਼ਨ ਦੀ ਵਰਤੋਂ ਕਰਨ ’ਤੇ ਤੁਸੀਂ ਉਸ ਤੀਜੀ-ਧਿਰ ਦੀਆਂ ਸ਼ਰਤਾਂ, ਪਰਦੇਦਾਰੀ ਨੀਤੀ ਅਤੇ ਅਮਲ ਦੇ ਅਧੀਨ ਹੁੰਦੇ ਹੋ। ਤੁਹਾਨੂੰ ਅਜਿਹੀਆਂ ਐਕਸਟੈਂਸ਼ਨਾਂ ਦੀਆਂ ਸ਼ਰਤਾਂ, ਪਰਦੇਦਾਰੀ ਨੀਤੀਆਂ ਅਤੇ ਅਮਲਾਂ ਦੀ ਸਮੀਖਿਆ, ਇਹ ਸਮਝਣ ਲਈ ਕਰਨੀ ਚਾਹੀਦੀ ਹੈ ਕਿ ਉਨ੍ਹਾਂ ਵੱਲੋਂ ਤੁਹਾਡੀ ਜਾਣਕਾਰੀ ਦੀ ਵਰਤੋਂ ਕਿਵੇਂ ਕੀਤੀ ਜਾਂਦੀ ਹੈ।

iCloud ਸਿੰਕ ਕਰਨਾ

ਤੁਸੀਂ ਆਪਣੇ ਖੁੱਲ੍ਹੇ ਟੈਬ, ਟੈਬ ਗਰੁੱਪ, ਸਵੈ-ਭਰੋ ਜਾਣਕਾਰੀ, ਬੁੱਕਮਾਰਕ, ਰੀਡਿੰਗ ਲਿਸਟ, ਅਤੇ ਹਿਸਟਰੀ ਸਮੇਤ ਆਪਣੀ Safari ਜਾਣਕਾਰੀ ਨੂੰ ਆਪਣੇ ਸਾਰੇ ਡਿਵਾਈਸਾਂ ‘ਤੇ ਸਿੰਕ ਕਰਨ ਲਈ iCloud ਦੀ ਵਰਤੋਂ ਕਰ ਸਕਦੇ ਹਨ। ਤੁਸੀਂ ਕਿਸੇ ਵੀ ਸਮੇਂ ਸੈਟਿੰਗਾਂ > [ਤੁਹਾਡਾ ਨਾਮ] > iCloud > iCloud ਵਿੱਚ ਸੰਭਾਲੇ > ਸਭ ਦੇਖੋ ’ਤੇ ਜਾ ਕੇ ਅਤੇ Safari ਨੂੰ ਬੰਦ ਕਰਨ ਲਈ ਟੈਪ ਕਰ ਕੇ ਇਸ ਫ਼ੀਚਰ ਨੂੰ ਅਸਮਰੱਥ ਕਰ ਸਕਦੇ ਹੋ।

ਇਹਨਾਂ ਫ਼ੀਚਰਾਂ ਦੀ ਵਰਤੋਂ ਕਰਕੇ Apple, ਉਸਦੀਆਂ ਸਹਾਇਕ ਕੰਪਨੀਆਂ ਅਤੇ ਏਜੰਟਾਂ ਨੂੰ ਉੱਪਰ ਦੱਸੇ ਮੁਤਾਬਕ ਇਸ ਜਾਣਕਾਰੀ ਨੂੰ ਟ੍ਰਾਂਸਮਿਟ ਕਰਨ, ਇਕੱਤਰ ਕਰਨ, ਸੰਭਾਲਣ, ਪ੍ਰਕਿਰਿਆ ਕਰਨ ਅਤੇ ਇਸ ਦੀ ਵਰਤੋਂ ਕਰਨ ਦੀ ਸਹਿਮਤੀ ਅਤੇ ਅਜਿਹਾ ਕਰਨ ਦੀ ਆਗਿਆ ਦਿੰਦੇ ਹੋ।

ਡੇਟਾ ਸਾਂਭ ਕੇ ਰੱਖਣਾ

Apple ਵੱਲੋਂ ਨਿੱਜੀ ਡੇਟਾ ਸਿਰਫ਼ ਉਸ ਸਮੇਂ ਤੱਕ ਸਾਂਭ ਕੇ ਰੱਖਿਆ ਜਾਂਦਾ ਹੈ ਜਦੋਂ ਤੱਕ ਇਹ Apple ਦੀ ਪਰਦੇਦਾਰੀ ਨੀਤੀ ਜਾਂ ਸਾਡੇ ਸੇਵਾ-ਵਿਸ਼ੇਸ਼ ਪਰਦੇਦਾਰੀ ਨੋਟਸ ਵਿੱਚ ਦੱਸੇ ਗਏ ਸਮੇਤ ਇਸ ਨੂੰ ਇਕੱਠਾ ਕਰਨ ਦੇ ਉਦੇਸ਼ਾਂ ਨੂੰ ਪੂਰਾ ਕਰਨ ਜਾਂ ਕਾਨੂੰਨੀ ਤੌਰ ’ਤੇ ਲੋੜੀਂਦਾ ਹੁੰਦਾ ਹੈ। ਜਾਣਕਾਰੀ ਨੂੰ ਸਾਂਭ ਕੇ ਰੱਖਣ ਦੇ ਅਰਸੇ ਦਾ ਮੁਲਾਂਕਣ ਕਰਨ ਲਈ ਅਸੀਂ ਪਹਿਲਾਂ ਧਿਆਨ ਨਾਲ ਇਸਦੀ ਪੜਚੋਲ ਕਰਦੇ ਹਾਂ ਕਿ ਕੀ ਇਕੱਠੇ ਕੀਤੇ ਨਿੱਜੀ ਡੇਟਾ ਨੂੰ ਸਾਂਭਣਾ ਲੋੜੀਂਦਾ ਹੈ, ਜੇ ਹਾਂ, ਤਾਂ ਅਸੀਂ ਨਿੱਜੀ ਜਾਣਕਾਰੀ ਨੂੰ ਕਾਨੂੰਨੀ ਤੌਰ ’ਤੇ ਮਾਨਤਾ ਪ੍ਰਾਪਤ ਘੱਟ ਤੋਂ ਘੱਟ ਸੰਭਾਵਿਤ ਸਮੇਂ ਲਈ ਸਾਂਭਣ ਦਾ ਕੰਮ ਕਰਦੇ ਹਾਂ।

Apple ਵੱਲੋਂ ਇਕੱਤਰ ਕੀਤੀ ਗਈ ਜਾਣਕਾਰੀ ਨੂੰ ਹਮੇਸ਼ਾਂ Apple ਦੀ ਪਰਦੇਦਾਰੀ ਨੀਤੀ ਦੇ ਅਨੁਸਾਰ ਵਰਤਿਆ ਜਾਵੇਗਾ। ਇਸ ਨੂੰ www.apple.com/in/privacy ‘ਤੇ ਦੇਖਿਆ ਜਾ ਸਕਦਾ ਹੈ।

2025-12-12