• ਤੁਹਾਡੇ ਵੱਲੋਂ ਆਪਣਾ Savings ਖਾਤਾ ਸੈੱਟ ਅੱਪ ਕਰਨ ਪ੍ਰਦਾਨ ਕੀਤੀ ਜਾਣਕਾਰੀ ਦੀ ਵਰਤੋਂ Apple ਅਤੇ Goldman Sachs ਵੱਲੋਂ ਤੁਹਾਡੀ ਪਛਾਣ ਦੀ ਤਸਦੀਕ ਕਰਨ ਅਤੇ ਧੋਖਾਧੜੀ ਨੂੰ ਰੋਕਣ ਲਈ ਕੀਤੀ ਜਾਵੇਗੀ।
• ਉੱਪਰ ਦਿੱਤੀ ਗਈ ਕੁਝ ਜਾਣਕਾਰੀ ਦੇ ਨਾਲ ਹੀ ਖਾਤੇ ਅਤੇ ਡਿਵਾਈਸ ਨਾਲ ਸੰਬੰਧਿਤ ਜਾਣਕਾਰੀ ਦੀ ਵਰਤੋਂ Goldman Sachs ਅਤੇ ਉਸ ਦੇ ਸੇਵਾ ਪ੍ਰਦਾਤਾ Apple Payments Inc. ਵੱਲੋਂ ਕੀਤੀ ਜਾ ਸਕਦੀ ਹੈ ਜਿਸ ਨਾਲ ਤੁਹਾਡੇ ਵੱਲੋਂ ਆਪਣੇ ਬੱਚਤ ਖਾਤੇ ਨਾਲ ਬੈਂਕ ਖਾਤਾ ਲਿੰਕ ਕਰਦੇ ਸਮੇਂ ਜਾਂ ਆਪਣੇ ਬੱਚਤ ਖਾਤੇ ਵਿੱਚ ਜਾਂ ਉਸ ਤੋਂ ਪੈਸਾ ਪ੍ਰਾਪਤ ਕਰਨ ਦੇ ਦੌਰਾਨ ਧੋਖਾਧੜੀ ਨੂੰ ਰੋਕਿਆ ਜਾ ਸਕੇ।
• ਤੁਹਾਡੀ Savings ਦੇ ਲੈਣ ਦੇਣ ਸੰਬੰਧੀ ਜਾਣਕਾਰੀ ਨੂੰ Apple ਦੇ ਹੋਰ ਵਿਭਾਗਾਂ ਤੋਂ ਵੱਖਰੀ ਪ੍ਰਕਿਰਿਆ ਕਰ ਕੇ ਤੁਹਾਡੀ ਪਰਦੇਦਾਰੀ ਦੀ ਰੱਖਿਆ ਕਰਨ ਲਈ Apple ਇੱਕ ਪੂਰੀ ਮਲਕੀਅਤ ਵਾਲੀ ਸਹਾਇਕ ਕੰਪਨੀ Apple Payments Inc. ਦੀ ਵਰਤੋਂ ਕਰਦਾ ਹੈ।
• Savings ਦਾ ਡੇਟਾ, ਜੋ ਹੁਣ ਤੁਹਾਡੇ ਨਾਲ ਸੰਬੰਧਿਤ ਨਹੀਂ ਹੈ, ਜਿਵੇਂ ਕਿ ਤੁਹਾਡੇ ਸਭ ਤੋਂ ਜ਼ਿਆਦਾ ਵਰਤੋਂ ਹੋਣ ਵਾਲੇ Savings ਫ਼ੀਚਰਾਂ ਨੂੰ Savings ਅਤੇ ਹੋਰ Apple ਉਤਪਾਦਾਂ ਅਤੇ ਸੇਵਾਵਾਂ ਨੂੰ ਬਿਹਤਰ ਬਣਾਉਣ ਲਈ Apple ਦੁਆਰਾ ਵਰਤੋਂ ਕੀਤਾ ਜਾ ਸਕਦਾ ਹੈ।

ਆਪਣੇ ਬੱਚਤ ਖਾਤੇ ਦਾ ਸੈੱਟ ਅੱਪ ਕਰਨਾ

ਬੱਚਤ ਖਾਤਾ ਖੋਲ੍ਹਣ ਲਈ ਤੁਹਾਡੇ ਕੋਲ Apple Card ਖਾਤਾ ਹੋਣਾ ਜ਼ਰੂਰੀ ਹੈ। ਇਸ ਫ਼ੀਚਰ ਵੱਲੋਂ ਤੁਹਾਡੀ ਜਾਣਕਾਰੀ ਦੀ ਵਰਤੋਂ ਕਰਨ ਦੇ ਤਰੀਕੇ ਬਾਰੇ ਹੋਰ ਜਾਣਨ ਲਈ, www.apple.com/legal/privacy/data/en/apple-card ‘ਤੇ ਜਾ ਕੇ Apple Card ਅਤੇ ਪਰਦੇਦਾਰੀ ਨੂੰ ਦੇਖੋ।

ਤੁਹਾਡੇ ਵੱਲੋਂ ਬੱਚਤ ਖਾਤਾ ਖੋਲ੍ਹਣ ’ਤੇ Apple ਅਤੇ Goldman Sachs Bank USA, Salt Lake City Branch (“Goldman Sachs”) ਵੱਲੋਂ ਤੁਹਾਡੀ ਪਛਾਣ ਦੀ ਤਸਦੀਕ ਕਰਨ ਅਤੇ ਧੋਖਾਧੜੀ ਨੂੰ ਰੋਕਣ ਲਈ ਹੇਠਾਂ ਦਿਖਾਈ ਜਾਣਕਾਰੀ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ। ਤੁਹਾਡਾ ਖਾਤਾ ਸੈੱਟ ਅੱਪ ਕਰਨ ਅਤੇ ਲੋੜੀਂਦੀਆਂ ਕਾਨੂੰਨੀ ਅਤੇ ਰੈਗੂਲੇਟਰੀ ਜਾਂਚਾਂ ਕਰਨ ਲਈ Goldman Sachs ਵੱਲੋਂ ਵੀ ਇਸ ਜਾਣਕਾਰੀ ਦੀ ਵਰਤੋਂ ਕੀਤੀ ਜਾਂਦੀ ਹੈ।

• ਤੁਹਾਡਾ Apple ਖਾਤਾ ਅਤੇ ਇਸ ਨਾਲ ਸੰਬੰਧਿਤ ਨਾਮ, ਫ਼ੋਨ ਨੰਬਰ, ਪਤੇ ਅਤੇ ਈਮੇਲ ਪਤੇ
• ਤੁਹਾਡੇ Apple ਖਾਤੇ, iTunes, ਅਤੇ App Store ਖਾਤੇ ਦੀ ਗਤੀਵਿਧੀ (ਜਿਵੇਂ ਕਿ ਕੀ iTunes ਵਿੱਚ ਤੁਹਾਡੇ ਲੈਣ-ਦੇਣ ਦਾ ਲੰਮਾ ਹਿਸਟਰੀ ਹੈ ਜਾਂ ਨਹੀਂ) ਸੰਬੰਧੀ ਆਮ ਜਾਣਕਾਰੀ
• ਤੁਹਾਡੇ ਡਿਵਾਈਸ ਬਾਰੇ ਜਾਣਕਾਰੀ (ਜਿਵੇਂ ਕਿ, ਡਿਵਾਈਸ ਪਛਾਣਕਰਤਾ, ਫ਼ੋਨ ਨੰਬਰ, IP ਪਤਾ ਅਤੇ ਤੁਹਾਡੇ ਡਿਵਾਈਸ ਦਾ ਨਾਮ ਅਤੇ ਮਾਡਲ ਨੰਬਰ)
• ਉਹ ਖਾਤਾ, ਜਿਸ ਤੋਂ ਭੁਗਤਾਨ ਕਾਰਡ ਸ਼ਾਮਲ ਕੀਤੇ ਗਏ ਹਨ ਜਾਂ ਡਿਵਾਈਸ ਹਿਸਟਰੀ
• ਉਨ੍ਹਾਂ ਭੁਗਤਾਨ ਕਾਰਡਾਂ ਤੋਂ ਇਕੱਤਰ ਕੀਤੇ ਗਏ ਅੰਕੜੇ, ਜਿਨ੍ਹਾਂ ਨੂੰ ਤੁਸੀਂ ਆਪਣੇ Apple Pay ਵਿੱਚ ਸ਼ਾਮਲ ਕੀਤਾ ਹੈ ਜਾਂ ਸ਼ਾਮਲ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ

ਟੈਕਸ ਸੰਬੰਧੀ ਆਗਿਆ ਪਾਲਣ ਦੇ ਉਦੇਸ਼ਾਂ ਲਈ Goldman Sachs ਵੱਲੋਂ ਸਮਾਜਿਕ ਸੁਰੱਖਿਆ ਨੰਬਰ ਅਤੇ ਟੈਕਸ ਦੀ ਸਥਿਤੀ ਨਾਲ ਜੁੜੀ ਜਾਣਕਾਰੀ ਵੀ ਪੁੱਛੀ ਜਾਵੇਗੀ; Apple ਵੱਲੋਂ ਇਸ ਜਾਣਕਾਰੀ ਨੂੰ ਪੜ੍ਹਿਆ ਜਾਂ ਸਟੋਰ ਨਹੀਂ ਕੀਤਾ ਜਾਂਦਾ।

ਜੇਕਰ ਤੁਸੀਂ ਵੌਲਿਟ ਲਈ ਟਿਕਾਣਾ ਸੇਵਾਵਾਂ ਨੂੰ ਚਾਲੂ ਕੀਤਾ ਹੋਇਆ ਹੈ, ਤਾਂ ਤੁਹਾਡਾ Savings ਖਾਤਾ ਬਣਵਾਉਣ ਜਾਂ ਇਸ ਨੂੰ ਅੱਪਡੇਟ ਕਰਨ ਸਮੇਂ ਜਾਂ Savings ਨੂੰ ਪਹਿਲੀ ਵਾਰ ਆਪਣੇ ਡਿਵਾਈਸ ’ਤੇ ਖੋਲ੍ਹਣ ਸਮੇਂ ਤੁਹਾਡੇ ਅਨੁਮਾਨਿਤ ਟਿਕਾਣੇ ਦੀ ਵਰਤੋਂ Apple ਅਤੇ Goldman Sachs ਵੱਲੋਂ ਧੋਖਾਧੜੀ ਨੂੰ ਰੋਕਣ ਲਈ ਕੀਤੀ ਜਾਂਦੀ ਹੈ। ਠੀਕ ਉਸੇ ਤਰ੍ਹਾਂ, ਜਦੋਂ ਤੁਸੀਂ Apple Pay ’ਤੇ ਕੋਈ ਭੁਗਤਾਨ ਵਿਧੀ ਜੋੜਦੇ ਹੋ ਜਾਂ Apple Card ਦੇ ਲਈ ਅਪਲਾਈ ਕਰਦੇ ਹੋ ਜਾਂ ਉਸ ਨੂੰ ਪ੍ਰਾਪਤ ਕਰਦੇ ਹੋ, ਤੁਹਾਡੇ ਡਿਵਾਈਸ ਬਾਰੇ ਜਾਣਕਾਰੀ, ਜਿਵੇਂ ਕਿ ਵਿਸ਼ੇਸ਼ ਡਿਵਾਈਸ ਸੈਟਿੰਗਾਂ ਸਮਰੱਥ ਹਨ ਜਾਂ ਨਹੀਂ ਅਤੇ ਡਿਵਾਈਸ ਦੀ ਵਰਤੋਂ ਦੇ ਪੈਟਰਨ ਸੰਬੰਧੀ ਜਾਣਕਾਰੀ (ਉਦਾਹਰਨ ਲਈ, ਡਿਵਾਈਸ ਕਿੰਨੇ ਪ੍ਰਤਿਸ਼ਤ ਸਮੇਂ ਲਈ ਗਤੀਸ਼ੀਲ ਰਹਿੰਦਾ ਹੈ ਜਾਂ ਹਰ ਹਫ਼ਤੇ ਕਾਲਾਂ ਦੀ ਅੰਦਾਜ਼ਨ ਸੰਖਿਆ) ਨੂੰ ਧੋਖਾਧੜੀ ਤੋਂ ਬਚਾਅ ਲਈ Apple ਨੂੰ ਭੇਜਿਆ ਜਾ ਸਕਦਾ ਹੈ। Apple ਧੋਖਾਧੜੀ ਨੂੰ ਰੋਕਣ ਲਈ ਤੁਹਾਡੇ ਬੱਚਤ ਖਾਤੇ ਦੇ ਫ਼ੋਨ ਨੰਬਰ ਬਾਰੇ ਨੈੱਟਵਰਕ ਪ੍ਰਦਾਤਾ ਤੋਂ ਵੀ ਜਾਣਕਾਰੀ ਪ੍ਰਾਪਤ ਕਰ ਸਕਦਾ ਹੈ। ਆਪਣੇ ਡਿਵਾਈਸ ਦੇ ਐਕਸੈੱਸ ਨੂੰ ਕੰਟਰੋਲ ਕਰਨ ਅਤੇ ਆਪਣੇ ਡਿਵਾਈਸ ਦੇ ਟਿਕਾਣੇ ਦੀ ਵਰਤੋਂ ਕਰਨ ਦੇ ਤਰੀਕੇ ਬਾਰੇ ਵਧੇਰੇ ਜਾਣਕਾਰੀ ਲਈ www.apple.com/in/legal/privacy/data/en/location-services ’ਤੇ ਜਾ ਕੇ “ਟਿਕਾਣਾ ਸੇਵਾਵਾਂ ਅਤੇ ਪਰਦੇਦਾਰੀ” ਨੂੰ ਦੇਖੋ।

ਜਦੋਂ ਤੁਸੀਂ ਆਪਣਾ Savings ਖਾਤਾ ਸੈੱਟ ਅੱਪ ਕਰਦੇ ਹੋ, ਤਾਂ Goldman Sachs ਵੱਲੋਂ Apple ਨੂੰ ਤੁਹਾਡਾ Savings ਖਾਤਾ ਅਤੇ ਰਾਊਟਿੰਗ ਨੰਬਰ ਭੇਜਿਆ ਜਾਂਦਾ ਹੈ ਤਾਂ ਜੋ ਤੁਹਾਨੂੰ Savings ਦੇ ਅਧੀਨ ਤੁਹਾਡੇ ਡਿਵਾਈਸ ’ਤੇ ਉਪਲਬਧ ਕਰਾਇਆ ਜਾ ਸਕੇ। Apple ਵੱਲੋਂ ਤੁਹਾਡੀ ਜਾਣਕਾਰੀ ਨੂੰ ਸਟੋਰ ਨਹੀਂ ਕੀਤਾ ਜਾਂਦਾ।

ਆਪਣੇ ਬੱਚਤ ਖਾਤੇ ਦੀ ਵਰਤੋਂ ਕਰਨਾ

ਤੁਸੀਂ ਆਪਣੇ ਡਿਵਾਈਸ ‘ਤੇ ਆਪਣੇ ਬੱਚਤ ਖਾਤੇ ਨੂੰ ਦੇਖ ਅਤੇ ਪ੍ਰਬੰਧਿਤ ਕਰ ਸਕਦੇ ਹੋ, ਜਿਸ ਵਿੱਚ ਤੁਹਾਡਾ ਬੱਚਤ ਖਾਤਾ ਨੰਬਰ, ਰਾਊਟਿੰਗ ਨੰਬਰ ਅਤੇ ਲੈਣ-ਦੇਣ ਹਿਸਟਰੀ ਨੂੰ ਦੇਖਣਾ, ਸਮੇਂ ਦੇ ਨਾਲ ਆਪਣੇ ਖਾਤੇ ਦੇ ਬਕਾਏ ਵਿੱਚ ਹੋਣ ਵਾਲੇ ਬਦਲਾਅ ਦੇਖਣਾ, ਆਪਣੇ ਖਾਤੇ ਦੀ ਜਾਣਕਾਰੀ ਨੂੰ ਅੱਪਡੇਟ ਕਰਨਾ ਅਤੇ Savings ਵਿੱਚ ਜਾਂ Savings ਤੋਂ ਪੈਸੇ ਟ੍ਰਾਂਸਫ਼ਰ ਕਰਨ ਲਈ ਹੋਰ ਬੈਂਕ ਖਾਤਿਆਂ ਨੂੰ ਲਿੰਕ ਕਰਨਾ ਸ਼ਾਮਲ ਹੈ।

Goldman Sachs ਅਤੇ Apple Payments Inc. ਸਮੱਸਿਆਵਾਂ ਦਾ ਹੱਲ ਕਰਨ, ਧੋਖਾਧੜੀ ਨੂੰ ਰੋਕਣ ਅਤੇ ਵਿੱਤੀ ਨਿਯਮਾਂ ਦੀ ਪਾਲਣਾ ਕਰਨ ਲਈ ਲੈਣ-ਦੇਣ ਪੂਰਾ ਹੋ ਜਾਣ ਤੋਂ ਬਾਅਦ ਤੁਹਾਡੇ Savings ਦੇ ਲੈਣ-ਦੇਣ ਡੇਟਾ ਨੂੰ ਸਟੋਰ ਅਤੇ ਇਸ ਦੀ ਵਰਤੋਂ ਕਰੇਗਾ। Apple ਨੇ ਤੁਹਾਡੀ ਪਰਦੇਦਾਰੀ ਦੀ ਰੱਖਿਆ ਕਰਨ ਲਈ ਇੱਕ ਪੂਰਨ ਮਾਲਕੀ ਵਾਲੀ ਸਹਾਇਕ ਕੰਪਨੀ ਅਤੇ ਲਾਇਸੰਸ ਵਾਲੀ ਪੈਸੇ ਭੇਜਣ ਵਾਲੀ Apple Payments Inc. ਦੀ ਸਥਾਪਨਾ ਕੀਤੀ ਹੈ, ਜੋ ਕਿ ਤੁਹਾਡੇ ਨਿੱਜੀ ਡੇਟਾ ਨੂੰ Apple ਦੇ ਹੋਰ ਵਿਭਾਗਾਂ ਤੋਂ ਵੱਖਰੇ ਢੰਗ ਨਾਲ ਇਸ ਤਰ੍ਹਾਂ ਸਟੋਰ ਅਤੇ ਪ੍ਰਕਿਰਿਆ ਕਰਦੀ ਹੈ ਕਿ Apple ਦੇ ਹੋਰ ਵਿਭਾਗਾਂ ਨੂੰ ਇਸ ਦਾ ਪਤਾ ਨਹੀਂ ਲੱਗਦਾ ਹੈ। ਤੁਹਾਡੇ Savings ਦੀ ਵਰਤੋਂ ਨਾਲ ਜੁੜੇ, Apple Payments Inc. ਵਿੱਚ ਸਟੋਰ ਕੀਤੇ ਤੁਹਾਡੇ ਨਿੱਜੀ ਡੇਟਾ ਦੀ ਵਰਤੋਂ ਸਿਰਫ਼ ਤੁਹਾਡੇ ਵੱਲੋਂ ਬੇਨਤੀ ਕੀਤੀਆਂ ਸੇਵਾਵਾਂ ਪ੍ਰਦਾਨ ਕਰਨ, ਸਮੱਸਿਆਵਾਂ ਦਾ ਹੱਲ ਕਰਨ, ਰੈਗੂਲੇਟਰੀ ਉਦੇਸ਼ਾਂ ਅਤੇ ਧੋਖਾਧੜੀ ਨੂੰ ਰੋਕਣ ਲਈ ਕੀਤੀ ਜਾਂਦੀ ਹੈ।

Apple ਵਿਅਕਤੀਗਤ ਲੈਣ-ਦੇਣ ਸੰਬੰਧੀ ਜਾਣਕਾਰੀ ਨੂੰ ਤੁਹਾਡੇ Apple ਖਾਤੇ ਵਿੱਚ ਭੇਜਦਾ ਅਤੇ ਸਟੋਰ ਕਰਦਾ ਹੈ ਅਤੇ ਤੁਹਾਡੀ ਲੈਣ-ਦੇਣ ਦੀ ਹਿਸਟਰੀ ਨੂੰ ਤੁਹਾਡੇ ਡਿਵਾਈਸ ‘ਤੇ ਅੱਪ-ਟੂ-ਡੇਟ ਰੱਖਦਾ ਹੈ। ਐਂਡ-ਟੂ-ਐਂਡ ਦੀ ਵਰਤੋਂ ਕਰ ਕੇ iCloud ਵਿੱਚ ਤੁਹਾਡੇ ਲੈਣ-ਦੇਣ ਸਟੋਰ ਕੀਤੇ ਜਾਂਦੇ ਹਨ ਜਿਸ ਨਾਲ ਉੱਚ ਪੱਧਰ ਡੇਟਾ ਸੁਰੱਖਿਆ ਪ੍ਰਦਾਨ ਕੀਤੀ ਜਾਂਦੀ ਹੈ। ਤੁਹਾਡੇ ਡੇਟਾ ਨੂੰ ਤੁਹਾਡੇ ਡਿਵਾਈਸ ਲਈ ਵਿਲੱਖਣ ਜਾਣਕਾਰੀ ਤੋਂ ਪ੍ਰਾਪਤ ਕੁੰਜੀ ਨਾਲ ਰੱਖਿਅਤ ਕੀਤਾ ਜਾਂਦਾ ਹੈ ਜਿਸ ਨੂੰ ਤੁਹਾਡੇ ਡਿਵਾਈਸ ਦੇ ਪਾਸਕੋਡ ਨਾਲ ਮਿਲਾਇਆ ਜਾਂਦਾ ਹੈ ਜਿਸ ਬਾਰੇ ਸਿਰਫ਼ ਤੁਹਾਨੂੰ ਹੀ ਪਤਾ ਹੁੰਦਾ ਹੈ।

ਜਦੋਂ ਤੁਸੀਂ ਕਿਸੇ ਬੈਂਕ ਖਾਤੇ ਨੂੰ ਬੱਚਤ ਖਾਤੇ ਨਾਲ ਲਿੰਕ ਕਰਦੇ ਹੋ ਜਾਂ ਲਿੰਕ ਕੀਤੇ ਗਏ ਬੈਂਕ ਖਾਤੇ ਵਿੱਚ ਜਾਂ ਉਸ ਤੋਂ ਪੈਸੇ ਟ੍ਰਾਂਸਫ਼ਰ ਕਰਦੇ ਹੋ, ਤਾਂ Apple ਉਸ ਬੈਂਕ ਖਾਤੇ ਨਾਲ ਜੁੜੇ ਬੈਂਕ ਦਾ ਨਾਮ ਅਤੇ ਖਾਤਾ ID ਵਰਗੀ ਉਸ ਖਾਤੇ ਸੰਬੰਧੀ ਜਾਣਕਾਰੀ ਪ੍ਰਾਪਤ ਕਰ ਸਕਦਾ ਹੈ ਅਤੇ ਉਸ ਜਾਣਕਾਰੀ ਦੀ ਵਰਤੋਂ ਬੱਚਤ ਖਾਤੇ ਅਤੇ ਤੁਹਾਡੇ ਬੈਂਕ ਖਾਤੇ ਦੇ ਵਿਚਕਾਰ ਲਿੰਕ ਸੈੱਟ ਅੱਪ ਕਰਨ ਲਈ ਕਰ ਸਕਦਾ ਹੈ। ਧੋਖਾਧੜੀ ਰੋਕਣ ਲਈ, ਇਹ ਜਾਣਕਾਰੀ Apple ਵੱਲੋਂ ਤੁਹਾਡੇ ਟਿਕਾਣੇ ਦੀ ਜਾਣਕਾਰੀ ਸਮੇਤ Goldman Sachs ਅਤੇ Apple Payments Inc. ਨਾਲ ਸਾਂਝੀ ਕੀਤੀ ਜਾ ਸਕਦੀ ਹੈ। ਤੁਹਾਨੂੰ Goldman Sachs ਵੱਲੋਂ ਖਾਤੇ ਵਿੱਚ ਦੋ ਛੋਟੀਆਂ ਜਮ੍ਹਾਂ ਰਕਮਾਂ ਭੇਜਣ ਅਤੇ ਆਪਣੇ Apple device ‘ਤੇ ਇਨ੍ਹਾਂ ਰਕਮਾਂ ਨੂੰ ਤਸਦੀਕ ਕਰ ਕੇ ਜਾਂ ਸਹਾਇਤਾ ਨਾਲ ਸੰਪਰਕ ਕਰ ਕੇ ਆਪਣੀ ਮਾਲਕੀ ਤਸਦੀਕ ਕਰਨ ਲਈ ਵੀ ਕਿਹਾ ਜਾ ਸਕਦਾ ਹੈ। Apple ਪੈਸਿਆਂ ਬਾਰੇ ਜਾਣਕਾਰੀ ਅਤੇ ਤਸਦੀਕੀਕਰਨ ਦੇ ਸਫਲਤਾਪੂਰਵਕ ਹੋਣ ਜਾਂ ਨਾ ਹੋਣ ਨੂੰ ਦੇਖੇਗਾ, ਪਰ ਸਟੋਰ ਨਹੀਂ ਕਰੇਗਾ। ਕਿਸੇ ਬੈਂਕ ਖਾਤੇ ਨੂੰ ਆਪਣੇ ਬੱਚਤ ਖਾਤੇ ਜਾਂ Apple Card ਖਾਤੇ ਨਾਲ ਲਿੰਕ ਕਰਨ ਨਾਲ ਇਹ ਤੁਹਾਡੇ ਬੱਚਤ ਖਾਤੇ ਜਾਂ Apple Card ਖਾਤੇ ਦੋਵਾਂ ਵਿੱਚ ਲਿੰਕ ਕੀਤੇ ਬੈਂਕ ਖਾਤੇ ਵਜੋਂ ਦਿਖਾਈ ਦੇਵੇਗਾ; ਆਪਣੇ ਬੱਚਤ ਖਾਤੇ ਜਾਂ Apple Card ਖਾਤੇ ਵਿੱਚੋਂ ਕਿਸੇ ਬੈਂਕ ਖਾਤੇ ਨੂੰ ਡਿਲੀਟ ਕਰਨ ਨਾਲ ਇਹ ਇਹਨਾਂ ਦੋਵਾਂ ਫ਼ੀਚਰਾਂ ਵਿੱਚ ਲਿੰਕ ਕੀਤੇ ਬੈਂਕ ਖਾਤੇ ਵਜੋਂ ਦਿਖਾਈ ਨਹੀਂ ਦੇਵੇਗਾ।

ਜਦੋਂ ਤੁਸੀਂ Savings ਵਿੱਚ ਲਾਭਪਾਤਰੀ ਸ਼ਾਮਲ ਕਰਦੇ ਹੋ, ਤਾਂ ਲਾਭਪਾਤਰੀ ਦਾ ਇਨਕ੍ਰਿਪਟ ਕੀਤਾ ਗਿਆ ਪੂਰਾ ਨਾਮ, ਪਤਾ, ਫ਼ੋਨ ਨੰਬਰ, ਸਬੰਧ, ਜਨਮ ਮਿਤੀ ਅਤੇ ਸ਼ੋਸਲ ਸੁਰੱਖਿਆ ਨੰਬਰ Apple ਵੱਲੋਂ Goldman Sachs ਨੂੰ ਭੇਜੇ ਜਾਣਗੇ। Apple ਇਹ ਜਾਣਕਾਰੀ ਨੂੰ ਦੇਖੇਗਾ ਪਰ ਸਟੋਰ ਨਹੀਂ ਕਰੇਗਾ ਕਿ ਲਾਭਪਾਤਰੀ ਨੂੰ ਸਫਲਤਾਪੂਰਵਕ ਜੋੜਿਆ ਗਿਆ ਹੈ ਜਾਂ ਨਹੀਂ। ਜਦੋਂ ਤੁਸੀਂ ਆਪਣੇ ਕਿਰਿਆਸ਼ੀਲ ਲਾਭਪਾਤਰੀਆਂ ਦੇਖਦੇ ਹੋ, ਤਾਂ ਤੁਹਾਡੇ ਡਿਵਾਈਸ ’ਤੇ ਡਿਸਪਲੇ ਕਰਨ ਦੇ ਲਈ ਲਾਭਪਾਤਰੀ ਜਾਣਕਾਰੀ Goldman Sachs ਵੱਲੋਂ Apple ਸਰਵਰਾਂ ਰਾਹੀਂ ਭੇਜੀ ਜਾਵੇਗੀ। Apple ਵੱਲੋਂ ਲਾਭਪਾਤਰੀ ਦੀ ਜਾਣਕਾਰੀ ਨੂੰ ਦੇਖਿਆ ਜਾਂਦਾ ਹੈ ਪਰ ਸਟੋਰ ਨਹੀਂ ਕੀਤਾ ਜਾਂਦਾ।

Savings ਅਤੇ ਪਰਿਵਾਰਕ ਸਾਂਝਾਕਰਨ

ਬੱਚਤ ਖਾਤਾ ਧਾਰਕ iCloud ਪਰਿਵਾਰਕ ਸਾਂਝਾਕਰਨ ਦੀ ਵਰਤੋਂ ਕਰ ਕੇ ਆਪਣਾ ਬੱਚਤ ਖਾਤਾ ਸਾਂਝਾ ਨਹੀਂ ਕਰ ਸਕਦੇ ਪਰ ਹਰੇਕ Apple Card ਸਹਿ-ਮਾਲਕ ਖ਼ੁਦ ਲਈ ਵਿਅਕਤੀਗਤ ਬੱਚਤ ਖਾਤਾ ਬਣਾ ਸਕਦੇ ਹਨ। ਜਦੋਂ ਕੋਈ ਸਹਿ-ਮਾਲਕ ਆਪਣੇ ਬੱਚਤ ਖਾਤੇ ਜਾਂ ਸਹਿ-ਮਾਲਕੀ ਵਾਲੇ Apple Card ਖਾਤੇ ਨਾਲ ਕੋਈ ਬੈਂਕ ਖਾਤਾ ਲਿੰਕ ਕਰਦਾ ਹੈ, ਤਾਂ ਇਹ ਸਿਰਫ਼ ਉਸ ਸਹਿ-ਮਾਲਕ ਦੇ ਨਿੱਜੀ ਬੱਚਤ ਖਾਤੇ ਨਾਲ ਲਿੰਕ ਕੀਤੇ ਗਏ ਬੈਂਕ ਖਾਤੇ ਵਜੋਂ ਦਿਖਾਈ ਦੇਵੇਗਾ ਅਤੇ ਦੋਵਾਂ ਸਹਿ-ਮਾਲਕਾਂ ਨੂੰ ਉਹਨਾਂ ਦੇ Apple Card ਖਾਤੇ ਵਿੱਚ ਦਿਖਾਈ ਦੇਵੇਗਾ। ਆਪਣੇ ਬੱਚਤ ਖਾਤੇ ਜਾਂ ਸਹਿ-ਮਾਲਕੀ ਵਾਲੇ Apple Card ਖਾਤੇ ਨਾਲ ਲਿੰਕ ਕੀਤੇ ਕਿਸੇ ਬੈਂਕ ਖਾਤੇ ਨੂੰ ਡਿਲੀਟ ਕੀਤੇ ਜਾਣ ’ਤੇ ਲਿੰਕ ਕੀਤੇ ਗਏ ਬੈਂਕ ਖਾਤਾ ਨੂੰ ਤੁਹਾਡੇ ਸਹਿ-ਮਾਲਕ ਦੇ ਬੱਚਤ ਖਾਤੇ ਤੋਂ ਡਿਲੀਟ ਨਹੀਂ ਕੀਤਾ ਜਾਵੇਗਾ।

Savings ਅਤੇ ਵਿਸ਼ਲੇਸ਼ਣ

Savings ਨੂੰ ਬਿਹਤਰ ਬਣਾਉਣ ਲਈ, Apple ਵੱਲੋਂ ਵੌਲਿਟ ਐਪ ਵਿੱਚ ਬੱਚਤ ਖਾਤਾ ਬਣਾਉਣ ਦੀ ਪ੍ਰਕਿਰਿਆ ਅਤੇ Savings ਫ਼ੀਚਰਾਂ ਦੀ ਵਰਤੋਂ ਦੀ ਜਾਣਕਾਰੀ ਇਕੱਠੀ ਕੀਤੀ ਜਾਂਦੀ ਹੈ ਅਤੇ ਉਸ ਜਾਣਕਾਰੀ ਨੂੰ ਇਸ ਤਰ੍ਹਾਂ ਸਟੋਰ ਕੀਤਾ ਜਾਂਦਾ ਹੈ, ਜਿਸ ਨਾਲ ਤੁਹਾਡੀ ਵਿਅਕਤੀਗਤ ਪਛਾਣ ਪ੍ਰਗਟ ਨਹੀਂ ਹੁੰਦੀ। ਇਸ ਜਾਣਕਾਰੀ ਵਿੱਚ ਖਾਤਾ ਬਣਾਉਣ ਦੀ ਪ੍ਰਕਿਰਿਆ ਵਿੱਚ ਲੱਗਣ ਵਾਲਾ ਸਮਾਂ ਅਤੇ Savings ਦੇ ਸਭ ਤੋਂ ਵੱਧ ਵਰਤੇ ਜਾਣ ਵਾਲੇ ਫ਼ੀਚਰ, ਜਿਵੇਂ ਕਿ ਸਭ ਤੋਂ ਹਾਲੀਆ ਲੈਣ-ਦੇਣ ਸੰਬੰਧੀ ਜਾਣਕਾਰੀ ਆਦਿ, ਸ਼ਾਮਲ ਹੁੰਦੇ ਹਨ। Apple ਵੱਲੋਂ ਇਸ ਜਾਣਕਾਰੀ ਦੀ ਵਰਤੋਂ Apple ਦੇ ਉਤਪਾਦਾਂ ਅਤੇ ਸੇਵਾਵਾਂ ਨੂੰ ਸੁਧਾਰਨ, ਮਾਰਕਿਟਿੰਗ ਅਤੇ ਧੋਖਾਧੜੀ ਰੋਕਣ ਤੇ ਸੁਰੱਖਿਆ ਉਦੇਸ਼ਾਂ ਲਈ ਵੀ ਕੀਤੀ ਜਾ ਸਕਦੀ ਹੈ।

Savings ਅਤੇ ਸੰਚਾਰ

Apple ਵੱਲੋਂ ਤੁਹਾਡੇ ਬੱਚਤ ਖਾਤੇ ਦੀ ਸਥਿਤੀ, ਜਿਵੇਂ ਕੀ ਤੁਸੀਂ ਬੱਚਤ ਖਾਤੇ ਲਈ ਬੇਨਤੀ ਕੀਤੀ ਹੈ ਜਾਂ ਤੁਹਾਡੇ ਕੋਲ ਕੋਈ ਚਾਲੂ ਬੱਚਤ ਖਾਤਾ ਹੈ ਆਦਿ ਜਾਣਕਾਰੀ ਦੀ ਵਰਤੋਂ ਇਹ ਨਿਰਧਾਰਤ ਕਰਨ ਲਈ ਕੀਤੀ ਜਾ ਸਕਦੀ ਹੈ ਕਿ ਮਾਰਕਿਟਿੰਗ ਸੁਨੇਹੇ ਸਮੇਤ ਕੋਈ ਸੁਨੇਹਾ ਤੁਹਾਡੇ ਲਈ ਪ੍ਰਸੰਗਿਕ ਹੈ ਜਾਂ ਨਹੀਂ। ਅਣਪਛਾਤੀ ਅਤੇ ਸਮੁੱਚੀ ਜਾਣਕਾਰੀ, ਜਿਸ ਨੂੰ ਤੁਹਾਡੇ ਨਾਲ ਜੋੜਿਆ ਨਹੀਂ ਜਾ ਸਕਦਾ, ਉਸ ਦੀ ਵਰਤੋਂ Savings ਮਾਰਕਿਟਿੰਗ ਅਤੇ ਹੋਰ ਸੁਨੇਹਿਆਂ ਲਈ ਵੀ ਕੀਤੀ ਜਾ ਸਕਦੀ ਹੈ। ਤੁਸੀਂ ਮਾਰਕਿਟਿੰਗ ਈਮੇਲ ਵਿੱਚ “ਅਨਸਬਸਕ੍ਰਾਈਬ ਕਰੋ” ਲਿੰਕ ‘ਤੇ ਕਲਿੱਕ ਕਰ ਕੇ ਜਾਂ ਵੌਲਿਟ ਲਈ ਸੂਚਨਾਵਾਂ ਬੰਦ ਕਰ ਕੇ, ਮਾਰਕਿਟਿੰਗ ਸੁਨੇਹੇ ਪ੍ਰਾਪਤ ਨਾ ਕਰਨ ਦਾ ਵਿਕਲਪ ਚੁਣ ਸਕਦੇ ਹੋ।

Savings ਸਹਾਇਤਾ

ਜੇਕਰ Savings ਸੰਬੰਧੀ ਤੁਹਾਡੇ ਕੋਈ ਸਵਾਲ ਹਨ, ਤਾਂ ਤੁਸੀਂ ਵੌਲਿਟ ਐਪ ਰਾਹੀਂ ਸੁਨੇਹੇ ਸ਼ੁਰੂ ਕਰ ਕੇ ਸਹਾਇਤਾ ਟੀਮ ਨਾਲ ਸੰਪਰਕ ਕਰ ਸਕਦੇ ਹੋ। Apple ਵੱਲੋਂ ਤੁਹਾਡੀ ਬੇਨਤੀ ਨੂੰ ਪ੍ਰਕਿਰਿਆ ਵਿੱਚ ਲਿਆਉਣ ਲਈ ਨਿੱਜੀ ਡੇਟਾ ਸਮੇਤ ਤੁਹਾਡੇ ਵੱਲੋਂ ਸਾਂਝੀ ਕੀਤੀ ਜਾਣ ਵਾਲੀ ਜਾਣਕਾਰੀ ਦੀ ਵਰਤੋਂ ਕੀਤੀ ਜਾਵੇਗੀ। ਜੇਕਰ ਤੁਹਾਡੀ ਪੁੱਛ-ਗਿੱਛ ਨੂੰ ਸੇਵਾ ਲਈ Goldman Sachs ਨੂੰ ਭੇਜਣਾ ਲਾਜ਼ਮੀ ਹੈ, ਤਾਂ Apple ਵੱਲੋਂ ਤੁਹਾਡੇ ਅਤੇ ਤੁਹਾਡੀ ਪੁੱਛ-ਗਿੱਛ ਸੰਬੰਧੀ ਜਾਣਕਾਰੀ Goldman Sachs ਨਾਲ ਸਾਂਝੀ ਕੀਤੀ ਜਾਵੇਗੀ, ਤਾਂ ਜੋ ਬਿਹਤਰ ਤਰੀਕੇ ਨਾਲ ਤੁਹਾਡੀ ਮਦਦ ਕੀਤੀ ਜਾ ਸਕੇ। Apple ਵੱਲੋਂ ਕਿਸੇ ਵੀ ਨਿੱਜੀ ਪਛਾਣਯੋਗ ਵਿੱਤੀ ਜਾਣਕਾਰੀ ਨੂੰ ਸਾਂਭ ਕੇ ਨਹੀਂ ਰੱਖਿਆ ਜਾਵੇਗਾ ਜੋ ਇਸ ਵੱਲੋਂ ਸੇਵਾਵਾਂ ਲਈ Goldman Sachs ਨੂੰ ਭੇਜੀ ਜਾਂਦੀ ਹੈ। ਤੁਸੀਂ ਆਪਣੇ ਸਵਾਲਾਂ ਲਈ 877-255-5923 ’ਤੇ ਕਾਲ ਕਰ ਕੇ ਵੀ ਸਹਾਇਤਾ ਨਾਲ ਸਿੱਧਾ ਸੰਪਰਕ ਕਰ ਸਕਦੇ ਹੋ।

ਆਪਣਾ ਬੱਚਤ ਖਾਤਾ ਬੰਦ ਕਰਨਾ

ਜੇਕਰ ਤੁਸੀਂ ਆਪਣਾ ਬੱਚਤ ਖਾਤਾ ਬੰਦ ਕਰ ਦਿੰਦੇ ਹੋ, ਤਾਂ ਇਸ ਨਾਲ ਜੁੜੀ ਜਾਣਕਾਰੀ ਸੈਟਿੰਗਾਂ > ਵੌਲਿਟ ਅਤੇ Apple Pay > ਬੰਦ ਕੀਤੇ ਗਏ ਖਾਤੇ ਵਿੱਚ ਰਹੇਗੀ ਜਿੱਥੇ ਤੁਸੀਂ ਆਪਣੀਆਂ ਪਿਛਲੀਆਂ ਸਟੇਟਮੈਂਟਾਂ ਅਤੇ ਟੈਕਸ ਸੰਬੰਧੀ ਦਸਤਾਵੇਜ਼ ਦੇਖ ਸਕਦੇ ਹੋ।

ਤੁਹਾਡੀ ਜਾਣਕਾਰੀ ਅੱਪਡੇਟ ਕਰਨਾ

ਤੁਸੀਂ ਵੌਲਿਟ ਵਿੱਚ ਆਪਣੀ ਬੱਚਤ ਖਾਤਾ ਜਾਣਕਾਰੀ ਅੱਪਡੇਟ ਕਰ ਸਕਦੇ ਹੋ। ਤੁਸੀਂ Goldman Sachs ਨਾਲ ਸੰਪਰਕ ਕਰ ਕੇ ਵੀ ਆਪਣੇ ਬੱਚਤ ਖਾਤੇ ਦੀ ਜਾਣਕਾਰੀ ਅੱਪਡੇਟ ਕਰ ਸਕਦੇ ਹੋ। Goldman Sachs ਵੱਲੋਂ ਅੱਪਡੇਟ ਕੀਤੀ ਬੱਚਤ ਖਾਤਾ ਜਾਣਕਾਰੀ Savings ਸੇਵਾਵਾਂ ਪ੍ਰਦਾਨ ਕਰਨ ਲਈ Apple ਨਾਲ ਸਾਂਝੀ ਕੀਤੀ ਜਾ ਸਕਦੀ ਹੈ।

ਹੋਰ ਜਾਣਕਾਰੀ

Apple ਵੱਲੋਂ ਧੋਖਾਧੜੀ ਰੋਕਣ ਅਤੇ ਕਾਨੂੰਨੀ ਤੌਰ ’ਤੇ ਤੁਹਾਡੀ ਜਾਣਕਾਰੀ ਦੀ ਵਰਤੋਂ ਕੀਤੀ ਜਾਵੇਗੀ ਅਤੇ ਇਹ ਜਾਣਕਾਰੀ Goldman Sachs ਨਾਲ ਸਾਂਝੀ ਕੀਤੀ ਜਾ ਸਕਦੀ ਹੈ। Apple ਅਤੇ Goldman Sachs ਵੱਲੋਂ ਤੁਹਾਨੂੰ ਬੱਚਤ ਖਾਤੇ ਦੀ ਉਪਲਬਧਤਾ ਨਾਲ ਸੰਬੰਧਿਤ ਲੋੜੀਂਦੇ ਅੱਪਡੇਟ ਦੇਣ ਲਈ ਖਾਤੇ ਦੀ ਜਾਣਕਾਰੀ ਨੂੰ ਸਾਂਝਾ ਕੀਤਾ ਜਾ ਸਕਦਾ ਹੈ। Apple ਵੱਲੋਂ Savings-ਸੰਬੰਧੀ ਜਾਣਕਾਰੀ ਦੀ ਵਰਤੋਂ, ਤੁਹਾਡੇ ਵੱਲੋਂ ਖਾਤਾ ਬੰਦ ਕਰਨ ਤੋਂ ਬਾਅਦ ਵੀ ਲੋੜੀਂਦੀ ਸੀਮਾ ਤੱਕ ਕੀਤੀ ਜਾ ਸਕਦੀ ਹੈ, ਜਦੋਂ ਤੱਕ ਕਾਨੂੰਨੀ ਤੌਰ ’ਤੇ ਅਤੇ ਕਾਨੂੰਨੀ ਪ੍ਰਕਿਰਿਆ ਲਈ ਜ਼ਰੂਰੀ ਹੋਵੇ। Goldman Sachs ਵੱਲੋਂ ਤੁਹਾਡੇ ਨਿੱਜੀ ਡੇਟਾ ਦੀ ਸੁਰੱਖਿਆ ਕਿਵੇਂ ਕੀਤੀ ਜਾਂਦੀ ਹੈ, ਇਸ ਬਾਰੇ ਵਧੇਰੇ ਜਾਣਕਾਰੀ ਲਈ ਤੁਸੀਂ ਉਨ੍ਹਾਂ ਦੀ ਪਰਦੇਦਾਰੀ ਨੀਤੀ ਦੀ ਸਮੀਖਿਆ ਕਰ ਸਕਦੇ ਹੋ ਜੋ https://www.goldmansachs.com/privacy-and-cookies/c-privacy-policy.html ’ਤੇ ਉਪਲਬਧ ਹੈ।

ਜਿੱਥੇ ਇਸ ਨੋਟਿਸ ਵਿੱਚ ਵਰਣਨ ਕੀਤੇ ਗਏ ਨਿੱਜੀ ਡੇਟਾ ’ਤੇ ਪ੍ਰਕਿਰਿਆ ਕਰਦੇ ਸਮੇਂ Apple ਡੇਟਾ ਕੰਟਰੋਲਰ ਵਜੋਂ ਕਾਰਜ ਕਰਦਾ ਹੈ, ਉੱਥੇ ਇਹ ਗਤੀਵਿਧੀਆਂ Apple Payments Services LLC, Apple ਦੀ ਸੰਪੂਰਨ ਮਾਲਕੀ ਵਾਲੀ ਕੰਪਨੀ ਵੱਲੋਂ ਪ੍ਰਦਾਨ ਕੀਤੀਆਂ ਜਾਂਦੀਆਂ ਹਨ, ਜਦੋਂ ਤੱਕ ਕਿਸੇ ਤਰ੍ਹਾਂ ਨੋਟ ਨਾ ਕੀਤਾ ਗਿਆ ਹੋਵੇ। Savings ਦੀ ਵਰਤੋਂ ਕਰਕੇ ਤੁਸੀਂ Apple, ਇਸਦੀਆਂ ਸਹਾਇਕ ਕੰਪਨੀ ਅਤੇ ਏਜੰਟਾਂ ਨੂੰ ਉੱਪਰ ਦੱਸੇ ਅਨੁਸਾਰ ਜਾਣਕਾਰੀ ਨੂੰ ਟ੍ਰਾਂਸਮਿਟ ਕਰਨ, ਇਕੱਤਰ ਕਰਨ, ਦੇਖਭਾਲ ਕਰਨ, ਪ੍ਰਕਿਰਿਆ ਕਰਨ ਅਤੇ ਇਸ ਦੀ ਵਰਤੋਂ ਕਰਨ ਨਾਲ ਸਹਿਮਤ ਹੁੰਦੇ ਹੋ ਅਤੇ ਅਜਿਹਾ ਕਰਨ ਦੀ ਆਗਿਆ ਦਿੰਦੇ ਹੋ।

Apple ਵੱਲੋਂ ਨਿੱਜੀ ਡੇਟਾ ਸਿਰਫ਼ ਉਸ ਸਮੇਂ ਤੱਕ ਪ੍ਰਾਪਤ ਕਰ ਕੇ ਰੱਖਿਆ ਜਾਂਦਾ ਹੈ, ਜਦੋਂ ਤੱਕ ਇਸ ਨੋਟਿਸ ਅਤੇ Apple ਦੀ ਪਰਦੇਦਾਰੀ ਨੀਤੀ ਵਿੱਚ ਦੱਸੇ ਗਏ ਸਮੇਤ ਇਸ ਨੂੰ ਇਕੱਠਾ ਕਰਨ ਦੇ ਉਦੇਸ਼ਾਂ ਨੂੰ ਪੂਰਾ ਕਰਨ ਲਈ ਲੋੜੀਂਦਾ ਹੈ ਜਾਂ ਜਦੋਂ ਤੱਕ ਡੇਟਾ ਨੂੰ ਪ੍ਰਾਪਤ ਕਰ ਕੇ ਰੱਖਣਾ ਕਾਨੂੰਨੀ ਤੌਰ ‘ਤੇ ਉਚਿਤ ਹੁੰਦਾ ਹੈ। ਜਾਣਕਾਰੀ ਨੂੰ ਸਾਂਭ ਕੇ ਰੱਖਣ ਦੇ ਅਰਸੇ ਦਾ ਮੁਲਾਂਕਣ ਕਰਨ ਲਈ ਅਸੀਂ ਪਹਿਲਾਂ ਧਿਆਨ ਨਾਲ ਇਸਦੀ ਪੜਚੋਲ ਕਰਦੇ ਹਾਂ ਕਿ ਕੀ ਇਕੱਠੇ ਕੀਤੇ ਨਿੱਜੀ ਡੇਟਾ ਨੂੰ ਸਾਂਭਣਾ ਲੋੜੀਂਦਾ ਹੈ, ਜੇ ਹਾਂ, ਤਾਂ ਨਿੱਜੀ ਜਾਣਕਾਰੀ ਨੂੰ ਕਾਨੂੰਨੀ ਤੌਰ ‘ਤੇ ਮਾਨਤਾ ਪ੍ਰਾਪਤ ਘੱਟ ਤੋਂ ਘੱਟ ਸਮੇਂ ਲਈ ਸਾਂਭਣ ਦਾ ਕੰਮ ਕਰੋ।

Apple ਵੱਲੋਂ ਇਕੱਤਰ ਕੀਤੀ ਗਈ ਜਾਣਕਾਰੀ ਨੂੰ ਹਮੇਸ਼ਾਂ Apple ਦੀ ਪਰਦੇਦਾਰੀ ਨੀਤੀ ਦੇ ਅਨੁਸਾਰ ਵਰਤਿਆ ਜਾਵੇਗਾ। ਇਸ ਨੂੰ www.apple.com/in/privacy ’ਤੇ ਦੇਖਿਆ ਜਾ ਸਕਦਾ ਹੈ।

2025-12-12